Tue. Nov 17th, 2026

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

ಮುಲ್ಕಿಗ್ ಬತ್ತ್ಂಡ್ ಬ್ರಿಟನ್ ರಾಣಿನ ಮೋಕೆದ ನಾಯಿ ವೆಲ್ಶ್ ಕೊರ್ಗಿದ ಬಿದೆ!

ಮುಲ್ಕಿ: ಬ್ರಿಟನ್ ಅರಮನೆತ ರಾಣಿ ಮೋಕ್ಯೆಡ್ ತಾಂಕುನ ನಾಯಿ ವೆಲ್ಶ್ ಕೊರ್ಗಿದ ಕಿನ್ನಿಲು ಇತ್ತೆ ಮುಲ್ಕಿಗ್ ಬೈದ್ಂಡ್.


ಮುಲ್ಕಿದ ರಾಯಲ್ ಪೆಟ್ ಶಾಪ್ ದಕುಲು ನೆನ್ ಡೆಲ್ಲಿದ ಮುಖೇನ ಮುಲ್ಕಿಗ್ ಕನಪಾದೆರ್. ನೆತ್ತ ಬಿಲೆ 1.5 ಲಕ್ಷ ರೂ.ಮುಟ್ಟ ಉಂಡು. ವೆಲ್ಶ್ ಕೊರ್ಗಿ ಜಗತ್ತ್ ಡೇ ಬುದ್ಧಿವಂತ ನಾಯಿಲೆಡ್ 11 ನೇ ತಾನ ಪಡೆತ್ಂಡ್.

ರಡ್ಡನೇ ರಾಣಿ ಎಲಿಜಬೆತ್ ರಾಯಲ್ ಕೊರ್ಗಿನ್ 70 ವರ್ಷರ್ದಿಂಚ ತಾಂಕೊಂದು ಬೈದೆರ್. ಬ್ರಿಟನ್ ದೇಶಡ್ ಕೊರ್ಗಿಗ್ ಬೇಡಿಕೆ ಜಾಸ್ತಿ ಉಂಡು. ದಾಯೆ ಪಂಡ ನೆತ್ತ ಬುದೆ ಕಡಿಮೆ ಆವೊಂದುಂಡು. ಅಮೆರಿಕನ್ ಕೆನ್ ಕ್ಲಬ್ ರ್ದ್ 2020 ಟ್ ನಡತಿನ ಪ್ರದರ್ಶನಡ್ ಉಂದು ಮಸ್ತ್ ಬುದ್ಧಿವಂತ ತಳಿ ಪನ್ಪಿನ ಬಿರುದುನ್ ಪಡೆತ್ಂಡ್.

ಒಡಿಪು ನಗರಸಭೆತ್ತ ಮಾಜಿ ಅಧ್ಯಕ್ಷೆರ್‍ನ ಕಂಡನ್ಯಗ್ ರಾಡ್‌ಡ್ ಹಾಕ್‌ದ್ ಪಾರಿನ ಬಚ್ಚಾಲಿ

ಮಣಿಪಾಲ: ಒಡಿಪು ನಗರ ಸಭೆತ್ತ ಮಾಜಿ ಅಧ್ಯಕ್ಷೆರ್ ಶಾಂತಾ ನಾಯ್ಕ್ ಮೆರೆನ ಇಲ್ಲಗ್ ಪೊಗ್ಗಿನ ಜವನೆ ಒರಿ ಅರೆನ ಕಂಡನಿಗ್ ರಾಡ್‌ರ್ದ್ ಹಾಕ್‌ದ್ ಹಲ್ಲೆ ಮಲ್ತ್‌ದ್ ಪದ್ರಾಡ್ ಪಾರ್ದಿನ ಘಟನೆ ನಡತ್ಂಡ್.


