ರಾಜ್ಯದ ಸುದ್ದಿ | State News

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ಹುಷಾರ್ ದಾಂತಿನ ಸಿದ್ದೇಶ್ವರ ಸ್ವಾಮಿಜಿನ್ ಭೇಟಿ ಆಯಿನ ಮಾಜಿ ಸಿಎಂ ಸಿದ್ದರಾಮಯ್ಯ

Jan 2, 2023

ಮಾಜಿ ಸಿಎಂ ಸಿದ್ದರಾಮಯ್ಯ ಮೇರ್ ವಿಜಯಪುರ ಜ್ಞಾನ ಯೋಗಾಶ್ರಮದ ಶ್ರೀ ಸಿದ್ದೇಶ್ವರ ಸ್ವಾಮಿಲೆನ ಆರೋಗ್ಯ ತೂಯರೆ ಹೆಲಿಕಾಪ್ಟರ್‌ಡ್ ಬತ್ತ್‌ದೆರ್.

ಆಯಿಬೊಕ್ಕ ಟ್ವೀಟ್ ಮಲ್ತಿನ ಆರ್, “ಸ್ವಾಮಿಲು ಆಯಿನಾತ್ ಬೇಗ ಹುಷಾರ್ ಆದ್ ಬರಡ್. ಸಮಾಜಮುಖಿ ಕಾರ್ಯಡ್ ಬೇಲೆ ಮಲ್ಪುಲೆಕ್ಕ ಆವಾಡ್ ಪಂದ್ ದೇವೆರೆಡ ನಟ್ಟೊನುವೆ” ಪಂದ್ ಪಂತೆರ್.

ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ಪೊಣ್ಣಗ್ ಕ್ಲಾಸ್‌ಡೇ ಬಿಸತಿ ಪಾಡ್ದ್ ಕೆರಿನ ಕಲ್ಪಾರ್ಥಿ..!

Jan 2, 2023

ಕಲ್ಪಾರ್ಥಿ ಒರಿ ಪಗೆಲ್‌ಡ್ ಕಾಲೇಜಿಡ್ ನನೊರ್ತಿ ಕಲ್ಪಾರ್ಥಿಗ್ ಬಿಸತಿ ಪಾಡ್ದ್ ಕೆರಿನ ಘಟನೆ ಬೆಂಗ್ಲೂರ್‌ದ ರಾಜಾನುಕುಂಟೆ ಪ್ರೆಸಿಡೆನ್ಸಿ ಕಾಲೇಜಿಡ್ ನಡತ್ಂಡ್.

ಕಲ್ಪಾರ್ಥಿನ್ ಕೆರಿ ಬೊಕ್ಕ ತಾನ್‌ಲ ಬಿಸತಿರ್ದ್ ಚುಚ್ಚೊಂದೆ. ಮೋಕೆ ಮಲ್ತಿನ ಇಚಾರನೇ ಘಟನೆಗ್ ಕಾರಣ ಪಂದ್ ತೆರಿದ್ ಬೈದ್ಂಡ್. ರಾಜಾನುಕುಂಟೆ ಠಾಣೆದ ಪೊಲೀಸೆರ್ ಜಾಗೆಗ್ ಬತ್ತ್‌ದ್ ಪರಿಶೀಲನೆ ಮಲ್ತ್‌ದೆರ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ಡಿ.23-31 ಮುಟ್ಟ 1262 ಕೋಟಿ ರೂ. ಬಿಲೆತ್ತ ಗಂಗಸರ ಸೇಲ್

Jan 2, 2023

ಬೆಂಗ್ಲೂರು: ಪೊಸ ವರ್ಷಾಚರಣೆಗ್ ಅಬಕಾರಿ ಇಲಾಖೆಗ್ ಭಾರಿ ಆದಾಯ ಬೈದ್ಂಡ್.

