Tue. Nov 17th, 2026

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News

ಬಿಹಾರದ ಇಟ್ಟಿಗೆ ಕಾರ್ಖಾನೆಡ್ ಪುಡಾದ್ 7 ಜನ ತೀರ್ ಪೋಯೆರ್

ಡೆಲ್ಲಿ: ಇಟ್ಟಿಗೆ ಕಾರ್ಖಾನೆಡ್ ಪುಡಾದ್ 7 ಜನ ಬೇಲೆದಕುಲು ತೀರ್ ಪೋಯಿನ ಘಟನೆ ಶುಕ್ರಾರ ಬಯ್ಯಗ್ ಬಿಹಾರದ ರಾಮಗಢ್ವಾ ಪೊಲೀಸ್ ಠಾಣೆ ವ್ಯಾಪ್ತಿಡ್ ನಡತ್ಂಡ್.

ಈ ಘಟನೆದ ಪೊರ್ತುಡು ಸುಮಾರ್ 24 ಜನ ಕಾರ್ಮಿಕೆರ್ ಬೇಲೆ ಮಲ್ತೊಂದು ಇತ್ತೆರ್ ಪಂದ್ ತೆರಿದ್ ಬೈದ್ಂಡ್. ನೆಟ್ ಸುಮಾರ್ ಜನಕ್ ಪೆಟ್ಟಾತ್ಂಡ್. ಮೊಕ್ಲೆನ್ ಆಸ್ಪತ್ರೆಗ್ ದಾಖಲ್ ಮಲ್ದೆರ್. ಈ ಘಟನೆದ ಬಗೆಟ್ ಪ್ರಧಾನಿ ನರೇಂದ್ರ ಮೋದಿ, ಪ್ರಧಾನಮಂತ್ರಿ ರಾಷ್ಟ್ರೀಯ ಪರಿಹಾರ ನಿಧಿರ್ದ್ ತೀರ್ ಪೋಯಿನಕ್ಲೆನ ಕುಟುಂಬಗ್ 2 ಲಕ್ಷ ರೂ. ಬೊಕ್ಕ ಪೆಟ್ಟಾಯಿನಕ್ಲೆಗ್ 50 ಸಾರ ರೂ. ಪರಿಹಾರ ಘೋಷಣೆ ಮಲ್ದೆರ್.

10 ಅಡಿ ಉದ್ದದ ಮಾಟೆ ಕೊರೆದ್ ಬ್ಯಾಂಕ್ ರ್ದ್ 1 ಕೋಟಿ ರೂ. ಬಿಲೆತ ಬಂಗಾರ್ ಕಂಡಿನ ಕಲ್ವೆರ್!

ಕಾನ್ಪುರ್‌: ಉತ್ತರ ಪ್ರದೇಶದ ಕಾನ್ಪುರಡ್ ಕಲ್ವೆರ್ 4 ಅಡಿ ಅಗೆಲ ಬೊಕ್ಕ 10 ಅಡಿ ಉದ್ದದ ಮಾಟೆ (ಸುರಂಗ) ಕೊರೆದ್ ಬ್ಯಾಂಕ್‌ಡ್ ಇತ್ತಿನ 1 ಕೋಟಿ ರೂ. ಬಿಲೆತ ಬಂಗಾರ್ ಪತೊಂದು ಬಲಿತಿನ ಘಟನೆ ಕಾನ್ಪುರ ಎಸ್‌ಬಿಐ ಬಾನುತಿ ಶಾಖೆಡ್ ನಡತ್ಂಡ್.

