2022

ಡಿ.13: ನಿಡ್ಲೆ ಗ್ರಾಮ ಸೇವಾ ಸಮಿತಿದ ಮುತಾಲಿಕೆಡ್ 2ನೇ ವರ್ಷದ ಶ್ರೀದೇವಿ ಲಲಿತೋಪಖ್ಯಾನ ಆಟ

ನಿಡ್ಲೆ ಗ್ರಾಮ ಸೇವಾ ಸಮಿತಿದ ಮುತಾಲಿಕೆಡ್ ಬೊಕ್ಕ ಊರುದಕ್ಲೆನ ಸಹಕಾರಡ್ ಡಿ.13 ಅಂಗಾರೆದಾನಿ ಸರಕಾರಿ ಪ್ರೌಢ ಶಾಲೆ ನಿಡ್ಲೆದ ಮೈದಾನಡ್ ಪಾಡಿನ ಭವ್ಯ ರಂಗಮಂಟಪಡ್ ಯಕ್ಷಧ್ರುವ ಪಟ್ಲ ಸತೀಶ್ ಶೆಟ್ಟಿ ಸಾರಥ್ಯಡ್ 2ನೇ ವರ್ಷದ ಶ್ರೀದೇವಿ ಲಲಿತೋಪಖ್ಯಾನ ಆಟ ನಡಪರೆ ಉಂಡು.

ಈ ಆಟ ಶ್ರೀ ಜ್ಞಾನಶಕ್ತಿ ಸುಬ್ರಹ್ಮಣ್ಯಸ್ವಾಮಿ ಕೃಪಾಪೋಷಿತ ಯಕ್ಷಗಾನ ಮಂಡಳಿ ನಾಗವೃಜ ಕ್ಷೇತ್ರ ಪಾವಂಜೆ, ಕುಡ್ಲ ಮೊಕುಲು ಬಯ್ಯಗ್ 6:30 ರ್ದ್ 12:30 ಮುಟ್ಟ ನಡಪಾದ್ ಕೊರಿಯೆರೆ ಉಲ್ಲೆರ್ ಪಂದ್ ನಿಡ್ಲೆ ಗ್ರಾಮ ಸೇವಾ ಸಮಿತಿ ಬೊಕ್ಕ ಊರುದಕುಲು ಲೆಪ್ಪೋಲೆಡ್ ತೆರಿಪಾದೆರ್.

ಡಿ.17: ಮಾಜಿ ಶಾಸಕೆರ್ ವಸಂತ ಬಂಗೇರ ಮೇರ್ನ ಜೀವನ ಕತೆತ್ತ ಬೂಕು “ವಸಂತ ವಿನ್ಯಾಸ” ಬುಡುಗಡೆ

ಬೊಲ್ತೇರ್: ಬೊಲ್ತೇರ್ ಜೈ ಪ್ರಕಾಶನ ಸಂಸ್ಥೆದ ಮುತಾಲಿಕೆಡ್ ವಸಂತ ವಿನ್ಯಾಸ ಬೂಕು ಬುಡುಗಡೆ ಲೇಸ್ ಡಿ.17ಕ್ ಶನಿಯಾರ ಮಧ್ಯಾಹ್ನ 12 ಗಂಟೆಗ್ ಬೊಲ್ತೇರ್ ಶ್ರೀ ಗುರುದೇವ ಪದವಿಪೂರ್ವ ಕಾಲೇಜ್ ದ ಚಾವಡಿಡ್ ನಡಪರೆ ಉಂಡು.

