ದೇಶಡ್ ನಡಪಿನ ಸುದ್ದಿ | National News

ಎಲ್ಲೆ ಭಾರತ್ ಬಂದ್

Nov 28, 2022

ರಾಷ್ಟ್ರೀಯ ಹಿಂದುಳಿದ ವರ್ಗದ ಮೋರ್ಚಾ ಎಲ್ಲೆ ಭಾರತ್ ಬಂದ್‌ಗ್ ಲೆಪ್ಪು ಕೊರ್ತ್ಂಡು.

ಒಬಿಸಿ ಸಂಖ್ಯೆಗ್ ಅನುಗುಣವಾದ್ ಮೀಸಲಾತಿನ್ ಎಚ್ಚ ಮಲ್ತ್‌ಜೆರ್. ಕೇಂದ್ರ ಸರ್ಕಾರ ಈ ಬಗೆಟ್ ಒಬಿಸಿ ನೀತಿನ್ ಪರಿಷ್ಕರಣೆ ಮಲ್ಪೊಡು ಪಂದ್ ಆಗ್ರಹಿಸಾದ್ ಎಲ್ಲೆ ( ನ.29) ಬಂದ್ ನಡತೊಂದು ಉಂಡು.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ಬೊಂಬಾಯಿದ ಸುದ್ದಿ | Mumbai News ರಪಕ್ಕ ಸುದ್ದಿ Flash News

ಬೊಂಬಾಯಿ: ರೈಲ್ವೆ ಸ್ಟೇಶನ್ ದ ಸಂಕ ಬೂರ್ದು 20 ರ್ದ್‌ಲ ಎಚ್ಚದ ಜನಕ್ಲೆಗ್ ಪೆಟ್ಟ್

Nov 28, 2022

ಬೊಂಬಾಯಿ: ಜನಕುಲು ನಡತೊಂದು ಪೋಪಿನ ಸಂಕ ಬೂರ್ದು 20 ರ್ದ್‌ಲ ಎಚ್ಚದ ಜನಕ್ಲೆಗ್ ಪೆಟ್ಟ್ ಆಯಿನ ಘಟನೆ ಐತಾರ ಮಹಾರಾಷ್ಟ್ರದ ಚಂದ್ರಾಪುರ ಬಲ್ಲಾರಶಾ ರ್‍ಯಲ್ವೇ ನಿಲ್ದಾಣಡ್ ನಡತ್ಂಡ್.

ಸುಮಾರ್ 60 ಅಡಿ ಎತ್ತರದ ಫುಟ್‌ಓವರ್ ಸಂಕದ ಒಂಜಿದ ಭಾಗ ಬೂರ್ದಿತ್ತ್‌ದ್, ಮಸ್ತ್ ಪ್ರಯಾಣಿಕೆರ್ ಸಂಕರ್ದ್ ರೈಲ್‌ದ ಪಟ್ಟೆಗ್ ಬೂರ್ದೆರ್. ಪೆಟ್ಟ್ ಆತಿನಕ್ಲೆನ್ ಕೈತಲ್‌ದ ಆಸ್ಪತ್ರೆಗ್ ಕೊನತೆರ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ರಪಕ್ಕ ಸುದ್ದಿ Flash News

ಕುಡೊಂಜಿ ಫ್ರಿಡ್ಜ್, 22 ಪೀಸ್ ದ ಕೇಸ್: ಕಂಡನಿನ್ ಕೆರ್ದ್ ದಕ್ಕಿನ ಬೊಡೆದಿ ಬೊಕ್ಕ ಮಗೆ

Nov 28, 2022

ಅಂಜನ್ ದಾಸ್ ಪನ್ಪಿನರೆನ್ ಬೊಡೆದಿ ಬೊಕ್ಕ ಮಗೆ ಸೇರೊಂದು ಕೆರ್ದ್ 22 ತುಂಡು ಮಲ್ತ್‌ದ್ ಫ್ರಿಡ್ಜ್ ಡ್ ದೀದ್, ಆಯಿರ್ದ್ ಬೊಕ್ಕ ಅವೆನ್ ಅಲ್ಪಲ್ಪ ದಕ್ ದಿನ ಘಟನೆ ದಿಲ್ಲಿದ ಪಾಂಡವ್ ನಗರಡ್ ನಡತ್ಂಡ್.