ಕಲ್ವೆರ್ ಸುರಂಗ ಕೊರೆದ್ ಬ್ಯಾಂಕ್‌ದ ಸ್ಟ್ರಾಂಗ್‌ ರೂಮ್‌ ಗ್ ಬತ್ ದ್, ಬಂಗಾರ್ ದೀದಿತ್ತಿನ ಲಾಕರ್‌ ಪುಡಾತ್ ದ್, 1 ಕೋಟಿ ರೂ. ಬಿಲೆತ 1.8 ಕೆಜಿ ಬಂಗಾರ್ ಕಂಡ್ ದೆರ್. ಆಂಡ ಕಾಸ್ ದ ಲಾಕರ್‌ ಪುಡಾಪೆರೆ ಅಕ್ಲೆಗ್ ಆತಿಜಿ. ಆಯಿಟ್ 32 ಲಕ್ಷ ರೂ. ನಗದು ಇತ್ಂಡ್ ಪಂದ್ ಪೊಲೀಸೆರ್ ತೆರಿಪಾದೆರ್.

ರಾಜ್ಯಡ್ 4244 ಅಂಗನವಾಡಿ ಸುರು: ಸಚಿವೆರ್ ಹಾಲಪ್ಪ ಆಚಾರ್!

ರಾಜ್ಯಡ್ ಪೊಸತಾದ್ 4244 ಅಂಗನವಾಡಿ ಕೇಂದ್ರಲೆನ್ ಸುರು ಮಲ್ಪೆರೆ ಮಂಜೂರಾತಿ ಕೊರ್ತುಂಡು ಪಂದ್ ಮಹಿಳಾ ಬೊಕ್ಕ ಮಕ್ಕಳ ಅಭಿವೃದ್ಧಿ ಸಚಿವೆರ್ ಹಾಲಪ್ಪ ಆಚಾರ್ ಪಂಡೆರ್.

ಕಡಿಮೆ ಆದಾಯದ ಜನಸಂಖ್ಯೆ ಹೆಚ್ಚಾದ್ ವಾಸ ಮಲ್ಪುನ ಬೊಕ್ಕ ಭೂರಹಿತ ಕಾರ್ಮಿಕೆರ್ ಇಪ್ಪುನ ಗ್ರಾಮಾಂತರ ಪ್ರದೇಶಡ್ 1655 ಬೊಕ್ಕ ನಗರ ಪ್ರದೇಶಡ್ 2589 ಅಂಗನವಾಡಿ ಕೇಂದ್ರಲೆನ್‌ ಸುರು ಮಲ್ಪೊಡು. ಬೇತೆ ಬೇತೆ ಜಿಲ್ಲೆರ್ದ್ 3538 ಅಂಗನವಾಡಿಲೆನ್ ಸುರು ಮಲ್ಪರೆ ಬೇಡಿಕೆ ಬೈದ್ಂಡ್ ಪಂದ್ ಪಂಡೆರ್.

ತಿರುಪತಿಡ್ ಇಸೇಸ ಟಿಕೆಟ್

ತಿರುಮಲ ಶ್ರೀವಾರಿ ವೈಕುಂಠ ದ್ವಾರ ದರ್ಶನದ ಟಿಕೆಟ್ ಲೆನ್ ಟಿಟಿಡಿ ಇನಿ ಬೊಲ್ಪುಗು 9 ಗಂಟೆಗ್ ಬುಡುಗಡೆ ಮಲ್ತ್ಂಡ್.


ಜನವರಿ 1 ರ್ದ್ 11 ಮುಟ್ಟ ರೂ. 300 ಗ್ ಇಸೇಸ ಪ್ರವೇಶ ದರ್ಶನ ಕೋಟಾ ಆನ್ ಲೈನ್ ಟಿಕೆಟ್ ಲೆನ್ ಬುಡುಗಡೆ ಮಲ್ದ್ಂಡ್. ದಿನಕ್ 20 ಸಾರದಲೆಕ್ಕ 10 ದಿನ ಮುಟ್ಟ 2 ಲಕ್ಷ ಟಿಕೆಟ್ ಲು ಆನ್ ಲೈನ್ ಡ್ ತಿಕ್ಕುಂಡು. ಟಿಕೆಟ್ ಇತ್ತಿನಕ್ಲೆಗ್ ಮಾತ್ರ ದರ್ಶನ ಪಡೆವೊಲಿ.

