ತುಳು ಸುದ್ದಿ

ಶ್ರೀ ಆದಿಶಕ್ತಿ ಚಾಮುಂಡೇಶ್ವರಿ ಕ್ಷೇತ್ರಗ್ ಭೇಟಿ ಕೊರಿನ ಶ್ರೀ ಅರುಣಾನಂದ ಸ್ವಾಮಿಜಿ

Jul 20, 2021

ಬಂಟ್ವಾಳ, ಜುಲೈ 20: ಶ್ರೀ ಆದಿಶಕ್ತಿ ಚಾಮುಂಡೇಶ್ವರಿ ಕ್ಷೇತ್ರಗ್ರಾಮ್ ಸೇನೆ ಕರ್ನಾಟಕದ ಸಂಸ್ಥಾಪಕ ಗುರ್ಕಾರ್ಲಾಯಿನ ಪ್ರಸಾದ್ ಅತ್ತಾವರ ಬೊಕ್ಕ ಶ್ರೀ ಶ್ರೀ ಶ್ರೀ ಅರುಣಾನಂದ ಸ್ವಾಮಿಜಿಮೊಕುಲು ಅಪ್ಪೆನ ಪುಣ್ಯ ಸನ್ನಿದಾನೊಗು ಭೇಟಿ ಆಯೆರ್.

“ನಮನ ತುಳುವ ನಲಿಕೆ ” : ಆನ್ಲೈನ್ ಪಂಥ

Jul 20, 2021

ಕುಡ್ಲ, : ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ವತಿರ್ದ್ ದೇಶದ ಸ್ವಾತಂತ್ರ್ಯಅಮೃತ ಮಹೋತ್ಸವ ಪ್ರಯುಕ್ತ ತುಳು ಪದ ಪನ್ಪಿನ ಪಂಥ ಆನ್‍ಲೈನ್ (ಯುಟ್ಯೂಬ್‌) ಸ್ಪರ್ಧೆ ‘ನಮನ ತುಳು ನಲಿಕೆ – 2021’ ಅಟ್ಟನೆ ಮಲ್ದೆರ್ . ವಿಜೇತೆರೆಗ್ ‘ನಮನ ತುಳುವ ನಲಿಕೆದ ಬೊಳ್ಳಿ’ ಸಂಘಟಕೆರ್ನ ವಿಶೇಷ ಮಾನದಿಗೆ ಉಂಡು.

ರೋಟರಿ ಕ್ಲಬ್ ಮೂಲ್ಕಿ, ಸುಬ್ರಹ್ಮಣ್ಯ ಮಹಾಗಣಪತಿ ಸ್ಪೋರ್ಟ್ಸ್‌ ಕ್ಲಬ್ ತೋಕೂರು, ಹಳೆಯಂಗಡಿ ಬೊಕ್ಕ ಕಲಾಕುಂಭ ಸಾಂಸ್ಕೃತಿಕ ವೇದಿಕೆ ಕುಳಾಯಿ ಒಟ್ಟು ಸೇರಿಗೆಡ್ ಪಂಥ ಅಟ್ಟನೆ ಮಲ್ದೆರ್. ತುಳು ಪದಕ್ ವೈಯಕ್ತಿಕ ನೃತ್ಯ ಮಲ್ತಿನ ಸ್ಪರ್ಧಾಳುನ ಒವ್ವೆ ಒಂಜಿ ವಿಡಿಯೋ ನ್ ನಿಕುಲೆ ಮೊಬೈಲ್‍ಡ್ ಚಿತ್ರೀಕರಣ ಮಲ್ತ್ 7676761776 ಗ್ ವಾಟ್ಸ್‌ ಆಯಪ್‌ ಮಳ್ಪೋಲಿ.

