ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News

ಕತ್ತಲೆಗ್ ರೈಲ್ ಡ್ ಪೋನಗ ಮೊಬೈಲ್ ಡ್ ಜೋರಾದ್ ಪಾತೆರ್ರ ಬಲ್ಲಿ; ರೈಲ್ವೆದ ಪೊಸ ರೂಲ್ಸ್

May 10, 2022

ದೆಹಲಿ: ನನ ದುಂಬುಗು ರೈಲ್ ಡ್ ಪೋನಗ ಮೊಬೈಲ್ ಡ್ ಮಲ್ಲ ಸ್ವರಟ್ ಪಾತೆರುನೆನ್ ಬೊಕ್ಕ ಲೌಡ್ ಸ್ಪೀಕರ್ ದೀದ್ ಪದ್ಯ ಕೇನುನೆನ್ ರೈಲ್ವೆ ಇಲಾಖೆ ಪೊಸ ಮಾರ್ಗಸೂಚಿ ಪಾಡ್ದ್ ನಿಷೇಧ ಮಲ್ತ್ ದ್ಂಡ್.

ರೈಲ್ ಡ್ ಪೋಪಿನ ಜನಕ್ಲೆಗ್ ಆರಾಮ ಆದ್ ಬೊಕ್ಕ ಎಡ್ಡೆ ಪ್ರಯಾಣದ ಅನುಭವ ಕೊರ್ಪಿನ ಉದ್ದೇಶರ್ದ್ ಭಾರತೀಯ ರೈಲ್ವೆ ಇಲಾಖೆ ಪ್ರಯಾಣಿಕ ಸ್ನೇಹಿ ಪನ್ಪಿನ ಮಾರ್ಗಸೂಚಿನ್ ಮಲ್ತ್ ದ್, ಮಲ್ಲ ಸ್ವರಟ್ಟ್ ಪಾತೆರುನವ್, ಪದ್ಯನ್ ಮಲ್ಲ ಸ್ವರಟ್ಟ್ ಕೇನುನೆಡ್ದಾವರ ರೈಲ್ ಡ್ ಪೋಪಿನ ಜನಕ್ಲೆಗ್ ತೊಂದರೆ ಆಪುಂಡ್ ಪನ್ಪಿನ ಕಾರಣಗ್ ರೈಲ್ವೆ ಇಲಾಖೆ ಪೊಸ ಪ್ರಕಟನೇ ಮಲ್ತ್ ದ್ಂಡ್.

ರಾತ್ರಿ 10 ಗಂಟೆರ್ದ್ ಬೊಕ್ಕದ ಪ್ರಯಾಣಗ್ ಈ ಮಾರ್ಗಸೂಚಿಲು ಅನ್ವಯ ಆಪುಂಡ್. ಒಂಜಿ ವೇಳೆ ಈ ನಿಯಮನ್ ಉಲ್ಲಂಘನೆ ಮಲ್ತ್ಂಡ ರೈಲ್ವೆ ಸಿಬ್ಬಂದಿನ ಗಮನಗ್ ಕನವೊಡ್. ಸಮಸ್ಯೆನ್ ಸರಿ ಮಲ್ಪುನ ಜವಾಬ್ದಾರಿ ರೈಲ್ ದ ಸಿಬ್ಬಂದಿನ ಆದಿಪ್ಪುಂಡು..

ಊರ್ದ ಸುದ್ದಿ Regional News ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

ಇತ್ತೆ ಇತ್ತಿನ ಟೈಮ್ ಟೇಬಲ್ ಲೆಕ್ಕನೇ ಶಾಲೆ ಸುರು ; ಬಿ.ಸಿ.ನಾಗೇಶ್

May 6, 2022

ಬೆಂಗ್ಳೂರ್, ಮೇ 06: 2022-23 ನೇ ಸಾಲ್ ದ ತರಗತಿಲು ಸುರು ಆಪಿನೆಟ್ಟ್ ಒವ್ವೆ ರೀತಿದ ಬದಲಾವಣೆ ಇಜ್ಜಿ, ಮೇ 16 ಜೆಡ್ದ್ ದುಂಬು ಇತ್ತಿನ ವೇಳಾಪಟ್ಟಿಲೆಕ್ಕ ಶಾಲೆ ಸುರು ಆಯರೆ ಉಂಡು ಪಂದ್ ಪ್ರಾಥಮಿಕ ಬೊಕ್ಕ ಪ್ರೌಢಶಿಕ್ಷಣ ಸಚಿವೆರ್ ಆಯಿನ ಬಿ.ಸಿ.ನಾಗೇಶ್ ಪಂಡೆರ್.

