ರಾಜ್ಯದ ಸುದ್ದಿ | State News

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ಕಟ್ಟೊಂದಿತ್ತಿನ ಮೆಟ್ರೋ ಪಿಲ್ಲರ್ ದ ಕರ್ಬ ತಿರ್ತ್ ಬೂರ್ದು ತೀರ್ ಪೋಯಿನ ಅಪ್ಪೆ ಬೊಕ್ಕ ಬಾಲೆ

Jan 10, 2023

ಬೆಂಗ್ಲೂರು: ಹೆಚ್‌ಬಿಆರ್ ಲೇಔಟ್ ಕೈತಲ್ ಮೆಟ್ರೋ ಪಿಲ್ಲರ್ ಕರ್ಬದ ರಾಡ್ ಮಾರ್ಗಗ್ ಬೂರ್ದ್ ಅಪ್ಪೆ ಬೊಕ್ಕ ಬಾಲೆ ತೀರ್ ಪೋಯಿನ ಘಟನೆ ನಡತ್ಂಡ್.

ತೇಜಸ್ವಿನಿ (28) ಬೊಕ್ಕ ರಡ್ಡರೆ ವರ್ಷದ ಬಾಲೆ ವಿಹಾನ್ ತೀರ್ ಪೋಯಿನಕುಲ್. ನಿರ್ಮಾಣ ಹಂತೊಡು ಇತ್ತಿನ ಪಿಲ್ಲರ್ ಕರ್ಬದ ರಾಡ್‌ ಬೈಕ್‌ಡ್ ಪೋವೊಂದಿತ್ತಿನ ದಂಪತಿ ಬೊಕ್ಕ ಬಾಲೆದ ಮಿತ್ತ್ ಬೂರ್ದ್ಂಡ್. ಈ ಘಟನೆಡ್ ಪೆಟ್ಟ್ ಆತಿನ ಮೂಜಿ ಜನನ್‌ಲ ಆಸ್ಪತ್ರೆಗ್ ದಾಖಲ್ ಮಲ್ತ್‌ದಿತ್ತೆರ್. ಆಂಡ ಮಸ್ತ್ ಪೆಟ್ಟಾಯಿನ ಅಪ್ಪೆ ಬೊಕ್ಕ ಬಾಲೆ ಚಿಕಿತ್ಸೆ ಫಲ ಕೊರಂದೆ ತೀರ್ ಪೋಯೆರ್.

ಸಕಲೇಶಪುರ : ಗುಂಡುದ ದಾಳಿಗ್ ತೀರ್ ಪೋಯೆರ್ ಬಿಜೆಪಿ ಕಾರ್ಯಕರ್ತೆ; ರಡ್ಡ್ ಜನಕ್ಕ್ ಗಾಯ

Jan 10, 2023

ಹಾಸನ: ಗುಂಡುದ ದಾಳಿಗ್ ಬಿಜೆಪಿ ಕಾರ್ಯಕರ್ತೆ ತೀರ್ ಪೋಯಿನ ಘಟನೆ ಜಿಲ್ಲೆದ ಸಕಲೇಶಪುರ ತಾಲೂಕ್‌ದ ತಂಬಲಗೇರಿ ಗ್ರಾಮಡ್ ನಡತ್ಂಡ್.

ಬಿಜೆಪಿದ ಕಾರ್ಯಕರ್ತೆ ನವೀನ್ (39) ಜಾಗೆಡೇ ತೀರ್ ಪೋತೆರ್. ರಡ್ಡ್ ಜನಕ್ಕ್ ಮಸ್ತ್ ಗಾಯ ಆತ್ಂಡ್. ನವೀನ್, ದಯಾನಂದ ಪದ್ಮನಾಭ, ರಾಜಾಚಾರಿ ಒಟ್ಟು ಸೇರ್ದ್ ಹೇಮಾವತಿ ತುದೆಟ್ಟ್ ಮೀನ್ ಪತ್ತರೆ ನಡುರಾತ್ರೆ ಪೋದಿತ್ತೆರ್. ಆಂಡ ಉಂದುವೇ ಪೊರ್ತುಡು ಏರಾ ಪುಂಡೆರ್ ಮೊಕ್ಲೆನ ಮಿತ್ತ್ ಫೈರಿಂಗ್ ಮಲ್ದೆರ್. ಯಸಳೂರು ಪೊಲೀಸ್ ಠಾಣೆಡ್ ಈ ಘಟನೆ ನಡತ್ಂಡ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜಕೀಯ ಸುದ್ದಿ | Political News ರಾಜ್ಯದ ಸುದ್ದಿ | State News

ವಿಧಾನಸಭೆ ವೋಟುಗು ಎಸ್‌ಡಿಪಿಐ ಆಭ್ಯರ್ಥಿಲೆನ ಸುರುತ್ತ ಪಟ್ಟಿ ಬುಡುಗಡೆ

Jan 7, 2023

ಬೆಂಗ್ಲೂರು: 2023 ತ್ತ ಕರ್ನಾಟಕ ವಿಧಾನಸಭಾ ವೋಟುಗು ಎಸ್‌ಡಿಪಿಐ ತನ್ನ ಅಭ್ಯರ್ಥಿಲೆನ ಸುರುತ್ತ ಪಟ್ಟಿನ್ ಬುಡುಗಡೆ ಮಲ್ತ್‌ದ್ಂಡ್.

