ಗೌಜಿ ಗಮ್ಮತ್ ದ ಸುದ್ದಿ | Events & Functions

ನಾಡೋಜ ಡಾ. ಕೃಷ್ಣಪ್ರಸಾದ್ ಕೂಡ್ಲುಗು ಹಂಪಿ ಕನ್ನಡ ವಿಶ್ವವಿದ್ಯಾನಿಲಯರ್ದ್ ನಾಡೋಜ ಗೌರವ ಮಾನದಿಗೆ

ಕುಡ್ಲ, ಎಪ್ರಿಲ್ 18: ಉಚಿತ ನೇತ್ರ ತಪಾಸಣೆ ಬೊಕ್ಕ ಶಸ್ತ್ರಚಿಕಿತ್ಸೆದ ಸಾಧನೆಗಾದ್ ಹಂಪಿ ಕನ್ನಡ ವಿಶ್ವವಿದ್ಯಾನಿಲಯರ್ದ್ ನಾಡೋಜ ಮಾನದಿಗೆ ಪಡೆಯಿನ ನಾಡೋಜ ಡಾ. ಕೃಷ್ಣಪ್ರಸಾದ್ ಕೂಡ್ಲುಗು ಎಡ್ಡೆಪ್ಪುಲು.

ಶ್ರೀಅದಮಾರು ಮಠದ ಶ್ರೀಈಶ ಪ್ರಿಯ ತೀರ್ಥ ಶ್ರೀಪಾದ ಸ್ವಾಮೀಜಿರ್ದ್ ಒಡಿಪುಡು ಶ್ರೀರಾಮ ಹನುಮದುತ್ಸವಗ್ ಚಾಲನೆ

ಒಡಿಪು , ಎ.16: ಒಡಿಪು ಶ್ರೀಕೃಷ್ಣಮಠ ರಾಜಾಂಗಣದ ನರಸಿಂಹತೀರ್ಥ ವೇದಿಕೆಡ್ ಪರ್ಯಾಯ ಶ್ರೀಅದಮಾರು ಮಠದ ಒಟ್ಟು ಸೇರಿಗೆಡ್ 15 ದಿನ ನಡಪುನ ‘ಶ್ರೀರಾಮ ಹನುಮದುತ್ಸವ’ಗ್ ಪರ್ಯಾಯ ಶ್ರೀಅದಮಾರು ಮಠದ ಶ್ರೀಈಶ ಪ್ರಿಯ ತೀರ್ಥ ಶ್ರೀಪಾದೆರ್ , ಅಷ್ಟಮಠದ ಒರಿದಿನ ಸ್ವಾಮೀಜಿನಕ್ಲೆನೊಟ್ಟುಗು ಅಂಗಾರೆ ಬೈಯ್ಯ ವಿದ್ಯುಕ್ತ ಚಾಲನೆ ಕೊರಿಯೆರ್ .

ಈ ಪೊರ್ತುಡು ಅದಮಾರು ಮಠದ ಪೆರಿಯ ಯತಿಲಾಯಿನ ಶ್ರೀವಿಶ್ವಪ್ರಿಯತೀರ್ಥ ಶ್ರೀಪಾದೆರ್ ಪಲಿಮಾರು ಮಠದ ಪೆರಿಯ ಮಠಾಧೀಶರಾಯಿನ ಶ್ರೀವಿದ್ಯಾಧೀಶತೀರ್ಥ ಶ್ರೀಪಾದೆರ್ , ಕಿರಿಯ ಶ್ರೀವಿದ್ಯಾರಾಜೇಶ್ವರತೀರ್ಥ ಶ್ರೀಪಾದೆರ್ ಪಾಲ್ ಪಡೆದಿತ್ತೆರ್ . ಈ ಪೊರ್ತುಡು ಶ್ರೀನಿವಾಸ ವಿದ್ಯಾಲಯರ್ಡ್ ಗೌರವ ಡಾಕ್ಟರೇಟ್ ಪುರಸ್ಕೃತೆರಾಯಿನ ಪಲಿಮಾರು ಮಠದ ಶ್ರೀವಿದ್ಯಾಧೀಶತೀರ್ಥ ಶ್ರೀಪಾದೆರೆನ್ ಪರ್ಯಾಯ ಅದಮಾರು ಮಠ ಬೊಕ್ಕ ಎಸ್‌ಎಂಎಸ್‌ಪಿ ಸಂಸ್ಕೃತ ಮಹಾಪಾಠಶಾಲೆ ವತಿರ್ದ್ ಮಾನದಿಗೆ ಮಲ್ತೆರ್.

ಉಚ್ಚಿಲ ಕೋಟೆ ಶ್ರೀ ವಿಷ್ಣುಮೂರ್ತಿ ದೇವಸ್ಥಾನ ವರ್ಷಾವದಿ ನೇಮೋಚ್ಚಯ

ಸೋಮೇಶ್ವರ : ಉಚ್ಚಿಲ ಕೋಟೆ ಶ್ರೀ ವಿಷ್ಣುಮೂರ್ತಿ ದೇವಸ್ಥಾನ ವರ್ಷಾವದಿ ನೇಮೋಚ್ಚಯ ತಾರೀಖ್ 21/4/2021 ರ್ದ್ 23/4/2021 ಮುಟ ನಡಪರೆ ಉಂಡು.

17-04-2021ನೇ ಶನಿವಾರ ಕಾಂಡೆ 7-00 ಗಂಟೆಗ್ ಗೊನೆ ಮೂಹೂರ್ತ, ತಾರೀಖ್ 23-04-2021ನೇ ಶುಕ್ರವಾರ ಧೂಮಾವತಿ ಬಂಟ ಪರಿವಾರ ದೈವದ ನೇಮೋಚ್ಚಯ ನಡಪರೆ ಉಂಡು.