ನರಮಾನಿನಲೆಕ್ಕನೇ ಪ್ರಾಣಿದ ನೆತ್ತೆರ್ ಲ ಕೆಂಪು ಇಪ್ಪುಂಡು. ಆಂಡ ಹಾರ್ಸ್ ಶೂ ಪನ್ಪಿನ ಪುದರ್ ದ ದೆಂಜಿದ ನೆತ್ತೆರ್ ದ ಬಣ್ಣ ಮಾತ್ರ ನೀಲಿ!!.
ಈ ದೆಂಜಿದ 1 ಲೀಟರ್ ನೆತ್ತೆರ್ ಗ್ ಸುಮಾರ್ 11 ಲಕ್ಷ ರೂ. ಉಂಡು. 1970 ರ್ದ್ ವಿಜ್ಞಾನಿಲು ಮರ್ದ್ ತಯಾರ್ ಮಲ್ಪೆರೆ ಈ ದೆಂಜಿದ ನೆತ್ತೆರ್ ನ್ ಗಲಸೊಂದು ಉಲ್ಲೆರ್. ಈ ದೆಂಜಿದ ನೆತ್ತೆರ್ ಡ್ ಬೊಲ್ದು ನೆತ್ತೆರ್ ದ ಕಣ ಎಚ್ಚ ಉಂಡು. ಈ ಜೀವಿ ಅಂದಾಜಿ 45 ಕೋಟಿ ವರ್ಷೊರ್ದಿಂಚ ಭೂಮಿದ ಮಿತ್ತ್ ಉಂಡು. ಉಂದು ಪುಣ್ಣಮೆದಾನಿ ಮಾತ್ರ ನೀರ್ ರ್ದ್ ಪಿದಾಯಿ ಬರಿಕ್ ಬರ್ಪುಂಡು.
ಕಾಪು: ಪಾಂಗಾಳಡ್ ಡಿ.5 ಕ್ಕ್ ಶರತ್ ಶೆಟ್ರೆನ್ (39) ಕೆರ್ತಿನ ಕೇಸ್ ದ 4 ಜನ ಆರೋಪಿಲೆನ್ ಪೊಲೀಸೆರ್ ಅರೆಸ್ಟ್ ಮಲ್ದೆರ್.
ಕುಳಾಯಿದ ದಿವೇಶ್ ಶೆಟ್ಟಿ (20), ಲಿಖಿತ್ ಕುಲಾಲ್ (21), ಕುಡ್ಲದ ಆಕಾಶ್ ಕರ್ಕೇರ (24) ಬೊಕ್ಕ ಪ್ರಸನ್ನ ಶೆಟ್ಟಿ (40) ಈ ಕೇಸ್ ಡ್ ಅರೆಸ್ಟ್ ಆಯಿನಕುಲು ಪಂದ್ ತೆರಿದ್ ಬೈದ್ಂಡ್. ಬೊಕ್ಕ ಒಡಿಪು ಎಸ್ಪಿ ಕಚೇರಿಡ್ ಲೆತ್ತಿನ ಸುದ್ದಿಗೋಷ್ಠಿಡ್ ಒಡಿಪು ಜಿಲ್ಲಾ ಪೊಲೀಸ್ ಅಧೀಕ್ಷಕೆರ್ ಅಕ್ಷಯ್ ಹಾಕೇ ಮಚ್ಚೀಂದ್ರ ಮೇರ್ ಕೇಸ್ ದ ಬಗೆಟ್ ಪೊಲಬು ಕೊರಿಯೆರ್. ದಿವೇಶ್ ಬೊಕ್ಕ ಲಿಖಿತ್ ನ್ ಇನಿ ಒಡಿಪುದ ಕೋರ್ಟ್ ಗ್ ಹಾಜರ್ ಮಲ್ಪೆರೆ ಉಂಡು. ಆಕಾಶ್ ಬೊಕ್ಕ ಪ್ರಸನ್ನ ಶೆಟ್ಟಿನ್ ಎಲ್ಲೆ ಕೋರ್ಟ್ ಗ್ ಹಾಜರ್ ಮಲ್ಪೆರೆ ಉಂಡು ಪಂದ್ ಪಂಡೆರ್.
