ದೇಶಡ್ ನಡಪಿನ ಸುದ್ದಿ | National News

ರಾಜ್ಯ ಭಾಷೆಯಾದ್ ತುಳು;ಅಧಿವೇಶನಡ್ ಕೊಂಬು ಉರಿಪೆರ ಉಂಡು ತುಳುನಾಡ್ ದ ಬೊಬ್ಬೆ

ಮಹಾನಗರ: ಪಂಚ ದ್ರಾವಿಡ ಭಾಷೆಡ್ ಒಂಜಾಯಿನ ತುಳು ಭಾಷೆನ್ ರಾಜ್ಯದ ಅಧಿಕೃತ ಭಾಷೆಯಾದ್ ಮಲ್ಪೊಡು ಪನ್ಪಿನ ಪೊರ್ಬಾಟಗ್ ಇತ್ತೆ ಪಿರಜೀವ ಬೈದುಂಡು. ಈ ತಿಂಗೊಲ್ಡು ನಡಪುನ ಅಧಿವೇಶನಡ್ ಈ ವಿಷಯದ ಪ್ರಸ್ತಾಪ ಮನ್ಪರ ತುಳುನಾಡ ಭಾಗೊದ ಜನಪ್ರತಿನಿಧಿಲ್ ದುಂಬಾತೆರ್.

ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಸಚಿವೆರಾಯಿನ ತುಳುನಾಡ ಭಾಗೊದ ಸುನಿಲ್‌ ಕುಮಾರ್‌ ಇಂಬೆರ್ ಇತ್ತುದು, ಈ ಪ್ರಸ್ತಾವನೆಗೆ ಮಲ್ಪರ ಇಪ್ಪುನವು ತುಳು ಭಾಷೆಗ್ ಬೆಂಬಲ ಬೈದುಂಡು. ತುಳುನ್ ರಾಜ್ಯೋದ ಭಾಷೆಯಾದ್ ಘೋಷಣೆ ಮನ್ಪೊಡು. ರಾಜ್ಯ ಸರಕಾರಗ್ ಪೂರಕ ಅಂಶ ಕೊರ್ಪುನ ಉದ್ದೇಶಡ್ ತುಳು ಸಾಹಿತ್ಯ ಅಕಾಡೆಮಿ ಇತ್ತೆ
ಕಮಿಟಿನ್ ರಚನೆ ಮಲ್ತುದುಂಡು. ರಾಜ್ಯ ಸರಕಾರ, ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಪ್ರಮುಖೆರ್ ಸೇರ್ದು ಕೆಲವ್ ದಿನತ ಪಿರವು ಈ ವಿಷಯದ ಬಗ್ಗೆ ಚರ್ಚೆಲ ಮಲ್ತುದಿತ್ತೆರ್.