ದೇವಸ್ಥಾನಡ್ ತೀರ್ಥ ಪ್ರಸಾದ, ಪೂಜಾ ಕಾರ್ಯ ಸುರು ಮಲ್ಪರೆ ವಿಶ್ವ ಹಿಂದೂ ಪರಿಷತ್

Jul 20, 2021

ಕುಡ್ಲ,: ನಮ ತುಳುವೆರೆಗ್ ಪರ್ಬ ಸುರು ಆವೊಂದು ಉಪ್ಪುನ ಬಗ್ಗೆ , ದೇವಸ್ಥಾನಡ್ ತೀರ್ಥ ಪ್ರಸಾದ ಬೊಕ್ಕ ಪೂಜಾ ಸೇವೆನ್ ಆಯಿನಾತ್ ಬೇಗ ಸುರು ಮಲ್ಪರೆ ಕೋವಿಡ್‌ ತಡೆ ನಿರ್ಬಂಧ ಮಾರ್ಗಸೂಚಿ ಸಡಿಲಿಕೆ ಮಲ್ತ್ ಆದೇಶ ಕೊರೊಡು ಪಂದ್ ವಿಶ್ವ ಹಿಂದೂಪರಿಷತ್‌ ಸಂಘಟನೆ ಮುಜರಾಯಿ ಸಚಿವ ಕೋಟ ಶ್ರೀನಿವಾಸ ಪೂಜಾರಿ ಮೆರೆಗ್ ಬಿನ್ನಾಪು ಮಲ್ತೆರ್.

ಕರಿನ ವರ್ಷದ ಪ್ರಕಾರ ನಾಗರಪಂಚಮಿ, ಶ್ರೀಕೃಷ್ಣ ಜನ್ಮಾಷ್ಟಮಿ, ಗಣೇಶ ಚತುರ್ಥಿ ಪರ್ಬದ ಆಚರಣೆ, ಧಾರ್ಮಿಕ ವಿಧಿಕ್ ಚ್ಯುತಿ ಬರಂದಿಲಕ ಮಾರ್ಗದರ್ಶಿ ಸೂತ್ರಲೆನ್ ತಕ್ಷಣ ಬುಡುಗಡೆ ಪಂದ್ ಮನವಿಡ್ ಕೋರಿಕೆ ಮಲ್ತೆರ್..

ದೇವಸ್ಥಾನಡ್ ತೀರ್ಥ ಪ್ರಸಾದ ಬೊಕ್ಕ ಪೂಜಾ ಸೇವೆದ ಸುರು ಮಲ್ಪರೆ ನಾಗರಪಂಚಮಿ, ಶ್ರೀಕೃಷ್ಣ ಜನ್ಮಾಷ್ಟಮಿ, ಮೊಸರು ಕುಡಿಕೆ (ವಿಟ್ಲ ಪಿಂಡಿ), ಗಣೇಶ ಚತುರ್ಥಿ ಪರ್ಬ ದ ಪರವಾದ್ ದೇವಸ್ಥಾನಡ್ ಸಾರ್ವಜನಿಕವಾದ್ ನಡಪಾವುನ ಆಚರಣೆನ್ ಕರಿನ ವರ್ಷದ ಪ್ರಕಾರ ಧಾರ್ಮಿಕ ವಿಧಿಕ್ ಚ್ಯುತಿ ಇಜ್ಜಂದಿಲಕ ಆಚರಣೆ ಮಲ್ಪರೆ ಅಪಗನೆ ಮಾರ್ಗದರ್ಶಿ ಸೂತ್ರನ್ ಬುಡುಗಡೆ ಮಲ್ಪೊಡು ಪಂದ್ ಸಚಿವೆರೆಗ್ ಮನವಿ ಮಲ್ತೆರ್ .

ಜಲಜೀವನ್ ಮಿಷನ್ ಯೋಜನೆದಡಿ ಕಾಪು ಕ್ಷೇತ್ರಗ್ 65.63 ಕೋಟಿ ರೂಪಾಯಿದ ಮಂಜೂರಾತಿ

Jul 20, 2021

ಕಾಪು : ಜಲ ಜೀವನ್ ಮಿಷನ್ ಯೋಜನೆದಡಿ ಪ್ರತಿ ಇಲ್ಲಗ್ ಲ 2024 ದ ವೇಳೆಗ್ ಪರ್ಪಿನ ನೀರ್ ಮುಟ್ಟೋಡು ಪಂದ್ ಕೇಂದ್ರ ಬೊಕ್ಕ ರಾಜ್ಯ ಸರ್ಕಾರದ ಮಹತ್ವಕಾಂಕ್ಷಿ ಯೋಜನೆಯಡಿ ಕಾಪು ವಿಧಾನಸಭಾ ಕ್ಷೇತ್ರಗ್ 65.63 ಕೋಟಿ ರೂಪಾಯಿದ ಮಂಜೂರಾತಿ ತಿಕ್ಕ್ದುಂಡು .

