ಬೊಂಬಾಯಿದ ಸುದ್ದಿ | Mumbai News

ಆ.23 : ಪೂನಡ್ ವಾಲ್ಪಾಡಿ ದೇವಲ್ಯದ ಜೀರ್ಣೋದ್ಧಾರ ಮನವಿ ಬುಡುಗಡೆ ಲೇಸ್

Jul 21, 2022

ಶಿರ್ತಾಡಿದ ವಾಲ್ಪಾಡಿ ಶ್ರೀ ಮಹಾಲಿಂಗೇಶ್ವರ ದೇವಲ್ಯ ಅರ್ಜುನಾಪುರ ಬೊಕ್ಕ ಜೀರ್ಣೋದ್ಧಾರ ಸಮಿತಿ ಪೂನ ಉಂದೆತ್ತ ಮುತಾಲಿಕೆಡ್ ದೇವಲ್ಯ ಜೀರ್ಣೋದ್ಧಾರದ ಮನವಿ ಪತ್ರ ಬುಡುಗಡೆ ಲೇಸ್ ಆಗೋಸ್ಟ್ 23 ತಾರೀಕ್ ಗ್ ಸನಿವಾರ ಕಾಂಡೆ 10.30 ಗ್ ಪೂನದ ಮಹರ್ಷಿ ನಗರದ ಹೋಟೆಲ್ ಅತಿಥಿಡ್ ನಡಪರೆ ಉಂಡು.

ಈ ಲೇಸ್ ಗ್ ಜೀರ್ಣೋದ್ಧಾರ ಸಮಿತಿದ ಗೌರವಾಧ್ಯಕ್ಷೆರ್ ಅಂಚನೆ ಮುಲ್ಕಿ ಬೆದ್ರ ವಿಧಾನಸಭಾ ಕ್ಷೇತ್ರದ ಉಮಾನಾಥ ಎ. ಕೋಟ್ಯಾನ್ ಅಂಚನೆ ಮಸ್ತ್ ಅತಿಥಿಲು ಪಾಲ್ ಪಡೆಯರೆ ಉಲ್ಲೆರ್.

ಜಯಶ್ರೀಕೃಷ್ಣ ಪರಿಸರ ಪ್ರೇಮಿ ಸಮಿತಿ ಮುತಾಲಿಕೆಡ್ ಕರಾವಳಿ ಕರ್ನಾಟಕದ ಮಾಲಿನ್ಯ ನಿಯಂತ್ರಣ, ಕೈಗಾರೀಕರಣ – ವಿಚಾರ ವಿನಿಮಯ ಸಭೆ

Jul 20, 2022

ಬೊಂಬಾಯಿ : ಜಯಶ್ರೀಕೃಷ್ಣ ಪರಿಸರ ಪ್ರೇಮಿ ಸಮಿತಿದ ಮುತಾಲಿಕೆಡ್ ಕರಾವಳಿ ಕರ್ನಾಟಕದ ಮಾಲಿನ್ಯ ನಿಯಂತ್ರಿಸಿ ಕೈಗಾರೀಕರಣ – ವಿಚಾರ ವಿನಿಮಯ ಸಭೆ ಕುರ್ಲಾ ಬಂಟರ ಸಂಘ ಬೊಂಬಾಯಿದ ಬಂಟರ ಭವನದ ಎನೆಕ್ಸ್ ಚಾವಡಿಡ್ ಸಮಿತಿದ ಸಂಸ್ಥಾಪಕೆರ್ ತೋನ್ಸೆ ಜಯಕೃಷ್ಣ ಶೆಟ್ಟಿ ಮೇರ್ನ ಉಪಸ್ಥಿತಿಡ್ ಅಧ್ಯಕ್ಷರಾಯಿನ ಎಲ್ ವಿ ಅಮೀನ್ ಮೇರ್ನ ಗುರ್ಕಾರ್ಮೆಡ್ ನಡತ್oಡ್.

ಕುಡ್ಲದ ಬಲ್ಕುಂಜೆ, ಕೊಲ್ಲೂರ್ ಅಂಚನೆ ಉಳೆಪಾಡಿ ಗ್ರಾಮದ 1091 ಎಕ್ರೆ ಜಾಗೆನ್ ಕರ್ನಾಟಕ ಕೈಗಾರಿಕಾ ಅಭಿವೃದ್ಧಿ ಮಂಡಳಿದ ಯೋಜನೆಗಾದ್ ದೆತೊoದಿನ ಪ್ರಕ್ರಿಯೆದ ಬಗೆಟ್ ಬೊಂಬಾಯಿ ಮಹಾನಗರ ಅಂಚನೆ ಉಪನಗರದ ಬೇತೆ ಬೇತೆ ಸಂಘ-ಸಂಸ್ಥೆದ ಅಧ್ಯಕ್ಷೆರ್ ಅಂಚನೆ ಪದಾಧಿಕಾರಿಲೊಟ್ಟುಗ್ ವಿಚಾರ ವಿನಿಮಯ ಲೇಸ್ ನಡತ್oಡ್.

ಕರ್ನಾಟಕ ಸರಕಾರದ ಪೊಸತ್ತಾದ್ ರಾಸಾಯನಿಕ ಗೊಬ್ಬರ ಕಾರ್ಖಾನೆಲೆನ್ ಸ್ಥಾಪನೆ ಮಲ್ಪುನ ಬಗೆಟ್ ಸಂಘ-ಸಂಸ್ಥೆದ ಅಭಿಪ್ರಾಯ ಸಂಗ್ರಹಣೆ ಮಲ್ಪುನ ಬಗೆಟ್ ಚರ್ಚೆ ನಡತ್oಡ್. ಈ ಬಗೆಟ್ ಕೈತಲ್ ದ ಜನಕುಲು ಭೂಮಿನ್ ಬುಡ್ದ್ ಕೊರ್ಪಿನ ಸಂತ್ರಸ್ತೆರ್ ಅಂಚನೆ ಸ್ಥಳೀಯ ರಾಜಕಾರಣಿಲೆನೊಟ್ಟುಗ್ ಸಂವಾದ ಲೇಸ್ ನಡತ್oಡ್.

