ರಾಜ್ಯ ಶಿಕ್ಷಣ ನೀತಿ (SEP) ಸಮಿತಿದ ಸುರುತ್ತ ಸಭೆ ಇನಿ ರಾಜ್ಯ ಉನ್ನತ ಶಿಕ್ಷಣ ಪರಿಷತ್ ಡ್ ನಡಪರೆ ಉಂಡು.
ಈ ಸಭೆಟ್ಟ್ ಹಾಜರಾವೊಡು ಪಂದ್ ಮತ ಸದಸ್ಯೆರೆಗ್ ಲೆಪ್ಪೋಲೆ ಕೊರ್ತೆರ್. ರಾಜ್ಯಡ್ ಕಾಂಗ್ರೆಸ್ ಸರ್ಕಾರ ಅಧಿಕಾರಗ್ ಬತ್ತಿನ ಬೊಕ್ಕ ರಾಷ್ಟ್ರೀಯ ಶಿಕ್ಷಣ ನೀತಿನ್ (NEP) ಕಾನ್ಸಲ್ ಮಲ್ತ್ ದ್, SEP ನ್ ಜಾರಿಗ್ ಕನಯೆರೆ ತಯಾರಿ ನಡಪಾದ್ಂಡ್. ಅಂಚಾದ್ ನೆತ್ತ ಬಗೆಟ್ಟ್ ಚರ್ಚೆ ನಡಪಾಯೆರೆ ಇನಿ ಸುರುತ್ತ ಸಭೆ ಲೈದ್ಂಡ್. ಸಭೆಟ್ಟ್ ಸಮಿತಿ, ಉಪಸಮಿತಿದ ರಚನೆ ಬಗೆಟ್ಟ್ ಚರ್ಚೆ ನಡಪರೆ ಉಂಡು.
ಇಂಡೋನೇಷ್ಯಾಡ್ 6.4 ಬಿರ್ಸ್ ದ ಭೂಕಂಪ ಆತ್ಂಡ್ ಪಂದ್ ಯುರೋಪಿಯನ್- ಮೆಡಿಟರೇನಿಯನ್ ಭೂಕಂಪನ ಕೇಂದ್ರ ತೆರಿಪಾದ್ಂಡ್.
ನೆತ್ತ ಕೇಂದ್ರ ಭೂಮಿದ ಮಿತ್ತ್ ರ್ದ್ ಸುಮಾರ್ 10 ಕಿಮೀ ಅಡಿಟ್ಟ್ ಉಂಡು. ಈ ಭೂಕಂಪರ್ದ್ ಒವ್ವೇ ತೊಂದರೆ ಆತಿಜಿ ಪಂದ್ ತೆರಿದ್ ಬೈದ್ಂಡ್.
ಮುಲ್ಕಿ: ಮುಲ್ಕಿ ಬಂಟರ ಸಂಘ (ರಿ.) ದ ಗುರ್ಕಾರೆಯಾದ್ ಅಶೋಕ್ ಕುಮಾರ್ ಶೆಟ್ಟಿ ಆಯ್ಕೆ ಆತೆರ್.