ಶಾಸಕ ಲಾಲಾಜಿ ಆರ್. ಮೆಂಡನ್ ಮೆರ್ನ ವಿಶೇಷ ಮುತುವರ್ಜಿರ್ದ್ ಈ ಅನುದಾನ ಮಂಜೂರು ಆತುಂಡು , ಶೀಘ್ರಡ್ ಯೋಜನೆದಡಿ ಕ್ಷೇತ್ರಗ್ 26 ಗ್ರಾಮ ಪಂಚಾಯತ್ ದ ಪ್ರತಿ ಇಲ್ಲಗ್ ಪರ್ಪಿನ ನೀರು ಮುಟ್ಟಾವುನ ನೆಲೆಟ್ಟ್ ಕಾಮಗಾರಿ ಅನುಷ್ಠಾನ ಆಯೆರೆ ಉಂಡು ಪಂದ್ ಶಾಸಕರ ಕಚೇರಿದ ಪ್ರಕಟನೆ ತೆರಿಪಾದುಂಡು .

ಅನುದಾನ ಹಂಚಿಕೆಯಾಯಿನ ಗ್ರಾಮ ಪಂಚಾಯತ್ ದ ವಿವರ: ಉದ್ಯಾವರ 9 ಕೋಟಿ ರೂ., ಕಟಪಾಡಿ 8.94 ಕೋಟಿ ರೂ., ಮಣಿಪುರ 4.71 ಕೋಟಿ ರೂ., ಇನ್ನಂಜೆ 3.99 ಕೋಟಿ ರೂ., ಪೆರ್ಡೂರು 3.81 ಕೋಟಿ ರೂ., ಕುರ್ಕಾಲು 3.79 ಕೋಟಿ ರೂ., ಅಲೆವೂರು 3.52 ಕೋಟಿ ರೂ., ಬೈರಂಪಲ್ಲಿ 3.15 ಕೋಟಿ ರೂ., ಶಿರ್ವ 2.39 ಕೋಟಿ ರೂ., ಪಡುಬಿದ್ರೆ 2.29 ಕೋಟಿ ರೂ., ಮುದರಂಗಡಿ 2.15 ಕೋಟಿ ರೂ., ಬೆಳ್ಳೆ 2.6 ಕೋಟಿ ರೂ., ತೆಂಕ 1.53 ಕೋಟಿ ರೂ., ಎಲ್ಲೂರು 1.53 ಕೋಟಿ ರೂ., ಪಲಿಮಾರು 1.45 ಕೋಟಿ ರೂ., ಆತ್ರಾಡಿ 1.36 ಕೋಟಿ ರೂ., ಮಜೂರು 1.24 ಕೋಟಿ ರೂ., ಕುಕ್ಕೆಹಳ್ಳಿ 1.29 ಕೋಟಿ ರೂ., ಕುತ್ಯಾರು 1.18 ಕೋಟಿ ರೂ., ಬಡಗಬೆಟ್ಟು 1.15 ಕೋಟಿ ರೂ., ಕೋಟೆ 1.9 ಕೋಟಿ ರೂ., ಹೆಜಮಾಡಿ 91.28 ಲಕ್ಷ ರೂ., ಬೊಮ್ಮರಬೆಟ್ಟು 85.55 ಲಕ್ಷ ರೂ., ಬೆಳಪು 79 ಲಕ್ಷ ರೂ., ಬಡಾ 74.48 ಲಕ್ಷ ರೂ. ಹಾಗೂ ಕೊಡಿಬೆಟ್ಟು 67 ಲಕ್ಷ ರೂ., ಮಂಜೂರಾತುಂಡು ಪಂದ್ ಪ್ರಕಟನೆ ತೆರಿಪಾಯೆರ್ .

