2023

Deputy Chief minister Ashwathanarayan visits Kukke Subramanya Kshetra ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಲ್ಯಗ್ ಉಪಮುಖ್ಯಮಂತ್ರಿ ಅಶ್ವಥ್ ನಾರಾಯಣ್ ಭೇಟಿ

ಸುಬ್ರಹ್ಮಣ್ಯ: ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಲ್ಯಗ್ ರಾಜ್ಯದ ಉಪಮುಖ್ಯಮಂತ್ರಿ, ಉನ್ನತ ಶಿಕ್ಷಣ, ಕೌಶಲ್ಯಾಭಿವೃದ್ಧಿ, ಉದ್ಯಮಶೀಲತೆ, ಜೀವನೋಪಾಯ ಇಲಾಖೆದ ಸಚಿವೆರ್ ಡಾ.ಅಶ್ವಥ್ ನಾರಾಯಣ್ ಸಿ.ಎನ್. ಅಂಗಾರೆ ಕುಟುಂಬ ಸಮೇತರಾದ್ ಭೇಟಿ ಕೊರ್ದು ದೇವೆರೆಗ್ ಆಶ್ಲೇಷ ಬಲಿ ಬೊಕ್ಕ ಪಂಚಾಮೃತ ಮಹಾಭಿಷೇಕದ ಸೇವೆನ್ ಸಂದಾಯೆರ್.

ಮೆರೆನ್ ದೇವಲ್ಯದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಮೋಹನರಾಂ ಸುಳ್ಳಿ ಎದ್ಕೊನಿಯೆರ್. ಬೊಕ್ಕ ಸಚಿವೆರ್ ಪ್ರಸಾದ ಭೋಜನ ಸ್ವೀಕಾರ ಮಲ್ತೆರ್. ಅರೆನೊನೊಟ್ಟಿಗೆ ಬೊಡೆದಿ ಶೃತಿ ಅಶ್ವಥ್ ನಾರಾಯಣ್, ಮಗಲ್ ಆಕಾಂಕ್ಷ, ಮಗೆ ಅಮೋಘ್, ಮೆಗ್ಯೆ ಸತೀಶ್ ಇತ್ತೆರ್. ಉಪಮುಖ್ಯಮಂತ್ರಿಲು ದೆವಲ್ಯಡ್ ಸೇವೆ ಸಂದಾಯಿನ ಬೊಕ್ಕ ದೇವಲ್ಯದ ಪ್ರಧಾನ ಅರ್ಚಕೆರ್ ಸೀತಾರಾಮ ಎಡಪಡಿತ್ತಾಯ ಮೇರ್ ಉಪಮುಖ್ಯಮಂತ್ರಿಲೆಗ್ ಶಾಲ್ ಪೊದೆಪಾದ್ ಶ್ರೀ ದೇವೆರೆನ ಮಹಾಪ್ರಸಾದನ್ ಕೊರಿಯೆರ್.

ಈ ಪೊರ್ತುಡು ದೇವಲ್ಯದ ಸಹಾಯಕ ಕಾರ್ಯ ನಿರ್ವಹಣಾಧಿಕಾರಿ ಪುಷ್ಪಲತಾ ರಾವ್, ವ್ಯವಸ್ಥಾಪನಾ ಸಮಿತಿ ಸದಸ್ಯೆರ್ ಪ್ರಸನ್ನ ದರ್ಬೆ, ಶೋಭಾ ಗಿರಿಧರ್, ಮಾಸ್ಟರ್ ಪ್ಲಾನ್ ಸಮಿತಿದ ಸದಸ್ಯೆರ್ ಮನೋಜ್ ಸುಬ್ರಹ್ಮಣ್ಯ, ಮೀನುಗಾರಿಕಾ ನಿಗಮದ ಅಧ್ಯಕ್ಷೆರ್ ಎ.ವಿ. ತೀರ್ಥರಾಮ, ಗ್ರಾ.ಪಂ.ಸದಸ್ಯೆರ್ ಭಾರತಿ ದಿನೇಶ್, ಲೋಕೋಪಯೋಗಿ ಅಭಿಯಂತರ ಪ್ರಮೋದ್ ಕುಮಾರ್, ದೇವಲ್ಯದ ಶಿಷ್ಠಾಚಾರ ಅಧಿಕಾರಿ ಜಯರಾಮ ರಾವ್, ಕೆ.ಎಂ.ಗೋಪಿನಾಥ್ ನಂಬೀಶನ್, ಪ್ರಮೋದ್ ಕುಮಾರ್ ಎಸ್, ನವೀನ್, ಸುಬ್ರಹ್ಮಣ್ಯ ಠಾಣಾಧಿಕಾರಿ ಮಂಜುನಾಥ್ ಎಸ್.ಟಿ, ಮುರಳೀಧರ್, ಎಎಸ್‌ಐ ಕರುಣಾಕರ್ ಇತ್ತೆರ್.

