ರಾಜ್ಯದ ಸುದ್ದಿ | State News

Vishakapatnam to be the new capital of Andhra Pradesh – CM Jagan ಆಂಧ್ರಪ್ರದೇಶಗ್ ನನ ವಿಶಾಖಪಟ್ಟಣಂ ಪೊಸ ರಾಜಧಾನಿ

ಆಂಧ್ರಪ್ರದೇಶ: ನನ ಕೆಲವು ತಿಂಗೊಲ್‌ಡೇ ವಿಶಾಖಪಟ್ಟಣಂ ಆಂಧ್ರಪ್ರದೇಶದ ಪೊಸ ರಾಜಧಾನಿ ಆಯರೆ ಉಂಡು ಪಂದ್ ಮುಖ್ಯಮಂತ್ರಿ ವೈಎಸ್ ಜಗನ್ ಮೋಹನ್ ರೆಡ್ಡಿ ಘೋಷಣೆ ಮಲ್ತೆರ್.

ವಿಶಾಖಪಟ್ಟಣಂಡ್ ನಡಪುನ ಜಾಗತಿಕ ಹೂಡಿಕೆದಾರೆರ್‍ನ ಶೃಂಗಸಭೆತ್ತ ಅಟ್ಟಣೆದ ಲೇಸ್‌ಡ್ ಆಂಧ್ರಪ್ರದೇಶದ ಮುಖ್ಯಮಂತ್ರಿ ಘೋಷಣೆ ಮಲ್ತೆರ್. ಆಂಧ್ರಪ್ರದೇಶ ರಾಜ್ಯರ್ದ್ ತೆಲಂಗಾಣ ವಿಭಜನೆ ಆಯಿಬೊಕ್ಕ ಹೈದರಾಬಾದ್ ಈ ರಡ್ಡ್ ರಾಜ್ಯಲೆಗ್ ಇದ ಮುಟ್ಟ ರಾಜಧಾನಿ ಆದ್ ಇತ್ತ್ಂಡ್.

Vishakapatnam to be the new capital of Andhra Pradesh – CM Jagan

Andhra Pradesh: CM Jagan Mohan Reddy announced that Vishakapatnam will be the new capital of Andhra Pradesh after a few months.

Indira Canteen – Water connection stopped for non-payment of bills ಇಂದಿರಾ ಕ್ಯಾಂಟೀನ್‌ಡ್ ಪರ್ಪಿನ ನೀರ್‌ದ ಸಮಸ್ಯೆ; ನೀರ್‌ದ ಬಿಲ್ ಕಟ್ಟಂದಿನೆಕ್ಕ್ ಕನೆಕ್ಷನ್ ಕಟ್

ಬೆಂಗ್ಲೂರು: ಇಂದಿರಾ ಕ್ಯಾಂಟೀನ್‌ಡ್ ಪರ್ಪಿನ ನೀರ್‌ದ ಸಮಸ್ಯೆ ಬತ್ತಿತ್ತ್‌ದ್, ವಾಟರ್ ಕನೆಕ್ಷನ್‌ನ್ ಕಟ್ ಮಲ್ತ್‌ದೆರ್.

ಬಿಬಿಎಂಪಿ ಬಿಲ್ ಕಟ್ಟಂದಿನೆಕ್ಕ್ ಜನಕ್ಲೆಗ್ ಪರಿಯರೆ ನೀರ್ ಇಜ್ಜಂದೆ ಪರಡುಲೆಕ್ಕ ಆತ್ಂಡ್. ಮಾಜಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಮೇರ್ ಪಾಪದಕ್ಲೆನ ಬಂಜಿ ದಿಂಜಾಯರೆ ಇಂದಿರಾ ಕ್ಯಾಂಟೀನ್‌ನ್ ಸುರು ಮಲ್ತ್‌ದಿತ್ತೆರ್. ಈ ಕ್ಯಾಂಟೀನ್‌ಡ್ ಕೂಲಿ ಬೇಲೆದಕುಲು, ಬಡವೆರ್ ವನಸ್ ಮಲ್ತ್‌ದ್ ಪೋವೊಂದಿತ್ತೆರ್. ಆಂಡ ಮುಲ್ಪ ಇತ್ತೆ ಪರಿಯರೆ ನೀರ್ ಇಜ್ಜಂದಿಲೆಕ್ಕ ಆತ್ಂಡ್.

Two drowning girls rescued by a bus driver ಕಿರೆಟ್ಟ್ ಮುರ್ಕೊಂದಿತ್ತಿನ ರಡ್ಡ್ ಪೊಣ್ಣು ಜೋಕುಲೆನ್ ಬಚಾವ್ ಮಲ್ತಿನ ಬಸ್ ಡ್ರೈವರ್

ತುಮಕೂರು ಜಿಲ್ಲೆದ ಶಿರಾ ತಾಲೂಕ್‌ದ ಸರ್ಕಾರಿ ಬಸ್ ಡ್ರೈವರ್ ಒರಿ ಕಿರೆಟ್ಟ್ ಮುರ್ಕೊಂದು ಇತ್ತಿನ ರಡ್ಡ್ ಪೊಣ್ಣ್‌ ಜೋಕುಲೆನ್ ಬಚಾವ್ ಮಲ್ದೆರ್.