Special tickets sale at Tirupati

The Tirumala Srivari Vaikunta Dwara Dharshan tickets have been put up for sale by TTD from today morning 9 a.m onwards.

The tickets available online costing rupees 300 each are for special entry from the 1 St of January to the 11 th of January.There will be 20,000 tickets available for a day, with about two lakh tickets available for ten days.Entry is available only for persons with these tickets.

ಇನಿ ಡೆಲ್ಲಿ ಎತ್ತಿಯೆರೆ ಉಂಡು ಭಾರತ್ ಜೋಡೋ ಯಾತ್ರೆ

107 ದಿನ ರಾಹುಲ್ ಗಾಂಧಿ ಮುತಾಲಿಕೆಡ್ ನಡತಿನ ಭಾರತ್ ಜೋಡೋ ಯಾತ್ರೆ ಇನಿ ಡೆಲ್ಲಿಗ್ ಎತ್ತಿಯೆರೆ ಉಂಡು. ಮುಲ್ಪ ಮಸ್ತ್ ಜನ ಸೇರುನ ನಿರೀಕ್ಷೆ ಉಂಡು ಪಂದ್ ಪೊಲೀಸೆರ್ ತೆರಿಪಾದೆರ್.

ಬದರ್ ಪುರ ಗಡಿರ್ದ್ ಡೆಲ್ಲಿಗ್ ಎತ್ತುನ ಈ ಯಾತ್ರೆ ಬಯ್ಯಗ್ 4:30 ಕ್ ರಾಜ್ ಘಾಟ್ ಗ್ ಎತ್ತುಂಡು. ಇನಿ ಸುಮಾರ್ 40000 ಜನ ಯಾತ್ರೆಡ್ ಪಾಲ್ ಪಡೆವೆರ್ ಪಂದ್ ಡೆಲ್ಲಿ ಕಾಂಗ್ರೆಸ್ ಸಂವಹನ ವಿಭಾಗದ ಅಧ್ಯಕ್ಷೆರ್ ಅನಿಲ್ ಭಾರದ್ವಾಜ್ ಪಂಡೆರ್.

ಶಬರಿಮಲೆಕ್ ಪೋವೊಂದು ಇತ್ತಿನ ಭಕ್ತೆರೆನ ಗಾಡಿ ಗುಂಡಿಗ್ ಬೂರ್ದು 8 ಜನ ತೀರ್ ಪೋಯೆರ್

ಇರುಮುಡಿ ಪತೊಂದು ಶಬರಿಮಲೆಕ್ ಪೋವೊಂದು ಇತ್ತಿನ ಭಕ್ತೆರೆನ ಗಾಡಿ ಗುಂಡಿಗ್ ಬೂರ್ದು 8 ಜನ ತೀರ್ ಪೋಯಿನ ಘಟನೆ ಶುಕ್ರಾರ ನಡುರಾತ್ರೆ ಕೇರಳದ ಇಡುಕ್ಕಿಡ್ ನಡತ್ಂಡ್.

ಈ ಘಟನೆದ ಜಾಗೆಗ್ ಅಗ್ನಿಶಾಮಕ ಸಿಬ್ಬಂದಿ, ರಕ್ಷಣಾ ತಂಡ ಬತ್ ದ್, ಸಾವುದ ಸಂಖ್ಯೆ ನನಾತ್ ಹೆಚ್ಚಾಪುಂಡು ಪಂದ್ ಅಂದಾಜಿ ಮಲ್ದೆರ್. ಹೆಚ್ಚದ ಮಾಹಿತಿ ನನ ತೆರಿದ್ ಬರೊಡಾತೆ.