Four persons arrested in connection with the murder of Sharath Shetty
Udupi: Four persons accused in the murder of Sharath Shetty (39) were arrested.The incident had taken place in Pangala on December 5th.
ಶ್ರೀ ಸಿದ್ಧೇಶ್ವರ ಅನ್ನದಾತ ಅಪ್ಪಾಜಿ, ಐಲೇಸಾ ದಿ ವಾಯ್ಸ್ ಆಫ್ ಓಷನ್, ಬೀಡು ಫೌಂಡೇಶನ್, ಬೊಂಬೈ ಬೆಂಗ್ಲೂರ್ ನೆತ್ತ ಒಟ್ಟುಸೇರಿಗೆಡ್ ಶಿವರಾತ್ರಿದ ನಿಲೆಟ್ಟ್ “ಹಸಿರು ಬೆಟ್ಟದ ಒಡೆಯ” ಪನ್ಪಿನ ಅಯ್ಯಪ್ಪ ಸ್ವಾಮಿನ ಭಕ್ತಿ ಗೀತೆ ಫೆ.18 ಸನಿಯಾರ ಬೊಂಬೈದ ಶ್ರೀ ಸಿದ್ಧೇಶ್ವರ ದೇವಲ್ಯದ ಅಪ್ಪಾಜಿ ಬೀಡು ಮಧುಸೂದನ ಮಿಲ್ಸ್ ದ ಚಾವಡಿಡ್ ಬುಡುಗಡೆ ಆವೆರೆ ಉಂಡು.
ಈ ಬುಡುಗಡೆ ಲೇಸ್ ದ ಗುರ್ಕಾರ್ಮೆನ್ ಬೊಂಬೈ ಅಪ್ಪಾಜಿ ಬೀಡುದ ಸಂಸ್ಥಾಪಕೆರ್ ರಮೇಶ್ ಗುರುಸ್ವಾಮಿ ಒಯಿಸೊನ್ವೆರ್. ಮಲ್ಲ ಬಿನ್ನೆರಾದ್ ಬೆಂಗ್ಲೂರ್ ದ ಸಾಹಿತಿ ಶಾಂತಾರಾಮ್ ಶೆಟ್ಟಿ ಬರಿಯೆರೆ ಉಲ್ಲೆರ್. ಗೌರವ ಉಪಸ್ಥಿತಿಡ್ ಬೆಂಗ್ಲೂರ್ ರಿಲಯನ್ಸ್ ರಿಟೇಲ್ ಪ್ರಬಂಧಕೆರ್ ಗೋಪಾಲ್ ಪಟ್ಟೆ ಉಲ್ಲೆರ್. ಬೊಂಬೈ ಮಾಟುಂಗ ರಾಜಮಣಿ ಗುರುಸ್ವಾಮಿ ಭಕ್ತಿ ಗೀತೆನ್ ಬುಡುಗಡೆ ಮಲ್ಪುವೆರ್. ಬೊಕ್ಕ ಆಶೀರ್ವಚನನ್ ಬೊಂಬೈ ಇನ್ನಂಜೆ ಚಂದ್ರಹಾಸ ಗುರುಸ್ವಾಮಿ ಕೊರಿಯೆರೆ ಉಲ್ಲೆರ್. ಈ ಲೇಸ್ ಗ್ ಮಾತೆರ್ಲಾ ಬರೊಡು ಪಂದ್ ಬೊಂಬೈ ಶ್ರೀ ಅಪ್ಪಾಜಿ ಬೀಡು ಫೌಂಡೇಶನ್ ದ ಆಡಳಿತ ವಿಶ್ವಸ್ಥೆರ್ ಶಾಂಭವಿ ಆರ್ ಗುರುಸ್ವಾಮಿ, ಅಧ್ಯಕ್ಷೆರ್ ಸಂತೋಷ್ ವಿ. ಶೆಟ್ಟಿ, ವಿಶ್ವಸ್ಥೆರ್, ಪದಾಧಿಕಾರಿಲು, ಕಾರ್ಯಕಾರಿ ಸಮಿತಿ, ಮಹಿಳಾ ವಿಭಾಗ ಬೊಕ್ಕ ಟೀಂ ಐಲೇಸಾ, ಐಲೇಸಾ ದಿ ವಾಯ್ಸ್ ಆಫ್ ಓಷನ್ ದ ಸ್ಥಾಪಕಾಧ್ಯಕ್ಷೆರ್ ರಮೇಶ್ಚಂದ್ರ ಲೆಪ್ಪೋಲೆಡ್ ತೆರಿಪಾದೆರ್.