ವರದಿ: ಗೋಪಿಚಂದನ್ ಕೆ.ಎಸ್

March 19 th: Inauguration program of Mother India former students Pratisthan Mumbai ಮಾ.19: ಬೊಂಬೈ ಮದರ್ ಇಂಡಿಯಾ ಮಾಜಿ ವಿದ್ಯಾರ್ಥಿಲೆನ ಪ್ರತಿಷ್ಠಾನದ ಉದಿಪನ ಲೇಸ್

ಬೊಂಬೈ ಮದರ್ ಇಂಡಿಯಾ ಮಾಜಿ ವಿದ್ಯಾರ್ಥಿಲೆನ ಪ್ರತಿಷ್ಠಾನ (ರಿ.) ನೆತ್ತ ಉದಿಪನ ಲೇಸ್ ಮಾ.19 ಐತಾರ ಅಂಧೇರಿದ MVM ದ ಶಾಲಿನಿ ಜಿ. ಶಂಕರ್ ಕನ್ವೆನ್ಷನ್ ಸೆಂಟರ್ ದ 1 ನೇ ಮಾಲಿಗೆಡ್ ನಡಪರೆ ಉಂಡು.

ಮಧ್ಯಾಹ್ನ 3.30 ಕ್ಕ್ ಸಾಂಸ್ಕೃತಿಕ ನೃತ್ಯಲು, ಬೊಕ್ಕ ಮನೋಹರ್ ಶೆಟ್ಟಿ ನಂದಳಿಕೆ ನಿರ್ದೇಶನದ, ಬೊಂಬೈ ರಂಗಮಿಲನ ಕೂಟದಕ್ಲೆರ್ದ್ “ದಾದನ ಉಂಡುಗೆ” ತುಳು ನಾಟಕ ನಡಪರೆ ಉಂಡು.