ಜಯಶ್ರೀಕೃಷ್ಣ ಪರಿಸರಪ್ರೇಮಿ ಸಮಿತಿದ ಪ್ರಧಾನ ಕಾರ್ಯದರ್ಶಿ ಮುಂಡ್ಕೂರು ಸುರೇಂದ್ರ ಸಾಲಿಯಾನ್ ಎದ್ಕೊನಿಯೆರ್. ಸಮಿತಿ ಉಪಾಧ್ಯಕ್ಷೆರ್ ನಿತ್ಯಾನಂದ ಕೋಟ್ಯಾನ್ ಪ್ರಾಸ್ತಾವಿಕ ಭಾಷಣ ಮಲ್ತೆರ್. ಸಭೆಟ್ ಸಮಿತಿಯ ಮಾಜಿ ಅಧ್ಯಕ್ಷೆರ್ ನ್ಯಾ. ಸುಭಾಷ್ ಬಿ. ಶೆಟ್ಟಿ, ಧರ್ಮಪಾಲ್ ದೇವಾಡಿಗ, ಹರೀಶ್ ಕುಮಾರ್ ಶೆಟ್ಟಿ, ಉಪಾಧ್ಯಕ್ಷೆರ್ ಧನಂಜಯ ಶೆಟ್ಟಿ, ಸಿಎ ಐ ಆರ್ ಶೆಟ್ಟಿ, ಜೊತೆ ಕೋಶಾಧಿಕಾರಿ ಸಂಜೀವ ಪೂಜಾರಿ, ಜೊತೆ ಕಾರ್ಯದರ್ಶಿ ಹ್ಯಾರೀ ಸಿಕ್ವೇರಾ, ಗೌರವ ಪ್ರಧಾನ ಕಾರ್ಯದರ್ಶಿ, ಆರ್ ಕೆ ಶೆಟ್ಟಿ, ಮೊಗವೀರ ವ್ಯವಸ್ಥಾಪಕ ಮಂಡಳಿಯ ಅಧ್ಯಕ್ಷ ಕೆ. ಎಲ್. ಬಂಗೇರ, ಬಿಲ್ಲವ ಚೇಂಬರ್ ಆಫ್ ಕಾಮರ್ಸ್ ಅಂಡ್ ಇಂಡಸ್ಟ್ರಿ ಸ್ ದ ಕಾರ್ಯಾಧ್ಯಕ್ಷೆರ್ ಎನ್. ಟಿ. ಪೂಜಾರಿ, ಬಂಟ್ಸ್ ಸಂಘ ಬೊಂಬಾಯಿದ ಡಾ. ಪ್ರಭಾಕರ ಶೆಟ್ಟಿ ಬೋಳ, ಸಾಫಲ್ಯ ಸೇವಾ ಸಂಘದ ಉಪಾಧ್ಯಕ್ಷ ಕೃಷ್ಣಕುಮಾರ್, ಬಂಗೇರ, ತೀಯಾ ಸಮಾಜದ ಮಾಜಿ ಅಧ್ಯಕ್ಷ ಚಂದ್ರಶೇಖರ ಬೆಳ್ಚಡ, ಕರ್ನಾಟಕ ವಿಶ್ವಕರ್ಮ ಅಸೋಸಿಯೇಷನ್ ದ ಮಾಜಿ ಅಧ್ಯಕ್ಷೆರ್ ಜಿಟಿ ಆಚಾರ್ಯ, ಜವಾಬ್ ಅಧ್ಯಕ್ಷ ಹರೀಶ್ ಶೆಟ್ಟಿ, ಬಿಲ್ಲವರ ಅಸೋಸಿಯೇಷನ್ ಬೊಂಬೈದ ಉಪಾಧ್ಯಕ್ಷ ಸುರೇಶ್ ಕುಮಾರ್, ದೇವಾಡಿಗ ಸಂಘ ಮುಂಬಯಿ ಮಾಜಿ ಅಧ್ಯಕ್ಷ ಹಿರಿಯಡ್ಕ ಮೋಹನ್ ದಾಸ್ ಸೇರಿನಂಚನೆ ಮಸ್ತ್ ಜನ ಪಾಲ್ ಪಡೆದಿತ್ತೆರ್.

A meeting on the environmental pollution in coastal Karnataka region organised by Jai Sri Krishna Parisara Premi Samiti:

Mumbai: A meeting under the auspices of Jai Shri Krishna Parisara Premi Samiti regarding the environmental pollution in coastal areas of Karnataka – discussion and debates was held at Bantara Bavana Mumbai in the presence of Tonse Jayakrishna Shetty and presided by L V Amin .

They discussed the consequences of 1091 acres of land taken over by the Karnataka industrial development authority at areas of Balkunje, Kollor and Ulaypady villages.

Concerns were raised regarding the plan of the Karnataka Government of starting a new fertilizer plant and the rehabilitation of people affected by the project.
Debates with the local politicians of the area was also conducted.

Chief secretary of the Jai Shri Krishna Parisara Premi Samiti Mundkur Surendra Salian welcomed the guests.Vice President Nityananda Kotian proposed. Former office bearers and members attended the meeting.

ಬೊಂಬೈದ ಮುನ್ಸಿಪಾಲಿಟಿ ಕನ್ನಡ ಶಾಲೆದ ಜೋಕುಲೆಗ್ ಪಣವುದ ಸಕಾಯ

Jul 14, 2022

ಬೊಂಬಾಯಿ: ತುಳು, ಕನ್ನಡ ಲೇಖಕೆರ್, ಕವಿ, ಪತ್ರಕರ್ತೆ, ಬೊಂಬಾಯಿ ಕನ್ನಡ ಸಂಘದ ಗೌರವ ಪ್ರಧಾನ ಕಾರ್ಯದರ್ಶಿ ಸೋಮನಾಥ ಎಸ್.ಕರ್ಕೇರ ಮೆರ್ನ ಮುತಾಲಿಕೆಡ್ ಬೊಂಬಾಯಿ ಸೆಂಟ್ರಲ್ ಸರ್ದಾರ್ ನಗರ ಮುನ್ಸಿಪಾಲಿಟಿ ಕನ್ನಡ ಶಾಲೆದ ಕಲ್ಪಾರ್ಥಿಲೆಗ್ ತಾಕತ್ತ್ ದ ತೆನಸ್ , ಅಮುಲ್ ಪೇರ್ ಅಂಚನೆ ಪ್ರತಿಭಾವಂತ ಕಲ್ಪಾರ್ಥಿಲು ಆಯಿನ ಅರ್ಚನಾ ಗುಲಾಲಿ ಬೊಕ್ಕ ಅರ್ಪಿತಾ ಗುಲಾಲಿ ಮೆರೆಗ್ ಪಣವುದ ಇನಾಮುನ್ ಪಟ್ಟುನ ಲೇಸ್ ಇಂಚೊಗು ನಡತ್ಂಡ್.

ಉಂದುವೇ ಪೊರ್ತುಡು 70 ನೇ ಪುಟ್ಟು ಪರ್ಬನ್ ವಿಶೇಷ ರೀತಿಡ್ ಆಚರಣೆ ಮಲ್ತಿನ ಸೋಮನಾಥ ಕರ್ಕೇರ ಮೇರೆಗ್ ಶಾಲಾ ಅಧ್ಯಾಪಕೆರ್ ಗಂಗಾಧರ ಶಿವಮಠ್, ಜಿ.ಎನ್. ಪಾಟೀಲ್ ಬೊಕ್ಕ ಶಾಲೆದ ಜೋಕುಲು ಎಡ್ಡೆಪ್ಪುನು ಬಯಕ್ಯೆರ್.

ಸೋಮನಾಥ ಕರ್ಕೇರ ಮೇರ್ ಪಾತೆರ್ದ್, ಪುಟ್ಟು ಪರ್ಬ ಒಂಜಿ ನೆಪ ಮಾತ್ರ. ಈ ನೆಪಟ್ಟ್ ಕನ್ನಡ ಶಾಲೆಡ್ ಕಲ್ಪುನ ಬಡವೆರ್ನ ಜೋಕುಲೊಟ್ಟುಗ್ ಒಂತೆ ಪೊರ್ತು ಕಳೆಯೊಂದು ಓಲೋಲು ಕೇಕ್, ಕ್ಯಾಂಡಲ್ ಗ್ ಮಲ್ಪುನ ಖರ್ಚ್ ದ ಕಾಸ್ ನ್ ಈ ಜೋಕುಲೆಗ್ ಕೊರ್ತೆ. ಬೊಂಬಾಯಿಡ್ ಕನ್ನಡ ಶಾಲೆ ಪಂಡ ಮಸ್ತ್ ಬಂಗಡ್ ಕಲ್ಪುನ ಜೋಕುಲು ಇಪ್ಪುನ ಶಾಲೆ ಪಂದ್ ಪಿರವು ಶಿಕ್ಷಕೆರ್ ಪಂಡಿನ ಪಾತೆರ ನೆಂಪುಗ್ ಬರ್ಪುಂಡು. ಮುಲ್ಪ 42 ಕನ್ನಡ ಶಾಲೆ ಉಂಡು. ಮೂಲು ಕಲ್ತೊಂದು ಇಪ್ಪುನ ಬಡವೆರ್ನ ಜೋಕುಲೆ ನಿಜವಾಯಿನ ಕನ್ನಡದ ಯೋಧರೆ. ಮೊಕುಲು ಕನ್ನಡ ಒರಿಪಾಲೆ ಪಂದ್ ಭಾಷಣ ಮಲ್ಪುನಕುಲು ಅತ್ತ್. ನಮ್ಮ ಪೇಂಟೆಡ್ ಮಸ್ತ್ ಕನ್ನಡ ಸಂಘಲು ಉಂಡು. ಈ ಬಗೆಟ್ಟ್ ಕೆಲವೆರ್ ಆಂಡಲಾ ಕನ್ನಡ ಶಾಲೆದ ಗಮನ ದೆತೊಂಡ ನನಾತ್ ಕನ್ನಡ ಶಾಲೆನ್ ಬೊಂಬಾಯಿಡ್ ಒರಿಪಾವೊಲಿ. ಮಾಟುಂಗಾ ಪೂರ್ವಡ್ ಇಪ್ಪುನ ಬೊಂಬಾಯಿ ಕನ್ನಡ ಸಂಘದ ಮುತಾಲಿಕೆಡ್ ಪ್ರತಿವರ್ಷ ಜೋಕ್ಲೆನ ದಿನಾಚರಣೆದಾನಿ ಕನ್ನಡ ಮಾಧ್ಯಮದ ರಾತ್ರೆ ಶಾಲೆಲೆಗ್ ಒಂಜೊಂಜಿ ಭೇಟಿ ಕೊರ್ದ್, ಕಲಿಕೆದ ಉಪಕರಣದೊಟ್ಟುಗು ಪಣವುದ ಸಕಾಯನ್ ಕೊರೊಂದ್ ಬರೊಂದುಲ್ಲ ಪಂಡೆರ್.

