ತುಳು ಸುದ್ದಿ

ಪಡುಬಿದ್ರಿ ಬಿಲ್ಲವ ಸಂಘ, ಮಹಿಳಾ ಮಂಡಳಿ ಬೊಕ್ಕ ಕಲ್ಪತರು ಸ್ವಸಹಾಯ ಗುಂಪುದ ಒಟ್ಟು ಸೇರಿಗೆಡ್ ಆಟಿದ ಲೇಸ್

ಪಡುಬಿದ್ರಿ, ಜುಲೈ 31: ಪಡುಬಿದ್ರಿ ಬಿಲ್ಲವ ಸಂಘಡ್ ಪಡುಬಿದ್ರಿ ಬಿಲ್ಲವ ಸಮಾಜ ಸೇವಾ ಸಂಘ, ಶ್ರೀ ನಾರಾಯಣಗುರು ಮಹಿಳಾ ಮಂಡಳಿ ಬೊಕ್ಕ ಕಲ್ಪತರು ಮಹಿಳಾ ಸ್ವ ಸಹಾಯ ಗುಂಪುದ ಒಟ್ಟು ಸೇರಿಗೆಡ್ ಆಟಿದ ಲೇಸ್ ನಡತುಂಡು.

ಆಟಿದ ವನಸ್ : ಸಂಘದ ಮಹಿಳಾ ಮಂಡಳಿ ಬೊಕ್ಕ ಕಲ್ಪತರು ಸ್ವಸಹಾಯ ಸಂಘದ ಸದಸ್ಯೆರೆರ್ದ್ ತಯಾರ್ ಮಲ್ತಿನ ಆಟಿ ವಿಶೇಷತೆದ ಸುಮಾರ್ 20ರ್ದ್ ಜಾಸ್ತಿ ಬಗೆತ ತೆನಸ್ ಬಲಸಿಯೆರ್ . ಇಂದುವೆ ಪೊರ್ತುಡು ಪೊಂಜೊವ್ಲೆಗಾದ್ ಗೊಬ್ಬು ಬೊಕ್ಕ ಸರಸ್ವತಿ ಕಲಾ ಕೂಟರ್ದ್ ನೃತ್ಯ ವೈವಿಧ್ಯ ನಡತುಂಡು .

ಲೇಸ್ ಡ್ ಪಡುಬಿದ್ರಿ ಬಿಲ್ಲವ ಸಂಘದ ಗುರ್ಕಾರ್ಲಾಯಿನ ವೈ. ಸುಧೀರ್ ಕುಮಾರ್, ಕಾರ್ಯದರ್ಶಿ ಲಕ್ಷ್ಮಣ್ ಪೂಜಾರಿ, ಶ್ರೀ ನಾರಾಯಣಗುರು ಮಹಿಳಾ ಮಂಡಳಿಯ ಗುರ್ಕಾರ್ಲಾಯಿನ ಸುಚರಿತ ಎಲ್. ಅಮೀನ್, ಕಾರ್ಯದರ್ಶಿ ರೋಹಿಣಿ ಆನಂದ, ಮಹಿಳಾ ಮಂಡಳಿದ ನಿಕಟಪೂರ್ವ ಗುರ್ಕಾರ್ಲಾಯಿನ ಚಿತ್ರಾಕ್ಷಿ ಕೆ. ಕೋಟ್ಯಾನ್, ನಾರಾಯಣಗುರು ಸೇವಾದಳದ ದಳಪತಿ ಯೋಗೀಶ್ ಪೂಜಾರಿ, ಸಂಘದ ಕಾರ್ಯಕಾರಿ ಸಮಿತಿದ ಪದಾಧಿಕಾರಿಲು , ಸದಸ್ಯೆರ್ , ಮಹಿಳಾ ಮಂಡಳಿದ ಸದಸ್ಯೆರ್ ಪಾಲ್ ಪಡೆದಿತ್ತೆರ್.

ಮುಖ್ಯಮಂತ್ರಿಲೆನ ಕೌಶಲ್ಯ ಕರ್ನಾಟಕ ಯೋಜನೆಯಡಿ ಉಚಿತ ಕೌಶಲ್ಯ ತರಬೇತಿ

ಕುಡ್ಲ, ಜುಲೈ 31: ಮುಖ್ಯಮಂತ್ರಿಲೆನ ಕೌಶಲ್ಯ ಕರ್ನಾಟಕ ಯೋಜನೆಯಡಿ “ಸಿಸ್ಕೊ ಸರ್ಟಿಫೈಡ್ ನೆಟ್‍ವರ್ಕ್ ಅಸೋಸಿಯೇಟ್ (ಸಿ.ಸಿ.ಎನ್.ಎ), ಸಿಸ್ಕೊ ಐ.ಟಿ. ಎಸೆನ್ಸಿಯಲ್ಸ್, ಬೇಸಿಕ್ ವೆಲ್ಡಿಂಗ್, ಟಿಗ್ ವೆಲ್ಡಿಂಗ್, ಮಿಗ್ ವೆಲ್ಡಿಂಗ್, ರೆಫ್ರಿಜರೇಶನ್ ಮತ್ತು ಏರ್‍ಕಂಡೀಷನಿಂಗ್ ಟೆಕ್ನಿಷಿಯನ್, ಟ್ಯಾಲಿ” ಕೋರ್ಸ್ಗ್ ಉಚಿತ ಉದ್ಯೋಗಾಧಾರಿತ ಅಲ್ಪಾವಧಿ ಕೌಶಲ್ಯ ತರಬೇತಿ ಲೇಸ್ ದ ಪೊಸ ಬ್ಯಾಚ್ ಆಗಸ್ಟ್ 6 ರ್ದ್ ಸುರು ಆಯರೇ ಉಂಡು.

