ಭಾರತ ಬೊಕ್ಕ ಪಾಕಿಸ್ತಾನ ಅಂತರಾಷ್ಟ್ರೀಯ ಗಡಿಟ್ಟ್ ಪಾಕಿಸ್ತಾನ ರೇಂಜರ್ ನಕುಲು ಗುಂಡುದ ದಾಳಿ ನಡಪಾವೊಂದು ಉಲ್ಲೆರ್.
J ಬೊಕ್ಕ K ದ ಅರ್ನಿಯಾ ಸೆಕ್ಟರ್ ಡ್ ಇಪ್ಪುನ BSF ಶಿಬಿರನ್ ಮೋರ್ಟಾರ್ ಶೆಲ್ ದಾಳಿ ಮಲ್ದ್ಂಡ್. ಈ ದಾಳಿಡ್ ಒರಿ ಬಿಎಸ್ಎಫ್ ಯೋಧಗ್ ಬೊಕ್ಕ ಮೂಜಿ ನಾಗರಿಕೆರೆಗ್ ಪೆಟ್ಟಾತ್ಂಡ್.
ಭಾರತೀಯ ಅಧಿಕಾರಿಲು ಎಚ್ಚರಿಕೆರ್ದ್ ಸುಮಾರ್ ಹಳ್ಳಿಲೆನ್ ಜಾಗೆ ಚೇಂಜ್ ಮಲ್ತೆರ್. ಫೆಬ್ರವರಿ 2021 ತ್ತ ಬೊಕ್ಕ ಈ ಮಟ್ಟಡ್ ಗುಂಡುದ ದಾಳಿ ನಡಪಾಯಿನವು ಉಂದುವೇ ಸುರು ಆತ್ಂಡ್ ಪಂದ್ ತೆರಿದ್ ಬೈದ್ಂಡ್.
ಬ್ರಿಟಿಷ್ ಎಂಡ್ಯೂರೆನ್ಸ್ ಚಾಂಪಿಯನ್ ಶಿಪ್ ಡ್ ಪಾಲ್ ಪಡೆಯಿನ ಹುಮೈರಾ ಮುಷ್ತಾಕ್ ಭಾರತ ದೇಶದ ಸುರುತ್ತ ಮಹಿಳಾ ರೇಸರ್ ಪನ್ಪುನ ಪುಗರ್ತೆನ್ ಪಡೆತೆರ್.
ಬಿಇಸಿದ ಅಧಿಕೃತ ವೆಬ್‌ಸೈಟ್‌ ಡ್ ಹುಮೈರಾ ಸುರುತ್ತ ಭಾರತೀಯ ಮಹಿಳಾ ರೇಸರ್ ಆದ್ ತಾನ ಪಡೆತೆರ್. ಜಮ್ಮು ಬೊಕ್ಕ ಕಾಶ್ಮೀರದ ನಿವಾಸಿ ಆಯಿನ ಹುಮೈರಾ ಮೇರ್ ಐಟಿಸಿಸಿಸಿ ಪರವಾನಗಿ ಪಡೆಯಿನ ದಕ್ಷಿಣ ಏಷ್ಯಾದ ಸುರುತ್ತ ಪೊಂಜೋವ್ ಆತೆರ್.
ಎಲ್ಲೆ ಭಾರತಡ್ ಭಾಗಶಃ ಚಂದ್ರಗ್ರಾಣ ಆಯೆರೆ ಉಂಡು. ಬೊಲ್ಪುಗು 11:30 ಕ್ಕ್ ಸುರು ಆದ್ ರಾತ್ರೆ 3:58 ಗ್ ಮುಗಿಪುಂಡು ಪಂದ್ ಪ್ಲಾನೆಟರಿ ಸೊಸೈಟಿ ಇಂಡಿಯಾದ ನಿರ್ದೇಶಕೆರ್ ರಘನಂದನ್ ಕುಮಾರ್ ತೆರಿಪಾದೆರ್.
