Fri. Nov 20th, 2026

ಊರ್ದ ಸುದ್ದಿ Regional News

ಡಾ. ಪೂರ್ಣಿಮಾ, ಕವಿತಾ ಅಡೂರುಗು “ಮಿಂಚು ಶ್ರೀನಿವಾಸ ” ಪತ್ರಿಕಾ ಪ್ರಶಸ್ತಿ

ಬೆಂಗ್ಳೂರು: ಧಾರವಾಡದ ಸಾಂಸ್ಕೃತಿಕ ಬೊಕ್ಕ ಮಾಧ್ಯಮ ಪ್ರತಿಷ್ಠಾನ (ಸಾಕಾರ) ಅಂಚನೆ ಶಿವಮೊಗ್ಗದ ಮಿಂಚು ಶ್ರೀನಿವಾಸ ಕುಟುಂಬ ವರ್ಗ ಸ್ಥಾಪನೆ ಮಲ್ತಿನ ‘ಮಿಂಚು ಶ್ರೀನಿವಾಸ ಪತ್ರಿಕಾ ಪ್ರಶಸ್ತಿ’ ಪ್ರಕಟ ಆತುಂಡು .

ಪೆರಿಯ ಪತ್ರಕರ್ತೆ, ಹಿತೈಷಿಣಿ ಮಹಿಳಾ ಅಧ್ಯಯನ ಕೇಂದ್ರದ ಸಂಚಾಲಕಿ ಡಾ.ಆರ್.ಪೂರ್ಣಿಮಾ ‘ಮಿಂಚು ಶ್ರೀನಿವಾಸ ಪ್ರಶಸ್ತಿ’ಗ್ ಆಯ್ಕೆ ಆತೆರ್ . ಮಂಕುತಿಮ್ಮನ ಕಗ್ಗದ ಪ್ರಸಿದ್ಧ ವಾಚಕಿ, ‘ವಿಜಯವಾಣಿ’ ಅಂಕಣಕಾರ್ತಿ ಪುತ್ತೂರುದ ಕವಿತಾ ಅಡೂರು ಮೇರ್ ಸಿ.ಆರ್. ಭಟ್ ಸಾಮಾಜಿಕ ಬೊಕ್ಕ ಸಾಂಸ್ಕೃತಿಕ ಪ್ರಶಸ್ತಿಗ್ ಆಯ್ಕೆಯಾತೆರ್ .

ದತ್ತಾತ್ರೇಯ ಕುಲಕರ್ಣಿ ಶಿಕ್ಷಣ ಸಿರಿ ಪ್ರಶಸ್ತಿಗ್ ಧಾರವಾಡದ ಕವಿವಿಯ ಪತ್ರಿಕೋದ್ಯಮ ವಿದ್ಯಾರ್ಥಿನಿ ಪ್ರೀತಿ ಕಾಮತ್, ಎಂಎಲ್ ಜೋಶಿ ಉದಯೋನ್ಮುಖ ಕ್ರೀಡಾಪಟು ಪ್ರಶಸ್ತಿಗೆ ಮಲ್ಲಕಂಬ ಬೊಕ್ಕ ಯೋಗಪಟು ಅನನ್ಯ ಹಿರೇಮಠ ಆಯ್ಕೆಯಾತೆರ್ .

 

u”Minchu Srinivasa” media award to Dr Poornima and Kavita Adoor.

Bangalore: The Cultural and Media foundation of Dharwad and the Minchu Srinivasa family from Shimoga have set up the” Minchu Srinivasa Patrika Prasasti “.

Senior journalist and director of of Hitaishini Mahila Adyayana Kendra Dr R Poornima has been selected for the Minchu Srinivasa award .
The well known quoter of Mankutimmana Jagga and columnist of Vijayavani newspaper Kavita Adoor has been selected for for C.R Bhat social and cultural award .

