ರಾಜ್ಯದ ಸುದ್ದಿ | State News

ಅಫ್ಘಾನ್ ವಿದ್ಯಾರ್ಥಿಲೆಗು ಧೈರ್ಯ ದಿಂಜಾಯಿನ ಪೊಲೀಸ್

Aug 21, 2021

ಕುಡ್ಲ, ಆ.21: ಅಫ್ಘಾನಿಸ್ತಾನೊಡು ತಾಲಿಬಾನ್ ಅಟ್ಟಹಾಸ ಜಾಸ್ತಿ ಅವೊಂದುoಡು. ಈ ವಿಷಯಡ್ ಕುಡ್ಲಡು ಇಪ್ಪುನ ಅಫ್ಘಾನ್ ವಿದ್ಯಾರ್ಥಿಲೆಗ್ ಅಂಚನೇ ಜನಕುಲೆಗ್ ಕುಡ್ಲದ ಪೊಲೀಸ್ ಆಯುಕ್ತೆರಾಯಿನ ಎನ್. ಶಶಿಕುಮಾರ್ ಅಕುಲೆನ್ ಲೆತ್ತುದು ಧೈರ್ಯದ ಪಾತೆರ ಪಂಡೆರ್.

ಶನಿವಾರ ಕಮಿಷನರ್ ಕಚೇರಿಡು ಪಾತೆರ್ದಿನ ಆರ್, ಮಾತ ವಿದ್ಯಾರ್ಥಿಲೆಗ್ ಧೈರ್ಯಡು ಇಪ್ಪುಲೆ ಪಂಡೆರ್. 58 ವಿದ್ಯಾರ್ಥಿಲೆಡ್ 11 ವಿದ್ಯಾರ್ಥಿಲು ಅಫ್ಘಾನಿಸ್ತಾನೊಗು ಪೊಯೆರ್. ಒರಿನ 47 ವಿದ್ಯಾರ್ಥಿಲು ಮುಲ್ಪನೆ ಉಲ್ಲೆರ್.

ಅಫ್ಘಾನಿಸ್ತಾನೊಗು ಪೊದು ಬಾಕಿಯಾಯಿನ ವಿದ್ಯಾರ್ಥಿಲೆಗ್ ಶೈಕ್ಷಣಿಕ ಅಭ್ಯಾಸೊಲು ಮುಂದುವರಿಸಾವೊಡು ಅಂಚನೇ ಅಕುಲೆನ್ ಸರ್ಕಾರ ಇಡೆಗ್ ಬರ‍್ಪುಲೆಕ ಮಲ್ತುಂಡ ಸಹಾಯ ಆಪುಂಡು ಪಂದು ಪಂಡೆರ್.

ಉಡುಪಿದ ಸುದ್ದಿ | Udupi News ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ಆಗಸ್ಟ್ 23 ಜರ‍್ದು ಸಾಲೆಲು ಸುರು; ವಿದ್ಯಾರ್ಥಿ, ಪೋಷಕೆರೆಗ್ ಸಿಎಂ ಮಹತ್ವದ ಮಾಹಿತಿ

Aug 21, 2021

ಬೆಂಗಳೂರು ಆ.21 : ಕೊರೊನಾ ಆತೊಂಕದ ಮಧ್ಯೊಲ ಕರ್ನಾಟಕಡು ಆಗಸ್ಟ್ 23 ಜೆರ‍್ದು ಸುರುತ ಹಂತೊದ ಸಾಲೆನು ಸುರು ಮಲ್ಪರೆ ರಾಜ್ಯ ಸರ್ಕಾರ ತಯಾರು ಮಲ್ತುದುಂಡು.

