ರಾಜ್ಯದ ಸುದ್ದಿ | State News

ರಾಜ್ ಸೌಂಡ್ಸ್ ಆ್ಯಂಡ್ ಲೈಟ್ಸ್ ಸಿನಿಮಾ ಕೂಟದಕ್ಲೆರ್ದ್ ರಾಜಬೂಡುದ ತುಳುನಾಡ ಜವನ್ಯೆರ್ ಕೂಟದ ಸಾಧಕೆರೆಗ್ ಮಾನಾದಿಗೆ

ಇಂಚೊಗು ನಡತಿನ ರಾಜ್ ಸೌಂಡ್ಸ್& ಲೈಟ್ಸ್ ಸಿನೆಮಾದ ನೂದು ದಿನತ್ತ ಸಂಭ್ರಮಾಚರನೆಡ್ “ತುಳುನಾಡ ಜವನ್ಯೆರ್ (ರಿ)ಬೆಂಗಳೂರು” ಕೂಟದ ಸಾಮಾಜಿಕ ಧಾರ್ಮಿಕ ಸಾಂಸ್ಕೃತಿಕ ಕ್ಷೇತ್ರಲೆಡ್ ಮಲ್ತಿನ ಸೇವೆನ್ ಗುರುತಿಸಾದ್ ಸಿನೆಮಾದ ಕೂಟರ್ದ್ ಮಾನಾದಿಗೆ ನಡತ್ಂಡ್.

5 ವರ್ಷೊರ್ದು ಪಿರವು ರಾಜ ಬೂಡು ಬೆಂಗಳೂರುಡು ಅಲ್ಪ ಇಪ್ಪುನ ತುಳುವೆರೆಗಾದ್ ನಮ್ಮ ತುಳುನಾಡ್ದ ಜವನೆರ್ ಒಟ್ಟು ಸೇರ್ದ್ ಕಟ್ಟಿನ ಕೂಟನೆ ” ತುಳುನಾಡ ಜವನೆರ್ (ರಿ)” . ಇನಿಕಾನಗ ಕೆಲವು ಕಾರ್ಯಕ್ರಮೊಲೆನ್ ಕೊರೊಂದು ತುಳು ಭಾಸೆ ಸಂಸ್ಕ್ರತಿ ಆಚಾರ ವಿಚಾರೊಲೆದ ಬಗ್ಗೆ ಸಮಾಜೊಗು ತೆರಿಪಾವೊಂದು ನನ ದುಂಬುದ ಪೀಳಿಗೆಗ್ಲ ತೆರಿಯೊಡು ಪನ್ಪುನ ಉದ್ದೇಶ ದೀವೊಂದು ಅಂಚನೆ ಸಾಮಾಜಿಕ ಧಾರ್ಮಿಕ ಸಾಂಸ್ಕೃತಿಕ ಕ್ಷೇತ್ರೊಲೆಡ್ ಸೇವೆ ಮಲ್ತೊಂದು “ನಲಿಪು ನವಿಲೆ” ಪನ್ಪುನ ನೃತ್ಯ ಪಂತೊ” “ಅಸ್ಟೆಮಿದ ಐಸಿರ” ಪನ್ಪುನಂಚಿನ ಮಾಮಲ್ಲ ಲೇಸ್ ನ್ ಬೆಂಗಳೂರುಡು ಅಟ್ಟನೆ ಮಲ್ತ್ ದ್ ಜನಕ್ಲೆನ ಉಡಲ್ ಗೆಂದ್ ದ್ ಸಾಮಾಜಿಕ ಜಾಲತಾಣದ ಮುಖೇನ ತುಳು ಪರ ಸಂದೇಸೊಲೆನ್ ಪಾರ್ದ್ ತುಳುನಾಡ್ ದ ಬಗ್ಗೆ ಸಮಾಜೊಗು ತೆರಿಪಾವೊಂದು ತುಳುವೆರೆನ ಉಡಲ್ ಗೆಂದ್ ದಿನ ಈ ಸಂಘಟನೆ ಎಡ್ಡೆ ಪುಗರ್ತೆನ್ ಪಡೆಯೊಂದುಂಡು.

ನಿಕ್ಲೆನ ಈ ನಿಸ್ವಾರ್ಥ ಸೇವೆ ನನಲಾತ್ ದುಂಬರಿಯಡ್
ತುಳುನಾಡ್ದ ಪುದರ್ನ್ ನನಲಾದ್ ಎತ್ತರೊಗು ಕೊನೂಪುಲೆಕ ಆವಡ್ ಪನೊಂದು ಸಂಘಟನೆಗ್ ಬುಕ್ಕ ಸಂಘಟನೆದ ಮಾತಾ ಸದಸ್ಯರೆಗ್ ಟೈಮ್ಸ್ ಆಫ್ ಕುಡ್ಲ ಪತ್ರಿಕೆ ಎಡ್ಡೆಪು ಬಯಕುಂಡು.