Journalism student Preethi Kamath from Dharwad has been selected for the Dattatreya Kulkarni ” Shikshana Siri ” award and Annanya Hiremath has been selected for M.L Joshi most promising sportsman award

 

ಭಾರತದ ರಕ್ಷಣಾ ಇಲಾಖೆದ ಬ್ರಿಗೇಡಿಯರ್ ಹುದ್ದೆ ಪಡೆಯಿನ ಅಜೆಕಾರ್ ದ ಸಚ್ಚಿದಾನಂದ ಪ್ರಭು

ಕಾರ್ಲ : ಅಜೆಕಾರು ಮರ್ಣೆ ಗ್ರಾಮದ ಕಾಡುಹೊಳೆ ಸಚ್ಚಿದಾನಂದ ಪ್ರಭು ಮೇರ್ ಭಾರತದ ರಕ್ಷಣಾ ಇಲಾಖೆದ ಬ್ರಿಗೇಡಿಯರ್ ಹುದ್ದೆ ಪಡೆತೆರ್ .ಕಾಡುಹೊಳೆಟ್ ಪ್ರಾಥಮಿಕ ಶಿಕ್ಷಣ, ಅಜೆಕಾರು ಜ್ಯೋತಿ ಶಾಲೆಡ್ ಪ್ರೌಢಶಿಕ್ಷಣ, ಎಸ್‌ಡಿಎಂ ಉಜಿರೆಡ್ ಪಿಯು ಶಿಕ್ಷಣ ಮಲ್ತಿನ ಪ್ರಭು ಮೇರ್ ಒಡಿಪು ವೈಕುಂಠ ಬಾಳಿಗಾ ಕಾಲೇಜಿಡ್ ಎಲ್‌ಎಲ್‌ಬಿ ಪದವಿ ಪಡೆತೆರ್ .

1997ಟ್ಟ್ ಭಾರತೀಯ ಭೂಸೇನೆಡ್ ಅಸಿಸ್ಟೆಂಟ್ ಜಡ್ಜ್ ಅಡ್ವಕೇಟ್ ಜನರಲ್ ಹುದ್ದೆಗ್ ನೇಮಕ ಆದ್ ಇತ್ತೆರ್ . ಐರ್ದ್ ಬೊಕ್ಕ ಕರ್ನಲ್ ಮಿಲಿಟರಿ ಸೆಕ್ರೆಟರಿ (ಕಾನೂನು), ಡೆಪ್ಯೂಟಿ ಜಡ್ಜ್ ಅಡ್ವಕೇಟ್ ಜನರಲ್ ಆಗಿ ಸೇವೆ ಮಲ್ತೆರ್ ..

ಮೇರ್ ಕಾಡುಹೊಳೆ ಕೊಪ್ಪಲದ ದಿ. ಬಾಬುರಾಯ ಪ್ರಭು ಬೊಕ್ಕ ರತ್ನಮ್ಮ ದಂಪತಿ ಪುತ್ರ, ಬೈಲೂರು ಜ್ಯೋತಿ ಪ್ರಭು ಅರೆನ ಬೊಡೆದಿ .

ಇನಿ ಸುರತ್ಕಲ್‌ ಡ್ ‘ಯಕ್ಷಸಿರಿ’ ಯಕ್ಷಗಾನ ಕೇಂದ್ರ ಉದಿಪನ

ಸುರತ್ಕಲ್: ಬಂಟರ ಸಂಘ (ರಿ) ಸುರತ್ಕಲ್ ಮೆಕ್ಲೆನ ಒಟ್ಟು ಸೇರಿಗೆಡ್ ಯಕ್ಷಸಿರಿ ಬಂಟರ ಸಂಘ ಸುರತ್ಕಲ್ ಯಕ್ಷಗಾನ ತರಬೇತಿ ಕೇಂದ್ರ ಉದಿಪನದ ಲೇಸ್ ಎಪ್ರಿಲ್ 14 ಕ್ಕ್ ಬಯ್ಯಗ್ 4 ಗಂಟೆಗ್ ಬಂಟರ ಭವನಡ್ ನಡಪರೆ ಉಂಡು .


