ದೇಶಡ್ ನಡಪಿನ ಸುದ್ದಿ | National News

ಪ್ರಧಾನಿ ನರೇಂದ್ರ ಮೋದಿ ಮೆರೆನ ಅಪ್ಪೆ ಹೀರಾಬೆನ್ ನನ ನೆಂಪು ಮಾತ್ರ

ಗಾಂಧಿನಗರ: ಪ್ರಧಾನಿ ನರೇಂದ್ರ ಮೋದಿ ಮೆರೆನ ಅಪ್ಪೆ ಹೀರಾಬೆನ್ (100) ಮೇರ್ ಹುಷಾರ್‌ದಾಂತೆ ಸುಕ್ರಾರ ಬೊಲ್ಪುಗು 3.39 ಗಂಟೆಗ್ ದೇವೆರೆ ಪಾದೊ ಸೇರಿಯೆರ್.

ಅರೆನ ಅಂತ್ಯಕ್ರಿಯೆ ಗುಜರಾತ್ ದ ಗಾಂಧಿನಗರದ ಸೆಕ್ಟರ್ 8 ಟ್ಟ್ ಇಪ್ಪುನ ರುದ್ರಭೂಮಿಡ್ ಡ್ ಇನಿ ಕಾಂಡೆ 9 ಗಂಟೆಗ್ ನಡತ್ಂಡ್.

ಇನಿ ಬೊಲ್ಪುಗೇ ಇಲ್ಲಗ್ ಬತ್ತಿನ ಮೋದಿ, ಅಪ್ಪೆಗ್ ಕಡೆತ್ತ ಸೊಲ್ಮೆ ಸಂದೈತ ಮಲ್ತೆರ್. ಅತ್ತಂದೆ ಅಪ್ಪೆನ ಪಾರ್ಥಿವ ಶರೀರಗ್ ಮೋದಿ ಪುಗೆಲ್ ಕೊರಿಯೆರ್. ಅಪ್ಪೆ ದೇವೆರೆ ಪಾದೊ ಸೇರಿನ ವಿಚಾರೊನು ಮೋದಿ ಮೇರ್ ಟ್ವಿಟರ್‌ಡ್ ಕಾಂಡೆನೆ ತೆರಿಪಾದೆರ್.

“ಅಪ್ಪೆಡ ಯಾನ್ ಮೂಜಿ ಮೂರ್ತಿಲೆನ್ ಲ ತೂತೆ. ಅರೆನ ಜೀವನ ಒಂಜಿ ತಪಸ್ಸ್‌ದ ಪ್ರಯಾಣ ಆದಿತ್ತ್ಂಡ್” ಪಂದ್ ಟ್ವೀಟ್ ಮಲ್ತ್‌ದೆರ್.

ಹೀರಾ ಬೆನ್ ಮೋದಿ ಮೇರ್ 2022 ತ್ತ ಡಿಸೆಂಬರ್ 30 ಗ್ ಪುಲ್ಯಕಾಂಡೆ 3.39 ಗಂಟೆಗ್ ತೀರ್ ಪೋತೆರ್. ಹುಷಾರ್ ದಾಂತೆ ಇತ್ತಿನ ಅರೆನ್ ಆಸ್ಪತ್ರೆಗ್ ಸೇರ್ಸಾದಿತ್ತೆರ್. ಅಡೆಗ್ ಮೋದಿ ಭೇಟಿ ಕೊರ್ದು ಅಪ್ಪೆನ್ ತೂದು ಡಾಕ್ಟರ್ ನಕ್ಲೆಡ ಪಾತೆರ್ದ್ ಪೋದಿತ್ತೆರ್.

ಕುಡ್ಲ: ಸೌದಿ ಅರೇಬಿಯಾಡ್ ಕಾರ್ ಬೊಕ್ಕ ಲಾರಿ ಗುದ್ದುದ್ ಸುರತ್ಕಲ್‌ದ ಜವನೆ ತೀರ್ ಪೋಯೆರ್

ಸೌದಿ ಅರೇಬಿಯಾ: ಕಾರ್ ಬೊಕ್ಕ ಲಾರಿ ಗುದ್ದ್‌ದ್ ಸುರತ್ಕಲ್‌ದ ಜವನೆ ತೀರ್ ಪೋಯಿನ ಘಟನೆ ನಡತ್ಂಡ್.

ತಡಂಬೈಲ್ ಫಾತಿಮಾ ಸೂಪರ್ ಮಾರ್ಕೆಟ್‌ದ ಅಬ್ದುಲ್ ಖಾದರ್ ಅಂಚನೆ ಬೀ ಫಾತಿಮಾ ಮೊಕ್ಲೆನ ಮಗೆ ಫಾಝಿಲ್ (29) ತೀರ್ ಪೋಯಿನಾರ್. ಫಾಝಿಲ್ ಕರಿನ ಒಂಜರೆ ವರ್ಷದ ಪಿರವು ಮದಿಮೆ ಆದಿತ್ತ್‌ದ್ ಎಲ್ಯ ಬಾಲೆ ಉಂಡು. ಫಾಝಿಲ್ ತನ್ನ ಬೊಡೆದಿ ಬಾಲೆದೊಟ್ಟುಗು ಸೌದಿ ಅರೇಬಿಯಾಡ್ ಇತ್ತೆರ್.

ರಾಜಸ್ಥಾನಡ್ ಬಡವೆರೆಗ್ 500 ರೂ.ಗ್ ಎಲ್‌ಪಿಜಿ ಸಿಲಿಂಡರ್!

ಜೈಪುರ್: ರಾಜ್ಯದ ಬಡವೆರೆಗ್ 500 ರೂ. ಬಿಲೆಟ್ಟ್ ಎಲ್ ಪಿಜಿ ಸಿಲಿಂಡರ್‌ನ್ ಕೊರ್ಪಿನ ಯೋಜನೆನ್ ರಾಜಸ್ತಾನದ ಮುಖ್ಯಮಂತ್ರಿ ಅಶೋಕ್ ಗೆಹ್ಲೋಟ್ ಮೇರ್ ಘೋಷಿಸಾದೆರ್.

ಬಡವೆರೆಗ್ ಎಡ್ಡೆ ರೀತಿಡ್ ಪರಿಹಾರನ್ ಕೊರಿಯರೆ ರಾಜ್ಯ ಸರ್ಕಾರ ಏಪಲ ಸಾರ್ವಜನಿಕ ಕಲ್ಯಾಣ ನಿರ್ಧಾರನ್ ದೆತೊನೊಂದು ಉಂಡು. ರಾಜ್ಯ ಸರ್ಕಾರ ಇತ್ತೆ ಬಡವೆರೆಗ್ ಕಮ್ಮಿ ಬಿಲೆಟ್ಟ್ ಎಲ್‌ಪಿಜಿ ಸಿಲಿಂಡರ್‌ನ್ ಕೊರ್ಪಿನ ಯೋಜನೆದೊಟ್ಟುಗು ಬರೊಂದುಂಡು ಪಂದ್ ಗೆಹ್ಲೋಟ್ ಟ್ವೀಟ್ ಮಲ್ತ್‌ದೆರ್.