ಬೊಲ್ತೆರ್ ಸುದ್ದಿ | Belthangady News

ಧರ್ಮಸ್ಥಳರ್ದ್ ಪಾಂಗಾಳಗ್ ಕೆ.ಎಸ್.ಆರ್.ಟಿ.ಸಿ ಬಸ್

ಧರ್ಮಸ್ಥಳ ಕೆ.ಎಸ್.ಆರ್.ಟಿ.ಸಿ ವಿಭಾಗ ರ್ದ್ ಪಾಂಗಾಳ ಕೈತಲ್ ದ ಕಲ್ಪಾರ್ಥಿಲೆಗ್ ಶಾಲೆ ಕಾಲೇಜ್ ಗ್ ಪೋವರೆ ಅನುಕೂಲ ಆಪುನಂಚ ಡಿಪೊರ್ದ್ ಒಂಜಿ ಬಸ್ ಬೊಲ್ಪುಗು ಬೊಕ್ಕ ಬಯ್ಯಗ್ ನನ ಪೋವರೆ ಉಂಡು ಪಂದ್ ತೆರಿದ್ ಬೈದ್ಂಡ್.

ಕುಸುಮಾವತಿ ಪಾಂಗಾಳ ಸೆ.1 ದಾನಿ ಬಸ್ ಗ್ ಚಾಲನೆ ಕೊರಿಯೆರ್. ಈ ಪೊರ್ತುಡು ಕೆ.ಎಸ್.ಆರ್.ಟಿ.ಸಿ ಅಧಿಕಾರಿಲು, ಬಾಬು ಗೌಡ ಪಾಂಗಾಳ ಬೊಕ್ಕ ಊರುದಕುಲು ಈ ಪೊರ್ತುಡು ಇತ್ತೆರ್.

ರಾಘವೇಂದ್ರ ಸೇವಾ ಪ್ರತಿಷ್ಠಾನದ ಮುತಾಲಿಕೆಡ್ 352ನೇ ಆರಾಧನಾ ಮಹೋತ್ಸವ

ಲಾಯಿಲ: ಬೊಲ್ತೆರ್ ದ ರಾಘವೇಂದ್ರ ಮಠಟ್ ಆರಾಧನಾ ಮಹೋತ್ಸವ ಸೆ. 1 ಗುರುವಾರ ದಾನಿ ಲಾಯಿಲ ರಾಘವೇಂದ್ರ ಮಠಟ್ ನಡತ್ಂಡ್.

ಲೇಸ್ ದ ಉದಿಪನನ್ ಉದ್ಯಮಿ ಮೋಹನ್ ದಾಸ್ ಕೊರ್ನಾಯ ಮಲ್ತೆರ್. ರಾಘವೇಂದ್ರ ಪ್ರತಿಷ್ಠಾನದ ಗುರ್ಕಾರೆರ್ ಪೀತಾಂಬರ ಹೇರಾಜೆ ಗುರ್ಕಾಮೆ ವಹಿಸಾದ್ ಇತ್ತೆರ್. ಮಲ್ಲ ಬಿನ್ನೆರಾದ್ ಉದ್ಯಮಿ ಪೃಥ್ವಿ ರಂಜನ್ ರಾವ್, ಶಾರದ ಭಟ್ ಮುಗುಳಿ, ರಿ.ಪ್ರಿನ್ಸಿಪಾಲ್ ಪ್ರೊ. ಕೃಷ್ಣಪ್ಪ ಪೂಜಾರಿ, ಪಟ್ಟಣ ಪಂಚಾಯತ್ ಮಾಜಿ ಗುರ್ಕಾರೆರ್ ಮುಗುಳಿ ನಾರಾಯಣ ಭಟ್, ನಿವೃತ ಶಿಕ್ಷಕಿ ಉಮಾ ರಾವ್, ಶ್ರೀ ರಾಘವೇಂದ್ರ ಪ್ರತಿಷ್ಠಾನದ ಉಪಾಧ್ಯಕ್ಷೆರ್ ಮಹಾಬಲ ಶೆಟ್ಟಿ, ಟ್ರಸ್ಟಿ ಜಿ. ಸೋಮೇ ಗೌಡ, ಗೌರವ ಸಲಹೆಗಾರೆರ್ ಎ.ಕೃಷ್ಣಪ್ಪ ಪೂಜಾರಿ, ಪ್ರಧಾನ ಅರ್ಚಕೆರ್ ರಾಘವೇಂದ್ರ ಭಾಂಗಿಣ್ಣಾಯ ಕುಂಟಿನಿ ಬೊಕ್ಕ ಭಕ್ತಾದಿಲು ಈ ಪೊರ್ತುಡು ಇತ್ತೆರ್.

ಶ್ರೀ ರಾಘವೇಂದ್ರ ಪ್ರತಿಷ್ಠಾನದ ಕಾರ್ಯದರ್ಶಿ ಶೇಖರ ಬಂಗೇರ ಬತ್ತಿ ಬಿನ್ನೆರೆನ್ ಎದ್ಕೊಂಡೆರ್. ಸುರೇಶ್ ಶೆಟ್ಟಿ ಸುಧಾರಿಕೆ ಮಲ್ತ್, ಕೋಶಾಧಿಕಾರಿ ವಸಂತ ಸುವರ್ಣ ಸೊಲ್ಮೆ ಸಂದಾಯ ಮಲ್ತೆರ್.

ಬೋಲ್ತೆರ್: ಯಂತ್ರಶ್ರೀ ಲೇಸ್ ಗ್ ವಿದ್ಯುಕ್ತ ಚಾಲನೆ

ಬೋಲ್ತೆರ್: ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆ ಧರ್ಮಸ್ಥಳದ 2023-24 ನೇ ಸಾಲ್ ಡ್ ರಾಜ್ಯದ 15,000 ಹೆಕ್ಟೇರ್ ಜಾಗೆಡ್ ಅನುಷ್ಠಾನ ಆವರೆ ಇಪ್ಪುನ ಯಾಂತ್ರಿಕೃತ ಭತ್ತ ಬೇಸಾಯದ ಯಂತ್ರಶ್ರೀ ಲೇಸ್ ಸೆ. 1 ಗುರುವಾರ ದಾನಿ ಬೋಲ್ತೆರ್ ದ ಮಂಜುನಾಥ ಸ್ವಾಮಿ ಕಲಾಭವನ ಡ್ ನಡತ್ಂಡ್.

ಲೇಸ್ ನ್ ನಬಾರ್ಡ್ ಮುಖ್ಯ ಪ್ರಬಂಧಕೆರ್ ಟಿ ರಮೇಶ್ ಉದಿಪನ ಮಲ್ತ್ ರೈತೆರೆಗ್ ಸಂದೇಶ ಕೊರಿಯೆರ್.

ಧರ್ಮಸ್ಥಳ ಯೋಜನೆದ ಕಾರ್ಯನಿರ್ವಾಹಕ ನಿರ್ದೇಶಕೆರ್ ಮಂಜುನಾಥ್ ಎ.ಎಚ್ ಆಶಯ ಭಾಷಣ ಮಲ್ತೆರ್. ಯಂತ್ರಶ್ರೀ ಸಾಧಕೆರೆಗ್ ಬೊಕ್ಕ ಭತ್ತದ ನರ್ಸರಿ ಮಲ್ತಿನ ರೈತೆರೆಗ್ ಕೃಷಿ ಇಲಾಖೆದ ಜಂಟಿ ನಿರ್ದೇಶಕೆರ್ ಡಾ. ಹೆಚ್ ಕೆಂಪೇಗೌಡ ಮನಾದಿಗೆ ಮಲ್ತೆರ್.

ಶ್ರೀ ಕ್ಷೇತ್ರದ ಧ.ಗ್ರಾ.ಯೋಜನೆದ ಟ್ರಸ್ಟಿ ಸಂಪತ್ ಸಾಮ್ರಾಜ್ಯ ಯಾಂತ್ರಿಕೃತ ಭತ್ತ ಬೇಸಾಯದ ಮಾಹಿತಿ ಪತ್ರ ಬಿಡುಗಡೆ ಮಲ್ತೆರ್.

ಮಲ್ಲ ಬಿನ್ನೆರಾದ್ ಶ್ರೀ ಕ್ಷೇ.ಧ.ಗ್ರಾ.ಯೋಜನೆದ ಮುಖ್ಯ ಮುಖ್ಯ ಕಾರ್ಯ ನಿರ್ವಹಣಾಧಿಕಾರಿ ಅನಿಲ್ ಕುಮಾರ್, ನಬಾರ್ಡ್ ದ ಜಿಲ್ಲಾ ಅಭಿವೃದ್ಧಿ ಪ್ರಬಂಧಕಿ ಸಂಗೀತ ಎಸ್, ಬಂದಾರು ಕಾಡಮಾಜೆ ಫಾರ್ಮ್ ಪ್ರಗತಿಪರ ಕೃಷಿಕೆರ್ ಜಯಪ್ರಕಾಶ್, ಪ್ರಗತಿ ಬಂಧು ಕೇಂದ್ರ ಒಕ್ಕೂಟದ ಗುರ್ಕಾರೆ ಸೀತಾರಾಮ್, ಸಿರಿ ಸಂಸ್ಥೆದ ನಿರ್ದೇಶಕೆರ್ ಜನಾರ್ಧನ, ಅಶೋಕ ಮಿನೇಜಸ್ ಪಾಲ್ ಪಡೆದಿತ್ತೆರ್.