ಲೇಸ್ ನ್ ಪಂಚ ಯಕ್ಷಗಾನ ಮೇಳದ ಸಂಚಾಲಕೆರಾಯಿನ ಪಳ್ಳಿ ಕಿಶನ್ ಹೆಗ್ಡೆ ಉದಿಪನ ಮಲ್ಪರೆ ಉಲ್ಲೆರ್ . ಸುರತ್ಕಲ್ ಬಂಟರ ಸಂಘದ ಗುರ್ಕಾರ್ಲಾಯಿನ ಸುಧಾಕರ ಎಸ್. ಪೂಂಜ ಗುರ್ಕಾರ್ಮೇ ವಹಿಸರೆ ಉಲ್ಲೆರ್ .
ಮಲ್ಲ ಬಿನ್ನೆರ್ ಆದ್ ಕರ್ನಾಟಕ ಯಕ್ಷಗಾನ ಅಕಾಡೆಮಿದ ಸದಸ್ಯ ಕದ್ರಿ ನವನೀತ ಶೆಟ್ಟಿ, ಮಾಧವ ಭಂಡಾರಿ ಕುಳಾಯಿ, ಸುರತ್ಕಲ್ ಅಗರಿ ಸಂಸ್ಥರಣಾ ವೇದಿಕೆದ ಗುರ್ಕಾರ್ಲಾಯಿನ ಅಗರಿ ರಾಘವೆಂದ್ರ ರಾವ್, ಯಕ್ಷಧ್ರುವ ಪಟ್ಲ ಫೌಂಡೇಶನ್ ಟ್ರಸ್ಟ್‌ದ ಸುರತ್ಕಲ್ ಘಟಕದ ಗುರ್ಕಾರ್ಲಾಯಿನ ಸಂತೋಷ್ ಕುಮಾರ್ ಶೆಟ್ಟಿ, ಪಟ್ಲ ಫೌಂಡೇಶನ್ ಟ್ರಸ್ಟ್‌ದ ಕೇಂದ್ರಿಯ ಮಹಿಳಾ ಘಟಕದ ಗುರ್ಕಾರ್ಲಾಯಿನ ಪೂರ್ಣಿಮಾ ಯತೀಶ್ ರೈ, ಯಕ್ಷಗುರು ರಾಕೇಶ್ ರೈ ಅಡ್ಕ ಪಾಲ್ ಪಡೆಯರೇ ಉಲ್ಲೆರ್ ಪಂದ್ ಲೇಸ್ ದ ಸಂಚಾಲಕೆರಾಯಿನ ಶ್ರೀ ಜಗನ್ನಾಥ ಶೆಟ್ಟಿ ಬಾಳ ಬೊಕ್ಕ ಒತ್ತು ಸಂಚಾಲಕೆರಾಯಿನ ಕೇಸರಿ. ಎಸ್ಪಂ. ಪೂಂಜಾ ಪಂಡೆರ್.

ಕುಡ್ಲಗ್ ಬರಿಯೆರೆ ಉಂಡು “ಸ್ಟಾರ್ ರೇಟ್ “ಸರ್ವೇ ಕೂಟ

ಲಾಲ್‌ಬಾಗ್‌: ದೇಶಡ್ ಪೇಂಟೆದ ಸ್ವಚ್ಛತೆ ಪರಿಕಲ್ಪನೆದಡಿಟ್ ನಡಪರೆ ಉಪ್ಪುನ ‘ಸ್ವಚ್ಛ ಸರ್ವೇಕ್ಷಣೆ- 2022′ ದ ದುಂಬರಿನ ಭಾಗವಾದ್ ‘ಗಾರ್ಬಜ್‌ ಫ್ರೀ ಸಿಟಿ ಸ್ಟಾರ್‌ ರೇಟಿಂಗ್‌’ ಬಗ್ಗೆ ಅವಲೋಕನೆ ಮಲ್ಪರೆ ಕೇಂದ್ರ ವಸತಿ ಬೊಕ್ಕ ನಗರ ವ್ಯವಹಾರದ ಸಚಿವಾಲಯದ ಸರ್ವೇ ಕೂಟ ಕೆಲವೇ ದಿನಟ್ ಕುಡ್ಲಗ್ ಬರ್ರೆ ಉಂಡು .

ಸ್ವಚ್ಛ ಸರ್ವೇಕ್ಷಣೆಗ್ ಸಂಬಂಧಿ 3 ಹಂತದ ಸರ್ವೇನ್ ಕೇಂದ್ರ ಕೂಟ ಪೇಂಟೆಗ್ ಬತ್ತ್ ದ್ ಮಲ್ಪುಂಡು . ಈ ಪೈಕಿ ಓಡಿಎಫ್‌++ ಸರ್ವೇಕ್ಷಣೆ ಗಾರ್ಬೆಜ್‌’ ಸಮೀಕ್ಷೆನ್ ಫೆ. 18, 19ಗ್ ಕುಡ್ಲಡ್ ಮಲ್ಪರೆ ಉಲ್ಲೆರ್.