ಮಾನಾದಿಗೆದ ಗುರ್ಕಾರೆಯಾದ್ ಐಕಳ ಹರೀಶ್ ಶೆಟ್ಟಿ, ಸಂತೋಷ್ ಕುಮಾರ್ ಹೆಗ್ಡೆ, ಗೌರವ ಸಲಹೆಗಾರೆರಾದ್ ಪುರುಷೋತ್ತಮ ಶೆಟ್ಟಿ, ಗಂಗಾಧರ ಶೆಟ್ಟಿ, ಒತ್ತು ಗುರ್ಕಾರೆಯಾದ್ ಜೀವನ್ ಕೆ ಶೆಟ್ಟಿ, ಕಾರ್ಯದರ್ಶಿಯಾದ್ ಸಾಯಿನಾಥ ಶೆಟ್ಟಿ ಮುಂಡ್ಕೂರು, ಜತೆ ಕಾರ್ಯದರ್ಶಿಯಾದ್ ಶರತ್ ಶೆಟ್ಟಿ ಕಿನ್ನಿಗೋಳಿ, ಕೋಶಾಧಿಕಾರಿಯಾದ್ ಸ್ವರಾಜ್ ಶೆಟ್ಟಿ ಮುಂಡ್ಕೂರು, ಪೊಂಜೋವುಲೆನ ವಿಭಾಗದ ಸಂಚಾಲಕೆರಾದ್ ರೋಹಿಣಿ ಶೆಟ್ಟಿ, ಯುವ ವಿಭಾಗದ ಸಂಚಾಲಕೆರಾದ್ ದಾಮೋಧರ ಶೆಟ್ಟಿ ಕೊಡೆತ್ತೂರು, ಪತ್ರಿಕಾ ಬೊಕ್ಕ ಪ್ರಚಾರ ವಿಭಾಗದ ಸಂಚಾಲಕೆರಾದ್ ನಿಶಾಂತ್ ಕಿಲೆಂಜೂರು ಆಯ್ಕೆ ಆತೆರ್.
ಅಯೋಧ್ಯೆದ ಶ್ರೀರಾಮೆ 8 ಅಡಿ ಎತ್ತರದ ಬಂಗಾರ್ ದ ಲೇಪನ ಇಪ್ಪುನ ಸಿಂಹಾಸನದ ಮಿತ್ತ್ ಕುಲ್ಲೆರೆ ಉಲ್ಲೆರ್.
ರಾಜಸ್ಥಾನದ ಕುಶಲಕರ್ಮಿಲು 4 ಅಡಿ ಅಗಲದ ಅಮೃತಶಿಲೆತ್ತ ಸಿಂಹಾಸನನ್ ಪಾಲಿಶ್ ಮಲ್ತೊಂದು ಉಲ್ಲೆರ್ ಪಂದ್ ಅಯೋಧ್ಯೆ ರಾಮಾಲಯ ಟ್ರಸ್ಟ್ ತೆರಿಪಾದ್ಂಡ್.
ನನದ ತಿಂಗೊಲ್ 15 ತಾರೀಕ್ ಗ್ ಅವು ದೇವಲ್ಯಗ್ ಬರಿಯೆರೆ ಉಂಡು. ಉಂದುವೇ 5 ತಾರೀಕ್ ಗ್ ದೇವಲ್ಯಡ್ ಅಕ್ಷತೆ ಪೂಜೆ ನಡಪರೆ ಉಂಡು. ದೇಶ ಇಡೀ ಇಪ್ಪುನ ರಾಮ ಭಕ್ತೆರೆಗ್ ಆ ಅಕ್ಷತೆನ್ ಕೊರ್ಪ ಪಂದ್ ಟ್ರಸ್ಟ್ ಪಂತ್ಂಡ್.
ಬೋಲ್ತೆರ್: ಓಮಾನ್ ಡ್ ಬೇಲೆ ಮಲ್ತೊಂದು ಪೆನ್ಸಿಲ್ ಚಿತ್ರ ಬೊಕ್ಕ ಲೀಫ್ ಆರ್ಟ್ ಕಲೆಟ್ ಖ್ಯಾತಿ ಪಡೆನ ನಾರಾವಿದ ರಂಜಿತ್ ಗ್ ಓಮಾನ್ಡ್ ತುಳುವ ಬೊಳ್ಳಿ ಪ್ರಶಸ್ತಿ ತಿಕ್ಕ್ ದ್ಂಡ್. ಮೇರೆಗ್ ಭಾರತೀಯ ಸಾಮಾಜಿಕ ವೇದಿಕೆ ಓಮಾನ್ ತುಳು ಶಾಖೆ ವರ್ಷದ ಸಾಂಸ್ಕ್ರತಿಕ ಕಾರ್ಯಕ್ರಮ 2023 ಡ್ ಓಮಾನ್ ನಕ್ಷತ್ರ ಬಿರುದು ಕೊರ್ದು ಮಾನಾದಿಗೆ ಮಲ್ತ್ ದೆರ್.