ಡಿ.23 – 31 ಮುಟ್ಟ ಬರೋಬ್ಬರಿ 1262 ಕೋಟಿ ರೂ. ಬಿಲೆತ್ತ 20.66 ಲಕ್ಷ ಲೀಟರ್ ಐಎಎಲ್ ಗಂಗಸರ ಸೇಲ್ ಆತ್ಂಡ್. ಇಂಚಾದ್ 15.4 ಲಕ್ಷ ಲೀಟರ್ ಬಿಯರ್ ಸೇಲ್ ಆದ್ ದಾಖಲ್ ನಿರ್ಮಾಣ ಮಲ್ತ್‌ದ್ಂಡ್.

ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ಮಕರ ಸಂಕ್ರಾಂತಿರ್ದ್ ಬೊಕ್ಕ ಜೆಡಿಎಸ್ ಪಕ್ಷದ ಆಭ್ಯರ್ಥಿಲೆನ 2ನೇ ಪಟ್ಟಿ ಬುಡುಗಡೆ; ಎಚ್.ಡಿ. ಕುಮಾರಸ್ವಾಮಿ

Jan 2, 2023

ಮೈಸೂರ್: ಜ.15 ತ್ತ ಮಕರ ಸಂಕ್ರಾಂತಿರ್ದ್ ಬೊಕ್ಕ ಜೆಡಿಎಸ್ ಪಕ್ಷದ ಅಭ್ಯರ್ಥಿಲೆನ 2ನೇ ಪಟ್ಟಿ ಬುಡುಗಡೆ ಮಲ್ಪರೆ ಉಲ್ಲ ಪಂದ್ ಮಾಜಿ ಮುಖ್ಯಮಂತ್ರಿ ಎಚ್ ಡಿ ಕುಮಾರಸ್ವಾಮಿ ತೆರಿಪಾದೆರ್.

ಸುದ್ದಿಗೋಷ್ಟಿಡ್ ಪಾತೆರಿನ ಆರ್, ಇತ್ತೆ ಜೆಡಿಎಸ್ ಪಕ್ಷದ ಆಭ್ಯರ್ಥಿಲೆನ ಸುರುತ್ತ ಪಟ್ಟಿ ಬುಡುಗಡೆ ಮಲ್ತ್‌ದ. ರಾಜ್ಯಡ್ 130 ತಾನೊ ಪಡೆಯೊನುನ ಮುಕೇನ ಜೆಡಿಎಸ್ ಅಧಿಕಾರಗ್ ಬರಿಯರೆ ಉಂಡು ಪಂದ್ ಪಂಡೆರ್.

ಜೈಲ್‌ ಡ್ ಗುಂಡು ಪಾಡಿನ ನಿಲೆಟ್ಟ್ 10 ಭದ್ರತಾ ಸಿಬ್ಬಂದಿ ಸೇರ್ದ್ 14 ಜನ ತೀರ್ ಪೋಯೆರ್, 24 ಕೈದಿಲು ತಪ್ಪಾದ್ ಪದ್ರಾಡ್

Jan 2, 2023

ಮೆಕ್ಸಿಕೊ: ಸಿಯುಡಾಡ್ ಜುವಾರೆಜ್ ಜೈಲ್‌ದ ಮಿತ್ತ್ ಗುಂಡುದ ದಾಳಿ ಆದ್, ಸಿಬ್ಬಂದಿ ಸೇರ್ದ್ 14 ಜನ ತೀರ್ ಪೋಯಿನ ಘಟನೆ ನಡತ್ಂಡ್. ಕೈದಿಲೆನ ಕುಟುಮದಕುಲು ತನ್ನ ಸದಸ್ಯೆರೆನ್ ಭೇಟಿ ಮಲ್ಪರೆ ಜೈಲ್‌ಗ್ ಪೋದಿಪ್ಪುನಗ ಈ ಘಟನೆ ನಡತ್ಂಡ್.

