ರಪಕ್ಕ ಸುದ್ದಿ Flash News

Sri Sahasra Nrusinha Yaga at Kinnigoli ಕಿನ್ನಿಗೋಳಿಡ್ ಶ್ರೀ ಸಹಸ್ರ ನೃಸಿಂಹ ಯಾಗ ಪೂರ್ಣಾಹುತಿ

ಕಿನ್ನಿಗೋಳಿ : ಲೋಕ ಕಲ್ಯಾರ್ಥವಾದ್ ಕಿನ್ನಿಗೋಳಿದ ಶ್ರೀ ಸಹಸ್ರ ನೃಸಿಂಹ ಯಾಗ ಸಮಿತಿದ ಮುತಾಲಿಕೆಡ್ ಕಿನ್ನಿಗೋಳಿ ಮಹಮ್ಮಾಯಿ ಕಟ್ಟೆದ ಶ್ರೀ ಶಾರದ ಮಂಟಪದ ಯಾಗ ಶಾಲೆಡ್ ಫೆ.6 ತಾರೀಕ್ ರ್ದ್ ಸುರುವಾಯಿನ ಶ್ರೀ ಸಹಸ್ರ ನೃಸಿಂಹ ಯಾಗ ಫೆ.11 ಸನಿಯಾರ ಮಹಾಪೂರ್ಣಾಹುತಿ ಆಂಡ್.

ವೇದಮೂರ್ತಿ ಸುಧೀರ್ ಭಟ್ ಮುತಾಲಿಕೆಡ್ ವೇ.ಮೂ. ಕಾಶೀನಾಥ ಆಚಾರ್ಯ ಮೆರೆನ ಮಾರ್ಗದರ್ಶನೊಡು, ಯಾಗದ ಅಧ್ಯಕ್ಷೆರ್ ಸುಬ್ರಹ್ಮಣ್ಯ ಶೆಣೈ ದಂಪತಿಲೆನ ಎದುರುಡು ಶ್ರೀ ನೃಸಿಂಹ ದೇವೆರೆನ ಯಾಗ ವಿಧಿ ವಿಧಾನ ನಡತ್‌ಂಡ್.

ಯಾಗ ಸಮಿತಿದ ಅಧ್ಯಕ್ಷೆರ್, ಶಾಸಕೆರ್ ಉಮಾನಾಥ ಕೋಟ್ಯಾನ್, ಮಾಜಿ ಸಚಿವೆರ್ ನಾಗರಾಜ್ ಶೆಟ್ಟಿ, ಧರ್ಮದರ್ಶಿ ಹರಿಕೃಷ್ಣ ಪುನರೂರು, ಭುವನಾಭಿರಾಮ ಉಡುಪ, ವಿಜಯಕುಮಾರ್ ಕೊಡಿಯಾಲ್ ಬೈಲ್, ಸುನಿಲ್ ಆಳ್ವ ಮೊಕುಲು ಮಾತ ಈ ಪೊರ್ತುಡು ಇತ್ತೆರ್.

ಯಾಗ ಸಮಿತಿದ ಕಾರ್ಯಾಧ್ಯಕ್ಷೆರ್ ದೇವಿಪ್ರಸಾದ್ ಶೆಟ್ಟಿ ಕೊಡೆತ್ತೂರು ಹೊಸಮನೆ, ಪ್ರಧಾನ ಕಾರ್ಯದರ್ಶಿ ಪ್ರತೀಕ್ ಶೆಟ್ಟಿ, ಪ್ರಧಾನ ಸಂಚಾಲಕೆರ್ ಪ್ರೇಮರಾಜ್ ಶೆಟ್ಟಿ, ರಾಜೇಶ್ ಕುಲಾಲ್, ರಾಜೇಶ್ ಕುಂದರ್ ಮುಕ್ಕ, ಪ್ರಕಾಶ್ ಆಚಾರ್ಯ ಕಿನ್ನಿಗೋಳಿ, ಧನಂಜಯ ಶೆಟ್ಟಿಗಾರ್ ಬೊಕ್ಕ ಸಮಿತಿದ ಮಾತಾ ಪದುಕೆರ್ ಇತ್ತೆರ್. ಮಧ್ಯಾಹ್ನ ಗೋ ಪೂಜೆ, ದಂಪತಿ ಪೂಜೆ, ಪಲ್ಲ ಪೂಜೆ ಆದ್ ಮಹಾ ಅನ್ನ ಸಂತರ್ಪಣೆ ನಡತ್‌ಂಡ್. ಬಯ್ಯಗ್ ಓಕುಳಿಯಾದ್ ಪೇಂಟೆ ಸವಾರಿ ನಡತ್‌ಂಡ್.

Sri Sahasra Nrusinha Yaga at Kinnigoli

Kinnigoli: A Sahasra Nrusinha Yaga was held in Kinnigoli from Feb 6 th to Feb 11th at Sharada Mantap in Kinnigoli. It was held for the good of the nation.