ಈ ಲೇಸ್ ದ ಗುರ್ಕಾರ್ಮೆನ್ ಮಾತೃ ಭಾರತ ಮಾಜಿ ವಿದ್ಯಾರ್ಥಿಲೆನ ಪ್ರತಿಷ್ಠಾನದ ಸುರೇಂದ್ರ ಪೂಜಾರಿ ಒಯಿಸೊನ್ವೆರ್. ಮಲ್ಲ ಬಿನ್ನೆರಾದ್ ಶೆಫ್ ಟಾಕ್ ಫುಡ್ & ಹಾಸ್ಪಿಟಾಲಿಟಿ ಸರ್ವಿಸ್ ಪ್ರೈ. ಲಿ. ದ ಮಾಲಿಕೆರ್ ಗೋವಿಂದ ಬಿ. ಪೂಜಾರಿ ಬರಿಯೆರೆ ಉಲ್ಲೆರ್. ಗೌರವ ಉಪಸ್ಥಿತಿಡ್ ಶಿವ ಸಾಗರ್ ಹೋಟೆಲ್ಸ್ & ರೆಸಾರ್ಟ್ಸ್ ಪ್ರೈ. ಲಿ.ದ ಮಾಲಿಕೆರ್ ಎನ್ ಟಿ ಪೂಜಾರಿ, ಹರೇಕೃಷ್ಣ ಫೌಂಡೇಶನ್ ದ ಮ್ಯಾನೇಜಿಂಗ್ ಟ್ರಸ್ಟಿ ಕರುಣಾಕರ ಪುತ್ರನ್, ಗಂಸೋಲಿ ಶ್ರೀ ಮೂಕಾಂಬಿಕಾ ದೇವಲ್ಯದ ಅಧ್ಯಕ್ಷೆರ್, ಧರ್ಮದರ್ಶಿ ಅಣ್ಣಿ ಸಿ. ಶೆಟ್ಟಿ, ಬೊಂಬೈ ಬಂಟ್ಸ್ ಅಸೋಸಿಯೇಷನ್ ದ ಮಾಜಿ ಅಧ್ಯಕ್ಷೆರ್ ಶ್ಯಾಮ್ ಶೆಟ್ಟಿ, ಮುಲ್ಕಿ ಬಿಲ್ಲವ ಮಹಾಮಂಡಲದ ಉಪಾಧ್ಯಕ್ಷೆರ್ ಸೂರ್ಯಕಾಂತ್ ಜಯ ಸುವರ್ಣ, ಸಾನ್ವಿ ಸ್ಟಾರ್ ಹಾಸ್ಪಿಟಾಲಿಟಿ ಪ್ರೈ. ಲಿ. ಮಾಲಿಕೆರ್ ಬೊಕ್ಕ ಮದರ್ ಇಂಡಿಯಾ ಮಾಜಿ ವಿದ್ಯಾರ್ಥಿಲೆನ ಪ್ರತಿಷ್ಠಾನದ ಉಪಾಧ್ಯಕ್ಷೆರ್ ಸಂತೋಷಕುಮಾರ ಶೆಟ್ಟಿ, ಲೋಟಸ್ (ಅಂತರರಾಷ್ಟ್ರೀಯ) ಫ್ರೈಟ್ ಎಕ್ಸ್‌ಪ್ರೆಸ್ ಪ್ರೈವೇಟ್ ಲಿಮಿಟೆಡ್ ದ ಮಾಲಿಕೆರ್ ಮಹಾಬಲ ದೇವಾಡಿಗ, ಜಯ ಶ್ರೀಕೃಷ್ಣ ಪರಿಸರ ಪ್ರೇಮಿ ಸಮಿತಿದ ಅಧ್ಯಕ್ಷೆರ್ ಎಲ್ ವಿ ಅಮೀನ್, ವಿರಾರ್-ನಾಲಸೋಪರ ಕರ್ನಾಟಕ ಸಂಸ್ಥೆದ ಅಧ್ಯಕ್ಷೆರ್ ಗುರುಸ್ವಾಮಿ ಸದಾಶಿವ ಎ ಕರ್ಕೇರ, ಭಾರತೀಯ ಬ್ಯಾಂಕ್ ಮಾಜಿ ಮುಖ್ಯ ವ್ಯವಸ್ಥಾಪಕೆರ್ ಮಾಧವ ಎನ್ ಪೂಜಾರಿ, ಟಿ.ವಿ ಧಾರಾವಾಹಿ ಬೊಕ್ಕ ಚಲನಚಿತ್ರ ನಟಿ ಕಾಜೋಲ್ ಗಣೇಶ್ ಕುಂದರ್ ಪಾಲ್ ಪಡೆಯೆರೆ ಉಲ್ಲೆರ್ ಪಂದ್ ಉಪಾಧ್ಯಕ್ಷೆರ್ ರಾಮದಾಸ್ ಎಚ್. ನಾಯಕ್, ಉಮೇಶ್ ಶೆಟ್ಟಿ, ಯಶವಂತ್ ಎನ್ ಪೂಜಾರಿ, ಕಾರ್ಯಕ್ರಮ ಸಮಿತಿದ ಅಧ್ಯಕ್ಷೆರ್
ಸದಾನಂದ ಶೆಟ್ಟಿ, ಸಂಗ್ರಹ ಸಮಿತಿದ ಅಧ್ಯಕ್ಷೆರ್ ಮಂಜುನಾಥ್ ಎಂ ಪೂಜಾರಿ ಲೆಪ್ಪೋಲೆಡ್ ತೆರಿಪಾದೆರ್.