ಈ ವಿಷಯದ ಬಗ್ಗೆ ಪಾತೆರ್ದಿನ ಸಿಎಂ ಬಸವರಾಜ ಬೊಮ್ಮಾಯಿ, ಸರ್ಕಾರಿ ಅಂಚನೇ ಖಾಸಗಿ ಸಾಲೆ ಸುರು ಮಲ್ಪುನ ಬಗ್ಗೆ ಮಾರ್ಗಸೂಚಿ ಕೊರ‍್ತೆರ್. ಪೋಷಕೆರ‍್ನ ಸಮ್ಮತಿನು ದೆತೊಂಡು ಜೋಕುಲು ಒವ್ವೆ ರೀತಿದ ಪೋಡಿಗೆ ಇಜ್ಜಂದೆ ಶಾಲೆಗು ಬರೊಲಿ ಪಂದು ಪಂಡೆರ್.

ಹಂತ ಹಂತವಾದು ಸಾಲೆ ಆರೊಂಭಗು ಶಿಕ್ಷಣ ಇಲಾಖೆ ದುಂಬಾತುoಡು. ಶೇ. 2 ಡೆರ‍್ದು ಜಾಸ್ತಿ ಪಾಸಿಟಿವಿಟಿ ಪ್ರಮಾಣ ಇಪ್ಪುನ ಜಿಲ್ಲೆಯಾಯಿನ ದಕ್ಷಿಣ ಕನ್ನಡ, ಚಿಕ್ಕಮಂಗಳೂರು, ಕೊಡಗು, ಉಡುಪಿ, ಹಾಸನ ಈತು ಜಿಲ್ಲೆನು ಬುಡ್ದು ಬೇತೆ ಮಾತ ಕಡೆಟ್ 9 ರೆಡ್ದು 21ನೇ ತರಗತಿ ಮುಟ್ಟ ಸುರುತ ಹಂತೊದ ಸಾಲೆ ಸುರು ಆಯೆರ ಉಂಡು.

ಬಿಲೆ ಏರಿಕೆದ ಬಗ್ಗೆ ಕೆನ್ನಗ ಅಫ್ಘಾನಿಸ್ತಾನೊಗು ಪೋಲೆ ಪಂದು ಪಂಡಿನ ಬಿಜೆಪಿ ನಾಯೆಕೆ

Aug 20, 2021

ದಿಲ್ಲಿ ಆ.20 : ಇಂಧನದ ಬಿಲೆ ಜಾಸ್ತಿ ಆತುಂಡು ಪಂದು ಆಯ್ತ ಬಗ್ಗೆ ಕೆನ್ನಗ ತಾಲಿಬಾನ್ ಆಡಳಿತ ಇಪ್ಪುನ ಅಫ್ಘಾನಿಸ್ತಾನೊಗು ಪೋಲೆ ಪoದು ಬಿಜೆಪಿ ನಾಯೆಕೆ ಪಂಡಿನ ವೀಡಿಯೋ ಸಾಮಾಜಿಕ ಜಾಲತಾಣೋಡು ವೈರಲ್ ಆತುಂಡು.

ಮಧ್ಯಪ್ರದೇಶೊದ ಬಿಜೆಪಿ ನಾಯೆಕೆ ರಾಮ್‌ರತನ್ ಪಾಯಲ್ ಗು ಮಾಧ್ಯಮದಕುಲು ಇಂಧನೊದ ಬಿಲೆ ಜಾಸ್ತಿ ಆಯಿನ ಬಗೆಟ್ ಪ್ರಶ್ನೆ ಕೆಂಡೆರು. ಅಪಗ ಉತ್ತರಿಸಾಯಿನ ಆರ್, ನಿಕುಲು ತಾಲಿಬಾನ್ ನಕುಲೆಡ್ದು ಪೆಟ್ರೋಲ್ ಕನಲೆ. ಅಲ್ಪ 50 ರೂಪಾಯಿಗ್ ಕಡಿಮೆದ ಇಂಧನೋ ತಿಕ್ಕುಂಡು. ಆಂಡ ಅವೆನು ಬಳಸೆರೆ ಏರ‍್ಲಾ ಇಜ್ಜೆರ್. ಕನಿಷ್ಟ ಪಕ್ಷ ಮುಲ್ಪ ಸುರಕ್ಷಿತೆ ಆಂಡಲ ಉಂಡು ಪಂಡೆರ್.