Municipal Kannada school in Mumbai get monitary aid:

Mumbai: Somnath S Karkera honorary secretary of Kannada Sangha Mumbai who is also a well known Kannada and Tulu writer, poet and journalist took lead in providing monitary aid to students of municipal Kannada school, Central Sardar nagar for nourishing food and milk and also distributing the cash prizes to meritorious students Archana and Arpita Gulabi .

In this noble way he celebrated his 70th birthday with warm wishes from the teachers and students othe school.

Speaking on the occasion he said it was his pleasure to spend time in the Kannada school with the children .He said that there were about 42 Kannada schools in Mumbai with children coming in from the lower rungs of the society.So there was a need to encourage these schools and the children.These children were the real warriors of Kannada language who were learning the language inspite of difficult surroundings.He also said that the Kannada organization in Mumbai must take note of these schools in their social service activities.As of now Kannada Sangha of Matunga were celebrating children’s day in Kannada night schools and distributing educational aids and monitary help which is notable .

ಗುರೂಜಿನ್ ಕೆರ್ತಿನ ರಡ್ಡ್ ಆರೋಪಿಲೆನ್ ಪತ್ತಿಯೆರ್ ಹುಬ್ಬಲ್ಲಿ ಪೊಲೀಸೆರ್

Jul 5, 2022

ಹುಬ್ಬಲ್ಲಿ : ಸರಳವಾಸ್ತು ತಜ್ಞೆರ್ ಚಂದ್ರಶೇಖರ ಗುರೂಜಿ ಮೆರೆನ್ ಬಿಸತ್ತಿ ಪಾಡ್ದ್ ಕೆರಿನ ರಡ್ಡ್ ಜನ ಆರೋಪಿಲೆನ್ ಪೊಲೀಸೆರ್ ಕೆಲವೇ ಗಂಟೆದುಲಯಿ ಪತ್ ದೆರ್.

ಕೆಲವು ವರ್ಸದ ಪಿರವುಡು ಗುರೂಜಿನ ಕೈತಲ್ ಕೆಲಸ ಮಲ್ತೊಂದಿತ್ತಿನ ವನಜಾಕ್ಷಿ ಪನ್ಪಿನಾಲ್ನ ಕಂಡನಿ ಮಹಂತೇಶ್ ಶಿರೋಳ್ ಬೊಕ್ಕ ಆಯನ ದೋಸ್ತಿ ಮಂಜುನಾಥ್ ಪನ್ಪಿನಕ್ಲೆನ್ ಪೊಲೀಸೆರ್ ಅರೆಸ್ಟ್ ಮಲ್ದೆರ್.

ಗುರೂಜಿ ವನಜಾಕ್ಷಿನ ಪುದರ್ ಡ್ ಆಸ್ತಿ ಮಲ್ತ್ ದಿತ್ತ್ ದ್ ಆ ಆಸ್ತಿ ವಿಚಾರೊಡು ಗಲಾಟೆ ಆದ್ ಕೊಲೆ ಆತ್ಂಡ್ ಪಂದ್ ಪೊಲೀಸೆರ್ ತೆರಿಪಾದೆರ್.

ಈ ಬಗೆಟ್ಟ್ ತನಿಖೆ ಮಲ್ತಿನ ಪೊಲೀಸೆರ್ ಸುರೂಟ್ಟು ವನಜಾಕ್ಷಿನ್ ವಶಕ್ಕ್ ದೆತೊಂದು ಬಾಯಿ ಬುಡ್ಪಾನಗ ಮಹಂತೇಶ್ ಬೊಕ್ಕ ಮಂಜುನಾಥ್ ಪುದರ್ ಪಂಡ್ ದಿತ್ತೊಲು. ಅಂಚಾದ್ ಪೊಲೀಸೆರ್ ಆರೋಪಿಲೆನ್ ಪತ್ ದ್ ವಿಚಾರಣೆ ಮಲ್ತೊಂದುಲ್ಲೆರ್. ಗೋಕುಲ ಸ್ಟೇಶನ್ ಡ್ ಕೇಸ್ ದಾಖಲಾತ್ಂಡ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಂಬಾಯಿದ ಸುದ್ದಿ | Mumbai News ರಪಕ್ಕ ಸುದ್ದಿ Flash News

ಮಿಸ್ ಇಂಡಿಯಾ 2022″ ಕಿರೀಟ ಗೆಂದಿನ ತುಳುನಾಡ ಪೆರ್ಮೆದ ಪೊಣ್ಣು ಸಿನಿ ಶೆಟ್ಟಿ

Jul 4, 2022

ಬೊಂಬಾಯಿ: 58ನೇ ಫೆಮಿನಾ ಮಿಸ್ ಇಂಡಿಯಾ ಪಂಥಡ್ ಒಡಿಪು ಜಿಲ್ಲೆ ಇನ್ನಾ ಮೂಲದ ಸಿನಿ ಶೆಟ್ಟಿ ಮೇರ್ ಮಿಸ್ ಇಂಡಿಯಾ 2022 ಕಿರೀಟ ಗೆಂದ್ ದೆರ್.

ಮುಂಬೈಡ್ ಇಪ್ಪುನ ಮೇರ್ ಮೂಲತಃ ತುಳುನಾಡ್ ದಾರ್ ಪನ್ಪಿನಾರ್ ಪರ್ಮೆದ ಇಚಾರ. 2020 ತ್ತ ಮಿಸ್ ಇಂಡಿಯಾ ಮಾನಸಾ ವಾರಣಾಸಿ ಮೇರ್ ಸಿನಿ ಶೆಟ್ಟಿ ಮೇರೆಗ್ ಕಿರೀಟನ್ ಪಾಡಿಯೆರ್. ಮಿಸ್ ವರ್ಲ್ಡ್ ಪಂಥದ ದುಂಬುದ ಪಂಥಡ್ ಸಿನಿ ಶೆಟ್ಟಿ ಮೇರ್ ಭಾರತದ ಪ್ರತಿನಿಧಿ ಆದ್ ಪಾಲ್ ಪಡೆಯರೆ ಉಲ್ಲೆರ್.

Sini Shetty a girl from our own Tulunadu wins the Miss India- 2022 crown

Mumbai: In the 58th Miss India-2022 pagent Sini Shetty from Karnataka has won the Miss India crown.