ಅರವಿಂದ ಚೊಕ್ಕಾಡಿ ಮೇರ್ ಬರೆಯಿನ ಮಾಜಿ ಶಾಸಕೆರ್ ಕೆ. ವಸಂತ ಬಂಗೇರ ಮೆರೆನ ವ್ಯಕ್ತಿತ್ವ ಚಿತ್ರಣದ ಈ ಬೂಕು ನ್ ವಿಧಾನಸಭೆತ ಪ್ರತಿಪಕ್ಷ ನಾಯಕೆರ್ ಸಿದ್ಧರಾಮಯ್ಯ ಮೇರ್ ಬುಡುಗಡೆ ಮಲ್ಪರೆ ಉಲ್ಲೆರ್. ಕಡೂರು ಮಾಜಿ ಶಾಸಕೆರ್ ವೈ.ಎಸ್ ವಿ. ದತ್ತ ಬೂಕುದ ಪೊಲಬು ಮಲ್ಪೆರೆ ಉಲ್ಲೆರ್. ಮಲ್ಲ ಬಿನ್ನೆರಾದ್ ಬಂಟ್ವಾಳ ರಾಣಿ ಅಬ್ಬಕ್ಕ ತುಳು ಅಧ್ಯಯನ ಕೇಂದ್ರದ ಗುರ್ಕಾರೆ ಡಾ.ತುಕಾರಾಮ ಪೂಜಾರಿ ಬರಿಯೆರೆ ಉಲ್ಲೆರ್. ಗೌರವ ಪಾಲ್ವಿಕೆಡ್ ಬೊಲ್ತೇರ್ ಮಾಜಿ ಶಾಸಕೆರ್ ಕೆ. ವಸಂತ ಬಂಗೇರ ಉಲ್ಲೆರ್. ಶುಭಾಶಂಸನೆನ್ ಕುಡ್ಲ ದಕ್ಷಿಣ ಕನ್ನಡ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ ಗೌರವ ಕಾರ್ಯದರ್ಶಿ ರಾಜೇಶ್ವರಿ ಚೇತನ್ ಕೊರಿಯೆರೆ ಉಲ್ಲೆರ್. ಬೊಕ್ಕ ಬೂಕುದ ಲೇಖಕೆರ್ ಅರವಿಂದ ಚೊಕ್ಕಾಡಿ ಪ್ರಾಸ್ತಾವಿಕ ಪಾತೆರ ಪಾತೆರಿಯೆರೆ ಉಲ್ಲೆರ್ ಪಂದ್ ವಸಂತ ವಿನ್ಯಾಸ ಬೂಕು ಉದಿಪನ ಲೇಸ್ ದ ಅಧ್ಯಕ್ಷೆರ್ ಎನ್. ಪದ್ಮನಾಭ ಮಾಣಿಂಜ, ಕಾರ್ಯದರ್ಶಿ ಪ್ರಭಾಕರ ಹೆಗ್ಡೆ ಹಟ್ಟಾಜೆಗುತ್ತು, ಬೊಕ್ಕ ಸ್ವಾಗತ ಸಮಿತಿದ ಸಂಚಾಲಕೆರ್ ಬೊಕ್ಕ ಬೊಲ್ತೇರ್ ಜೈಕನ್ನಡಮ್ಮ ವಾರಪತ್ರಿಕೆ ಸಂಪಾದಕೆರ್ ದೇವಿಪ್ರಸಾದ್ ಲೆಪ್ಪೋಲೆಡ್ ತೆರಿಪಾದೆರ್.

ಡಿ.20-21: ಕುಮಾರಮಂಗಲ ಶ್ರೀ ಸುಬ್ರಹ್ಮಣ್ಯ ಸ್ವಾಮಿ ದೇವಲ್ಯಡ್ ಶ್ರೀ ಅಯ್ಯಪ್ಪ ತಿರುವಿಳಕ್ಕು ಉಚ್ಚಯ

ಬೇಳ: ಕುಮಾರಮಂಗಲ ಶ್ರೀ ಸುಬ್ರಹ್ಮಣ್ಯ ಸ್ವಾಮಿ ದೇವಲ್ಯಡ್ ಶ್ರೀ ಅಯ್ಯಪ್ಪ ತಿರುವಿಳಕ್ಕು ಉಚ್ಚಯ ಡಿ.20 ಅಂಗಾರೆರ್ದ್ 21 ಬುಧಾರ ಮುಟ್ಟ ನಡಪರೆ ಉಂಡು.