ಸೆ. 13 ಜೆಡ್ದು 24 ಮುಟ್ಟ ವಿಧಾನ ಮಂಡಲ ಅಧಿವೇಶನ

Aug 20, 2021

ಬೆಂಗ್ಳೂರ್ : ಸಪ್ಟೆಂಬರ್ 13 ಜೆಡ್ದು 24 ಮುಟ್ಟ ವಿಧಾನಮಂಡಲ ಅಧಿವೇಶನ ಬೆಂಗ್ಳೂರ್ ಡು ನಡೆಪರ ಉಂಡು ಪಂದು ಕಾನೂನು ಬೊಕ್ಕ ಸಂಸದೀಯ ವ್ಯವಹಾರ ಸಚಿವೆ ಆಯಿನ ಜೆ,ಸಿ. ಮಾಧುಸ್ವಾಮಿ ಪಂಡೆರ್.

ಪೊಸ ಸಚಿವೆರೆಗು ಖಾತೆ ಪಟ್ಟಿ ಬೊಕ್ಕ ಇನೀ ಸುರುಕ್ ಸಚಿವ ಸಂಪುಟ ಸಭೆ ನಡತುಂಡು. ವಿಧಾನಸೌಧಡ್ ಸಿಎಂ ಬಸವರಾಜ ಬೊಮ್ಮಾಯಿ ನೇತೃತ್ವಡು ನಡತಿನ ಸಚಿವ ಸಂಪುಟ ಸಭೆಟ್ ವಿಧಾನ ಮಂಡಲ ಅಧಿವೇಶನದ ತಾರೀಕುನು ನಿಗದಿ ಮಂತೆರ್. ಸಭೆತ ಬೊಕ್ಕ ಸುದ್ದಿಗೋಷ್ಠಿಡು ಜೆ.ಸಿ ಮಾಧುಸ್ವಾಮಿ ಸಭೆತ ವಿವರೊನು ಮಾಧ್ಯಮ ಮಿತ್ರೆರೆಗು ತೆರಿಪಾಯೆರ್. ಸಪ್ಟೆಂಬರ್ 13 ಜೆಡ್ದು ಸಪ್ಟೆಂಬರ್ 24 ಮುಟ್ಟ 10 ದಿನ ಕಾಲ ಅಧಿವೇಶನ ಬೆಂಗ್ಳೂರ್‌ದ ವಿಧಾನ ಸೌಧೋಡು ನಡಪರ ಉಂಡು ಪಂದು ಸಚಿವ ಮಾಧುಸ್ವಾಮಿ ಪಂಡೆರ್.

Uncategorized ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಾಜ್ಯದ ಸುದ್ದಿ | State News

ಸೆಪ್ಟೆಂಬರ್ ದಿಂಚಿ ಜೋಕುಲೆಗ್ ಲಾ ಕೋವಿಡ್ ಲಸಿಕೆ

Aug 20, 2021

ದೆಲ್ಲಿ : ಸಪ್ಟೆಂಬರ್ ದಿಂಚಿ ಜೋಕುಲೆಗ್ಲಾ ಕೋವಿಡ್ ಲಸಿಕೆ ತಿಕ್ಕುನ ಅವಕಾಶ ಉಂಡು ಪಂದು ಭಾರತೀಯ ವೈದ್ಯಕೀಯ ಸಂಶೋಧನಾ ಮಂಡಳಿ ರಾಷ್ಟ್ರೀಯ ವೈರಾಲಜಿ ಸಂಸ್ಥೆದ ನಿರ್ದೇಶಕಿ ಆಯಿನಂಚಿನ ಪ್ರಿಯಾ ಅಬ್ರಹಂ ಪಂಡೆರ್.