Though she lives in Mumbai she is originally from DK district.She was crowned by Manasa Varanasi who was Miss India 2020.She will represent India in the Miss World compitition.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ಬೊಂಬಾಯಿದ ಸುದ್ದಿ | Mumbai News ರಪಕ್ಕ ಸುದ್ದಿ Flash News

ಬೊಂಬೈಡ್ ತ್ರಿ ರಂಗ ಸಂಗಮದ ಮುತಾಲಿಕೆಡ್ ರಾಜ್ ಸೌಂಡ್ಸ್ ಆ್ಯಂಡ್ ಲೈಟ್ಸ್ ಸಿನಿಮಾ ಪ್ರದರ್ಶನ ಉದಿಪನ

Jul 3, 2022

ಬೊಂಬೈಡ್ ತ್ರಿ ರಂಗ ಸಂಗಮದ ಮುತಾಲಿಕೆಡ್ ರಾಜ್ ಸೌಂಡ್ಸ್ ಆ್ಯಂಡ್ ಲೈಟ್ಸ್ ಸಿನಿಮಾ ಪ್ರದರ್ಶನ ಉದಿಪನ

ಬೊಂಬೈ: ತ್ರಿ ರಂಗ ಸಂಗಮದ ಕೂಟದ ಮುತಾಲಿಕೆಡ್ ಬಾರಿ ಪುಗರ್ತೆ ಪಡೆಯಿನ ‘ರಾಜ್ ಸೌಂಡ್ಸ್ ಆ್ಯಂಡ್ ಲೈಟ್ಸ್’ ಸಿನಿಮಾ ಪ್ರದರ್ಶನ ದ ಉದಿಪನದ ಲೇಸ್ ಜುಲೈ 3 ಐತಾರ ಘಾಟ್ ಕೋಪರ್ ದ ಇನಾಕ್ಸ್ ಥಿಯೇಟರ್ ಡ್ ನಡತ್ಂಡ್.

ಲೇಸ್ ಉದಿಪನ ಮಲ್ತ್ ಪಾತೆರಿನ ಕರ್ನಾಟಕ ರಾಜ್ಯ ಪ್ರಶಸ್ತಿ ವಿಜೇತೆರ್, ಕರ್ನಾಟಕ ಮಲ್ಲ ಪತ್ರಿಕೆದ ಸಂಪಾದಕೆರ್ ಚಂದ್ರಶೇಖರ ಪಾಲೆತ್ತಾಡಿ ಮೇರ್,
ತ್ರಿ ರಂಗ ಸಂಗಮದ ಕೂಟದಕುಲು ಬಾರಿ ಒಂಜಿ ಪೊರ್ಲುದ ಲೇಸ್ ಅಟ್ಟಣೆ ಮಲ್ತ್ ದ್ ರಾಜ್ ಸೌಂಡ್ಸ್ ಆ್ಯಂಡ್ ಲೈಟ್ಸ್ ಪಿಚ್ಚರ್ ದ ಪ್ರದರ್ಶನದ ವ್ಯವಸ್ಥೆ ಮಲ್ದೆರ್. ಈ ಕೂಟದಕುಲು ಸಮಾಜೊಗು ನೀತಿ ಪನ್ಪಿನ, ಮನೋರಂಜನೆ ಬೊಕ್ಕ ಸಾಹಿತ್ಯ ದ ಪೊಲಬು ಮಲ್ತ್ ಕೊರ್ಪಿನ ಲೇಸ್ ಲೆನ್ ಮಲ್ದೆರ್. ಸಮಾಜೊಡು ಸೌಹಾರ್ದ ಪುಟ್ಟಾವುನ ನನಾತ್ ಎಡ್ಡೆ ಕಾರ್ಯಕ್ರಮ ಈ ಕೂಟದಕ್ಲೆರ್ದ್ ಆವಡ್ ಪಂದ್ ಎಡ್ಡೆಪ್ಪುದ ಮದಿಪು ಬಯಕಿಯೆರ್.

ಲೇಸ್ ಡ್ ಬಿನ್ನೆರಾದ್ ಕನ್ನಡ ವೆಲ್ಫೇರ್ ಸೊಸೈಟಿ ದ ಹಿರಿಯ ಮಾರ್ಗದರ್ಶಕೆರ್ ಎಸ್.ಕೆ. ಸೊರಪ, ಕಾರ್ಯಾಧ್ಯಕ್ಷೆರ್ ಅಂಚೆನೆ ಸಮಾಜ ಸೇವಕೆರ್ ಶಾಂತಾ ಶೆಟ್ಟಿ, ಉದ್ಯಮಿ ಲೋಕನಾಥ ಶೆಟ್ಟಿ ವಿಟ್ಲ, ಸಮಾಜ ಸೇವಕಿ ಕುಶಲ ಸದಾನಂದ ಶೆಟ್ಟಿ , ಕಲಾವಿದೆ ಮೋಹನ್ ಮಾರ್ನಾಡ್, ಯುಗಾನಂದ ಶೆಟ್ಟಿ, ಜಯ ಶೆಟ್ಟಿ, ಅಜೇಯ ಬಾಗಲ್ ಮೊಕುಲು ಮಾತ ಲೇಸ್ ಡ್ ಪಾಲ್ ಪಡೆತೆರ್.

ತ್ರಿರಂಗ ಸಂಗಮ ಉದಿಪನ ಆದ್ ಒಂಜಿ ವರ್ಷ ಆಂಡ್. ಅಯಿಟ್ಟ್ ಉಂದು ನಾಲ್ನೆ ಕಾರ್ಯಕ್ರಮ. ನಿಕ್ಲೆನ ಮಾತೆರ್ನಲ ಸಹಕಾರ, ಮಾರ್ಗದರ್ಶನೊಡು ಮಾತ ಲೇಸ್ ಯಶಸ್ವಿ ಆತ್ಂಡ್. ರಾಜ್ ಸೌಂಡ್ಸ್ ಪಿಚ್ಚರ್ ಡ್ ಕಾಮಿಡಿ ಬೊಕ್ಕ ಟ್ರೆಜೆಡಿ ಉಂಡು .ಉಂದೆನ್ ಮಾತೆರ್ಲ ಸಮಾನವಾದ್ ಸ್ವೀಕಾರ ಮಲ್ತ್ ದ್ ಕುಷಿ ಪಡೆವೊಡು. ಈ ಸಿನಿಮಾದ ಬಗೆಟ್ ಮಾತೆರ್ಲ ಸೋಶಿಯಲ್ ಮೀಡಿಯಾಡ್ ಎಡ್ಡೆ ಮೆಸೇಜ್ ಕಡಪುಡ್ಲೆ. ಮಾತೆರ್ಲ ತುಳು ಬಾಷೆದ ಮಿತ್ತ್ ಮೋಕೆ ದೀಲೆ ಪಂದ್ ತ್ರಿರಂಗ ಸಂಗಮದ ನವೀನ್ ಶೆಟ್ಟಿ ಇನ್ನಾ ಬಾಳಿಕೆ ಮೇರ್ ಲೆಪ್ಪು ಕೊರಿಯೆರ್.

ಲೇಸ್ ಸುಧಾರಿಕೆ ರಂಗ ಕರ್ಮಿ, ನಿರ್ದೇಶಕೆರ್ ನಂದಳಿಕೆ ನಾರಾಯಣ ಶೆಟ್ಟಿ ಮಲ್ತೆರ್.

Raj Sounds and lights movie show inaugurated at Mumbai under the patronage of Trirangasangama:

Mumbai: The inaugural show of the super duper hit movie Raj Sounds and lights was held under the patronage of Trirangasangama association, on July 3rd at Inox theatre Ghatkopar on Sunday.

The inauguration was conducted by editor and state award winner Chandrashekhar Palaytadi who speaking on the occasion said that the Trirangasangama association was doing a good job at arranging programs that are culturally relevant, socially responsible and entertaining at the same time.It was also bringing in a feeling of oneness amongst the people he said conveying his best wishes.

The guests of honour was SK Surap from Kannada welfare society, working president and social worker Shanta Shetty, enterpreneur Lokanath Shetty, social worker Kushala Sadanand Shetty, Artist Mohan Marnad, Yuganand Shetty, Jaya Shetty, Ajay Bagal and all participated in the program.