19 th: Inauguration program of Mother India former students Pratisthan Mumbai

Mumbai : The Inauguration of Mother India former students Pratisthan (R) Mumbai will be held on March 19 th.

March 12 th: Drudha Kalashabhisheka at Shri Mahalingeshwara Mahaganapathi temple, Pavanje ಮಾ.12: ಪಾವಂಜೆ ಶ್ರೀ ಮಹಾಲಿಂಗೇಶ್ವರ ಮಹಾಗಣಪತಿ ದೇವಲ್ಯಡ್ ದೃಢಕಲಶ ಅಭಿಷೇಕ

ಮುಲ್ಕಿ: ತುಳುನಾಡ ಕೈಲಾಸ ಪುಗರ್ತೆದ ಪಾವಂಜೆ ಶ್ರೀ ಮಹಾಲಿಂಗೇಶ್ವರ ಮಹಾಗಣಪತಿ ದೇವಲ್ಯಡ್ ಇಂಚೊಗು ಬ್ರಹ್ಮಕಲಶ ಆದ್ ಅಯಿರ್ದ್ ಬೊಕ್ಕದ ವಿಧಿತ್ತ ಪ್ರಕಾರ ದೃಢಕಲಶ ಅಭಿಷೇಕದ ಲೇಸ್ ಮಾ.12 ಐತಾರ ಬೊಲ್ಪುಗು 8 ಗಂಟೆಗ್ ನಡಪರೆ ಉಂಡು.

ಶ್ರೀ ಮಹಾಲಿಂಗೇಶ್ವರ ಸಾನಿಧ್ಯಡ್ ಬೊಲ್ಪುಗು 101 ಕಲಶ ಪ್ರಧಾನ ಹೋಮ, ಪ್ರಾಯಶ್ಚಿತ್ತ ಹೋಮ, ಶ್ರೀ ಮಹಾಗಣಪತಿ ಸಾನಿಧ್ಯಡ್ 25 ಕಲಶ ಪ್ರಧಾನ ಹೋಮ, ಗಣಯಾಗ, ಶ್ರೀ ರಕ್ತೇಶ್ವರೀ ಗುಡಿಟ್ಟ್ ನವಕಲಶ ಪ್ರಧಾನ ಹೋಮ, ನಾಗದೇವೆರೆಗ್ ಕಲಶಾಭಿಷೇಕ, ಮಧ್ಯಾಹ್ನ ಮಹಾಪೂಜೆ ಆದ್ ಅನ್ನಸಂತರ್ಪಣೆ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಸಿರಿಮುಡಿ ಗಂಧ ಪ್ರಸಾದ ದೆತೊಂದು ಶ್ರೀ ಮಹಾಲಿಂಗೇಶ್ವರ ಮಹಾಗಣಪತಿ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್, ಸದಸ್ಯೆರ್ ಬೊಕ್ಕ ಜೀರ್ಣೋದ್ಧಾರ ಬೊಕ್ಕ ಬ್ರಹ್ಮಕಲಶ ಉಚ್ಚಯ ಸಮಿತಿದ ಅಧ್ಯಕ್ಷೆರ್ ಬೊಕ್ಕ ಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

Young talent Kumari Susmita Nanil honoured ಯುವ ಪ್ರತಿಭೆ ಕು.ಸುಷ್ಮಿತಾ ನಾನಿಲ್ ಗ್ ಮಾನಾದಿಗೆ

ಕರ್ನಾಟಕ ಸ್ಟೇಟ್ ಟೈಲರ್ಸ್ ಅ‌ಸೋಸಿಯೇಶನ್ ಪಡ್ಡೆದ್ರ ವಲಯ ಮೊಕುಲು ಮಾ.5 ಕ್ಕ್ ನಡಪಾಯಿನ “ಸ್ನೇಹ ಸಹಮಿಲನ” ಲೇಸ್ ಡ್ ಬಹುಮುಖ ಪ್ರತಿಭೆ ಸುಷ್ಮಿತಾ ನಾನಿಲ್ ಮೆರೆಗ್ ಮಾನಾದಿಗೆ ಮಲ್ತೆರ್ .