ಎಲ್ಲೆ ನಡುರಾತ್ರೆ 1:5-2:23 ಮುಟ್ಟ ಮಾತ್ರ ಗೋಚರ ಆಪುಂಡು. ಗ್ರಾಣದ ಪೊರ್ತುಡು ಪೂಜೆ ಮಲ್ಪರೆ ಬಲ್ಲಿ, ತೆನಸ್ ಬೆಯಿಪಾಯೆರೆ ಬೊಕ್ಕ ತಿನಿಯೆರೆ ಬಲ್ಲಿ. ಅತ್ತಂದೆ ಪಿದಯಿ ಜಾಲ್ ಗ್ ಪೋಪುನೆ ಆರೋಗ್ಯಗ್ ಎಡ್ಡೆ ಅತ್ತ್ ಪಂದ್ ಜ್ಯೋತಿಷಿಲು ತೆರಿಪಾದೆರ್.
ತುಮಕೂರು ಪೇಂಟೆಡ್ ಇನಿರ್ದ್ ಅ.29 ಮುಟ್ಟ ಸರ್ಕಾರಿ ನೌಕರೆರೆನ ರಾಜ್ಯಮಟ್ಟದ ಕ್ರೀಡಾಕೂಟ ಬೊಕ್ಕ ಸಾಂಸ್ಕೃತಿಕ ಪಂತೊನ್ ಆಯೋಜನೆ ಮಲ್ದ ಪಂದ್ ರಾಜ್ಯ ಸರ್ಕಾರಿ ನೌಕರೆರೆನ ಸಂಘ ತೆರಿಪಾದ್ಂಡ್.
ಬೊಲ್ಪುಗು 10 ಗಂಟೆರ್ದ್ ಬಯ್ಯ 4 ಗಂಟೆ ಮುಟ್ಟ ನೊಂದಣಿ ಇಪ್ಪುಂಡು. ಬೊಕ್ಕ ಬಯ್ಯಗ್ 4:30 ಗಂಟೆರ್ದ್ ಈ ಕ್ರೀಡಾಕೂಟಗ್ ಸಿಎಂ ಸಿದ್ದರಾಮಯ್ಯ, ಡಿಸಿಎಂ ಡಿಕೆ ಶಿವಕುಮಾರ್ ಚಾಲನೆ ಕೊರ್ಪೆರ್.
ಈ ಪೊರ್ತುಡು ಸಚಿವೆರ್ ಜಿ. ಪರಮೇಶ್ವರ್, ಬಿ.ನಾಗೇಂದ್ರ, ಕೆಎನ್ ರಾಜಣ್ಣ, ನೌಕರರ ಸಂಘದ ಪದುಕೆರ್ ಸೇರಿನಂಚೆನೆ ಸುಮಾರ್ ಜನ ಪಾಲ್ ಪಡೆಯೆರೆ ಉಲ್ಲೆರ್.
ಭಾರತೀಯ ಸಶಸ್ತ್ರ ಪಡೆಟ್ಟ್ ಖಾಲಿ ಇಪ್ಪುನ 650 ವೈದ್ಯಕೀಯ ಅಧಿಕಾರಿ ಬೇಲೆಗ್ ಅರ್ಹ ಅಭ್ಯರ್ಥಿಲು ಅರ್ಜಿ ಸಂದಾವೊಲಿ.
ನೆಟ್ಟ್ 585 ಬೇಲೆ ಆಂಜೋವುನಕ್ಲೆಗ್ ಬೊಕ್ಕ 65 ಬೇಲೆ ಪೊಂಜೋವುನಕ್ಲೆಗ್ ತಿಕ್ಕುಂಡು. ಎಂಬಿಬಿಎಸ್, ಸ್ಟೇಟ್ ಮೆಡಿಕಲ್ ಕೌನ್ಸಿಲ್ ಎಂಸಿಎ, ಎನ್ಎಂಸಿ ನೊಂದಣಿ ಆದಿಪ್ಪೊಡು. ಎಚ್ಚದ ಪೊಲಬುಗಾದ್ https://amcssentry.gov.in/ ಗ್ ಭೇಟಿ ಕೊರೊಲಿ.
