ತುಳು ಸುದ್ದಿ

ಭಾರತೀಯ ಆರೋಗ್ಯ ಸೇವೆ ಪೂರೈಕೆದಾರೆರ್ನ ಸಂಘ : ಡಾ. ಸುಶೀಲ್ ಜತನ್ನ ರಾಜ್ಯ ಘಟಕದ ಗುರ್ಕಾರ್ಲಾದ್ ಆಯ್ಕೆ

ಕುಡ್ಲ, ಜುಲೈ 26: ಒಡಿಪುದ ಲೊಂಬಾರ್ಡ್ ಸ್ಮಾರಕ ಆಸ್ಪತ್ರೆದ ನಿರ್ದೇಶಕ ಡಾ.ಸುಶಿಲ್ ಜತನ್ನ ಮೇರ್ ಭಾರತೀಯ ಆರೋಗ್ಯಸೇವೆ ಪೂರೈಕೆದಾರರ ಸಂಘದ (ಎಎಚ್‍ಪಿಐ) ರಾಜ್ಯ ಘಟಕದ ಗುರ್ಕಾರ್ಲಾದ್ ಆಯ್ಕೆ ಆತೆರ್ .

ಜನರಲ್ ಮೆಡಿಸಿನ್, ಪಬ್ಲಿಕ್ ಹೆಲ್ತ್ ಮೆಡಿಸಿನ್ ಬೊಕ್ಕ ಮ್ಯಾನೇಜ್‍ಮೆಂಟ್ ಪನ್ಪಿನ ಮೂಜಿ ಕ್ಷೇತ್ರಡ್ ಸ್ನಾತಕೋತ್ತರ ಅರ್ಹತೆ ಪಡೆತಿನ ವೈದ್ಯ ಪನ್ಪಿನ ವಿಶೇಷ ಪುಗಾರ್ತೆ ಪಡೆತೆರ್ . ಪ್ರಸ್ತುತ ಮೇರ್ ವೆಲ್ಲೂರುದ ಕ್ರಿಶ್ಚಿಯನ್ ಮೆಡಿಕಲ್ ಕಾಲೇಜ್ ದ (ಸಿಎಂಸಿ) ಮಂಡಳಿ ಬೊಕ್ಕ ಕಾರ್ಯಕಾರಿ ಸಮಿತಿಡ್ ಬೇಲೆ ಮಲ್ತೊಂದು ಉಲ್ಲೆರ್ .

ದೇವಸ್ಥಾನಡ್ ಪೂಜೆಗೆ ಚಾಲನೆ ಕೊರಿನ ಕೋಟ ಶ್ರೀನಿವಾಸ ಪೂಜಾರಿ

ಕೋಟ, ಜುಲೈ 26 : ಕೋವಿಡ್ 2ನೆ ಅಲೆತ ಲಾಕ್‌ಡೌನ್ ನೆಲೆಟ್ಟ್ ಉoತಾದ್ ಇತ್ತಿನ ರಾಜ್ಯದ ದೇವಸ್ಥಾನಡ್ ಪೂಜೆ- ಪುರಸ್ಕಾರದ ಪುನರ್ ಆರಂಭಗ್ ಹಿಂದೂ ಧಾರ್ಮಿಕ ದತ್ತಿ ಮುಜರಾಯಿ ಇಲಾಖೆ ಸಚಿವ ಕೋಟ ಶ್ರೀನಿವಾಸ ಪೂಜಾರಿ ಕೋಟ ಅಮೃತೇಶ್ವರಿ ದೇಗುಲಡ್ ಕೋಡೆ ವಿಶೇಷ ಸೇವೆ ಮಲ್ಪುನ ಮುಖೇನ ಚಾಲನೆ ಕೊರಿಯೆರ್ .

ಗುರುಕುಲ ಸಾಹಿತ್ಯ ಕೇಸರಿ ಪ್ರಶಸ್ಥಿಗ್ ಶಿಕ್ಷಕ ಪದ್ಮಪ್ರಸಾದ್ ಜೈನ್ ಆಯ್ಕೆ

ತುಮಕೂರು, ಜುಲೈ 26: ತುಮಕೂರುದ ಗುರುಕುಲ ಕಲಾ ಪ್ರತಿಷ್ಟಾನರ್ದ್ ಕೊರ್ಪಿನ ಗುರುಕುಲ ಸಾಹಿತ್ಯ ಕೇಸರಿ ಪ್ರಶಸ್ತಿಗ್ ಶಿಕ್ಷಕ ಬಿಎನ್ ಪದ್ಮಪ್ರಸಾದ್ ಜೈನ್ ಬೆಳ್ಳೂರು ಆಯ್ಕೆಯಾತೆರ್ .