ಪುಗರ್ತೆದ ಫೊಟೊಗ್ರಾಫರ್ ಸತೀಶ್ ನಾನಿಲ್ ಬೊಕ್ಕ ಸುಜಾತ ಯಸ್ ನಾನಿಲ್ ಮೊಕ್ಲೆನ ಮಗಲಾಯಿನ ಕು. ಸುಷ್ಮಿತಾ ಯಸ್ ನಾನಿಲ್ ಮೇರ್ ಸುರತ್ಕಲ್ ಗೋವಿಂದ ದಾಸ ಕಾಲೇಜ್ ಡ್ ತೃತೀಯ ಬಿ.ಕಾಂ. ಕಲ್ತೊಂದು ಉಲ್ಲೆರ್. ಎಲ್ಯಿರ್ದೇ ಪ್ರತಿಭಾವಂತ ಕಲಾವಿದೆಯಾದ್ ಕುಡ್ಲ, ಬೆಂಗ್ಲೂರ್, ಬೊಂಬೈ, ಮೈಸೂರ್ ಇಂಚ ಸುಮಾರ್ ಕಡೆಟ್ಟ್ ಸಾಂಸ್ಕೃತಿಕ ವೈವಿಧ್ಯಮಯ ಲೇಸ್ ಲೆನ್ ಕೊರ್ದು ಮಸ್ತ್ ಪ್ರಶಸ್ತಿನ್ ಪಡೆತೆರ್.

ಇತ್ತೆ ಮೇರ್ ಸುರತ್ಕಲ್ ಲಿಯೋ ಸಂಸ್ಥೆಡ್ ಕೋಶಾಧಿಕಾರಿಯಾದ್ ಉಲ್ಲೆರ್. ಯುವವಾಹಿನಿ (ರಿ.) ಹಳೆಯಂಗಡಿ, ಯುವತಿ ಮಂಡಲ, ರಾಷ್ಟ್ರೀಯ ಸೇವಾ ಯೋಜನೆ ಇಂಚ ಸಂಘ ಸಂಸ್ಥೆಲೆಡ್ ಸೇವೆ ಸಂದಾವೊಂದು ಉಲ್ಲೆರ್. ಕಟಪಾಡಿಡ್ ನಡತಿನ ಯುವವಾಹಿನಿ ಅಂತರ್ ಘಟಕ ಪಂತೊ “ಡೆನ್ನಾನ ಡೆನ್ನನ-2022” ಡ್ ವೈಯಕ್ತಿಕ ವಿಭಾಗದ “ಛಾಯಾ ಚಿತ್ರ ಪಂತೊ” ಡ್ ಸುರುತ ಪ್ರಶಸ್ತಿ, ಸಾಂಸ್ಕೃತಿಕ ವೈವಿಧ್ಯಮಯ ಪಂತೊಡು “ರನ್ನರ್ ಆಫ್” ಪ್ರಶಸ್ತಿ ಪಡೆತೆರ್.