ಎಸೆಸ್ಸೆಲ್ಸಿ ಪರೀಕ್ಷೆ : ನಿಷೇದಾಜ್ಞೆ ಜಾರಿ

Jul 20, 2021

ಒಡಿಪು, ಜುಲೈ 20: ಕರ್ನಾಟಕ ಪ್ರೌಢ ಶಿಕ್ಷಣ ಮಂಡಳಿ ವತಿರ್ದ್ ಜು.19 ಬೊಕ್ಕ 22ಕ್ಕ್ ಈ ಸಲದ ಎಸೆಸ್ಸೆಲ್ಸಿ ಪರೀಕ್ಷೆಲು ಜಿಲ್ಲೆದ ಒಟ್ಟು 77 ಪರೀಕ್ಷಾ ಕೇಂದ್ರಡ್ ನಡಪರೆ ಉಂಡು, ಪರೀಕ್ಷೆಲೆನ್ ಸುಸೂತ್ರವಾದ್ ಬೊಕ್ಕ ದೋಷರಹಿತವಾದ್ ನಡಪಾಯೆರೆ ಮಲ್ಪೋಡಾಯಿನ ಮಾತಾ ರೀತಿದ ಅವ್ಯವಹಾರಲೆನ್ ಉಂತಾಯೆರೆ ಮಾತಾ ಪರೀಕ್ಷಾ ಕೇಂದ್ರದ ಕೈತಲ್ ಪರೀಕ್ಷೆ ನಡಪುನ ದಿನತನಿ ನಡೆಯುವ ಕಾಂಡೆ 8 ಗಂಟೆರ್ದ್ ಬೈಯ್ಯ 6 ಗಂಟೆ ಮುಟ ಜೆರಾಕ್ಸ್ ಅಂಗಡಿಲೆನ್ ಮುಚ್ಚರೆ ಬೊಕ್ಕ 200 ಮೀ. ಕೈತಲ್ ದ ಪ್ರದೇಶನ್ ನಿಷೇಧಿತ ಪ್ರದೇಶ ಪಂದ್ ಘೋಷನೆ ಮಲ್ತ್ , ಸೆಕ್ಷನ್ 144(1) ದಲಕ ನಿಷೇಧಾಜ್ಞೆ ಜಾರಿ ಮಲ್ಪರೆ ಜಿಲ್ಲಾಧಿಕಾರಿ ಜಿ. ಜಗದೀಶ್ ಆದೇಶ ಕೊರ್ತೆರ್ .

ಪತ್ರಕರ್ತ ಡಾ.ಸಂದೀಪ್ ವಾಗ್ಲೆಗ್ ” ಬ್ರಾಂಡ್ ಮಂಗಳೂರು ” ಮಾನದಿಗೆ

Jul 20, 2021

ಕುಡ್ಲ : ಸೌಹಾರ್ದತೆ ಬೊಕ್ಕ ಮಾನವೀಯ ಮೌಲ್ಯನ್ ಪ್ರತಿ ಬಿಂಬಿಸಾವುನ ವರದಿಗ್ ದ.ಕ.ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘರ್ದ್ ಕೊರ್ಪಿನ ಬ್ರಾಂಡ್ ಕುಡ್ಲ ಪ್ರಶಸ್ತಿಗ್ ‘ಕನ್ನಡ ಪ್ರಭ’ ದಿನಪತ್ರಿಕೆದ ಪೆರಿಯ ವರದಿಗಾರ ಡಾ.ಸಂದೀಪ್ ವಾಗ್ಲೆ ಆಯ್ಕೆಯಾತೆರ್ .

‘ಕನ್ನಡ ಪ್ರಭ’ ದಿನ ಪತ್ರಿಕೆಡ್ 2020ರ ನವಂಬರ್ 25ಕ್ಕ್ ಪ್ರಕಟ ಆಯಿನ ಸಂದೀಪ್ ವಾಗ್ಲೆ ಮೆರ್ನ ವರದಿ ‘ಕೋಮು ಸೌಹಾರ್ದತೆಗ್ ಸಾಕ್ಷಿ-ಸೇತುವಾಯಿನ ಯಕ್ಷಗಾನ’ ಪನ್ಪಿನ ವರದಿಗ್ ಪ್ರಶಸ್ತಿ ಬೈದುಂಡು .

