ದೇಶಡ್ ನಡಪಿನ ಸುದ್ದಿ | National News

ಫಿಫಾ ವಿಶ್ವಕಪ್ ಗೆಂದಿನ ಅರ್ಜೆಂಟೀನಾಗ್ ಏತ್ ಕೋಟಿ ಇನಾಮು?

ಕತಾರ್‌ಡ್ ನಡತಿನ 2022 ತ್ತ ಫಿಫಾ ವಿಶ್ವಕಪ್ ಪಂತೊಡು ಅರ್ಜೆಂಟೀನಾ ವಿಶ್ವ ಚಾಂಪಿಯನ್ ಆದ್ ಗೆಂದ್‌ದ್ಂಡ್. ಈ ಪಂತೊಡು ಅರ್ಜೆಂಟೀನಾದ ಮೆಸ್ಸಿ ಗೋಲ್ಡನ್ ಬಾಲ್ ಪಡೆತೆರ್. ಅಂಚನೆ ಫ್ರಾನ್ಸ್ ಕೂಟದ ಎಂಬಾಪೆ ಗೋಲ್ಡನ್ ಶೂ ಪಡೆತೆರ್.

ಚಾಂಪಿಯನ್ ಆಯಿನ ಅರ್ಜೆಂಟೀನಾ ಕೂಟ 42 ಮಿಲಿಯನ್ ಡಾಲರ್ ಪಂಡ ಅಂದಾಜಿ 344 ಕೋಟಿ ರೂಪಾಯಿ ಇನಾಮು ಪಡೆತ್ಂಡ್. ರನ್ನರ್ ಅಪ್ ಆಯಿನ ಫ್ರಾನ್ಸ್‌ಗ್ 245 ಕೋಟಿ ಇನಾಮು ತಿಕ್ ದ್ಂಡ್.

36 ವರ್ಷರ್ದ್ ಬೊಕ್ಕ ಫಿಫಾ ವಿಶ್ವಕಪ್ ಕಿರೀಟ ಗೆಂದಿನ ಅರ್ಜೆಂಟೀನಾ

ಕತಾರ್‌ದ ಲುಸೈಲ್ ಸ್ಟೇಡಿಯಂಡ್ ನಡತಿನ ವಿಶ್ವಕಪ್ ಫೈನಲ್ ಪಂತೊಡು ಅರ್ಜೆಂಟೀನಾ ಫಿಫಾ ವಿಶ್ವಕಪ್ ಗೆಂದ್‌ದ್ಂಡ್.

ಫ್ರಾನ್ಸ್ ಕೂಟನ್ ಸೋಪಾಯಿನ ಅರ್ಜೆಂಟೀನಾ ಕೂಟ 36 ವರ್ಷರ್ದ್ ಬೊಕ್ಕ ಫಿಫಾ ವಿಶ್ವಕಪ್ ಟೂರ್ನಿಡ್ ಚಾಂಪಿಯನ್ ಆತ್ಂಡ್. ಅರ್ಜೆಂಟೀನ ಈ ಪಿರವು 1978 ಡ್ ಅಂಚನೆ 1986 ಟ್ ಪ್ರಶಸ್ತಿ ದೆತೊಂದಿತ್ಂಡ್.

Argentina wins FIFA world cup after 36 years !!

The thrilling FIFA world cup final held at Qatar’s Lusail Stadium between Argentina and France ; Argentina beat France 4-2 to lift the world cup after 36 years!!

Argentina were world champions before in 1978 and 1986.

2024 ನೇ ಇಸ್ವಿದ ಕಡೇಕ್ಕ್ ಭಾರತದ ಮಾರ್ಗಲು ಅಮೇರಿಕಾ ಮಾರ್ಗದಂಚ ಆದಿಪ್ಪುಂಡು: ನಿತಿನ್ ಗಡ್ಕರಿ

ದಿಲ್ಲಿ: 2024 ನೇ ಇಸ್ವಿದ ಕಡೆಕ್ಕ್ ಭಾರತದ ಮಾರ್ಗ ಪೂರ ಅಮೇರಿಕಾ ಮಾರ್ಗದ ಗುಣಮಟ್ಟಗ್ ಸಮ ಆದಿಪ್ಪುಂಡು ಪಂದ್ ಕೇಂದ್ರ ರಸ್ತೆ ಸಾರಿಗೆ ಬೊಕ್ಕ ಹೆದ್ದಾರಿ ಸಚಿವೆರ್ ನಿತಿನ್ ಗಡ್ಕರಿ ತೆರಿಪಾದೆರ್.

ಈ ಬಗೆಟ್ ಪಾತೆರಿನ ಆರ್ ನಮ್ಮ ದೇಶಡ್ ವರ್ಲ್ಡ್ ಸ್ಟ್ಯಾಂಡರ್ಡ್ ರೋಡ್ ಎಡ್ಡೆರೀತಿದ ಮಾರ್ಗದ ಸೌಕರ್ಯನ್ ಮಲ್ತೊಂದುಲ್ಲ. ಈ ನಿರ್ಮಾಣಗ್ ಸಿಮೆಂಟ್ ಬೊಕ್ಕ ಕರ್ಬ ಪ್ರಮುಖವಾದ್ ಬೋಡಾಪುಂಡು ಪಂದ್ ಪಂಡೆರ್.

ದೇವಲ್ಯದ ಎದುರು ಪೊಸ ಹೆಲಿಕಾಫ್ಟರ್‌ಗ್ ಪೂಜೆ !

ಪೊಸ ಕಾರ್, ಬೈಕ್ ಅತ್ತ್ಂಡ ಬೇತೆ ಒವ್ವೆ ಗಾಡಿ ದೆತೊನ್ನಗ ಸುರುಕ್ಕ್ ದೇವಲ್ಯಗ್ ಪೋದು ಪೂಜೆ ಮಲ್ಪುನವು ವಾಡಿಕೆಯಾತ್ಂಡ್. ಮುಲ್ಪ ಒರಿ ಹೆಲಿಕಾಫ್ಟರ್ ದೆತೊಂದು ದೇವಲ್ಯಡ್ ಆಯಿಕ್ಕ್ ಪೂಜೆ ಮಲ್ತಿನ ವಿಡಿಯೋ ವೈರಲ್ ಆತ್ಂಡ್.

ತೆಲಂಗಾಣದ ಪ್ರತಿಮಾ ಗ್ರೂಪ್‌ದ ಮಾಲೀಕೆರ್ ಬೋಯಿನಪಲ್ಲಿ ಶ್ರೀನಿವಾಸ್ ರಾವ್ ಏರ್‌ಬಸ್ ಎಸಿಎಚ್ 135 ದೆತೊಂದಿತ್ತ್‌ದ್ ಯಾದಾದ್ರಿದ ಶ್ರೀ ಲಕ್ಷ್ಮಿ ನರಸಿಂಹಸ್ವಾಮಿ ದೇವಲ್ಯಡ್ ಗಾಡಿದ ಪೂಜೆ ಮಲ್ತ್‌ದೆರ್. ಈ ಹೆಲಿಕಾಫ್ಟರ್‌ದ ಬಿಲೆ ಸುಮಾರ್ 47 ಕೋಟಿ ರೂಪಾಯಿ ಆತ್ಂಡ್.