2023

8 th annual festival and pooja rituals at Shri Jagadamba temple, Dombivali ಇನಿ ಡೊಂಬಿವಲಿ ಶ್ರೀ ಜಗದಂಬಾ ಮಂದಿರಡ್ ಶನೀಶ್ವರ ಪೂಜೆ, 8 ನೇ ವಾರ್ಷಿಕ ಉಚ್ಚಯ

ಡೊಂಬಿವಲಿ ಶ್ರೀ ಜಗದಂಬಾ ಮಂದಿರಡ್ 8 ನೇ ವಾರ್ಷಿಕ ಉಚ್ಚಯ ಮಾ.11-13 ಮುಟ್ಟ ನಡಪರೆ ಉಂಡು.

ಶಂಕರ ನಾರಾಯಣ ತಂತ್ರಿಲೆನ ಮುತಾಲಿಕೆಡ್ ವೈದಿಕ, ಧಾರ್ಮಿಕ ವಿಧಿ ವಿಧಾನ ನಡಪರೆ ಉಂಡು. ಮಾ.11 ಸನಿಯಾರ ಬೊಲ್ಪುಗು ಸಾಮೂಹಿಕ ಪ್ರಾರ್ತನೆ, ತೋರಣ ಮೂರ್ತ, 12 ತಾರಾಯಿದ ಮಹಾಗಣಪತಿ ಹೋಮ, ಭಜನೆ, ಸಾಮೂಹಿಕ ಸತ್ಯನಾರಾಯಣ ಪೂಜೆ, ರಂಗಸ್ಥಳ ಉದಿಪನ ಆವರೆ ಉಂಡು. ಮಧ್ಯಾಹ್ನ ಶನೀಶ್ವರ ಪೂಜೆ, ಶ್ರೀ ಜಗದಂಬಾ ಮಂದಿರದ ಸದಸ್ಯೆರೆರ್ದ್ ಯಕ್ಷಗಾನ ಶೈಲಿಡ್ ಗ್ರಂಥ ಪಾರಾಯಣ ನಡಪರೆ ಉಂಡು. ಶ್ರೀ ಶನಿದೇವೆರೆನ ಕಲಶ ಪ್ರತಿಷ್ಠೆನ್ ಸುರೇಶ್ ಟಿ. ಅಂಚನ್ ಮಲ್ಪರೆ ಉಲ್ಲೆರ್. ಬೊಕ್ಕ ಪಲ್ಲಪೂಜೆ, ಅನ್ನಸಂತರ್ಪಣೆ ನಡಪರೆ ಉಂಡು. ಬಯ್ಯಗ್ ದುರ್ಗಾನಮಸ್ಕಾರ, ಲಲಿತ ಸಹಸ್ರ ನಾಮಾರ್ಚನೆ, ಕುಂಕುಮಾರ್ಚನೆ, ಮಹಾಪೂಜೆ, ಮಹಾಮಂಗಳಾರತಿ, ಅನ್ನಸಂತರ್ಪಣೆ ನಡಪರೆ ಉಂಡು.