ಪ್ರಧಾನಿ ನರೇಂದ್ರ ಮೋದಿ ಇನಿ ಡೆಲ್ಲಿದ ಪ್ರಗತಿ ಮೈದಾನಡ್ ಇಪ್ಪುನ ಭಾರತ್ ಮಂಟಪಡ್ 7ನೇ ಭಾರತೀಯ ಮೊಬೈಲ್ ಕಾಂಗ್ರೆಸ್ 2023ನ್ ಉದಿಪನ ಮಲ್ಪುವೆರ್.
ಉದಿಪನಗ್ ದುಂಬು ಆಯೋಜನೆ ಮಲ್ತ್ ದ್ ಇತ್ತಿನ ವಸ್ತುಪ್ರದರ್ಶನನ್ ಮೋದಿ ಪರಿಶೀಲನೆ ಮಲ್ದೆರ್. ಈ ಪೊರ್ತುಡು ಉದ್ಯಮಿ ಮುಖೇಶ್ ಅಂಬಾನಿನ ಮಗೆ ಆಕಾಶ್ ಅಂಬಾನಿ ಪಿಎಂಗ್ ಪೊಸ ತಂತ್ರಜ್ಞಾನದ ಬಗೆಟ್ಟ್ ಪೊಲಬು ಕೊರ್ತೆರ್. ಇಂಡಿಯನ್ ಮೊಬೈಲ್ ಕಾಂಗ್ರೆಸ್ ಏಷ್ಯಾದ ಭಾರೀ ಮಲ್ಲ ಟೆಲಿಕಾಂ, ಮಾಧ್ಯಮ ಬೊಕ್ಕ ತಂತ್ರಜ್ಞಾನ ಚಾವಡಿ ಆತ್ಂಡ್. ಈ ಲೇಸ್ ಅ.27-29 ಮುಟ್ಟ ನಡಪರೆ ಉಂಡು.
ಇಂಡಿಯನ್ ಆಯಿಲ್ ಕಾರ್ಪೊರೇಷನ್ ಲಿಮಿಟೆಡ್ (IOCL) ಡ್ ಟ್ರೇಡ್ ಅಪ್ರೆಂಟಿಸ್ ಆದ್ 1720 ಬೇಲೆ ಖಾಲಿ ಉಂಡು.
ಅರ್ಹ ಅಭ್ಯರ್ಥಿಲು ಆನ್ ಲೈನ್ ಮುಖೇನ ಅರ್ಜಿ ಸಂದಾವೊಲಿ. ಅರ್ಜಿ ಪ್ರಕ್ರಿಯೆ ಅ.21 ಕ್ಕ್ ಸುರು ಆತ್ಂಡ್. ನ.20 ಅರ್ಜಿ ಸಂದಾಯೆರೆ ಅಕೇರಿದ ದಿನ ಆತ್ಂಡ್. ಎಚ್ಚದ ಪೊಲಬುಗಾದ್ ನೆತ್ತ ಅಧಿಕೃತ ವೆಬ್‌ಸೈಟ್‌ www.iocl.com ಗ್ ಭೇಟಿ ಕೊರೊಲಿ.
ಮೆತ್ತೆ ತಿನ್ಪುನೆರ್ದ್ ಆರೋಗ್ಯಗ್ ಮಸ್ತ್ ಎಡ್ಡೆ ಪ್ರಯೋಜನ ಆಪುಂಡು.
ಉಂದು ಜೀರ್ಣಾಂಗ ವ್ಯವಸ್ಥೆದ ಆರೋಗ್ಯನ್ ಸರಿ ಮಲ್ಪರೆ ಸಕಾಯ ಮಲ್ಪುಂಡು. ನೆಟ್ಟ್ ಕರ್ಬದ ಅಂಶ ಉಂಡು. ಉಂದು ನೆತ್ತೆರ್ ಪರಿಚಲನೆಗ್ ಸಕಾಯ ಮಲ್ಪುಂಡು.
