ಬೊಂಬಾಯಿದ ಸುದ್ದಿ | Mumbai News

ಮಿಸ್ ಇಂಡಿಯಾ 2022″ ಕಿರೀಟ ಗೆಂದಿನ ತುಳುನಾಡ ಪೆರ್ಮೆದ ಪೊಣ್ಣು ಸಿನಿ ಶೆಟ್ಟಿ

Jul 4, 2022

ಬೊಂಬಾಯಿ: 58ನೇ ಫೆಮಿನಾ ಮಿಸ್ ಇಂಡಿಯಾ ಪಂಥಡ್ ಒಡಿಪು ಜಿಲ್ಲೆ ಇನ್ನಾ ಮೂಲದ ಸಿನಿ ಶೆಟ್ಟಿ ಮೇರ್ ಮಿಸ್ ಇಂಡಿಯಾ 2022 ಕಿರೀಟ ಗೆಂದ್ ದೆರ್.

ಮುಂಬೈಡ್ ಇಪ್ಪುನ ಮೇರ್ ಮೂಲತಃ ತುಳುನಾಡ್ ದಾರ್ ಪನ್ಪಿನಾರ್ ಪರ್ಮೆದ ಇಚಾರ. 2020 ತ್ತ ಮಿಸ್ ಇಂಡಿಯಾ ಮಾನಸಾ ವಾರಣಾಸಿ ಮೇರ್ ಸಿನಿ ಶೆಟ್ಟಿ ಮೇರೆಗ್ ಕಿರೀಟನ್ ಪಾಡಿಯೆರ್. ಮಿಸ್ ವರ್ಲ್ಡ್ ಪಂಥದ ದುಂಬುದ ಪಂಥಡ್ ಸಿನಿ ಶೆಟ್ಟಿ ಮೇರ್ ಭಾರತದ ಪ್ರತಿನಿಧಿ ಆದ್ ಪಾಲ್ ಪಡೆಯರೆ ಉಲ್ಲೆರ್.

Sini Shetty a girl from our own Tulunadu wins the Miss India- 2022 crown

Mumbai: In the 58th Miss India-2022 pagent Sini Shetty from Karnataka has won the Miss India crown.

Though she lives in Mumbai she is originally from DK district.She was crowned by Manasa Varanasi who was Miss India 2020.She will represent India in the Miss World compitition.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ಬೊಂಬಾಯಿದ ಸುದ್ದಿ | Mumbai News ರಪಕ್ಕ ಸುದ್ದಿ Flash News

ಬೊಂಬೈಡ್ ತ್ರಿ ರಂಗ ಸಂಗಮದ ಮುತಾಲಿಕೆಡ್ ರಾಜ್ ಸೌಂಡ್ಸ್ ಆ್ಯಂಡ್ ಲೈಟ್ಸ್ ಸಿನಿಮಾ ಪ್ರದರ್ಶನ ಉದಿಪನ

Jul 3, 2022

ಬೊಂಬೈಡ್ ತ್ರಿ ರಂಗ ಸಂಗಮದ ಮುತಾಲಿಕೆಡ್ ರಾಜ್ ಸೌಂಡ್ಸ್ ಆ್ಯಂಡ್ ಲೈಟ್ಸ್ ಸಿನಿಮಾ ಪ್ರದರ್ಶನ ಉದಿಪನ

ಬೊಂಬೈ: ತ್ರಿ ರಂಗ ಸಂಗಮದ ಕೂಟದ ಮುತಾಲಿಕೆಡ್ ಬಾರಿ ಪುಗರ್ತೆ ಪಡೆಯಿನ ‘ರಾಜ್ ಸೌಂಡ್ಸ್ ಆ್ಯಂಡ್ ಲೈಟ್ಸ್’ ಸಿನಿಮಾ ಪ್ರದರ್ಶನ ದ ಉದಿಪನದ ಲೇಸ್ ಜುಲೈ 3 ಐತಾರ ಘಾಟ್ ಕೋಪರ್ ದ ಇನಾಕ್ಸ್ ಥಿಯೇಟರ್ ಡ್ ನಡತ್ಂಡ್.

ಲೇಸ್ ಉದಿಪನ ಮಲ್ತ್ ಪಾತೆರಿನ ಕರ್ನಾಟಕ ರಾಜ್ಯ ಪ್ರಶಸ್ತಿ ವಿಜೇತೆರ್, ಕರ್ನಾಟಕ ಮಲ್ಲ ಪತ್ರಿಕೆದ ಸಂಪಾದಕೆರ್ ಚಂದ್ರಶೇಖರ ಪಾಲೆತ್ತಾಡಿ ಮೇರ್,
ತ್ರಿ ರಂಗ ಸಂಗಮದ ಕೂಟದಕುಲು ಬಾರಿ ಒಂಜಿ ಪೊರ್ಲುದ ಲೇಸ್ ಅಟ್ಟಣೆ ಮಲ್ತ್ ದ್ ರಾಜ್ ಸೌಂಡ್ಸ್ ಆ್ಯಂಡ್ ಲೈಟ್ಸ್ ಪಿಚ್ಚರ್ ದ ಪ್ರದರ್ಶನದ ವ್ಯವಸ್ಥೆ ಮಲ್ದೆರ್. ಈ ಕೂಟದಕುಲು ಸಮಾಜೊಗು ನೀತಿ ಪನ್ಪಿನ, ಮನೋರಂಜನೆ ಬೊಕ್ಕ ಸಾಹಿತ್ಯ ದ ಪೊಲಬು ಮಲ್ತ್ ಕೊರ್ಪಿನ ಲೇಸ್ ಲೆನ್ ಮಲ್ದೆರ್. ಸಮಾಜೊಡು ಸೌಹಾರ್ದ ಪುಟ್ಟಾವುನ ನನಾತ್ ಎಡ್ಡೆ ಕಾರ್ಯಕ್ರಮ ಈ ಕೂಟದಕ್ಲೆರ್ದ್ ಆವಡ್ ಪಂದ್ ಎಡ್ಡೆಪ್ಪುದ ಮದಿಪು ಬಯಕಿಯೆರ್.

ಲೇಸ್ ಡ್ ಬಿನ್ನೆರಾದ್ ಕನ್ನಡ ವೆಲ್ಫೇರ್ ಸೊಸೈಟಿ ದ ಹಿರಿಯ ಮಾರ್ಗದರ್ಶಕೆರ್ ಎಸ್.ಕೆ. ಸೊರಪ, ಕಾರ್ಯಾಧ್ಯಕ್ಷೆರ್ ಅಂಚೆನೆ ಸಮಾಜ ಸೇವಕೆರ್ ಶಾಂತಾ ಶೆಟ್ಟಿ, ಉದ್ಯಮಿ ಲೋಕನಾಥ ಶೆಟ್ಟಿ ವಿಟ್ಲ, ಸಮಾಜ ಸೇವಕಿ ಕುಶಲ ಸದಾನಂದ ಶೆಟ್ಟಿ , ಕಲಾವಿದೆ ಮೋಹನ್ ಮಾರ್ನಾಡ್, ಯುಗಾನಂದ ಶೆಟ್ಟಿ, ಜಯ ಶೆಟ್ಟಿ, ಅಜೇಯ ಬಾಗಲ್ ಮೊಕುಲು ಮಾತ ಲೇಸ್ ಡ್ ಪಾಲ್ ಪಡೆತೆರ್.

ತ್ರಿರಂಗ ಸಂಗಮ ಉದಿಪನ ಆದ್ ಒಂಜಿ ವರ್ಷ ಆಂಡ್. ಅಯಿಟ್ಟ್ ಉಂದು ನಾಲ್ನೆ ಕಾರ್ಯಕ್ರಮ. ನಿಕ್ಲೆನ ಮಾತೆರ್ನಲ ಸಹಕಾರ, ಮಾರ್ಗದರ್ಶನೊಡು ಮಾತ ಲೇಸ್ ಯಶಸ್ವಿ ಆತ್ಂಡ್. ರಾಜ್ ಸೌಂಡ್ಸ್ ಪಿಚ್ಚರ್ ಡ್ ಕಾಮಿಡಿ ಬೊಕ್ಕ ಟ್ರೆಜೆಡಿ ಉಂಡು .ಉಂದೆನ್ ಮಾತೆರ್ಲ ಸಮಾನವಾದ್ ಸ್ವೀಕಾರ ಮಲ್ತ್ ದ್ ಕುಷಿ ಪಡೆವೊಡು. ಈ ಸಿನಿಮಾದ ಬಗೆಟ್ ಮಾತೆರ್ಲ ಸೋಶಿಯಲ್ ಮೀಡಿಯಾಡ್ ಎಡ್ಡೆ ಮೆಸೇಜ್ ಕಡಪುಡ್ಲೆ. ಮಾತೆರ್ಲ ತುಳು ಬಾಷೆದ ಮಿತ್ತ್ ಮೋಕೆ ದೀಲೆ ಪಂದ್ ತ್ರಿರಂಗ ಸಂಗಮದ ನವೀನ್ ಶೆಟ್ಟಿ ಇನ್ನಾ ಬಾಳಿಕೆ ಮೇರ್ ಲೆಪ್ಪು ಕೊರಿಯೆರ್.

ಲೇಸ್ ಸುಧಾರಿಕೆ ರಂಗ ಕರ್ಮಿ, ನಿರ್ದೇಶಕೆರ್ ನಂದಳಿಕೆ ನಾರಾಯಣ ಶೆಟ್ಟಿ ಮಲ್ತೆರ್.