ಮಾ.12 ಐತಾರ ಬೊಲ್ಪುಗು 25 ಕಲಶಾರಾಧನೆ, ಪ್ರಧಾನ ಹೋಮ, ಪಂಚಾಮೃತ ಅಭಿಷೇಕ, ಮಧ್ಯಾಹ್ನ ಉಚ್ಚಯ ಬಲಿ, ಪಲ್ಲಕ್ಕಿ ಉಚ್ಚಯ, ಕಟ್ಟೆಪೂಜೆ, ಶೋಭಾಯಾತ್ರೆ, ಪಲ್ಲಪೂಜೆ, ಅನ್ನಸಂತರ್ಪಣೆ ನಡಪರೆ ಉಂಡು. ಬಯ್ಯಗ್ ಮಂದಿರದ ಎದುರುಡ್ ಕಾಂಕ್ರೀಟ್ ಆಯಿನ ಮಾರ್ಗದ ಬೊಕ್ಕ ಪೊಸತ್ ನಿರ್ಮಾಣ ಆಯಿನ ಶೌಚಾಲಯದ ಉದಿಪನ ಆವರೆ ಉಂಡು. ಈ ಪೊರ್ತುಡು ಶಿವಸೇನಾ ಸೌತ್ ಸೆಲ್ ದ ಪದಾಧಿಕಾರಿ ಅನುಪಮ ಶೆಟ್ಟಿ, ಸುಭಾಷ್ ಶೆಟ್ಟಿ, ಜಯ ಪೂಜಾರಿ, ಸಂಸದೆರ್ ಡಾ‌. ಶ್ರೀಕಾಂತ್ ಏಕನಾಥ್ ಶಿಂಧೆ, ದೇವಲ್ಯದ ಅಧ್ಯಕ್ಷೆರ್, ಗೌರವಾಧ್ಯಕ್ಷೆರ್, ಸರ್ವ ಪದಾಧಿಕಾರಿಲು, ಕಾರ್ಯಕಾರಿ ಸಮಿತಿದ ಸರ್ವಸದಸ್ಯೆರ್, ಮಹಿಳಾ ವಿಭಾಗದ ಸರ್ವಸದಸ್ಯೆರ್ ಪಾಲ್ ಪಡೆಯೆರೆ ಉಲ್ಲೆರ್. ಬಯ್ಯಗ್ ಪೊಸತ್ ರಂಗಸ್ಥಳಟ್ ಸುರುತ ಸೇವೆದ ಆಟ ಯಕ್ಷಗುರು ಮನೋಜ್ ಕುಮಾರ್ ಪೆಜಮಾಡಿ ಮೆರೆನ ಮುತಾಲಿಕೆಡ್ ಕೈತಲ್ ದ ಕಲಾವಿದೆರೆರ್ದ್ ಶಾಂಭವಿ ವಿಜಯ ಯಕ್ಷಗಾನ ನಡಪರೆ ಉಂಡು.

ಮಾ.13 ಸೋಮಾರ ಬೊಲ್ಪುಗು ನವಕಲಶಾರಾಧನೆ, ಪ್ರಧಾನ ಹೋಮ, ಕಲಶಾಭಿಷೇಕ, ಮಹಾಪೂಜೆ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್ ಶ್ರೀ ದೇವಿನ ಕೃಪೆಗ್ ಪಾತ್ರರಾವೊಡು ಪಂದ್ ದೇವಲ್ಯದ ಆಡಳಿತ ಮಂಡಳಿದ ಅಧ್ಯಕ್ಷೆರ್ ದಿವಾಕರ್ ರೈ, ಗೌರವಾಧ್ಯಕ್ಷೆರ್ ಹರಿಶ್ಚಂದ್ರ ಡಿ. ಶೆಟ್ಟಿ, ಶನಿಪೂಜಾ ಸಮಿತಿ, ಮಹಿಳಾ ವಿಭಾಗ, ಯುವವಿಭಾಗ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

8 th annual festival and pooja rituals at Sri Jagadamba temple, Dombivli

The 8 th annual festivites at Sri Jagadamba temple Dombivli will be held from March 11 th to 13 th under the guidance of Shankar Narayan Tantri.

” Krishiyah Kushi” program by the Karnataka Rajya Raitha Sangha, Karkala unit on March 12 th ಮಾ.12: ಕರ್ನಾಟಕ ರಾಜ್ಯ ರೈತ ಸಂಘ, ಕಾರ್ಲ ತಾಲೂಕ್ ಘಟಕದ ವತಿರ್ದ್ ಕೃಷಿಯೇ ಖುಷಿ ಲೇಸ್

ಕಾರ್ಲ: ಕರ್ನಾಟಕ ರಾಜ್ಯ ರೈತ ಸಂಘ, ಕಾರ್ಲ ತಾಲೂಕ್ ಘಟಕದ ವತಿರ್ದ್ ಕೃಷಿಯೇ ಖುಷಿ ರೈತ ಸಮಾವೇಶ ಬೊಕ್ಕ ಮನೋರಂಜನಾ ಲೇಸ್ ಮಾ.12 ಐತಾರ ಬಯ್ಯಗ್ ಕಾರ್ಲದ ಪುಲ್ಕೇರಿ ಫ್ರೆಂಡ್ಸ್ ಕ್ಲಬ್‌ ಡ್ ನಡಪರೆ ಉಂಡು.

