ದೇಶಡ್ ನಡಪಿನ ಸುದ್ದಿ | National News

ಒಡಿಪುದ ಐಟಿ ಉದ್ಯೋಗಿ ಕೋವಿಡ್ ಸೋಂಕುಗು ಬಲಿ

ಒಡಿಪು, ಮೇ 04: ಲಾಕ್ ಡೌನ್ ಕಾರಣ ಬೆಂಗಳೂರುರ್ದ್ ಒಡಿಪು ಗು ಬತ್ತಿನ ಐಟಿ ಉದ್ಯೋಗಿಯೊರಿ ಕೋವಿಡ್ ಸೋಂಕುಗು ಬಲಿಯಾಯಿನ ಘಟನೆ ಒಡಿಪುದ ಖಾಸಗಿ ಆಸ್ಪತ್ರೆಡ್ ನಡತುದುಂಡು .ಮರ್ದ್ ಫಲಕಾರಿಯಾವoದೆ ತೀರ್ ಪೋಯಿನ ದುರ್ದೈವಿ ಅಂಬಾಗಿಲು ಪುತ್ತೂರುದ ಅನಂತ ಆಚಾರ್ (38) ಪಂದ್ ತೆರಿದ್ ಬೈದುಂಡು.

ಕರಿನ ಒಂಜಿ ತಿಂಗೊಲುರ್ದು ಇಲ್ಲಡೆ ಬೇಲೆ ಮಲ್ತೊಂದು ಇತ್ತಿನ ಆನಂತ್ ಕೆಲವು ದಿನರ್ದ್ ಹುಷಾರ್ ಇಜ್ಜಂದೆ ಆಸ್ಪತ್ರೆಡ್ ಇತ್ತೆರ್,ಸೋಮವಾರ ಮಧ್ಯಾಹ್ನ ಮರ್ದ್ ಫಲಕಾರಿಯಾವಂದೇ ತೀರ್ ಪೋತೆರ್.ಪುತ್ತೂರುದ ಪಿ, ಶ್ರೀಕಾಂತ ಆಚಾರ್ಯೆರ್ನ ಮಗೆ ಆಯಿನ ಮೇರ್ , ಪತ್ನಿ, ಅಂಚನೇ ರಡ್ಡ್ ಪೊಣ್ಣು ಜೋಕ್ಲೆನ್ ಪಡೆಯೊಂದೆರ್.

ನಿಟ್ಟೂರು ಪ್ರೌಢಶಾಲೆದ ಹಳೆವಿದ್ಯಾರ್ಥಿಯಾಯಿನ ಮೆರ್ನ ನಿಧನಗ್ ನಿಟ್ಟೂರು ಎಜುಕೇಶನಲ್ ಸೊಸೈಟಿದ ಗುರ್ಕಾರ್ಲು , ಶಾಸಕೆರಾಯಿನ ಕೆ. ರಘುಪತಿ ಭಟ್‌, ಕಾರ್ಯದರ್ಶಿ ಮುರಲಿ ಕಡೆಕಾರ್, ಮುಖ್ಯ ಶಿಕ್ಷಕಿ ಅನಸೂಯಾ, ಹಳೆವಿದ್ಯಾರ್ಥಿ ಸಂಘದ ಗುರ್ಕಾರ್ಲಾಯಿನ ಯೋಗಿಶ್ ಚಂದ್ರಾಧರ್‌ ಬೊಕ್ಕ ಶಾಲೆದ ಇಡೀ ಸಮೂಹ ಕಣ್ಣ ನೀರ ಪನಿತರ್ಪಣ ಮಲ್ತೆರ್.

ಸುಳ್ಯಡ್ 86 ಜನಕ್ ಕೋವಿಡ್ ಪಾಸಿಟಿವ್

ಸುಳ್ಯ, ಮೇ 04 : ಸುಳ್ಯಡ್ 86 ಜನಕ್ ಕೋವಿಡ್ ಪಾಸಿಟಿವ್ ಬೈದುಂಡು . ಸುಳ್ಯ ನಗರ ಪಂ. ವ್ಯಾಪ್ತಿಡ್ ಬಾರಿ ಸಂಖ್ಯೆಡ್ ಪಾಸಿಟಿವ್ ಪ್ರಕರಣ ತೊಜಿದ್ ಬೈದುಂಡು.

