ಕಾಸ್ರೋಡ್ ಸುದ್ದಿ | Kasargod News

ಲಯನ್ಸ್ ಕ್ಲಬ್ ಬೊಲ್ತೆರ್ದ ಪೊಸ ಗುರ್ಕಾರ್ಲಾದ್ ಹೇಮಂತ ರಾವ್ ಮೆರೆಗ್ ಅಧಿಕಾರ ಪದಪ್ರದಾನ

ಬೊಲ್ತೆರ್ : ಲಯನ್ಸ್ ಕ್ಲಬ್ ಬೆಳ್ತಂಗಡಿ ನೆತ್ತ ಗುರ್ಕಾರ್ಲಾದ್ ಇತ್ತಿನ ರಾಜೀವ ಡಿ ಗೌಡ ಮೆರ್ನ ಅಕಾಲಿಕ ಮರಣರ್ದ್ ಕಾಲಿ ಆಯಿನ ಜಾಗೆಗ್ ಗುರ್ಕಾರ್ಲಾದ್ ಆಯ್ಕೆಯಾಯಿನ ಹೇಮಂತ ರಾವ್ ಯರ್ಡೂರು ಮೆರೆನ ಪದಗ್ರಹಣ ಲೇಸ್ ಅಂಗಾರೆ ಲಯನ್ಸ್ ಭವನಡ್ ನಡತುಂಡು.ಪೂರ್ವಾರ್ಧಡ್ ಲೇಸ್ ದ ಗುರ್ಕಾರ್ಮೆನ್ ಸಂಘದ ಪೂರ್ವಾಧ್ಯಕ್ಷ ರವೀಂದ್ರ ಶೆಟ್ಟಿ ಬಳಂಜ ವಹಿಸ್ದಿತ್ತೆರ್ .

ಲಯನ್ ಪ್ರಾಂತ್ಯಾಧ್ಯಕ್ಷ ಕೆ. ಧರಣೇಂದ್ರ ಜೈನ್ ಪೊಸ ಗುರ್ಕಾರ್ಲೆಗ್ ಪದಗ್ರಹಣ ಬೊಕ್ಕ ಪ್ರತಿಜ್ಞಾವಿಧಿ ಬೋಧಿಸಾಯೆರ್ .

ಈ ಲೇಸ್ ಡ್ ರಾಜು ಶೆಟ್ಟಿ, ನಿತ್ಯಾನಂದ ನಾವರ, ಮಂಜುನಾಥ ಜಿ, ಜಯರಾಮ ಭಂಡಾರಿ, ಲಕ್ಷ್ಮಣ ಮಾಸ್ಟರ್, ಸುರೇಶ್ ಶೆಟ್ಟಿ ಲಾಯಿಲ, ದೇವಿಪ್ರಸಾದ್, ರಘುರಾಮ ಶೆಟ್ಟಿ, ಸುಶೀಲಾ ಹೆಗ್ಡೆ, ಅಶ್ರಫ್ ಆಲಿಕುಂಞಿ ಮುಂಡಾಜೆ, ಧತ್ತಾತ್ರೇಯ ಗೊಲ್ಲ, ವಿನ್ಸೆಂಟ್ ಟಿ ಡಿಸೋಜಾ, ಡಾ. ದೇವಿಪ್ರಸಾದ್ ಬೊಳ್ಮ, ಬಿ ತುಕಾರಾಮ, ಕಿಟ್ ಣ್ ಕುಮಾರ್ ಶೆಟ್ಟಿ ಪಾಲ್ ಪಡೆದಿತ್ತೆರ್.

ಮಂಜೇಶ್ವರ ಹೊಸಂಗಡಿಡ್ ರೈಲು ಅಪಘಾತ| ಮುಂಡಾಜೆದ ಕುಂಞಿಮೋಣಾಕ ಸಾವು

ಮಂಜೇಶ್ವರ: ಮಂಜೇಶ್ವರದ ಹೊಸಂಗಡಿಡ್ ಇಂಚೋಗು ನಡತಿನ ರೈಲು ಅಪಘಾತದಡ್ ಮುಂಡಾಜೆಡ್ ಅವ್ವೆತೋ ವರ್ಷರ್ದ್ ‌ಇತ್ತಿನ ಕುಂಞಿಮೋಣಾಕ ಮೇರ್ ತೀರ್ ಪೋತೆರ್.