ಭರತನಾಟ್ಯ, ಯಕ್ಷಗಾನ, ಕೊಳಲು, ನಾಟಕ, ಭಜನೆ, ಫೋಟೋಗ್ರಫಿ, ಕ್ರೀಡಾ ಕೂಟ, ನಲಿಕೆ ಭಜನೆ, ಜಾನಪದ ನೃತ್ಯ, ಅತ್ತಂದೆ ಮಾತ ರೀತಿದ ನೃತ್ಯ ಪ್ರಾಕಾರಲೆನ್ ತೆರಿನಾರ್. ಅಂಚನೆ ತುಳು ಲಿಪಿ ಪರೀಕ್ಷೆನ್ ಮುಗಿತ್ ದ್ 94% ಮಾರ್ಕ್ ಪಡೆದ್ ‘ತುಳುನಾಡ ಮಾಣಿಕ್ಯ’ ಅರವಿಂದ್ ಬೋಳಾರ್ ಮೆರೆರ್ದ್ ಪ್ರಶಸ್ತಿ ಪಡೆತೆರ್. ಶಾಲೆ-ಕಾಲೇಜ್ ಲೆಡ್ ನಡಪುನ ಛದ್ಮವೇಷ, ಸಾಂಸ್ಕೃತಿಕ ವೈವಿಧ್ಯಮಯ ಪಂತೊಲೆಡ್ ಪಾಲ್ ಪಡೆದ್ ಮಸ್ತ್ ಪ್ರಶಸ್ತಿನ್ ಪಡೆಯಿನಾರ್.

Young talent Kumari Susmita Sanil honoured

The Karnataka state Tailors Association, Padubidri unit organized a meet ” Sneha Sahamilana” on March 5 th. Multi talented Susmita Sanil was honoured on the occasion.

Susmita is a bubbling personality with interests in Bharatanatyam, Yakshagana, flute , theatre, Bajan singing, photography and the like. She has cleared her Tulu script writing exams in flying colours and has been awarded the title ” Tulunadu Manikya”.
She is presently the treasurer of Leo club , Suratkal unit and is active in various organisations like Yuva vahini, Rastriya Seva Yojan and many others. She has won many awards in different categories of cultural events.

Series of accidents on the Bangalore – Mysore Expressway – More than 84 persons dead in the last six months !! ಉದಿಪನರ್ದ್ ದುಂಬೇ ಬೆಂಗ್ಲೂರು-ಮೈಸೂರು ಎಕ್ಸ್ ಪ್ರೆಸ್ ಹೇವೇಡ್ ಆಕ್ಸಿಡೆಂಟ್ ಆದ್ 6 ತಿಂಗೊಲುಡು 84 ಜನ ತೀರ್ ಪೋತೆರ್!

ಬೆಂಗ್ಲೂರ್: ರಾಜಬೂಡು ಬೆಂಗ್ಲೂರ್ ಬೊಕ್ಕ ಸಾಂಸ್ಕೃತಿಕ ನಗರಿ ಮೈಸೂರ್ ಇಪ್ಪುನ ಎಕ್ಸ್ ಪ್ರೆಸ್ ದಶಪಥ ಮಾರ್ಗನ್ ಮಾ.12 ಕ್ಕ್ ಉದಿಪನ ಮಲ್ಪರೆ ಪ್ರಧಾನಿ ಮೋದಿ ಬರ್ಪುನ ದುಂಬೇ ಈ ಮಾರ್ಗಡ್ ಕರಿನ 6 ತಿಂಗೊಲ್ಡ್ 84ಕ್ಕ್ ಎಚ್ಚ ಜನ ತೀರ್ ಪೋತೆರ್.

ಕುಂಬಲಗೋಡು-ನಿಡಘಟ್ಟ ಮುಟ್ಟದ ರಾಮನಗರ ವ್ಯಾಪ್ತಿಡ್ 110 ಆಕ್ಸಿಡೆಂಟ್ ಆದ್ 41 ಜನ ತೀರ್ ಪೋತೆರ್. ಮಂಡ್ಯ ವ್ಯಾಪ್ತಿಡ್ 225 ಆಕ್ಸಿಡೆಂಟ್ ಆದ್ 43 ಜನ, ಮೈಸೂರ್ ವ್ಯಾಪ್ತಿಡ್ 55 ಆಕ್ಸಿಡೆಂಟ್ ಆದ್ 10 ಜನ ತೀರ್ ಪೋತೆರ್. ಉಂದು ಸವಾರೆರ್ ಮಸ್ತ್ ಸ್ವೀಡಾದ್ ಪೋಪುನನೇ ಕಾರಣ ಪಂದ್ ತೆರಿದ್ ಬೈದ್ಂಡ್.