ತುಳು ಲಿಪಿಕ್ ಕೇಂದ್ರ ಬೊಕ್ಕ ರಾಜ್ಯ ಸರಕಾರರ್ದ್ ಅಧಿಕೃತ ಮಾನದಿಗೆ

Jul 20, 2021

ಕುಡ್ಲ : ಕರಿನ 9 ತಿಂಗೊಲುರ್ದು ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿದ ಮುಖೇನ ತುಳು ಅಕಾಡೆಮಿದ ಗುರಿಕಾರೆ ದಯಾನಂದ್.ಜಿ.ಕತ್ತಲ್ಸಾರ್ ನ ಬೆರಿತಾಂಗ್ ದೊಟ್ಟುಗು ಅಳುಪ ಅರಸೆರ್ನ ವಂಶಸ್ಥೆರಾಯಿನ ಡಾ. ಆಕಾಶ್ ರಾಜ್ ಜೈನ್ ಮೇರ್ ಇಡೆಬುಡoದೆ ಕರ್ನಾಟಕದ ಮುಖ್ಯ ಮಂತ್ರಿಲೆನ ಡಿಜಿಟಲ್ ಮೀಡಿಯಾದ ಆಡಳಿತ ಅಧಿಕಾರಿ ಆಯಿನ ಸುದರ್ಶನ್ ಬೇಳೂರು ಅರೆನ ಸಾಕಾರ ದೆತೊoದು ಸಚಿವೆರಾಯಿನ ಅರವಿಂದ ಲಿಂಬಾವಳಿದರೆನ ಮೂಲಕ ತುಳು ಲಿಪಿನ್ ರಾಜ್ಯದ ಅಂಚನೇ ಕೇಂದ್ರ ಸರಕಾರದ ಅಧಿಕೃತ ಪಟ್ಟಿಗ್ ಸೇರಾದ್ ತುಳು ಲಿಪಿಕ್ ರಾಜ ಮಾನದಿಗೆ ಕನತ್ ಕೊರಿನವು ಸಮಸ್ತ ತುಳುವೆರೆಗ್ ಮಲ್ಲ ಪೆರ್ಮೆದ ಸಂಗತಿ ಆತ್oಡ್.

9 ತಿಂಗೊಲುರ್ದು ದುಂಬು ತುಳು ಅಕಾಡೆಮಿದ ಮೂಲಕ ಡಾ. ಆಕಾಶ್ ರಾಜ್ ಜೈನ್ ಮೇರ್ ಸರಕಾರಗ್ ತುಳುಲಿಪಿ ಅಧಿಕೃತ ಆಯೆರೆ ಬೋಡಾದ್ ಬಿನ್ನಾಪು ಮಲ್ತಿತ್ತೆರ್. ಈ ಮನವಿನ್ ರಾಜ್ಯಸರಕಾರ ಕೇಂದ್ರ ಸರಕಾರದ ಭಾರತೀಯ ಭಾಷಾ ಸಂಸ್ಥಾನಗ್ ಎತ್ತಾದ್ (ಸಿ. ಐ. ಐ. ಎಲ್ )ಇತ್ತೆ ಅಕುಲು ತುಳು ಲಿಪಿನ್ ಅಧಿಕೃತ ವಾದ್ ಮಲ್ಪರೆ ಒಪ್ಪಿಗೆ ಪತ್ರ ಕೊರ್ತೆರ್.

ಕೊಲ್ಲಿ ದೇವಸ್ಥಾನ : ಸುತ್ತು ಪೌಳಿ ಶಿಲಾಪೂಜೆ

Jul 19, 2021

ಬೆಳ್ತಂಗಡಿ, ಜುಲೈ 19: ತಾಲೂಕುದ ಮಿತ್ತಬಾಗಿಲು ಗ್ರಾಮದ ಕೊಲ್ಲಿ ದುರ್ಗಾದೇವಿ ದೇವಸ್ಥಾನದ ಜೀರ್ಣೋದ್ಧಾರ ಕಾಮಗಾರಿ ಪ್ರಗತಿಡ್ ಉಂಡು . ತೀರ್ಥ ಮಂಟಪ ಬೊಕ್ಕ ಸುತ್ತು ಪೌಳಿದ ಶಿಲಾಪೂಜೆ ಕಾರ್ಯಕ್ರಮ ಶನಿವಾರ ನಡತುಂಡು .