ಐಪಿಎಲ್ ವಾರ್ ಡ್ ಸ್ಯಾಮ್ ಕರನ್ ನ್ 18.50 ಕೋಟಿ ರೂಪಾಯಿಗ್ ದೆತೊನ್ನ ಪಂಜಾಬ್ ಕಿಂಗ್ಸ್

ಐಪಿಎಲ್ ವಾರ್ ಲೆಪ್ಪುನೆಟ್ಟ್ ಇಂಗ್ಲೆಂಡ್ ದ ಆಲ್ ರೌಂಡರ್ ಸ್ಯಾಮ್ ಕರನ್ ನ್ 18.50 ಕೋಟಿ ರೂ. ಗ್ ಪಂಜಾಬ್ ಕಿಂಗ್ಸ್ ದೆತೊಂದುಂಡು.

ಮೆರೆನ್ ಬೊಂಬೈ ಇಂಡಿಯನ್ಸ್, ಆರ್ ಸಿಬಿ, ರಾಜಸ್ಥಾನ್ ರಾಯಲ್ಸ್, ಚೆನ್ನೈ ಸೂಪರ್ ಕಿಂಗ್ಸ್ ತಂಡಲು ದೆತೊನಿಯೆರೆ ತೂಯೆರ್. ಆಂಡ ಮೇರ್ ಪಂಜಾಬ್ ಕಿಂಗ್ಸ್ ದ ಪಾಲಾಯೆರ್. ಅವ್ವತ್ತಂದೆ ಮೇರ್ ಐಪಿಎಲ್ ಇತಿಹಾಸಡೇ ಮಸ್ತ್ ಹೆಚ್ಚ ಬಿಲೆಕ್ ಬಿಡ್ ಆಯಿನ ಆಟಗಾರೆ ಪನ್ಪುನ ಪುಗರ್ತೆ ಪಡೆದೆರ್.

Punjab Kings buys England’s all rounder Sam Curran for 18.50 crores

At the IPL auction at Cochin All rounder Sam Curran was bought for 18.50 crore by Punjab Kings.

He was bid by Mumbai Indians, RCB, Rajasthan Royals, Chennai Super Kings team also .But he was finally auctioned off to Punjab Kings.He is the highest bid player to date in the history of IPL auctions.

ಎರ್ಮಾಳ್ ತೆಂಕ ದೇವಿ ಫ್ರೆಂಡ್ಸ್ ಕ್ಲಬ್ ಮುತಾಲಿಕೆಡ್ ಎಳ್ಳಮಾಸೆದ ಪ್ರಯುಕ್ತ ಯಕ್ಷಗಾನ ಸೇವೆ

ಎರ್ಮಾಳ್ : ದೇವಿ ಫ್ರೆಂಡ್ಸ್ ಕ್ಲಬ್ ಎರ್ಮಾಳ್ ತೆಂಕ ಈ ಕೂಟದ ಜವನೆರ್ ಊರ ಪರವೂರ ದಾನಿಲೆನ ಸಕಾಯೊಡು ಎಳ್ಳಮಾಸೆದ ಲೆಕ್ಕೊಡು ಗುರುವಾರ ರಾತ್ರೆಗ್ “ಕಾರ್ಣಿಕದ ಪಂಚ ದೈವೊಲು” ಪನ್ಪಿನ ಯಕ್ಷಗಾನ ಸೇವೆ ಬೊಕ್ಕ ಸಾರ್ವಜನಿಕ ಅನ್ನದಾನ ನಡತ್‌ಂಡ್.


ಈ ಜವನೆರ್ ನ ಕೂಟದಕುಲು ಪ್ರತಿ ವರ್ಷಲ ಎಳ್ಳಮಾಸೆ ದ ಲೆಕ್ಕೊಡು ಅಪ್ಪೆ ಬಪ್ಪನಾಡ್ ದ ಶ್ರೀ ದುರ್ಗಾಪರಮೇಶ್ವರಿ ದೇವಿನ ಗೆಜ್ಜೆ ಸೇವೆ ಮಲ್ತೊಂದು ಬರೊಂದುಲ್ಲೆರ್ .