ಬೋಲ್ತೆರ್: ನಗರ ಬೊಕ್ಕ ಗ್ರಾಮೀಣ ಬ್ಲಾಕ್ ಕಾಂಗ್ರೆಸ್ ಕಚೇರಿಡ್ ಗುರುಜಯಂತಿ ಲೇಸ್

ಬೋಲ್ತೆರ್: ಬ್ಲಾಕ್ ಕಾಂಗ್ರೆಸ್ ಸಮಿತಿ ನಗರ ಬೊಕ್ಕ ಗ್ರಾಮೀಣ ಸಮಿತಿರ್ದ್ ಬ್ರಹ್ಮಶ್ರೀ ನಾರಾಯಣ ಗುರುಕುಲ್‌ನ 169ನೇ ಪುಟ್ಟು ದಿನತ ಪ್ರಯುಕ್ತ ಗುರುಜಯಂತಿನ್ ಆ.31 ಗುರುವಾರ ದಾನಿ ಬೊಲ್ತೇರ್ ಸಂತೆಕಟ್ಟೆದ ಬ್ಲಾಕ್ ಕಾಂಗ್ರೆಸ್ ಕಚೇರಿಡ್ ಆಚರಣೆ ಮಲ್ತೆರ್.

ಈ ಪೊರ್ತುಡು ಪೀತಾಂಬರ ಹೇರಾಜೆ, ವಕೀಲೆರಾಯಿನ ಭಗೀರಥ ಜಿ, ಕಾನೂನು ಸಲಹೆಗಾರ ವಕೀಲೆರಾಯಿನ ಸಂತೋಷ್, ಡಿ.ಸಿ.ಸಿ ಸದಸ್ಯೆರ್ ಸೆಬಾಸ್ಟಿಯನ್, ಮಾಜಿ ಉಜಿರೆ ಜಿ.ಪಂ ಸದಸ್ಯೆ ನಮಿತಾ, ಬ್ಲಾಕ್ ಕಾಂಗ್ರೆಸ್ ನಗರದ ಗುರ್ಕಾರೆ ಸತೀಶ್ ಕೆ. ಬಂಗೇರ ಕಾಶಿಪಟ್ಣ, ಬ್ಲಾಕ್ ಕಾಂಗ್ರೆಸ್ ಗ್ರಾಮೀಣ ಸಮಿತಿದ ಗುರ್ಕಾರೆ ಕೆ.ಎಂ ನಾಗೇಶ್ ಕುಮಾರ್ ಗೌಡ ಪಾಲ್ ಪಡೆದಿತ್ತೆರ್.

ಕನ್ಯಾಡಿ ಶ್ರೀ ಗುರುದೇವ ಮಠಟ್ ಬ್ರಹ್ಮಶ್ರೀ ನಾರಾಯಣ ಗುರು ಜಯಂತಿ

ಬೋಲ್ತೆರ್: ರಾಷ್ಟ್ರೀಯ ಪರ್ಬ ಬೊಕ್ಕ ಮಹಾಪುರುಷರ ಜಯಂತಿ ಆಚರಣೆ ತಾಲೂಕು ಸಮಿತಿ ಮುತಾಲಿಕೆಡ್ ಕಲ್ಮಂಜದ ಕನ್ಯಾಡಿದ ಶ್ರೀ ಗುರುದೇವ ಮಠಟ್ ಆ.31 ಗುರುವಾರ ದಾನಿ ಬ್ರಹ್ಮಶ್ರೀ ನಾರಾಯಣ ಗುರು ಜಯಂತಿನ್ ಸದ್ಗುರು ಶ್ರೀ ಬ್ರಹ್ಮಾನಂದ ಸರಸ್ವತಿ ಸ್ವಾಮೀಜಿನ ದಿವ್ಯ ಉಪಸ್ಥಿತಿಟ್ ನಡತ್‌ಂಡ್.