ಬೋಲ್ತೆರ್: ಪುಂಜಾಲಕಟ್ಟೆ ಪೊಲೀಸ್ ಠಾಣೆಡ್ ಬೇತೆ ಬೇತೆ ಅಪರಾದ ಕೇಸ್ ದ ವಿಲೇವಾರಿ ಆವಂದೆ ಒರಿದಿನ 1 ಬೈಕ್, 1 ಕಾರ್ ಬೊಕ್ಕ 1 ರಿಕ್ಷಾನ್ ಬಹಿರಂಗವಾದ್ ಹರಾಜ್ ಮಲ್ಪೆರೆ ಕೋರ್ಟ್ ಅನುಮತಿ ಕೊರ್ತುಂಡು.
ಈ ಗಾಡಿಲೆನ್ ನ.3 ದಾನಿ ಕಾಂಡೆ 10.30 ರ್ದ್ ಪುಂಜಾಲಕಟ್ಟೆ ಪೊಲೀಸ್ ಠಾಣಾ ಆವರಣಡ್ ಬಹಿರಂಗ ಹರಾಜ್ ನಡಪೆರೆ ಉಂಡು. ಹರಾಜ್ ಇಪ್ಪುನ ಗಾಡಿಲು ಸ್ಟೇಷನ್ ದ ಆವರಣಡ್ ಹರಾಜ್ ಆವೆರೆ ಉಂಡು. ಆಸಕ್ತಿ ಇಪ್ಪುನಕುಲು ಗಾಡಿಲೆನ್ ಆಯ್ಕೆ ಮಲ್ತ್ ದ್ ಹರಾಜ್ ಡ್ ಪಾಲ್ ಪಡೆಯೊಲಿ ಪಂದ್ ಸ್ಟೇಷನ್ ದ ಪ್ರಕಟನೆಡ್ ತೆರಿಪಾದೆರ್.
ಬೆಂಗಳೂರು: ಮೆಡಿಕಲ್ ಸೀಟ್ ಆಕಾಂಕ್ಷಿಲೆಗ್ ಅತೀ ಕಡಿಮೆ ಬಿಲೆಟ್ಟ್ ಕೈತಲ್ದ ರಾಜ್ಯಡ್ ಸೀಟ್ ದೆಪ್ಪಾದ್ ಕೊರ್ಪೆ ಪಂದ್ ವಂಚನೆ ಮಲ್ತಿನ ಹೈದ್ರಾಬಾದ್‌ ಮೂಲದ ಆರೋಪಿ ಇತ್ತೆ ಸಂಜಯನಗರ ಪೊಲೀಸೆರ್ನ ಬಲೆಕ್ಕ್‌ ಬೂರ್ದೆ.
ಶರತ್‌ಗೌಡ್‌(45) ಅರೆಸ್ಟ್ ಆಯಿನ ಆರೋಪಿ. ಪೊಲೀಸೆರ್ ಸುಮಾರು 47 ಲಕ್ಷ ರೂ. ಪನವು ವಶಕ್ಕ್ ಪಡೆಯೊಂದೆರ್. ವಿಚಾರಣೆ ಪೊರ್ತುಗು ಇಡೆ ಮುಟ್ಟ 18 ಜನಕ್ಕ್ 62 ಲಕ್ಷ ರೂ. ವಂಚನೆ ಮಲ್ತ್‌ದೆ ಪಂದ್ ತೆರಿದ್ ಬೈದ್ಂಡ್. ಈ ಪೈಕಿ 47.80 ಲಕ್ಷ ರೂ. ಜಪ್ತಿ ಮಲ್ತ್‌ದೆರ್. ಬಾಕಿ ಪನವುನ್ ಆರೋಪಿ ಗಲಸೊಂದೆ ಪಂದ್ ಪೊಲೀಸೆರ್ ತೆರಿಪಾದೆರ್. ಉತ್ತರವಿಭಾಗ ಡಿಸಿಪಿ ಸೈದುಲ್ ಅದಾವತ್‌, ಜೆ.ಸಿ.ನಗರ ಉಪವಿಭಾಗದ ಎಸಿಪಿ ಮನೋಜ್ ಕುಮಾರ್ ನೇತೃತ್ವಡ್ ಸಂಜಯನಗರ ಠಾಣೆ ಇನ್‌ಸ್ಪೆಕ್ಟರ್‌ ಭಾಗ್ಯವತಿ ಜೆ.ಬಂಟಿ ಬೊಕ್ಕ ಸಿಬ್ಬಂದಿಲು ಕಾರ್ಯಾಚರಣೆ ನಡಪಾದೆರ್.