Series of accidents on the Bangalore – Mysore Expressway – More than 84 persons dead in the last six months !!

Bangalore: The new Bangalore Mysore ten lane expressway will be inaugurated on March 12 th by PM Narendra Modi. But the irony is even before it’s formal inaugration 84 persons have lost lives in accidents here in the past six months !!

Kiran Pai from Mangalore selected for national level sports meet ರಾಷ್ಟ್ರಮಟ್ಟದ ಕ್ರೀಡಾಕೂಟಗ್ ಕುಡ್ಲದ ಕಿರಣ್ ಪೈ ಆಯ್ಕೆ

ಕುಡ್ಲ: ಕೋಲಾರಡ್ ಐತಾರ ನಡತಿನ ರಾಜ್ಯಮಟ್ಟದ 41ನೇ ಮಾಸ್ಟರ್ಸ್‌ ಅಥ್ಲೆಟಿಕ್ಸ್‌ಡ್ ಮೂಜಿ ವಿಭಾಗಡ್ ಪದಕ ಗೆಂದಿನ ಕುಡ್ಲದ ಕಿರಣ್ ಪೈ ರಾಷ್ಟ್ರಮಟ್ಟದ ಕ್ರೀಡಾಕೂಟಗ್ ಆಯ್ಕೆ ಆತೆರ್.

35 ವರ್ಷೊದ ವಿಭಾಗದ ಡಿಸ್ಕಸ್ ಥ್ರೋ ಟ್ಟ್ ಬಂಗಾರ್, ಶಾಟ್‌ಪುಟ್ ಬೊಕ್ಕ ಜಾವೆಲಿನ್ ದಕ್ಕುನೆಟ್ಟ್ ಕಂಚಿದ ಪದಕ ಗೆಂದ್ ದೆರ್. ಅತ್ತಂದೆ ಕರಿನ ನವೆಂಬರ್‌ಡ್ ಕುಡ್ಲಡ್ ನಡತಿನ ಜಿಲ್ಲಾ ಮಟ್ಟದ ಮಾಸ್ಟರ್ಸ್‌ ಅಥ್ಲೆಟಿಕ್ಸ್‌ಡ್ ಮೆರೆಗ್ ಹ್ಯಾಮರ್ ದಕ್ಕುನೆಟ್ಟ್ ಬಂಗಾರ್, ಡಿಸ್ಕಸ್ ಥ್ರೋ ಟ್ಟ್ ಬೊಳ್ಳಿ, ಜಾವೆಲಿನ್‌ಡ್ ಕಂಚಿದ ಪದಕ ಪಡೆತೆರ್. ಮೇರ್ ಕುಡ್ಲ ವಿಜಯವಾಣಿ ಪತ್ರಿಕೆದ ಸಿಬ್ಬಂದಿ.

Kiran Pai from Mangalore selected for national level sports meet

Mangalore: At the state level 41st Masters Athletics; held in Kolar Kiran Pai from Mangalore who won medals in three categories has been selected for the nationals.

Afghanistan experiences an earthquake of 4.7 intensity on the Richter scale ಅಫ್ಘಾನಿಸ್ತಾನಡ್ 4.7 ಬಿರ್ಸ್ ದ ಭೂಕಂಪ

ಕಾಬೂಲ್: ಅಪ್ಘಾನಿಸ್ತಾನಡ್ ಭೂಕಂಪದ ಬಿರ್ಸ್ ರಿಕ್ಟರ್ ಮಾಪಕಡ್ 4.7ದಾತ್ ದಾಖಲ್ ಆತ್ಂಡ್.

