ಪ್ರಧಾನಿ ನರೇಂದ್ರ ಮೋದಿ ಮೇರ್ ಇನಿ ಶಿರಡಿ ಸಾಯಿಬಾಬಾ ದೇವಲ್ಯಗ್ ಭೇಟಿ ಕೊರ್ದು ಅಲ್ಪದ ಪೊಸ ದರ್ಶನ ಸಂಕೀರ್ಣನ್ ಉದಿಪನ ಮಲ್ಪುವೆರ್.
ಮೇರ್ ಮಹಾರಾಷ್ಟ್ರಡ್ 7500 ಕೋಟಿ ರೂ ಕರ್ಚಿದ ಬೇತೆ ಬೇತೆ ಅಭಿವೃದ್ಧಿ ಯೋಜನೆಗ್ ಕೆಸರ್ ಪಾಡಿಯೆರೆ ಉಲ್ಲೆರ್. ಅತ್ತಂದೆ 86 ಲಕ್ಷ ರೈತೆರೆಗ್ ಅನುಕೂಲ ಆಪುನ ಯೋಜನೆದ ಉದಿಪನಗ್ ಇನಿ ಮಹಾರಾಷ್ಟ್ರಗ್ ಭೇಟಿ ಕೊರಿಯೆರೆ ಉಲ್ಲೆರ್.
ವಿಶ್ವಕಪ್ ಇತಿಹಾಸಡ್ ಮಸ್ತ್ ಸಲ ಮ್ಯಾಚ್ ಗೆಂದ್ಂದ್ ಟೀಮ್ ಇಂಡಿಯಾ 2ನೇ ತಾನ ಪಡೆತ್ಂಡ್.
AUS 72 ಮ್ಯಾಚ್, IND ಬೊಕ್ಕ NZ 58 ಮ್ಯಾಚ್, ಇಂಗ್ಲೆಂಡ್ 49 ಮ್ಯಾಚ್, ಪಾಕಿಸ್ತಾನ 47 ಮ್ಯಾಚ್, ದಕ್ಷಿಣ ಆಫ್ರಿಕಾ 42 ಮ್ಯಾಚ್, ಶ್ರೀಲಂಕಾ 39 ಮ್ಯಾಚ್, ಬಾಂಗ್ಲಾದೇಶ 15 ಮ್ಯಾಚ್ ಗೆಂದ್ಂಡ, ಅಫ್ಘಾನಿಸ್ತಾನ ಬೊಕ್ಕ ನೆದರ್ಲೆಂಡ್ ಈ ಮೆಗಾ ಟೂರ್ನಿಡ್ ಬಜಿ 3 ಮ್ಯಾಚ್ ಮಾತ್ರ ಗೆಂದ್ ದ್ಂಡ್.
ಕ್ಯಾರೆಟ್ ತಿನ್ಪುನೆರ್ದ್ ಆರೋಗ್ಯಗ್ ಮಸ್ತ್ ಪ್ರಯೋಜನ ಉಂಡು.
ಉಂದು ಜೀರ್ಣಕ್ರಿಯೆನ್ ಎಚ್ಚ ಮಲ್ಪುಂಡು. ನೆಟ್ಟ್ ಫೈಬರ್ ಅಂಶ ಮಲಬದ್ಧತೆನ್ ಕಮ್ಮಿ ಮಲ್ಪುಂಡು. ಅಂಚೆನೆ ಕರ್ಲ್ ದ ಪುರಿರ್ದ್ ಬಂಜಿಡ್ ಆಪಿನ ತೊಂದರೆನ್ ಕಮ್ಮಿ ಮಲ್ಪುಂಡು.
ಲಿವರ್ ರ್ದ್ ಬೊರ್ಚಂದಿನ ಕೊಲೆಸ್ಟ್ರಾಲ್ ಕಮ್ಮಿ ಮಲ್ಪರೆ ಬೊಕ್ಕ ಶರೀರಡ್ ಇಪ್ಪುನ ಇಸತ್ತ ಅಂಶನ್ ಪಿದಯಿ ಪಾಡಿಯೆರೆ ಸಹಕಾರಿ ಆಪುಂಡು. ಬಾಯಿದ ವಾಸನೆನ್ ಕಮ್ಮಿ ಮಲ್ಪುಂಡು. ಕ್ಯಾರೆಟ್ ಚರ್ಮದ ಆರೋಗ್ಯನ್ ಕೊರ್ಪುಂಡು. ನೆರ್ದ್ ಎಲು ಗಟ್ಟಿ ಆಪುಂಡು.