ಸುದ್ದಿಗೋಷ್ಠಿಡ್ ಪಾತೆರ್ದಿನ ಆರ್, ರಾಜ್ಯಡ್ ಕೆಲವು ಕಡೆ ಬೆಚ್ಚ ಗಾಳಿ ಜಾಸ್ತಿಯಾಂಡಲ ಶಾಲೆ ಬೊಕ್ಕ ಪದವಿ ಪೂರ್ವ ಕಾಲೇಜ್ ದ ಶೈಕ್ಷಣಿಕ ವೇಳಾಪಟ್ಟಿದ ಮಿತ್ತ್ ಒವ್ವೆ ರೀತಿದ ಪರಿಣಾಮ ಬೂರುಜಿ ಪಂದ್ ಸ್ಪಷ್ಟನೆ ಕೊರಿಯೆರ್.

ಕೋವಿಡ್ ಇತ್ತಿನೆಡ್ದಾವರ ಕರೀನ ರಡ್ಡ್ ವರ್ಷ ಕಲ್ಪುನ ವಿಷಯಡ್ ಮಸ್ತ್ ನಷ್ಟ ಆತ್ಂಡ್. ಅಂಚಾದ್ ಈ ಸರ್ತಿ ಇಲಾಖೆ ಬೇಸಿಗೆ ರಜೆನ್15 ದಿನ ಕಮ್ಮಿ ಮಲ್ತ್ ದೆರ್.

ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜಕೀಯ ಸುದ್ದಿ | Political News ರಾಜ್ಯದ ಸುದ್ದಿ | State News

ಎಲ್ಲೆ ಪರ ಊರುಗು ಪೋಯೆರೆ ಉಲ್ಲೆರ್ ಪ್ರಧಾನಿ ಮೋದಿ

May 1, 2022

ನವದೆಹಲಿ: ಎಲ್ಲೆರ್ದ್ ಮೇ 4 ಮುಟ , ಪ್ರಧಾನಮಂತ್ರಿ ನರೇಂದ್ರ ಮೋದಿ ಜರ್ಮನಿ, ಡೆನ್ಮಾರ್ಕ್ ಬೊಕ್ಕ ಫ್ರಾನ್ಸ್ ದೇಶಗ್ ಪ್ರವಾಸ ಪೋಯೆರೆ ಉಲ್ಲೆರ್ .

ಪ್ರಧಾನಿ ನರೇಂದ್ರ ಮೋದಿ ಮೆರ್ನ ಈ ವರ್ಷದ ಸುರುತ ಪ್ರವಾಸ ಉಂದು ಆತುಂಡು , ಮೇರ್ ಆ ದೇಶದ ಬೇತೆ ಬೇತೆ ಸಭೆಟ್ ಪಾಲ್ ಪಡೆಯರೇ ಉಲ್ಲೆರ್ ಪಂದ್ ಪ್ರಧಾನಿ ಕಚೇರಿ ಮಾಹಿತಿ ಕೊರ್ತುಂಡು .

ಬೆಂಗ್ಳೂರು ತುಳು ಪರ್ಬ – 2022

Apr 30, 2022

ಬೆಂಗ್ಳೂರುದ ಪ್ರಮುಖ ತುಳು ಸಂಘಟನೆ, ಕರಿನ ಸರ್ತಿದ “ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ” ಪ್ರತಿಷ್ಠಿತ ಸಂಘಟನಾ ಪ್ರಶಸ್ತಿ ಪಡೆಯಿನ “ತುಳುವೆರೆಂಕುಲು ಬೆಂಗಳೂರು (ರಿ.)” 30 ನೇ ವರ್ಷಾಚರಣೆದ ಒರುಟ್ಟು ರಾಜಬೂಡು ಬೆಂಗಳೂರುಡು “ಬೆಂಗ್ಳೂರು ತುಳು ಪರ್ಬ -2022” ನ್ ಅಟ್ಟಣೆ ಮಲ್ದೆರ್. ಉಂದೇ ಬರ್ಪಿನ ಮೇ 15 ಐತಾರ ಕಾಂಡೆ 9.30 ಡ್ಡ್ ರಾತ್ರೆ 8.30 ಮುಟ್ಟ ಬೆಂಗಳೂರುದ “ರವೀಂದ್ರ ಕಲಾ ಕ್ಷೇತ್ರ”ಡ್ ಈ ಲೇಸ್ ನಡಪೆರುಂಡು.