ಬೋಲ್ತೆರ್: ಸೌತ್ ಕೆನರಾ ಫೋಟೋಗ್ರಾಫರ್ಸ್ ಅಸೋಸಿಯೇಷನ್ ದ.ಕ. ಒಡಿಪು ಜಿಲ್ಲೆ ಬೋಲ್ತೆರ್ ವಲಯದ ಪೊಸ ಪದಾಧಿಕಾರಿಲೆನ ಪದಪ್ರದಾನ ಕಾರ್ಯಕ್ರಮ ಅ.31 ದಾನಿ ಬೋಲ್ತೆರ್ ಹೋಲಿ ರೆಡೀಮೆರ್ ಚರ್ಚ್ ಅಡಿಟೋರಿಯಂಡ್ ನಡತ್‌ಂಡ್.
ಮಲ್ಲ ಬಿನ್ನೆರಾದ್ ಪಾಲ್ ಪಡೆನ ರಕ್ಷಿತ್‌ ಶಿವರಾಮ್‌ ಪಾತೆರ್ದ್‌ ಸಾವಿರ ಛಾಯಾಗ್ರಹಕೆರ್ ಅವಿಭಜಿತ ಜಿಲ್ಲೆಡ್‌ ಇಪ್ಪುನ ಮಲ್ಲ ಶಕ್ತಿ. ಬೋಲ್ತೆರ್ ಭಾಗದ ಛಾಯಾಗ್ರಾಹಕರ ಸಂಘದ ಕಟ್ವಾನ ಇಪ್ಪುನ ಪೆರ್ಮೆದ ಇಸಯ. ಜಾತಿ ಧರ್ಮ ಸಂಸ್ಕೃತಿನ್‌ ಒರಿಪಾವುನೆಟ್ಟ್ ಮುಖ್ಯ ಪಾತ್ರ ಛಾಯಾಗ್ರಾಹಕೆರ್ನ. ಸರ್ಕಾರರ್ದ್‌ ಒವ್ವೇ ಅನುದಾನನ್ ಕೊರ್ಪುಲಕ ಮಲ್ಪೆರೆ ಯಾನ್‌ ಸದಾ ಸಿದ್ಧ ಉಲ್ಲೆ. ಪ್ರಪ್ರಥಮ ಭಾರಿಗ್ ಛಾಯಾಗ್ರಾಹಕರ ಸಂಘದ ಮಹಿಳಾ ಅಧ್ಯಕ್ಷೆರಾದ್‌ ಆಯ್ಕೆ ಆಯಿನ ಸಿಲ್ವಿಯಾ ಕೊರ್ಡೆರೊ ಮೇರೆಗ್ ಎಡ್ಡೆಪ್ಪು ಬಯಕೆರ್.