Raj Sounds and lights movie show inaugurated at Mumbai under the patronage of Trirangasangama:

Mumbai: The inaugural show of the super duper hit movie Raj Sounds and lights was held under the patronage of Trirangasangama association, on July 3rd at Inox theatre Ghatkopar on Sunday.

The inauguration was conducted by editor and state award winner Chandrashekhar Palaytadi who speaking on the occasion said that the Trirangasangama association was doing a good job at arranging programs that are culturally relevant, socially responsible and entertaining at the same time.It was also bringing in a feeling of oneness amongst the people he said conveying his best wishes.

The guests of honour was SK Surap from Kannada welfare society, working president and social worker Shanta Shetty, enterpreneur Lokanath Shetty, social worker Kushala Sadanand Shetty, Artist Mohan Marnad, Yuganand Shetty, Jaya Shetty, Ajay Bagal and all participated in the program.

Navin Shetty speaking on behalf of Trirangasangama said that the movie Raj Sounds and lights was full of humour and he hoped that the viewers who had gathered would love the movie and send in good reviews on social media.He requested all to keep up their love for Tulu language.
The program was hosted by director Nandalike Narayan Shetty.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಂಬಾಯಿದ ಸುದ್ದಿ | Mumbai News ರಪಕ್ಕ ಸುದ್ದಿ Flash News

ಧರ್ಮ ಕಾರ್ಯ ಮಲ್ತ್ಂಡ ಸಮಾಜ ಗಟ್ಟಿ ಆಪುಂಡು: ರಮಾನಂದ ಗುರೂಜಿ

Jul 1, 2022

ಧರ್ಮ ಕಾರ್ಯ ಮಲ್ತ್ಂಡ ಸಮಾಜ ಗಟ್ಟಿ ಆಪುಂಡು: ರಮಾನಂದ ಗುರೂಜಿ

ಬೊಂಬೈದ ಕುಲಾಲ ಸಂಘದಕ್ಲೆರ್ದ್ ಕುಡ್ಲಡ್ ಆಪಿನ ಕುಲಾಲ ಭವನಡ್ ಸುದರ್ಶನ ಹೋಮ, ವಾಸ್ತು ಪೂಜೆ

ಕುಡ್ಲ: ಬೊಂಬೈದ ಪೇಂಟೆಡ್ ೯೦ ವರ್ಸೊರ್ದಿಂಚಿ ಕುಲಾಲ ಸಮಾಜದ ಎಡ್ಡೆಪ್ಪುಗಾದ್ ಪುನೆವೊಂದಿತ್ತಿನ ಕುಲಾಲ ಸಂಘ, ಬೊಂಬೈ ಮೊಕುಲು ಅಂದಾಜಿ ೧೫ ಕೋಟಿ ರೂ. ಕರ್ಚಿಡ್ ಕುಡ್ಲದ ಮಂಗಳಾದೇವಿದಲ್ಪ ನಿರ್ಮಾಣ ಮಲ್ತೊಂದುಪ್ಪುನ ಪೊಸ ದೇಖಿದ ಕುಲಾಲ ಭವನದ ನೆಲಮಾಲಿಗೆಡ್ ಜೂ.೨೫ಕ್ಕ್ ಸುದರ್ಶನ ಹೋಮ, ವಾಸ್ತುಹೋಮ ಇಂಚಿನ ಧಾರ್ಮಿಕ ವಿಧಿ ವಿಧಾನೊಲು ಒಡಿಪುದ ದೊಡ್ಡಣಗುಡ್ಡೆ ಶ್ರೀ ಆದಿಶಕ್ತಿ ದೇವಸ್ಥಾನದ ಧರ್ಮದರ್ಶಿ ರಮಾನಂದ ಗುರೂಜಿ ಮೆರೆನ ಮಾರ್ಗದರ್ಶನೊಡು ನಡತ್ಂಡ್.

ಈ ಪೊರ್ತುಡು ರಮಾನಂದ ಗುರೂಜಿ ಮೆರೆನ್ ಸಂಘದಕುಲು ಗೌರವ ಮಾನಾದಿಗೆ ಮಲ್ತೆರ್. ಆಶೀರ್ವಚನ ಮಲ್ತಿನ ಗುರೂಜಿ, ಒವ್ವೇ ಕಟ್ವಾನಡ್ ದೇವತಾ ಕಾರ್ಯೊಲು ನಡತ್ಂಡ ದೇವೆರ್ ಒಲಿದ್ ಅವುಲು ನಿಲೆ ಆಪೆರ್ ಪನ್ಪಿನ ನಂಬೊಲಿಗೆ ಉಂಡು. ಅಂಚಾದ್ ಪ್ರತಿ ಕಟ್ವಾನಡ್‌ಲ ಧರ್ಮ ಚಿಂತನೆದ ಧಾರ್ಮಿಕ ಕೆಲಸೊಲು ನಡಪೊಡು. ಕುಲಾಲ ಭವನಡ್ ನಡತಿನ ಈ ಪೂಜಾ ವಿಧಿ ವಿಧಾನೊಲೆರ್‍ದ್ ಬೊಂಬೈದ ಅಂಚೆನೆ ಊರುದ ಕುಲಾಲ ಸಮಾಜ ಬಂಧುಲೆನ ಒಗ್ಗಟ್ಟು ಗಟ್ಟಿ ಆತ್ಂಡ್. ದುಂಬುದ ದಿನೊಟ್ಟು ಈ ಕಟ್ವಾನದ ಬೇಲೆ ಪೊರ್ಲುಡೇ ಪೂರ್ಣ ಆದ್ ಲೋಕಾರ್ಪಣೆ ಆವರೆ ಉಂಡು ಪಂದ್ ಎಡ್ಡೆಪ್ಪು ಬಯಕಿಯೆರ್.

ದೊಡ್ಡಣಗುಡ್ಡೆ ಕ್ಷೇತ್ರದ ಆಡಳ್ತೆ ಉಸ್ತುವಾರಿ ಕುಸುಮ ನಾಗರಾಜ್, ಬೊಂಬೈ ಕುಲಾಲ ಸಂಘದ ಅಧ್ಯಕ್ಷೆರ್ ದೇವದಾಸ್ ಕುಲಾಲ್, ಮಾಜಿ ಅಧ್ಯಕ್ಷೆರ್ ಗಿರೀಶ್ ಬಿ.ಸಾಲ್ಯಾನ್, ಉಪಾಧ್ಯಕ್ಷೆರ್ ರಘು ಮೂಲ್ಯ ಪಾದೆಬೆಟ್ಟು, ಗೌರವ ಪ್ರಧಾನ ಕಾರ್ಯದರ್ಶಿ ಕರುಣಾಕರ ಸಾಲ್ಯಾನ್, ಕೋಶಾಧಿಕಾರಿ ಜಯ ಅಂಚನ್, ಪೊಂಜೊವುಲೆನ ಕೂಟದ ಕಾರ್ಯಾಧ್ಯಕ್ಷೆರ್ ಮಮತಾ ಗುಜರನ್, ಕಟ್ವಾನ ಸಮಿತಿದ ವಿಶ್ವನಾಥ ಬಂಗೇರ, ಸುರೇಶ್ ಕುಲಾಲ್, ಕಲ್ಲಮರು ಗೋಪಾಲ ಬಂಗೇರ, ಸುನಿಲ್ ಸಾಲ್ಯಾನ್, ದ.ಕ ಜಿಲ್ಲಾ ಕುಲಾಲೆರ್ನ ಮಾತೃ ಸಂಘದ ಅಧ್ಯಕ್ಷೆರ್ ಮಯೂರ್ ಉಲ್ಲಾಳ್, ಶ್ರೀ ವೀರನಾರಾಯಣ ದೇವಸ್ಥಾನದ ಆಡಳಿತ ಪದಾಧಿಕಾರಿಲಾಯಿನ ಪುರುಷೋತ್ತಮ ಕುಲಾಲ್ ಕಲ್ಬಾವಿ, ಎ.ದಾಮೋದರ್, ಬಿ.ಪ್ರೇಮಾನಂದ ಕುಲಾಲ್, ಸುರೇಶ್ ಕುಲಾಲ್ ಮಂಗಳಾದೇವಿ, ಗಿರಿಧರ ಮೂಲ್ಯ, ಡಾ. ಅಣ್ಣಯ್ಯ ಕುಲಾಲ್, ಲಯನ್ ಅನಿಲ್ ದಾಸ್, ಕೊಲ್ಯ ಕುಲಾಲ ಸಂಘದ ಭಾಸ್ಕರ್ ಕುತ್ತಾರ್, ಬಂಟ್ವಾಳ ಸಂಘದ ಅಧ್ಯಕ್ಷೆರ್ ನಾರಾಯಣ ಪೆರ್ನೆ, ಕುಳಾಯಿ ಸ್ವರ್ಣಕುಂಭ ಸಹಕಾರಿ ಸಂಘದ ಅಧ್ಯಕ್ಷೆರ್ ನಾಗೇಶ್ ಕುಲಾಲ್, ಮುಡಿಪು ಕುಲಾಲ ಸಂಘದ ಅಧ್ಯಕ್ಷೆರ್ ಪುಂಡರೀಕಾಕ್ಷ, ಕುಳಾಯಿ ಸಂಘದ ಅಧ್ಯಕ್ಷೆರ್ ಗಂಗಾಧರ ಕುಲಾಲ್, ಬಂಟ್ವಾಳ ಸಮಾಜ ಸೇವಾ ಸಹಕಾರಿ ಸಂಘದ ಅಧ್ಯಕ್ಷೆರ್ ಸುರೇಶ್ ಕುಲಾಲ್, ಮಂಗಳಜ್ಯೋತಿ ಸಹಕಾರಿ ಬ್ಯಾಂಕ್‌ದ ಅಧ್ಯಕ್ಷೆರ್ ರಾಜೇಂದ್ರ, ವಿ.ಕೆ.ಫರ್ನಿಚರ್‍ಸ್‌ದ ಮಾಲಕೆರ್ ವಿಠ್ಠಲ ಕುಲಾಲ್ ಇತ್ತೆರ್.

