ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News

ಮದ್ಮೆದ ಇಲ್ಲಡ್ದು 4 ಕೋಟಿರ್ದುಲ ಮಿತ್ತುದ ಬಿಲೆತ ಪದ್ದೆಯಿ ಬಂಗಾರ್ ಕಂಡಿಯೆರ್

Sep 9, 2021

ಹಾಸನ: ಮದ್ಮೆದ ಇಲ್ಲಡ್ದು 4 ಕೋಟಿರ್ದುಲ ಮಿತ್ತುದ ಬಿಲೆತ ಪದ್ದೆಯಿ ಬಂಗಾರ್ ಕಂಡುದ್ ಪದ್ರಡ್ ಆಯಿನ ಘಟನೆ ಹಾಸನಡ್ ನಡತುಂಡು.

ಹಾಸನದ ರಿಂಗ್ ಮಾರ್ಗದ ಉದ್ಯಮಿ ರಘು ಇಂಬೆರ್ನ ಇಲ್ಲಡ್ ದುಂಬುದ ತಿಂಗಲ್ 1 ಬೊಕ್ಕ 2 ಡೆಕ್ ಮದ್ಮೆದ ಲೇಸ್ ನಡಪರ ಉಂಡು. ಆಯಿಕ್ಕಾದ್ ಬ್ಯಾಂಕ್ ಡ್ ಇತ್ತಿನ ಬಂಗಾರ್ ನ್ ದೆತ್ತುದು ಇಲ್ಲಗ್ ಕನದಿ ತ್ತೆರ್.

ರಘು ಇಂಬೆರ್ ಗ್ರಾನೈಟ್ ಉದ್ಯಮಿಯಾದಿತ್ತೆರ್. ಆರ್ನ ಬೆಲೆಡ್ ಬತ್ತಿನ ಕಾಸ್ ನ್ ಮದ್ಮೆದ ಖರ್ಚುಗ್ ಪಂದು ಇಲ್ಲಡ್ ದಿದಿತ್ತೆರ್. ಆಂಡ ಕೊಡೆ ಕತ್ತಲೆಗ್ ಬಾಕಿಲುನ್ ಹಾರೆರ್ದು ದರ್ತುದು ಉಲಾಯಿ ಬತ್ತುದು ಪದ್ದಯಿ ಬಂಗಾರ್ ನ್ ಪತ್ತೊಂದು ಪದ್ರಡ್ ಆತೆರ್.

ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ವಿಷದ ಉಚ್ಚು ಚುಚ್ಚಿದ್ ಯೋಧೆ ತೀರಿಯೆರ್

Sep 9, 2021

ಬಾಗಲಕೋಟೆ: ಉಚ್ಚು ಚುಚ್ಚಿನ ಪರಿಣಾಮ ಬೇಲೆಡ್ ಇತ್ತಿನ ಬಾಗಲಕೋಟೆದ ಯೋಧೆ ತೀರ್ ಪೊಯಿನ ಘಟನೆ ಜಮ್ಮು ಕಾಶ್ಮೀರಡ್ ನಡತುದುಂಡು.

ಬಾಗಲಕೋಟೆ ಜಿಲ್ಲೆದ ಬಾದಾಮಿ ತಾಲೂಕ್ ದ ಹಲಕುರ್ಕಿ ಗ್ರಾಮೊದ ಚಿದಾನಂದ ಚನ್ನಬಸಪ್ಪ (25) ತೀರ್ ಪೊಯಿನಾರ್. ಇಂಡಿಯನ್ ಆರ್ಮಿಡ್ ಕರೀನ 6 ವರ್ಷ 9 ತಿಂಗೊಲ್ ದಿಂಚಿ ಬೇಲೆ ಮಲ್ತೊಂದು ಇತ್ತೆರ್.

ಜಮ್ಮು ಕಾಶ್ಮೀರಡ್ ಬೇಲೆ ಮಲ್ತೊಂದು ಇಪ್ಪುನಗ ಬುಧವಾರ ರಾತ್ರಿ 8 ಗಂಟೆಗ್ ಉಚ್ಚು ಚುಚ್ಚಿದ್ ತೀರ್ ಪೊಯೆರ್.