ಮಣಿಪಾಲ ಠಾಣೆ ವ್ಯಾಪ್ತಿದ ಅಲೆವೂರು ಕೈತಲ್‌ದ ಮಂಚಿಡ್ ಈ ಘಟನೆ ನಡತ್ತ್‌ದಿತ್ತ್‌ದ್, ಪೊಲೀಸೆರ್ ಜಾಗೆಗ್ ಬತ್ತ್‌ದ್ ಪರಿಶೀಲನೆ ಮಲ್ತ್‌ದೆರ್.

ಕೃಷ್ಣ ನಾಯ್ಕ್ (54) ಮೆರೆಗ್ ಆರೋಪಿ ಅರ್ಜುನ್ ಪನ್ಪಿನ ಆರೋಪಿ ಪಿರಾಕ್ ದ ಪಗೆಟ್ಟ್ ಹಾಕ್ ದ್ ಪಾರ್ದೆ ಪಂದ್ ತೆರಿದ್ ಬೈದ್ಂಡ್. ಆರೋಪಿ ಇನಿ ಕೃಷ್ಣ ನಾಯ್ಕ್ ಮೆರೆನ ಇಲ್ಲಗ್ ಬತ್ತಿತ್ತೆ. ಈ ಪೊರ್ತುಡು ಗೇಟ್‌ದ ಎದುರು ಕೃಷ್ಣ ನಾಯ್ಕ್ ಮೆರೆನ ಮಿತ್ತ್ ರಾಡ್‌ಡ್ ಹಾಕ್‌ದ್ ಪದ್ರಡ್ ಆತೆ. ಮಸ್ತ್ ಪೆಟ್ಟಾತಿನ ಅರೆನ್ ಮಣಿಪಾಲ ಆಸ್ಪತ್ರೆಗ್ ದಾಖಲ್ ಮಲ್ತ್‌ದೆರ್. ಮಸ್ತ್ ನೆತ್ತೆರ್ ಪೋತಿನೆಡ್ದಾವರ ಸ್ಥಿತಿ ಗಂಭೀರವಾದ್ ಉಂಡು ಪಂದ್ ತೆರಿದ್ ಬೈದ್ಂಡ್.

ಕಾಂಗ್ರೆಸ್ ರ್ದ್ 36 ಜನ ಸದಸ್ಯೆರ್ನ ಚುನಾವಣಾ ಸಮಿತಿ ರಚನೆ

ಡೆಲ್ಲಿ: ವಿಧಾನಸಭೆ ಚುನಾವಣೆಗ್ ಸಿದ್ದತೆ ನಡಪಾವೊಂದು ಇಪ್ಪುನ ಕಾಂಗ್ರೆಸ್ 36 ಜನ ಸದಸ್ಯೆರ್ ಇಪ್ಪುನ ಚುನಾವಣಾ ಸಮಿತಿ ರಚನೆ ಮಲ್ದ್ಂಡ್.

ಸಮಿತಿಡ್ ಕೆಪಿಸಿಸಿ ಅಧ್ಯಕ್ಷೆರ್ ಡಿ.ಕೆ ಶಿವಕುಮಾರ್, ಪ್ರತಿಪಕ್ಷ ನಾಯಕೆರ್ ಸಿದ್ದರಾಮಯ್ಯ, ಪರಿಷತ್ ಪ್ರತಿಪಕ್ಷ ನಾಯಕೆರ್ ಬಿ.ಕೆ ಹರಿಪ್ರಸಾದ್ ಸೇರ್ದ್ 36 ಜನ ಸಮಿತಿದ ಸದಸ್ಯೆರಾತೆರ್. ನೆಟ್ ಸಿದ್ದರಾಮಯ್ಯ ಮೆರೆನ ಆಪ್ತೆರೆಗ್ ಬೊಕ್ಕ ಮಾಜಿ ಸ್ಪೀಕರ್ ರಮೇಶ್ ಕುಮಾರ್ ಗ್ ತಾನ ತಿಕ್ ದಿಜಿ.