The rituals were held under the guidance of Vedamurthy Sudhir Bhat and the guidance of Vedamurthy Kashinath Acharya.The rituals were conducted by Kashinath Shenoy couple who is the president of the organising committee.

Ullal: Teacher shares pictures of students in WhatsApp group as punishment – Parents complain ಉಳ್ಳಾಲ: ಹೋಮ್ ವರ್ಕ್ ಮಲ್ತ್‌ದಿಜೆರ್ ಪಂದ್ ಕಲ್ಪಾರ್ಥಿಲೆನ ಫೋಟೊ ಶೇರ್ ಮಲ್ತಿನ ಟೀಚರ್-ಸ್ವರ ಲಕ್ಕಾಯೆರ್ ಪೋಷಕೆರ್

ಉಳ್ಳಾಲ: ಪೋಷಕೆರ್‍ನ ವಾಟ್ಸ್ಯಾಪ್ ಗ್ರೂಪ್‌ಡ್ ಹೋಂ ವರ್ಕ್ ಮಲ್ಪಂದಿನ ಕಲ್ಪಾರ್ಥಿಲೆನ ಫೋಟೋ ಪಾಡ್ದಿನ ಟೀಚರ್‌ನ್ ವಿರುದ್ಧ ಸೋಶಿಯಲ್ ಮೀಡಿಯಾಡ್ ಪೋಷಕೆರ್ ಸ್ವರ ಲಕ್ಕಾದೆರ್.

ದೇರಳಕಟ್ಟೆದ ಸರಕಾರಿ ಕಿರಿಯ ಪ್ರಾಥಮಿಕ ಶಾಲೆಡ್ ಮೂಜನೇ ಕ್ಲಾಸ್‌ದ ಕಲ್ಪಾರ್ಥಿಲೆನ ಫೋಟೋನ್ ಪೋಷಕೆರ್‍ನ ವಾಟ್ಸಾಪ್ ಗ್ರೂಪ್‌ಡ್ ಪಾಡ್ದೆರ್. ಕನ್ನಡದ ಮೂಜಿ ಪ್ರಶ್ನೆಗ್ ಉತ್ತರ ಕೊರಂದಿನ ಜೋಕುಲು, ಗಣಿತದ ಹೋಂ ವರ್ಕ್ ಮಲ್ಪಂದಿನಕುಲು, ಕನ್ನಡ ಕಾಪಿ ಬರೆಯಂದಿನಕುಲು ಪಂದ್ ಜೋಕ್ಲೆನ ಫೋಟೋ ಶೇರ್ ಮಲ್ತ್‌ದೆರ್. ಈ ಬಗೆಟ್ಟ್ ಪೋಷಕೆರ್ ಟೀಚರ್‌ನ್ ವಿರುದ್ಧ ಸ್ವರ ಲಕ್ಕಾದೆರ್.

Puttur: Wine shops closed today on account of Amith Shah’s visit ಪುತ್ತೂರ್: ಅಮಿತ್ ಶಾ ಬರ್ಪಿನೆಕ್ಕ್ ಇನಿ ಗಂಗಸರ ಬಂದ್

ಪುತ್ತೂರ್: ಕೇಂದ್ರ ಗೃಹ ಬೊಕ್ಕ ಸಹಕಾರಿ ಸಚಿವೆರ್ ಅಮಿತ್ ಶಾ ಅಂಚೆನೆ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಮೊಕುಲು ಪುತ್ತೂರ್‌ಗ್ ಬರ್ಪಿನೆಡ್ದಾವರ ಫೆ.11 ಕ್ಕ್ ಮಧ್ಯಾಹ್ನ 12 ಗಂಟೆರ್ದ್ ರಾತ್ರೆ 8 ಗಂಟೆ ಮುಟ್ಟ ಗಂಗಸರದ ಅಂಗಡಿನ್ ಬಂದ್ ಮಲ್ಪರೆ ಜಿಲ್ಲಾಧಿಕಾರಿ ಆದೇಶ ಮಲ್ತ್‌ದೆರ್.

ಭದ್ರತೆ ಅಂಚನೆ ಸುರಕ್ಷತೆದ ದೃಷ್ಟಿರ್ದ್ ಪುತ್ತೂರ್ ವಲಯದ ವ್ಯಾಪ್ತಿಡ್ ಕಾನೂನು ಸುವ್ಯವಸ್ಥೆ ಕಾಪುನ ನಿಲೆಟ್ಟ್ ಈ ನಿರ್ಧಾರ ದೆತೊಂದೆರ್.

Puttur: Wine shops closed today on account of Amith Shah’s visit

Puttur Union Home minister Amit Shah will be town along with CM Basavaraj Bommai on February 11 th.All wine shops will be closed from 12 noon to 8 p.m. as ordered by the DC.