ಬಯ್ಯಗ್ ರೈತ ಸಮುದಾಯದ ಜೋಕುಲೆರ್ದ್ ನೃತ್ಯ, ಸಭಾ ಲೇಸ್, ಪೆರಿಯ ಕೃಷಿ ಸಾಧಕೆರೆಗ್ ತಮ್ಮನ ಬೊಕ್ಕ ಪ್ರತಿಭಾವಂತ ಅರ್ಹ ಕಲ್ಪಾರ್ಥಿಲೆಗ್ ಅಭಿನಂದನೆ ನಡಪರೆ ಉಂಡು. ರಾತ್ರೆ ನಟೆ ರವೀಂದ್ರ ಶಾಂತಿ ಪುಲ್ಕೇರಿ ಮೆರೆನ ಸಹಕಾರಡ್, ಚಿತ್ರನಟಿ ಲೀಲಾವತಿ ಪೊಸಲಾಯಿ ಮೆರೆನ ಮುತಾಲಿಕೆಡ್, ಕಾರ್ಲದ ಸಿಂಧೂರ ಕಲಾವಿದೆರ್ ಮೊಕ್ಲೆರ್ದ್ ಪನೊಡಿತ್ತ್ಂಡ್…!? ತುಳು ನಾಟಕ ನಡಪರೆ ಉಂಡು ಕರ್ನಾಟಕ ರಾಜ್ಯ ರೈತ ಸಂಘ, ಕಾರ್ಲ ತಾಲೂಕ್ ಘಟಕದ ತಾಲೂಕ್ ಅಧ್ಯಕ್ಷೆರ್ ಆರ್ ವಲೇರಿಯನ್ ಲೋಬೊ, ಉಪಾಧ್ಯಕ್ಷೆರ್ ದಿನೇಶ್ ಕೋಟ್ಯಾನ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

KPCC working president R Dhruva Narayan passes away due to a heart attack ತಿಗಲೆ ಬೇನೆಡ್ ತೀರ್ ಪೋಯೆರ್ ಕೆಪಿಸಿಸಿ ಕಾರ್ಯಾಧ್ಯಕ್ಷೆರ್ ಆರ್‌.ಧ್ರುವನಾರಾಯಣ

ಮೈಸೂರ್: ಕೆಪಿಸಿಸಿ ಕಾರ್ಯಾಧ್ಯಕ್ಷೆರ್, ಮಾಜಿ ಸಂಸದೆರ್, ಕೆಪಿಸಿಸಿ ಒಡಿಪು ಜಿಲ್ಲಾ ಉಸ್ತುವಾರಿ ಆರ್‌.ಧ್ರುವನಾರಾಯಣ (61) ಮೇರ್ ತಿಗಲೆ ಬೇನೆಡ್ ತೀರ್ ಪೋಯೆರ್.

ಮೇರ್ ಮೈಸೂರ್ ಡ್ ತೀರ್ ಪೋಯೆರ್ ಪಂದ್ ವರದಿ ಆತ್ಂಡ್. 1983ಟ್ ಒಂಜಿ ಸಾಮಾನ್ಯ ಕಾರ್ಯಕರ್ತೆ ಆದ್ ಕಾಂಗ್ರೆಸ್ ಪಕ್ಷ ಸೇರಿನ ಮೇರ್ ಬೊಕ್ಕ ಪಕ್ಷದ ನಾಯಕೆ ಆಯೆರ್.2004ಟ್ ಸಂತೇಮರಹಳ್ಳಿ ವಿಧಾನ ಸಭಾ ಕ್ಷೇತ್ರ ಬೊಕ್ಕ 2008ಟ್ ಕೊಳ್ಳೇಗಾಲ ವಿಧಾನಸಭಾ ಕ್ಷೇತ್ರರ್ದ್ ರಡ್ಡ್ ಸರ್ತಿ ಶಾಸಕೆರಾದಿತ್ತೆರ್. 1999ಟ್ ಸಂತೇಮರಹಳ್ಳಿ ಕ್ಷೇತ್ರದ ವೋಟುಡು ಎ.ಆರ್. ಕೃಷ್ಣಮೂರ್ತಿ ಮೆರೆನ ಎದುರು ಸೋತೆರ್. ಆಂಡ ಉಂದುವೇ ಕೃಷ್ಣಮೂರ್ತಿ ನ್ 2004 ಟ್ ವೋಟುಡ್ ಖಾಲಿ 1 ವೋಟ್ ಡ್ ಮೇರ್ ಸೋಪಾದಿನ ಇತಿಹಾಸ ಉಂಡು. ಅಂಚನೆ 2009 ಬೊಕ್ಕ 2014ಟ್ ಲೋಕಸಭಾ ಚುನಾವಣೆಡ್ ಕುಡ ಕೃಷ್ಣಮೂರ್ತಿ ನ್ ಸೋಪಾದ್ ಸಂಸದೆರಾಯೆರ್. ಬೆಂಗ್ಲೂರ್ ಕೃಷಿ ವಿಶ್ವವಿದ್ಯಾಲಯಡ್ ಕೃಷಿ ಪದವಿ ಬೊಕ್ಕ ಸ್ನಾತಕೋತ್ತರ ಪದವಿ ಪಡೆಯಿನ ಮೇರ್ ಮೂಲತಃ ವೃತ್ತಿಡ್ ಕೃಷಿಕೆರ್.