ಎಲೆಕ್ಟ್ರಿಕ್ ಗಾಡಿ ದೆತೊಂನಕುಲೆಗ್ ಚೀಪೆ ಸುದ್ದಿ ಕೊರ್ನ ಇಂಧನ ಸಚಿವೆರ್ ಸುನೀಲ್ ಕುಮಾರ್

Sep 9, 2021

ಬೆಂಗ್ಳೂರ್, ಸೆ.9: ಮಸ್ತು ಸಂಖ್ಯೆಡ್ ಎಲೆಕ್ಟ್ರಿಕ್ ಗಾಡಿಲ್ ಬರ್ಪುನೆಡ್ದಾವರ ಎಲೆಕ್ಟ್ರಿಕ್ ರೀಜಾರ್ಜ್ ಸೆಂಟರ್ ಲೆನ್ ನನ ದುಂಬುದ ದಿನೊಟ್ ರಾಜ್ಯಾದ್ಯಂತ ಓಪನ್ ಆಯಾರೆ ಉಂಡು ರಾಜ್ಯದ ಇಂಧನ, ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಸಚಿವೆರ್ ಆಯಿನ ವಿ. ಸುನೀಲ್ ಕುಮಾರ್ ಪಂಡೆರ್.

ಮಲ್ಲೇಶ್ವರಂ ಬಿಜೆಪಿ ರಾಜ್ಯ ಕಾರ್ಯಾಲಯಡ್ ಪಾತೆರ್ದಿನ ಆರ್, ಎಲೆಕ್ಟ್ರಿಕ್ ಗಾಡಿದ ಸೌಕರ್ಯಗಾದ್ ಮಾತ ಜಿಲ್ಲಾ ಕೇಂದ್ರ, ಪ್ರವಾಸೋದ್ಯಮ ಕೇಂದ್ರಲೆಡ್ ರೀಜಾರ್ಜ್ ಕೇಂದ್ರ ನ್ ಒಪನ್ ಮಲ್ಪರೆ ಎಸ್ಕಾಂದಕುಲೆಗ್ ಪಂತೆರ್. ರಾಜ್ಯದ ಸರಕಾರಿ ಕಛೇರಿಡ್ ಪ್ರೀಪೇಯ್ಡ್ ಕರೆಂಟ್ ದ ಮೀಟರ್ ಲೆನ್ ದಿಯಾರ ಉಂಡು ಪಂದು ಪಂಡೆರ್.

ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜಕೀಯ ಸುದ್ದಿ | Political News ರಾಜ್ಯದ ಸುದ್ದಿ | State News

ದಲಿತೆರ್ ನ ಸಮುದಾಯದ ಅಭಿವೃದ್ಧಿಗ್ ಬಿಜೆಪಿ ಬದ್ಧವಾದುಂಡು ; ಸಚಿವೆರ್ ಕೋಟ ಶ್ರೀನಿವಾಸ್ ಪೂಜಾರ್ಲು

Sep 8, 2021

ಬೆಂಗ್ಳೂರ್: ದಲಿತೆರ್ನ ಸಮುದಾಯದ ಉನ್ನತಿ ಬೊಕ್ಕ ಪ್ರಗತಿಗಾದ್ ಸರ್ಕಾರ ಮಸ್ತು ಯೋಜನೆಲೆನ್ ಮಲ್ತೊಂದು ಉಂಡು. ಎಸ್‌ಸಿ ಸಮುದಾಯಡ್ ಬೆನ್ಪುನ ಕೈಕುಲೆಗ್ ಬೇಲೆ ಕೊರಡಾಪುಂಡು. ದಲಿತರ್ನ ಅಭಿವೃದ್ಧಿಗ್ ಬಿಜೆಪಿ ಬದ್ಧವಾದುಂಡು ಪಂದು ಸಚಿವೆರ್ ಆಯಿನ ಕೋಟ ಶ್ರೀನಿವಾಸ ಪೂಜಾರಿ ತೆರಿಪಾಯರ್.

ನಗರೊದ ಮಲ್ಲೇಶ್ವರಂ ಬಿಜೆಪಿ ರಾಜ್ಯ ಕಾರ್ಯಾಲಯ ಜಗನ್ನಾಥ ಭವನಡ್ ಇತ್ತಿನ ಸಂವಾದಡ್ ಪಾತೆರ್ದಿನ ಆರ್, ಬಸವರಾಜ ಬೊಮ್ಮಾಯಿ ಇಂಬೆರ್ನ ನೇತೃತ್ವಡ್ ಬಿಜೆಪಿ ರಾಜ್ಯ ಸರ್ಕಾರ ದಲಿತ ಸಮುದಾಯದ ಉನ್ನತಿಗ್ ಪ್ರಾಮಾಣಿಕವಾದ್ ಪ್ರಯತ್ನ ಮಲ್ತೊಂದು ಉಲ್ಲೆರ್. ದಲಿತೆರ್ ಬೊಕ್ಕ ಎಸ್ಸಿ ಸಮುದಾಯಕುಲೆಗ್ ಮಸ್ತು ಯೋಜನೆಲ್ ಬರ್ರ ಉಂಡು ಪಂದು ಪಂಡೆರ್.