ವಯೋಸಹಜ ಅನಾರೋಗ್ಯಗ್ ತುತ್ತಾದಿತ್ತಿನ ಅರೆನ್ ಆರ್ನ ಕುಟುಂಬವರ್ಗದಕುಲು ಕೆಲ ತಿಂಗೊಲ್ ದ ಪಿರವು ಮಂಜೇಶ್ವರದ ಹೊಸಂಗಡಿ ಪನ್ಪಿನ ಜಾಗೆಡ್ ಆರ್ನ ಕುಟುಂಬ ದಕ್ಲೆನ ಒಟ್ಟುಗು ಪೋದು ಇತ್ತೆರ್ . ಅಲ್ಪ ಅರೆಗ್ ನನಾತ್ ಹುಷಾರ್ ದಾಂತೆ ಪೋಂಡು. ಆತೆ ಅತ್ತoದೆ ಅರೆಸ್ಮೃತಿಡ್ ಇತ್ತಿನ ಆರ್ ತನ್ನ ಎದುರು ಏರ್ ಬತ್ತುಂಡಲ ಗುರ್ತ ತಿಕ್ಕೊಂದು ಇತ್ತುಜಿ.

ಮೆರ್ನ ಅಂತ್ಯಸಂಸ್ಕಾರ ವಿಧಿಲು ಹೊಸಂಗಡಿಡೇ ನಡಪಾವ ಪಂದ್ ಕುಟುಂಬದ ಮೂಲರ್ದ್ ತೆರಿದ್ ಬೈದುಂಡು.

ಜೆಡಿಎಸ್ ಕಾರ್ಲ ವಿಧಾನ ಸಭಾ ಕ್ಷೇತ್ರಾಧ್ಯಕ್ಷರಾದ್ ಶ್ರೀ ಶ್ರೀಕಾಂತ್ ಪೂಜಾರಿ

ಕಾರ್ಲ : ಜೆಡಿಎಸ್ ಕಾರ್ಕಳ ವಿಧಾನಸಭಾ ಕ್ಷೇತ್ರಾಧ್ಯಕ್ಷರಾದ್ ಕುಟ್ಟೂರುದ ಶ್ರೀಕಾಂತ್ ಪೂಜಾರಿ ಮೇರ್ ಆಯ್ಕೆಯಾತೆರ್ . ಆ. 29ಗ್ ಒಡಿಪುದ ಪಕ್ಷದ ಕಚೇರಿಡ್ ಪೊಸ ಪದಾಧಿಕಾರಿಲೆನ್ ಆಯ್ಕೆ ಮಲ್ದೆರ್ ,.

ಕಾರ್ಯಂತೇರಾದ್ ರಂಜಿತ್ ಬಿರ್ವ ಪ್ರಧಾನ ಕಾರ್ಯದರ್ಶಿಯಾದ್ ಸುರೇಶ್ ದೇವಾಡಿಗ, ಶಿವಪ್ರಸಾದ್ ಶೆಟ್ಟಿ, ಒತ್ತು ಗುರ್ಕಾರ್ಲಾದ್ ಸಂಪತ್ ಭಂಡಾರಿ, ರಾಕೇಶ್ ಕುಮಾರ್, ಖಜಾಂಜಿಯಾಗಿ ಸಯ್ಯದ್ ಹರ್ಷದ್, ಕಾರ್ಯದರ್ಶಿಯಾದ್ ಸಂದೇಶ್ ರೆಂಜಾಳ, ಸುಲೈಮಾನ್ ನೆಲ್ಲಿಕಾರು, ನಜೀರ್ ಬಂಗ್ಲೆಗುಡ್ಡೆ, ಸಾಕು ಬೆಳಂಜೆ ಮೆರೆನ್ ಆಯ್ಕೆ ಮಲ್ದೆರ್ ಪಂದ್ ಜಾತ್ಯಾತೀತ ಜನತಾದಳ ಜಿಲ್ಲಾಧ್ಯಕ್ಷ ಯೋಗೀಶ್ ವಿ. ಶೆಟ್ಟಿ ಪ್ರಕಟನೆಡ್ ತೆರಿಪಾದೆರ್.

ಸೇವಾಲಯ ಸೇವಾ ಸಮಿತಿ ಟ್ರಸ್ಟ್ (ರಿ) ಬೆಂಗ್ಳೂರು : ತುಳಸಿ ಪೂಜೆ

ಬೆಂಗ್ಳೂರು : ಸೇವಾಲಯ ಸೇವಾ ಸಮಿತಿದ ವತಿರ್ದ್ ಲಕ್ಷ್ಮಿ ರೋಡ್ಡ್ ಉಪ್ಪುನ ಸೇವಾಲಯ ಧ್ವಜ ಸ್ಥಂಭಡ್ ತುಳಸಿ ದೈ ನಡ್ದ್ ತುಳಸಿ ಕಟ್ಟೆಗ್ ಪೂಜೆ ಮಲ್ತೆರ್.