ಸಿ.ಸಿ.ಎನ್.ಎ ತರಬೇತಿಗ್ ಕಂಪ್ಯೂಟರ್ ಸೈನ್ಸ್ / ಇಲೆಕ್ಟ್ರಾನಿಕ್ಸ್ ವಿಭಾಗಡ್ ಡಿಪ್ಲೋಮಾ ಅತ್ತುಂಡ ಇಂಜಿನಿಯರಿಂಗ್ ಪದವಿನ್ , ಒರಿನ ಕೋರ್ಸ್‍ಗ್ ಕನಿಷ್ಠ ಎಸ್.ಎಸ್.ಎಲ್.ಸಿ ವಿದ್ಯಾರ್ಹತೆ ಪಡೆಯಿನ 18 ರ್ದ್ 35 ವಯೋಮಿತಿದ ಅಭ್ಯರ್ಥಿಲು ಅರ್ಜಿ ಪಾಡೋಲಿ .

ಕುಕ್ಕೆ:  ಪೂಜಾ ಕೈಂಕರ್ಯಗ್ ಅವಕಾಶ-  ಸರ್ಪಸಂಸ್ಕಾರ, ಆಶ್ಲೇಷ ಬಲಿ ಸೇವೆ ಸುರು

ಸುಬ್ರಮಣ್ಯ : ಪ್ರಸಿದ್ದ ಯಾತ್ರಾಕ್ಷೇತ್ರ ಕುಕ್ಕೆ ಶ್ರೀ ಸುಬ್ರಹ್ಮಣ್ಯ ದೇವಸ್ಥಾನಡ್ ಕೆಲವೊಂಜಿ ಸೇವೆ ಸುರು ಆಯರೇ ಉಂಡು, ಪ್ರಧಾನ ಸೇವೆ ಆಯಿನ ಸರ್ಪಸಂಸ್ಕಾರ, ಆಶ್ಲೇಷ ಬಲಿ, ನಾಗಪ್ರತಿಷ್ಠೆ ಬೊಕ್ಕ ಮಹಾಭಿಷೇಕ ಜು.31 ರ್ದ್ ಸುರು ಆಯೆರೆ ಉಂಡು.

ಸರಕಾರದ ಕೋವಿಡ್ ಮಾರ್ಗಸೂಚಿಗ್ ಅನುಗುಣವಾದ್ ಶ್ರೀ ದೇವಳಡ್ ಸೇವೆ ನಡಪಾಯೆರೆ ಭಕ್ತೆರೆಗ್ ಅವಕಾಶ ಕೊರ್ತೆರ್ .

ಸರಕಾರ ಮೀನುಗಾರೆರರ್ನ ಕಷ್ಟಗ್ ಸ್ಪಂದನೆ ಕೊರಡ್ : ಒಡಿಪು ಜಿಲ್ಲಾ ಕಾಂಗ್ರೆಸ್

ಒಡಿಪು, ಜುಲೈ 30 : ಬರ್ಪಿನ ಆಗಸ್ಟ್ ತಿಂಗೊಲ್ ಡು ಕರಾವಳಿಡ್ ಮೀನುಗಾರಿಕಾ ಋತು ಸುರು ಆಪಿನ ನೆಲೆಟ್ಟ್ ಸರಕಾರ, ಆಯಿನಾತ್ ಬೇಗ ಮೀನುಗಾರಿಕೆಗ್ ಅನುವು ಮಲ್ತ್ ಕೊರ್ರೆ ಡೀಸೆಲ್ ಪಾಸ್ ಪುಸ್ತಕದ ನವೀಕರಣ ಮಲ್ಪೊಡು ಪಂದ್ ಒಡಿಪು ಜಿಲ್ಲಾ ಕಾಂಗ್ರೆಸ್ ರಾಜ್ಯದ ನೂತನ ಸರಕಾರನ್ ಅಗ್ರಹ ಮಲ್ದುಂಡು .

ಕೊರೋನಾ ಸಂಕಷ್ಟದ ಕಾಲಡ್ ಲಾ ಸರಕಾರ ಅಧಿಕಾರನ್ ಒರಿಪಾವುನಲ್ಪ ಬೇಲೆ ಮಲ್ತೊಂದು ಉಂಡು ಅತ್ತoದೆ ಜನಕ್ಲೆನ ಸಂಕಷ್ಟಗ್ ಪರಿಹಾರ ಕೊರ್ಪಿನ ಒವ್ವೆ ಕ್ರಮ ದೆತೊನಂದಿನ ಖಂಡನೀಯ ಪಂದ್ ಪಂಡೆರ್.