ಡಾ. ಹೇಮಾವತಿ ಹೆಗ್ಗಡೆ ಧರ್ಮಸ್ಥಳ ಲೇಸ್ ನ್ ಉದಿಪನ ಮಲ್ಪೆರುಲ್ಲೆರ್. ಕನ್ನಡ ಬೊಕ ಸಂಸ್ಕೃತಿ ಇಲಾಖೆದ ಮಂತ್ರಿಲು ಶ್ರೀ ವಿ. ಸುನೀಲ್ ಕುಮಾರ್, ಶ್ರೀ ಡಿ.ಸುರೇಂದ್ರ ಕುಮಾರ್, ಮಾಜಿ ಲೋಕಾಯುಕ್ತೆ ಜಸ್ಟಿಸ್ ಸಂತೋಷ್ ಹೆಗ್ಡೆರ್, ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಗುರ್ಕಾರ್ಲು ಶ್ರೀ ದಯಾನಂದ ಕತ್ತಲ್ ಸಾರ್, ತುಳು-ಕನ್ನಡ ಅಂತಾರಾಷ್ಟ್ರೀಯ ಸಾಂಸ್ಕೃತಿಕ ಸಂಘಟಕೆರಾಯಿನ ದುಬೈ ಕರ್ನಾಟಕ ಸಂಘದ ಗುರ್ಕಾರ್ಲು ಶ್ರೀ ಸರ್ವೋತ್ತಮ ಶೆಟ್ಟಿ, ಪ್ರೊ.ಕಬಡ್ಡಿ ಬೊಳ್ಳಿಲು ಶ್ರೀ ಪ್ರಶಾಂತ್ ರೈ ಕೈಕಾರ ಬೊಕ ಶ್ರೀ ಸಚಿನ್ ಸುವರ್ಣ ಅಂಚನೇ ಹಲವಾರ್ ಗಣ್ಯಾತಿಗಣ್ಯೆರ್ ಮುಖ್ಯ ಬಿನ್ನೆರಾದ್ ಲೇಸ್ ಡ್ ಪಾಲ್ ಪಡೆವೆರುಲ್ಲೆರ್.

ಅಂಚೆನೇ ದೇಶ ವಿದೇಶೊಡು ಇಪ್ಪುನ ಸಾಂಸ್ಕೃತಿಕ, ಕ್ರೀಡೆ, ಸಿನೆಮಾ, ರಾಜಕೀಯ, ಸಾಮಾಜಿಕ ಕ್ಷೇತ್ರದ ಸಾಧಕ ಗಣ್ಯೆರ್ ; ಬೆಂಗಳೂರುದ ವಿವಿಧ ತುಳು – ಕನ್ನಡ ಸಂಘಟನೆದಕುಲು ಈವೊಂಜಿ ತುಳು ಸಾಂಸ್ಕೃತಿಕ ಪರ್ಬೊಡು ಪಾಲ್ ಪಡೆವೆರುಲ್ಲೆರ್.

ಈ ಲೇಸ್ ಡ್ ಸಾಂಪ್ರದಾಯಿಕ ಬಿಸು ಆಚರಣೆ ನಡಪೆರುಂಡು. ತುಳು ಸಮುದಾಯೊಗು ಪೆರ್ಮೆ ದಿಂಜಾದಿನ ವಿಶೇಷ ಸಾಧಕೆರೆಗ್ ಪ್ರತಿಷ್ಠಿತ ವಾರ್ಷಿಕ “ಬಲಿಯೇಂದ್ರ ಪುರಸ್ಕಾರ” ; ಅಂಚನೇ ವಿವಿಧ ಕ್ಷೇತ್ರದ ಯುವ ಸಾಧಕೆರೆಗ್ ಲೇಸ್ ದ ಚಾವಡಿಡ್ ವಿಶೇಷ ಮಾನಾದಿಗೆ ನಡಪೆರುಂಡು.
ಪುಗಾರ್ತೆದ ಕಲಾ ತಂಡೊಲೆಡ್ದ್ ; ತಾರಾ ಕಲಾವಿದೆರೆಡ್ಡ್ ವೈವಿಧ್ಯಮಯ ತುಳು ಸಾಂಸ್ಕೃತಿಕ ಮನೋರಂಜನೆಲು ನಡಪೆರುಂಡು. ಡಾ. ಹೇಮಾವತಿ ಹೆಗ್ಗಡೆ ಧರ್ಮಸ್ಥಳ ಮೇರ್ ಬರೆದ್ ನಿರ್ದೇಶನ ಮಲ್ದಿನ ಹಾಸ್ಯಮಯ ತುಳು ನಾಟಕ “ಕೃಷ್ಣ ಸಂದಾನೋ” ನಡಪೆರುಂಡು.

ನಮ್ಮ ಭಾಷೆ, ಸಂಸ್ಕೃತಿ, ಕಲೆ, ಕ್ರೀಡೆ, ಸಾಹಿತ್ಯ, ಆಚಾರ ವಿಚಾರೊಲೆನ ಬುಳೆಚಿಲ್ಗಾದ್; ಪೊಸ ಪೀಳಿಗೆಗ್ ಪೊಲಬು ಮಲ್ಪೆರೆಗಾದ್ ತನ್ಕುಲು ಮಾತೆರ್ಲಾ ಹೆಚ್ಚಿನ ಸಂಖ್ಯೆಡ್ ಬತ್ತ್ ದ್ “ಬೆಂಗ್ಳೂರು ತುಳು ಪರ್ಬ -2022” ಡ್ ಪಾಲ್ ಪಡೇದ್ ಲೇಸ್ ದ ಪೊರ್ಲಪೊಲಿ ಎಚ್ಚಾವೊಡುಂದು ಅರ್ತಿ ಪಿರ್ತಿದ ಬಿನ್ನಯೋ.