ಬೊಂಬೈ ಕುಲಾಲ ಸಂಘದ ಪದಾಧಿಕಾರಿಲಾಯಿನ ಡಿ.ಐ.ಮೂಲ್ಯ, ಆನಂದ ಬಿ.ಮೂಲ್ಯ, ಜಯರಾಜ್ ಸಾಲ್ಯಾನ್, ಡಾ. ಸಪ್ನ ಸಾಲ್ಯಾನ್, ಮಮತಾ ಜಿ. ಸಾಲ್ಯಾನ್, ದೇವಕಿ ಎಸ್. ಸಾಲ್ಯಾನ್, ಪ್ರೇಮ ಮೂಲ್ಯ, ಶೇಖರ್ ಮೂಲ್ಯ, ಪಿ.ಉಮೇಶ್ ಬಂಗೇರ, ನ್ಯಾ.ಉಮಾನಾಥ ಮೂಲ್ಯ, ಎಲ್.ಆರ್.ಮೂಲ್ಯ, ಮೋಹನ್ ಬಂಜನ್, ರಘು ಬಿ.ಮೂಲ್ಯ, ಸಂಜೀವ ಬಂಗೇರ, ಸುಂದರ್ ಮೂಲ್ಯ, ಆನಂದ ಕುಲಾಲ್ ಬಂಟ್ವಾಳ, ಸುನಿಲ್ ಕುಲಾಲ್, ರಘುನಾಥ ಕರ್ಕೇರ, ಮಾಲತಿ ಅಂಚನ್, ರೇಣುಕಾ ಸಾಲ್ಯಾನ್, ಭೋಜ ಯು.ಮೂಲ್ಯ, ಬಿ.ಮೋಹನ್ ದಾಸ್ ಮೊಕುಲು ಮಾತಾ ಪಾಲ್ ಪಡೆದಿತ್ತೆರ್.

ಈ ಪೊರ್ತುಡು ಪಟ್ಲ ಹಿರೇಬೆಟ್ಟು ಗಣಪತಿ ಮೂಲ್ಯ ಮೇರ್ ಒಟ್ಟು ಮಲ್ದಿನ ಮನೆ ಮನೆಯಲ್ಲಿ ಭಜನೆ’ ಪನ್ಪಿನ ಬೂಕುನು ಬೊಂಬೈದ ಉದ್ಯಮಿದ ಸುನಿಲ್ ಸಾಲ್ಯಾನ್ ಬುಡುಗಡೆ ಮಲ್ತೆರ್.
ಪತ್ರಕರ್ತೆರ್ ದಿನೇಶ್ ಕುಲಾಲ್ ಲೇಸ್ ನಿರೂಪಣೆ ಮಲ್ತೆರ್. ಕರುಣಾಕರ ಸಾಲ್ಯಾನ್ ಸೊಲ್ಮೆ ಸಂದಾಯೆರ್.

ಕುರ್ಲಾ ಕಟ್ವಾನ ಮಗ್‌ರ್ನ ಅಟ್ರ್‌ಗಣಿಟ್ ಸೈತಿನಕ್ಲ್ 19 ಜನ

Jun 29, 2022

ಬೊಂಬಾಯಿ: ಕುರ್ಲಾ ನಾಯಕ್ ನಗರ ಸೊಸೈಟಿಡ್ ಸೋಮವಾರ ಮಗ್‌ರ್ನ ಕಟ್ವನದ ಅಡಿಟ್ ಬೂರ್ದ್ ಸೈತಿನಕ್ಲೆನ ಸಂಖ್ಯೆ 19ಗ್ ಏರ್ದ್ಂಡ್. 15 ಜನ ಬೇತೆ ಬೇತೆ ಆಸ್ಪತ್ರೆಲೆಡ್ ಚಿಕಿತ್ಸೆ ಗೆತೊನೊಂದುಲ್ಲೆರ್.

ಈ ನಿಲೆಟ್ ದಿಲೀಪ್ ಬಿಸ್ವಾಸ್ ಬೊಕ್ಕ ಕಟ್ವಾನದ ದನಿಕ್ಲೆನ ಮಿತ್ತ್ ಐಪಿಸಿ ಸೆಕ್ಷನ್ 304 (2), 308, 337, 338 ಬೊಕ್ಕ 34ದ ಅಡಿಟ್ ಎಫ್ಐಆರ್ ಮಲ್ದೆರ್.

ಪ್ರಧಾನಿ ನರೇಂದ್ರ ಮೋದಿ ಪ್ರಧಾನ ಮಂತ್ರಿಲೆ ರಾಷ್ಟ್ರೀಯ ಪರಿಹಾರ ನಿಧಿಡ್ದ್ ಸೈತಿನಕ್ಲೆನ ಕುಟುಮೊಗು ಒರಿಯಗ್ 2 ಲಕ್ಷದಂಚ ಅಂಚನೇ ಪೆಟ್ಟಾಯಿನಕ್ಲೆಗ್ 50000ದಂಚ ಪರಿಹಾರ ಕೊರ್ಪಿನ ಪಾತೆರ ಕೊರ್ತೆರ್.

19 dead in the Kurla building collapse:

Mumbai: In the building collapse at Kurla Nayak Nagar Society on Monday; the death toll has increased to 19 with more than 15 persons injured and hospitalized.

A fir has been filed against Dilip Biswas and owners of the building under IPC section 304(2),308, 337, 338 and 34.

The PM Narendra Modi has released rupees 2lakh to the families of those dead and 50,000 to those injured in the incident from PM’s relief fund.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಂಬಾಯಿದ ಸುದ್ದಿ | Mumbai News ರಪಕ್ಕ ಸುದ್ದಿ Flash News

ದ್ರೌಪದಿ ರಾಷ್ಟ್ರಪತಿಯಾ೦ಡ, ಪಾಂಡವೆರ್ ಏರ್ ? ವಿವಾದ ಸೃಷ್ಟಿ ಮಲ್ತಿನ ವರ್ಮೆರ್ನ ಟ್ವೀಟ್

Jun 25, 2022

ಬೊಂಬಾಯಿ: ಏಪಲ ಒಂಜೆತ್ತೊಂಜಿ ವಿವಾದಾತ್ಮಕ ಹೇಳಿಕೆದ ಮುಖೇನ ಸುದ್ದಿಡ್ ಇಪ್ಪುನ ನಿರ್ದೇಶಕೆರ್ ಬೊಕ್ಕ ಚಿತ್ರ ನಿರ್ಮಾಪಕೆರ್ ರಾಮ್ ಗೋಪಾಲ್ ವರ್ಮಾ ಎನ್‌ಡಿಎದ ರಾಷ್ಟ್ರಪತಿ ಅಭ್ಯರ್ಥಿ ದ್ರೌಪದಿ ಮುರ್ಮು ಮೆರ್ನ ಬಗೆಟ್ಟ್ ಟ್ವೀಟ್‌ ಮಲ್ತಿನವ್ ನನೊಂಜಿ ವಿವಾದಾಗ ಸೃಷ್ಟಿ ಆತ್೦ಡ್.

ಉಂದೆರ್ದ್ ಬೆಚ್ಚ ಆಯಿನ ಬಿಜೆಪಿ ನಾಯಕೆರ್ ಆಯಿನ ಗುಡೂರು ನಾರಾಯಣ ರೆಡ್ಡಿ ಬೊಕ್ಕ ಟಿ.ನಂದೇಶ್ವರ್ ಗೌಡ್ ರಾಮ್ ಗೋಪಾಲ್ ವರ್ಮಾ ವಿರುದ್ಧ ಹೈದರಾಬಾದ್‌ ದ ಅಬಿಡ್ಸ್ ಪೊಲೀಸ್ ಠಾಣೆಡ್ ದೂರು ದಾಖಲು ಆತ್೦ಡ್.

ರಾಮ್ ಗೋಪಾಲ್ ಮೆರ್ ಜೂನ್ 22 ಕ್ಕ್ ಮಲ್ತಿನ ಟ್ವೀಟ್ ಡ್ “ದ್ರೌಪದಿ ರಾಷ್ಟ್ರಪತಿಯಾ೦ಡ ಪಾಂಡವೆರ್ ಏರ್ ? ಆಯಿರ್ದ್ ಲ ಮುಖ್ಯವಾದ್ ಕೌರವೆರ್ ಏರ್ ?” ಪಂದ್ ಪಂತಿನವ್ ಭಾರಿ ವಿವಾದಗ್ ಸೃಷ್ಟಿಯಾತ್೦ಡ್.

Ram Gopal Verma in a soup for a controversial tweet about :

Mumbai Director Ram Gopal Verma is in the news again for a controversial tweet on NDA presidential candidate Draupadi Murmu. BJP leaders Gudur Narayan Reddy and T Nandeshwar Gowda have filed a complaint against Verma at Abids police station in Hyderabad.