ಉಜಿರೆ ಜನಾರ್ದನ ದೇವಸ್ಥಾನದ ಶರತ್ ಕೃಷ್ಣ ಪಡುವೆಟ್ನಾಯ ಲೇಸ್ ಗ್ ಚಾಲನೆ ಕೊರಿಯೆರ್ . ತಂಡವಾದ್ ಬೇಲೆ ಮಲ್ತುಂಡ ಅವು ಹೊರೆಯಾತುಜಿ . ಊರುದ ದೇವಸ್ಥಾನದ ಅಭಿವೃದ್ಧಿ ಪ್ರತಿಯೊರಿನ ಜವಾಬ್ದಾರಿಯಾತುಂಡು . ಪರಸ್ಪರ ಸಹಕಾರದ ಬೇಲೆ ನಿರ್ವಿಘ್ನವಾದ್ ಸಾಗುಂಡು ಬೊಕ್ಕ ಯೋಜಿತ ಅವಧಿದುಲಯಿ ಪೂರ್ಣ ಆತುಂಡು ಪಂದ್ ಪಂಡೆರ್.

ಜಮಾ ಉಗ್ರಾಣದ ಮುತ್ಸದ್ದಿ ಬಿ. ಭುಜಬಲಿ, ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿ ಗುರ್ಕಾರ್ಲಾಯಿನ ವಾಸುದೇವ ರಾವ್ ಕಕ್ಕೆನೇಜಿ, ಜೀರ್ಣೋದ್ಧಾರ ಸಮಿತಿ ಗುರ್ಕಾರ್ಲಾಯಿನ ಲೋಕೇಶ್ ರಾವ್, ಮಿತ್ತಬಾಗಿಲು ಗ್ರಾಮ ಪಂಚಾಯಿತಿ ಗುರ್ಕಾರ್ಲಾಯಿನ ಲತಾ, ಕಡಿರುದ್ಯಾವರ ಗ್ರಾಮ ಪಂಚಾಯಿತಿ ಗುರ್ಕಾರ್ಲಾಯಿನ ಅಶೋಕ್ ಕುಮಾರ್, ನಾವುರು ಗ್ರಾಮ ಪಂಚಾಯಿತಿ ಗುರ್ಕಾರ್ಲಾಯಿನ ಗಣೇಶ ಗೌಡ, ಬಂಗಾಡಿ ಸಿಎ ಬ್ಯಾಂಕಿನ ಗುರ್ಕಾರ್ಲಾಯಿನ ಹರೀಶ್ ಸಾಲಿಯಾನ್, ಉದ್ಯಮಿಲಾಯಿನ ಅರುಣ್ ಕುಮಾರ್ ದಿನೇಶ್ ಕುಮಾರ್, ಮುಖಂಡೆರಾಯಿನ ದಿನೇಶ್ ಗೌಡ, ಮೋಹನಗೌಡ, ಕೇಶವ ಫಡ್ಕೆ, ರಾಜಶೇಖರ್ ರಾವ್, ಮೃತ್ಯುಂಜಯ ರಾವ್, ವ್ಯವಸ್ಥಾಪನಾ ಸಮಿತಿದ ಸದಸ್ಯೆರ್ ಇತ್ತೆರ್ .

ಕೋವಿಡ್ ನಿಯಮ ಪಾಲಿಸಾಲೆ : ಕಮಿಷ್ನರ್

Jul 19, 2021

ಸುರತ್ಕಲ್, ಜುಲೈ 19 : ಕೋವಿಡ್‍ ಮೂರನೇ ಅಲೆಟ್ ತಡೆಯುನ ನೆಲೆಟ್ಟ್ ದೇವಸ್ಥಾನ, ಚರ್ಚ್, ಮಸೀದಿಡ್ ಸಾಮೂಹಿಕವಾದ್ ಪರ್ಬ ನಡಪಾಯೆರೆ ಅನುಮತಿ ಕೊರ್ತುಜೆರ್ . ನನ ದುಂಬುದ ಬಕ್ರೀದ್ ಪರ್ಬನ್ ಮಾತೆರ್ಲ ನಿಯಮದಲಕ ಆಚರಣೆ ಮಲ್ಪೊಡು ಪಂದ್ ಪೊಲೀಸ್ ಕಮಿಷನರ್ ಎನ್.ಶಶಿಕುಮಾರ್ ಪಂಡೆರ್ .