ಮಾತೆರೆನ್ಲಾ ಮೋಕೆಡ್ ಎದುಕೊನುನಾ…

ವೈ. ಜಯಂತ್ ರಾವ್ ಗುರ್ಕಾರ್ಲು

ಪಳ್ಳಿ ವಿಶ್ವನಾಥ ಶೆಟ್ಟಿ ಮುಖ್ಯ ಕಾರ್ಯಂತೆರ್

ಪದಾಧಿಕಾರಿನಕುಲು,
ಸರ್ವ ಸದಸ್ಯೆರ್

ತುಳುವೆರೆಂಕುಲು ಬೆಂಗ್ಳೂರು (ರಿ.)

ಮೇ 20 ರಾಜ್ ಸೌಂಡ್ಸ್ ಆ್ಯಂಡ್ ಲೈಟ್ಸ್ ಸಿನಿಮಾ ಬುಡುಗಡೆ

Apr 19, 2022

ಒಂದು ಮೊಟ್ಟೆಯ ಕಥೆ ಪಿಚ್ಚರ್ ದ ಮುತಾಲಿಕೆಡ್ ವೈಭವ್ ಪ್ರಿಕ್ಸ್ ಅಡಿಟ್, ಮ್ಯಾಂಗೋ ಪಿಕಲ್ ಬ್ಯಾನರ್ ಸಹಭಾಗಿತ್ವಡ್ ರಾಹುಲ್ ಅಮೀನ್ ನಿರ್ದೇಶನ ಮಲ್ತಿನ “ರಾಜ್‌ ಸೌಂಡ್ಸ್‌ ಆ್ಯಂಡ್‌ ಲೈಟ್ಸ್‌” ಮೇ 20 ತಾರೀಕ್ ಗ್ ತುಳುನಾಡ್ ಡ್ ಬುಡುಗಡೆ ಆಯರೇ ಉಂಡು. ಈ ಪಿಚ್ಚರ್ ಫ್ಯಾಮಿಲಿ ಎಂಟರ್ಟೈ ನ್ಮೆಂಟ್ ಆದಿತ್ತ್ ದ್, ಪಿಚ್ಚರ್ ದ ಟೀಸರ್ ಕೆಲ ದಿನಟ್ಟೆ ಲಕ್ಷರ್ದ್ ಲ ಮಿತ್ತ್ ವೀಕ್ಷಣೆ ಪಡೆದ್ ತುಳು ಚಿತ್ರರಂಗಡ್ ಇತಿಹಾಸನ್ ಸೃಷ್ಟಿ ಮಲ್ತ್ ದ್ಂಡ್.

ಈ ಪಿಚ್ಚರ್ 11 ದೇಶಲೆಡ್ ಬೊಕ್ಕ ಭಾರತದ 6 ಪ್ರಮುಖ ನಗರಡ್ ಸುರುತ್ತ ಪ್ರದರ್ಶನ ನಡಪರೆ ಉಂಡು. ರಾಜ್ ಸೌಂಡ್ಸ್ ಅಂಡ್ ಲೈಟ್ಸ್ ಪಿಚ್ಚರ್ ದ ಉದಿಪನ ಏ.24 ತಾರೀಕ್ ಗ್ ದುಬೈದ ಹೋಟೆಲ್ ಮಾರ್ಕೊ ಪೋಲೋ ಅಲ್ ಮತೀನಾ ಸೇಂಟ್ ದೇರಾಡ್ ಲೇಸ್ ನಡಪರೆ ಇತ್ತ್ ದ್ ಬೊಕ್ಕ ಆಯಿತ್ತ ಲೆಪ್ಪೋಲೆನ್ ಏ.18 ತಾರೀಕ್ ಸೋಮಾರದಾನಿ ಬುಡುಗಡೆ ಮಲ್ತೆರ್.

USA, ಯುನೈಟೆಡ್ ಕಿಂಗ್‌ಡಮ್, ಬಹ್ರೇನ್, ಕುವೈತ್, ನೈಜೀರಿಯಾ, ಜಾಂಬಿಯಾ, ಸೌದಿ ಅರೇಬಿಯಾ, ಇಸ್ರೇಲ್, ಕತಾರ್, ಯುಎಇ (ದುಬೈ, ಅಬುಧಾಬಿ, ಶಾರ್ಜಾ) ಬೊಕ್ಕ ಒಮಾನ್‌ ಡ್ ಪಿಚ್ಚರ್ ದ ಪ್ರೀಮಿಯರ್ ಶೋ ನಡಪರೆ ಉಂಡು.