ಶಾಸಕೆ ಹರೀಶ್ ಪೂಂಜೆರ್ ಲೇಸ್ ದ ಉದಿಪನ ಮಲ್ತೆರ್. ತಹಶೀಲ್ದಾರ್ ಟಿ.ಸುರೇಶ್ ಕುಮಾರ್ ಗುರ್ಕಾಮೆನ್ ವಹಿಸಾದ್ ಇತ್ತೆರ್. ಪೃಥ್ವಿಸ್ ಧರ್ಮಸ್ಥಳ ಈ ದಿನತ ಮಹತ್ವದ ಬಗ್ಗೆ ಪಾತೆರಿಯೆರ್.

ಚಾವಡಿಡ್ ಸರ್ಕಲ್ ಇನ್ಸ್ ಪೆಕ್ಟರ್ ನಾಗೇಶ್ ಕದ್ರಿ, ಚಾತುರ್ಮಾಸ್ಯ ಸಮಿತಿದ ಗುರ್ಕಾರೆರ್ ಜಯಂತ್ ಕೋಟ್ಯಾನ್, ನ.ಪಂ ಮುಖ್ಯಾಧಿಕಾರಿ ರಾಜೇಶ್, ಎ.ಡಿ.ಎಲ್ ಆರ್ ರೇಣುಕಾ ಪ್ರಸಾದ್, ಚಾತುರ್ಮಾಸ್ಯ ಸಮಿತಿದ ಸದಾನಂದ ಪೂಜಾರಿ, ಸಹಕಾರಿ ಅಭಿವೃದ್ದಿ ಅಧಿಕಾರಿ ಸುಪ್ರತಿ ಈ ಪೊರ್ತುಡು ಇತ್ತೆರ್.

ಬೋಲ್ತೆರ್: ಶ್ರೀ ಗುರುನಾರಾಯಣ ಸ್ವಾಮಿ ಸಂಘಡ್ ನಾರಾಯಣಗುರು ಜಯಂತಿ ಲೇಸ್

ಬೋಲ್ತೆರ್: ಶ್ರೀ ಗುರುನಾರಾಯಣ ಸ್ವಾಮಿ ಸೇವಾ ಸಂಘ ಬೋಲ್ತೆರ್, ಯುವ ಬಿಲ್ಲವ ವೇದಿಕೆ, ಬಿಲ್ಲವ ಮಹಿಳಾ ವೇದಿಕೆದ ಒಟ್ಟು ಸೇರಿಗೆಡ್ ಬ್ರಹ್ಮಶ್ರೀ ನಾರಾಯಣ ಗುರುಕುಲ್ ನ 169ನೇ ಗುರು ಜಯಂತಿ ಸಮಾಜದ ಸಾಧಕೆರೆಗ್ ಮಾನಾದಿಗೆ, ಕಲ್ಪಾರ್ಥಿಲೆನ ದತ್ತು ಸ್ವೀಕಾರ ಬೊಕ್ಕ ಕಲ್ಪಾರ್ಥಿ ವೇತನ ಲೇಸ್ ಆ.31 ಗುರುವಾರ ದಾನಿ ಸಂಘದ ಸಭಾ ಭವನಡ್ ನಡತ್‌ಂಡ್.

ಲೇಸ್ ನ್ ಸಂಘದ ಗೌರವ ಗುರ್ಕಾರೆರ್ ಮಾಜಿ ಶಾಸಕೆರ್ ಕೆ.ವಸಂತ ಬಂಗೇರ ಉದಿಪನ ಮಲ್ತೆರ್. ಗುರ್ಕಾಮೆನ್ ಸಂಘದ ಗುರ್ಕಾರೆರ್ ಚಿದಾನಂದ ಪೂಜಾರಿ ಎಲ್ದಕ್ಕ ವಹಿಸೊಂದು ಇತ್ತೆರ್. ಪ್ರಧಾನ ಭಾಷಣಗಾರೆರಾದ್ ಕುದ್ರೋಳಿ ಶ್ರೀ ಗೋಕರ್ಣನಾಥ ದೇವಳ್ಯದ ಪದ್ಮರಾಜ್ ಆರ್ ಪಾಲ್ ಪಡೆದಿತ್ತೆರ್.