ಗುಂಡು ಪಾಡ್ದಿನಕುಲು ಪೆನಿಟೆನ್ಷಿಯರಿ ಸೆಂಟರ್‌ಗ್ ಗಾಡಿಡ್ ಬೈದೆರ್. ಆಯಿಬೊಕ್ಕ ಭದ್ರತಾ ಅಧಿಕಾರಿಲೆನ ಮಿತ್ತ್ ಗುಂಡುದ ದಾಳಿ ನಡಪಾದೆರ್. ಅಂಚಾದ್ 24 ಕೈದಿಲು ಜೈಲ್‌ರ್ದ್ ತಪ್ಪಾದ್ ಪದ್ರಾಡ್ ಪಾಡ್ದೆರ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜಕೀಯ ಸುದ್ದಿ | Political News ರಾಜ್ಯದ ಸುದ್ದಿ | State News

ಸಂಸೆದೆರ್ ರಾಘವೇಂದ್ರ ಮೆರೆನ ಫೋಟೋಗ್ರಾಫರ್ ಕಿರೆಟ್ಟ್ ಮುರ್ಕುದು ತೀರ್ ಪೋಯೆರ್

Jan 2, 2023

ರಾಮನಗರ: ಸಂಸದೆರ್ ಬಿ. ವೈ ರಾಘವೇಂದ್ರ ಮೆರೆನ ಫೋಟೋಗ್ರಾಫರ್ ಕಿರೆಟ್ಟ್ ಮುರ್ಕ್‌ದ್ ತೀರ್ ಪೋಯಿನ ಘಟನೆ ಐತಾರ ನಡತ್ಂಡ್. ಪ್ರಸನ್ನ ಭಟ್ ತೀರ್ ಪೋಯಿನ ಫೊಟೊಗ್ರಾಫರ್.

ಈ ಬಗೆಟ್ ಟ್ವೀಟ್ ಮಲ್ತಿನ ಸಂಸದೆರ್, ಪಕ್ಷದ ಲೇಸ್‌ಡ್ ಪಾಲ್ ಪಡೆಯೊಂದಿತ್ತಿನ ಯನ್ನ ಫೋಟೋಗ್ರಾಫರ್ ಪ್ರಸನ್ನ ಭಟ್ ತೀರ್ ಪೋಯಿನ ಸುದ್ದಿ ಕೇಂದ್ ಬೇಜಾರ್ ಆತ್ಂಡ್. ದೇವೆರ್ ಅರೆನ ಆತ್ಮಗ್ ಶಾಂತಿ ಕೊರಡ್ ಪಂದ್ ಪ್ರಾರ್ಥನೆ ಮಲ್ಪವೆ. ಓಂ ಶಾಂತಿ ಪಂದ್ ಬರೆತೆರ್.

ಬಿಜೆಪಿ ಶಾಸಕೆರ್ನ ಪುದರ್ ಬರೆದ್ ದೀದ್ ತರೆಕ್ಕ್ ಗುಂಡು ಪಾಡೊಂದು ಆತ್ಮಹತ್ಯೆ ಮಲ್ತಿನ ಜವನೆ

Jan 2, 2023

ಬೆಂಗ್ಲೂರು: ಬಿಜೆಪಿ ಶಾಸಕೆರ್ ಅರವಿಂದ ಲಿಂಬಾವಳಿ ಸೇರ್ದ್ 6 ಜನತ್ತ ಪುದರ್ ಬರೆದೀದ್ ಜವನೆ ಒರಿ ಆತ್ಮಹತ್ಯೆ ಮಲ್ತಿನ ಘಟನೆ ಪೇಂಟೆದ ನೆಟ್ಟಿಗೆರೆ ಗ್ರಾಮದ ಕೈತಲ್ ನಡತ್ಂಡ್.