ಸುಳ್ಯ ಪೇಂಟೆಡ್ ಕೋಡೆ 52 ಜನಕ್ ಕೋವಿಡ್ ಸೋಂಕು ದೃಢ ಆತುಂಡು . ನನ ಸಂಪಾಜೆ ಗ್ರಾಮಡ್ 7 ಜನಕ್ ಪಾಸಿಟಿವ್, ಅಜ್ಜಾವರ-4, ಜಾಲ್ಸೂರುಡು 3, ತೊಡಿಕಾನ-3, ದೇವಚಳ್ಳ -1, ಅಮರಮುಡ್ನೂರು 1, ಗುತ್ತಿಗಾರು-2, ಉಬರಡ್ಕ ಮಿತ್ತೂರು 2, ಪಂಜ-4, ಮಡಪ್ಪಾಡಿ-3, ಅಮರಪಡ್ನೂರು-3, ಎಡಮಂಗಲ-1,ಸುಳ್ಯ ತಾಲೂಕುಡು ಒಟ್ಟು 358 ಸಕ್ರೀಯ ಪ್ರಕರಣ ಉಂಡು .

ರಾಜ್ಯಡ್ ಯೆಲ್ಲೋ ಅಲರ್ಟ್

ಬೆಂಗಳೂರು, ಎಪ್ರಿಲ್ 30: ರಾಜ್ಯದ ಕೆಲವು ಕಡೆ ಉತ್ತಮವಾದ್ ಬರ್ಸಬರೊಂದು ಉಂಡು . ಆತೆ ಅತ್ತoದೆ , ಈ ಬರ್ಸ ಮೇ. 3 ತಾರೀಖ್ ಮುಟ ಬರ್ಪುಂಡು ಪಂದ್ ಹವಾಮಾನ ಇಲಾಖೆ ತೆರಿಪಾದುಂಡು , 4 ಜಿಲ್ಲೆಡ್ ಯೆಲ್ಲೋ ಅಲರ್ಟ್ ಘೋಷಣೆ ಮಲ್ದೆರ್ .ಚಿಕ್ಕಮಗಳೂರು, ಹಾಸನ, ಕೊಡಗು, ಶಿವಮೊಗ್ಗ ಜಿಲ್ಲೆಡ್ ಎಚ್ಚದ ಬರ್ಸ ಆಪಿನ ಸಾಧ್ಯತೆ ಉಂಡು ಯೆಲ್ಲೋ ಅಲರ್ಟ್ ಘೋಷಣೆ ಮಲ್ದೆರ್ . ಆತೆ ಅತ್ತoದೆ , ದಕ್ಷಿಣ ಕನ್ನಡ, ಉಡುಪಿ, ಉತ್ತರ ಕನ್ನಡ, ಬೆಳಗಾವಿ, ಬೀದರ್, ಧಾರವಾಡ, ಗದಗ, ಹಾವೇರಿ, ಕಲಬುರಗಿ, ರಾಯಚೂರು, ವಿಜಯಪುರ,ಚಾಮರಾಜನಗರ, ಚಿತ್ರದುರ್ಗ, ದಾವಣಗೆರೆ, ಮೈಸೂರು, ಮಂಡ್ಯ, ಕೋಲಾರಡ್ಲಾ ಬರ್ಸ ಆಪಿನ ಸಾಧ್ಯತೆ ಉಂಡು ಪಂದ್ ಹವಾಮಾನ ಇಲಾಖೆ ಮುನ್ಸೂಚನೆ ಕೊರ್ತುಂಡು .

ಇತ್ತೆ ಬೆಳಗಾವಿ ಜಿಲ್ಲೆದ ಕೆಲವು ಪ್ರದೇಶ ಆಯಿನ ಪ್ರದೇಶ, ಗದಗ, ಧಾರವಾಡ, ಉತ್ತರ ಕನ್ನಡ, ದಕ್ಷಿಣ ಕನ್ನಡ, ಹಾವೇರಿ, ಬೀದರ್ ಜಿಲ್ಲೆದ ಕೆಲವು ಪ್ರದೇಶಡ್ ಬಾರಿ ಬರ್ಸ ಬೈದುಂಡು.