ಡಿ.20 ಕ್ ನೀರ್ಚಾಲು ಶ್ರೀ ಕುಮಾರಸ್ವಾಮಿ ಭಜನಾ ಮಂದಿರರ್ದ್ ಹಸಿರುವಾಣಿ ಹೊರಕಾಣಿಕೆ ಮೆರವಣಿಗೆ ಬತ್ ದ್ ಉಗ್ರಾಣ ದಿಂಜಾಯೆರೆ. ಬೊಕ್ಕ ಡಿ.21 ಕ್ ಗಣಪತಿ ಹೋಮ, ದೀಪ ಪ್ರತಿಷ್ಠೆ-ಜ್ಯೋತಿಷ್ಯರತ್ನ ಶ್ರೀ ಪದ್ಮನಾಭ ಶರ್ಮ‌ ಇರಿಞಲಕುಡ, ಬೊಕ್ಕ ಭಜನೆ ಶ್ರೀ ಸುಬ್ರಹ್ಮಣ್ಯ ಭಜನಾ ಸಂಘ ಕುಮಾರಮಂಗಲ, ಶ್ರೀ ದೇವಿ ಮಹಿಳಾ ಭಜನಾ ಸಂಘ ಸೀತಾಂಗೋಳಿ, ಶ್ರೀ ಧರ್ಮಸ್ಥಳ ಭಜನಾ ಸಂಘ ನೀರ್ಚಾಲು ಮೊಕ್ಲೆರ್ದ್ ನಡಪುಂಡು. ಬೊಕ್ಕ ಶರಣಂವಿಳಿ, ಮಹಾಪೂಜೆ, ಅನ್ನಪ್ರಸಾದ, ಬೊಕ್ಕ ಯಕ್ಷಭಾರತಿ (ರಿ.) ನೀರ್ಚಾಲು ಮೊಕ್ಲೆರ್ದ್ ಯಕ್ಷಗಾನ ತಾಳಮದ್ದಳೆ, ಬೊಕ್ಕ ನೀರ್ಚಾಲು ಧರ್ಮಶಾಸ್ತ ಭಜನಾ ಮಂದಿರರ್ದ್ ಸುರು ಆದ್, ಕುಮಾರಮಂಗಲ ದೇವಲ್ಯಗ್ ಪಾಲೆಕೊಂಬು ಮೆರವಣಿಗೆ ಬರಿಯೆರೆ ಉಂಡು. ಬೊಕ್ಕ ಡಾ/ ವಾಣಿಶ್ರೀ ಕಾಸ್ರೋಡು ಗಡಿನಾಡ ಕನ್ನಡತಿ ಮುತಾಲಿಕೆಡ್ ಗಡಿನಾಡ ಕನ್ನಡ ಸಾಹಿತ್ಯ ಸಂಸ್ಕೃತಿಕ ಸಂಘ(ರಿ.) ಕಾಸ್ರೋಡು ಮೊಕ್ಲೆರ್ದ್ ಸಾಹಿತ್ಯಗಾನ ನೃತ್ಯ ವೈಭವ, ಆಯಿರ್ದ್ ಬೊಕ್ಕ ಮಹಾಪೂಜೆ, ಭಜನಾಮೃತ, ಭಜನಾ ಸಂಘ ಕಾಸ್ರೋಡು ಮೊಕ್ಲೆರ್ದ್ ಅಯ್ಯಪ್ಪ ಗೀತೆ, ಬೇಟೆವಿಳಿ, ತಾಲಪೊಲಿ, ಅಗ್ನಿಪೂಜೆ, ಬೊಕ್ಕ ತಿರುವುಯಿಚ್ಚಲ್, ಅಯ್ಯಪ್ಪ ವಾವರ್ ಯುದ್ಧ, ಬೊಕ್ಕ ದೀಪೋದ್ವಾಸನ, ಶರಣಂವಿಳಿ ನಡಪುಂಡು ಪಂದ್ ಶ್ರೀ ಸುಬ್ರಹ್ಮಣ್ಯ ಗುರುಸ್ವಾಮಿ ಬೊಕ್ಕ ಶಿಷ್ಯವೃಂದ, ಕುಮಾರಸ್ವಾಮಿ ಭಜನಾ ಸಂಘ ನೀರ್ಚಾಲು ಲೆಪ್ಪೋಲೆಡ್ ತೆರಿಪಾದೆರ್.

ಕಟಪಾಡಿಡ್ ಬೈಕ್ ಗುದ್ದುದು ತೀರ್ ಪೋಯೆರ್ ಮಾರ್ಗದ ಬರಿಟ್ಟ್ ಉಂತಿನ ವ್ಯಕ್ತಿ

ಕಾಪು: ರಾಜ್ಯ ಮಾರ್ಗ 66 ಟ್ ಇನಿ ಬೊಲ್ಪುಗು ಮಾರ್ಗ ಕಡಪರೆ ಉಂತುದಿತ್ತಿನ ಒರಿ ವ್ಯಕ್ತಿ ಬೈಕ್ ಗುದ್ದುದು ತೀರ್ ಪೋಯಿನ ಘಟನೆ ನಡತ್ಂಡ್.

ತೀರ್ ಪೋಯಿನಾರ್ ಕಟಪಾಡಿ ಏಣಗುಡ್ಡೆ ನಿವಾಸಿ ಸತೀಶ್ ಪಂದ್ ತೆರಿದ್ ಬೈದ್ಂಡ್. ಮೇರ್ ಮಾರ್ಗ ಕಡಪರೆ ಉಂತುದು ಇಪ್ಪುನ ಪೊರ್ತುಡು ಬೈಕ್ ಗುದ್ದುದುಂಡು. ನೇರ್ದ್ ಮಾರ್ಗಗ್ ಬೂರ್ದು ಪೆಟ್ಟಾಯಿನ ಮೆರೆನ್ ಒಡಿಪು ಜಿಲ್ಲಾಸ್ಪತ್ರೆಗ್ ಲೆತೊಂದು ಪೋನಗ ತೀರ್ ಪೋತೆರ್. ಈ ಬಗೆಟ್ ಕಾಪು ಪೊಲೀಸೆರ್ ಜಾಗೆಗ್ ಬತ್ ದ್, ಪರಿಶೀಲನೆ ನಡಪಾದೆರ್.