ರೈಲ್ದ ಪಟ್ಟೆದ ಮಿತ್ತ್ ನಿಗೂಢ ರೀತಿಡ್ ಪತ್ತೆಯಾಯಿನ ಜವನ್ಯನ ಪುನ

ಬಂಟ್ವಾಳ: ದೇವಂದಬೆಟ್ಟು ಪನ್ಪಿನ ಜಾಗೆದ ರೈಲ್ದ ಪಟ್ಟೆಡ್ ಜವನ್ಯನ ಪುನ ಪತ್ತೆಯಾಯಿನ , ಸಂಶಯಗ್ ಕಾರಣ ಆತುಂಡು .

ಕಳ್ಳಿಗೆ ಗ್ರಾಮದ ಲಕ್ಷಣ ಪನ್ಪಿನರೆನ ಮಗೆ ಕಾರ್ತಿಕ್ (25) ಮೆರೆನ ಮೃತದೇಹ ಪಂದ್ ಗುರ್ತು ಮಲ್ದೆರ್.

ಕೋಡೆ ಬೈಯ್ಯರ್ದೆ ಸಂಜೆ ಇಲ್ಲರ್ದ್ ಪೋಯಿನ ಕಾರ್ತಿಕ್ ರಾತ್ರಿ 11 ಗಂಟೆಯಾoಡಲ ಇಲ್ಲಗ್ ಬತ್ತಿತ್ತ್ಜೆರ್ . ಈ ನೆಲೆಟ್ಟ್ ಇಲ್ಲದಕುಲು ನಾಡೆರೆ ಸುರು ಮಲ್ತೆರ್ ಕಾಂಡೆ ಸುಮಾರ್ 3 ಗಂಟೆ ಪೊರ್ತುಗು ಕಾರ್ತಿಕ್ ನ ಪುನ ರೈಲ್ವೆ ಹಳಿಟ್ ಪತ್ತೆಯಾತುಂಡು .ಈ ಬಗ್ಗೆ ಬಂಟ್ವಾಳ ನಗರ ಠಾಣಾ ಪೋಲೀಸೆರೆಗ್ ಮಾಹಿತಿ ಕೊರ್ತೆರ್ , ಜಾಗೆಗ್ ಉನ್ನತ ಮಟ್ಟದ ಅಧಿಕಾರಿಲು ಬೇಟಿ ಕೊರ್ದು ಪರಿಶೀಲನೆ ನಡಪಾದೆರ್ .

ಹಿರಿಯ ನಾಗರಿಕೆರೆಗ್ ರಾಜ್ಯ ಪ್ರಶಸ್ತಿ : ಪ್ರಸ್ತಾವನೆಗ್ ಲೆಪ್ಪೋಲೆ

ಒಡಿಪು, ಜುಲೈ 30: ವಿಕಲಚೇತನರ ಬೊಕ್ಕ ಹಿರಿಯ ನಾಗರಿಕರ ಸಬಲೀಕರಣ ಇಲಾಖೆದ ವತಿರ್ದ್ ಅಕ್ಟೋಬರ್ 1ಕ್ಕ್ ವಿಶ್ವ ಹಿರಿಯ ನಾಗರಿಕರ ದಿನಾಚರಣೆನ್ ರಾಜ್ಯ ಮಟ್ಟಡ್ ಆಚರಣೆ ಮಲ್ತೊಂದು ಉಲ್ಲೆರ್ , ಈ ಪೊರ್ತುಡು ಶಿಕ್ಷಣ, ಸಾಹಿತ್ಯ, ಕಲಾಕ್ಷೇತ್ರ, ಕಾನೂನು, ಪ್ರತಿಭೆ, ಕ್ರೀಡೆ ಅಂಚನೇ ಹಿರಿಯ ನಾಗರಿಕರ ಕ್ಷೇತ್ರಡ್ ಸಮಾಜ ಸೇವೆ ಮಲ್ತಿನ ಹಿರಿಯ ನಾಗರಿಕೆರೆಗ್ ಒಟ್ಟು ಆಜಿ ವೈಯಕ್ತಿಕ ಪ್ರಶಸ್ತಿ ಬೊಕ್ಕ ಒಂಜಿ ಸಂಸ್ಥೆಗ್ ಪ್ರಶಸ್ತಿ ಸೇರಿನಂಚ ಒಟ್ಟು ಏಳ್ ರಾಜ್ಯ ಪ್ರಶಸ್ತಿ ಕೊರೊಂದು ಉಲ್ಲೆರ್ ನೆಕ್ಕಾದ್ ಜಿಲ್ಲೆದ ಹಿರಿಯ ನಾಗರಿಕೆರೆರ್ದ್ ಪ್ರಸ್ತಾವನೆ ಲೈದೆರ್ .