KPCC working president R Dhruva Narayan passes away due to a heart attack

Mysore: Former MP, KPCC working president R Dhruva Narayan (61) passed away due to a heart attack at Mysore.

JDS tickets cost one lakh rupees!! ಜೆಡಿಎಸ್ ಟಿಕೆಟ್ ಗ್ 1 ಲಕ್ಷ ರೂ.!

ಕಾಂಗ್ರೆಸ್ ಟಿಕೆಟ್ ದ ಆಸೆ ಇತ್ತಿನಕುಲು 2 ಲಕ್ಷ ರೂ. ಫೀಸ್ ನ್ ಫಿಕ್ಸ್ ಮಲ್ತ್ ದ್ ಇತ್ತ್ಂಡ್. ಇತ್ತೆ ಜೆಡಿಎಸ್ ಟಿಕೆಟ್ ಗ್ 1 ಲಕ್ಷ ರೂ. ಫೀಸ್ ಕೊರ್ದು ಟಿಕೆಟ್ ಅರ್ಜಿ ಪಡೆವೊಲಿ ಪಂದ್ ಪಂದ್ ವರದಿ ಆತ್ಂಡ್.

ಪರಿಶಿಷ್ಟ ಜಾತಿ ಬೊಕ್ಕ ಪಂಗಡದ ಅಭ್ಯರ್ಥಿಲೆಗ್ 50% ರಿಯಾಯಿತಿ ಉಂಡು. ಇತ್ತೆ ಘೋಷಣೆ ಆಯಿನ ಅಭ್ಯರ್ಥಿಲೆಗ್ಲಾ ಈ ನಿಯಮ ಅನ್ವಯ ಆಪುಂಡು ಪಂದ್ ರಾಜ್ಯಾಧ್ಯಕ್ಷೆರ್ ಸಿಎಂ ಇಬ್ರಾಹಿಂ ತೆರಿಪಾದೆರ್.

JDS tickets cost one lakh rupees!!

A report says one can apply for Congress ticket by paying two lakh rupees and a JDS ticket costs one lakh!!

Those belonging to backward class will get it at a discount of 50% and this rule applies to those who have already got the tickets also said state president of JDS C M Ibrahim.

March 13th-20 th: Annual Jatra at Shri Anantha Padmanabha temple, Perdoor ಮಾ.13-20:ಪೆರ್ಡೂರು ಶ್ರೀ ಅನಂತಪದ್ಮನಾಭ ದೇವಲ್ಯಡ್ ವರ್ಷಾಧಿದ ಜಾತ್ರೆ

ಶ್ರೀ ಕ್ಷೇತ್ರ ಪೆರ್ಡೂರು ಮಹತೋಭಾರ ಶ್ರೀ ಅನಂತಪದ್ಮನಾಭ ದೇವಲ್ಯಡ್ ವರ್ಷಾಧಿದ ಜಾತ್ರೆ ಮಾ.13-20 ಮುಟ್ಟ ನಡಪರೆ ಉಂಡು.