ಹಂದಿಕುಂಟೆ ಅಗ್ರಹಾರ ಕಿರೆಕ್ಕ್ ಅಪ್ಪೆನ ಒಟ್ಟುಗು ಕುಂಟು ಅರ್ದರೆ ಪೋಯಿನ 19 ವರ್ಷದ ಸುಷ್ಮಾ ಅಂಚನೆ 9 ವರ್ಷದ ಮಂಜುಳ ಅಕಲ್ ತತ್ತ್‌ದ್ ಕಿರೆಕ್ಕ್ ಬೂರ್ದೆರ್. ಉಂದೆನ್ ತೂಯಿನ ಅಪ್ಪೆ ಜೋಕ್ಲೆನ್ ರಕ್ಷಣೆ ಮಲ್ಪುಲೆ ಪಂದ್ ಕಲ್ಕೊಂದು ಇತ್ತೆರ್. ಅಪಗ ಬಸ್ ಡ್ರೈವರ್ ಬಸ್‌ನ್ ಬರಿಕ್ಕ್ ಪಾಡ್ದ್ ಜೋಕ್ಲೆನ್ ರಕ್ಷಣೆ ಮಲ್ತ್‌ದೆರ್.

Two drowning girls rescued by a bus driver

A government bus driver at Shira in Tumkur district rescued two drowning girls where they had gone to wash clothes in the river and accidentally fell into the water.

Person loses four lakhs by clicking on a link ಮೊಬೈಲ್‌ಗ್ ಬತ್ತಿನ ಲಿಂಕ್ ಕ್ಲಿಕ್ ಮಲ್ತ್‌ದ್ 4 ಲಕ್ಷ ಕಳೆಯೊನಿನ ಜನ

ದಾವಣಗೆರೆ: ಮೊಬೈಲ್‌ಗ್ ಬತ್ತಿನ ಪ್ಯಾನ್ ಅಪ್ಡೇಟ್ ಲಿಂಕ್ ಕ್ಲಿಕ್ ಮಲ್ತಿನ ದಾವಣಗೆರೆತ್ತ ಜನ ಒರಿ 4.15 ಲಕ್ಷ ರೂ. ಕಳೆಯೊಂದೆರ್.

ದಾವಣಗೆರೆತ್ತ ವಿರೂಪಾಕ್ಷಪ್ಪ ಕಾಸ್ ಕಳೆಯೊಂದಿನ ಜನ. ಎಸ್‌ಬಿಐ ಯೋನೋ ಅಪ್ಲಿಕೇಶನ್ ಪ್ಯಾನ್ ಅಪ್ ಡೇಟ್ ಮಲ್ಪರೆ ಲಿಂಕ್ ಒತ್ತುಲೆ ಪಂದ್ ಮೆಸೇಜ್ ಬತ್ತಿತ್ತ್ಂಡ್. ಆ ಲಿಂಕ್ ಕ್ಲಿಕ್ ಮಲ್ತಿನ ಆರ್ 4.15 ಲಕ್ಷ ರೂ. ಕಾಸ್‌ನ್ ಕಳೆಯೊಂದೆರ್. ಈ ಬಗೆಟ್ಟ್ ಸಿಇಎನ್ ಪೊಲೀಸ್ ಠಾಣೆಡ್ ದೂರು ದಾಖಲ್ ಆತ್ಂಡ್.

Person loses four lakhs by clicking on a link

Davangere: A person loses four lakh rupees after clicking on a link for Pan update. Virupakshappa clicked on SBI Uno application pan update link and lost his money.A case has been registered with CEN police

A worker dancing at the republic day celebration dies of a heart attack ಗಣರಾಜ್ಯ ಉಚ್ಚಯಡ್ ನಲ್ತೊಂದಿಪ್ಪುನಗ ತಿಗಲೆ ಬೇನೆಡ್ ತೀರ್ ಪೋಯಿನ ನೌಕರೆ

ಸಿಂಧನೂರು: 74 ನೇ ಗಣರಾಜ್ಯ ಉಚ್ಚಯದ ಪೊರ್ತುಡು ಕೋಲಾಟ ಮಲ್ತೊಂದಿತ್ತಿನ ನೌಕರೆ ಒರಿ ತಿಗಲೆ ಬೇನೆಡ್ ತಿರ್ತ್ ಬೂರ್ದು ತೀರ್ ಪೋಯಿನ ಘಟನೆ ತಾಲೂಕ್‌ದ ಕ್ರೀಡಾಂಗಣಡ್ ನಡತ್ಂಡ್.

ಸರಕಾರಿ ಆಸ್ಪತ್ರೆದ ಬೇಲೆದಾರ್ ಮಹಾಂತೇಶ ಪೂಜಾರ್ (40) ತೀರ್ ಪೋಯಿನಾರ್. ಕೋಲಾಟ ಮಲ್ತೊಂದಿಪ್ಪುನಗ ತಿರ್ತ್ ಬೂರ್ದೆರ್. ಅಪಗನೆ ಅರೆನ್ ನಗರಸಭೆ ಅಧ್ಯಕ್ಷೆರ್ ಮಲ್ಲಿಕಾರ್ಜುನ ಪಾಟೀಲ್ ಆಸ್ಪತ್ರೆಗ್ ಲೆತೊಂದು ಪೋದಿತ್ತೆರ್. ತಿಗಲೆ ಬೇನೆ ಆದ್ ತೀರ್ ಪೋಯೆರ್ ಪಂದ್ ಡಾಕ್ಟರ್ ತೆರಿಪಾದೆರ್.