ಮುಲ್ಕಿ ಸೀಮೆ ಅರಸು ಕಂಬುಲದ ಲೆಪ್ಪೋಲೆ ಬುಡುಗಡೆ

ಮುಲ್ಕಿ: ಮುಲ್ಕಿ ಸೀಮೆದ ಅರಸು ಕಂಬುಲ ಡಿ.31 ಕ್ ನಡಪರೆ ಉಂಡು. ಈ ಲೇಸ್ ದ ಲೆಪ್ಪೋಲೆ ಬುಡುಗಡೆ ಲೇಸ್ ಅರಮನೆ ಬಸದಿಡ್ ನಡತ್ಂಡ್.

ಮುಲ್ಕಿ ಸೀಮೆದ ಅರಸೆರಾಯಿನ ಎಂ ದುಗ್ಗಣ್ಣ ಸಾವಂತ ಅರಸೆರೆನ ಮುತಾಲಿಕೆಡ್ ಇಸೇಸ ಪೂಜೆ ಆದ್, ಲೆಪ್ಪೋಲೆ ಬುಡುಗಡೆ ಮಲ್ತೆರ್. ಬೊಕ್ಕ ಮೇರ್ ಪಾತೆರ್ದ್, ಪುಗರ್ತೆದ ಮುಲ್ಕಿ ಸೀಮೆದ ಕಂಬುಲ ಡಿಸೆಂಬರ್ 31 ದಾನಿ ಗೌಜಿಡ್ ನಡಪರೆ ಉಂಡು. ಗ್ರಾಮೀಣ ಕ್ರೀಡೆಗ್ ಪ್ರೋತ್ಸಾಹ ಕೋರ್ದು ಯಶಸ್ವಿ ಮಲ್ಪೆರೆ ಬಿನ್ನಾಪು ಮಲ್ತೆರ್. ಜಾಗತಿಕ ಬಂಟರ ಸಂಘದ ಒಕ್ಕೂಟದ ಐಕಳ ಹರೀಶ್ ಶೆಟ್ರ್ ಪಾತೆರ್ದ್, ಕಂಬುಲಗ್ ಸಂಪೂರ್ಣ ಸಕಾಯ ಕೊರ್ಪೆ ಪಂದ್ ಪಂಡೆರ್. ಮುಲ್ಕಿ ಅರಸು ಕಂಬುಲ ಸಮಿತಿದ ಅಧ್ಯಕ್ಷೆರ್ ಕಿರಣ್ ಕುಮಾರ್ ಶೆಟ್ಟಿ ಕೋಲ್ನಾಡುಗುತ್ತು ಮಾಹಿತಿ ಕೊರ್ದು ಮಾತೆರ್ನಲ ಸಹಕಾರ ಕೇಂಡೆರ್. ಈ ಪೊರ್ತುಡು ಬಂಕಿ ನಾಯ್ಗೆರ್, ಗೌತಮ್ ಜೈನ್ ಮುಲ್ಕಿ ಅರಮನೆ, ಕಂಬುಲ ಸಮಿತಿದ ಕಾರ್ಯದರ್ಶಿ ಶ್ಯಾಮ್ ಪ್ರಸಾದ್, ಕೋಶಾಧಿಕಾರಿ ನವೀನ್ ಕುಮಾರ್, ಸಮಿತಿದ ಸದಸ್ಯೆರಾಯಿನ ಶಶೀಂದ್ರ ಸಾಲ್ಯಾನ್, ಉಮೇಶ್ ಪೂಜಾರಿ, ಕೃಷ್ಣ ಹೆಬ್ಬಾರ್, ಚಂದ್ರಶೇಖರ್ ಕಾಸಪ್ಪಯ್ಯರ ಮನೆ, ವಿನೋದ್ ಸಾಲ್ಯಾನ್ ಬೆಳ್ಳಾಯರು, ಮೋಹನ್ ಕೋಟ್ಯಾನ್, ಶಿಮಂತೂರು ಪುರುಷೋತ್ತಮ ತೋಕೂರು, ಕಿಶೋರ್ ಶೆಟ್ಟಿ ದೆಪ್ಪುಣಿಗುತ್ತು ರಮೇಶ್ ಸಾಲ್ಯಾನ್, ರವಿರಾಜ್ ಶೆಟ್ಟಿ ಜತ್ತ ಬೆಟ್ಟು, ಅಬ್ದುಲ್ ರಜಾಕ್ ಇತ್ತೆರ್.