ಭಾರತದ ಆಜಿ ಪೇಂಟೆಯಾಯಿನ ಬೊಂಬೈ, ಪುಣೆ, ಬರೋಡಾ, ಮೈಸೂರ್ ಬೊಕ್ಕ ಬೆಂಗ್ಳೂರ್ ಡ್ ರಾಜ್ ಸೌಂಡ್ಸ್ ಬೊಕ್ಕ ಲೈಟ್ಸ್ ದ ವಿಶ್ವ ಸುರುತ್ತ ಪ್ರದರ್ಶನಗ್ ಸಾಕ್ಷಿಯಾಯಾರೇ ಉಂಡು. ಉಂದು 11 ದೇಶ ಬೊಕ್ಕ ಭಾರತದ ಆಜಿ ನಗರಡ್ ಪ್ರೀಮಿಯರ್ ಶೋ ಆಯಿನ ಸುರುತ್ತ ಚಿತ್ರ ಆತ್ಂಡ್.

ಪಿಚ್ಚರ್ ನ್ ಆನಂದ್ ಎಂ ನಿರ್ಮಾಣ ಮಲ್ತ್ ದಿತ್ತ್ ದ್, ಬಿ.ಅಶೋಕ್ ಕುಮಾರ್, ಸೀತಾರಾಮ್ ಶೆಟ್ಟಿ, ಅಜಯ್ ಬಾಳಿಗಾ, ಸುಹಾನ್ ಪ್ರಸಾದ್, ಪವನ್ ಕುಮಾರ್, ನಿತಿನ್ ರಾಜ್ ಶೆಟ್ಟಿ ಬೊಕ್ಕ ಅರ್ಪಿತ್ ಅಡ್ಯಾರ್ ಸಹ ನಿರ್ಮಾಪಕೆರಾತೆರ್.

ನಾಯಕೆ ನಟೆ ವಿ.ಜೆ.ವಿನೀತ್ ಪಿಚ್ಚರ್ ಗ್ ಕಥೆ, ಚಿತ್ರಕಥೆನ್ ಬರೆತ್ತೆರ್. ಜೇಕಬ್ ಜಾನ್ಸನ್ ಸಾಕಾರನ್ ಮಲ್ತೆರ್. ಗಿರ್ಗಿಟ್ ಪುಗರ್ತೆದ ಪ್ರಸನ್ನ ಶೆಟ್ಟಿ ಬೈಲೂರು ಸಂಭಾಷಣೆನ್ ಬರೆತ್ತೆರ್. ಪಿಚ್ಚರ್ ಗ್ ಪದನ್ ಸೃಜನ್ ಕುಮಾರ್ ತೋನ್ಸೆ ಸಂಯೋಜನೇ ಮಲ್ತೆರ್.

ರಾಜಣ್ಣನ ಮಗೆ ರಿಶಿ ಒರಿ ಈವೆಂಟ್‌ ಮ್ಯಾನೇಜರ್‌. ಯಾನ್ ಒರಿ ಮಲ್ಲ ವ್ಯಕ್ತಿಯಾವೊಡ್ ಪನ್ಪಿನ ಬಗೆಟ್ಟ್ ಮಸ್ತ್ ಪೊರ್ಂಬಾಟ ಮಲ್ತೊಂದಿಪ್ಪುವೆ. ಒಂಜಿ ಮಲ್ಲ ಲೇಸ್ ನ್ ಆಯೋಜನೆ ಮಲ್ತ್ ದ್ ಆಯಿಟ್ಟ್ ಆಯೇ ಯಶಸ್ವಿಯಾಯೆನ ಇಜ್ಜೆನ ಪನ್ಪಿನವ್ ಈ ಚಿತ್ರದ ಕಥೆಯಾತ್ಂಡ್.

ರಾಜ್ ಸೌಂಡ್ಸ್ ಆ್ಯಂಡ್ ಲೈಟ್ಸ್ ತುಳು ಪಿಚ್ಚರ್ ಫೆಬ್ರವರಿ ತಿಂಗೋಲ್ ಡ್ ಬುಡುಗಡೆ ಮಲ್ಪಿನವ್ ಪಂದ್ ಘೋಷಣೆ ಮಲ್ತಿತೆರ್. ಕೋವಿಡ್ ಕಾರಣರ್ದಾವರ ತಾರೀಕ್ ನ್ ದುಂಬು ದೀದಿತ್ತ್ ದ್, ಇತ್ತೆ ಪಿಚ್ಚರ್ ಬುಡುಗಡೆ ಆಯರೇ ಪೊಸ ತಾರೀಕ್ ನ್ ಘೋಷಣೆ ಮಲ್ತೆರ್.