Star rating survey team to visit Mangalore.

Lalbagh: The team from central ministry for home and town planning will visit Mangalore shortly as a part of its plan to give rating for the cleanliness of the city in its Garbage free city star rating scheme ” Swach Sarvekshan- 2022″.

The central team under the scheme will visit the city in 3 phases to conduct the survey . It will conduct ODF++ inspection Garbage in Mangalore on the 18th and 19th.

 

ಚೇತನ್ ಗೋಳಿಜೋರ ಮೆರೆಗ್ 2019ನೇ ಸಾಲುದ ಬೊಳ್ಳಿದ ಪದಕ ಬೊಕ್ಕ ಸುರಕ್ಷಾ ಚಾಲಕ ಪ್ರಶಸ್ತಿ

ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮ ಕುಡ್ಲ ವಿಭಾಗ ಉಂದೆತ್ತ ಮುತಾಲಿಕೆಡ್ ನಿರಂತರವಾದ್ 5 ವರ್ಷದ ಅಪಘಾತ ರಹಿತ ಸೇವೆಗಾದ್ 2019ನೇ ಸಾಲುದ ಬೊಳ್ಳಿದ ಪದಕನ್ ಅಂಚನೆ ಸುರಕ್ಷಾ ಚಾಲಕ ಪ್ರಶಸ್ತಿನ್ ಪಡೆಯಿನ ಶ್ರೀ ಚೇತನ್ ಗೋಳಿಜೋರ ಮೆರೆಗ್ ಮೋಕೆದ ಎಡ್ಡೆಪ್ಪುಲು.

ಮೆರೆಗ್ ಶ್ರೀ ರಾಮ ಯುವಕ ವೃಂದ, ಗೋಳಿಜೋರ, ಗೋಳಿಜೋರ ಫ್ರೆಂಡ್ಸ್, ಮೋಹಿತ್ ಫ್ರೆಂಡ್ಸ್ ಗೋಳಿಜೋರ, ಜನನಿ ಮೆಲೋಡಿಸ್ ಕಿನ್ನಿಗೋಳಿ, ಗೋಳಿಜೋರ ಎಫ್.ಸಿ, ಪಿಂಗಾರ ಸೌಂಡ್ಸ್ & ಲೈಟಿಂಗ್ಸ್, ಗೋಳಿಜೋರ ಮೋಕೆದ ಎಡ್ಡೆಪ್ಪುನ್ ಪಂತೆರ್.

ಗುರುಪುರ ಕೈಕಂಬಡ್ ಪ್ರೈವೇಟ್ ಬಸ್ ಪಲ್ಟಿ

ಕೈಕಂಬ : ಕುಡ್ಲಡ್ ಇನಿ ಬಯ್ಯರ್ದ್ ಬರೊಂದು ಉಪ್ಪುನ ಬಾರಿ ಬರ್ಸರ್ದಾವರ ಗುರುಪುರ ಕೈಕಂಬದ ರಾಜ್ ಶಾಲೆದ ಕೈತಲ್ ಚಾಲಕೆನ ನಿಯಂತ್ರಣ ತತ್ತ್ ದ್ ನಿಶ್ಮಿತಾ ಬಸ್ ಪಲ್ಟಿ ಆಯಿನ ಘಟನೆ ನಡತ್oಡ್ . ಪ್ರಯಾಣಿಕೆರೆಗ್ ಒವ್ವೆ ರೀತಿದ ಅಪಾಯ ಇಜ್ಜಿ ಪಂದ್ ತೆರಿದ್ ಬೈದುಂಡು

ಸಾರ್ವಜನಿಕೆರೆನ ಸಾಕಾರೊಡು ಬಸ್ ಸರ್ತ ಮಲ್ಪುನ ಬೇಲೆ ನಡತ್oಡ್.

