ಊರ್ದ ಸುದ್ದಿ Regional News

ಕುಲಶೇಖರ ಆಳುಪ ಅರಸೆರ್ನ ಮರಣ ಶಾಸನ ಪತ್ತೆ

ಕುಡ್ಲ: ಕುಡ್ಲ ಪೇಂಟೆದ ಸೋಮೇಶ್ವರದ ಶ್ರೀ ಸೋಮೇಶ್ವರ ದೇವಲ್ಯಡ್ ಆಳುಪ ಅರಸೆರ್ ಸುರುತ್ತ ಕುಲಶೇಖರ ಆಳುಪೇಂದ್ರನ ಮರಣ ಶಾಸನ ಪತ್ತೆ ಆತ್ಂಡ್ ಪಂದ್ ತುಳುನಾಡ್ ದ ಪಿರಾಕ್ ದ ವಿದ್ವಾಂಸೆರ್ ಪ್ರೊ.ಟಿ. ಮುರುಗೇಶಿ ತೆರಿಪಾದೆರ್.

ಆಯತಾಕಾರದ ಶಿಲೆತ್ತ ಮಿತ್ತ್ ರಡ್ಡ್ ಆಕರ್ಷಕ ಚಿತ್ರಪಟ್ಟಿಕೆಲು ಉಂಡು. ನೆತ್ತ ಪಟ್ಟಿದ ಮಿತ್ತ್ ಶಾಸನದ ಸುರುತ್ತ ಸಾಲ್ ನ್ ಬರೆತೆರ್. ಬೊಕ್ಕ ಚಿತ್ರಪಟ್ಟಿದ ತಿರ್ತ್ 11 ಸಾಲ್ ದ ಶಾಸನ್ ಬರೆತೆರ್. ಶಾಸನದ ಸುರುತ್ತ ಸಾಲ್ ಡ್ ಸೋಮೇಶ್ವರ ದೇವಲ್ಯದ ಸೋಮೇಶ್ವರನ್ ಸೋಮಪ್ರಭು ಮುಲ್ಪ ಉಲ್ಲೆರ್ ಪಂದ್ ಬರೆತೆರ್.

ಬೊಕ್ಕ ಸುರುತ್ತ ಕುಲಶೇಖರನ್ ಸೋಮಕುಲತಿಲಕ, ಪಾಂಡ್ಯ ಮಹಾರಾಜಾಧಿ ರಾಜ, ಪರಮೇಶ್ವರ, ಪರಮಭಟ್ಟಾರಕ ಪಂದ್ ವರ್ಣಿಸಾದೆರ್. ಬೊಕ್ಕ ಶಾಸನದ 5 ಬೊಕ್ಕ 6 ನೇ ಸಾಲ್ ಡ್ ಸೈತಿನ ಬಗೆಟ್ಟ್ ಉಲ್ಲೇಖ ಉಂಡು.

ಅ.15-24: ಕುಂಪಲ ಶ್ರೀ ಕೃಷ್ಣ ಮುಖ್ಯಪ್ರಾಣ ದೇವಲ್ಯಡ್ ಮಾರ್ನೆಮಿ ಉಚ್ಚಯ

ಕುಡ್ಲ: ಕುಂಪಲ ಶ್ರೀ ಕೃಷ್ಣ ಮುಖ್ಯಪ್ರಾಣ ದೇವಲ್ಯಡ್ ಮಾರ್ನೆಮಿ ಉಚ್ಚಯ ಅ.15-24 ಮುಟ್ಟ ನಡಪರೆ ಉಂಡು.

ಅಂಚೆನೆ ಮಾರ್ನೆಮಿ ಪೂಜೆದ ಲೆಕ್ಕೊಡು ಪ್ರತಿ ದಿನೊಲ ರಾತ್ರೆ ನುಪ್ಪು ಪ್ರಸಾದ ಸೇವೆ ನಡಪರೆ ಉಂಡು ಪಂದ್ ಲೆಪ್ಪೋಲೆಡ್ ತೆರಿಪಾದೆರ್.