ಜೂನ್‌ ತಿಂಗೊಲ್ಡೆ ಪೊಲೀಸೆರೆಗ್ ಪುನತ್ತ ತುಂಡುಲು ತಿಕ್ ದಿತ್ತ್ಂಡಲ ಅವು ಕುರಿದಿನ ಸ್ಥಿತಿಟ್ಟ್ ಇತ್ತಿನೆಡ್ದಾವರ ಗುರುತ್ ಪತ್ತರೆ ಸಾಧ್ಯ ಆತಿಜಾಂಡ್. ಅಂಜನ್ ದಾಸ್‌ಗ್ ನಿದ್ರೆ ಮಾತ್ರೆ ಕೊರ್ದು ಆಯಿಬೊಕ್ಕ ಅರೆನ್ ಕೆರ್ದ್ ಇಂಚ ಮಲ್ತ್‌ದ ಪಂದ್ ಆರೋಪಿಲಾಯಿನ ಬೊಡೆದಿ ಪೂನಂ ಬೊಕ್ಕ ಮಗೆ ದೀಪಕ್ ಪಂತೆರ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ದೊಂಡೆಡ್ ಚಾಕ್ಲೇಟ್ ತಿಕೊಂದು 9 ವರ್ಷದ ಆಣ್ ತೀರ್ ಪೋಯೆರ್

Nov 28, 2022

ಹೈದರಾಬಾದ್: ಚಾಕ್ಲೇಟ್ ತಿನ್ನಗ ಉಸುಲ್ ಕಟ್ಟ್‌ದ್ 9 ವರ್ಷದ ಆಣ್ ಬಾಲೆ ತೀರ್ ಪೋಯಿನ ಘಟನೆ ತೆಲಂಗಾಣದ ವಾರಂಗಲ್‌ಡ್ ನಡತ್ಂಡ್.

ಸಂದೀಪ್ ಸಿಂಗ್ ತೀರ್ ಪೋಯಿನ ಆಣ್. ಚಾಕ್ಲೇಟ್ ತಿನ್ನೊಂದಿಪ್ಪುನಗ ದೊಂಡೆಡ್ ತಿಕ್ಕೊಂದುಂಡು. ಆಯಿರ್ದ್ ಬೊಕ್ಕ ವಾರಂಗಲ್‌ದ ಎಂಜಿಎಂ ಆಸ್ಪತ್ರೆಗ್ ಲೆತ್ತೊಂದು ಪೋದಿತ್ತ್‌ದ್, ಅಲ್ಪ ಡಾಕ್ಟರ್ ಆಣ್ ಉಸುರು ಕಟ್ಟ್‌ದ್ ತೀರ್ ಪೋತೆ ಪಂದ್ ತೆರಿಪಾಯೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ರಪಕ್ಕ ಸುದ್ದಿ Flash News

ಫಿಫಾ ವಿಶ್ವಕಪ್‌ಡ್ ಸೂಪರ್ ಫೈಟ್

Nov 28, 2022

ಫುಟ್ಬಾಲ್ ವಿಶ್ವಕಪ್‌ಡ್ ಇನಿ 4 ಸೂಪರ್ ಫೈಟ್‌ಲು ನಡಪರೆ ಉಂಡು. ಜಿ ಗುಂಪುಡ್ ಕೆಮರೂನ್ ಸೆರ್ಬಿಯಾ ಕೂಟನ್ ಎದುರಿಸಾಯರೆ ಇತ್ತ್ಂಡ, ಬ್ರೆಜಿಲ್ ಬೊಕ್ಕ ಸ್ವಿಟ್ಟರ್‌ಲೆಂಡ್ ನಡುಟ್ಟ್‌ಲ ಪಂತ ನಡಪರೆ ಉಂಡು.