ಅಪ್ಘಾನಿಸ್ತಾನದ ಪಯಾಝ್ ಬಾದ್ ದ ಕೈತಲ್ ಭೂಮಿ ನಡ್ಗಿನ ಅನುಭವ ಆತ್ಂಡ್‌. ಇನಿ ಬೊಲ್ಪುಗು 7.06ಕ್ಕ್ ಭೂಕಂಪ ಆತ್ಂಡ್. ಭೂಕಂಪನರ್ದ್ ಒವ್ವೇ ತೊಂದರೆ ಆಯಿನವು ಇದ ಮುಟ್ಟ ವರದಿ ಆತಿಜಿ.

March 11 th: Vijaya Sankalpa yatra in Puttur ಮಾ.11: ಪುತ್ತೂರ್ ಡ್ ವಿಜಯ ಸಂಕಲ್ಪ ಯಾತ್ರೆ

ಪುತ್ತೂರ್: ಮಾರ್ಚ್ 11 ಕ್ಕ್ ಬಯ್ಯಗ್ 5 ಗಂಟೆಗ್ ಪುತ್ತೂರ್ ದ ಶ್ರೀ ವೆಂಕಟರಮಣ ದೇವಲ್ಯದ ಕೈತಲ್ ದ ಮೈದಾನಡ್ ಬಿಜೆಪಿದ ವಿಜಯ ಸಂಕಲ್ಪ ಯಾತ್ರೆ ನಡಪರೆ ಉಂಡು ಪಂದ್ ಪುತ್ತೂರ್ ಬಿಜೆಪಿ ಗ್ರಾಮಾಂತರ ಮಂಡಲದ ಅಧ್ಯಕ್ಷೆರ್ ಸಾಜ ರಾಧಾಕೃಷ್ಣ ಆಳ್ವ ಪಂಡೆರ್.

ಪುತ್ತೂರ್ ಪ್ರೆಸ್ ಕ್ಲಬ್ ಡ್ ನಡತಿನ ಪತ್ರಿಕಾಗೋಷ್ಠಿಡ್ ಪಾತೆರ್ದ್ ಮೇರ್, ಬಿಜೆಪಿ ವಿಜಯ ಸಂಕಲ್ಪ ಯಾತ್ರೆ ಒಟ್ಟು ನಾಲ್ ಕೂಟದ ಮುಖೇನ ಪಿದಾಡಿಯೆರೆ ಉಂಡು. ಮಾ.1 ಕ್ಕ್ ಮಲೈ ಮಹಾದೇಶ್ವರ ಬೆಟ್ಟಡ್ ಬಿಜೆಪಿ ರಾಷ್ಟ್ರೀಯ ಅಧ್ಯಕ್ಷೆರ್ ಜೆ.ಪಿ.ನಡ್ಡಾ ವಿಜಯ ಸಂಕಲ್ಪ ಯಾತ್ರೆದ ಉದಿಪನ ಮಲ್ತೆರ್. ನೆತ್ತ ಒಂಜಿ ಕೂಟ ಮಾರ್ಚ್ 11 ಕ್ಕ್ ಪುತ್ತೂರ್ ಎತ್ತಿಯೆರೆ ಉಂಡು.ಈ ಕೂಟಡ್ ಬಿಜೆಪಿ ರಾಜ್ಯ ಮುಖಂಡೆರ್ ಆರ್.ಆಶೋಕ್, ಕೆ.ಎಸ್.ಈಶ್ವರಪ್ಪ, ಸುನಿಲ್ ಕುಮಾರ್, ಕೋಟ ಶ್ರೀನಿವಾಸ ಪೂಜಾರಿ, ಎಸ್.ಅಂಗಾರ ಉಲ್ಲೆರ್. ಅಂಚನೆ ಪ್ರತೀ ಬೂತ್ ರ್ದ್ 100 ಜನತ್ತಂಚನೆ ಜನ ಬರಿಯೆರೆ ಉಲ್ಲೆರ್. ಒಟ್ಟು 20 ಸಾರದಾತ್ ಸಾರ್ವಜನಿಕೆರ್ ಈ ಲೇಸ್ ಡ್ ಪಾಲ್ ಪಡೆಪೆರ್ ಪಂದ್ ಪಂಡೆರ್.