ಹಿಮಾಚಲ ಪ್ರದೇಶದ ಮುಖ್ಯಮಂತ್ರಿ ಸುಖವಿಂದರ್ ಸಿಂಗ್ ಸುಖು ಆಸ್ಪತ್ರೆಗ್ ದಾಖಲ್ ಆತೆರ್.
ಮೆರೆಗ್ ನಡುರಾತ್ರೆಡ್ ಬಂಜಿ ಬೇನೆ ಬತ್ತಿರ್ನೆದಾವೆರ ಶಿಮ್ಲಾದ ಐಜಿಎಂಸಿ ಆಸ್ಪತ್ರೆಗ್ ದಾಖಲ್ ಮಲ್ದೆರ್. ಇತ್ತೆ ಮೆರೆನ ಸ್ಕ್ಯಾನಿಂಗ್ ಮಲ್ತಿನ ಡಾಕ್ಟರ್ ಒವ್ವೇ ಸಮಸ್ಯೆ ಇಜ್ಜಿ ಪಂದ್ ತೆರಿಪಾದೆರ್.
ಹಾಸನದ ಪುಗರ್ತೆದ ಹಾಸನಾಂಬೆ ದೇವಿನ ಜಾತ್ರೆ ಉಚ್ಚಯದ ಲೆಕ್ಕೊಡು ನ.2 ಕ್ಕ್ ಸಾಂಪ್ರದಾಯಿಕ ವಿಧಿ ವಿಧಾನಲು ಇಪ್ಪುರ್ನೆದಾವೆರ ದೇವಿನ ಗರ್ಭಗುಡಿತ್ತ ಬಾಗಿಲ್ ನ್ ದೆಪ್ಪುವೆರ್.
ಅಂಚೆನೆ ಭಕ್ತೆರೆಗಾದ್ ದೇವಿನ ದರ್ಶನಗ್ ದೇವಲ್ಯದ ಆಡಳಿತ ಮಾತ ತಯಾರಿನ್ ಮಲ್ತೊಂದು ಉಂಡು. ಶಕ್ತಿ ಯೋಜನೆರ್ದ್ ಧರ್ಮೊಗು ಬಸ್ ಪ್ರಯಾಣ ಇಪ್ಪುರ್ನೆದಾವೆರ ಕರಿನ ವರ್ಷೊರ್ದ್ ಈ ಸರ್ತಿ ಎಚ್ಚದ ಭಕ್ತೆರ್ ಬರ್ಪುನ ನಿರೀಕ್ಷೆ ಉಂಡು ಪಂದ್ ತೆರಿದ್ ಬೈದ್ಂಡ್.
ಕಕ್ಕಿಂಜೆ: ಚಿಬಿದ್ರೆದಲ್ಪ ಚಿಕ್ಕಮಗಳೂರ್ದ್ ಕುಡ್ಲಗ್‌ ಬರೊಂದು ಇತ್ತಿನ ಕಾರ್ ಡ್ರೈವರ್‌ನ ನಿಯಂತ್ರಣ ತತ್ತ್‌ದ್ ಕರೆಂಟ್ ಕಂಬಗ್ ಡಿಕ್ಕಿ ಹಾಕಿನ ಘಟನೆ ವರದಿ ಆತ್ಂಡ್. ಪ್ರಯಾಣಿಕೆರ್‌ ಎಲ್ಯ ಎಲ್ಯ ಗಾಯ ಆದ್ ಮಲ್ಲ ಅಪಾಯರ್ದ್ ಪಾರಾತೆರ್.