Ram Gopal Verma had tweeted on June 22nd ” If Draupadi is the President ; then who are the Pandavas? More importantly who are the Kauravas??” says the controversial tweet .

ಬಂಟರ ಸಂಘ ಬೊಂಬಾಯಿ, ಜೋಗೇಶ್ವರಿ – ದಹಿಸರ್ ಪ್ರಾದೇಶಿಕ ಸಮಿತಿದ ಪೊಂಜೊವ್ ಲೆನ ವಿಭಾಗರ್ದ್ ಅಂತರಾಷ್ಚ್ರೀಯ ಯೋಗ ದಿನಾಚರಣೆ

Jun 23, 2022

ಬೊಂಬಾಯಿ: ಯೋಗ ಋಷಿ ಮುನಿಕ್ಲೆನ ಕಾಲರ್ದ್ ನಡತ್ತೊಂದ್ ಬೈದ್ಂಡ್. ಅವ್ವೇತೊ ರೋಗದ ನಿವಾರಣೆಗ್ ಯೋಗ ಮಸ್ತ್ ಮುಖ್ಯ. ಇತ್ತೆದ ಜೀವನ ಶೈಲಿಡ್ ಎಡ್ಡೆ ರೀತಿಡ್ ಜೀವನನ್ ಮಲ್ಪೊಡಾಂಡ ಯೋಗ ಬೋಡು ಪಂದ್ ಬಂಟರ ಸಂಘ ಬೊಂಬಾಯಿದ ಜೊತೆ ಕೋಶಾಧಿಕಾರಿ ಮುಂಡಪ್ಪ ಪಯ್ಯಡೆ ಮೇರ್ ಪಂಡೆರ್.

ಜೂನ್ 21ಕ್ಕ್ ಬಂಟರ ಸಂಘ ಬೊಂಬಾಯಿ, ಜೋಗೇಶ್ವರಿ – ದಹಿಸರ್ ಪ್ರಾದೇಶಿಕ ಸಮಿತಿದ ಪೊಂಜೊವ್ ಲೆನ ವಿಭಾಗರ್ದ್ ನಡತಿನ ಕಾಂದಿವಲಿ ಪಶ್ಚಿಮದ ಪವನ್ ಧಾಮ್ ಕೈತಲ್ ಪೊಂಜೊವ್ ಲೆನ ಆಧಾರ್ ಭವನಡ್ ನಡತಿನ 8ನೇ ಅಂತರಾಷ್ಚ್ರೀಯ ಯೋಗ ದಿನಾಚರಣೆದ ಸಭಾ ಕಾರ್ಯಕ್ರಮಡ್ ಪಾತೆರಿನ ಮುಂಡಪ್ಪ ಪಯ್ಯಡೆ ಮೇರ್, ಆಧುನಿಕ ಯುಗಟ್ಟ್ ಪೊಂಜೊವ್ ಲೆಗ್ ಯೋಗ ಮಸ್ತ್ ಅಗತ್ಯ. ಯೋಗರ್ದ್ ನಮ್ಮ ದೇಹದ ಪ್ರತಿಯೊಂಜಿ ಅಂಗಗ್ ಲ ಪ್ರಯೋಜನ ತಿಕ್ಕ್ಂಡ್ ಪಂದ್ ಪಂಡೆರ್.

ಅಧ್ಯಕ್ಷತೆನ್ ವಹಿಸೊನಿನ ಬಂಟರ ಸಂಘ ಬೊಂಬಾಯಿ, ಜೋಗೇಶ್ವರಿ – ದಹಿಸರ್ ಪ್ರಾದೇಶಿಕ ಸಮಿತಿದ ಕಾರ್ಯಾಧ್ಯಕ್ಷೆರ್ ಎಂ. ಜಿ. ಶೆಟ್ಟಿ ಮೇರ್ ಪಾತೆರ್ದ್, ಜೂನ್ 21 ನ್ ಅಂತರಾಷ್ಟ್ರೀಯ ಯೋಗ ದಿನಾಚರಣೆಯಾದ್ ಆಚರಣೆ ಮಲ್ತೊಂದ್ ಉಲ್ಲೆರ್. ನಮ್ಮ ಸಮಾಜದ ಪೊಂಜೊವ್ ಲು ಭಾರಿ ಆಸಕ್ತಿಡ್ ಪಾಲ್ ಪಡೆಯೊಂದ್ ಇಪ್ಪುನವ್ ಅಭಿಮಾನ ಆವೊಂದ್ ಉಂಡು ಪಂದ್ ಪಂಡೆರ್.

ಜೋಗೇಶ್ವರಿ – ದಹಿಸರ್ ಪ್ರಾದೇಶಿಕ ಸಮಿತಿದ ಪೊಂಜೊವ್ ಲೆನ ವಿಭಾಗದ ಕಾರ್ಯಾಧ್ಯಕ್ಷೆರ್ ಶೈಲಜಾ ಅಮರ್ ನಾಥ್ ಶೆಟ್ಟಿ ಪಾತರ್ದ್, ಪೊಂಜೊವ್ಲು ಆರೋಗ್ಯವಾದ್ ಇತ್ತ್ಂಡ ಇಡೀ ಪರಿವಾರದಕುಲು ಆರೋಗ್ಯವಾದ್ ಇಪ್ಪೆರ್ ಪಂದ್ ಪಂಡೆರ್. ಯೋಗ ತರಬೇತಿನ್ ಚೈತ್ರ ಚಂದ್ರಶೇಖರ ಶೆಟ್ಟಿ ನಡಪಾದ್ ಕೊರಿಯೆರ್.

ಲೇಸ್ ಡ್ ಸಮಿತಿದ ಪೆರಿಯ ಸಲಹೆಗಾರೆರ್ ಮನೋಹರ ಎನ್. ಶೆಟ್ಟಿ, ಪ್ರಾದೇಶಿಕ ಸಮಿತಿದ ಜೊತೆ ಕಾರ್ಯದರ್ಶಿ ರಘುನಾಥ ಎನ್. ಶೆಟ್ಟಿ, ಉಪ ಕಾರ್ಯಾಧ್ಯಕ್ಷೆರ್ ಪ್ರೇಮನಾಥ ಶೆಟ್ಟಿ ಕೊಂಡಾಡಿ, ಜಯ ಶೆಟ್ಚಿ, ಸಂಕೇಶ್ ಎಸ್. ಶೆಟ್ಟಿ, ಪ್ರವೀಣ್ ಜೆ. ಶೆಟ್ಟಿ, ಚಂದ್ರಶೇಖರ ಯಸ್ ಶೆಟ್ಟಿ ಬೆಳ್ಮಣ್, ವಿನೋದಾ ಎ. ಶೆಟ್ಟಿ, ಕೋಶಾಧಿಕಾರಿ ಯೋಗಿನಿ ಎಸ್. ಶೆಟ್ಟಿ ಮಾಜಿ ಕಾರ್ಯಾಧ್ಯಕ್ಷೆರ್ ಪದ್ಮಾವತಿ ಬಿ. ಶೆಟ್ಟಿ, ಪ್ರಾದೇಶಿಕ ಸಮಿತಿದ ಅಂಚನೆ ಪೊಂಜೊವ್ ಲೆನ ವಿಭಾಗದ ಪದಾಧಿಕಾರಿಲು ಬೊಕ್ಕ ಸದಸ್ಯೆರ್ ಈ ಪೊರ್ತುಡ್ ಇತ್ತೆರ್.

ಲೇಸ್ ನ್ ರಘುನಾಥ ಯನ್ ಶೆಟ್ಟಿ ನಿರೂಪಣೆ ಮಲ್ತೆರ್. ಪೊಂಜೊವ್ ಲೆನ ವಿಭಾಗದ ಜೊತೆ ಕೋಶಾಧಿಕಾರಿ ಶುಭಾಂಗಿ ಎಸ್. ಶೆಟ್ಟಿ ಸೊಲ್ಮೆ ಸಂದೈತ ಮಲ್ತೆರ್.

Bantara Sangha, Mumbai International yoga day celebrated by ladies of the women’s wing of Jogeshwari,Dahisar

Mumbai: “Yoga is a gift to us from the age of sages and saints.It builds our immunity and prevents many diseases.In today’s fast paced life ,it is a necessary part of life” said Mundappa Paiyedy joint secretary of Bantara Sangha Mumbai.

The ladies wing of of the Jogeshwari Dahisar Bantara Sangha celebrated yoga day on June 21st .

At the closing ceremony of the event which was presided by M G Shetty regional working president of Jogeshwari Dahisar Bantara Sangha who spoke and appreciated the efforts and intrest showed by the women of the community in celebrating yoga day.

The working president of the ladies wing of the Jogeshwari Dahisar Bantara Sangha Smt Shailaja Amarnath Shetty said that a women’s health is of immense importance to the family.If she is fine then the whole family will do well. Yoga classes were conducted by Chaitra Chandrashekhar Shetty.

Senior advisor of the samithi Manohar N Shetty, joint secretary of the regional committee Raghunath N Shetty, Premnath Shetty Kondadi and others participated in the program.