ಹೆಚ್‌ಸಿಆರ್ ಲೇಔಟ್‌ದ 47 ವರ್ಷದ ಪ್ರದೀಪ್ ತನ್ನ ಕಾರ್‌ಡ್ ತರೆಕ್ಕ್ ಗುಂಡು ಪಾಡೊಂದು ಆತ್ಮಹತ್ಯೆ ಮಲ್ತ್‌ದೆರ್. ಮಾಜಿ ಸಚಿವೆರ್ ಅರವಿಂದ ಲಿಂಬಾವಳಿ, ಜಿ.ರಮೇಶ್ ರೆಡ್ಡಿ, ಕೆ.ಗೋಪಿ, ಜಯರಾಮ್ ರೆಡ್ಡಿ, ರಾಘವ ಭಟ್, ಸೋಮಯ್ಯ ಸೇರ್ದ್ 6 ಜನತ್ತ ಪುದರ್ ಬರೆದೀದ್ “ಯನ್ನ ಸಾವುಗ್ ನ್ಯಾಯ ಕೊರ್ಪಾಲೆ” ಪಂದ್ ಪ್ರದೀಪ್ ಡೆತ್ ನೋಟ್‌ಡ್ ಬಿನ್ನಾಪು ಮಲ್ತ್‌ದೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ತುಳುನಾಡ್ದ ಸ್ಟಾರ್ ರೂಪೇಶ್ ಶೆಟ್ಟಿ ಬಿಗ್‌ಬಾಸ್ ಸೀಸನ್ 9 ದ ವಿನ್ನರ್

Dec 31, 2022

ತುಳುನಾಡ್ ದ ಸ್ಟಾರ್ ರೂಪೇಶ್ ಶೆಟ್ಟಿ ಬಿಗ್‌ಬಾಸ್ ಸೀಸನ್ 9 ದ ವಿನ್ನರ್ ಆತೆರ್.

ಬಿಗ್‌ಬಾಸ್ ವಿನ್ನರ್ ಏರ್ ಆಪೆರ್ ಪಂದ್ ಅಭಿಮಾನಿಲು ಕಾತೊಂದಿತ್ತೆರ್. ಆಂಡ ಇತ್ತೆ ಅಯಿಕ್ಕ್ ಪರ್ದೆ ಬೂರ್ದುಂಡು. ತುಳುನಾಡ್‌ ದ ಪುಗರ್ತೆದ ನಟೆ ಮಸ್ತ್ ತುಳು ಪಿಚ್ಚರ್‌ಡ್ ನಟನೆ ಮಲ್ತಿನ ರೂಪೇಶ್ ಶೆಟ್ಟಿ ಬಿಗ್‌ಬಾಸ್ ಸೀಸನ್ 9 ವಿನ್ನರ್ ಆತೆರ್. ತನ್ನ ಪಾತೆರ, ತೆಲಿಕೆ ನಲಿಕೆದ ಮುಕೇನ ಸುರೂರ್ದು ಎಡ್ಡೆ ರೀತಿಡ್ ರೂಪೇಶ್ ಶೆಟ್ಟಿ ಗೊಬ್ಬೊಂದಿತ್ತೆರ್.

Roopesh Shetty is the winner of Big Boss season 9:

Star of Tulunadu Roopesh Shetty wins Big Boss season 9.

The long wait is over and our own Star of Tulunadu Roopesh Shetty has been declared the winner. His smile, talk and mannerisms had made him a hot favourite for the coveted title .

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ಬಿಗ್‌ಬಾಸ್ ಸೀಸನ್ 9 ದ ವಿನ್ನರ್ ಪಟ್ಟಗ್ ಕೌಂಟ್‌ಡೌನ್ ಸುರು ತುಳುನಾಡ್‌ದ ಸ್ಟಾರ್ ರೂಪೇಶ್ ಶೆಟ್ಟಿ ಗೆಂದುನ ಸಾಧ್ಯತೆ

Dec 31, 2022

ಬಿಗ್‌ಬಾಸ್ ಸೀಸನ್ 9 ಮುಗಿಯರೆ ಕೆಲವು ಪೊರ್ತು ಮಾತ್ರ ಬಾಕಿ ಉಂಡು. ಬಿಗ್‌ಬಾಸ್ ವಿನ್ನರ್ ಏರ್ ಆಪೆರ್ ಪಂದ್ ಅಭಿಮಾನಿಲು ಕಾತೊಂದುಲ್ಲೆರ್.