ಪುತ್ತೂರು: ‘ಪುಳಿಮುಂಚಿ’ ತುಳು ಚಿತ್ರ ಅ.27ದಾನಿ ಪುತ್ತೂರು ಸೇರಿನಂಚ ತುಳುನಾಡ್‌ದಾತ್ಯಂತ ಬುಡುಗಡೆ ಆವೆರೆ ಉಂಡು. ಬಿಗ್ ಹೆಚ್.ಪಿ.ಆರ್. ಫೌಂಡೇಶನ್ ಮುಖ್ಯಸ್ಥೆರ್ ಹರಿಪ್ರಸಾದ್ ರೈ ಮಠಂತಬೆಟ್ಟು ನಿರ್ಮಾಣದ ತ್ರಿಶೂಲ್ ಶೆಟ್ಟಿ ನಿರ್ದೇಶನದ ಪುಳಿಮುಂಚಿ ಚಿತ್ರಕ್ಕೆ ಕಿಶೋರ್‌ ಕುಮಾರ್‌ ಶೆಟ್ಟಿ ಸಂಗೀತ ಕೊರ್ದ್, ಮಯೂರ್ ಆರ್. ಶೆಟ್ಟಿ ಸಾಹಿತ್ಯ ಬೊಕ್ಕ ಛಾಯಾಗ್ರಹಣ ಮಲ್ತ್‌ದೆರ್. ವಿನೀತ್ ಕುಮಾರ್‌ ನಾಯಕ ನಟೆ ಆದ್, ಸಮತಾ ಅಮೀನ್ ನಾಯಕಿಯಾದ್ ನಟನೆ ಮಲ್ತ್‌ದೆರ್.
ರಾಹುಲ್ ಅಮೀನ್, ಸ್ವರಾಜ್ ಶೆಟ್ಟಿ, ಆರಾಧ್ಯ ಶೆಟ್ಟಿ, ನವೀನ್ ಡಿ. ಪಡೀಲ್, ಅರವಿಂದ್ ಬೋಳಾರ್, ಭೋಜರಾಜ್ ವಾಮಂಜೂರು, ಸಾಯಿಕೃಷ್ಣ ಕುಡ್ಲ, ರವಿ ರಾಮಕುಂಜ, ಸಂದೀಪ್ ಶೆಟ್ಟಿ, ಪ್ರಸನ್ನ ಶೆಟ್ಟಿ, ಬೈಲೂರು, ಉಮೇಶ್ ಮಿಜಾರ್, ಪಿಂಕಿ ರಾಣಿ, ಸಂತೋಷ್ ಶೆಟ್ಟಿ, ಅದ್ವಿಕಾ ಶೆಟ್ಟಿ ಈ ಚಿತ್ರಡ್‌ ಪಾಲ್ ಪಡೆದೆರ್. ಅ.21 ದಾನಿ ಪುತ್ತೂರ್ದ ಭಾರತ್ ಸಿನಿಮಾಸ್ಡ್ ಪುಳಿಮುಂಚಿ ತುಳುಚಿತ್ರದ ಪ್ರೀಮಿಯರ್ ಶೋ ನಡತ್‌ದ್‌, ಅ.27ರ್ದ್ ಭಾರತ್ ಸಿನಿಮಾಸ್ಡ್ ಪ್ರದರ್ಶನ ಆವೆರೆ ಉಂಡು.
ಚೈನಾದ ಪುಗಾರ್ತೆದ ಗಂಗಸರ ಮಲ್ಪುನ ಕಂಪೆನಿ ಸಿಂಗ್ತಾವೋದ ಬೇಲೆದಾಯೆ ಒರಿ ಬಿಯರ್‌ದ ಬಾಜನೊಗು ಪಡ್ಕೆ ಮೈತೊಂದಿತ್ತಿನ ವೀಡಿಯೋ ವೈರಲ್ ಆದಿತ್ತ್ಂಡ್. ಉಂದೆಕ್ ಬಯಂಕರ ಟೀಕೆ ಬತ್ತಿನೇ ಇತ್ತೆ ಕಂಪೆನಿದ ಷೇರ್ ತಿರ್ತ್ ಬೂರೊಂದುಂಡುಗೆ. ಚೈನಾದ ದೇಶೀಯ ಮಾರ್ಕೇಟ್ಡ್ ಶೇ. 15 ಪಾಲ್ ಈ ಬಿಯರ್ ಕಂಪೆನಿದ ಇತ್ತ್ಂಡ್. ಈ ವೀಡಿಯೋ ವೈರಲ್ ಆಯಿನೇ ಷೇರ್ 7.5% ಕಮ್ಮಿ ಆತ್ಂಡ್. ಚೈನಾರ್ದ್ ಪಿದಯೂರುಗು ಪೋಪಿನ ಬಿಯರ್‌ಲೆಡ್ 50% ಬಿಯರ್ ಉಂದು ಸಂಸ್ಥೆದವೇ ಆದುಂಡು.