ಲೇಸ್‌ದ ಉದಿಪನನ್ ಎಸ್‌ಕೆಪಿಎ ದಕ್ಷಿಣ ಕನ್ನಡ ಒಡಿಪು ಸಂಚಾಲಕೆರ್ ಕರುಣಾಕರ ಕಾನಂಗಿ ಮಲ್ತೆರ್. ದಕ್ಷಿಣ ಕನ್ನಡ ಒಡಿಪು ಜಿಲ್ಲೆದ ಜಿಲ್ಲಾಧ್ಯಕ್ಷೆರ್ ಪದ್ಮ ಪ್ರಸಾದ್ ಜೈನ್ ಗುರ್ಕಾರ್ಮೆನ್‌ ವಹಿಸ್‌ದ್‌ ಇತ್ತೆರ್. ಮಲ್ಲ ಬಿನ್ನೆರಾದ್ ಜಿಲ್ಲಾ ಕಟ್ಟಡ ಸಮಿತಿದ ಅಧ್ಯಕ್ಷೆರ್ ಆನಂದ್ ಎನ್ ಬಂಟ್ವಾಳ, ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ದಯಾನಂದ್ ಬಂಟ್ವಾಳ, ಎಸ್‌ಕೆಪಿ ಸಹಕಾರಿ ಸಂಘದ ಅಧ್ಯಕ್ಷೆರ್ ವಾಸುದೇವ ರಾವ್, ಬೋಲ್ತೆರ್ ವಲಯದ ಸ್ಥಾಪಕ ಅಧ್ಯಕ್ಷೆರ್ ಪಾಲಾಕ್ಷ ಸುವರ್ಣ ಈ ಪೊರ್ತುಡು ಇತ್ತೆರ್.
ವಿಟ್ಲ : ಶ್ರೀವರ ಯುವಕ ಮಂಡಲ ರಿ. ಪೂರ್ಲಪ್ಪಾಡಿ ವಿಟ್ಲಪಡ್ನೂರು ಗ್ರಾಮ ನೆತ್ತ ರಡ್ಡನೇ ವರ್ಷದ ಮಹಾಸಭೆಟ್ ಪದಾಧಿಕಾರಿಲೆನ ಆಯ್ಕೆ ಪ್ರಕ್ರಿಯೆ ಪೂರ್ಲಪ್ಪಾಡಿ ಶ್ರೀವರ ವೇದಿಕೆದ ವಠಾರಡ್‌ ನಡತ್‌ಂಡ್.
ಯುವಕ ಮಂಡಲದ ನೂತನ ಗುರ್ಕಾರೆ ಆದ್ ಸೋಮನಾಥ ಗೌಡ ಕೆ., ಗೌರವಾಧ್ಯಕ್ಷೆರ್ ಈಶ್ವರ ಭಟ್ ಪಿ., ಗೌರವ ಸಲಹೆಗಾರರಾದ್ ವಕೀಲೆರ್ ರಾಮಣ್ಣ ಗೌಡ ದೇವರಮನೆ, ಉಪಾಧ್ಯಕ್ಷೆ ಪ್ರಜೇಶ್ ಕೆ., ಕಾರ್ಯದರ್ಶಿ ಸಂತೋಷ್, ಕೋಶಾಧಿಕಾರಿ ಯೋಗೀಶ್ ಪಿ., ಕ್ರೀಡಾ ಕಾರ್ಯದರ್ಶಿ ತೇಜಸ್ ಕೆ., ಜೊತೆ ಕಾರ್ಯದರ್ಶಿ ಯತೀಶ್ ಪಿ., ಸಹ ಕೋಶಾಧಿಕಾರಿ ಮನೋಜ್ ಪಿ., ಸಂಘಟನಾ ಕಾರ್ಯದರ್ಶಿಯಾದ್ ಪ್ರಶಾಂತ ಪಿ., ಚೇತನ್ ಕುಮಾರ್ ಪಿ.ಕೆ., ಲೋಕೇಶ್ ಕೆ., ವಿಜಯ ಪಿ., ದೇವಪ್ರಸಾದ್ ಕೆ., ಮಾಧ್ಯಮ ಪ್ರಮುಖೆರಾದ್ ರಾಕೇಶ್, ಭರತ್ ಕುಮಾರ್, ಜಯಪ್ರಕಾಶ್ ಕೆ., ಕಾರ್ಯಕಾರಿ ಸಮಿತಿ ಸದಸ್ಯೆರಾದ್ ನಾರಾಯಣ ಗೌಡ ಕೆ., ಹೇಮಂತ್ ಪಿ., ಶಿವರಾಜ್ ಪಿ., ಕಿರಣ್ ಚಂದ್ರ ಆಳ್ವ, ರೋಹಿತ್ ಪಿ., ರಂಜನ್ ಪಿ.ಜೆ., ರುಕುಮ ಗೌಡ ಪಿ., ಗಿರೀಶ್ ಪಿ.ಆರ್., ರಾಜೇಶ್ ಎಂ.ಎನ್. ಆಯ್ಕೆ ಆಯೆರ್.