ಅನುಶ್ರೀನ ಹೇರ್ ಟೆಸ್ಟ್ ದಾಯೆ ಮಲ್ತುಜೆರ್ ; ಇಂದ್ರಜಿತ್ ಲಂಕೇಶ್

Sep 8, 2021

ಬೆಂಗ್ಳೂರ್: ಸ್ಯಾಂಡಲ್ವುಡ್ ಡ್ರಗ್ಸ್ ಪ್ರಕರಣಗ್ ರಾಜಕೀಯ, ಚಿತ್ರರಂಗ, ಸಾಮಾಜಿಕ ಅಂಚನೆ ಮಸ್ತು ಆಯಾಮಲ್ ಉಂಡು. ನೆಟ್ ಅನುಶ್ರೀನ ಪುದರ್ ಲ ಇತ್ತೆ ಉಲ್ಲೇಖ ಆದುಂಡು. ಸಿಸಿಬಿ ಪೊಲೀಸೆರ್ ಬಂಧಿತೆರ್ ನ ಪುದರ್ ನ್ ಪಂದ್ ದಿತ್ತುಂಡಲ ದಾನೆ ಟೆಸ್ಟ್ ಮಲ್ತುಜೆರ್ ಪಂದು ಪತ್ರಕರ್ತೆರೆ ಅಂಚನೆ ಸಿನಿಮಾ ನಿರ್ದೇಶಕೆರ್ ಆಯಿನ ಇಂದ್ರಜಿತ್ ಲಂಕೇಶ್ ಪ್ರಶ್ನೆ ಮಲ್ತೆರ್.

‘‘ಸಿಸಿಬಿ ಪೊಲೀಸೆರ್ ಯೂರಿನ್, ಬ್ಲಡ್ ಸ್ಯಾಂಪಲ್ ಟೆಸ್ಟ್ ಮಲ್ತುಂಡ ಯಾರುಜಿ. ಕೂಜಲ್ ಸ್ಯಾಂಪಲ್ ದ ಟೆಸ್ಟ್ ಲ ಮಲ್ಪೊಡು. ಅಂಡ ಕೆಲವೆರೆಗ್ ಮಾತ್ರ ಈ ಟೆಸ್ಟ್ ನ್ ಮಲ್ತೊಂದುಲ್ಲೆರ್. ಸಿಸಿಬಿಡಕುಲೆಗ್ ರಾಜಕೀಯದಕುಲ್ನ ಒತ್ತಡ ಇತ್ತುಂಡ? ಪಂದು ಇಂದ್ರಜಿತ್ ಸಿಸಿಬಿ ಪೊಲೀಸೆರ್ನ ತನಿಖೆದ ವಿರುದ್ಧ ಆರೋಪನ್ ಮಲ್ತೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ಚೌತಿ ಪರ್ಬಗ್ 1000 ಹೆಚ್ಚುವರಿ ಬಸ್ ; ಎಲ್ಲೇ ಬೊಕ್ಕ ಎಲ್ಲಂಜಿ ಪರ್ಬದ ಲೆಕ್ಕಡ್ 1000 ಹೆಚ್ಚು ಬಸ್ ನ್ ರಾಜ್ಯ ರಸ್ತೆ ಸಾರಿಗೆ ಬುಡ್ಪುಂಡು

Sep 8, 2021

ಬೆಂಗ್ಳೂರ್: ಚೌತಿ ಪರ್ಬದ ಪ್ರಯುಕ್ತ ಇನಿ ಬೊಕ್ಕ ಎಲ್ಲೆ ರಾಜ್ಯೋದ ಮಸ್ತು ಭಾಗೊಲೆಗ್ 1000 ರಡ್ದು ಜಾಸ್ತಿ ಬಸ್ ಲೆನ್ ಪಾಡ್ಯರ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆ ನಿರ್ಧರಿಸುದುಂಡು.