ಈ ದೇವಲ್ಯದ ಭೌತಿಕ ಉಚ್ಚಯ ಸಂಪ್ರದಾಯದಂಚನೆ ಕೊರಂಗ್ರಪಾಡಿ ಕೆ.ಜಿ ವಿಟ್ಠಲ ತಂತ್ರಿಲೆನ ಮುತಾಲಿಕೆಡ್ ನಡಪರೆ ಉಂಡು. ಪ್ರತಿದಿನಲ ಬೇತೆ ಬೇತೆ ವೈದಿಕ, ಧಾರ್ಮಿಕ ಲೇಸ್ ನಡಪರೆ ಉಂಡು. ಈ ಲೇಸ್ ಗ್ ಮಾತೆರ್ಲಾ ಬತ್ತ್ ದ್, ಪ್ರಸಾದ ದೆತೊಂದು ಶ್ರೀ ದೇವೆರೆನ ಕೃಪೆಗ್ ಪಾತ್ರರಾವೊಡು ಪಂದ್ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರ್ ಮಹೇಶ್ ಕುಮಾರ್ ಶೆಟ್ಟಿ ಪೈಬೆಟ್ಟು, ಕಾರ್ಯ ನಿರ್ವಹಣಾಧಿಕಾರಿ ಕೆ. ರಾಜಗೋಪಾಲ ಉಪಾಧ್ಯಾಯೆರ್ ಬೊಕ್ಕ ಸರ್ವಸದಸ್ಯೆರ್ ಲೆಪ್ಪೋಲೆಡ್ ತೆರಿಪಾದೆರ್.

Shri Durga Delicacy Hotel opened at Surendra Mansion, Bheltangady ಇನಿ ಬೊಲ್ತೇರ್ ಪೇಂಟೆದ ಸುರೇಂದ್ರ ಮ್ಯಾನ್ಶನ್ ಡ್ ಶ್ರೀ ದುರ್ಗಾ ಡೆಲಿಕೆಸಿ ಹೋಟೆಲ್ ಓಪನ್

ಬೊಲ್ತೇರ್ ಪೇಂಟೆದ ಸುರೇಂದ್ರ ಮ್ಯಾನ್ಶನ್ ಡ್ (ಮಾ.10) ಇನಿ ಶ್ರೀ ದುರ್ಗಾ ಡೆಲಿಕೆಸಿ ಹೋಟೆಲ್ ಓಪನ್ ಆಪುಂಡು.

ಧರ್ಮಸ್ಥಳದ ಧರ್ಮಾಧಿಕಾರಿ ಡಾ.ಡಿ‌. ವೀರೇಂದ್ರ ಹೆಗ್ಗಡೆ ಬೊಕ್ಕ ಹೇಮಾವತಿ ವೀ. ಹೆಗ್ಗಡೆ ಮೆರೆನ ಆಶೀರ್ವಾದದೊಟ್ಟಿಗೆ, ಈ ಹೋಟೆಲ್ ಸುರು ಆಪುಂಡು. ಈ ಲೇಸ್ ದ ಉದಿಪನನ್ ಶ್ರೀ ಕ್ಷೇತ್ರ ಧರ್ಮಸ್ಥಳದ ಡಿ. ಹರ್ಷೇಂದ್ರ ಕುಮಾರ್ ಮಲ್ಪುವೆರ್. ಮಲ್ಲ ಬಿನ್ನೆರಾದ್ ಬೊಲ್ತೇರ್ ಶಾಸಕೆರ್ ಹರೀಶ್ ಪೂಂಜ, ಮಾಜಿ ಶಾಸಕೆರ್ ಕೆ. ವಸಂತ ಬಂಗೇರ, ವಿಧಾನ ಪರಿಷತ್ ಸದಸ್ಯೆರ್ ಕೆ. ಹರೀಶ್ ಕುಮಾರ್, ಸುದ್ದಿ ಸಮೂಹ ಸಂಸ್ಥೆದ ಆಡಳಿತ ನಿರ್ದೇಶಕೆರ್ ಡಾ.ಯು ಪಿ ಶಿವಾನಂದ, ಬೊಲ್ತೇರ್ ಪಂಚಾಯತ್ ಸದಸ್ಯೆರ್ ರಜನಿ ಕುಡ್ವ ಬರಿಯೆರೆ ಉಲ್ಲೆರ್ ಪಂದ್ ಮಾಲಕೆರ್ ಯಶೋಧರ ಬಂಗೇರ ಬೊಕ್ಕ ಇಲ್ಲದಕುಲು ಲೆಪ್ಪೋಲೆಡ್ ತೆರಿಪಾದೆರ್.