Mangaluru: Jewellery staff murder case – Police release suspected killer’s photograph ಕುಡ್ಲ: ಬಂಗಾರ್ದ ಅಂಗಡಿಡ್ ಕೆರಿನ ಕೇಸ್, ಆರೋಪಿನ ನನಾತ್ ಫೋಟೋ ಬುಡುಗಡೆ

ಕುಡ್ಲ: ಹಂಪನಕಟ್ಟೆದ ಬಂಗಾರ್ದ ಅಂಗಡಿಡ್ ಫೆ.3 ಸುಕ್ರಾರದಾನಿ ಪಗೆಲ್‌ಡೇ ಬೇಲೆದಾರೆನ್ ಕೆರಿನ ಕೇಸ್‌ಗ್ ಸಂಬಂಧಿಸಾದ್ ಆರೋಪಿನ ನನಾತ್ ಫೋಟೊನ್ ಪೊಲೀಸೆರ್ ಬುಡುಗಡೆ ಮಲ್ತ್‌ದೆರ್.

ಬಂಗಾರ್ದ ಅಂಗಡಿಡ್ ಬೇಲೆ ಮಲ್ತೊಂದಿತ್ತಿನ ಅತ್ತಾವರದ ನಿವಾಸಿ ರಾಘವೇಂದ್ರ ಆಚಾರ್ (55) ಮೆರೆನ್ ಆರೋಪಿ ಬಿಸತ್ತಿ ಪಾಡ್ದ್ ಕೆರ್ದ್ ಪದ್ರಾಡ್ ಆದಿತ್ತೆ.

ಸಾರ್ವಜನಿಕೆರೆಗ್ ಆರೋಪಿನ ಬಗೆಟ್ಟ್ ಮಾಹಿತಿ ತೆರಿದ್ ಬತ್ತ್ಂಡ ಪೊಲೀಸ್ ಅಧಿಕಾರಿಲೆನ ನಂಬರ್‌ಗ್ ಲೆಪ್ಪು ಕೊಲೆ;

ಪಿ ಎ ಹೆಗಡೆ -ಎಸಿಪಿ ಸಿಸಿಬಿ, ಕುಡ್ಲ -ಮೊ: 9945054333,

ಮಹೇಶ್ ಕುಮಾರ್ , ಎಸಿಪಿ ಕೇಂದ್ರ ಉಪವಿಭಾಗ, ಕುಡ್ಲ – ಮೊ: 9480805320

Police released one more CCTV camera shot of suspected killer of Jewellery shop murder case that occurred at Hampankatta. The police have sought public’s help to nab the killer.

The photo which is released by the police is from the CCTV footage of a different mall.

Don’t allow for celebration of Valentine’s day – request by Hindu Janajagruti Samithi to the police commissioner ಪ್ರೇಮಿಲೆನ ದಿನಾಚರಣೆಗ್ ಅವಕಾಶ ಕೊರಿಯರೆ ಬಲ್ಲಿ: ಹಿಂದು ಜನಜಾಗೃತಿ ಸಮಿತಿರ್ದ್ ನಗರ ಪೊಲೀಸ್ ಆಯುಕ್ತೆರೆಗ್ ಬಿನ್ನಾಪು

ಕುಡ್ಲ: ಪ್ರೇಮಿಲೆನ ದಿನಾಚರಣೆಗ್ ಅವಕಾಶ ಕೊರಿಯರೆ ಬಲ್ಲಿ ಪಂದ್ ಕುಡ್ಲ ನಗರ ಪೊಲೀಸ್ ಆಯುಕ್ತೆರೆಗ್ ಹಿಂದು ಜನಜಾಗೃತಿ ಸಮಿತಿದ ಕುಡ್ಲ ಘಟಕದ ಮುತಾಲಿಕೆಡ್ ಬಿನ್ನಾಪು ಮಲ್ತೆರ್.

ಫೆಬ್ರವರಿ 14 ಕ್ಕ್ ಪ್ರೇಮಿಲೆನ ದಿನಾಚರಣೆ ಆತಿನೆಡ್ದಾವರ ಮೋಕೆ ಮಲ್ಪುನ ಇಚಾರಡ್ ಮಸ್ತ್ ಬೊಡ್ಚಾಂದಿನ ಘಟನೆಲು ನಡತೊಂದು ಉಂಡು. ಉಂದು ನಮ್ಮ ಹಿಂದೂ ಸಂಸ್ಕೃತಿ ಅತ್. ಇಂಚಾದ್ ಪ್ರೇಮಿಲೆನ ದಿನಾಚರಣೆಗ್ ಅವಕಾಶ ಕೊರಿಯರೆ ಬಲ್ಲಿ ಪಂದ್ ಕುಡ್ಲ ನಗರ ಪೊಲೀಸ್ ಆಯುಕ್ತೆರೆಗ್ ಹಿಂದು ಜನಜಾಗೃತಿ ಸಮಿತಿದ ಕುಡ್ಲ ಘಟಕದ ಮುತಾಲಿಕೆಡ್ ಮನವಿ ಸಂದಾಯೆರ್.

ಈ ಪೊರ್ತುಡು ಸಮಿತಿದಕುಲು ಆಯಿನ ಭವ್ಯ ಗೌಡ, ಉಪೇಂದ್ರ ಆಚಾರ್ಯ, ಪ್ರಭಾಕರ್ ನಾಯಕ್ ಇತ್ತೆರ್.