ಶ್ರೀ ಕೃಷ್ಣ ದೇವೆರೆನ್ ಮದಿಮೆ ಆಯಿನ ಜೈಪುರತ್ತ ಪೊಣ್ಣು

ರಾಜಸ್ಥಾನದ ಜೈಪುರದ ಪೊಣ್ಣು ಒರ್ತಿನ ಮದಿಮೆ ಇತ್ತೆ ಭಾರೀ ಚರ್ಚೆಗ್ ಬೈದ್ಂಡ್. ಗೋವಿಂದಗಢದ ನರಸಿಂಗಪುರ ಗ್ರಾಮದ ಪೂಜಾ ಸಿಂಗ್ ಭಗವಾನ್ ಶ್ರೀ ಕೃಷ್ಣನ್ ಮದಿಮೆ ಆತೆರ್.

ಕುಟುಮದ ಸದಸ್ಯೆರ್ ಬೊಕ್ಕ ಕೈತಲ್‌ದ ದೋಸ್ತಿಲೆನ ಮುತಾಲಿಕೆಡ್ ಕೃಷ್ಣಗ್ ತನ್ನ ಜೀವನನ್ ಅರ್ಪಣೆ ಮಲ್ತ್‌ದೆರ್. ಮದಿಮೆಗ್ 300 ದೆರ್ದ್ ಎಚ್ಚದ ಜನ ಬಿನ್ನೆರ್ ಬತ್ತಿತ್ತೆರ್ ಪಂದ್ ತೆರಿದ್ ಬೈದ್ಂಡ್. ಏತೇ ಮದಿಮೆದ ಪ್ರಪೋಸಲ್ ಬತ್ತ್ಂಡಲ ಅವೆನ್ ಕೃಷ್ಣ ದೇವೆರೆಗಾದ್ ಯಾನ್ ಒತ್ತೊಂದಿನಜಿ ಪಂದ್ ಪೊಣ್ಣು ತೆರಿಪಾದೆರ್.

ಶ್ರೀ ಗೆಜ್ಜೆಗಿರಿ ಮೇಳಗ್ ದೇವೆರೆನ ಬೊಳ್ಳಿ ಪೀಠ ಕೊರಿನ ಉದ್ಯಮಿ ಜಯಂತ ನಡುಬೈಲ್

ಕಾರಣಿಕದ ಗೆಜ್ಜೆಗಿರಿ ಕ್ಷೇತ್ರದ ನೇಮೋಚ್ಚಯ, ಬಾಲಾಲಯ ಪ್ರತಿಷ್ಠೆ, ಶಿಲಾನ್ಯಾಸ, ಪುನರುತ್ಥಾನ, ಬ್ರಹ್ಮಕಲಶ ಉಚ್ಚಯ, ವಾರ್ಷಿಕ ಜಾತ್ರೆ ಉಚ್ಚಯಗ್ ಬೊಕ್ಕ ಕ್ಷೇತ್ರದ ಮಾತ ಕೆಲಸ ಕಾರ್ಯಲೆಗ್ ನಿರಂತರವಾದ್ ಬೆಂದೊಂದು ಇಪ್ಪುನ ಕ್ಷೇತ್ರದ ಅಧ್ಯಕ್ಷೆರಾದ್, ಗೌರವಾಧ್ಯಕ್ಷೆರಾದ್, ಕೊಡುಗೈ ದಾನಿಯಾದ್ ಕ್ಷೇತ್ರಗ್ ಸೇವೆ ಸಂದಾವೊಂದು ಬತ್ತಿನ ಉದ್ಯಮಿ, ಸಮಾಜಸೇವಕೆರ್ ಜಯಂತ ನಡುಬೈಲು ಮೇರ್ ಶ್ರೀ ಕ್ಷೇತ್ರ ಗೆಜ್ಜೆಗಿರಿತ್ತ ಯಕ್ಷಗಾನ ಮೇಳೊಗು ದೇವೆರ್ನ ಬೊಳ್ಳಿದ ಪೀಠದ ವೆಚ್ಚೊನು ಕೊರ್ದು ಮಾತೆರ್ನಲ ಮೆಚ್ಚಿಗೆಗ್ ಪಾತ್ರರಾತೆರ್.