ಒಡಿಪು: ಕುಂಜಿಬೆಟ್ಟು ಲಾಲಾ ಲಜಪತ್ ರಾಯ್ ಮಾರ್ಗದ ಇಲ್ಲಡ್‌ ಕೆಲವು ದಿನತ ಪಿರಾವ್ ನಡತ್ತಿನ ಕಂಡಿನ ಕೇಸ್‌ಡ್ ಒಡಿಪು ಪೊಲೀಸೆರ್ ಒರಿ ಆರೋಪಿನ್‌ ಅರೆಸ್ಟ್ ಮಲ್ತ್‌ದ್‌, ಲಕ್ಷಾಂತರ ರೂ. ಬಿಲೆತ್ತ ಸೊತ್ತುಲೆನ್‌ ವಶಕ್ಕ್ ಪಡೆಯೊಂದೆರ್.
ಈ ಬಗೆಟ್ಟ್ ಒಡಿಪು ಠಾಣೆಡ್ ಬುಧವಾರ ನಡತ್ತಿನ ಪತ್ರಿಕಾಗೋಷ್ಠಿಡ್ ಜಿಲ್ಲಾ ಹೆಚ್ಚುವರಿ ಎಸ್ಪಿ ಎಸ್.ಟಿ.ಸಿದ್ಧಲಿಂಗಪ್ಪ ಮಾಹಿತಿ ಕೊರಿಯೆರ್. ಬೆಂಗಳೂರು ಉತ್ತರಹಳ್ಳಿದ ಭುವನೇಶ್ವರಿ ನಗರದ ನಿವಾಸಿ ಮಂಜುನಾಥ ಯಾನೆ ಕಲ್ಕೆರೆ ಮಂಜ(43) ಅರೆಸ್ಟ್ ಆಯಿನ ಆರೋಪಿ.
ಆರೋಪಿನ ಮಿತ್ತ್ ಬೆಂಗಳೂರು, ಕೋಲಾರ, ತುಮಕೂರು, ದಾವಣಗೆರೆ ಬೊಕ್ಕ ಚಿಕ್ಕಬಳ್ಳಾಪುರ ಜಿಲ್ಲೆದ ಬೇತೆ ಬೇತೆ ಪೊಲೀಸ್ ಠಾಣೆಡ್ 60ರ್ದ್ ಎಚ್ಚ ಕೇಸ್ ದಾಖಲಾತ್‌ಂಡ್‌ ಪಂದ್ ಹೆಚ್ಟುವರಿ ಎಸ್ಪಿ ತೆರಿಪಾಯೆರ್. ಸುದ್ದಿಗೋಷ್ಠಿಡ್‌ ಡಿವೈಎಸ್ಪಿ ದಿನಕರ ಪಿ.ಕೆ., ಒಡಿಪು ನಗರ ಠಾಣಾ ಪೊಲೀಸ್ ನಿರೀಕ್ಷಕೆರ್ ಮಂಜಪ್ಪ ಡಿ. ಆರ್. ಇತ್ತೆರ್.