ಹುಷಾರ್‌ದಾಂತೆ ಇಪ್ಪುನ ನಟಿ ಸಮಂತಾ ಆರೋಗ್ಯ ರಕ್ಷಣೆಗ್ ಬೋಡಾದ್ ತಮಿಳುನಾಡ್‌ದ ಪಳನಿ ಮುರುಗನ್ ದೇವಲ್ಯದ 600 ಮುಟ್ಟುನು ಮಿತರ್ದ್ ಪರಕೆ ಸಂದಾದೆರ್.
ಅಯಿರ್ದ್ ಬೊಕ್ಕ ಕರ್ಪೂರ ಪೊತ್ತಾದ್ ಪೂಜೆ ಮಲ್ತೆರ್. ಈ ಪೊರ್ತುಡು ಪಿಚ್ಚರ್‌ದ ನಿರ್ದೇಶಕೆರ್ ಬೊಕ್ಕ ಅರೆನ ದೋಸ್ತಿಲು ಒಟ್ಟುಗು ಇತ್ತೆರ್. ಪೊಲೀಸೆರ್‍ಲಾ ಅರೆಗ್ ಭದ್ರತೆ ಕೊರ್ದಿತ್ತೆರ್.
Actress Samantha fulfills vows at Palani temple
Actress Samantha who has recovered from her recent illness fulfilled her vows at Palani temple in Tamilnadu after climbing 600 steps of the temple.She offered prayers at the temple.
ಕೊಡಗು ಜಿಲ್ಲೆಡ್ ರಡ್ಡ್ ಜನನ್ ಕೆರ್ದ್ ಪಾಡಿನ ಪಿಲಿನ್ ಅರಣ್ಯ ಇಲಾಖೆದ ಸಿಬ್ಬಂದಿಲು ಅಂಗಾರೆ ಕಾರ್ಯಾಚರಣೆ ಮಲ್ತ್‌ದ್ ಪತ್ ಯೆರ್.
ಪೊನ್ನಂಪೇಟೆ ನಾಣಚ್ಚಿಗೇಟ್ ಕೈತಲ್ ತೋಜಿನ ಪಿಲಿಕ್ಕ್ ಮತಿ ತಪ್ಪುನ ಇಂಜೆಕ್ಷನ್ ಶೂಟ್ ಮಲ್ತ್ ದ್ ಪಿಲಿನ್ ಪತ್ ದೆರ್. ಬೊಲ್ಪುರ್ದು ಕಾರ್ಯಾಚರಣೆ ಮಲ್ತೊಂದಿತ್ತಿನ ಅರಣ್ಯ ಇಲಾಖೆದ ಸಿಬ್ಬಂದಿಲು, ದಸರಾ ಆನೆ ಅಭಿಮನ್ಯು ಮುತಾಲಿಕೆಡ್ ಇನಿ ಅವೆನ್ ಪತೊಂದು ಕಾರ್ಯಾಚರಣೆ ಮಲ್ತ್‌ದೆರ್.
Kodagu: Man eater tiger that killed two people finally caught
The tiger was seen at near Ponnampet and was tranquilised by forest officials and then captured.Effforts were on by a team of the forest department from morning and finally they were able to catch the tiger.
ಟರ್ಕಿ ಬೊಕ್ಕ ಸಿರಿಯಾ ಭೂಕಂಪದ ಸಂತ್ರಸ್ತೆರೆಗ್ ಪಾಕಿಸ್ತಾನದ ಜನ ಒರಿ 249 ಕೋಟಿ ರೂಪಾಯಿ ಪಣವುದ ಸಕಾಯ ಮಲ್ತ್‌ದೆರ್.