Navin Shetty speaking on behalf of Trirangasangama said that the movie Raj Sounds and lights was full of humour and he hoped that the viewers who had gathered would love the movie and send in good reviews on social media.He requested all to keep up their love for Tulu language.
The program was hosted by director Nandalike Narayan Shetty.

ಧರ್ಮ ಕಾರ್ಯ ಮಲ್ತ್ಂಡ ಸಮಾಜ ಗಟ್ಟಿ ಆಪುಂಡು: ರಮಾನಂದ ಗುರೂಜಿ

Jul 1, 2022

ಧರ್ಮ ಕಾರ್ಯ ಮಲ್ತ್ಂಡ ಸಮಾಜ ಗಟ್ಟಿ ಆಪುಂಡು: ರಮಾನಂದ ಗುರೂಜಿ

ಬೊಂಬೈದ ಕುಲಾಲ ಸಂಘದಕ್ಲೆರ್ದ್ ಕುಡ್ಲಡ್ ಆಪಿನ ಕುಲಾಲ ಭವನಡ್ ಸುದರ್ಶನ ಹೋಮ, ವಾಸ್ತು ಪೂಜೆ

ಕುಡ್ಲ: ಬೊಂಬೈದ ಪೇಂಟೆಡ್ ೯೦ ವರ್ಸೊರ್ದಿಂಚಿ ಕುಲಾಲ ಸಮಾಜದ ಎಡ್ಡೆಪ್ಪುಗಾದ್ ಪುನೆವೊಂದಿತ್ತಿನ ಕುಲಾಲ ಸಂಘ, ಬೊಂಬೈ ಮೊಕುಲು ಅಂದಾಜಿ ೧೫ ಕೋಟಿ ರೂ. ಕರ್ಚಿಡ್ ಕುಡ್ಲದ ಮಂಗಳಾದೇವಿದಲ್ಪ ನಿರ್ಮಾಣ ಮಲ್ತೊಂದುಪ್ಪುನ ಪೊಸ ದೇಖಿದ ಕುಲಾಲ ಭವನದ ನೆಲಮಾಲಿಗೆಡ್ ಜೂ.೨೫ಕ್ಕ್ ಸುದರ್ಶನ ಹೋಮ, ವಾಸ್ತುಹೋಮ ಇಂಚಿನ ಧಾರ್ಮಿಕ ವಿಧಿ ವಿಧಾನೊಲು ಒಡಿಪುದ ದೊಡ್ಡಣಗುಡ್ಡೆ ಶ್ರೀ ಆದಿಶಕ್ತಿ ದೇವಸ್ಥಾನದ ಧರ್ಮದರ್ಶಿ ರಮಾನಂದ ಗುರೂಜಿ ಮೆರೆನ ಮಾರ್ಗದರ್ಶನೊಡು ನಡತ್ಂಡ್.

ಈ ಪೊರ್ತುಡು ರಮಾನಂದ ಗುರೂಜಿ ಮೆರೆನ್ ಸಂಘದಕುಲು ಗೌರವ ಮಾನಾದಿಗೆ ಮಲ್ತೆರ್. ಆಶೀರ್ವಚನ ಮಲ್ತಿನ ಗುರೂಜಿ, ಒವ್ವೇ ಕಟ್ವಾನಡ್ ದೇವತಾ ಕಾರ್ಯೊಲು ನಡತ್ಂಡ ದೇವೆರ್ ಒಲಿದ್ ಅವುಲು ನಿಲೆ ಆಪೆರ್ ಪನ್ಪಿನ ನಂಬೊಲಿಗೆ ಉಂಡು. ಅಂಚಾದ್ ಪ್ರತಿ ಕಟ್ವಾನಡ್‌ಲ ಧರ್ಮ ಚಿಂತನೆದ ಧಾರ್ಮಿಕ ಕೆಲಸೊಲು ನಡಪೊಡು. ಕುಲಾಲ ಭವನಡ್ ನಡತಿನ ಈ ಪೂಜಾ ವಿಧಿ ವಿಧಾನೊಲೆರ್‍ದ್ ಬೊಂಬೈದ ಅಂಚೆನೆ ಊರುದ ಕುಲಾಲ ಸಮಾಜ ಬಂಧುಲೆನ ಒಗ್ಗಟ್ಟು ಗಟ್ಟಿ ಆತ್ಂಡ್. ದುಂಬುದ ದಿನೊಟ್ಟು ಈ ಕಟ್ವಾನದ ಬೇಲೆ ಪೊರ್ಲುಡೇ ಪೂರ್ಣ ಆದ್ ಲೋಕಾರ್ಪಣೆ ಆವರೆ ಉಂಡು ಪಂದ್ ಎಡ್ಡೆಪ್ಪು ಬಯಕಿಯೆರ್.

ದೊಡ್ಡಣಗುಡ್ಡೆ ಕ್ಷೇತ್ರದ ಆಡಳ್ತೆ ಉಸ್ತುವಾರಿ ಕುಸುಮ ನಾಗರಾಜ್, ಬೊಂಬೈ ಕುಲಾಲ ಸಂಘದ ಅಧ್ಯಕ್ಷೆರ್ ದೇವದಾಸ್ ಕುಲಾಲ್, ಮಾಜಿ ಅಧ್ಯಕ್ಷೆರ್ ಗಿರೀಶ್ ಬಿ.ಸಾಲ್ಯಾನ್, ಉಪಾಧ್ಯಕ್ಷೆರ್ ರಘು ಮೂಲ್ಯ ಪಾದೆಬೆಟ್ಟು, ಗೌರವ ಪ್ರಧಾನ ಕಾರ್ಯದರ್ಶಿ ಕರುಣಾಕರ ಸಾಲ್ಯಾನ್, ಕೋಶಾಧಿಕಾರಿ ಜಯ ಅಂಚನ್, ಪೊಂಜೊವುಲೆನ ಕೂಟದ ಕಾರ್ಯಾಧ್ಯಕ್ಷೆರ್ ಮಮತಾ ಗುಜರನ್, ಕಟ್ವಾನ ಸಮಿತಿದ ವಿಶ್ವನಾಥ ಬಂಗೇರ, ಸುರೇಶ್ ಕುಲಾಲ್, ಕಲ್ಲಮರು ಗೋಪಾಲ ಬಂಗೇರ, ಸುನಿಲ್ ಸಾಲ್ಯಾನ್, ದ.ಕ ಜಿಲ್ಲಾ ಕುಲಾಲೆರ್ನ ಮಾತೃ ಸಂಘದ ಅಧ್ಯಕ್ಷೆರ್ ಮಯೂರ್ ಉಲ್ಲಾಳ್, ಶ್ರೀ ವೀರನಾರಾಯಣ ದೇವಸ್ಥಾನದ ಆಡಳಿತ ಪದಾಧಿಕಾರಿಲಾಯಿನ ಪುರುಷೋತ್ತಮ ಕುಲಾಲ್ ಕಲ್ಬಾವಿ, ಎ.ದಾಮೋದರ್, ಬಿ.ಪ್ರೇಮಾನಂದ ಕುಲಾಲ್, ಸುರೇಶ್ ಕುಲಾಲ್ ಮಂಗಳಾದೇವಿ, ಗಿರಿಧರ ಮೂಲ್ಯ, ಡಾ. ಅಣ್ಣಯ್ಯ ಕುಲಾಲ್, ಲಯನ್ ಅನಿಲ್ ದಾಸ್, ಕೊಲ್ಯ ಕುಲಾಲ ಸಂಘದ ಭಾಸ್ಕರ್ ಕುತ್ತಾರ್, ಬಂಟ್ವಾಳ ಸಂಘದ ಅಧ್ಯಕ್ಷೆರ್ ನಾರಾಯಣ ಪೆರ್ನೆ, ಕುಳಾಯಿ ಸ್ವರ್ಣಕುಂಭ ಸಹಕಾರಿ ಸಂಘದ ಅಧ್ಯಕ್ಷೆರ್ ನಾಗೇಶ್ ಕುಲಾಲ್, ಮುಡಿಪು ಕುಲಾಲ ಸಂಘದ ಅಧ್ಯಕ್ಷೆರ್ ಪುಂಡರೀಕಾಕ್ಷ, ಕುಳಾಯಿ ಸಂಘದ ಅಧ್ಯಕ್ಷೆರ್ ಗಂಗಾಧರ ಕುಲಾಲ್, ಬಂಟ್ವಾಳ ಸಮಾಜ ಸೇವಾ ಸಹಕಾರಿ ಸಂಘದ ಅಧ್ಯಕ್ಷೆರ್ ಸುರೇಶ್ ಕುಲಾಲ್, ಮಂಗಳಜ್ಯೋತಿ ಸಹಕಾರಿ ಬ್ಯಾಂಕ್‌ದ ಅಧ್ಯಕ್ಷೆರ್ ರಾಜೇಂದ್ರ, ವಿ.ಕೆ.ಫರ್ನಿಚರ್‍ಸ್‌ದ ಮಾಲಕೆರ್ ವಿಠ್ಠಲ ಕುಲಾಲ್ ಇತ್ತೆರ್.