An informative program on tap water connectivity ನಲ್ಲಿ ನೀರ್ ದ ಸಂಪರ್ಕದ ಬಗೆಟ್ ರೇಡಿಯೊ ಮಣಿಪಾಲ್ ಡ್ ಪೊಲಬು

ಮಣಿಪಾಲ: ರೇಡಿಯೊ ಮಣಿಪಾಲ್ 90.4 Mhz, ಡ್ ಗ್ರಾಮೀಣ ಪರ್ಪಿನ ನೀರ್ ಬೊಕ್ಕ ನೈರ್ಮಲ್ಯ ಇಲಾಖೆ ಬೆಂಗ್ಲೂರ್ ನೆತ್ತ ಮುತಾಲಿಕೆಡ್ ಶುದ್ಧ ಜಲ, ಸ್ವಚ್ಛ ನೆಲ, ಆರೋಗ್ಯವಾಗಿರಲಿ ಜೀವಸಂಕುಲ ಸರಣಿ ಲೇಸ್ ಮಾ.10 ಸುಕ್ರಾರ ಬಯ್ಯಗ್ 6 ಗಂಟೆಗ್ ನಲ್ಲಿ ನೀರ್ದ ಸಂಪರ್ಕರ್ದ್ ಆಪುನ ಪ್ರಯೋಜನದ ಬಗೆಟ್ ಪ್ರಸಾರ ಆಪುಂಡು.

ಈ ಲೇಸ್ ಡ್ ಹೆಬ್ರಿ ಗ್ರಾಮ ಪಂಚಾಯತ್ ದ ಪಂಚಾಯತ್ ಅಭಿವೃದ್ಧಿ ಅಧಿಕಾರಿ ಸದಾಶಿವ ಸರ್ವೇಗಾರ್ ಎಡ್ಮಡ್ಕ ಪಾಲ್ ಪಡೆಯೆರೆ ಉಲ್ಲೆರ್. ಮಾ.11 ಮಧ್ಯಾಹ್ನ 2 ಗಂಟೆಗ್ ಮರುಪ್ರಸಾರ ಆಪುಂಡು.

An informative program on tap water connectivity

Manipal: Radio Manipal 90.4Mhz; Rural drinking water and sanitation department Bangalore –will air a program on March 10th in the benifits of having drinking water connectivity.

State records first death due to H3N2 virus H3N2 ವೈರಸ್ ಗ್ ರಾಜ್ಯಡ್ ಸುರುತ ಸಾವು

ಬೆಂಗ್ಲೂರ್: 2020ತ ಮಾರ್ಚ್ ಬೊಕ್ಕ 2021 ಮುಟ್ಟ ಕೊರೊನಾ ಸೀಕ್ ಗ್ ಮಸ್ತ್ ಜನ ತೀರ್ ಪೋಯೆರ್. ಇತ್ತೆ ರಾಜ್ಯಡ್ ಈ ವರ್ಷ ಇಂಚಿಪ್ಪ ಹೆಚ್ 3 ಎನ್ 2 ವೈರಸ್ ಸೀಕ್ ಬೈದ್ಂಡ್. ಈ ಸೀಕ್ ರ್ದ್ ಹಾಸನ ಮೂಲದ ಅಜ್ಜೆರ್ (85) ತೀರ್ ಪೋತೆರ್.

ಉಂದು ಕರ್ನಾಟಕಡ್ ಸುರುತ ಸಾವು ಆತ್ಂಡ್. ಜ್ವರ, ಚಳಿ, ದೊಂಡೆ ಬೇನೆರ್ದ್ ನರೆಲೊಂದು ಇತ್ತಿನ ಮೇರ್ H3N2 ವೈರಸ್ ಸೀಕ್ ರ್ದ್ ತೀರ್ ಪೋತೆರ್ ಪಂದ್ ರಾಜ್ಯ ಆರೋಗ್ಯ ಇಲಾಖೆ ಆಯುಕ್ತೆರ್ ಮಾಧ್ಯಮಗ್ ತೆರಿಪಾದೆರ್. ಅತ್ತಂದೆ ಇತ್ತೆ ರಾಜ್ಯದ ಸುಮಾರ್ ಜಿಲ್ಲೆಲೆಡ್ H3N2 ವೈರಸ್ ಹೆಚ್ಚಾವೊಂದು ಉಂಡು. ಹಾಸನ ಜಿಲ್ಲೆಡ್ ಇಡೇ ಮುಟ್ಟ 6 ಜನಕ್ H3N2 ಸೋಂಕ್ ಉಂಡು ಪಂದ್ ಆಯುಕ್ತೆರ್ ತೆರಿಪಾದೆರ್.