ಪಿಚ್ಚರ್ ಡ್ ತುಳುನಾಡ್ ದ ಕಾಮಿಡಿ ಕಿಂಗ್ ಅರವಿಂದ್ ಬೋಳಾರ್ ಅಭಿನಯ ಮಲ್ತಿನ ಇಂಟ್ರೋ ಟೀಸರ್ ಇತ್ತೆ ಯೂಟ್ಯೂಬ್ ಡ್ ಎಡ್ಡೆ ರೀತಿಡ್ ಪ್ರತಿಕ್ರಿಯೆ ವ್ಯಕ್ತ ಆವೊಂದ್ಂಡ್. ಒಂದು ಮೊಟ್ಟೆಯ ಕಥೆತ್ತ ಚಿತ್ರತಂಡ ಇತ್ತೆ ರಾಜ್ ಸೌಂಡ್ಸ್ ಆ್ಯಂಡ್ ಲೈಟ್ಸ್ ಪನ್ಪಿನ ಕಾಮಿಡಿ ಅಂಚನೆ ಕೌಟುಂಬಿಕ ಕಥಾ ಸಾರಾಂಶ ಇತ್ತಿನ ಪಿಚ್ಚರ್ ನ್ ಬುಡುಗಡೆ ಮಲ್ಪರೆ ತಯಾರ್ ಆತ್ಂಡ್.

ಕರ್ನಾಟಕ ರಾಜ್ಯ ದೇವಾಡಿಗ ಸಂಘದ ಅಧ್ಯಕ್ಷೆರ್ ಡಾ.ದೇವರಾಜ್ ಕೆ, ದಯಾನಂದ್ ಕತ್ತಲ್ಸಾರ್, ಪಿ.ಅಶೋಕ್, ಪ್ರಕಾಶ್ ಪಾಂಡೇಶ್ವರ, ಮೋಹನ್ ಬಂಟ್ವಾಳ, ನವರಸ ರಾಜೆ ಬೋಜರಾಜ್ ವಾಮಂಜೂರ್, ರೋಷನ್ ರೋನಾಲ್ಡ್, ನಾಯಕ ನಟಿ ಚೈತ್ರಾ ಶೆಟ್ಟಿ ಅಂಚನೇ ಮಸ್ತ್ ಲೇಸ್ ಡ್ ಪಾಲ್ ಪಡೆದಿತ್ತೆರ್.

ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News ರಾಜ್ಯದ ಸುದ್ದಿ | State News

“ನನ್ನಮ್ಮ ಸೂಪರ್ ಸ್ಟಾರ್”ರಿಯಾಲಿಟಿ ಶೋ ಗೆಂದಿನ ಯಶಸ್ವಿನಿ- ವಂಶಿಕಾ ಜೋಡಿ

Apr 4, 2022

ಬೆಂಗ್ಳೂರು : ಕನ್ನಡದ ಪುಗಾರ್ತೆದ ರಿಯಾಲಿಟಿ ಶೋಟು ಒಂಜಾಯಿನ “ನನ್ನಮ್ಮ ಸೂಪರ್ ಸ್ಟಾರ್” ಡ್ ಕನ್ನಡ ಸಿನಿಮಾರಂಗದ ನಟ ಆನಂದ ಬೊಕ್ಕ ಯಶಸ್ವಿನಿ ದಂಪತಿಲೆನ ಮಗಲ್ ವಂಶಿಕ ಅಂಜನಿ ಕಶ್ಯಪ್ ಗೆಂದಿಯೆರ್ .

12 ಅಮ್ಮನಕುಲು ಬೊಕ್ಕ ಜೋಕುಲು ಪಾಲ್ ಪಡೆಯಿನ ಈ ಪಂಥ ನವಂಬರ್ 27 ಕ್ಕ್ ಸುರು ಆದ್ ಇತ್ತುಂಡು . ರಡ್ಡನೇ ತಾನೊನು ಸ್ಥಾನವನ್ನು ಪುನೀತಾ ಬೊಕ್ಕ ಮಗಲ್ ಆರ್ಯ, ಪಡೆತೆರ್ .

ಮದಿಮೆದ ವಿಚ್ಚೇದನ’ದ ಬಗ್ಗೆ ಹೈಕೋರ್ಟ್ರ್ದ್ ಮಹತ್ವದ ತೀರ್ಪು

Mar 27, 2022

ಬೆಂಗ್ಳೂರು : ಮದಿಮೆದ ವಿಚ್ಛೇದನದ ಬಗ್ಗೆ ಹೈಕೋರ್ಟ್ ಮಹತ್ವದ ತೀರ್ಪು ಕೊರ್ತುಂಡು , ದಂಪತಿನ ನಡುಟು ಮನಸ್ತಾಪ, ಲಡಾಯಿ ಉಂಡು ಅಂಚನೆ ಅಕುಲು ಬೇತೆನೇ ಉಲ್ಲೆರ್ ಹಾಗೂ ಪಂದ್ ಆಂಡ ಅವೆನ್ ಮದಿಮೆದ ವಿಚ್ಛೇದನದ ಬಿನ್ನಾಪುನು ಲೆಕ್ಕಗ್ ದೀಯೊಡು ಪಂದ್ ಇಜ್ಜಿ ಪಂದ್ ಪಂತೆರ್.