ಬೊಂಬೈ ಕುಲಾಲ ಸಂಘದ ಪದಾಧಿಕಾರಿಲಾಯಿನ ಡಿ.ಐ.ಮೂಲ್ಯ, ಆನಂದ ಬಿ.ಮೂಲ್ಯ, ಜಯರಾಜ್ ಸಾಲ್ಯಾನ್, ಡಾ. ಸಪ್ನ ಸಾಲ್ಯಾನ್, ಮಮತಾ ಜಿ. ಸಾಲ್ಯಾನ್, ದೇವಕಿ ಎಸ್. ಸಾಲ್ಯಾನ್, ಪ್ರೇಮ ಮೂಲ್ಯ, ಶೇಖರ್ ಮೂಲ್ಯ, ಪಿ.ಉಮೇಶ್ ಬಂಗೇರ, ನ್ಯಾ.ಉಮಾನಾಥ ಮೂಲ್ಯ, ಎಲ್.ಆರ್.ಮೂಲ್ಯ, ಮೋಹನ್ ಬಂಜನ್, ರಘು ಬಿ.ಮೂಲ್ಯ, ಸಂಜೀವ ಬಂಗೇರ, ಸುಂದರ್ ಮೂಲ್ಯ, ಆನಂದ ಕುಲಾಲ್ ಬಂಟ್ವಾಳ, ಸುನಿಲ್ ಕುಲಾಲ್, ರಘುನಾಥ ಕರ್ಕೇರ, ಮಾಲತಿ ಅಂಚನ್, ರೇಣುಕಾ ಸಾಲ್ಯಾನ್, ಭೋಜ ಯು.ಮೂಲ್ಯ, ಬಿ.ಮೋಹನ್ ದಾಸ್ ಮೊಕುಲು ಮಾತಾ ಪಾಲ್ ಪಡೆದಿತ್ತೆರ್.

ಈ ಪೊರ್ತುಡು ಪಟ್ಲ ಹಿರೇಬೆಟ್ಟು ಗಣಪತಿ ಮೂಲ್ಯ ಮೇರ್ ಒಟ್ಟು ಮಲ್ದಿನ ಮನೆ ಮನೆಯಲ್ಲಿ ಭಜನೆ’ ಪನ್ಪಿನ ಬೂಕುನು ಬೊಂಬೈದ ಉದ್ಯಮಿದ ಸುನಿಲ್ ಸಾಲ್ಯಾನ್ ಬುಡುಗಡೆ ಮಲ್ತೆರ್.
ಪತ್ರಕರ್ತೆರ್ ದಿನೇಶ್ ಕುಲಾಲ್ ಲೇಸ್ ನಿರೂಪಣೆ ಮಲ್ತೆರ್. ಕರುಣಾಕರ ಸಾಲ್ಯಾನ್ ಸೊಲ್ಮೆ ಸಂದಾಯೆರ್.

ಕುರ್ಲಾ ಕಟ್ವಾನ ಮಗ್‌ರ್ನ ಅಟ್ರ್‌ಗಣಿಟ್ ಸೈತಿನಕ್ಲ್ 19 ಜನ

Jun 29, 2022

ಬೊಂಬಾಯಿ: ಕುರ್ಲಾ ನಾಯಕ್ ನಗರ ಸೊಸೈಟಿಡ್ ಸೋಮವಾರ ಮಗ್‌ರ್ನ ಕಟ್ವನದ ಅಡಿಟ್ ಬೂರ್ದ್ ಸೈತಿನಕ್ಲೆನ ಸಂಖ್ಯೆ 19ಗ್ ಏರ್ದ್ಂಡ್. 15 ಜನ ಬೇತೆ ಬೇತೆ ಆಸ್ಪತ್ರೆಲೆಡ್ ಚಿಕಿತ್ಸೆ ಗೆತೊನೊಂದುಲ್ಲೆರ್.

ಈ ನಿಲೆಟ್ ದಿಲೀಪ್ ಬಿಸ್ವಾಸ್ ಬೊಕ್ಕ ಕಟ್ವಾನದ ದನಿಕ್ಲೆನ ಮಿತ್ತ್ ಐಪಿಸಿ ಸೆಕ್ಷನ್ 304 (2), 308, 337, 338 ಬೊಕ್ಕ 34ದ ಅಡಿಟ್ ಎಫ್ಐಆರ್ ಮಲ್ದೆರ್.

ಪ್ರಧಾನಿ ನರೇಂದ್ರ ಮೋದಿ ಪ್ರಧಾನ ಮಂತ್ರಿಲೆ ರಾಷ್ಟ್ರೀಯ ಪರಿಹಾರ ನಿಧಿಡ್ದ್ ಸೈತಿನಕ್ಲೆನ ಕುಟುಮೊಗು ಒರಿಯಗ್ 2 ಲಕ್ಷದಂಚ ಅಂಚನೇ ಪೆಟ್ಟಾಯಿನಕ್ಲೆಗ್ 50000ದಂಚ ಪರಿಹಾರ ಕೊರ್ಪಿನ ಪಾತೆರ ಕೊರ್ತೆರ್.

19 dead in the Kurla building collapse:

Mumbai: In the building collapse at Kurla Nayak Nagar Society on Monday; the death toll has increased to 19 with more than 15 persons injured and hospitalized.

A fir has been filed against Dilip Biswas and owners of the building under IPC section 304(2),308, 337, 338 and 34.

The PM Narendra Modi has released rupees 2lakh to the families of those dead and 50,000 to those injured in the incident from PM’s relief fund.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಂಬಾಯಿದ ಸುದ್ದಿ | Mumbai News ರಪಕ್ಕ ಸುದ್ದಿ Flash News

ದ್ರೌಪದಿ ರಾಷ್ಟ್ರಪತಿಯಾ೦ಡ, ಪಾಂಡವೆರ್ ಏರ್ ? ವಿವಾದ ಸೃಷ್ಟಿ ಮಲ್ತಿನ ವರ್ಮೆರ್ನ ಟ್ವೀಟ್

Jun 25, 2022

ಬೊಂಬಾಯಿ: ಏಪಲ ಒಂಜೆತ್ತೊಂಜಿ ವಿವಾದಾತ್ಮಕ ಹೇಳಿಕೆದ ಮುಖೇನ ಸುದ್ದಿಡ್ ಇಪ್ಪುನ ನಿರ್ದೇಶಕೆರ್ ಬೊಕ್ಕ ಚಿತ್ರ ನಿರ್ಮಾಪಕೆರ್ ರಾಮ್ ಗೋಪಾಲ್ ವರ್ಮಾ ಎನ್‌ಡಿಎದ ರಾಷ್ಟ್ರಪತಿ ಅಭ್ಯರ್ಥಿ ದ್ರೌಪದಿ ಮುರ್ಮು ಮೆರ್ನ ಬಗೆಟ್ಟ್ ಟ್ವೀಟ್‌ ಮಲ್ತಿನವ್ ನನೊಂಜಿ ವಿವಾದಾಗ ಸೃಷ್ಟಿ ಆತ್೦ಡ್.