ನಿರಂತರ ಸಾಹಿತ್ಯ ಸೇವೆ ಮಲ್ದಿನ ಮೇರ್ ಪ್ರಸ್ತುತ ಹಿರಿಯ ಪ್ರಾಥಮಿಕ ಶಾಲೆ ಆರಣಿ ಶಾಲೆ ಮಂಡ್ಯ ಜಿಲ್ಲೆಡ್ ಬೇಲೆ ಮಲ್ತೊಂದು ಉಲ್ಲೆರ್ ,ನಾಗಮಂಗಲ ತಾಲೂಕುದ ಶಿಕ್ಷಕೆರ್ ಸೊಲ್ಮೆ ಸಂದೈತ ಮಲ್ದೆರ್.

ಇನಿರ್ದ್ ನಿಟ್ಟೆಡ್ ಐನ್ ದಿನತ ಕಾರ್ಯಗಾರ

ನಿಟ್ಟೆ, ಜುಲೈ 26: ನಿಟ್ಟೆ ತಾಂತ್ರಿಕ ಮಹಾವಿದ್ಯಾಲಯದ ಇಲೆಕ್ನಿಕಲ್ & ಇಲೆಕ್ಟ್ರಾನಿಕ್ಸ್ ವಿಭಾಗ ಎ.ಐ.ಸಿ.ಟಿ.ಇ. ಟ್ರೈನಿಂಗ್ & ಲರ್ನಿಂಗ್ (ಎ.ಟಿ.ಎ.ಎಲ್) ಅಕಾಡೆಮಿದ ಪ್ರಾಯೋಜಕತ್ವಡ್ ‘ಜೆಂಡರ್ ಈಕ್ವಿಟಿ: ಚ್ಯಾಲೆಂಜಸ್ & ಒಪೋರ್ಚುನಿಟೀಸ್ ಫಾರ್ ಉಮೆನ್ ಇನ್ ಡಿಸಿಶನ್ ಮೇಕಿಂಗ್’ ಪನ್ಪಿನ ವಿಷಯದ ಬಗ್ಗೆ ಐನ್ ದಿನತ ಆನ್ಸೆನ್ ಕಾರ್ಯಾಗಾರ ಅಟ್ಟನೆ ಮಲ್ದೆರ್ . ಜು. 26 ರ್ದ್ 30 ಮುಟ ನಿಟ್ಟೆ ಕ್ಯಾಂಪಸ್‌ಡ್ ನಡಪರೆ ಉಪ್ಪುನ ಕಾರ್ಯಾಗಾರನ್ ನಿಟ್ಟೆ ವಿದ್ಯಾಸಂಸ್ಥೆದ ಗುರ್ ಕಾರ್ ಲಾಯಿನ ಎನ್. ವಿನಯ ಹೆಗ್ಡೆ ಉದಿಪನ ಮಲ್ಪರೆ ಉಲ್ಲೆರ್ . ಈ ಪೊರ್ತುಡು 14 ಬಿನ್ನೆರ್ ಬೇತೆ ಬೇತೆ ವಿಷಯದ ಬಗ್ಗೆ ದಿಕೂಚಿ ಭಾಷಣ ನಡಪಾಯೆರೆ ಉಲ್ಲೆರ್ . ಲೇಸ್ ನ್ ಇಲೆಕ್ಟಿಕಲ್ ವಿಭಾಗದ ಮುಖ್ಯಸ್ಥ ಡಾ. ನಾಗೇಶ್ ಪ್ರಭು ಮಾರ್ಗದರ್ಶನಡ್ ವಿಭಾಗದ ಅಸೋಸಿಯೇಟ್ ಪ್ರೊಫೆಸರ್ ಡಾ. ಅನಿತಾ ಮರೀನಾ ಕೊಲಾಕೊ ಅಟ್ಟನೆ ಮಲ್ಪರೆ ಉಲ್ಲೆರ್ ಪಂದ್ ಕಾಲೇಜ್ ದ ಪ್ರಾಂಶುಪಾಲ ಡಾ. ನಿರಂಜನ್ ಎನ್. ಚಿಪ್ಯೂಟ್ಕರ್ ಪ್ರಕಟಣೆಡ್ ತೆರಿಪಾಯೆರ್ .