ಗೋಡ್ವಿನ್ಸ್ ನಿರ್ಮಲ್ ಆಟೋ ಕನ್ಸಲ್ಟೆಂಟ್ಸ್ ಡ್ ದಸರಾ ಲೆಕ್ಕೊಡು ಗ್ರಾಹಕೆರೆಗ್ ಉಡುಗಿರ

ಕುಡ್ಲ: ಗಲಸಿನ ರಡ್ಡ್ ಚಕ್ರ ಗಾಡಿಲೆನ ಮಳಿಗೆ ಗೋಡ್ವಿನ್ಸ್ ನಿರ್ಮಲ್ ಆಟೋ ಕನ್ಸಲ್ಟೆಂಟ್ಸ್ ಎಡ್ಡೆ ಸೇವೆರ್ದ್ ರಾಜ್ಯ ಇಡೀ ಪುದರ್ ಪಡೆತ್ಂಡ್.

ಕುದ್ರೋಳಿ ಅಳಕೆ ಪ್ರದೇಶಡ್ ಸುರು ಆಯಿನ ಶೋರೂಂ 25 ವರ್ಷೊಲೆನ ಸೇವೆನ್ ಕರ್ನಾಟಕದ ಮಾತ ಜಿಲ್ಲೆದ ಜನಕ್ಲೆಗ್ ಕೊರೊಂದು ಉಂಡು. ಮಾತ ವರ್ಗಲೆನ ಕಮ್ಮಿ ಕಿರಯಡ್ ಗಾಡಿಲು ಮುಲ್ಪ ತಿಕ್ಕುಂಡು.

ಅತ್ತಂದೆ ದಸರಾ ಪರ್ಬದ ಲೆಕ್ಕೊಡು ಒಂಜಿ ತಿಂಗೊಲ್ದ ಹೊಸ ಗಾಡಿಲು ಶೇ.30 ದಾತ್ ಕಮ್ಮಿ ಕಿರಯಡ್ ಉಂಡು. ರಡ್ಡ್ ಚಕ್ರದ ಗಾಡಿಲೆಗ್ ಭಾರೀ ಕಮ್ಮಿ ಬಡ್ಡಿಡ್ ಸಾಲ ತಿಕ್ಕುಂಡು. ಪರತ್ ಗಾಡಿಲೆನ್ ಬೇತೆ ಮಾತ ಶೋರೂಂರ್ದ್ ಎಚ್ಚ ಕಿರಯಡ್ ದೆತೊನೊವೆರ್. ಅತ್ತಂದೆ ಮಾರಾಟ ಮಲ್ತಿನ ಗಾಡಿನ್ ಕಡ್ಡಾಯವಾದ್ ಆರ್ ಸಿ ಟ್ರಾನ್ ಫರ್ ಮಲ್ತ್ ದ್ ಆಯಿನ ಪ್ರತಿನ್ ಗ್ರಾಹಕೆರೆಗ್ ಕೊರ್ಪೆರ್. ಮುಲ್ಪ ಕಮ್ಮಿ ಡೌನ್ ಪೇಮೆಂಟ್ ಡ್ ಗ್ರಾಹಕೆರೆಗ್ ಇಷ್ಟ ಇಪ್ಪುನ ಗಾಡಿನ್ ದೆತೊನೊಲಿ. ಒಂಜೇ ಸಂಸ್ಥೆದ ಮುಖೇನ ಆರ್ ಸಿ ವರ್ಗಾವಣೆ, ಇನ್ಸೂರೆನ್ಸ್ ಸಾಲ ಸೌಲಭ್ಯ ಉಂಡು. ಆಕರ್ಷಕ ಕಿರಯಿಡ್ ಎಕ್ಸ್ ಚೇಂಜ್ ಆಫರ್ ಉಂಡು.

ಮಾತ ಕಂಪೆನಿದ ಗಾಡಿಲು ಮುಲ್ಪ ತಿಕ್ಕುಂಡು. ಒಂಜಿ ತಿಂಗೊಲ್ ಆಯಿನ ಬ್ಯಾಟರಿ ಗಾಡಿಲು, ಶೇ.40 ಕಿರಯಿಡ್ ತಿಕ್ಕುಂಡು. ಗ್ರಾಹಕೆರ್ ನೆತ್ತ ಸದುಪಯೋಗನ್ ಪಡೆವೊಲಿ ಪಂದ್ ಸಂಸ್ಥೆದ ವ್ಯವಸ್ಥಾಪಕ ನಿರ್ದೇಶಕೆರ್ ಗೋಡ್ವಿನ್ ಕಾರಿಯಪ್ಪ ಪ್ರಕಟಣೆಡ್ ತೆರಿಪಾದೆರ್.