ಆಂಡ ಈ ಜನ ತನ್ನ ಪುದರ್‌ನ್ ತೆರಿಪಾದಿಜೆರ್. ಈ ವಿಷಯನ್ ಸ್ವತಃ ಪಾಕಿಸ್ತಾನದ ಪ್ರಧಾನ ಮಂತ್ರಿ ಶೆಹ್ಬಾಜ್ ಶರೀಫ್ ಟ್ವೀಟ್ ಮುಕೇನ ತೆರಿಪಾದೆರ್.
ಮುಲ್ಕಿ: ಕೊಳಚಿಕಂಬುಲ ಶ್ರೀ ಜಾರಂದಾಯ ಧೂಮಾವತಿ ಯೂತ್ ಕ್ಲಬ್ ದ 14ನೇ ವರ್ಷದ ಮಹಾಶಿವರಾತ್ರಿದ ಲೆಕ್ಕೊಡು ಸಾಮೂಹಿಕ ಸತ್ಯನಾರಾಯಣ ಪೂಜೆ ಫೆ.25 ಸನಿಯಾರ ಕೊಳಚಿಕಂಬುಲ ಶ್ರೀ ಜಾರಂದಾಯ ಧೂಮಾವತಿ ದೈವೊಲ್ಯದ ಚಾವಡಿಡ್ ನಡಪರೆ ಉಂಡು.
ಬಯ್ಯಗ್ ಧರ್ಮ ಸಭೆ ನಡಪರೆ ಉಂಡು. ಈ ಲೇಸ್ ದ ಗುರ್ಕಾರ್ಮೆನ್ ಮುಲ್ಕಿ ರಾಷ್ಟ್ರೀಯ ಬಿಲ್ಲವ ಮಹಾಮಂಡಲದ ಅಧ್ಯಕ್ಷೆರ್ ಡಾ. ರಾಜಶೇಖರ್ ಕೋಟ್ಯಾನ್ ಒಯಿಸೊನ್ವೆರ್. ಉದಿಪನನ್ ಮುಲ್ಕಿ ನಗರ ಪಂಚಾಯತ್ ಅಧ್ಯಕ್ಷೆರ್ ಸುಭಾಷ್ ಶೆಟ್ಟಿ ಮಲ್ಪೆರೆ ಉಲ್ಲೆರ್. ಮಲ್ಲ ಬಿನ್ನೆರಾದ್ ಮುಲ್ಕಿ ನಗರ ಪಂಚಾಯತ್ ಉಪಾಧ್ಯಕ್ಷೆರ್ ಸತೀಶ್ ಅಂಚನ್ ಬಾಳೆಹಿತ್ಲು, ಸದಸ್ಯೆರ್ ಯೋಗೀಶ್ ಕೋಟ್ಯಾನ್ ಚಿತ್ರಾಪು, ಬಾಲಚಂದ್ರ ಕಾಮತ್, ಅತಿಕಾರಿಬೆಟ್ಟು ಗ್ರಾಮ ಪಂಚಾಯತ್ ಅಧ್ಯಕ್ಷೆರ್ ಮನೋಹರ್ ಕೋಟ್ಯಾನ್, ಬಪ್ಪನಾಡ್ ಶ್ರೀ ದುರ್ಗಾಪರಮೇಶ್ವರೀ ದೇವಲ್ಯದ ಅರ್ಚಕೆರ್ ನರಸಿಂಹ ಭಟ್, ಪತ್ರಕರ್ತೆರ್, ರಂಗಕರ್ಮಿ ಪರಮಾನಂದ ಸಾಲ್ಯಾನ್ ಬರಿಯೆರೆ ಉಲ್ಲೆರ್. ಬೊಕ್ಕ ಕಾರ್ನಾಡ್ ಧರ್ಮಸ್ಥಾನದ ಅರ್ಚಕೆರ್ ಸದಾನಂದ ಪೂಜಾರಿ, ಕೊಳಚಿಕಂಬುಲ ಶ್ರೀ ಜಾರಂದಾಯ ಮಹಿಳಾ ಮಂಡಳಿದ ಅಧ್ಯಕ್ಷೆರ್ ಲತಾ ಶೇಖರ್, ರಾಷ್ಟ್ರಮಟ್ಟದ ಕಬಡ್ಡಿ ಕ್ರೀಡಾಪಟು ಶಶಾಂಕ್ ಆಚಾರ್ಯ ಮೊಕ್ಲೆಗ್ ತಮ್ಮನ ನಡಪರೆ ಉಂಡು. ರಾತ್ರೆ ಪೊಂಜೋವ್ ಬೊಕ್ಕ ಜೋಕುಲೆರ್ದ್ ಸಾಂಸ್ಕೃತಿಕ ಲೇಸ್ ನಡಪರೆ ಉಂಡು. ಬೊಕ್ಕ ಪರಮ ಪದ್ಮ ಕಲಾವಿದೆರೆರ್ದ್ ಶಿವ ಪುರ್ಸಾದ ಬಬ್ಬರ್ಯೆ ತುಳು ನಾಟಕ ನಡಪರೆ ಉಂಡು. ಈ ಲೇಸ್ ಮಾತೆರ್ಲಾ ಬತ್ತ್ ದ್ ಲೇಸ್ ನ್ ಪೊರ್ಲು ಮಲ್ತ್ ದ್ ಕೊರೊಡು ಪಂದ್ ಅಧ್ಯಕ್ಷೆರ್, ಸದಸ್ಯೆರ್, ಗುರಿಕಾರೆರ್, ಕೊಳಚಿಕಂಬುಲ ಶ್ರೀ ಜಾರಂದಾಯ ಧೂಮಾವತಿ ಸೇವಾ ಸಮಿತಿ, ಮಹಿಳಾ ಮಂಡಳಿ, ಯೂತ್ ಕ್ಲಬ್, ಬೊಂಬೈ ಸಮಿತಿ, ದುಬೈ ಸಮಿತಿ ಲೆಪ್ಪೋಲೆಡ್ ತೆರಿಪಾದೆರ್.
ಗಂಗೊಳ್ಳಿ: ಬಚ್ಚಿರೆಗ್ ಸುಣ್ಣ ಪಂಡ್‌ದ್ ಎನ್ನ್ ದ್ ಎಲಿ ಪಾಸಣ ಬೆರಕೆ ಮಲ್ತ್‌ದ್ ತಿಂದ್ ದ್ ಅಜ್ಜಿ ಪರ್ತಿ ತೀರ್ ಪೋಯಿನ ಘಟನೆ ಗಂಗೊಳ್ಳಿ ಪೊಲೀಸ್ ಠಾಣಾ ವ್ಯಾಪ್ತಿಡ್ ನಡತ್ಂಡ್.
ಸಾಧು ಪೂಜಾರ್ತಿ (71) ತೀರ್ ಪೋಯಿನಾರ್ ಪಂದ್ ಗುರ್ತಿಸಾದೆರ್. ಫೆ.6 ಕ್ಕ್ ಇಂಚ ಮಲ್ತ್‌ದಿತ್ತ್‌ದ್ ಹುಷಾರ್‌ದಾಂತಿನ ಅರೆನ್ ಕುಂದಾಪುರ ಸರ್ಕಾರಿ ಆಸ್ಪತ್ರೆಗ್ ದಾಖಲ್ ಮಲ್ತ್‌ದಿತ್ತೆರ್. ಚಿಕಿತ್ಸೆ ಸಮ ಆವಂದೆ ತೀರ್ ಪೋಯೆರ್.
ಬೆದ್ರ: ರಡ್ಡ್ ದಿನತ್ತ ಪಿರವು ಗುವೆಲ್ ಗ್ ಬೂರ್ದಿನ ಒಂಜಿ ವರ್ಷ ಪ್ರಾಯದ ಚಿಟ್ಟೆ ಪಿಲಿನ್ ಪೊಂಜೊವು ಪಶುವೈದ್ಯೆರ್ ಗೂಡುದ(ಪಂಜರ) ಮುಕೇನ ಗುವೆಲ್ ಗ್ ಜತ್ತ್‌ದ್ ರಕ್ಷಣೆ ಮಲ್ತ್‌ದೆರ್.