ತುಳುನಾಡ್‌ಡ ಪುಗರ್ತೆದ ನಟೆ ಮಸ್ತ್ ತುಳು ಪಿಚ್ಚರ್‌ಡ್ ನಟನೆ ಮಲ್ತಿನ ರೂಪೇಶ್ ಶೆಟ್ಟಿ ಬಿಗ್‌ಬಾಸ್ ಸೀಸನ್ 9 ವಿನ್ನರ್ ಆಪಿನ ಸಾಧ್ಯತೆ ಉಂಡು. ತನ್ನ ಪಾತೆರ, ತೆಲಿಕೆ ನಲಿಕೆದ ಮುಕೇನ ಸುರುರ್ದ್ ಎಡ್ಡೆ ರೀತಿಡ್ ಗೊಬ್ಬೊಂದಿತ್ತಿನ ತುಳುನಾಡ್‌ದ ಸ್ಟಾರ್ ರೂಪೇಶ್ ಶೆಟ್ಟಿ ಗೆಂದೊಡು ಆವೊಡು ಪಂದ್ ತುಳು ಅಭಿಮಾನಿಲು ಪನೊಂದುಲ್ಲೆರ್.

ಇತ್ತೆ ಬಿಗ್‌ಬಾಸ್ ಸೀಸನ್ 9 ದ ಫೈನಲಿಸ್ಟ್ ಆದ್ ರೂಪೇಶ್ ಶೆಟ್ಟಿ, ರಾಕೇಶ್ ಅಡಿಗ, ರಾಜಣ್ಣ, ದೀಪಿಕಾ ದಾಸ್ ಉಲ್ಲೆರ್. ಅವೆಟ್ಟ್ ರೂಪೇಶ್ ಶೆಟ್ಟಿ ಬೊಕ್ಕ ರಾಕೇಶ್ ಅಡಿಗ ನಡುಟ್ಟ್ ಮಸ್ತ್ ಫೈಟ್ ಉಂಡು. ಡಿ. 31 ತ್ತ ಕತ್ತಲೆಗ್ ಕಲರ್ಸ್ ಕನ್ನಡಡ್ ಬಿಗ್‌ಬಾಸ್ ಸೀಸನ್-9 ದ ವಿನ್ನರ್ ಪಟ್ಟ ಏರೆಗ್ ತಿಕ್ಕರೆ ಉಂಡು ಪಂದ್ ನಮ ತೆರಿಯೊಲಿ.

ಕಾಸ್ರೋಡ್ ಸುದ್ದಿ | Kasargod News ಕುಡ್ಲದ ಸುದ್ದಿ | Mangalore News ಕೇರಳ ಸುದ್ದಿ | Kerala News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಇನಿ ಶಬರಿಮಲೆ ರಿ ಓಪನ್

Dec 30, 2022

ಶಬರಿಮಲೆ ಅಯ್ಯಪ್ಪ ದೇವಲ್ಯಡ್ ಜ.14 ಕ್ಕ್ ಮಕರವಿಳಕ್ಕು ಪೂಜೆ ನಡಪರೆ ಉಂಡು. ಉಂದೆಕ್ಕಾದ್ ಇನಿ (ಡಿ.30) ಬಯ್ಯ 5 ಗಂಟೆಗ್ ಶಬರಿಮಲೆ ದೇವಲ್ಯದ ಗರ್ಭಗುಡಿ ಓಪನ್ ಆಯರೆ ಉಂಡು.