ಚಾವಡಿಡ್ ಮಾಜಿ ಶಾಸಕೆರ್ ಕೆ.ಪ್ರಭಾಕರ ಬಂಗೇರ, ಯುವ ಬಿಲ್ಲವ ವೇದಿಕೆದ ಗುರ್ಕಾರೆರ್ ನಿತೀಶ್ ಹೆಚ್, ಮಹಿಳಾ ಬಿಲ್ಲವ ವೇದಿಕೆದ ಗುರ್ಕಾರ್ದಿ ಸುಜಿತಾ ವಿ ಬಂಗೇರ, ಸಂಘದ ಉಪಾಧ್ಯಕ್ಷೆರ್ ಶೇಖರ ಬಂಗೇರ, ಪ್ರಧಾನ ಕಾರ್ಯದರ್ಶಿ ಜಯವಿಕ್ರಮ್ ಕಲ್ಲಾಪು, ಜೊತೆ ಕಾರ್ಯದರ್ಶಿ ರಾಜೀವ್ ಸಾಲಿಯಾನ್ ಈ ಪೊರ್ತುಡು ಇತ್ತೆರ್.

ಸಾಧಕ ಪ್ರಶಸ್ತಿ ಪುರಸ್ಕೃತೆರ್ ಡಾ.ಬಿ.ಸಿ ರಾಯ್, ರಾಜ್ಯ ಪ್ರಶಸ್ತಿ ವಿಜೇತೆ ಖ್ಯಾತ ಮೂತ್ರಪಿಂಡ ತಜ್ಞೆರ್ ಡಾ. ಸದಾನಂದ ಪೂಜಾರಿ, ದೈಹಿಕ ಶಿಕ್ಷಕೆರ್ ಪ್ರಶಾಂತ್, ಲೋಕೋಪಯೋಗಿ ಇಲಾಖೆದ ಕಿರಿಯ ಅಭಿಯಂತರೆರ್ ಸೂರಜ್ ಹೆಚ್, ಸಿ.ಎ ಪರೀಕ್ಷೆಡ್ ಪಾಸ್ ಆಯಿನ ಕು.ನಿರೀಕ್ಷಾ ನಾವರ, ರಾಷ್ಟçಮಟ್ಟದ ಡಿಸ್ಕಸ್ ತ್ರೋ ಆಟಗಾರ್ತಿ ಸುಷ್ಮಾ ಪೂಜಾರಿ ಮೊಕ್ಲೆಗ್ ಈ ಪೊರ್ತುಡು ಮಾನಾದಿಗೆ ಮಲ್ತೆರ್.

ಅಂಚನೆ ಈ ಪೊರ್ತುಡು ಕಲ್ಪಾರ್ಥಿಲೆಗ್ ವೇತನನ್ ಕೊರಿಯೆರ್. ಸಂಘದ ಮಾಜಿ ಗುರ್ಕಾರ್ಲು, ಮಾಜಿ ನಿರ್ದೇಶೆಕೆರ್, ಯುವ ಬಿಲ್ಲವ ಬೊಕ್ಕ ಮಹಿಳಾ ಬಿಲ್ಲವ ವೇದಿಕೆದ ಪದಾಧಿಕಾರಿಲು, ಗ್ರಾಮ ಸಮಿತಿದ ಪದಾಧಿಕಾರಿಲು, ಸಮಾಜ ಭಾಂದವೆರ್ ಪಾಲ್ ಪಡೆದಿತ್ತೆರ್.

ಕಬಡ್ಡಿ ಪ್ಲೆಯರ್ ಸ್ವರಾಜ್ ಆತ್ಮಹತ್ಯೆ

ಪುದುವೆಟ್ಟು ಕುಬಲ ನಿವಾಸಿ ಸ್ವರಾಜ್ (೨೪) ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊನ್ನ ಘಟನೆ ಆ.೩೧ ಬುಧವಾರ ಬೊಲ್ಪುಗು ವರದಿ ಆತ್‌ಂಡ್.

ಪ್ರಸುತ್ತ ಧರ್ಮಸ್ಥಳಡ್ ಇಪ್ಪುನ ಪರತ್ತ್ ಇಲ್ಲಗ್ ಪೋದು ಇತ್ತೆರ್. ಅಲ್ಪ ಮೀಪುನ ಬೆಂದ್‌ರ್ ಡ್ ಮೇರ್ ಬಲ್ಲ್ ಪಾಡೊಂದು ಆತ್ಮಹತ್ಯೆ ಮಲ್ತೊಂದೆರ್. ಉಜಿರೆದ ಖಾಸಗಿ ಕಂಪನಿಡ್ ಕೆಲಸ ಮೊಲ್ತೊಂದು ಇತ್ತೆರ್. ಮೇರೆಗ್ ಪೊಪ್ಪ, ಅಮ್ಮ, ಅಕ್ಕ ಉಲ್ಲೆರ್. ಆತ್ಮಹತ್ಯೆಗ್ ಕಾರಣ ನನ ತೆರಿದ್ ಬರೊಡಾತೆ.