ಕೃಷ್ಣಾಪುರ 7ನೇ ಬ್ಲಾಕ್‍ದ ಬದ್ರಿಯಾ ಜುಮ್ಮಾ ಮಸೀದಿ, ಕೇಂದ್ರ ಜಮಾತ್‌ಡ್ ಶನಿವಾರ ಆಡಳಿತ ಮಂಡಳಿದ ಜತೆ ನಡಪಾಯಿನ ಸಭೆಟ್ ಮೇರ್ ಪಾತೆರಿಯೆರ್ .

“ತುಳು ಲಿಪಿ ಮಂದಾರ” ಬುಡುಗಡೆ

Jul 19, 2021

ಒಡಿಪು, ಜುಲೈ 19: ತಾಳೆಗರಿ ಬಳಕೆ ಮಲ್ತೊಂದು ಇತ್ತಿನ ಕಾಲಘಟ್ಟಡ್ ತುಳು ಲಿಪಿ ಬಳಕೆಯಾವೊಂದು ಇತ್ತುಂಡು . ಪುರಾತನವಾಯಿನ ಐತಿಹಾಸಿಕ ಹಿನ್ನೆಲೆ ಉಪ್ಪುನ ತುಳು ಭಾಷೆ, ತುಳು ಲಿಪಿ ಮಧ್ವಾಚಾರ್ಯೇರ್ನ ಕಾಲಘಟ್ಟಡ್ ಬಳಕೆ ಮಲ್ತೊಂದು ಇತ್ತೆರ್ ಪನ್ಪಿನೆಕ್ಕ್ ಅಷ್ಠಮಠಟ್ ಪುರಾವೆಲು ಉಂಡು ಪಂದ್ ಶಾಸಕ ರಘುಪತಿ ಭಟ್ ಪಂಡೆರ್ .

ಒಡಿಪು ಪ್ರೆಸ್ ಕ್ಲಬ್ ಡ್ ಇನಿ ಅಟ್ಟನೆ ಮಲ್ತಿನ ತುಳು ಲಿಪಿ ಮಂದಾರ” ಬುಡುಗಡೆ ಲೇಸ್ ಡ್ ತುಳು ಲಿಪಿ ಮಂದಾರ”ನ್ ಬುಡುಗಡೆ ಮಲ್ತ್ ಆರ್ ಪಾತೆರಿಯೆರ್.

ವಿಧಾನ ಸಭಾ ಅಧಿವೇಶನಡ್ ಕರಾವಳಿ ಭಾಗದ ಶಾಸಕೆರೆಗ್ ತುಳುಟೆ ಪಾತೆರಿಯರೆ ಅವಕಾಶ ಕೊರೊಡು ಪಂದ್ ಬಿನ್ನಾಪು ಮಲ್ದೆರ್ . ಆಂಡ ಸದನಡ್ ದಾಖಲಾಪಿನ ಮಾಹಿತಿಲೆನ್ ದಾಖಲು ಮಲ್ಪುನಕ್ಲೆಗ್ ತುಳು ಭಾಷೆದ ಅರಿಕೆದ ಕೊರತೆ ಉಪ್ಪುನೆರ್ದಾವರ ದುಂಬುದ ದಿನಟ್ ಈ ಬಗ್ಗೆ ಸೂಕ್ತ ಕ್ರಮ ದೆತೊನುನ ಭರವಸೆನ್ ಸಭಾಧ್ಯಕ್ಶೆರ್ ಕೊರ್ತೆರ್ ಪಂದ್ ಪಂಡಿನ ಆರ್ ತುಳು ಲಿಪಿ, ಭಾಷೆ ಬಗ್ಗೆ ಜೈ ತುಳುನಾಡು ಸಂಘಟನೆದ ಈ ಪ್ರಯತ್ನ ಉತ್ತಮ ಬುಲೆಚ್ಚಿಲ್ ಪಂದ್ ಪಂಡೆರ್ .