ವಿಜ್ಞಾನ ಬೊಕ್ಕ ತಂತ್ರಜ್ಞಾನ ವಿಭಾಗೋದ ಒಟಿಟಿ ವೇದಿಕೆದ ಇಂಡಿಯನ್ ಸೈನ್ಸ್ ಗು ಕೊರ‍್ತಿನ ಸಂದರ್ಶನೊಡು ಪ್ರಿಯಾ ಇಂಬೆರು ಪಾತೆರ್ದು, 2 ಬೊಕ್ಕ 18 ವರ್ಷ ಪ್ರಾಯದಕುಲೆಗು ಕೋವಿಡ್-19 ಲಸಿಕೆ ಕೊರ‍್ಪಿನ ವಿಷಯಡ್, ಇತ್ತೆ 2 ಬೊಕ್ಕ 3 ನೇ ಹಂತೊದ ಕ್ಲಿನಿಕಲ್ ಪ್ರಯೊಗೊಲು ನಡತೊಂದುoಡು. ಅವ್ ಪೂರ್ಣ ಆಯಿ ಬೊಕ್ಕ ಸಪ್ಟೆಂಬರ್ ದಿಂಚಿ ಜೋಕುಲೆಗ್ಲಾ ಲಸಿಕೆ ಕೊರಿಯರ ಉಂಡು ಪಂದು ಪಂಡೆರ್.

ಊರ್ದ ಸುದ್ದಿ Regional News ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬಂಗಾರ್ Gold ಬೊಲ್ಲಿ | Silver ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ಕರ್ನಾಟಕಡು ಇನಿತ ಬಂಗಾರ್ದ ಬಿಲೆ

Aug 19, 2021

Urd:4057, S.K.Dist ಸ್ವರ್ಣ ವ್ಯಾಪಾರೀ ಸಂಘ (R)-KJF ಮುಕುಲೆಡ್ದು

22 ಕ್ಯಾರಟ್ ಗು 4410
24 ಕ್ಯಾರಟ್ ಗು 4742

ಬೊಲ್ಲಿದ ಬಿಲೆ 64200

ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಾಜ್ಯದ ಸುದ್ದಿ | State News

ಕರ್ನಾಟಕಡು ನನಲ 4.2 ಕೋಟಿ ವಯಸ್ಕರೆಗು ಲಸಿಕೆ ಪಾಡ್ಯರ ಬಾಕಿ

Aug 16, 2021

ಬೆಂಗ್ಳೂರು: ರಾಜ್ಯಡ್ ಇಡೇ ಮುಟ್ಟ 45 ವಯಸುರ್ದು ಮೇಲ್ಪಟ್ಟಿನ ಕೇವಲ 33% ಜನಕುಲು ಕೊರೊನಾ ಲಸಿಕೆದ ರಡ್ಡನೇ ಡೋಸುನು ಪಾಡ್ದೆರು . 17 ಬೊಕ್ಕ 44 ವಯಸ್ಸುದಕುಲೆಗು ಲಸಿಕೆ ಕೋರ್ಪಿನ ಕಾರ್ಯ ತಡವಾದು ಆರಂಭ ಆಯಿನೆರ್ದಯರ ಇಡೇ ಮುಟ್ಟ ಕೇವಲ 3% ಜನಕುಲು ಮಾತ್ರ ಲಸಿಕೆ ಪಾಡ್ರೆ ಸಾಧ್ಯವಾಂಡು.

ರಾಜ್ಯಡ್ 4.2 ಕೋಟಿರ್ದು ಅಧಿಕ ವಯಸ್ಕೆರೆಗೂ ನನಲಾ ಸಂಪೂರ್ಣ ಲಸಿಕೆ ಪಾಡ್ದಿಜೆರು. ಕರಿನ ಪದಿನಾಲು ದಿನರ್ದು ಪ್ರತಿದಿನ ಸರಾಸರಿ 3 ಲಕ್ಷ ಕೊರೊನಾ ಲಸಿಕೆ ಡೋಸ್ ಲೇನು ಕೊರ್ಪುನೆರ್ದಾಯರ ಅರ್ಹ ಅಭ್ಯರ್ಥಿಲೆಗು ಲಸಿಕೆ ಪೊರೈಸರ ಕರ್ನಾಟಕಗು ಸುಮಾರು 141 ದಿನ ಬೋಡು ಪಂದು ಅಂದಾಜು ಮಲ್ಪರ ಅಪುಂಡು.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ಕಾರ್ಕಳ ಆಸ್ಪತ್ರೆಡ್ ಆಕ್ಸಿಜನ್ ಪ್ಲಾಂಟ್‌ ನಿರ್ಮಾಣ