ಕರ್ನಾಟಕದ ಮುಖ್ಯಮಂತ್ರಿ ಯಡಿಯೂರಪ್ಪ ರಾಜಿನಾಮೆಗ್ ತಿರ್ಮಾನ

ಬೆಂಗ್ಳೂರು: ಕೆಲವು ದಿನರ್ದ್ ನಡತೊಂದು ಇತ್ತಿನ ಕರ್ನಾಟಕ ಸಿಎಂ ಬದಲಾವಣೆ ವಿಚಾರ ಇನಿ ತಾರ್ಕಿಕ ಕಡೆ ಮುಟ್ಟುದುಂಡು . ಬಿ.ಎಸ್ ಯಡಿಯೂರಪ್ಪ ಮೇರ್ ಸಿಎಂ ಸ್ಥಾನಗ್ ರಾಜೀನಾಮೆ ಕೊರ್ಪೆ ಪಂದ್  ಸಾಧನ ಸಮಾವೇಶಡ್ ಘೋಷಣೆ ಮಲ್ತೆರ್ .

ಯಡಿಯೂರಪ್ಪ ನೇತೃತ್ವದ ಬಿಜೆಪಿ ಸರ್ಕಾರದ 2 ವರ್ಷದ ಸಂಭ್ರಮಾಚರಣೆ ಲೇಸ್ ಡ್ ಪಾತೆರಿನ ಮೇರ್ , “ಯಾನ್ ರಾಜೀನಾಮೆ ಕೊರ್ರೆ ನಿರ್ಧಾರ ಮಲ್ದೆ. ವನಸ್ ಆಯಿನೆರ್ದ್ ಬೊಕ್ಕ ಯಾನ್ ರಾಜ್ಯಪಾಲೆರೆನ್ ಭೇಟಿಯಾಪೆ , ರಾಜೀನಾಮೆ ಪತ್ರ ಕೊರ್ಪೆ ” ಪಂದ್ ಘೋಷಣೆ ಮಲ್ದೆರ್ .

ದುಃಖತಪ್ತರಾದ್ ಪಾತೆರಿನ ಮೇರ್ “75 ವರ್ಷ ದಾಟಿನ ಯಡಿಯೂರಪ್ಪ ಮೆರೆನ್ ಕುಡ ರಡ್ಡ್ ವರ್ಷ ಮುಖ್ಯಮಂತ್ರಿ ಮಲ್ತಿನ ಅಮಿತ್‌ ಶಾಗ್ ಜೆ.ಪಿ ನಡ್ಡಾ ಮೆರೆಗ್ ಸೊಲ್ಮೆ ಸಂದೈತ ಮಲ್ಪುವೆ . ಯಾನ್ ದುಃಖಡ್ ರಾಜೀನಾಮೆ ಕೊರೊಂದು ಇಜ್ಜಿ ಬದಲ್ ಗ್ ಸಂತೋಷರ್ದ್ ರಾಜೀನಾಮೆ ಕೊರೊಂದು ” ಉಲ್ಲೆ ಪಂದ್ ಪಂಡೆರ್ .

ಧಾರ್ಮಿಕ ಕೇಂದ್ರಗ್ ಪೊಸ ಮಾರ್ಗಸೂಚಿ ಬುಡುಗಡೆ ಮಲ್ತಿನ ಸರಕಾರ

ಬೆಂಗ್ಳೂರು, ಜುಲೈ 26: ಕೋವಿಡ್ ಮುಂಜಾಗ್ರತಾ ಕ್ರಮಕ್ಲೆನ್ ಕಟ್ಟುನಿಟ್ಟಾದ್ ಪಾಲಿಸಾದ್ ಬೊಕ್ಕ ಸರಕಾರ ಕೊರಿನ ಮಾರ್ಗಸೂಚಿಲೆನ್ ಪಾಲಿಸಾದ್ ರಾಜ್ಯಾದ್ಯಂತ ಇನಿರ್ದ್ ಪೂಜಾ ಜಾಗೆನ್ ದೆಪ್ಪರೆ ಬೊಕ್ಕ ಸಂಬಂಧಿತ ಚಟುವಟಿಕೆಲೆನ್ ನಡಪಾಯರೇ ಸರಕಾರ ಅನುಮತಿ ಕೊರ್ತುಂಡು .

ಈ ಸಂಬಂಧ ರಾಜ್ಯ ಸರಕಾರ ಶನಿವಾರ ಮಾರ್ಗಸೂಚಿ ಕೊರ್ತುಂಡು . ಆಂಡ ಜನ ಸೇರುನ ಜಾತ್ರೆ, ಉಚ್ಚಯ , ಮೆರವಣಿಗೆಗ್ ಅವಕಾಶ ಇಜ್ಜಿ .