ಪೂನ ಬಿಲ್ಲವ ಸಂಘದ ಯುವ ವಿಭಾಗದ ಆಧ್ಯಕ್ಷೆರಾದ್ ತೃಪ್ತಿ ಎಸ್ ಪೂಜಾರಿ ಆಯ್ಕೆ

Jun 10, 2022

ಒಡಿಪು: ಪೂನಾದ ಬಿಲ್ಲವ ಸಮಾಜ ಸೇವಾ ಸಂಘದ ಪೊಂಜೊವ್ ಲೆನ ಯುವ ವಿಭಾಗದ ಅಧ್ಯಕ್ಷೆರಾದ್ ತೃಪ್ತಿ ಎಸ್ ಪೂಜಾರಿ ಆಯ್ಕೆಯಾತೆರ್.

ಜೂನ್ 5 ಕ್ಕ್ ಪೂನಾ ಬಿಲ್ಲವ ಸಮಾಜ ಸೇವಾ ಸಂಘದ ಕಚೇರಿಡ್ ಅಧ್ಯಕ್ಷೆರ್ ಆಯಿನ ವಿಶ್ವನಾಥ ಪೂಜಾರಿ ಕಡ್ತಲ ಮೇರ್ನ ಗುರ್ಕಾರ್ಮೆಡ್ ಸಂಘದ ಸಭೆ ನಡತ್ಂಡ್.

ಪೂನಾ ಬಿಲ್ಲವ ಸಂಘದ ಸದಸ್ಯೆರ್ ಆಯಿನ ಮೇರ್ ಬಿ.ಕಾಂ ಕಲ್ತ್ ದೆರ್. ನೃತ್ಯ ಕಲಾವಿದೆ ಅಂಚನೆ ಸಮಾಜ ಸೇವೆಡ್ ಲ ಪುದರ್ ನ್ ಮಲ್ತ್ ದೆರ್. ತನ್ನ ಪಲಿನೊಟ್ಟುಗ್ ಡ್ರೀಮ್ ಕ್ಯಾಚಸ್ ಫೌಂಡೇಶನ್ ಡ್ ಬೇಲೆ ಮಲ್ತೊಂದಿಪ್ಪುನ ಮೇರ್ ಪೂನಾದ ಉದ್ಯಮಿ ಶಂಕರ್ ಪೂಜಾರಿ ಕಲ್ಲುಗುಡ್ಡೆ ಬೊಕ್ಕ ಸಂಗೀತಾ ಎಸ್ ಪೂಜಾರಿ ದಂಪತಿಲೆನ ಮಗಲ್ ಆತೆರ್.

Trupthi S Poojary is the president of the youth wing of the Pune Billava Sangha

Udupi: Trupthi S Poojary has been selected as the president of the youth wing (Women) of Pune Billava Samaj seva Sangha.

This was announced by the president of the Billava Samaj seva Sangha on June 5th.

She is the member of the Billava Samaj seva Sangha and is a B.Com graduate.She is a dancer and social worker and has worked for Dream Catcher foundation.She is the daughter of enterpreneur Shankar Poojary Kallugudde and Sangeeta S Poojary.

ಮಹಾರಾಷ್ಟ್ರಡ್ ಜಾಸ್ತಿ ಆವೊಂದುಂಡು ಕೋವಿಡ್ 19 ಕೇಸ್ : ಸಿಎಂ ಉದ್ಧವ್ ಠಾಕ್ರೆ

May 27, 2022

ಮುಂಬೈ: ಮಹಾರಾಷ್ಟ್ರಡ್ ಕೋವಿಡ್ 19 ಪ್ರಕರಣ ಎಚ್ಚ ಆವೊಂದಿಪ್ಪುನ ಕಾರಣ ಸಿಎಂ ಉದ್ಧವ್ ಠಾಕ್ರೆ ಮಹತ್ವವಾಯಿನ ಘೋಷಣೆನ್ ಮಲ್ತ್ ದೆರ್. ರಾಜ್ಯ ಸಚಿವ ಸಂಪುಟ ಸಭೆ ನಡಪಾಯಿನ ಸಭೆಟ್ಟ್ ಉದ್ಧವ್ ಠಾಕ್ರೆ, ರಾಜ್ಯಡ್ ಇಪ್ಪುನ ಜನಕುಲು ಕಡ್ಡಾಯವಾದ್ ಮಾಸ್ಕ್ ನ್ ಪಾಡೊಡ್ ಪಂದ್ ಆದೇಶನ್ ಮಲ್ತ್ ದೆರ್.

ಕೋವಿಡ್ ದ ನಾಲನೇ ಗಾಳಿ ಇಪ್ಪುನ ಕಾರಣ ಉದ್ಧವ್ ಠಾಕ್ರೆ ಮಾಸ್ಕ್ ಪಾಡೊಡ್ ಪಂದ್ ಜನಕ್ಲೆಡ ಒತ್ತಾಯನ್ ಮಲ್ತ್ ದೆರ್.

ರಾಜ್ಯಡ್ ಇತ್ತೆ ಪಾಸಿಟಿವಿಟಿ ದರ 1.59% ದಾತ್ ಉಂಡು. ಆಂಡ ಮುಂಬೈಡ್ 3.17% ದಾತ್ ಎಚ್ಚ ಆತ್ಂಡ್. ಪುಣೆಡ್ 2.16% ದಾತ್ ಪಾಸಿಟಿವಿಟಿ ದರ ಉಂಡು. ಮುಂಬೈಡ್ ಕೋವಿಡ್ 19 ಸೀಕ್ ದ 52.79% ದಾಖಲೆದ ಮಟ್ಟಡ್ ಇತ್ತಂಡ ಥಾಣೆಡ್ 27.92%, ರಾಯಗಡಸಡ್ 18.52% ಬೊಕ್ಕ ಪಾಲ್ಘರ್ ಜಿಲ್ಲೆಡ್ 68.75% ಜಾಸ್ತಿಯಾತ್ಂಡ್.

Increasing covid 19 cases in Maharashtra: CM Uddhav Thackeray

Mumbai: Taking into account the raising number of covid 19 cases in the state the CM Uddhav Thackeray made an important announcement that wearing of masks is compulsory in the state.

He stressed that wearing of masks is compulsory as the fourth wave of covid 19 was expected. The positivity rate in the state was 1.59% while it was 3.17% in Mumbai.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಂಬಾಯಿದ ಸುದ್ದಿ | Mumbai News ರಪಕ್ಕ ಸುದ್ದಿ Flash News

ಮೋಯ ಸಮುದಾಯದ ‘ನಮೋ ಮೋಯರ್ ಗ್ಲೋಬಲ್ ಫೌಂಡೇಶನ್’ ಉದಿಪನ ಲೇಸ್

May 5, 2022

ಬೊಂಬಾಯಿ: ಜನಕ್ಲೆನ ಸೇವೆಗಾದ್ ಪೊಸ ಉದ್ದೇಶನ್ ದೀದ್ ಸಮುದಾಯದ ಜನಕ್ಲೆನ ಪ್ರೋತ್ಸಾಹ ಬೊಕ್ಕ ಅಮ್ಮ ಭಗವತಿನ ಆಶೀರ್ವಾದರ್ದ್, ನಮ ಜಾಗತಿಕ ಮಟ್ಟದ ಪೊಸ ಸಂಘಟನೆನ್ ಸ್ಥಾಪನೆ ಮಲ್ತ್ ದಿತ್ತ್ ದ್, ಇನಿ ಉಂದೆನ್ ಲೋಕಾರ್ಪಣೆ ಮಲ್ತ್ ದ ಪಂದ್ ನಮೋ ಮೋಯರ್ ಗ್ಲೋಬಲ್ ಫೌಂಡೇಶನ್ ದ ಅಧ್ಯಕ್ಷೆರ್ ಆಯಿನ ರವಿ ಉಚ್ಚಿಲ್ ಪಂಡೆರ್.

ಮೇ 1 ಕ್ಕ್, ರಾಜೇ ಸಂಭಾಜಿ ಸಭಾಗ್ರಹ ಮುಲುಂಡ್ ಮುಲ್ಪ ನಡತಿನ ನಮೋ ಮೋಯರ್ ಗ್ಲೋಬಲ್ ಫೌಂಡೇಶನ್ ದ ಉದಿಪನ ಲೇಸ್ ಡ್ ಅಧ್ಯಕ್ಷತೆನ್ ವಹಿಸೊಂದ್ ಪಾತೆರ್ದಿನ ರವಿ ಉಚ್ಚಿಲ್ ಮೇರ್, ಈ ಸಂಸ್ಥೆ ಖಾಲಿ ಸಮಾಜ ಬಾಂಧವೆರೆಗ್ ಮಾತ್ರ ಅತ್ತಂದೆ ಕಡು ಬಡವೆರ್ ಬೊಕ್ಕ ಬೇತೆ ಸಮಾಜದ ಜನಕ್ಲೆನ ಸಹಾಯಗ್ ಸ್ಪಂದನೆಕೊರ್ಪಿನೊಟ್ಟುಗ್ ಜನ ಸೇವೆಯೇ ಜನಾರ್ಧನನ ಸೇವೆ ಪಂದ್ ಸೇವೆನ್ ಮಲ್ತೊಂದ್ ಬೈದ್ಂಡ್.