ಎಚ್ ಗುಂಪುಡು ಪೋರ್ಚುಗಲ್ ಬೊಕ್ಕ ಉರುಗ್ವೆ ಗೆಂದರೆ ಅಖಾಡಗ್ ಜತ್ತ್ಂಡ, ದಕ್ಷಿಣ ಕೊರಿಯಾ, ಘಾನಾದ ಮಿತ್ತ್ ಪಂತೊ ಗೊಬ್ಬರೆ ಉಂಡು. ಘಾನಾ, ಸೆರ್ಬಿಯಾ, ಕ್ಯಾಮರೂನ್ ಬೊಕ್ಕ ಉರುಗ್ವೆ ಕೂಟಲೆಗ್ ಉಂದು ಭಾರಿ ಮುಖ್ಯವಾಯಿನ ಪಂದ್ಯ ಉಂಡು.

ಫುಟ್ಬಾಲ್ ಸ್ಟಾರ್ ರೊನಾಲ್ಡೊಗ್ ಇನ್‌ಸ್ಟಾಡ್ 500 ಮಿಲಿಯನ್ ಫಾಲೋವರ್ಸ್!!

Nov 21, 2022

ಪೋರ್ಚುಗಲ್ ಸ್ಟಾರ್ ಫುಟ್‌ಬಾಲ್ ಆಟಗಾರೆ ಕ್ರಿಸ್ಟಿಯಾನೊ ರೊನಾಲ್ಡೊ ಜಗತ್ತ್‌ಡ್ ಎಚ್ಚದ ಸಂಖ್ಯೆದ ಅಭಿಮಾನಿಲು ಉಲ್ಲೆರ್. ಇನ್ಸ್ಟಾಗ್ರಾಂಡ್ 500 ಮಿಲಿಯನ್ ಫಾಲೋವರ್ಸ್‌ನ್ ದಾಟಿನ ಸುರುತ್ತ ಪ್ಲೇಯರ್ ರೊನಾಲ್ಡೊ.

ಕುಡೊರಿ ಫುಟ್ಬಾಲ್ ಸ್ಟಾರ್ ಮೆಸ್ಸಿ 375 ಮಿಲಿಯನ್ ಫಾಲೋವರ್ಸ್ ಇತ್ತ್ಂಡಲ ರೊನಾಲ್ಡೊ ಅರೆರ್ದ್ ಮಸ್ತ್ ಪಿರ ಉಲ್ಲೆರ್. ವಿರಾಟ್ ಕೊಹ್ಲಿಗ್ 224 ಮಿಲಿಯನ್ ಫಾಲೋವರ್ಸ್ ಇತ್ತ್‌ದ್ 17 ನೇ ತಾನೊಡು ಉಲ್ಲೆರ್.

ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ಪಟ್ಟೆ ತತ್ತಿನ ರೈಲ್; ಮೂಜಿ ಜನ ತೀರ್ ಪೋಯೆರ್, ಮಸ್ತ್ ಜನಕ್ಕ್ ಪೆಟ್ಟ್

Nov 21, 2022

ಪೋವೊಂದಿತ್ತಿನ ರೈಲ್‌ ಪಟ್ಟೆರ್ದ್ ತತ್ತ್‌ದ್ ಮೂಜಿ ಜನ ತೀರ್ ಪೋದಿತ್ತ್‌ದ್ ಮಸ್ತ್ ಜನಕ್ಕ್ ಪೆಟ್ಟ್ ಆತಿನ ಘಟನೆ ಒಡಿಶಾದ ಈಸ್ಟ್ ಕೋಸ್ಟ್ ರೈಲ್ವೆ ವ್ಯಾಪ್ತಿದ ಕೊರೈ ನಿಲ್ದಾಣಡ್ ನಡತ್ಂಡ್.