ಸಪ್ಟೆಂಬರ್ 12 ದೆಡ್ದು ಬೊಕ್ಕ ರಾಜ್ಯ ಬೊಕ್ಕ ಬೇತೆ ರಾಜ್ಯದ ನಾನಾ ಭಾಗೊಲೆಗ್ ಬೆಂಗ್ಳೂರ್ ಡ್ದು ವಿಶೇಷ ಬಸ್ ಲ್ ಬರ್ರ ಉಂಡು.

ಬೆಂಗಳೂರ್ ದ ಕೆಂಪೇಗೌಡ ಬಸ್ ನಿಲ್ದಾಣಡ್ಡು ಧರ್ಮಸ್ಥಳ, ಕುಕ್ಕೆ ಸುಬ್ರಹ್ಮಣ್ಯ, ಶಿವಮೊಗ್ಗ, ಹಾಸನ, ಕುಡ್ಲ, ಕುಂದಾಪುರ, ಶೃಂಗೇರಿ ಈ ಜಾಗೊಲೆಗ್ ಮಸ್ತು ಬಸ್ ಲ್ ಎಲ್ಲೆಡ್ದು ಬೊಕ್ಕ ಪೊಯರೆ ಉಂಡು.

ಕಣ್ಣು ತೊಜಾoದಿನ ಪೊನ್ನಗ್ ಬಂಗಾರ್ದ ಪದಕ; ಪರಿಶ್ರಮಗ್ ಸಂದಿನ ಪ್ರತಿಫಲ

Sep 8, 2021

ಮೈಸೂರ್ : ಪಿರಿಯಾಪಟ್ಟಣ ತಾಲೂಕ್ ದ ರಾವಂದೂರು ಅಂಡಿತವಳ್ಳಿ ಗ್ರಾಮೊದ ಲತಾ ಎಚ್.ಎನ್. ಇಂಬೆರ್ ಎಂಎ ಕನ್ನಡ ವಿಷಯಡ್ ಬಂಗಾರ್ದ ಪದಕನ್ ದೆತೊಂಯೆರ್.

ಕೃಷಿಕೆ ನಾಗರಾಜು ಅಂಚನೆ ರಾಧಾ ದಂಪತಿಲ್ನ ಮಗಲ್ ಲತಾ ಇಂಬೆರ್ ಎಲ್ಯಡೆ ಕಣ್ಣುದ ದೃಷ್ಟಿನ್ ಕಳೆಯೊಂದಿತ್ತೆರ್. ಮಹಾರಾಣಿ ಕಾಲೇಜ್ ಡು ಬಿಎ ಮಲ್ತುದು ಆಯಿಬೊಕ್ಕ ಮಾನಸ ಗಂಗೋತ್ರಿಡ್ ಎಂಎ ಕನ್ನಡ ವಿಷಯನ್ ದೆತ್ತೊಂದು ಛಲ ಬುಡಂದೇ ಓದಿನ ಆರ್ ಇತ್ತೆ ಬಂಗಾರ್ದ ಪದಕಗ್ ಕೊರಳೊಡ್ಡುದೆರ್.

ಊರ್ದ ಸುದ್ದಿ Regional News ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ರಪಕ್ಕ ಸುದ್ದಿ Flash News ರಾಜಕೀಯ ಸುದ್ದಿ | Political News ರಾಜ್ಯದ ಸುದ್ದಿ | State News

ಕರೆಂಟ್ ಟ್ರಾನ್ಸ್ಫಾರ್ಮರ್ ಹಾಲಾಂಡ 24 ಗಂಟೆದ ಉಲಾಯಿ ಬದಲ್ ಮಲ್ಪೊಡು: ಇಂಧನ ಸಚಿವೆರ್ ಸುನೀಲ್ ಕುಮಾರ್

Sep 7, 2021

ಬೆಂಗ್ಳೂರ್: ರಾಜ್ಯೋದ ಮಾತ ವಿಭಾಗಡ್ ಟ್ರಾನ್ಸ್ ಫಾರ್ಮರ್ ಬ್ಯಾಂಕ್ ಮಲ್ಪುನ ಯೋಚನೆ ಉಂಡು. ಟಿಸಿ ಹಾಲಾಂಡ 24 ಗಂಟೆಟ್ ಬದಲ್ ಮಲ್ಪುಲೆ ಪಂದು ಇಂಧನ ಸಚಿವೆರ್ ಸುನೀಲ್ ಕುಮಾರ್ ಪಂಡೆರ್.