ಬಗಂಬಿಲ ಫ್ರೆಂಡ್ಸ್ ಸರ್ಕಲ್ ಬೊಕ್ಕ ಶೃತಿ ಲಯ ಕಲಾ ಕೇಂದ್ರ ತೊಕ್ಕೊಟ್ಟು ಮೆಕ್ಲೆನ ಒಟ್ಟು ಸೇರಿಗೆಡ್ ನೃತ್ಯ ತರಬೇತಿ ಲೇಸ್

ಬಗಂಬಿಲ: ಬಗಂಬಿಲ ಫ್ರೆಂಡ್ಸ್ ಸರ್ಕಲ್ ಬೊಕ್ಕ ಶೃತಿ ಲಯ ಕಲಾ ಕೇಂದ್ರ ತೊಕ್ಕೊಟ್ಟು ನೆತ್ತ ಒಟ್ಟು ಸೇರಿಗೆಡ್ ನೃತ್ಯ ತರಬೇತಿ ಲೇಸ್ ತಾರೀಖ್ 30/8/2021 ನೆ ಕಾಂಡೆ 10:00 ಗಂಟೆಗ್ ಬಗಂಬಿಲ ಫ್ರೆಂಡ್ಸ್ ಸರ್ಕಲ್ ಕಟ್ಟಡಡ್ ನಡತುಂಡು. ಶ್ರೀಮತಿ ಮೀನಾಕ್ಷಿ ಶ್ರೀನಿವಾಸ್ ಜೋಗಿ ಬತ್ತಿ ಬಿನ್ನೆರೆಗ್ ಎದುಕೊಂಡೆರ್.ಶ್ರೀ ಮಹಾದೇವಿ ಮಂದಿರದ ಪ್ರದಾನ ಅರ್ಚಕೆರಾಯಿನ ಶ್ರೀ.ಬಾಲಕೃಷ್ಣ ಪೂಜಾರಿಲು ತುಡರ್ ಅರ್ಲಾದ್ ಲೇಸ್ ಗ್ ಚಾಲನೆ ಕೊರಿಯೆರ್.ಶೃತಿ ಲಯ ಕಲಾ ಕೇಂದ್ರದ ನಿರ್ದೇಶಕೆರಾಯಿನ ಶ್ರೀ ಭಾಸ್ಕರ್ ಪ್ರಾಸ್ತವಿಕ ನುಡಿ ಪಂಡೆರ್.

ಲೇಸ್ ದ ಗುರ್ಕಾರ್ಮೆನ್
ಮಿತ್ರೆಶ್ ಗುರ್ಕಾರ್ಲು ಬಗಂಬಿಲ ಫ್ರೆಂಡ್ಸ್ ಮೇರ್ ನಡಪಾದ್ ಕೊರಿಯೆರ್. ಮಲ್ಲ ಬಿನ್ನೆರ್ ಆದ್
ಗಿಲ್ಬರ್ಟ್ ಅಪೊಂಸ್ ಗೌರವ ಗುರ್ಕಾರ್ಲು ಬಗಂಬಿಲ ಫ್ರೆಂಡ್ಸ್ ಸರ್ಕಲ್,ವೇಣುಗೋಪಾಲ್ ಶೆಟ್ಟಿ. ಗುರ್ಕಾರ್ಲು ಶ್ರೀ ಮಹಾದೇವಿ ಮಂದಿರ,
ಅಶೋಕ್ ಪೂಜಾರಿ ಗುರ್ಕಾರ್ಲು ಹಿಂದೂ ಯುವ ಸೇನೆ ಶ್ರೀ ಮಹಾದೇವಿ ಶಾಖೆ ಬಗಂಬಿಲ,ಪಾಲ್ ಪಡೆದಿತ್ತೆರ್.ನವೀನ್ ಲೇಸ್ ನಡಪಾದ್ ಕೊರಿಯೆರ್. ಶ್ರೀಮತಿ ನಳಿನಿ ಯೋಗಿಶ್ ಆಚಾರ್ಯ ಸೊಲ್ಮೆ ಸಂದೈತ ಮಲ್ತೆರ್.