ನವಂಬರ್ 27 ಕ್ ಗೆಜ್ಜೆಗಿರಿ ಕ್ಷೇತ್ರಡ್ ನಡತಿನ ಶ್ರೀ ಗೆಜ್ಜೆಗಿರಿ ಮೇಳದ ಉದಿಪನ ಬೊಕ್ಕ ದೇವೆರೆನ ಸುರುತ ಸೇವೆಯಾಟ ಮೇಳದ ದೇವೆರೆನ ಸುರುತ ಪೂಜೆ ಸತ್ಯಧರ್ಮ ಚಾವಡಿಡ್ ನಡತಿನ ಪೊರ್ತುಡು ಪೊಸತಾದ್ ನಿರ್ಮಾಣ ಮಲ್ತಿನ 3.80 ಲಕ್ಷ ರೂಪಾಯಿ ಕರ್ಚಿದ ದೇವೆರೆನ ಬೊಳ್ಳಿದ ಪೀಠ ಅರ್ಪಣೆ ಮಲ್ದಿತ್ತೆರ್. ಬೊಲ್ಲಿ ಪೀಠದ ಆಕರ್ಷಣೆ ತೂದು ಭಕ್ತಿ ಪರವಶೆರಾದ್ ಆ ಪೀಠದ 3.80ಲಕ್ಷ ರೂ.ನ್ ತಾನ್ ಪಾಡುವೆ ಪಂದ್ ಶಕ್ತಿಲೆನ ಎದುರು ಘೋಷಣೆ ಮಲ್ತ್ ದ್ ಅವ್ವೇ ಪೊರ್ತುಡು 5000 ರೂ. ಕಾಸ್ ನ್ ಬಚ್ಚಿರೆ ಬಜ್ಜೆಯಿ ದೀದ್ ಮೇಳದ ವ್ಯವಸ್ಥಾಪಕೆರ್ ಬೊಕ್ಕ ಸಂಚಾಲಕೆರೆಗ್ ಕೊರ್ದಿತ್ತೆರ್.

Kannada movie ” Magalu” to be released in January

The Kannada movie ” Magalu” will be released in January said Thomas M A the director and lead actor of the movie. This is his first release and he said the movie harped on the future of our next generation and touched on topics that is very close to our hearts.

The movie has excellent dialogue that reaches out to the audience in a strong way with blunt truth.It is a clean family movie to be watched together by all in the family.

ದೇವಲ್ಯದ ಎದುರು ಪೊಸ ಹೆಲಿಕಾಫ್ಟರ್‌ಗ್ ಪೂಜೆ !

ಪೊಸ ಕಾರ್, ಬೈಕ್ ಅತ್ತ್ಂಡ ಬೇತೆ ಒವ್ವೆ ಗಾಡಿ ದೆತೊನ್ನಗ ಸುರುಕ್ಕ್ ದೇವಲ್ಯಗ್ ಪೋದು ಪೂಜೆ ಮಲ್ಪುನವು ವಾಡಿಕೆಯಾತ್ಂಡ್. ಮುಲ್ಪ ಒರಿ ಹೆಲಿಕಾಫ್ಟರ್ ದೆತೊಂದು ದೇವಲ್ಯಡ್ ಆಯಿಕ್ಕ್ ಪೂಜೆ ಮಲ್ತಿನ ವಿಡಿಯೋ ವೈರಲ್ ಆತ್ಂಡ್.