ಉಂದೆರ್ದ್ ಬೆಚ್ಚ ಆಯಿನ ಬಿಜೆಪಿ ನಾಯಕೆರ್ ಆಯಿನ ಗುಡೂರು ನಾರಾಯಣ ರೆಡ್ಡಿ ಬೊಕ್ಕ ಟಿ.ನಂದೇಶ್ವರ್ ಗೌಡ್ ರಾಮ್ ಗೋಪಾಲ್ ವರ್ಮಾ ವಿರುದ್ಧ ಹೈದರಾಬಾದ್‌ ದ ಅಬಿಡ್ಸ್ ಪೊಲೀಸ್ ಠಾಣೆಡ್ ದೂರು ದಾಖಲು ಆತ್೦ಡ್.

ರಾಮ್ ಗೋಪಾಲ್ ಮೆರ್ ಜೂನ್ 22 ಕ್ಕ್ ಮಲ್ತಿನ ಟ್ವೀಟ್ ಡ್ “ದ್ರೌಪದಿ ರಾಷ್ಟ್ರಪತಿಯಾ೦ಡ ಪಾಂಡವೆರ್ ಏರ್ ? ಆಯಿರ್ದ್ ಲ ಮುಖ್ಯವಾದ್ ಕೌರವೆರ್ ಏರ್ ?” ಪಂದ್ ಪಂತಿನವ್ ಭಾರಿ ವಿವಾದಗ್ ಸೃಷ್ಟಿಯಾತ್೦ಡ್.

Ram Gopal Verma in a soup for a controversial tweet about :

Mumbai Director Ram Gopal Verma is in the news again for a controversial tweet on NDA presidential candidate Draupadi Murmu. BJP leaders Gudur Narayan Reddy and T Nandeshwar Gowda have filed a complaint against Verma at Abids police station in Hyderabad.

Ram Gopal Verma had tweeted on June 22nd ” If Draupadi is the President ; then who are the Pandavas? More importantly who are the Kauravas??” says the controversial tweet .

ಬಂಟರ ಸಂಘ ಬೊಂಬಾಯಿ, ಜೋಗೇಶ್ವರಿ – ದಹಿಸರ್ ಪ್ರಾದೇಶಿಕ ಸಮಿತಿದ ಪೊಂಜೊವ್ ಲೆನ ವಿಭಾಗರ್ದ್ ಅಂತರಾಷ್ಚ್ರೀಯ ಯೋಗ ದಿನಾಚರಣೆ

Jun 23, 2022

ಬೊಂಬಾಯಿ: ಯೋಗ ಋಷಿ ಮುನಿಕ್ಲೆನ ಕಾಲರ್ದ್ ನಡತ್ತೊಂದ್ ಬೈದ್ಂಡ್. ಅವ್ವೇತೊ ರೋಗದ ನಿವಾರಣೆಗ್ ಯೋಗ ಮಸ್ತ್ ಮುಖ್ಯ. ಇತ್ತೆದ ಜೀವನ ಶೈಲಿಡ್ ಎಡ್ಡೆ ರೀತಿಡ್ ಜೀವನನ್ ಮಲ್ಪೊಡಾಂಡ ಯೋಗ ಬೋಡು ಪಂದ್ ಬಂಟರ ಸಂಘ ಬೊಂಬಾಯಿದ ಜೊತೆ ಕೋಶಾಧಿಕಾರಿ ಮುಂಡಪ್ಪ ಪಯ್ಯಡೆ ಮೇರ್ ಪಂಡೆರ್.

ಜೂನ್ 21ಕ್ಕ್ ಬಂಟರ ಸಂಘ ಬೊಂಬಾಯಿ, ಜೋಗೇಶ್ವರಿ – ದಹಿಸರ್ ಪ್ರಾದೇಶಿಕ ಸಮಿತಿದ ಪೊಂಜೊವ್ ಲೆನ ವಿಭಾಗರ್ದ್ ನಡತಿನ ಕಾಂದಿವಲಿ ಪಶ್ಚಿಮದ ಪವನ್ ಧಾಮ್ ಕೈತಲ್ ಪೊಂಜೊವ್ ಲೆನ ಆಧಾರ್ ಭವನಡ್ ನಡತಿನ 8ನೇ ಅಂತರಾಷ್ಚ್ರೀಯ ಯೋಗ ದಿನಾಚರಣೆದ ಸಭಾ ಕಾರ್ಯಕ್ರಮಡ್ ಪಾತೆರಿನ ಮುಂಡಪ್ಪ ಪಯ್ಯಡೆ ಮೇರ್, ಆಧುನಿಕ ಯುಗಟ್ಟ್ ಪೊಂಜೊವ್ ಲೆಗ್ ಯೋಗ ಮಸ್ತ್ ಅಗತ್ಯ. ಯೋಗರ್ದ್ ನಮ್ಮ ದೇಹದ ಪ್ರತಿಯೊಂಜಿ ಅಂಗಗ್ ಲ ಪ್ರಯೋಜನ ತಿಕ್ಕ್ಂಡ್ ಪಂದ್ ಪಂಡೆರ್.

ಅಧ್ಯಕ್ಷತೆನ್ ವಹಿಸೊನಿನ ಬಂಟರ ಸಂಘ ಬೊಂಬಾಯಿ, ಜೋಗೇಶ್ವರಿ – ದಹಿಸರ್ ಪ್ರಾದೇಶಿಕ ಸಮಿತಿದ ಕಾರ್ಯಾಧ್ಯಕ್ಷೆರ್ ಎಂ. ಜಿ. ಶೆಟ್ಟಿ ಮೇರ್ ಪಾತೆರ್ದ್, ಜೂನ್ 21 ನ್ ಅಂತರಾಷ್ಟ್ರೀಯ ಯೋಗ ದಿನಾಚರಣೆಯಾದ್ ಆಚರಣೆ ಮಲ್ತೊಂದ್ ಉಲ್ಲೆರ್. ನಮ್ಮ ಸಮಾಜದ ಪೊಂಜೊವ್ ಲು ಭಾರಿ ಆಸಕ್ತಿಡ್ ಪಾಲ್ ಪಡೆಯೊಂದ್ ಇಪ್ಪುನವ್ ಅಭಿಮಾನ ಆವೊಂದ್ ಉಂಡು ಪಂದ್ ಪಂಡೆರ್.

ಜೋಗೇಶ್ವರಿ – ದಹಿಸರ್ ಪ್ರಾದೇಶಿಕ ಸಮಿತಿದ ಪೊಂಜೊವ್ ಲೆನ ವಿಭಾಗದ ಕಾರ್ಯಾಧ್ಯಕ್ಷೆರ್ ಶೈಲಜಾ ಅಮರ್ ನಾಥ್ ಶೆಟ್ಟಿ ಪಾತರ್ದ್, ಪೊಂಜೊವ್ಲು ಆರೋಗ್ಯವಾದ್ ಇತ್ತ್ಂಡ ಇಡೀ ಪರಿವಾರದಕುಲು ಆರೋಗ್ಯವಾದ್ ಇಪ್ಪೆರ್ ಪಂದ್ ಪಂಡೆರ್. ಯೋಗ ತರಬೇತಿನ್ ಚೈತ್ರ ಚಂದ್ರಶೇಖರ ಶೆಟ್ಟಿ ನಡಪಾದ್ ಕೊರಿಯೆರ್.