ಅನ್ನದಾನೊಡು ಸುಮಾರ್ 1 ಸಾರ ಜನ ಮುಟ್ಟ ಸೇರ್ದಿತ್ತೆರ್.
ಅಂಚೆನೆ ಈ ಕೂಟದ ಜವನೆರ್ ಒವ್ವೆ ರೀತಿದ ಪ್ರಚಾರ ದಾಂತೆ ಬಡಪತ್ತ್ ದಕ್ಲೆನ, ಹುಷಾರ್ ಇಜ್ಜಾಂದಿನಕ್ಲೆನ ಸೇವೆಲ ಮಲ್ತೊಂದು ಉಲ್ಲೆರ್ .
ಈ ಕೂಟದಕ್ಲೆರ್ದ್ ನನಲಾತ್ ಎಡ್ಡೆ ಬೇಲೆ ಆವಡ್ ಪಂದ್ ನಮ ಮಾತ ಆ ದೇವೆರ್ಡ ಸುಗಿತೊನುವ.

ಬಡಪತ್ತ್ ದ ಮೂಜಿ ಕುಟುಂಬದ ಚಿಕಿತ್ಸೆಗ್ ಪಣವುದ ಸಕಾಯ

ಬಡಪತ್ತ್ ದ ಮೂಜಿ ಕುಟುಂಬದ ಚಿಕಿತ್ಸೆಗ್ ಡಿ.31 ಶನಿಯಾರದಾನಿ ನಡಪುನ ಉಪ್ಪಳ ಅಯ್ಯಪ್ಪ ದೀಪ ಉಚ್ಚಯದ ಪೊರ್ತುಡು ತತ್ವಮಸಿ ಸೇವಾಚಕ್ರ ಪನ್ಪುನ ಇಸೇಸ ವೇಷದೊಟ್ಟಿಗೆ, ಬೇತೆ ಬೇತೆ ಸಂಘ ಸಂಸ್ಥೆಲೆನ ಸಹಕಾರಡ್ ಪಣವುದ ಸಕಾಯನ್ ಕೇನೊಂದು ಸಾಯಂಜನಿ ಯುವ ಬಳಗ ನಿಕುಲೆನ ಎದುರು ಬರೊಂದು ಉಲ್ಲೆರ್. ಅಂಚನೆ ನಿಕುಲೆಡ ಆಪುನಾತ್ ಪಣವುದ ಸಕಾಯನ್ ಕೇನೊಂದೆರ್.

ಕೊಣಾಜೆಡ್ ಸ್ವಾಂಡಲೋಸಿಸ್ ರೋಗರ್ದ್ ನರಲೊಂದು ಇಪ್ಪುನ ಅಪ್ಪೆನ ಚಿಕಿತ್ಸೆಗ್ ಕಾಸ್ ಇಜ್ಜಂದೆ, ಪರದಾಡುನ ಮೂಜಿ ಪೊಣ್ಣು ಜೋಕುಲು ದಾನಿಲೆನ ನೆರವುದ ನಿರೀಕ್ಷೆಡ್ ಉಂಡು ಈ ಕುಟುಂಬ.
ಕಾಸ್ರೋಡು ಜಿಲ್ಲೆದ ಬದಿಯಡ್ಕ ಗ್ರಾಮ ಪಂಚಾಯತಿ ವ್ಯಾಪ್ತಿಡ್ ಇಪ್ಪುನ ಏತಡ್ಕ ವಲಕುಂಜಡ್ ಇಪ್ಪುನ ಜನಾರ್ದನ ಪನ್ಪುನರೆನ ರಡ್ಡ್ ಜೋಕುಲು ನೂದೆರ್ದ್ ಹೆಚ್ಚ ಕನನ್ ಕಟ್ಟೊಂದು ತನ್ನ ಭವಿಷ್ಯನ್ ಕಟ್ಟೊನ್ನ ಪ್ರಾಯಡೇ ತನ್ನ ರಡ್ಡ್ ಕಿಡ್ನಿದ ತೊಂದರೆಗ್ ಗುರಿಯಾಯಿನ ಮೊಕ್ಲೆನ ಖರ್ಚ್ ಗ್ ಒವ್ವೇ ತಾದಿ ಇಜ್ಜಂದೆ, ಚಿಕಿತ್ಸೆಗ್ ದಾನಿಲೆನ ಸಕಾಯನ್ ಕೇನೊಂದುಂಡು ಕುಟುಂಬ.‌
ಕಾಸ್ರೋಡು ಜಿಲ್ಲೆದ ಉಪ್ಪಳ ಬಾಯಾರ್ ನಿವಾಸಿ ಆಯಿನ ಗುಲಾಬಿ ಪನ್ಪುನರ್ ಲಿವರ್ ಸಮಸ್ಯೆರ್ದ್ ನರಲೊಂದು ಉಲ್ಲೆರ್. ಮೆರೆನ್ ಮಹೇಶ್ ಆಸ್ಪತ್ರೆಡ್ ಐ.ಸಿ.ಯು ಗ್ ಸೇರ್ಸಾದೆರ್. ಚಿಕಿತ್ಸೆಗ್ ಅಂದಾಜ್ 3 ಲಕ್ಷ ಖರ್ಚ್ ಆಪುಂಡು. ‌ಮೇರ್ ಮಸ್ತ್ ಬಡಪತ್ತ್ ಡ್ ಉಲ್ಲೆರ್‌. ಆಸ್ಪತ್ರೆದ ಕಾಸ್ ಕಟ್ಟೆರೆ ಸಾಧ್ಯ ಆವಂದಿನ ಕಾರಣ ನಿಕಲೆನ ಮಾತ ಸಕಾಯ ಕೇನೊಂದೆರ್.