May 9, 2021

ಕಾರ್ಕಳ, ಮೇ 09 : ಕಾರ್ಕಳ ಸರಕಾರಿ ಆಸ್ಪತ್ರೆದ ಕೈತಲ್ ಕಟ್ಟರೆ ಉಪ್ಪುನ ಆಕ್ಸಿಜನ್‌ ಪ್ಲಾಂಟ್‌ ಕಾಮಗಾರಿನ್ ಬೆಗೋಡೆ ಮಲ್ಪೊಡು ಪಂದ್ ಶಾಸಕ ವಿ. ಸುನಿಲ್‌ ಕುಮಾರ್‌ ಮೇರ್ ನಿರ್ಮಿತಿ ಕೇಂದ್ರದಕ್ಲೆಗ್ ಸೂಚನೆ ಕೊರಿಯೆರ್ . ಎಲ್ಲೆನೇ ಕಾಮಗಾರಿಗ್ ಚಾಲನೆ ಕೊರ್ದು ರಾತ್ರಿ ಪಗೆಲ್ , ಬೇಲೆ ಮಲ್ಪೊಡು ಪಂದ್ ಶಾಸಕೆರ್ ತೆರಿಪಾಯೆರ್ 15 ದಿನತ ಉಲಯಿ ಕಾಮಗಾರಿ ಮುಗಿಪುಲಕ ತಾಕೀತು ಮಲ್ತೆರ್ .

ಶನಿವಾರ ಕಾರ್ಕಳ ಆಸ್ಪತ್ರೆಗ್ ಭೇಟಿ ಕೊರ್ದು ಆಕ್ಸಿಜನ್ ಪ್ಲಾಂಟ್‌ ಕಟ್ಟರೆ ಉಪ್ಪುನ ಜಾಗೆ ಪರಿಶೀಲನೆ ಮಲ್ತೆರ್ . ಈ ಪೊರ್ತುಡು ಪಾತೆರಿನ ಶಾಸಕೆರ್ , ಜಿ. ಶಂಕರ್‌ ಬೊಕ್ಕ ದಾನಿಲೆನ ಸಹಾಯರ್ದ್ ಸುಮಾರ್ 75 ಲಕ್ಷ ರೂ. ವೆಚ್ಚಡ್ ಆಕ್ಸಿಜನ್‌ ಪ್ಲಾಂಟ್‌ ಕಟ್ಟರೆ ಉಲ್ಲೆರ್ ಪಂದ್ ಪಂಡೆರ್.

ಕುಡ್ಲಗ್ ತುರ್ತು ಆಕ್ಸಿಜನ್ ಸರಬರಾಜು: ನರೇಂದ್ರ ಮೋದಿಗ್ ಸೊಲ್ಮೆ ಸಂದೈತ

May 6, 2021

ಕುಡ್ಲ, ಮೇ 06: ದಕ್ಷಿಣ ಕನ್ನಡ ಜಿಲ್ಲೆಗ್ ತುರ್ತು ಆಕ್ಸಿಜನ್ ಸರಬರಾಜು ಮಲ್ತಿನ ಪ್ರಧಾನಮಂತ್ರಿ ನರೇಂದ್ರ ಮೋದಿ ಮೆರೆಗ್ ಸೊಲ್ಮೆಲು.