ಲೇಸ್ ಡ್ ಸಮಿತಿದ ಪೆರಿಯ ಸಲಹೆಗಾರೆರ್ ಮನೋಹರ ಎನ್. ಶೆಟ್ಟಿ, ಪ್ರಾದೇಶಿಕ ಸಮಿತಿದ ಜೊತೆ ಕಾರ್ಯದರ್ಶಿ ರಘುನಾಥ ಎನ್. ಶೆಟ್ಟಿ, ಉಪ ಕಾರ್ಯಾಧ್ಯಕ್ಷೆರ್ ಪ್ರೇಮನಾಥ ಶೆಟ್ಟಿ ಕೊಂಡಾಡಿ, ಜಯ ಶೆಟ್ಚಿ, ಸಂಕೇಶ್ ಎಸ್. ಶೆಟ್ಟಿ, ಪ್ರವೀಣ್ ಜೆ. ಶೆಟ್ಟಿ, ಚಂದ್ರಶೇಖರ ಯಸ್ ಶೆಟ್ಟಿ ಬೆಳ್ಮಣ್, ವಿನೋದಾ ಎ. ಶೆಟ್ಟಿ, ಕೋಶಾಧಿಕಾರಿ ಯೋಗಿನಿ ಎಸ್. ಶೆಟ್ಟಿ ಮಾಜಿ ಕಾರ್ಯಾಧ್ಯಕ್ಷೆರ್ ಪದ್ಮಾವತಿ ಬಿ. ಶೆಟ್ಟಿ, ಪ್ರಾದೇಶಿಕ ಸಮಿತಿದ ಅಂಚನೆ ಪೊಂಜೊವ್ ಲೆನ ವಿಭಾಗದ ಪದಾಧಿಕಾರಿಲು ಬೊಕ್ಕ ಸದಸ್ಯೆರ್ ಈ ಪೊರ್ತುಡ್ ಇತ್ತೆರ್.

ಲೇಸ್ ನ್ ರಘುನಾಥ ಯನ್ ಶೆಟ್ಟಿ ನಿರೂಪಣೆ ಮಲ್ತೆರ್. ಪೊಂಜೊವ್ ಲೆನ ವಿಭಾಗದ ಜೊತೆ ಕೋಶಾಧಿಕಾರಿ ಶುಭಾಂಗಿ ಎಸ್. ಶೆಟ್ಟಿ ಸೊಲ್ಮೆ ಸಂದೈತ ಮಲ್ತೆರ್.

Bantara Sangha, Mumbai International yoga day celebrated by ladies of the women’s wing of Jogeshwari,Dahisar

Mumbai: “Yoga is a gift to us from the age of sages and saints.It builds our immunity and prevents many diseases.In today’s fast paced life ,it is a necessary part of life” said Mundappa Paiyedy joint secretary of Bantara Sangha Mumbai.

The ladies wing of of the Jogeshwari Dahisar Bantara Sangha celebrated yoga day on June 21st .

At the closing ceremony of the event which was presided by M G Shetty regional working president of Jogeshwari Dahisar Bantara Sangha who spoke and appreciated the efforts and intrest showed by the women of the community in celebrating yoga day.

The working president of the ladies wing of the Jogeshwari Dahisar Bantara Sangha Smt Shailaja Amarnath Shetty said that a women’s health is of immense importance to the family.If she is fine then the whole family will do well. Yoga classes were conducted by Chaitra Chandrashekhar Shetty.

Senior advisor of the samithi Manohar N Shetty, joint secretary of the regional committee Raghunath N Shetty, Premnath Shetty Kondadi and others participated in the program.

ಬೊಂಬಾಯಿದ ಸುದ್ದಿ | Mumbai News

ಆ.23 : ಪೂನಡ್ ವಾಲ್ಪಾಡಿ ದೇವಲ್ಯದ ಜೀರ್ಣೋದ್ಧಾರ ಮನವಿ ಬುಡುಗಡೆ ಲೇಸ್

ಜಯಶ್ರೀಕೃಷ್ಣ ಪರಿಸರ ಪ್ರೇಮಿ ಸಮಿತಿ ಮುತಾಲಿಕೆಡ್ ಕರಾವಳಿ ಕರ್ನಾಟಕದ ಮಾಲಿನ್ಯ ನಿಯಂತ್ರಣ, ಕೈಗಾರೀಕರಣ – ವಿಚಾರ ವಿನಿಮಯ ಸಭೆ

ಬೊಂಬೈದ ಮುನ್ಸಿಪಾಲಿಟಿ ಕನ್ನಡ ಶಾಲೆದ ಜೋಕುಲೆಗ್ ಪಣವುದ ಸಕಾಯ

ಗುರೂಜಿನ್ ಕೆರ್ತಿನ ರಡ್ಡ್ ಆರೋಪಿಲೆನ್ ಪತ್ತಿಯೆರ್ ಹುಬ್ಬಲ್ಲಿ ಪೊಲೀಸೆರ್

ಮಿಸ್ ಇಂಡಿಯಾ 2022″ ಕಿರೀಟ ಗೆಂದಿನ ತುಳುನಾಡ ಪೆರ್ಮೆದ ಪೊಣ್ಣು ಸಿನಿ ಶೆಟ್ಟಿ

ಬೊಂಬೈಡ್ ತ್ರಿ ರಂಗ ಸಂಗಮದ ಮುತಾಲಿಕೆಡ್ ರಾಜ್ ಸೌಂಡ್ಸ್ ಆ್ಯಂಡ್ ಲೈಟ್ಸ್ ಸಿನಿಮಾ ಪ್ರದರ್ಶನ ಉದಿಪನ

ಧರ್ಮ ಕಾರ್ಯ ಮಲ್ತ್ಂಡ ಸಮಾಜ ಗಟ್ಟಿ ಆಪುಂಡು: ರಮಾನಂದ ಗುರೂಜಿ

ಕುರ್ಲಾ ಕಟ್ವಾನ ಮಗ್‌ರ್ನ ಅಟ್ರ್‌ಗಣಿಟ್ ಸೈತಿನಕ್ಲ್ 19 ಜನ

ದ್ರೌಪದಿ ರಾಷ್ಟ್ರಪತಿಯಾ೦ಡ, ಪಾಂಡವೆರ್ ಏರ್ ? ವಿವಾದ ಸೃಷ್ಟಿ ಮಲ್ತಿನ ವರ್ಮೆರ್ನ ಟ್ವೀಟ್

ಬಂಟರ ಸಂಘ ಬೊಂಬಾಯಿ, ಜೋಗೇಶ್ವರಿ – ದಹಿಸರ್ ಪ್ರಾದೇಶಿಕ ಸಮಿತಿದ ಪೊಂಜೊವ್ ಲೆನ ವಿಭಾಗರ್ದ್ ಅಂತರಾಷ್ಚ್ರೀಯ ಯೋಗ ದಿನಾಚರಣೆ

You Missed

ಶಿಮಂತೂರು ಹಾಲು ಉತ್ಪಾದಕರ ಮಹಿಳಾ ಸಹಕಾರಿ ಸಂಘದ 2025-26ನೇ ವರ್ಸದ ಸಭೆ

ಕಮ್ಮಿಡ್ಲ 10 ತುಳು ಪಿಚ್ಚರ್‌ಲೆಗ್ ಸಬ್ಸಿಡಿ ಕೊರ್ಲೆ

ಉಡುಪಿ ತಾಲೂಕುದ ಕಡೀರ ಪೊಣ್ಣು ಕಮರ್ಷಿಯಲ್ ಪೈಲೆಟ್” ಇನ್ಶಾ ತಸ್ಕೀನ್

ಸೆ.24 : ಕಾಪುದಪ್ಪೆಗ್ ಅಕ್ಷರ ನಮನ, ಮಾತೃಕಾ ಶಕ್ತಿ ಪೂಜೆ, ಕಾಪು ಚಾರಿಟೇಬಲ್ ಟ್ರಸ್ಟ್ (ರಿ.) ಉದಿಪನ