ಒಡಿಪು : ಸಚಿವ ಈಶ್ವರಪ್ಪ ವಿರುದ್ದ ಎಫ್ಐಆರ್ ದಾಖಲ್

 

ಒಡಿಪು : ಗ್ರಾಮೀಣಾಭಿವೃದ್ಧಿ ಸಚಿವ ಕೆ.ಎಸ್. ಈಶ್ವರಪ್ಪ ವಿರುದ್ಧ ಕಮಿಷನ್ ಆರೋಪ ಮಲ್ತಿನ ಗುತ್ತಿಗೆದಾರ ಸಂತೋಷ್ ಪಾಟೀಲ್ ಆತ್ಮಹತ್ಯೆ ಪ್ರಕರಣ ಸಂಬಂಧ ಸಚಿವ ಕೆ.ಎಸ್. ಈಶ್ವರಪ್ಪ ವಿರುದ್ಧ ಉಡುಪಿ ಪೊಲೀಸ್ ಠಾಣೆಡ್ ಎಫ್‌ಐಆರ್ ದಾಖಲಾತುಂಡು.

ಮೃತ ಸಂತೋಷ್ ಪಾಟೀಲ್ ಮೆರೆನ ಅಣ್ಣೆ ಪ್ರಶಾಂತ ಪಾಟೀಲ್ ನಡುರಾತ್ರಿ 2.20ತ ಪೊರ್ತುಡು ಒಡಿಪು ನಗರ ಠಾಣೆಡ್ ಪ್ರಕರಣ ದಾಖಲ್ ಮಲ್ತೆರ್ , ಕಲಂ 306 ನೆ ಅಡಿಟ್ ಈಶ್ವರಪ್ಪ ಬೊಕ್ಕ ಅಕ್ಲೆನ ಆಪ್ತ ಸಹಾಯಕೆರಾಯಿನ ಬಸವರಾಜ್, ರಮೇಶ್ ಮೆಕ್ಲೆನ ಮಿತ್ತ್ ಪ್ರಕರಣ ದಾಖಲ್ ಆತುಂಡು.

ಇನಿಯೆ ಸಚಿವ ಕೆ.ಎಸ್.ಈಶ್ವರಪ್ಪ ರಾಜೀನಾಮೆ : ಬಿಜೆಪಿ ಹೈಕಮಾಂಡ್‌ರ್ದ್ ಖಡಕ್‌ ವಾರ್ನಿಂಗ್‌

 

ಕುಡ್ಲ : ಒಡಿಪುದ ಲಾಡ್ಜ್‌ಡ್ ಸಂತೋಷ್‌ ಪಾಟೀಲ್‌ ಪನ್ಪಿನ ಗುತ್ತಿಗೆದಾರೆರ್ ವಿಷ ಪರ್ದ್ ಆತ್ಮಹತ್ಯೆನ್ ಮಲ್ದೆರ್ . ಪ್ರಕರಣ ತೊಜೀದ್ ಬನ್ನಗ ಈ ಸಾವುಗು ಈಶ್ವರಪ್ಪ ಕಾರಣ ಪನ್ಪಿನ ಆರೋಪ ಕೇಂದ್ ಬರೊಂದು ಉಂಡು . ಕಾಂಗ್ರೆಸ್‌ ಪಕ್ಷ ಈಶ್ವರಪ್ಪ ರಾಜೀನಾಮೆಗ್ ಆಗ್ರಹ ಮಲ್ದೆರ್.


ಸಂತೋಷ್‌ ಆತ್ಮಹತ್ಯೆಗ್ ದುಂಬು ಬರೆದ್ ದೀನ ಬರೆದ್ ದೀನ ಡೆತ್‌ನೋಟ್‌ ಡ್ ತನ್ನ ಸಾವುಗು ಸಚಿವ ಈಶ್ವರಪ್ಪನೇ ಕಾರಣ ಪಂದ್ ಬರೆತೆರ್ . ರಾಜ್ಯೋಡು ಈಶ್ವರಪ್ಪ ರಾಜೀನಾಮೆಗ್ ಒತ್ತಡ ಕೇಂದ್ ಬೈದುಂಡು.

ಪುತ್ತೂರ್: ಶ್ರೀ ಲಕ್ಷ್ಮೀದೇವಿ ಬೆಟ್ಟಡ್ ವರ್ಷಾವಧಿ ಉಚ್ಚಯ

 

ಪುತ್ತೂರ್ ದ ರೈಲ್ವೆ ನಿಲ್ದಾಣದ ಕೈತಲ್ ಇಪ್ಪುನ ