ರಾಜ್ಯದ ಸುದ್ದಿ | State News

ಕಾಸ್ರೋಡ್ ಸುದ್ದಿ | Kasargod News ಕೇರಳ ಸುದ್ದಿ | Kerala News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

500 ರೂ. ಸಾಲ ಕೇಂದಿನ ಪೊಂಜೊವುನ ಅಕೌಂಟ್ ಗ್ ಬತ್ತ್ಂಡ್ 51 ಲಕ್ಷ ರೂಪಾಯಿ!!

Dec 20, 2022

ಕೇರಳ: ಬಡಪತ್ತ್ ದ ಪೊಂಜೊವು ಒರ್ತಿ ತನ್ನ ಮಗನ ಟೀಚರ್‌ನ ಕೈತಲ್ 500 ರೂಪಾಯಿ ಸಾಲ ಕೇಂಡ್ ದಿನ ಬೆರಿಕ್ಕೇ ಅರೆನ ಅಕೌಂಟ್ ಗ್ ಒಂಜೇ ದಿನಟ್ಟ್ 51 ಲಕ್ಷ ರೂಪಾಯಿ ಕಾಸ್ ಬತ್ತ್‌ದ್ಂಡ್!!

ಪಾಲಕ್ಕಾಡ್‌ದ ಕೂಟ್ಟನಾಡ್‌ದ ಸುಭದ್ರ ಪನ್ಪಿನಾರ್ ತನ್ನ ಮಗನ ಶಾಲೆದ ಟೀಚರ್ ಗಿರಿಜಾ ಹರಿಕುಮಾರ್ ಮೆರೆಡ 500 ರೂ. ಸಾಲ ಕೇಂದಿತ್ತೆರ್. ಶಿಕ್ಷಕಿ ಆ ಪೊಂಜೊವುಗು 1 ಸಾರ ಕೊರ್ದಿತ್ತೆರ್. ಅಂಚನೆ ಪೊಂಜೊವುನ ಪರಿಸ್ಥಿತಿನ್ ಸೋಶಿಯಲ್ ಮೀಡಿಯಾಡ್ ಪಾಡ್ದಿತ್ತೆರ್. ಉಂದೆಕ್ಕ್ ದಾನಿಲು ಸಕಾಯ ಮಲ್ತ್‌ದಿತ್ತ್‌ದ್ ಒಂಜೇ ದಿನಟ್ಟ್ 51 ಲಕ್ಷ ರೂ. ಕಾಸ್ ಪಾಡ್ದೆರ್.

ಪೊಂಜೊವುನ ಕಂಡನಿ ಕೂಲಿ ಬೇಲೆದಾರ್ ಆದಿತ್ತ್‌ದ್ ಕೆಲ ತಿಂಗೊಲ್‌ದ ಪಿರ ತೀರ್ ಪೋದಿತ್ತೆರ್. ರಡ್ಡನೇ ಮಗೆ ಅತುಲ್ ರಾಜ್ “ಸೆರೆಬ್ರಲ್ ಪಾಲ್ಸಿ” ಸೀಕ್‌ರ್ದ್ ನರೆಲೊಂದು ಇತ್ತ್‌ದ್ ಆಯನ್ ಇಲ್ಲಡ್ ಬುಡ್ದ್ ಬೇಲೆಗ್ ಪೋಯರೆ ಪೊಂಜೊವುಗ್ ಆವೊಂದಿಜ್ಜಾಂಡ್. ಅಯಿಕ್ ಆರ್ ಟೀಚರ್ ಡ್ 500 ರೂ. ಸಾಲ ಕೇಂಡ್ ದಿತ್ತೆರ್.

ಬಾಲೆ ದಿಂಗ್ ದಿನ ರಿಮೋಟ್ ಬ್ಯಾಟರಿನ್ 20 ನಿಮಿಷಡ್ ಪಿದಯಿ ದೆತ್ತಿನ ಕೇರಳದ ಡಾಕ್ಟರ್ಸ್…!

Dec 19, 2022

ತಿರುವನಂತಪುರಂ: ಗೊಬ್ಬೊಂದಿತ್ತಿನ ರಡ್ಡ್ ವರ್ಷದ ಬಾಲೆಯೊಂಜಿ ಬ್ಯಾಟರಿ ದಿಂಗ್ ದಿತ್ತ್‌ದ್ ಅವೆನ್ ವೈದ್ಯೆರ್ 20 ನಿಮಿಷಡ್ ಪಿದಯಿ ದೆತ್ತ್‌ದ್ ಬಾಲೆನ್ ಬಚಾವ್ ಮಲ್ತಿನ ಘಟನೆ ತಿರುವನಂತಪುರಟ್ಟ್ ನಡತ್ಂಡ್.

ಟಿವಿ ರಿಮೋಟ್‌ಗ್ ಪಾಡ್ದಿನ 5 ಸೆಂಟಿಮೀಟರ್ ಉದ್ದದ ಬೊಕ್ಕ ಒಂಜರೇ ಸೆಂಟಿ ಮೀಟರ್ ಅಗೆಲದ ಬ್ಯಾಟರಿನ್ ಬಾಲೆ ಗೊಬ್ಬೊಂದಿತ್ತಿನ ಪೊರ್ತುಡು ದಿಂಗ್ ದ್ಂಡ್. ವಿಷಯ ತೆರಿ ಕೂಡ್ಲೆ ಪೋಷಕೆರ್ ಬಾಲೆನ್ ಆಸ್ಪತ್ರೆಗ್ ಲೆತೊಂದು ಪೋತೆರ್. ಆಯಿಬೊಕ್ಕ ವೈದ್ಯೆರ್ ಶಸ್ತ್ರ ಚಿಕಿತ್ಸೆ ಮಲ್ತ್‌ದ್ 20 ನಿಮಿಷಡ್ ಬ್ಯಾಟರಿನ್ ಪಿದಯಿ ದೆತ್ತ್‌ದೆರ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ಬೆಳಗಾವಿ ಗಡು ಜಾಗೆಡ್ ಲಡಾಯಿ, ಸೆಕ್ಷನ್ 144 ಜಾರಿ

Dec 19, 2022

ಬೆಳಗಾವಿಡ್ ಕರ್ನಾಟಕ-ಮಹಾರಾಷ್ಟ್ರ ಗಡು ಜಾಗೆದ ವಿಷಯೊಡು ಲಡಾಯಿ ಜೋರ್ ಆವೊಂದು ಇತ್ತ್‌ದ್ ಎಂಇಎಸ್ ಕಾರ್ಯಕರ್ತೆರ್, ಶಿವಸೇನೆ, ಎನ್‌ಸಿಪಿ, ಕಾಂಗ್ರೆಸ್ ಕಾರ್ಯಕರ್ತೆರ್ ಕರ್ನಾಟಕ ಗಡಿತ್ತ ಉಲಯಿ ಪೊಗ್ಗುನ ಪ್ರಯತ್ನ ಮಲ್ತೊಂದುಲ್ಲೆರ್.

ಮಹಾ ವಿಕಾಸ್ ಅಘಾಡಿ, ಎಂಇಎಸ್ ಕಾರ್ಯಕರ್ತೆರೆನ ಮರ್ಲ್‌ಗ್ ರಾಷ್ಟ್ರೀಯ ಹೆದ್ದಾರಿ 4 ಟ್ಟ್ ಗಾಡುಲೆನ ಸವಾರಿನ್ ಸಂಪೂರ್ಣವಾದ್ ಉಂತಾದೆರ್. 500 ರೆರ್ದ್ ಎಚ್ಚದ ಕಾರ್ಯಕರ್ತೆರೆನ್ ಪೊಲೀಸೆರ್ ವಶಕ್ಕ್ ಪಡೆಯೊಂದೆರ್. ಇಂಚಾದ್ ಅಲ್ಪ ಸೆಕ್ಷನ್ 144 ಜಾರಿ ಮಲ್ತ್‌ದೆರ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ಕುಮಾರಸ್ವಾಮಿಗ್ ಚನ್ನಪಟ್ಟಣ, ನಿಖಿಲ್ ಗ್ ರಾಮನಗರ: ವಿಧಾನಸಭೆ ವೋಟುಗು ಜೆಡಿಎಸ್ ಅಭ್ಯರ್ಥಿಲೆನ ಪಟ್ಟಿ ಬುಡುಗಡೆ

Dec 19, 2022

ಬೆಂಗ್ಲೂರು : 2023 ನೇ ರಾಜ್ಯ ವಿಧಾನ ಸಭೆ ಚುನಾವಣೆಗ್ ಮಾಜಿ ಮುಖ್ಯಮಂತ್ರಿ ಕುಮಾರಸ್ವಾಮಿ ಮೇರ್ ಜೆಡಿಎಸ್ ಸುರುತ್ತ 93 ಅಭ್ಯರ್ಥಿಲೆನ ಪಟ್ಟಿ ಬುಡುಗಡೆ ಮಲ್ತ್‌ದೆರ್.

ರಾಷ್ಟ್ರೀಯ ಅಧ್ಯಕ್ಷೆರ್ ಎಚ್.ಡಿ.ದೇವೆಗೌಡ ಮೆರೆನ ಮುತಾಲಿಕೆಡ್ ಪಕ್ಷದ ರಾಜ್ಯಾಧ್ಯಕ್ಷೆರ್ ಸಿಎಂ ಇಬ್ರಾಹಿಂ ಮೆರೆನ ಒಟ್ಟು ಸೇರಿಗೆಡ್ ಅಭ್ಯರ್ಥಿಲೆನ ಪಟ್ಟಿನ್ ಬುಡುಗಡೆ ಮಲ್ತ್‌ದೆರ್ ಪಂದ್ ಜೆಡಿಎಸ್ ಶಾಸಕಾಂಗ ಪಕ್ಷದ ನಾಯಕೆರ್ ಎಚ್.ಡಿ.ಕುಮಾರಸ್ವಾಮಿ ಮೇರ್ ಟ್ವೀಟ್ ಮುಕೇನ ತೆರಿಪಾದೆರ್.

ಏರೆಗ್ ವಾ ಕ್ಷೇತ್ರ…?

ಜಿ.ಟಿ ದೇವೆಗೌಡ – ಚಾಮುಂಡೇಶ್ವರಿ,
ಹರೀಶ್ ಗೌಡ – ಹುಣಸೂರು,
ನಿಖಿಲ್ ಕುಮಾರಸ್ವಾಮಿ – ರಾಮನಗರ,
ಹೆಚ್.ಡಿ.ಕುಮಾರಸ್ವಾಮಿ – ಚನ್ನಪಟ್ಟಣ
ಸುರೇಶ್ ಗೌಡ – ನಾಗಮಂಗಲ,
ಸಾರಾ ಮಹೇಶ್ – ಕೆ.ಆರ್. ನಗರ

ಊರ್ದ ಸುದ್ದಿ Regional News ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ಕಲ್ಪಾರ್ಥಿಲೆಗ್ ನನ ದುಂಬಗ್ ಡಿಜಿಟಲ್ ಅಂಕಪಟ್ಟಿ ತಿಕ್ಕುಜಿ

Dec 19, 2022

ರಾಷ್ಟ್ರೀಯ ಶಿಕ್ಷಣ ನೀತಿದ ಪ್ರಕಾರ (ಎನ್‌ಇಪಿ) ಪದವಿ ಕಲ್ಪಾರ್ಥಿಲೆಗ್ ಡಿಜಿಟಲ್ ಅಂಕಪಟ್ಟಿ ಕೊರ್ಪಿನ ನಿರ್ಧಾರರ್ದ್ ಸರ್ಕಾರ ಪಿರ ಜಾರ್‌ದ್ಂಡ್. ಅಂಚಾದ್ ಭೌತಿಕ ಅಂಕಪಟ್ಟಿ ಕೊರಿಯರೆ ತೀರ್ಮಾನ ಮಲ್ತ್‌ದ್ಂಡ್.

ಎನ್‌ಇಪಿ ಬ್ಯಾಚ್‌ದ ಸುರುತ್ತ ಬೊಕ್ಕ ರಡ್ಡನೇ ಸೆಮಿಸ್ಟರ್ ಕಲ್ಪಾರ್ಥಿಲೆಗ್ ಭೌತಿಕ ಅಂಕಪಟ್ಟಿ ತಿಕ್ಕರೆ ಉಂಡು. ಸರ್ಕಾರ ಈ ಪಿರವು ಡಿಜಿಟಲ್ ಅಂಕಪಟ್ಟಿ ಕೊರ್ಪುಂಡು ಪಂದ್ ತೆರಿಪಾದಿತ್ತೆರ್. ಆಂಡ, ಇತ್ತೆ ಈ ಕ್ರಮ ಸರಿ ಅತ್ತ್ ಪಂದ್ ತೆರಿಪಾದೆರ್.

ಬಿಹಾರ: ಉದಿಪನ ಆಪಿನೆಡ್ದ್ ದುಂಬೇ ಪೊಲಿದ್ ಬೂರಿನ ಸಂಕ

Dec 19, 2022

ಬಿಹಾರ: ಉದಿಪನ ಆಪಿನೆಡ್ದ್ ದುಂಬೇ ಸಂಕ ಒಂಜಿ ಪೊಲಿದ್ ಬೂರ್ದಿನ ಘಟನೆ ಬಿಹಾರಡ್ ನಡತ್ಂಡ್. ಸಿಎಂ ನಬಾರ್ಡ್ ಯೋಜನೆದಡಿಟ್ಟ್ 13 ಕೋಟಿ ರೂ. ಕರ್ಚಿಡ್ ಬೇಗುಸರಾಯ್ ಜಿಲ್ಲೆದ ಗುಂಡಕ್ ಸುದೆಕ್ಕ್ ಅಡ್ಡ ಆದ್ 206 ಮೀಟರ್ ಉದ್ದದ ಬ್ರಿಡ್ಚ್ ನಿರ್ಮಾಣ ಮಲ್ತ್‌ದಿತ್ತೆರ್.

2016 ಟ್ಟ್ ನಿರ್ಮಾಣ ಕಾರ್ಯ ಸುರು ಆದ್, 2017 ಟ್ಟ್ ಸಂಕದ ಬೇಲೆ ಸುರು ಆದಿತ್ತ್ಂಡ್. ಆಂಡ ಸಂಕಡ್ ಸೀಳ್ ತೋಜಿನೆಡ್ದಾವರ ಉದಿಪನ ಮಲ್ತ್‌ದಿಜ್ಜಾಂಡ್. ಕಮ್ಮಿ ಗುಣಮಟ್ಟ್ ದ ಸೊತ್ತೊಲೆನ್ ಗಲಸಿನೆಡ್ದಾವರ ಈ ಸಂಕ ಬೂರ್ದುಂಡು ಪನ್ಪಿನ ಆರೋಪ ಕೇಂದ್ ಬತ್ತ್‌ದ್ಂಡ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ನೀರ್ ದ ಟಾಂಕಿದ ಉಲಯಿ ತಿಕ್ಕೊಂದು ತೀರ್ ಪೋಯಿನ 30 ಮಂಗೆಲು

Dec 17, 2022

ಕಲಬುರಗಿ: ನೀರ್ ಇಜ್ಜಂದಿನ ಓವರ್ ಟಾಂಕಿದ ಉಲಯಿ ಬೂರ್ದ್ 30 ರ್ದ್‌ಲ ಎಚ್ಚದ ಮಂಗೆಲು ತೀರ್ ಪೋಯಿನ ಘಟನೆ ಚಿತ್ತಾಪುರ ತಾಲೂಕ್‌ದ ಹಳಕರ್ಟಿ ಗ್ರಾಮಡ್ ನಡತ್ಂಡ್.

ಈ ಟಾಂಕಿಡ್ ನೀರ್ ಇಜ್ಜಿ. ಆಂಡ ಬರ್ಸದ ನೀರ್ ಉಂತುದಿತ್ತ್ಂಡ್. ಇಂಚಾದ್ ನೀರ್ ಪರಿಯರೆ ಪಂದ್ ಟಾಂಕಿದ ಉಲಯಿ ಜಂಪ್ ಮಲ್ತ್‌ದ್ಂಡ್. ಇಂಚಾದ್ ಪಿರ ಬರಿಯರೆ ಆವಂದಿನ ಕಾರಣ 30 ರ್ದ್‌ಲ ಎಚ್ಚದ ಮಂಗೆಲು ಎಚ್ಚ ಪೊರ್ತು ಆಯಿತ್ತ ಉಲಯಿ ಇತ್ತ್‌ದ್ ತೀರ್ ಪೋತುಂಡು.

ರಿಕ್ಷಾ ಪಲ್ಟಿ: ಪೊಲೀಸೆರೆಗ್ ಪೋಡಿದ್ ಡ್ರೈವರ್ ರಿಕ್ಷಾ ಪತೊಂದು ಪದ್ರಾಡ್

Dec 17, 2022

ಬೆಂಗ್ಲೂರು: ಬಿರ್ಸ್‌ಡ್ ಬತ್ತಿನ ಆಟೋ ಕೈ ತತ್ತ್‌ದ್ ಪಲ್ಟಿಯಾಯಿನ ಘಟನೆ ಸುಮ್ಮನಹಳ್ಳಿ ಕೈತಲ್ ನಡುರಾತ್ರೆ ನಡತ್ಂಡ್.

ಘಟನೆದ ಪೊರ್ತುಡು ಒವ್ವೇ ರೀತಿದ ತೊಂದರೆ ಆತಿಜಿ. ಗಾಡಿ ಪಲ್ಟಿಯಾತಿನೆಡ್ದಾವರ ಅಲ್ಪದ ಜನಕುಲು ಪೊಲೀಸೆರೆಗ್ ಮಾಹಿತಿ ಕೊರ್ತೆರ್. ಆಂಡ ರಿಕ್ಷಾ ಡ್ರೈವರ್, ಪೋಡಿದ್ ಪೊಲೀಸೆರ್ ಬರ್ಪಿನೆಡ್ದ್ ದುಂಬು ನಕ್ಕೆ ಆಯಿನ ರಿಕ್ಷಾನ್ ಪತೊಂದು ಪದ್ರಾಡ್ ಪಾರ್ದೆರ್.

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ನಡುರಾತ್ರೆ ಇಲ್ಲಗ್ ತೂ ಬೂರ್ದ್ 6 ಜನ ತೀರ್ ಪೋಯೆರ್

Dec 17, 2022

ತೆಲಂಗಾಣ: ನಡುರಾತ್ರೆ ಇಲ್ಲಗ್ ತೂ ಬೂರ್ದ್ ಒಂಜೇ ಕುಟುಮದ 6 ಜನ ತೀರ್ ಪೋಯಿನ ಘಟನೆ ಮಂಚರ್‍ಯಾಲಿ ಜಿಲ್ಲೆದ ಮಂದಮರೆ ನಗರದ ವೆಂಕಟಪುರ ಗ್ರಾಮಡ್ ನಡತ್ಂಡ್.

ವೆಂಕಟಪುರದ ಶಿವಯ್ಯ (50), ಬೊಡೆದಿ ಪದ್ಮಾ (45), ಪದ್ಮಾ ಮೆರೆನ ಮೆಗ್ದಿನ ಮಗಲ್ ಮೌನಿಕಾ(23) ಅಂಚನೆ ಶಿವಯ್ಯ ಮೆರೆನ ರಡ್ಡ್ ಜೋಕುಲು ತೀರ್ ಪೋತೆರ್. ತೂ ಪತ್ತರೆ ಕಾರಣ ದಾದ ಪಂದ್ ತೆರಿದ್ ಬೈದಿಜಿ.

ಕುಕ್ಕರ್ ಬಾಂಬ್ ಆರೋಪಿ ಬೆಂಗ್ಲೂರುಗು ಶಿಫ್ಟ್

Dec 17, 2022

ಕುಕ್ಕರ್ ಬಾಂಬ್ ಆರೋಪಿ ಶಾರೀಕ್‌ನ್ ಬೆಂಗ್ಲೂರುಗು ಲೆತೊಂದು ಬೈದೆರ್. ಕುಕ್ಕರ್ ಬಾಂಬ್ ಪುಡಾದ್ ಮಸ್ತ್ ಪೆಟ್ಟಾತಿನೆಡ್ದಾವರ ಎಚ್ಚದ ಚಿಕಿತ್ಸೆಗಾದ್ ಬೆಂಗ್ಲೂರುದ ವಿಕ್ಟೋರಿಯಾ ಆಸ್ಪತ್ರೆಗ್ ಆಯನ್ ಎನ್‌ಐಎ ಅಧಿಕಾರಿಲು ಲೆತೊಂದು ಬೈದೆರ್.