ಕ್ಯಾಪ್ಟನ್ ಬ್ರಿಜೇಶ್ ಚೌಟ ಮುತಾಲಿಕೆಡ್ ನಡಪುನ ಕುಡ್ಲ ಕಂಬುಲದ ಅಟ್ಟಣೆದ ಸಭೆ

ಕುಡ್ಲ: ಕ್ಯಾಪ್ಟನ್ ಬ್ರಿಜೇಶ್ ಚೌಟ ಮುತಾಲಿಕೆಡ್ ನಡಪುನ 6ನೇ ವರ್ಷದ ಕುಡ್ಲ ಕಂಬುಲದ ಅಟ್ಟಣೆ ಸಭೆ ಡಿ.9 ಕ್ ಕುಡ್ಲದ ಜನತಾ ಡಿಲಕ್ಸ್ ಹೋಟೆಲ್ ದ ಸಭಾಭವನಡ್ ನಡತ್ಂಡ್.

ಸಭೆಟ್ಟ್ ವಿಧಾನ ಪರಿಷತ್ ಮಾಜಿ ಸದಸ್ಯೆರ್ ಕ್ಯಾಪ್ಟನ್ ಗಣೇಶ್ ಕಾರ್ಣಿಕ್ ಮೇರ್ ಮಾರ್ಗದರ್ಶನ ಕೊರಿಯೆರ್. ಈ ಪೊರ್ತುಡು ಜಿಲ್ಲಾ ಕಂಬುಲ ಸಮಿತಿದ ಪ್ರಮುಖೆರಾಯಿನ ಪಿ.ಆರ್.ಶೆಟ್ಟಿ, ವಿಜಯ ಕುಮಾರ್ ಕಂಗಿನಮನೆ, ಕುಡ್ಲ ಮಹಾನಗರ ಪಾಲಿಕೆ ಸದಸ್ಯೆರ್ ಕಿರಣ್ ಕುಮಾರ್ ಕೋಡಿಕಲ್, ಕುಡ್ಲ ಕಂಬುಲ ಸಮಿತಿದ ಬಾಲಣ್ಣ ಶೆಟ್ಟಿ, ಸುಜಿತ್ ಪ್ರತಾಪ್ ಇತ್ತೆರ್. ಸಭೆತ ಅಧ್ಯಕ್ಷತೆನ್ ಒಯಿಸೊಂದು ಇತ್ತಿ‌ನ ಕ್ಯಾಪ್ಟನ್ ಬ್ರಿಜೇಶ್ ಚೌಟ ಮೇರ್ ಕಂಬುಲ ಯಶಸ್ವಿಯಾದ್ ನಡಪರೆ ಮಲ್ಪೊಡಾಯಿನ ಕಾರ್ಯಲೆನ್ ತೆರಿಪಾಯೆರ್.

ಸಮಿತಿದ ಸಂಚಾಲಕೆರ್ ಸಚಿನ್ ಶೆಟ್ಟಿ ಸಾಂತ್ಯ ಎದ್ಕೊನಿಯೆರ್. ಈಶ್ವರ್ ಪ್ರಸಾದ್ ಶೆಟ್ಟಿ ಸೊಲ್ಮೆ ಸಂದಾಯೆರ್. ವರುಣ್ ಶೇಣವ ಲೇಸ್ ದ ಸುಧಾರಿಕೆ ಮಲ್ತೆರ್. ಬೊಕ್ಕ ಇಂಚಿಪ್ಪ ತೀರ್ ಪೋಯಿನ ಕೇಂದ್ರ ಅಲೆಮಾರಿ ನಿಗಮದ ಸದಸ್ಯೆರ್ ಭಾಸ್ಕರ್ ದಾಸ್ ಎಕ್ಕಾರ್, ಕಂಬುಲ ಸಮಿತಿದ ಸಲಹೆಗಾರೆರ್ ಗಣೇಶ್ ಶೆಟ್ಟಿ ಮೆರೆಗ್ ಶ್ರದ್ಧಾಂಜಲಿ ಸಂದಾಯೆರ್. ಲೋಕೇಶ್ ಶೆಟ್ಟಿ ಮೇರ್ ನುಡಿನಮನ ಸಂದಾಯೆರ್.