ಗೂಡ್ಸ್ ರೈಲ್‌ದ 12 ಬೋಗಿಲು ಪಟ್ಟೆ ತತ್ತ್‌ದ್ಂಡ್. 3-4 ಬೋಗಿಲು ಜನಕ್ಕುಲು ಉಂಸಿನಡೆ ಪೋದ್ ತಾಂಟ್‌ದ್ಂಡ್. ತೀರ್ ಪೋತಿನಕ್ಲೆನ ಸಂಖ್ಯೆ ಎಚ್ಚ ಆಪಿನ ಸಾಧ್ಯತೆ ಉಂಡು. ರಕ್ಷಣಾ ತಂಡ ಬೊಕ್ಕ ರೈಲ್ವೆ ಅಧಿಕಾರಿಲು ಜಾಗೆಗ್ ಬತ್ತ್‌ದ್ ರಕ್ಷಣಾ ಕಾರ್ಯಾಚರಣೆ ಮಲ್ತೊಂದುಲ್ಲೆರ್ ಪಂದ್ ಪೂರ್ವ ಕರಾವಳಿ ರೈಲ್ವೆ ಅಧಿಕಾರಿಲು ತೆರಿಪಾದೆರ್.

ಬರ್ಸೊಗು ಭಾರತ- ನ್ಯೂಜಿಲೆಂಡ್ ಟಿ20 ಮ್ಯಾಚ್ ಕ್ಯಾನ್ಸಲ್

Nov 18, 2022

ವೆಲ್ಲಿಂಗ್ಟನ್: ಭಾರತ ಅಂಚನೆ ನ್ಯೂಜಿಲೆಂಡ್ ನಡುತ್ತ 3 ಪಂತದ ಟಿ20 ಸರಣಿದ ಸುರುತ್ತ ಪಂತ ಬರ್ಸ ಬತ್ತಿನೆಡ್ದಾವರ ಕ್ಯಾನ್ಸಲ್ ಆತ್ಂಡ್.

ಬರ್ಸರ್ದಾವರ ಟಾಸ್ ಪಾಡಿಯರಲ ಸಾಧ್ಯ ಆವಂದಿನ ಪರಿಸ್ಥಿತಿ ನಿರ್ಮಾಣ ಆಯಿನ ಕಾರಣ ಪಂತೊನ್ ಕ್ಯಾನ್ಸಲ್ ಮಲ್ತೆರ್.

ಟ್ವಿಟರ್ ಗ್ ಸಾಮೂಹಿಕ ರಾಜೀನಾಮೆ, ಕಂಪೆನಿ ಬಂದ್ !

Nov 18, 2022

ಸ್ಯಾನ್‌ಫ್ರಾನ್ಸಿಸ್ಕೋ: ಎಲಾನ್ ಮಸ್ಕ್ ಮುತಾಲಿಕೆದ ಟ್ವಿಟರ್ ಕಂಪೆನಿಡ್ ಇತ್ತೆ ನೂದೆರ್ದ್ ಎಚ್ಚದ ಉದ್ಯೋಗಿಲು ಸಾಮೂಹಿಕವಾದ್ ರಾಜೀನಾಮೆ ಕೊರ್ತಿನ ಬಗೆಟ್ ಕಂಪೆನಿನ್ ತಾತ್ಕಾಲಿಕವಾದ್ ಮುಚ್ಚಿದೆರ್.

ಆತೆ ಅತ್ತಂದೆ ಟ್ವಿಟರ್‌ಡ್ #GoodByeTwitter, #RIPTwitter, #TwitterDown ಹ್ಯಾಶ್‌ಟ್ಯಾಗ್ ಟ್ರೆಂಡಿಂಗ್‌ಡ್ ಉಂಡು. ಟ್ವಿಟರ್ ಉದ್ಯೋಗಿಲೆಗ್ ಕಂಪೆನಿಡ್ ಒರಿಯರೆ ಬಯಕುವರಾ ಪನ್ಪಿನ ಪ್ರಶ್ನೆಗ್ ಗುರುವಾರ ಮಧ್ಯಾಹ್ನ 2 ಗಂಟೆ ಮುಟ್ಟ ಅವಕಾಶ ಕೊರ್ದಿತ್ತೆರ್. ಆಂಡ, ಉದ್ಯೋಗಿಲು ಸೆಲ್ಯೂಟ್ ಇಮೋಜಿ ಕಡಪಾದ್ ರಾಜೀನಾಮೆ ಸಂದೇಶನ್ ಪೋಸ್ಟ್ ಮಲ್ತ್‌ದೆರ್.