ತೆಲಂಗಾಣದ ಪ್ರತಿಮಾ ಗ್ರೂಪ್‌ದ ಮಾಲೀಕೆರ್ ಬೋಯಿನಪಲ್ಲಿ ಶ್ರೀನಿವಾಸ್ ರಾವ್ ಏರ್‌ಬಸ್ ಎಸಿಎಚ್ 135 ದೆತೊಂದಿತ್ತ್‌ದ್ ಯಾದಾದ್ರಿದ ಶ್ರೀ ಲಕ್ಷ್ಮಿ ನರಸಿಂಹಸ್ವಾಮಿ ದೇವಲ್ಯಡ್ ಗಾಡಿದ ಪೂಜೆ ಮಲ್ತ್‌ದೆರ್. ಈ ಹೆಲಿಕಾಫ್ಟರ್‌ದ ಬಿಲೆ ಸುಮಾರ್ 47 ಕೋಟಿ ರೂಪಾಯಿ ಆತ್ಂಡ್.

“ಮಗಳು” ಕನ್ನಡ ಪಿಕ್ಚರ್ ಜನವರಿಡ್ ರಿಲೀಸ್

“ಮಗಳು” ಕನ್ನಡ ಪಿಕ್ಚರ್ ಜನವರಿಡ್ ರಿಲೀಸ್ ಮಲ್ತೊಂದುಲ್ಲ ಪಂದ್ ನಿರ್ದೇಶಕೆರ್ ಬೊಕ್ಕ ಹೀರೋ ಆದ್ ನಟನೆ ಮಲ್ತಿನ ಥೋಮಸ್ ಎಂಎಂ ತೆರಿಪಾದೆರ್.

ಉಂದು ಮೆರೆನ ಸುರುತ ಪಿಕ್ಚರ್ . ನೆಟ್ ಜೋಕುಲೆನ ಭವಿಷ್ಯದ ಬಗೆ ಬೊಕ್ಕ ಇಲ್ಲದಕ್ಲೆನ ಬಗೆ ಉಂಡು. ಅತ್ತಂದೆ ನಮ್ಮ ಮನಸ್ಸ್ ಗ್ ಮುಟ್ಟುನಂಚಿನ ಕೆಲವು ಸಂಗತಿ ಈ ಪಿಕ್ಚರ್ ಡ್ ಉಂಡು.
“ಮಗಳೇ ಈ ಎಲ್ಯ ಇಪ್ಪುನಗ ಯಾನ್ ನಿನ್ನ ಕೈಕ್ ಪೆನ್ಸಿಲ್ ದೆತ್ತ್ ದ್ ಕೊರಿಯೆ, ದಾಯೆ ಪಂಡ ತಪ್ಪಿತ್ತ್ಂಡ ಸರಿ ಮಲ್ತೊನಿಯೆರೆ ಆಪುಂಡು ಪಂದ್…! ಅವ್ವೇ ಈ ಮಲ್ಲ ಆಯಿ ಬೊಕ್ಕ ಪೆನ್ ದೆತ್ ದ್ ಕೊರಿಯೆ, ದಾಯೆ ಪಂಡ ತಪ್ಪು ಇತ್ಂಡ ನನ ಸರಿ ಮಲ್ಪರೆ ಆಪುಜಿ ಮಗಲೇ ಪಂದ್..!!. ಮೆರೆನ ಈ ಒಂಜೊಂಜಿ ಸಂಭಾಷಣೆಗ್ಲಾ ಈ ಪಿಕ್ಚರ್ ಡ್ ಅರ್ಥ ಉಂಡು. ಅತ್ತಂದೆ ಕುಟುಂಬದಕುಲು ಒಟ್ಟಿಗೆ ಪೋದು ತೂಪುನ ಪಿಕ್ಚರ್ ಉಂದು ಆತ್ಂಡ್ ಪಂದ್ ಆರ್ ಪಂತೆರ್.

Kannada movie ” Magalu” to be released in January

The Kannada movie ” Magalu” will be released in January said Thomas M A the director and lead actor of the movie. This is his first release and he said the movie harped on the future of our next generation and touched on topics that is very close to our hearts

The movie has excellent dialogue that reaches out to the audience in a strong way with blunt truth.It is a clean family movie to be watched together by all in the family.