ಜನಕ್ಲೆನ ಸೇವೆಗಾದ್ ಮಸ್ತ್ ಯೋಜನೆನ್ ಈ ಸಂಸ್ಥೆ ಮಲ್ತ್ ದಿತ್ತ್ ದ್, ಆಯಿಟ್ಟ್ ಮುಖ್ಯವಾದ್ ಕೋವಿಡ್ ಪೊರ್ತುಡ್ ಈ ಸಂಸ್ಥೆ ಮಸ್ತ್ ಸಮಾಜ ಬಾಂಧವೆರೆಗ್ ಹುಷಾರ್ ಇಜ್ಜಂದಿನಪಗ ಪಣವುದ ಸಾಕಾಯನ್ ಮಲ್ತ್ ದ್ಂಡ್. ಕುಟುಂಬಡ್ ಏರ್ ಆಂಡಲಾ ತೀರ್ ಪೋಂಡ ಅಂಚಿನ ಪೊರ್ತುಡ್ ಕುಟುಂಬಗ್ ಸರಿಯಾಯಿನ ಮಾರ್ಗದರ್ಶನ ಬೊಕ್ಕ ಸಹಾಯನ್ ಮಲ್ತ್ ದೆರ್. ಶಾಲಾ ಕಾಲೇಜ್ ಡ್ ಕಲ್ಪುನ ಜೋಕುಲೆಗ್ ಫೀಸ್ ನ್ ಕಟ್ಟ್ ದ್ ಸಹಾಯನ್ ಮಲ್ತ್ ದ್ಂಡ್. ಜೋಕ್ಲೆನ ಪ್ರತಿಭೆಗಾದ್ ಎಡ್ಡೆ ವೇದಿಕೆನ್ ಕೊರ್ತ್ಂಡ್. ದಾನಿಲೆನ ಸಹಾಯರ್ದ್ ಈ ರೀತಿದ ಸಹಾಯನ್ ಮಲ್ತೊಂದ್ ಈ ಸಂಸ್ಥೆ ಕ್ರೀಯಾಶೀಲವಾತ್ಂಡ್ ನೆಕ್ಕ್ ಮಾತ ಮಾತೆರ್ಲಾ ಸಾಕಾರ ಕೊರೊಡ್ ಪಂದ್ ಪಂಡೆರ್. ಒಂಜಿ ಸಮುದಾಯಡ್ ಮಸ್ತ್ ಸಂಸ್ಥೆಲಿಪ್ಪುಂಡ್. ಆಂಡ ಮಾತೆರ್ಲಾ ಒಟ್ಟು ಸೇರ್ದ್ ಬೇಲೆನ್ ಮಲ್ತ್ಂಡ, ನಮ ಹೆಚ್ಚದ ಗುರಿನ್ ಸಾಧಿಸಾವೊಲಿ ಪಂದ್ ಆರ್ ಅಭಿಪ್ರಾಯ ವ್ಯಕ್ತಪಡಿಸಾಯೆರ್.

ಕಾರ್ಯಕ್ರಮದ ಮುಖ್ಯ ಅತಿಥಿ ಹರಕ್ಚಂದ್ ಸಾವ್ಲಾ ಮೇರ್ ಕ್ಯಾನ್ಸರ್ ಸೀಕ್ ಇತ್ತಿನ ಆಶಾಕಿರಣ ಜೀವನ್ ಜ್ಯೋತಿ ಟ್ರಸ್ಟ್ ಉಂದೆತ್ತ ಸಂಸ್ಥಾಪಕರಾತೆರ್. ಮೇರ್ ‘ನಮೋ ಮೋಯರ್ ಗ್ಲೋಬಲ್ ಫೌಂಡೇಶನ್’ ಈ ಸಂಸ್ಥೆನ್, ವೇದಿಕೆಡ್ ಇಪ್ಪುನ ಬೇತೆ ಬಿನ್ನೆರ್ ನೊಟ್ಟುಗ್ ಉದಿಪನ ಮಲ್ತ್ ದ್, ಸಂಘಟನೆದ ಲೋಗೋನ್ ತೋಜಿಪಾದ್ ಪಾತೆರಿಯೆರ್. ಕ್ಯಾನ್ಸರ್ ರ್ದ್ ಜಾಗೃತೆ ಆದಿಪ್ಪರೇ ರಾಸಾಯನಿಕ ಇತ್ತಿನ ವಸ್ತುಲಾಯಿನ ಪ್ಲಾಸ್ಟಿಕ್ ನ್ ಅಂಚನೆ ಸಕ್ಕರೆನ್ ಆಯಿನಾತ್ ಕಮ್ಮಿ ಪ್ರಮಾಣಡ್ ಉಪಯೋಗ ಮಲ್ಪುನವ್ ಉತ್ತಮ. ಪ್ರತಿಯೊರಿ ಪ್ರತೀ ತಿಂಗೊಲ್ ನೂದು ರೂಪಾಯಿಯಾಂಡಲ ಸಂಸ್ಥೆಗ್ ಕೊರ್ಪಿನೆಟ್ಟ್ ಸಹಕಾರ ಮಲ್ಪುಲೇ ಪಂದ್ ಪಂಡೆರ್.

ಕಾಸ್ರೋಡ್ ಬೊಕ್ಕ ದಕ್ಷಿಣ ಕನ್ನಡ ಜಿಲ್ಲೆದ, ಮೋಯಾ (ಬೋವಿ) ಸಮುದಾಯದಕುಲ್, ಸುಮಾರು 150 ವರ್ಷದ ಪಿರವೇ ಬೊಂಬಾಯಿ ಸೇರ್ ದಿತ್ತ್ ದ್, ಸಮಾಜದ ಮಸ್ತ್ ಸಂಘಟನೆನ್ ಸ್ಥಾಪನೆ ಮಲ್ತ್ ದ್, ಸಮಾಜ ಸೇವೆ, ಕ್ರೀಡೆ, ಶೈಕ್ಷಣಿಕ ಅಂಚನೆ ಕಲಾ ಸೇವೆಡ್ ಇತ್ತ್ ದ್, ಇತ್ತೆ ಒಂಜಿ ಪಜ್ಜೆ ದುಂಬು ದೀದ್ ಕೋವಿಡ್ ಪೊರ್ತುಡ್ ತನ್ನ ಅನುಭವನ್ ನೆನಪು ಮಲ್ತೆರ್. ಅಂತರಾಷ್ಟ್ರೀಯ ಮಟ್ಟದ ಇಂಚಿನ ಸಂಘಟನೆ ಸ್ಥಾಪನೆ ಮಲ್ತ್ ದ್ , ಜನಕ್ಲೆನ ಶ್ಲಾಘನೆಗ್ ಪಾತ್ರವಾತ್ಂದ್.

ಗೌರವ ಅತಿಥಿ ಆಯಿನ ಚಂದ್ರೇಶ್ ಮೆಹ್ತಾ, ಸಂಜಯ ಗುರೂಜಿ, ಕೀಮ್ಚೀಬಾಯಿ ಮಮಾನಿಯ, ನಿತಿನ್ ಬಾಯಿ ಗಗ್ಲಾನಿ, ಶಶಿಕಾಂತ್ ಅಹಿರೆ,ವಿಜಯಲಕ್ಷ್ಮಿ ಉಚ್ಚಿಲ್ ಬೊಕ್ಕ ಬೇತೆ ಅತಿಥಿಲಾಯಿನ ಮಾಧವ ಐಲ್, ಕರ್ನೂರು ಮೋಹನ ರೈ, ಶಶಿಕಾಂತ್ ಅಹಿರೆ, ಪಾವೆಲ್ಜಿ, ಆನಂದ್ ಬೇರಿಕ, ವಿಪುಲಾ ಉಚ್ಚಿಲ್ ಪುರುಷೋತ್ತಮ ಅಡ್ಕ, ಮುಕ್ಲೆನ್ ವೇದಿಕೆಡ್ ಮಾನಾದಿಗೆ ಮಲ್ತೆರ್. ವೇದಿಕೆಡ್ ನಮೋ ಮೋಯರ್ ಗ್ಲೋಬಲ್ ಫೌಂಡೇಶನ್ ದ ಗೌರವ ಕಾರ್ಯದರ್ಶಿ ರಾಧೇಶ್ ಉಚ್ಚಿಲ್, ಗೌರವ ಕೋಶಾಧಿಕಾರಿ ಯಶವಂತ್ ಐಲ್ ಬೊಕ್ಕ ಬೇತೆ ಪದಾಧಿಕಾರಿಲು ಇತ್ತೆರ್.

ನಮೋ ಮೋಯರ್ ಮೆಲೋಡಿಯಸ್ ಕೂಟರ್ದ್ ಸಂಗೀತ ರಸಮಂಜರಿ ಕಾರ್ಯಕ್ರಮ ನಡತ್ಂಡ್. ಸಪ್ನಾ ಉಚ್ಚಿಲ್ ಬೊಕ್ಕ ಈಶಾನ್ ಉಚ್ಚಿಲ್ ಕಾರ್ಯಕ್ರಮನ್ ನಿರೂಪಣೆ ಮಲ್ತೆರ್.