ಗ್ರಾಮ ಪಂಚಾಯತ್ ಮಟ್ಟೋಡ್ ಮಾತ ಇಲ್ಲಗುಲ ಕರೆಂಟ್ ದ ಸಂಪರ್ಕ ಕೊರ್ನಗ ಬೆಳಕು ಯೋಜನೆದ ಸ್ಥಳೀಯ ಸಂಸ್ಥೆದ NOC ಅಗತ್ಯ ಇಜ್ಜಿ ಪಂದು ಇಂಧನ ಅಂಚನೆ ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಸಚಿವೆ ಸುನೀಲ್ ಕುಮಾರ್ ತೆರಿಪಾಯೆರ್.

ಜೋಕಾಲಿ ಗೊಬ್ಬುನಗ ನಾಲಿಗ್ ಬಲ್ಲು ತಿಕ್ಕುದ್ ಬೂರ್ದು 8 ವರ್ಷದ ಆನು ಖಾಲಿ

Sep 7, 2021

ಹಾಸನ : ಜೋಕಾಲಿ ಗೊಬ್ಬೊoದಿಪ್ಪುನಗ ನಾಲೀಗ್ ಬಲ್ಲು ತಿಕ್ಕುದ್ ಆನೋರಿ ತೀರ್ ಪೊಯಿನ ಘಟನೆ ಹಾಸನ ಜಿಲ್ಲೆದ ಅರಸೀಕೆರೆ ತಾಲೂಕ್ ಡು ನಡತುದುಂಡು.

8 ವರ್ಷದ ಮನೋಜ್ ತೀರ್ ಪೊಯಿನಾರ್. ಬಾಲೆದ ಇಲ್ಲದಕುಲ್ ಕೃಷಿತ್ತ ಬೇಲೆಗ್ ಪಂದು ಬಾಲೆನ್ ಇಲ್ಲಡ್ ಬುಡ್ದು ಪೊದಿತ್ತೆರ್. ಅಪಗ ಇಲ್ಲಡ್ ಕಟ್ಟಿನ ಜೋಕಾಲಿಡ್ ಬಾಲೆ ಗೊಬ್ಬೊoದಿಪ್ಪುನಗ ನಾಲಿಗ್ ಬಲ್ಲು ತಿಕ್ಕುದ್ ಜಾಗೊಡೆ ತೀರ್ ಪೊತುಂಡು. ಈ ಪ್ರಕರಣ ಬಾಣವರ ಪೊಲೀಸ್ ಠಾಣೆಡ್ ದಾಖಲಾತುಂಡು.

ಗ್ಯಾಸ್ ದ ಬಿಲೆ ಹೆಚ್ಚಾಪುಂಡು ಕಮ್ಮಿಯಾಪುಂಡು ಆಯಿನ್ ತೂದು ಜನ ಓಟು ಪಾಡುನ ಅತ್ತು; ಈಶ್ವರಪ್ಪ

Sep 6, 2021

ಬೆಂಗಳೂರು: ಜನಕುಲ್ ಕೇವಲ ಅಭಿವೃದ್ಧಿನ್ ತೂದು ಓಟು ಪಾಡುಜೆರ್. ಅಭಿವೃದ್ಧಿದ ಒಟ್ಟುಗ್ ನಾಯಕತ್ವ, ಸಂಘಟನೆ, ಪಕ್ಷದ ಸಿದ್ದಾಂತನ್ ತೂದು ಓಟು ಪಾಡ್ವೆರ್. ಆಂಡ ಫಲನೇ ಇತ್ತೆದ ಪಾಲಿಕಾ ಚುನಾವಣೆದ ಫಲಿತಾಂಶ ಪಂದು ಗ್ರಾಮೀಣಾಭಿವೃದ್ಧಿ ಸಚಿವೆ ಕೆ.ಎಸ್.ಈಶ್ವರಪ್ಪ ಪಂಡೆರ್.