ಮದಿಮೆದ ವಿಚ್ಛೇದನಗ್ ಆದೇಶ ಕೊರಿನ ಬೆಂಗ್ಳೂರುದ ನಾಲನೆ ಹೆಚ್ಚುವರಿ ಕೌಟುಂಬಿಕ ನ್ಯಾಯಾಲಯದ ಕ್ರಮನ್ ಹೈಕೋರ್ಟ್ ರದ್ದು ಮಲ್ದುಂಡು , 9 ವರ್ಷರ್ದ್ ಕಂಡನಿ ಬೊಡೆದಿ ಬೇತೆನೇ ವಾಸವಾದ್ ಇತ್ತುಂಡ ಅವು ವಿಚ್ಛೇದನಗ್ ಅರ್ಹ ಪಂದ್ ತೀರ್ಪು ಕೊರಿನ ಕ್ರಮ ಸರಿ ಅತ್ತ್ ಪಂದ್ ಹೈಕೋರ್ಟ್ ಪಂತುಂಡು .

ಆನ್ಲೈನ್ ಗ್ಯಾಂಬ್ಲಿಂಗ್ ತಡೆ ಕಾನೂನು ನು ಕುಡ ಉಂತಾಯಿನ ಹೈಕೋರ್ಟ್

Mar 17, 2022

ಬೆಂಗ್ಳೂರು: ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಮಾರ್ಚ್ 4ಕ್ಕ್ ಮಂಡನೆ ಮಲ್ತಿನ ರಾಜ್ಯ ಆಯವ್ಯಯದ ಬಗ್ಗೆ ವಿಧಾನಮಂಡಲದ ಉಭಯ ಸದನಡ್ ಲಾ ಚರ್ಚೆ ಆವೊಂದು ಉಂಡು .

ಕೋಡೆ ವಿಧಾನಸಭೆಟ್ ಕಾಂಗ್ರೆಸ್ ಶಾಸಕ, ಮಾಜಿ ಸ್ಪೀಕರ್ ರಮೇಶ್ ಕುಮಾರ್ ಮೇರ್ ಪಾಲ್ ಪಡೆದ್ ಇತ್ತೆರ್ .ಈ ಪೊರ್ತುಡು ಆನ್ಲೈನ್ ಗ್ಯಾಂಬ್ಲಿಂಗ್ ತಡೆ ಕಾನೂನುನು ಕುಡ ಉಂತಾವೊಡು ಪಂದ್ ಹೈಕೋರ್ಟ್ ಆದೇಶ ಕೊರ್ತುಂಡು.

ಐನ್ ರಾಜ್ಯೊದ ವೋಟು : ಕುಡೊರ ಸೋತಿನ ಕಾಂಗ್ರೆಸ್ ಪಕ್ಷ 3 ರಾಜ್ಯಡ್ ಬಿಜೆಪಿ ಅಧಿಕಾರಗ್

Mar 10, 2022

ಪಂಜಾಬ್ : ದುಂಬುದ ಲೋಕಸಭಾ ಚುನಾವಣೆಗ್ ದಿಕ್ಸೂಚಿ ಪಂದೆ ಪನೊಂದು ಉಪ್ಪುನ ಐನ್ ರಾಜ್ಯದ ಓಟುದ ಲೆಕ್ಕ ಕಾಂಡೆ 8 ಗಂಟೆಗ್ ಸುರು ಆತುಂಡು, ಈ ಸಲಲ ಕಾಂಗ್ರೆಸ್ ಗೋವಾ ಬುರ್ದು ಬೇತೆ ಕಡೆಟ್ ಸೋತುಂಡು..

ಉತ್ತರ ಪ್ರದೇಶ, ಉತ್ತರಾಖಂಡ್ ಡ್ ಬಿಜೆಪಿ ಸ್ಪಷ್ಟ ಬಹುಮತ ಪಡೆತುಂಡು . ಮಣಿಪುರಡ್ ಸರಳ ಬಹುಮತ ಪಡೆತ್oಡ್ . ಗೋವಾಡ್ ಮಾಮಲ್ಲ ಪಕ್ಷವಾದ್ ಮೂಡ್ದು ಬತ್ತುಂಡಲ ಜಾಸ್ತಿ ಮತ ಪಡೆತ್ ಜಿ . ಗೋವಾದ 40 ತಾನೋದ ಪೈಕಿ ಬಿಜೆಪಿ 17, ಕಾಂಗ್ರೆಸ್ 16, ಎಎಪಿ 2 ಬೊಕ್ಕ ಇತರೆ 3 ತಾನೊ ಪಡೆತೆರ್.