ಪ್ರಧಾನಮಂತ್ರಿ ನರೇಂದ್ರ ಮೋದಿನ ವಿಶೇಷ ಪ್ರಯತ್ನರ್ದ್ ಇನಿ ಕೊಲ್ಲಿ ರಾಷ್ಟ್ರವಾಯಿನ ಬಹರೈನ್ ಭಾರತೀಯ ನೌಕಾಪಡೆದ INS Talwar ಮುಖೇನ ದಕ್ಷಿಣ ಕನ್ನಡ ಜಿಲ್ಲೆಗ್ 40 ಮೆಟ್ರಿಕ್ ಟನ್ ಆಕ್ಸಿಜನ್ ಸರಬರಾಜು ಮಲ್ದುಂಡು . (20 ಮೆಟ್ರಿಕ್‌ ಟನ್ ಆಕ್ಸಿಜನ್ ಬೆಂಗಳೂರುಗು ಕಡಪಾದೆರ್ ನನ ಒರಿದಿನ 20 ಟನ್ ಲಿಕ್ವಿಡ್ ಆಕ್ಸಿಜನ್ ದಕ್ಷಿಣ ಕನ್ನಡ ಬೊಕ್ಕ ಒಡಿಪು ಜಿಲ್ಲೆಗ್ ದೆತೊನ್ದೆರ್ )

ನವ ಮಂಗಳೂರು ಬಂದರ್ ಗ್ ಬಹರೈನ್ ರ್ದ್ ಆಕ್ಸಿಜನ್ ಕಂತಿನ INS Talwar ನ್ ಭಾರತೀಯ ಜನತಾ ಪಾರ್ಟಿದ ರಾಜ್ಯ ಗುರ್ಕಾರ್ಲಾಯಿನ , ಸಂಸದೆರಾಯಿನ ಶ್ರೀ ನಳೀನ್ ಕುಮಾರ್ ಕಟೀಲ್, ಜಿಲ್ಲಾ ಉಸ್ತುವಾರಿ ಸಚಿವರಾಯಿನ ಶ್ರೀ ಕೋಟ ಶ್ರೀನಿವಾಸ್ ಪೂಜಾರಿನೊಟ್ಟಿಗೆ ಶಾಸಕ ವೇದವ್ಯಾಸ್ ಕಾಮತ್ ಮೇರ್ ಎದುಕೊಂದೆರ್.

ಊರ್ದ ಸುದ್ದಿ Regional News ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜಕೀಯ ಸುದ್ದಿ | Political News ರಾಜ್ಯದ ಸುದ್ದಿ | State News

ಆಲ್ ಇಂಡಿಯಾ ಐಡಿಯಲ್ ಟೀಚರ್ಸ್ ಅಸೋಸಿಯೇಶನ್ ವತಿರ್ದ್ ಶಿಕ್ಷಕೆರೆಗ್ ರಮಝಾನ್ ಕಿಟ್

May 6, 2021

ಭಟ್ಕಳ, ಮೇ 06: ಆಲ್ ಇಂಡಿಯಾ ಐಡಿಯಲ್ ಟೀಚರ್ಸ್ ಅಸೋಸಿಯೇಶನ್ ಕರ್ನಾಟಕ ರಾಜ್ಯಾದ್ಯಂತ ಖಾಸಗಿ ಅನುದಾನ ರಹಿತ ಶಾಲೆಡ್ ಬೇಲೆ ಮಲ್ಪುನoಚಿನ ಆರ್ಹ ಶಿಕ್ಷಕೆರೆನ್ ಗುರ್ತಿಸಾದ್ ರಮಝಾನ್ ಕಿಟ್ ಕೊರೊಂದು ಉಲ್ಲೆರ್ ಪಂದ್ ಐಟಾ ರಾಜ್ಯಾಧ್ಯಕ್ಷ ಎಂ.ಆರ್.ಮಾನ್ವಿ ಪಂಡೆರ್ .