ಪಾಲಿಕಾ ಚುನಾವಣಾದ ಬಗೆಟ್ ಪಾತೆರ್ದಿನ ಆರ್, ಹುಬ್ಬಳ್ಳಿ ಬೊಕ್ಕ ಬೆಳಗಾವಿಡ್ ಬಿಜೆಪಿ ಗೆಂದುನ ಪಿಕ್ಸ್ ಆತುಂಡು. ಫಲಿತಾಂಶ ಒಂಜೇ ಬರ್ರ ಬಾಕಿ. ಜಗದೀಶ್ ಶೆಟ್ಟರ್, ಅರವಿಂದ ಬೆಲ್ಲದ, ಮುನೇನಕೊಪ್ಪ ಅಂಚನೆ ಸಿಎಂ ಬಸವರಾಜ ಬೊಮ್ಮಾಯಿ ಸೇರಿನಂಚೆ ಮಾತ ಬಿಜೆಪಿ ನಾಯಕೆರ್ ಹುಬ್ಬಳ್ಳಿದ ಜನಕುಲ್ನ ಸಮಸ್ಯೆಗೆ ಸ್ಪಂದಿಸಾವೆರ್. ಗ್ಯಾಸ್ ದ ಬಿಲೆ ಒರ ಹೆಚ್ಚಾಪುಂಡು ಒರ ಕಮ್ಮಿಯಾಪುಂಡು.ಆಂಡ ಜನಕುಲ್ ಆಯಿತ ಬಗೆಟ್ ನಿರ್ಣಯ ದೆತೊಂಜೆರ್ ಪಂದು ಪಂಡೆರ್

M	T	W	T	F	S	S
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News

ಮದ್ಮೆದ ಇಲ್ಲಡ್ದು 4 ಕೋಟಿರ್ದುಲ ಮಿತ್ತುದ ಬಿಲೆತ ಪದ್ದೆಯಿ ಬಂಗಾರ್ ಕಂಡಿಯೆರ್

ವಿಷದ ಉಚ್ಚು ಚುಚ್ಚಿದ್ ಯೋಧೆ ತೀರಿಯೆರ್

ಎಲೆಕ್ಟ್ರಿಕ್ ಗಾಡಿ ದೆತೊಂನಕುಲೆಗ್ ಚೀಪೆ ಸುದ್ದಿ ಕೊರ್ನ ಇಂಧನ ಸಚಿವೆರ್ ಸುನೀಲ್ ಕುಮಾರ್

ದಲಿತೆರ್ ನ ಸಮುದಾಯದ ಅಭಿವೃದ್ಧಿಗ್ ಬಿಜೆಪಿ ಬದ್ಧವಾದುಂಡು ; ಸಚಿವೆರ್ ಕೋಟ ಶ್ರೀನಿವಾಸ್ ಪೂಜಾರ್ಲು

ಅನುಶ್ರೀನ ಹೇರ್ ಟೆಸ್ಟ್ ದಾಯೆ ಮಲ್ತುಜೆರ್ ; ಇಂದ್ರಜಿತ್ ಲಂಕೇಶ್

ಚೌತಿ ಪರ್ಬಗ್ 1000 ಹೆಚ್ಚುವರಿ ಬಸ್ ; ಎಲ್ಲೇ ಬೊಕ್ಕ ಎಲ್ಲಂಜಿ ಪರ್ಬದ ಲೆಕ್ಕಡ್ 1000 ಹೆಚ್ಚು ಬಸ್ ನ್ ರಾಜ್ಯ ರಸ್ತೆ ಸಾರಿಗೆ ಬುಡ್ಪುಂಡು

ಕಣ್ಣು ತೊಜಾoದಿನ ಪೊನ್ನಗ್ ಬಂಗಾರ್ದ ಪದಕ; ಪರಿಶ್ರಮಗ್ ಸಂದಿನ ಪ್ರತಿಫಲ

ಕರೆಂಟ್ ಟ್ರಾನ್ಸ್ಫಾರ್ಮರ್ ಹಾಲಾಂಡ 24 ಗಂಟೆದ ಉಲಾಯಿ ಬದಲ್ ಮಲ್ಪೊಡು: ಇಂಧನ ಸಚಿವೆರ್ ಸುನೀಲ್ ಕುಮಾರ್

ಜೋಕಾಲಿ ಗೊಬ್ಬುನಗ ನಾಲಿಗ್ ಬಲ್ಲು ತಿಕ್ಕುದ್ ಬೂರ್ದು 8 ವರ್ಷದ ಆನು ಖಾಲಿ

ಗ್ಯಾಸ್ ದ ಬಿಲೆ ಹೆಚ್ಚಾಪುಂಡು ಕಮ್ಮಿಯಾಪುಂಡು ಆಯಿನ್ ತೂದು ಜನ ಓಟು ಪಾಡುನ ಅತ್ತು; ಈಶ್ವರಪ್ಪ

You Missed

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