ಈ ಪೊರ್ತುಡು ತುಳು ಅಕಾಡೆಮಿಯ ಸದಸ್ಯೆರಾಯಿನ ಡಾ||ಆಕಾಶ್ ರಾಜ್ ಜೈನ್, ತಾರಾ ಆಚಾರ್ಯ, ಜೈ ತುಳುನಾಡು ಸಂಘಟನೆದ ಗುರ್ಕಾರ್ಲಾಯಿನ ಸುದರ್ಶನ್ ಸುರತ್ಕಲ್, ಸದಸ್ಯೆರಾಯಿನ ಪ್ರಹ್ಲಾದ್ ಪಿ. ತಂತ್ರಿ ಬೊಕ್ಕ ಬೇತೆ ಪದಾಧಿಕಾರಿಲು ಪಾಲ್ ಪಡೆದಿತ್ತೆರ್ .

ತುಳು ಸುದ್ದಿ

ಶ್ರೀ ಆದಿಶಕ್ತಿ ಚಾಮುಂಡೇಶ್ವರಿ ಕ್ಷೇತ್ರಗ್ ಭೇಟಿ ಕೊರಿನ ಶ್ರೀ ಅರುಣಾನಂದ ಸ್ವಾಮಿಜಿ

“ನಮನ ತುಳುವ ನಲಿಕೆ ” : ಆನ್ಲೈನ್ ಪಂಥ

ದೇವಸ್ಥಾನಡ್ ತೀರ್ಥ ಪ್ರಸಾದ, ಪೂಜಾ ಕಾರ್ಯ ಸುರು ಮಲ್ಪರೆ ವಿಶ್ವ ಹಿಂದೂ ಪರಿಷತ್

ಜಲಜೀವನ್ ಮಿಷನ್ ಯೋಜನೆದಡಿ ಕಾಪು ಕ್ಷೇತ್ರಗ್ 65.63 ಕೋಟಿ ರೂಪಾಯಿದ ಮಂಜೂರಾತಿ

ಎಸೆಸ್ಸೆಲ್ಸಿ ಪರೀಕ್ಷೆ : ನಿಷೇದಾಜ್ಞೆ ಜಾರಿ

ಪತ್ರಕರ್ತ ಡಾ.ಸಂದೀಪ್ ವಾಗ್ಲೆಗ್ ” ಬ್ರಾಂಡ್ ಮಂಗಳೂರು ” ಮಾನದಿಗೆ

ತುಳು ಲಿಪಿಕ್ ಕೇಂದ್ರ ಬೊಕ್ಕ ರಾಜ್ಯ ಸರಕಾರರ್ದ್ ಅಧಿಕೃತ ಮಾನದಿಗೆ

ಕೊಲ್ಲಿ ದೇವಸ್ಥಾನ : ಸುತ್ತು ಪೌಳಿ ಶಿಲಾಪೂಜೆ

ಕೋವಿಡ್ ನಿಯಮ ಪಾಲಿಸಾಲೆ : ಕಮಿಷ್ನರ್

“ತುಳು ಲಿಪಿ ಮಂದಾರ” ಬುಡುಗಡೆ

You Missed

ಆರೋಗ್ಯ ರಕ್ಷಣೆಗ್ ಭಜನೆ ಸಹಕಾರಿ: ವಿವೇಕ್ ಪಾಯಸ್

ನ್ಯಾಯಂತಡೆಗ್ ಹಾಜರಾವಂದೆ 12 ವರ್ಷ ದೆಂಗುದ್ ಕುಲ್ದಿನ ಆರೋಪಿ ಕೈದ್

ಎಂಆರ್‌ಪಿಎಲ್‌ಡ್ ಭಾರಿ ಸ್ಫೋಟ; 9 ಜನಕ್ಕ್ ಗಾಯ

ಕಾರ್ಲದ ಸ್ವರ್ಣ ತುದೆಟ್ಟ್ ನೀಂದರೆ ಪೋಯಿನ 2 ಜನ ಜವನೆರ್ ನೀರ್‌ಪಾಲ್