Classifieds ಜಾಹೀರಾತು ಕ್ಲಾಸಿಪೈಡ್ ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ರಾಜಕೀಯ ಸುದ್ದಿ | Political News ರಾಜ್ಯದ ಸುದ್ದಿ | State News

ರಾಜೀನಾಮೆಗ್ ದುಂಬು ಬತ್ತಿನ ಪಂಜಾಬ್‌ ಸಿಎಂ ಚನ್ನಿ

Mar 10, 2022

ಪಂಜಾಬ್ : ವಿಧಾನಸಭೆ ವೋಟುಡು ಕಾಂಗ್ರೆಸ್‌ ಭಾರಿ ಪಿರ ಉಪ್ಪುನೆರ್ದಾವರ ಪಂಜಾಬ್‌ ಸಿಎಂ ಚರಣ್‌ಜಿತ್‌ ಸಿಂಗ್‌ ಚನ್ನಿ ಕೆಲವೇ ಪೊರ್ತುಡು ಮುಖ್ಯಮಂತ್ರಿ ಸ್ಥಾನಗ್ ರಾಜೀನಾಮೆ ಕೊರ್ರೆ ಉಲ್ಲೆರ್ ಪಂದ್ ಮಾಹಿತಿ ತಿಕ್ಕ್ ದುಂಡು ರಾಜ್ಯಪಾಲ ಬನ್ವರಿಲಾಲ್‌ ಪುರೋಹಿತ್‌ ಮೆರೆನ್ ಭೇಟಿ ಮಲ್ತ್ ರಾಜೀನಾಮೆ ಕೊರಿಯೆರೆ ಉಲ್ಲೆರ್ .

ಕರ್ನಾಟಕ ರಾಜ್ಯಡ್ ಸುದ್ದಿಲು | Karnataka News

ಕತ್ತಲೆಗ್ ರೈಲ್ ಡ್ ಪೋನಗ ಮೊಬೈಲ್ ಡ್ ಜೋರಾದ್ ಪಾತೆರ್ರ ಬಲ್ಲಿ; ರೈಲ್ವೆದ ಪೊಸ ರೂಲ್ಸ್

ಇತ್ತೆ ಇತ್ತಿನ ಟೈಮ್ ಟೇಬಲ್ ಲೆಕ್ಕನೇ ಶಾಲೆ ಸುರು ; ಬಿ.ಸಿ.ನಾಗೇಶ್

ಎಲ್ಲೆ ಪರ ಊರುಗು ಪೋಯೆರೆ ಉಲ್ಲೆರ್ ಪ್ರಧಾನಿ ಮೋದಿ

ಬೆಂಗ್ಳೂರು ತುಳು ಪರ್ಬ – 2022

ಮೇ 20 ರಾಜ್ ಸೌಂಡ್ಸ್ ಆ್ಯಂಡ್ ಲೈಟ್ಸ್ ಸಿನಿಮಾ ಬುಡುಗಡೆ

“ನನ್ನಮ್ಮ ಸೂಪರ್ ಸ್ಟಾರ್”ರಿಯಾಲಿಟಿ ಶೋ ಗೆಂದಿನ ಯಶಸ್ವಿನಿ- ವಂಶಿಕಾ ಜೋಡಿ

ಮದಿಮೆದ ವಿಚ್ಚೇದನ’ದ ಬಗ್ಗೆ ಹೈಕೋರ್ಟ್ರ್ದ್ ಮಹತ್ವದ ತೀರ್ಪು

ಆನ್ಲೈನ್ ಗ್ಯಾಂಬ್ಲಿಂಗ್ ತಡೆ ಕಾನೂನು ನು ಕುಡ ಉಂತಾಯಿನ ಹೈಕೋರ್ಟ್

ಐನ್ ರಾಜ್ಯೊದ ವೋಟು : ಕುಡೊರ ಸೋತಿನ ಕಾಂಗ್ರೆಸ್ ಪಕ್ಷ 3 ರಾಜ್ಯಡ್ ಬಿಜೆಪಿ ಅಧಿಕಾರಗ್

ರಾಜೀನಾಮೆಗ್ ದುಂಬು ಬತ್ತಿನ ಪಂಜಾಬ್‌ ಸಿಎಂ ಚನ್ನಿ

You Missed

ಸೆ.25-27: ಸುರತ್ಕಲ್‌ ಬಂಟರ ಭವನಡ್ ಕೃಷಿ ಮೇಳ, ಆಹಾರ ಮೇಳ, ಹೋಳಿಗೆ ಪರ್ಬ ಬೊಕ್ಕ ಸಸ್ಯೋತ್ಸವ

“ತುಳು ಲಿಪಿ ಯುನಿಕೋಡ್‌ಗ್ ಸೇರ್ಸಾವರೆ ಬೆರಿಬಲ ಕೊರ್ತಿನಾರ್ ಮಾಜಿ ಸಚಿವೆರ್ ಅರವಿಂದ ಲಿಂಬಾವಳಿ”

ದೇವೆರೆ ಪಾದ ಸಂದಿನ ಯುವ ನಾಯಕೆ ಉದ್ಯಮಿ ಪ್ರತಿಕ್ ಶೆಟ್ಟಿ ಎಕ್ಕಾರು

ಶಿಮಂತೂರು ಹಾಲು ಉತ್ಪಾದಕರ ಮಹಿಳಾ ಸಹಕಾರಿ ಸಂಘದ 2025-26ನೇ ವರ್ಸದ ಸಭೆ