ಅಮಲ್ ಸೊತ್ತುಲೆನ್ ಕಲ್ವ ತಾದಿಡ್ ಕೊನೊಂದು ಇತ್ತಿನ ರಡ್ಡ್ ಜನ ಆರೋಪಿಲು ಅರೆಸ್ಟ್

ಬಂಟ್ವಾಳ: ರಿಕ್ಷಾಡ್ ಅಮಲ್ ಸೊತ್ತುಲೆನ್ ಕಲ್ವ ತಾದಿಡ್ ಕೊನೊಂದು ಇತ್ತಿನ ರಡ್ಡ್ ಆರೋಪಿಲೆನ್ ಗುರುವಾರ ಗೂಡಿನಬಳಿ ಕೈತಲ್ ರಿಕ್ಷಾದೊಟ್ಟಿಗೆ ವಶಕ್ ಪಡೆತೆರ್.

ಬಂಟ್ವಾಳ ಬಾರೆಕಾಡು ನಿವಾಸಿ ಇರ್ಷಾದ್‌ (23) ಬೊಕ್ಕ ಮಂಜೇಶ್ವರ ಉದ್ಯಾವರಗುತ್ತು ನಿವಾಸಿ ದೀಕ್ಷಿತ್‌ (19) ಅರೆಸ್ಟ್ ಆಯಿನ ಆರೋಪಿಲು. ಮೊಕ್ಲೆರ್ದ್ ಸುಮಾರ್ 20 ಸಾರ ರೂ. ಬಿಲೆತ ಅಮಲ್ ಸೊತ್ತುಲೆನ್ ಬೊಕ್ಕ 75 ಸಾರ ರೂ. ಬಿಲೆತ ರಿಕ್ಷಾನ್ ಬಂಟ್ವಾಳ ನಗರ ಠಾಣೆದ ಎಸ್‌ಐ ಅವಿನಾಶ್‌ ಗೌಡ ಬೊಕ್ಕ ಸಿಬಂದಿ ವಶಕ್ ಪಡೆತೆರ್. ಈ ಬಗೆಟ್ ಬಂಟ್ವಾಳ ನಗರ ಪೊಲೀಸ್‌ ಠಾಣೆಡ್ ಕೇಸ್ ದಾಖಲ್ ಆತ್ಂಡ್.

You Missed