ಹುಷಾರ್‌ದಾಂತೆ ತೀರ್ ಪೋಯೆರ್ ಕಾಂಗ್ರೆಸ್‌ದ ಮಾಜಿ ಶಾಸಕೆರ್ ಎಸ್.ಎನ್.ಪಾಟೀಲ

ಗದಗ: ಜಿಲ್ಲೆದ ಶಿರಹಟ್ಟಿ ಕ್ಷೇತ್ರದ ಕಾಂಗ್ರೆಸ್‌ದ ಮಾಜಿ ಶಾಸಕೆರ್ ಎಸ್.ಎನ್.ಪಾಟೀಲ (81) ಇನಿ ಕಾಂಡೆ ಹುಬ್ಬಳ್ಳಿ ಖಾಸಗಿ ಆಸ್ಪತ್ರೆಡ್ ತೀರ್ ಪೋಯೆರ್.

ಹುಷಾರ್ ಇಜ್ಜಂದಿನೆಡ್ದಾವರ ಅರೆನ್ ಆಸ್ಪತ್ರೆಗ್ ದಾಖಲ್ ಮಲ್ತ್‌ದಿತ್ತೆರ್. ಚಿಕಿತ್ಸೆ ಫಲಕಾರಿ ಆವಂದೆ ತೀರ್ ಪೋತೆರ್.

ಕೊತ್ತಂಬರಿ ತೊಪ್ಪು ದ ನಡುಟ್ಟು ಗಾಂಜಾ ಬುಲೆಪಾಯಿನ ಆರೋಪಿ ಅರೆಸ್ಟ್

ಹನೂರು: ಚಿಕ್ಕಮಲಾಪುರ ಗ್ರಾಮದ ಸರೋಜಮ್ಮ ಪನ್ಪುನರೆನ ಜಮೀನ್ ಡ್ ಕಂಡಯ್ಯನಪಾಳ್ಯ ಗ್ರಾಮದ ಹನುಮೇಗೌಡ (40) ಪನ್ಪುನಾರ್ ಗುತ್ತಿಗೆ ದೆತೊಂದು ಕೊತ್ತಂಬರಿ ತೊಪ್ಪು ದ ನಡುಟ್ಟು ಗಾಂಜಾದ ದೈ ಬುಲೆಪಾಯಿನ ಸಂಗತಿ ಗೊತ್ತಾ ತ್ಂಡ್.

ಈ ಇಸಯ ತೆರಿದ್ ಕೊಳ್ಳೇಗಾಲ ವಲಯದ ಅಬಕಾರಿ ನಿರೀಕ್ಷಕೆರಾಯಿನ ಸುನೀಲ್ ಬೊಕ್ಕ ಸಿಬ್ಬಂದಿಲು ರೈಡ್ ಮಲ್ತ್ ದ್, ಜಮೀನ್ ಡ್ ಬುಲೆದ್ ಇತ್ತಿನ 348 ಗ್ರಾಂ ತೂಕದ ಒಂಜಿ ಗಾಂಜಾದ ದೈ ಬೊಕ್ಕ ಆರೋಪಿನ್ ವಶಕ್ ಪಡೆದ್ ಎನ್ ಡಿಪಿಎಸ್ ಕಾಯ್ದೆಯಡಿಟ್ ಮೊಕದ್ದಮೆ ದಾಖಲ್ ಮಲ್ತ್ ದ್, ಅರೆಸ್ಟ್ ಮಲ್ದೆರ್. ಈ ಪೊರ್ತುಡು ಅಬಕಾರಿ ಉಪನಿರೀಕ್ಷಕೆರಾಯಿನ ಸಿದ್ದಯ್ಯ, ಪೇದೆಲಾಯಿನ ಸಿದ್ದರಾಜು ಬಿ, ರಮೇಶ್ ಎಂ ಬೊಕ್ಕ ಪ್ರದೀಪ್ ಕುಮಾರ್ ಕೆ. ಇತ್ತೆರ್.

You Missed