14 people lost lives after a large ship sinks North African Sea ಉತ್ತರ ಆಫ್ರಿಕಾ ಕಡಲ್ ಡ್ ಮಲ್ಲ ಓಡ ಮುರ್ಕುದು 14 ಜನ ತೀರ್ ಪೋಯೆರ್

ಉತ್ತರ ಆಫ್ರಿಕಾದ ಟುನೀಶಿಯಾ ಕಡಲ್ ಡ್ ಮಲ್ಲ ಓಡ ಮುರ್ಕುದು 14 ಜನ ವಲಸಿಗೆರ್ ತೀರ್ ಪೋಯಿನ ಘಟನೆ ನಡತ್ಂಡ್.

ಈ ಪೊರ್ತುಡು ರಾಷ್ಟ್ರೀಯ ಗಾರ್ಡ್ ಕಾರ್ಯಾಚರಣೆದ ಮುಖೇನ 54 ಜನನ್ ಬಚಾವ್ ಮಲ್ದೆರ್. ಟುನೀಶಿಯಾದ ಮಧ್ಯ ಸ್ಫ್ಯಾಕ್ಸ್ ಪ್ರದೇಶದ ಮೆಡಿಟರೇನಿಯನ್ ಕಡಲ್ ರ್ದ್ 14 ಪುನನ್ ಮಿತ್ತ್ ಕನದೆರ್ ಪಂದ್ ನ್ಯಾಷನಲ್ ಗಾರ್ಡ್ ವಕ್ತಾರೆರ್ ತೆರಿಪಾದೆರ್. ಈ ಮಾತ ವಲಸಿಗೆರ್ ಆಫ್ರಿಕಾದ ಉಪ ಸಹಾರನ್ ರ್ದ್ ಬತ್ತಿನಕುಲು ಪಂದ್ ವರದಿ ಆತ್ಂಡ್.

14 people lost lives after a large ship sinks North African Sea

14 persons have died when a larg ship capsized near Tunisia in the North African Sea.
The national guards were able to rescue 54 persons. Sources say these people were migrants from Sahara in Africa.

Suraj Suvarna gets the best instructor award for talk on tool box safety ಸೂರಜ್ ಸುವರ್ಣ ಗ್ ಅತ್ಯುತ್ತಮ ಟೂಲ್ ಬಾಕ್ಸ್ ಟಾಕ್ ಸುರಕ್ಷತಾ ತರಬೇತುದಾರ ಪ್ರಶಸ್ತಿ

ONGC mrpl ಮಾ.6 ಕ್ಕ್ 52ನೇ ರಾಷ್ಟ್ರೀಯ ಸುರಕ್ಷತಾ ದಿನತ್ತ ಪೊರ್ತುಡು ಮಾತೆರೆಗ್ಲಾ ಬೇತೆ ಬೇತೆ ರೀತಿದ ಪಂತೊ ನಡಪಾಂಡ್.

ಆಯಿಟ್ ಸೂರಜ್ ಸುವರ್ಣ ಅತ್ಯುತ್ತಮ ಟೂಲ್ ಬಾಕ್ಸ್ ಟಾಕ್ ಸುರಕ್ಷತಾ ತರಬೇತುದಾರೆ ಪ್ರಶಸ್ತಿ 2023 ಟ್ ಸುರುತ ಇನಾಮುನ್ ಪಡೆಯೆರ್.

Suraj Suvarna gets the best instructor award for talk on tool box safety

On the occasion of the 52 nd National Safety day ONGC MRPL had organised competitions in related sectors.

Suraj Suvarna won the award of best instructor 2023 for his talk on tool box safety.