ನಮೋ ಮೋಯರ್ ಗ್ಲೋಬಲ್ ಫೌಂಡೇಶನ್ ದ ಕಾರ್ಯಕಾರಿ ಸಮಿತಿದ ಅಧ್ಯಕ್ಷೆರ್ ಆಯಿನ ರವಿ ಉಚ್ಚಿಲ್,ಗೌರವ ಕಾರ್ಯದರ್ಶಿ ರಾಧೇಶ್ ಉಚ್ಚಿಲ್, ಗೌರವ ಕೋಶಾಧಿಕಾರಿ ಯಶವಂತ್ ಐಲ್, ಉಪಾಧ್ಯಕ್ಷೆರ್ ಕುಮಾರಯ್ಯ ಐಲ್, ಶ್ವೇತಾ ಉಚ್ಚಿಲ್, ರವೀಂದ್ರ ಬತ್ತೇರಿ, ಸೌರಭ್ ಐಲ್, ಜೊತೆ ಕಾರ್ಯದರ್ಶಿ ಸುಶ್ಮಾ ಕುಂಬ್ಲೆ, ಸ್ವಪ್ನಾ ಉಚ್ಚಿಲ್, ಜೊತೆ ಕೋಶಾಧಿಕಾರಿಲಾಯಿನ ಧನ್ಯಶ್ರೀ ಐಲ್ ಬೊಕ್ಕ ರೂಪಾ ಉಚ್ಚಿಲ್ ಆಯ್ಕೆಯಾತೆರ್. ಈಶಾನ್ ಉಚ್ಚಿಲ್, ಪ್ರೀತಿ. ಸಿ ಉಚ್ಚಿಲ್, ದಿಪ್ತೇಶ್ ಕೋಟೆಕಾರ್, ಶ್ರಾವ್ಯ ಉಚ್ಚಿಲ್, ಯಶ್ವಿತ್ ಉಚ್ಚಿಲ್ , ಯೋಗಿತಾ ಉಚ್ಚಿಲ್ ಮುಕುಲ್ ಕಾರ್ಯಕಾರಿ ಸಮಿತಿದ ಸದಸ್ಯೆರಾದ್ ಆಯ್ಕೆಯಾತೆರ್. ನಮೋ ಮೋಯರ್ ಗ್ಲೋಬಲ್ ಫೌಂಡೇಶನ್ ದ ಸಲಹಾ ಸಮಿತಿಡ್ ಈಶ್ವರ ಕೆ. ಐಲ್, ಸತೀಷ್ ಐಲ್, ಚಂದ್ರಕಾಂತ್ ಉಚ್ಚಿಲ್, ಪುರುಷೋತ್ತಮ ಐಲ್, ನಂದಕುಮಾರ್ ಕುಂಬ್ಳೆ, ರವಿ ವಿಠ್ಠಲ್, ಮೀರಾ ಶೆಟ್ಟಿ, ರಘು ಕರ್ನೂರ್, ವಿನು ಪೂಜಾರಿ, ರವಿ ಕೆ ಕುಂಜತ್ತೂರು, ವಿಜಯ್ ಕುಮಾರ್ ಉಚ್ಚಿಲ್ (ಗೋವಾ), ಜಗದೀಶ್ ಉದ್ಯಾವರ್ (ಗೋವಾ) ಬೊಕ್ಕ ನವೀನ್ ಬೆಳ್ಚಪ್ಪಾಡ ಆಡ್ಕ ಮುಕುಲ್ ಬೇಲೆನ್ ಮಲ್ತೊಂದ್ ಉಲ್ಲೆರ್. ಬತ್ತಿನ ಬಿನ್ನೆರೆಗ್ ಸೊಲ್ಮೆ ಸಂದೈತ ಮಲ್ಪಿನ ಮುಖೇನ ಕಾರ್ಯಕ್ರಮ ಮುಗಿತಲದ ಚುಕ್ಕಿನ್ ದೀತ್ಂಡ್.

Namo Moyar Global Foundation of Moya community inaugurated

Mumbai: ” With the blessings of Mother Baghavathi we as a community have come together for social service and to help each other of the community and work for the betterment of the society ” said Ravi Ucchil president of Namo Moyar Global Foundation at the inaugral function of the foundation.

The program was held on May 1st at Raji Sambaji sabha graha at Mumbai.
The foundation was formed to help the downtrodden not only in this community ; but also work for the welfare of the society as a whole.Many special schemes were lined up for the future.The foundation had done Yeomans service in the time of covid crisis and helped families in their difficult times.It also provided a platform for budding talents in the society to exhibit their interests.
Ravi Ucchil also requested for the cooperation and support of the community members as there was strength in unity.

The chief guest at the function was Harakchand Salva of Ashakirana Jeevan Jyoti trust.

The inaugural ceremony was followed by a cultural entertainment program.Many acheivers in different fields were honoured on the occasion.

ಮೇ 20 ರಾಜ್ ಸೌಂಡ್ಸ್ ಆ್ಯಂಡ್ ಲೈಟ್ಸ್ ಸಿನಿಮಾ ಬುಡುಗಡೆ

Apr 19, 2022

ಒಂದು ಮೊಟ್ಟೆಯ ಕಥೆ ಪಿಚ್ಚರ್ ದ ಮುತಾಲಿಕೆಡ್ ವೈಭವ್ ಪ್ರಿಕ್ಸ್ ಅಡಿಟ್, ಮ್ಯಾಂಗೋ ಪಿಕಲ್ ಬ್ಯಾನರ್ ಸಹಭಾಗಿತ್ವಡ್ ರಾಹುಲ್ ಅಮೀನ್ ನಿರ್ದೇಶನ ಮಲ್ತಿನ “ರಾಜ್‌ ಸೌಂಡ್ಸ್‌ ಆ್ಯಂಡ್‌ ಲೈಟ್ಸ್‌” ಮೇ 20 ತಾರೀಕ್ ಗ್ ತುಳುನಾಡ್ ಡ್ ಬುಡುಗಡೆ ಆಯರೇ ಉಂಡು. ಈ ಪಿಚ್ಚರ್ ಫ್ಯಾಮಿಲಿ ಎಂಟರ್ಟೈ ನ್ಮೆಂಟ್ ಆದಿತ್ತ್ ದ್, ಪಿಚ್ಚರ್ ದ ಟೀಸರ್ ಕೆಲ ದಿನಟ್ಟೆ ಲಕ್ಷರ್ದ್ ಲ ಮಿತ್ತ್ ವೀಕ್ಷಣೆ ಪಡೆದ್ ತುಳು ಚಿತ್ರರಂಗಡ್ ಇತಿಹಾಸನ್ ಸೃಷ್ಟಿ ಮಲ್ತ್ ದ್ಂಡ್.

ಈ ಪಿಚ್ಚರ್ 11 ದೇಶಲೆಡ್ ಬೊಕ್ಕ ಭಾರತದ 6 ಪ್ರಮುಖ ನಗರಡ್ ಸುರುತ್ತ ಪ್ರದರ್ಶನ ನಡಪರೆ ಉಂಡು. ರಾಜ್ ಸೌಂಡ್ಸ್ ಅಂಡ್ ಲೈಟ್ಸ್ ಪಿಚ್ಚರ್ ದ ಉದಿಪನ ಏ.24 ತಾರೀಕ್ ಗ್ ದುಬೈದ ಹೋಟೆಲ್ ಮಾರ್ಕೊ ಪೋಲೋ ಅಲ್ ಮತೀನಾ ಸೇಂಟ್ ದೇರಾಡ್ ಲೇಸ್ ನಡಪರೆ ಇತ್ತ್ ದ್ ಬೊಕ್ಕ ಆಯಿತ್ತ ಲೆಪ್ಪೋಲೆನ್ ಏ.18 ತಾರೀಕ್ ಸೋಮಾರದಾನಿ ಬುಡುಗಡೆ ಮಲ್ತೆರ್.

USA, ಯುನೈಟೆಡ್ ಕಿಂಗ್‌ಡಮ್, ಬಹ್ರೇನ್, ಕುವೈತ್, ನೈಜೀರಿಯಾ, ಜಾಂಬಿಯಾ, ಸೌದಿ ಅರೇಬಿಯಾ, ಇಸ್ರೇಲ್, ಕತಾರ್, ಯುಎಇ (ದುಬೈ, ಅಬುಧಾಬಿ, ಶಾರ್ಜಾ) ಬೊಕ್ಕ ಒಮಾನ್‌ ಡ್ ಪಿಚ್ಚರ್ ದ ಪ್ರೀಮಿಯರ್ ಶೋ ನಡಪರೆ ಉಂಡು.

ಭಾರತದ ಆಜಿ ಪೇಂಟೆಯಾಯಿನ ಬೊಂಬೈ, ಪುಣೆ, ಬರೋಡಾ, ಮೈಸೂರ್ ಬೊಕ್ಕ ಬೆಂಗ್ಳೂರ್ ಡ್ ರಾಜ್ ಸೌಂಡ್ಸ್ ಬೊಕ್ಕ ಲೈಟ್ಸ್ ದ ವಿಶ್ವ ಸುರುತ್ತ ಪ್ರದರ್ಶನಗ್ ಸಾಕ್ಷಿಯಾಯಾರೇ ಉಂಡು. ಉಂದು 11 ದೇಶ ಬೊಕ್ಕ ಭಾರತದ ಆಜಿ ನಗರಡ್ ಪ್ರೀಮಿಯರ್ ಶೋ ಆಯಿನ ಸುರುತ್ತ ಚಿತ್ರ ಆತ್ಂಡ್.

ಪಿಚ್ಚರ್ ನ್ ಆನಂದ್ ಎಂ ನಿರ್ಮಾಣ ಮಲ್ತ್ ದಿತ್ತ್ ದ್, ಬಿ.ಅಶೋಕ್ ಕುಮಾರ್, ಸೀತಾರಾಮ್ ಶೆಟ್ಟಿ, ಅಜಯ್ ಬಾಳಿಗಾ, ಸುಹಾನ್ ಪ್ರಸಾದ್, ಪವನ್ ಕುಮಾರ್, ನಿತಿನ್ ರಾಜ್ ಶೆಟ್ಟಿ ಬೊಕ್ಕ ಅರ್ಪಿತ್ ಅಡ್ಯಾರ್ ಸಹ ನಿರ್ಮಾಪಕೆರಾತೆರ್.