ಶಾಲೆದ ಪಾಠಪುಸ್ತಕೊಲೆಡ್ ದೇಶೊದ ಪುದರ್ ‘ಇಂಡಿಯಾ’ ಪಂದ್ ಇಪ್ಪುನೆನ್ ‘ಭಾರತ್’ ಪಂದ್ ಪಗಪೆರ, ನ್ಯಾಷನಲ್ ಕೌನ್ಸಿಲ್ ಆಫ್ ಎಜುಕೇಶನಲ್ ರಿಸರ್ಚ್ ಅಂಡ್ ಟ್ರೈನಿಂಗ್(ಎನ್‌ಸಿಇಆರ್‌ಟಿ) ಸಮಿತಿ ಮಲ್ದಿನ ಶಿಫಾರಸ್‌ನ್ ಅವೆತ ಪದುಕೆರ್ ಸರ್ವಾನುಮತೊಟು ಒತ್ತೊಂದೆರ್.
ಅಂಚಾದ್ ನನ ದುಂಬುದ ದಿನೊಟು ಮಾತ ವಿಷಯೊಲೆನ ಶಾಲೆದ ಪಾಠಪುಸ್ತಕೊಲೆಡ್ ‘ಭಾರತ್’ ಪುದರ್ ತೋಜರೆಗುಂಡು. ಸಮಿತಿದ ಪದುಕೆ ಆದುಪ್ಪುನ ಸಿಐ ಇಸಾಕ್ ಪ್ರಕಾರ, ಪೊಸ ಎನ್‌ಸಿಇಆರ್‌ಟಿ ಪುಸ್ತಕೊಲೆಡ್ ಪುದರ್ ಬದಲ್ ಆದುಪ್ಪುಂಡು. ಈ ಪ್ರಸ್ತಾವನೆನ್ ಕೆಲ ತಿಂಗೊಳು ದುಂಬೇ ಮಂಡನೆ ಮಲ್ತಿತ್ತ್‌ದ್, ಇತ್ತೆ ಅವೆನ್ ಅಂಗೀಕಾರ ಮಲ್ದ್ಂಡ್ ಪಂದ್ ಇಸಾಕ್ ತೆರಿಪಾದೆರ್.
ಗೋಕಾಕದ ನಾಡಿನ ಸಮಚಾರ ಸೇವಾ ಸಂಘ ಬೊಕ್ಕ ನಾಡಿನ ಸಮಚಾರ ದಿನ ಪತ್ರಿಕೆ ನೆತ್ತ ಒಟ್ಟು ಸೇರಿಗೆಡ್ ಕರ್ನಾಟಕ ನಾಮಕರಣದ “ಸುವರ್ಣ ಮಹೋತ್ಸವ” ವರ್ಷ 68ನೇ ಕರ್ನಾಟಕ ರಾಜ್ಯೋತ್ಸವದ ಪ್ರಯುಕ್ತ ಕೊರ್ಪುನ ರಾಜ್ಯ ಮಟ್ಟದ ಕರ್ನಾಟಕ ಸಾಧಕ ರತ್ನ ರಾಜ್ಯೋತ್ಸವ ರಾಜ್ಯ ಪ್ರಶಸ್ತಿಗ್ ಡಾ. ರಾಜೇಶ್ವರಿ ಆಯ್ಕೆಯಾತೆರ್.
ನ. 18 ದಾನಿ ಧಾರವಾಡದ ಕರ್ನಾಟಕ ಕುಲಪುರೋಹಿತ ಆಲೂರು ವೆಂಕಟರಾವ ಸಾಂಸ್ಕೃತಿಕ ಭವನಡ್ ನಡಪುನ “ಕನ್ನಡ ನುಡಿ ಸಂಭ್ರಮ “ಸಮಾರಂಭಡ್ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮ ನಡಪೆರೆ ಉಂಡು. ರಾಜೇಶ್ವರಿ ನಿವೃತ್ತ ಶಿಕ್ಷಕೆರಾಯಿನ ಮೇರ್ಕಜೆ ಮೇದಪ್ಪ ಮಾಸ್ಟರ್ ಬೊಕ್ಕ ನಿವೃತ್ತ ಮುಖ್ಯ ಶಿಕ್ಷಕಿ ಭುವನೇಶ್ವರಿ ಮೊಕ್ಲೆನ ಮಗಲ್. ಸಂಪಾಜೆ ಕಳಗಿ ಡಾ. ಗೌತಮ್ ಮೇರೆನ ಬುಡೆದಿ.