ಮೇರ್ ಬುಧವಾರ ಭಟ್ಕಳದ ದಾವತ್ ಸೆಂಟರ್ ಡ್ ಐಟಾ ಬೊಕ್ಕ ಜಮಾಆತೆ ಇಸ್ಲಾಮಿ ಹಿಂದ್ ಭಟ್ಕಳ ಶಾಖೆರ್ದ್ ಕಿಟ್ ವಿತರಣಾ ಕಾರ್ಯಕ್ರಮಗ್ ಚಾಲನೆ ಕೊರ್ದು ಪಾತೆರಿಯೆರ್.

ರಾಜ್ಯಡ್ ಖಾಸಗಿ ಶಾಲಾ ಶಿಕ್ಷಕೆರ್ನ ಪರಿಸ್ಥಿತಿ ಬಾರಿ ಕಷ್ಟಕರ. ಆಲ್ ಇಂಡಿಯಾ ಐಡಿಯಾಲ್ ಟೀಚರ್ಸ್ ಅಸೋಸಿಯೇಶನ್ ರಾಜ್ಯದ ಖಾಸಗಿ ಶಾಲಾ ಶಿಕ್ಷಕೆರ್ನ ಬೆರಿ ಬಲ ಉಲ್ಲೆರ್ , ಅಕ್ಲೆನ ಸಮಸ್ಯೆದ ಬಗ್ಗೆ ಸರ್ಕಾರದ ಗಮನ ಕೊರೊಂದು ಉಲ್ಲೆರ್ .

ರಾಜ್ಯದ ಸುದ್ದಿ | State News

ಅಫ್ಘಾನ್ ವಿದ್ಯಾರ್ಥಿಲೆಗು ಧೈರ್ಯ ದಿಂಜಾಯಿನ ಪೊಲೀಸ್

ಆಗಸ್ಟ್ 23 ಜರ‍್ದು ಸಾಲೆಲು ಸುರು; ವಿದ್ಯಾರ್ಥಿ, ಪೋಷಕೆರೆಗ್ ಸಿಎಂ ಮಹತ್ವದ ಮಾಹಿತಿ

ಬಿಲೆ ಏರಿಕೆದ ಬಗ್ಗೆ ಕೆನ್ನಗ ಅಫ್ಘಾನಿಸ್ತಾನೊಗು ಪೋಲೆ ಪಂದು ಪಂಡಿನ ಬಿಜೆಪಿ ನಾಯೆಕೆ

ಸೆ. 13 ಜೆಡ್ದು 24 ಮುಟ್ಟ ವಿಧಾನ ಮಂಡಲ ಅಧಿವೇಶನ

ಸೆಪ್ಟೆಂಬರ್ ದಿಂಚಿ ಜೋಕುಲೆಗ್ ಲಾ ಕೋವಿಡ್ ಲಸಿಕೆ

ಕರ್ನಾಟಕಡು ಇನಿತ ಬಂಗಾರ್ದ ಬಿಲೆ

ಕರ್ನಾಟಕಡು ನನಲ 4.2 ಕೋಟಿ ವಯಸ್ಕರೆಗು ಲಸಿಕೆ ಪಾಡ್ಯರ ಬಾಕಿ

ಕಾರ್ಕಳ ಆಸ್ಪತ್ರೆಡ್ ಆಕ್ಸಿಜನ್ ಪ್ಲಾಂಟ್‌ ನಿರ್ಮಾಣ

ಕುಡ್ಲಗ್ ತುರ್ತು ಆಕ್ಸಿಜನ್ ಸರಬರಾಜು: ನರೇಂದ್ರ ಮೋದಿಗ್ ಸೊಲ್ಮೆ ಸಂದೈತ

ಆಲ್ ಇಂಡಿಯಾ ಐಡಿಯಲ್ ಟೀಚರ್ಸ್ ಅಸೋಸಿಯೇಶನ್ ವತಿರ್ದ್ ಶಿಕ್ಷಕೆರೆಗ್ ರಮಝಾನ್ ಕಿಟ್

You Missed

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