ನಾಯಕೆ ನಟೆ ವಿ.ಜೆ.ವಿನೀತ್ ಪಿಚ್ಚರ್ ಗ್ ಕಥೆ, ಚಿತ್ರಕಥೆನ್ ಬರೆತ್ತೆರ್. ಜೇಕಬ್ ಜಾನ್ಸನ್ ಸಾಕಾರನ್ ಮಲ್ತೆರ್. ಗಿರ್ಗಿಟ್ ಪುಗರ್ತೆದ ಪ್ರಸನ್ನ ಶೆಟ್ಟಿ ಬೈಲೂರು ಸಂಭಾಷಣೆನ್ ಬರೆತ್ತೆರ್. ಪಿಚ್ಚರ್ ಗ್ ಪದನ್ ಸೃಜನ್ ಕುಮಾರ್ ತೋನ್ಸೆ ಸಂಯೋಜನೇ ಮಲ್ತೆರ್.

ರಾಜಣ್ಣನ ಮಗೆ ರಿಶಿ ಒರಿ ಈವೆಂಟ್‌ ಮ್ಯಾನೇಜರ್‌. ಯಾನ್ ಒರಿ ಮಲ್ಲ ವ್ಯಕ್ತಿಯಾವೊಡ್ ಪನ್ಪಿನ ಬಗೆಟ್ಟ್ ಮಸ್ತ್ ಪೊರ್ಂಬಾಟ ಮಲ್ತೊಂದಿಪ್ಪುವೆ. ಒಂಜಿ ಮಲ್ಲ ಲೇಸ್ ನ್ ಆಯೋಜನೆ ಮಲ್ತ್ ದ್ ಆಯಿಟ್ಟ್ ಆಯೇ ಯಶಸ್ವಿಯಾಯೆನ ಇಜ್ಜೆನ ಪನ್ಪಿನವ್ ಈ ಚಿತ್ರದ ಕಥೆಯಾತ್ಂಡ್.

ರಾಜ್ ಸೌಂಡ್ಸ್ ಆ್ಯಂಡ್ ಲೈಟ್ಸ್ ತುಳು ಪಿಚ್ಚರ್ ಫೆಬ್ರವರಿ ತಿಂಗೋಲ್ ಡ್ ಬುಡುಗಡೆ ಮಲ್ಪಿನವ್ ಪಂದ್ ಘೋಷಣೆ ಮಲ್ತಿತೆರ್. ಕೋವಿಡ್ ಕಾರಣರ್ದಾವರ ತಾರೀಕ್ ನ್ ದುಂಬು ದೀದಿತ್ತ್ ದ್, ಇತ್ತೆ ಪಿಚ್ಚರ್ ಬುಡುಗಡೆ ಆಯರೇ ಪೊಸ ತಾರೀಕ್ ನ್ ಘೋಷಣೆ ಮಲ್ತೆರ್.

ಪಿಚ್ಚರ್ ಡ್ ತುಳುನಾಡ್ ದ ಕಾಮಿಡಿ ಕಿಂಗ್ ಅರವಿಂದ್ ಬೋಳಾರ್ ಅಭಿನಯ ಮಲ್ತಿನ ಇಂಟ್ರೋ ಟೀಸರ್ ಇತ್ತೆ ಯೂಟ್ಯೂಬ್ ಡ್ ಎಡ್ಡೆ ರೀತಿಡ್ ಪ್ರತಿಕ್ರಿಯೆ ವ್ಯಕ್ತ ಆವೊಂದ್ಂಡ್. ಒಂದು ಮೊಟ್ಟೆಯ ಕಥೆತ್ತ ಚಿತ್ರತಂಡ ಇತ್ತೆ ರಾಜ್ ಸೌಂಡ್ಸ್ ಆ್ಯಂಡ್ ಲೈಟ್ಸ್ ಪನ್ಪಿನ ಕಾಮಿಡಿ ಅಂಚನೆ ಕೌಟುಂಬಿಕ ಕಥಾ ಸಾರಾಂಶ ಇತ್ತಿನ ಪಿಚ್ಚರ್ ನ್ ಬುಡುಗಡೆ ಮಲ್ಪರೆ ತಯಾರ್ ಆತ್ಂಡ್.

ಕರ್ನಾಟಕ ರಾಜ್ಯ ದೇವಾಡಿಗ ಸಂಘದ ಅಧ್ಯಕ್ಷೆರ್ ಡಾ.ದೇವರಾಜ್ ಕೆ, ದಯಾನಂದ್ ಕತ್ತಲ್ಸಾರ್, ಪಿ.ಅಶೋಕ್, ಪ್ರಕಾಶ್ ಪಾಂಡೇಶ್ವರ, ಮೋಹನ್ ಬಂಟ್ವಾಳ, ನವರಸ ರಾಜೆ ಬೋಜರಾಜ್ ವಾಮಂಜೂರ್, ರೋಷನ್ ರೋನಾಲ್ಡ್, ನಾಯಕ ನಟಿ ಚೈತ್ರಾ ಶೆಟ್ಟಿ ಅಂಚನೇ ಮಸ್ತ್ ಲೇಸ್ ಡ್ ಪಾಲ್ ಪಡೆದಿತ್ತೆರ್.

ಬೊಂಬಾಯಿದ ಸುದ್ದಿ | Mumbai News

ಮಿಸ್ ಇಂಡಿಯಾ 2022″ ಕಿರೀಟ ಗೆಂದಿನ ತುಳುನಾಡ ಪೆರ್ಮೆದ ಪೊಣ್ಣು ಸಿನಿ ಶೆಟ್ಟಿ

ಬೊಂಬೈಡ್ ತ್ರಿ ರಂಗ ಸಂಗಮದ ಮುತಾಲಿಕೆಡ್ ರಾಜ್ ಸೌಂಡ್ಸ್ ಆ್ಯಂಡ್ ಲೈಟ್ಸ್ ಸಿನಿಮಾ ಪ್ರದರ್ಶನ ಉದಿಪನ

ಧರ್ಮ ಕಾರ್ಯ ಮಲ್ತ್ಂಡ ಸಮಾಜ ಗಟ್ಟಿ ಆಪುಂಡು: ರಮಾನಂದ ಗುರೂಜಿ

ಕುರ್ಲಾ ಕಟ್ವಾನ ಮಗ್‌ರ್ನ ಅಟ್ರ್‌ಗಣಿಟ್ ಸೈತಿನಕ್ಲ್ 19 ಜನ

ದ್ರೌಪದಿ ರಾಷ್ಟ್ರಪತಿಯಾ೦ಡ, ಪಾಂಡವೆರ್ ಏರ್ ? ವಿವಾದ ಸೃಷ್ಟಿ ಮಲ್ತಿನ ವರ್ಮೆರ್ನ ಟ್ವೀಟ್

ಬಂಟರ ಸಂಘ ಬೊಂಬಾಯಿ, ಜೋಗೇಶ್ವರಿ – ದಹಿಸರ್ ಪ್ರಾದೇಶಿಕ ಸಮಿತಿದ ಪೊಂಜೊವ್ ಲೆನ ವಿಭಾಗರ್ದ್ ಅಂತರಾಷ್ಚ್ರೀಯ ಯೋಗ ದಿನಾಚರಣೆ

ಪೂನ ಬಿಲ್ಲವ ಸಂಘದ ಯುವ ವಿಭಾಗದ ಆಧ್ಯಕ್ಷೆರಾದ್ ತೃಪ್ತಿ ಎಸ್ ಪೂಜಾರಿ ಆಯ್ಕೆ

ಮಹಾರಾಷ್ಟ್ರಡ್ ಜಾಸ್ತಿ ಆವೊಂದುಂಡು ಕೋವಿಡ್ 19 ಕೇಸ್ : ಸಿಎಂ ಉದ್ಧವ್ ಠಾಕ್ರೆ

ಮೋಯ ಸಮುದಾಯದ ‘ನಮೋ ಮೋಯರ್ ಗ್ಲೋಬಲ್ ಫೌಂಡೇಶನ್’ ಉದಿಪನ ಲೇಸ್

ಮೇ 20 ರಾಜ್ ಸೌಂಡ್ಸ್ ಆ್ಯಂಡ್ ಲೈಟ್ಸ್ ಸಿನಿಮಾ ಬುಡುಗಡೆ

You Missed

ಗುರುವಾಯನಕೆರೆ : ಬೈಕ್‌ ಬೊಕ್ಕ ರಡ್ಡ್ ಕಾರ್ ಗುದ್ದುದು ಬೈಕ್‌ದಾರೆಗ್ ಪೆಟ್ಟ್

ಕಾರ್ಲ : ಮಾರ್ಗದ ಬರಿಟ್ಟ್ ಕಜವು ದಕಿನ 2 ಜನಕ್ಲೆಗ್ ದಂಡ

ಪ್ರಿಯದರ್ಶಿನಿ ಕೋ ಆಪರೇಟಿವ್ ಸೊಸೈಟಿರ್ದ್ ಪ್ರತಿಭಾ ಗೌರವ : ಎಚ್. ವಸಂತ್ ಬೆರ್ನಾರ್ಡ್

ಥಾಮಸ್ ಕಪ್ ಗೆಂದಿನ ಬ್ಯಾಡ್ಮಿಂಟನ್ ಪಟು ಆಯುಷ್ ಶೆಟ್ಟಿ ಧರ್ಮಸ್ಥಳ ಭೇಟಿ