ಅತ್ತಂದೆ ಉಂದು ನೆತ್ತೆರ್ ಸಮಸ್ಯೆನ್ ಕಮ್ಮಿ ಮಲ್ಪುಂಡು. ಬೊಕ್ಕ ಎಲು ಗಟ್ಟಿ ಆಪುಂಡು. ನೆರ್ದ್ ರೋಗನಿರೋಧಕ ಶಕ್ತಿ ಎಚ್ಚಾಪುಂಡು. ಅಂಚೆನೆ ಕಣ್ಣ್ ದ ಸಮಸ್ಯೆ ಸರಿ ಆಪುಂಡು.
ಸುಲ್ತಾನ್ ಆಫ್ ಜೋಹರ್ ಕಪ್ ಹಾಕಿ ಟೂರ್ನಿಡ್ ಇನಿ ಭಾರತ ಬೊಕ್ಕ ಪಾಕಿಸ್ತಾನ ಕೂಟಲು ಎದುರು ಬದುರಾದ್ ಗೊಬ್ಬೆರೆ ಉಂಡು.
ಮಲೇಷ್ಯಾಡ್ 21 ವರ್ಷದೊಲಯಿನಕ್ಲೆನ ಹಾಕಿದ 11ನೇ ಸೀಸನ್ ಕೋಡೆರ್ದ್ ಸುರು ಆತ್ಂಡ್. ನೆಟ್ಟ್ ಹಾಲಿ ಚಾಂಪಿಯನ್ ಭಾರತ ಬೊಕ್ಕ ಮಲೇಷ್ಯಾ ಸೇರಿನಂಚೆನೆ 8 ಕೂಟಲು ಲೀಗ್ ಸುತ್ತುಡು 2 ವಿಭಾಗಡ್ ಗೊಬ್ಬುಂಡು. ಭಾರತ ಇನಿ ಪಾಕಿಸ್ತಾನದೊಟ್ಟಿಗೆ ಗೊಬ್ಬೆರೆ ಉಂಡು. ಬೊಕ್ಕ ಅ.28 ಕ್ಕ್ ಮಲೇಷ್ಯಾ, ಅ.30 ಕ್ಕ್ ನ್ಯೂಜಿಲೆಂಡ್ ದ ಎದುರು ಗೊಬ್ಬೆರೆ ಉಂಡು.
ಶಿಬಾಜೆ: ಶಿಬಾಜೆ ಗ್ರಾಮದ ಜಯರಾಮ ಪೂಜಾರಿ ಬೊಕ್ಕ ವನಜ ದಂಪತಿನ ಮಗೆ, ವಿರಾಜ್ ಜೆ ಪೂಜಾರಿ ಕಲ್ಲಡ್ಕ ವಿದ್ಯಾಭಾರತಿ ನಡಪಾಯಿನ ರಾಜ್ಯಮಟ್ಟದ ಚೆಸ್ ಚಾಂಪಿಯನ್‌ಡ್ (ತರುಣ ವರ್ಗ) ಸುರುತ ಇನಾಮು ಪಡೆದ್ ರಾಷ್ಟ್ರಮಟ್ಟದ ಚೆಸ್ ಚಾಂಪಿಯನ್ ಶಿಪ್ಗ್ ಆಯ್ಕೆಯಾತೆರ್.
ಅರುಣಾಚಲ ಪ್ರದೇಶಡ್ “ವಿದ್ಯಾಭಾರತಿ ಅಖಿಲ ಭಾರತಿಯ ಶಿಕ್ಷಾ ಸಂಸ್ಥಾನ್” ಅಕ್ಟೋಬರ್ 26-30 ಮುಟ್ಟ ನಡಪುನ 34ನೇ ರಾಷ್ಟ್ರೀಯ ಚೆಸ್ ಚಾಂಪಿಯನ್ ಶಿಪ್‌ಡ್ ಕರ್ನಾಟಕ ರಾಜ್ಯನ್ ಪ್ರತಿನಿಧಿಸಾದ್‌ ಪಾಲ್ ಪಡೆಯೆರೆ ಉಲ್ಲೆರ್.