ಇನಿರ್ದ್ ಜ.20 ಮುಟ್ಟ ಭಕ್ತೆರ್‍ನ ದರ್ಶನಗಾದ್ ಅವಕಾಶ ಉಂಡು. ಈ ನಡುಟ್ಟ್ ಇನಿ ಶಬರಿಮಲೆಟ್ಟ್ ಪೂಜೆ ಸಂದಾಯರೆ 32,281 ಜನಕುಲು ಆನ್‌ಲೈನ್‌ಡ್ ದುಂಬೇ ನೋಂದಣಿ ಮಲ್ತ್‌ದೆರ್ ಪಂದ್ ದೇವಸ್ವಂ ಮಂಡಳಿ ತೆರಿಪಾದೆರ್.

Shabarimale temple to reopen today

The sanctum of the Shabarimale Ayyappa temple will be reopened today (30-12-2022 ) at 5 p m.

Dharshan will be available for devotees till the 20 th of January. The Makara Jyothi pooja will be on the 14th of January. Pooja has already been booked online for today by 32,281 devotees said the temple management.

ರಾಜ್ಯದ ಸುದ್ದಿ | State News

ಹುಷಾರ್ ದಾಂತಿನ ಸಿದ್ದೇಶ್ವರ ಸ್ವಾಮಿಜಿನ್ ಭೇಟಿ ಆಯಿನ ಮಾಜಿ ಸಿಎಂ ಸಿದ್ದರಾಮಯ್ಯ

ಪೊಣ್ಣಗ್ ಕ್ಲಾಸ್‌ಡೇ ಬಿಸತಿ ಪಾಡ್ದ್ ಕೆರಿನ ಕಲ್ಪಾರ್ಥಿ..!

ಡಿ.23-31 ಮುಟ್ಟ 1262 ಕೋಟಿ ರೂ. ಬಿಲೆತ್ತ ಗಂಗಸರ ಸೇಲ್

ಮಕರ ಸಂಕ್ರಾಂತಿರ್ದ್ ಬೊಕ್ಕ ಜೆಡಿಎಸ್ ಪಕ್ಷದ ಆಭ್ಯರ್ಥಿಲೆನ 2ನೇ ಪಟ್ಟಿ ಬುಡುಗಡೆ; ಎಚ್.ಡಿ. ಕುಮಾರಸ್ವಾಮಿ

ಜೈಲ್‌ ಡ್ ಗುಂಡು ಪಾಡಿನ ನಿಲೆಟ್ಟ್ 10 ಭದ್ರತಾ ಸಿಬ್ಬಂದಿ ಸೇರ್ದ್ 14 ಜನ ತೀರ್ ಪೋಯೆರ್, 24 ಕೈದಿಲು ತಪ್ಪಾದ್ ಪದ್ರಾಡ್

ಸಂಸೆದೆರ್ ರಾಘವೇಂದ್ರ ಮೆರೆನ ಫೋಟೋಗ್ರಾಫರ್ ಕಿರೆಟ್ಟ್ ಮುರ್ಕುದು ತೀರ್ ಪೋಯೆರ್

ಬಿಜೆಪಿ ಶಾಸಕೆರ್ನ ಪುದರ್ ಬರೆದ್ ದೀದ್ ತರೆಕ್ಕ್ ಗುಂಡು ಪಾಡೊಂದು ಆತ್ಮಹತ್ಯೆ ಮಲ್ತಿನ ಜವನೆ

ತುಳುನಾಡ್ದ ಸ್ಟಾರ್ ರೂಪೇಶ್ ಶೆಟ್ಟಿ ಬಿಗ್‌ಬಾಸ್ ಸೀಸನ್ 9 ದ ವಿನ್ನರ್

ಬಿಗ್‌ಬಾಸ್ ಸೀಸನ್ 9 ದ ವಿನ್ನರ್ ಪಟ್ಟಗ್ ಕೌಂಟ್‌ಡೌನ್ ಸುರು ತುಳುನಾಡ್‌ದ ಸ್ಟಾರ್ ರೂಪೇಶ್ ಶೆಟ್ಟಿ ಗೆಂದುನ ಸಾಧ್ಯತೆ

ಇನಿ ಶಬರಿಮಲೆ ರಿ ಓಪನ್

You Missed

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