ಬೆಂಗ್ಲೂರುಡು ಸುದ್ದಿಗೋಷ್ಠಿ ಮಲ್ತಿನ ಎಸ್‌ಡಿಪಿಐ ರಾಷ್ಟ್ರೀಯ ಅಧ್ಯಕ್ಷೆರ್ ಎಮ್.ಕೆ. ಪೈಝಿ ಮೇರ್, ಎಸ್‌ಡಿಪಿಐ ಆಭ್ಯರ್ಥಿಲೆನ ಸುರುತ್ತ ಪಟ್ಟಿನ್ ಬುಡುಗಡೆ ಮಲ್ತೆರ್.

10 ಕ್ಷೇತ್ರಡ್ ಸ್ಪರ್ಧಿಸಾವುನ ಆಭ್ಯರ್ಥಿಲೆನ ಪಟ್ಟಿ ಇಂಚ ಉಂಡು.

ಬಂಟ್ವಾಳ (ದಕ್ಷಿಣ ಕನ್ನಡ) – ಇಲ್ಯಾಸ್ ಮಹಮ್ಮದ್ ತುಂಬೆ

ಬೆದ್ರ (ದಕ್ಷಿಣ ಕನ್ನಡ) – ಅಲ್ಫೋನ್ಸೋ ಫ್ರಾಂಕೋ

ಬೊಲ್ತೇರ್: (ದಕ್ಷಿಣ ಕನ್ನಡ) – ಅಕ್ಬರ್ ಬೊಲ್ತೇರ್

ಕಾಪು (ಒಡಿಪು) – ಹನೀಫ್ ಮುಳೂರು

ದಾವಣಗೆರೆ ದಕ್ಷಿಣ (ದಾವಣಗೆರೆ) – ಇಸ್ಮಾಯಿಲ್ ಝಬೀವುಲ್ಲಾ

ನರಸಿಂಹರಾಜ ಕ್ಷೇತ್ರ – ಅಬ್ದುಲ್ ಮಜೀದ್ ಮೈಸೂರು

ಪುಲಕೇಶಿ ನಗರ – ಬಿ.ಆರ್ ಭಾಸ್ಕರ್ ಪ್ರಸಾದ್

ಸರ್ವಜ್ಞ ನಗರ (ಬೆಂಗ್ಲೂರು) – ಅಬ್ದುಲ್ ಹನ್ನಾನ್

ಚಿತ್ರದುರ್ಗ – ಬಾಳೆಕಾಯಿ ಶ್ರೀನಿವಾಸ್

ವಿಜಯನಗರ – ನಝೀರ್ ಖಾನ್

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ರಪಕ್ಕ ಸುದ್ದಿ Flash News ರಾಜಕೀಯ ಸುದ್ದಿ | Political News ರಾಜ್ಯದ ಸುದ್ದಿ | State News

ಕಾಂಗ್ರೆಸ್ ನಾಯಕಿ ಸೋನಿಯಾ ಗಾಂಧಿ ಆಸ್ಪತ್ರೆಗ್ ದಾಖಲ್..!

Jan 4, 2023

ಎಐಸಿಸಿ ಮಾಜಿ ಅಧ್ಯಕ್ಷೆರ್ ಸೋನಿಯಾ ಗಾಂಧಿ ಮೇರ್ ಹುಷಾರ್‌ದಾಂತೆ ಗಂಗಾ ರಾಮ್ ಆಸ್ಪತ್ರೆಗ್ ದಾಖಲ್ ಆತೆರ್.

ರೆಗ್ಯೂಲರ್ ಚೆಕಪ್‌ಗಾದ್ ಅಸ್ಪತ್ರೆಗ್ ದಾಖಲ್ ಆತೆರ್ ಪಂದ್ ವೈದ್ಯಕೀಯ ಮೂಲಲು ತೆರಿಪಾದ್ಂಡ್. ಪ್ರಿಯಾಂಕ ಗಾಂಧಿ ಮೆರೆನ್ ಆಸ್ಪತ್ರೆಗ್ ಲೆತೊಂದು ಬತ್ತ್‌ದೆರ್.

ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ಶವರ್ಮಾ ತಿಂದ್‌ದ್ ತೀರ್ ಪೋಯಿನ ನರ್ಸ್

Jan 4, 2023

ಕೋಟ್ಟಯಂ: ಹೊಟೇಲ್ ಒಂಜೆಟ್ಟ್ ಶವರ್ಮಾ ತಿಂದ್‌ದ್ ನರ್ಸ್ ಒರ್ತಿ ತೀರ್ ಪೋದು, ಮಸ್ತ್ ಜನಕುಲು ಹುಷಾರ್‌ದಾಂತೆ ಆತಿನ ಘಟನೆ ಕೇರಳದ ಕೋಟ್ಟಯಂಡ್ ನಡತ್ಂಡ್.

ಸರ್ಕಾರಿ ವೈದ್ಯಕೀಯ ಕಾಲೇಜಿಡ್ ನರ್ಸ್ ಆದ್ ಸೇವೆ ಮಲ್ತಿನ ರಶ್ಮಿ (33) ತೀರ್ ಪೋಯಿನ ಪೊಂಜೊವು. ಶವರ್ಮಾ ತಿಂತಿನ ಒಂಜಿ ಗಂಟೆರ್ದ್ ಬೊಕ್ಕ ಕಕ್ಯರ ಸುರು ಮಲ್ತೆರ್. ಅಪಗನೆ ಆಸ್ಪತ್ರೆಗ್ ದಾಖಲ್ ಮಲ್ತ್ಂಡಲ ಜೀವ ಒರಿಪಾಯರೆ ಆಯಿಜಿ.

ಪಾಠ ಪುಸ್ತಕೊಡು ಸಿದ್ದೇಶ್ವರ ಸ್ವಾಮೀಜಿ ಜೀವನ ಕತೆ : ಸಿಎಂ ಬೊಮ್ಮಾಯಿ

Jan 4, 2023

ವಿಜಯಪುರದ ಜ್ಞಾನ ಯೋಗಾಶ್ರಮದ ಸಿದ್ಧೇಶ್ವರ ಸ್ವಾಮೀಜಿ ಮೆರೆನ ಜೀವನ ಕತೆನ್ ಶಾಲೆದ ಪಠ್ಯ ಪುಸ್ತಕಡ್ ಸೇರ್ಸಾವರೆ ಉಂಡು ಪಂದ್ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ತೆರಿಪಾಯೆರ್.

“ನಡಪುನ ದೇವೆರ್’ ಪಂದ್ ಪುಗರ್ತೆ ಪಡೆಯಿನ ಆಧ್ಯಾತ್ಮಿಕ ಚಿಂತಕೆರ್, ಪ್ರವಚನಕಾರೆರ್ ಸಿದ್ದೇಶ್ವರ ಸ್ವಾಮೀಜಿ ಮೆರೆನ ಜೀವನಡ್ ಬೇತೆ ಬೇತೆ ರೀತಿಡ್ ಬದಲಾವಣೆ ಆತ್ಂಡ್. ಅಂಚಾದ್ ಮೆರೆನ ಜೀವನದ ಕತೆನ್ ಪಠ್ಯ ಪುಸ್ತಕಡ್ ಸೇರ್ಸಾವರೆ ಉಂಡು ಪಂದ್ ಪಂಡೆರ್.

ಕಾಸ್ರೋಡ್ ಸುದ್ದಿ | Kasargod News ಕೇರಳ ಸುದ್ದಿ | Kerala News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಮಕರ ಜ್ಯೋತಿ ತೂಯರೆ ಶಬರಿಮಲೆಟ್ಟ್ ತಯಾರಿ

Jan 4, 2023

ಪುಗರ್ತೆದ ಜಾಗೆ ಶಬರಿಮಲೆಟ್ಟ್ ಮಕರ ಜ್ಯೋತಿ ತೂಯರೆ ದೇವಸ್ವಂ ಬೋರ್ಡ್ ಮಾತ ರೀತಿದ ತಯಾರ್ ಸುರು ಮಲ್ತ್ ದಂಡ್.

ಬತ್ತಿನ ಭಕ್ತೆರ್ ಮಕರ ಜ್ಯೋತಿ ತೂಯರೆ ಅನುಕೂಲ ಆಪಿಲೆಕ್ಕ ಆ ಜಾಗೆಡ್ ತಡೆಪು ಬೇಲಿ ನಿರ್ಮಾಣ, ಬೊಲ್ಪು ಅಂಚನೆ ಪರ್ಪಿನ ನೀರ್‌ದ ವ್ಯವಸ್ಥೆ ಮಲ್ತ್‌ದೆರ್. ತೂತ್ತ ಅಪಾಯನ್ ತಡೆಯರೆ ಕಾಡ್‌ಡ್ ಅಟಿಲ್ ಮಲ್ಪುನೆನ್ ನಿಷೇಧ ಮಲ್ತ್‌ದೆರ್.

ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ನಮ್ಮ ಸರ್ಕಾರ ಅಧಿಕಾರಗ್ ಬತ್ತ್ಂಡ ಪ್ರತಿ ಒರಿಯಗ್‌ಲ ಧರ್ಮಾಥವಾದ್ 10 ಕೆ.ಜಿ ಅರಿ : ಸಿದ್ದರಾಮಯ್ಯ

Jan 4, 2023

ವಿಪಕ್ಷ ನಾಯಕೆರ್ ಸಿದ್ದರಾಮಯ್ಯ ಸಿಎಂ ಆಪಿನ ಆಸೆನ್ ಪಿದಯ್ ಪಾಡ್ದೆರ್. ನಮ್ಮ ಸರ್ಕಾರ ಅಧಿಕಾರಗ್ ಬತ್ತ್ಂಡ ಪ್ರತಿ ಒರಿಯಗ್‌ಲ 10 ಕೆ.ಜಿ ಅರಿನ್ ಧರ್ಮಾರ್ಥವಾದ್ ಕೊರ್ಪ ಪಂದ್ ಪಂಡೆರ್.

ರಾಜ್ಯಡ್ ಏರ್‍ಲಾ ಬಡವುಡ್ ಜೆಪ್ಪರೆ ಬಲ್ಲಿ. ಯಾನ್ ಸಿಎಂ ಆದಿಪ್ಪುನಗ ಪ್ರತಿ ಒರಿಯಗ್‌ಲ 7 ಕೆ.ಜಿ ಅರಿ ಕೊರೊಂದಿತ್ತೆ. ಆಂಡ ಬಿಜೆಪಿ ಸರ್ಕಾರ 5೫ ಕೆ.ಜಿ ಮಲ್ತ್‌ದ್ಂಡ್ ಪಂದ್ ಸ್ವರ ಲಕ್ಕಾಯೆರ್.

ಮಿಕ್ಸಿ ಬಾಂಬ್ ಪುಡಾದಿನ ಕೇಸ್: ಆರೋಪಿ ಅನೂಪ್ ಕುಮಾರ್ ಅರೆಸ್ಟ್

Jan 4, 2023

ಹಾಸನ: ಮಿಕ್ಸಿ ಪುಡಾದಿನ ಕೇಸ್‌ಗ್ ಸಂಬಂಧಿಸಾದ್ ಆರೋಪಿನ್ ಪೊಲೀಸೆರ್ ಅರೆಸ್ಟ್ ಮಲ್ತ್‌ದೆರ್.

ಅನೂಪ್ ಕುಮಾರ್ ಅರೆಸ್ಟ್ ಆಯಿನ ಆರೋಪಿ. ಏಳ್ ದಿನ ಆರೋಪಿನ್ ಪೊಲೀಸೆರ್ ವಶಕ್ಕ್ ಪಡೆಯೊಂದೆರ್. ಡಿ.26 ಕ್ಕ್ ಕುವೆಂಪು ನಗರದ ಮುಖ್ಯ ರಸ್ತೆಡ್ ಮಿಕ್ಸಿ ಬ್ಲಾಸ್ಟ್ ಆದಿತ್ತ್ಂಡ್.

ಸಿಲಿಂಡರ್ ಪುಡಾದ್ 10 ಜನಕ್ಕ್ ಪೆಟ್ಟ್

Jan 4, 2023

ಮೈಸೂರ್: ಸಿಲಿಂಡರ್ ಪುಡಾದ್ 10 ತೆರ್ದ್ ಎಚ್ಚ ಜನಕ್ಕ್ ಮಸ್ತ್ ಪೆಟ್ಟ್ ಆತಿನ ಘಟನೆ ಮೈಸೂರ್‌ದ ಬನ್ನಿಮಂಟಪದ ಅಗ್ನಿಶಾಮಕ ದಳತ್ತ ವಸತಿಗೃಹಟ್ಟ್ ನಡತ್ಂಡ್.

ಉಂದೆರ್ದಾವರ ಒಂಜೇ ಇಲ್ಲದ ನಾಲ್ ಜನ ಅಂಚನೆ ಬರಿತ್ತ ಇಲ್ಲದ ಆಜಿ ಜನಕ್ಕ್ ಪೆಟ್ಟಾತ್ಂಡ್. ಪೆಟ್ಟ್ ಆತಿನಕ್ಲೆನ್ ಮೈಸೂರ್‌ದ ಆಸ್ಪತ್ರೆಗ್ ದಾಖಲ್ ಮಲ್ತ್‌ದೆರ್. ಮೈಸೂರ್ ಪೊಲೀಸೆರ್ ಜಾಗೆಗ್ ಭೇಟಿ ಕೊರ್ದು ಪರಿಶೀಲನೆ ಮಲ್ತ್‌ದೆರ್.