30 ಅಡಿರ್ದ್‌ಲ ಎಚ್ಚ ಗುಂಡಿದ ಗುವೆಲ್‌ಗ್ ಬೂರ್ದಿನ ಚಿಟ್ಟೆ ಪಿಲಿ ಮಾಟೆಡ್ ದೆಂಗ್ ದ್ ಕುಲ್ದಿತ್ತ್ಂಡ್. ಆಂಡ ಅರಣ್ಯ ಇಲಾಖೆದ ಗೂಡುದ ಉಲಯಿ ಬರಿಯರೆ ಕೇನೊಂದಿಜ್ಜಾಂಡ್. ಅಯಿರ್ದ್ ಬೊಕ್ಕ ಅರಣ್ಯ ಇಲಾಖೆದಕ್ಲೆನ ಲೆಪ್ಪುಗ್ ಬತ್ತಿನ ಎನ್‌ಜಿಓ ಆಯಿನ ಚಿಟ್ಟೆ ಪಿಲಿ ವೈಲ್ಡ್ ಲೈಫ್ ರೆಸ್‌ಕ್ಯೂ ಸೆಂಟರ್‌ದ ಪಶುವೈದ್ಯೆರ್ ಆಯಿನ ಡಾ. ಯಶಸ್ವಿ, ಡಾ. ಮೇಘನಾ, ಡಾ. ಪೃಥ್ವಿ, ಡಾ. ನಫೀಸಾ ಜಾಗೆಗ್ ಬತ್ತೆರ್.
ಡಾ. ಮೇಘನಾ ಮೇರ್ ಲೋಡ್ ಮಲ್ತಿನ ಡಾರ್ಟ್ ಗನ್ ಪತೊಂದು ಗೂಡುದ ಉಲಯಿ ಕುಲ್ದು ಇಲಾಖೆದ ಸಿಬ್ಬಂದಿಲು ಬೊಕ್ಕ ಊರುದಕಲ್ನ ಸಕಾಯೊಡು ಗುವೆಲ್ ಗ್ ಜತ್ತೆರ್. ತಿರ್ತ್ ಜತ್ತ್ ದ್ ಚಿಟ್ಟೆ ಪಿಲಿಕ್ಕ್ ಮತಿ ತಪ್ಪಾದ್ ಗುವೆಲ್ ರ್ದ್ ಮಿತ್ತ್ ಕನತ್ ದ್ ಚಿಕಿತ್ಸೆ ಕೊರ್ದು ಮತಿ ಬತ್ತಿ ಬೊಕ್ಕ ಕಾಡ್ ಗ್ ಬುಡಿಯೆರ್.
Wildlife veterinary doctor rescues a leapord cub from a well
Moodbidri: A leapord cub had fallen into a 30 feet well two days ago and refused to get into cage put down by forest officials.
Later they contacted NGO Wildlife rescue centre veterinary doctor team headed by Dr Megana who went into the well tranquilised it and rescued the animal.
ಕೇರಳ: ಮಾಜಿ ಸಿಎಂ ಉಮ್ಮನ್ ಚಾಂಡಿ ಮೇರ್ ಹುಷಾರ್ ದಾಂತೆ ಬೆಂಗ್ಲೂರ್ ದ ಆಸ್ಪತ್ರೆಗ್ ದಾಖಲ್ ಆತೆರ್.
ನ್ಯುಮೋನಿಯಾ ಆಯಿನೆಕ್ಕ್ ಮೆರೆನ್ ತಿರುವನಂತಪುರಂ ಆಸ್ಪತ್ರೆರ್ದ್ ಬೆಂಗ್ಲೂರ್ ದ ಖಾಸಗಿ ಆಸ್ಪತ್ರೆಗ್ ಇಸೇಸ ಇಮಾನಡ್ ಲೆತೊಂದು ಪೋಯೆರ್ ಪಂದ್ ತೆರಿದ್ ಬೈದ್ಂಡ್.
Kerala former CM oommen Chandy hospitalised
He is said to be suffering from pneumonia and has been shifted to Bangalore from Thiruvananthapuram to Bangalore for further treatment.
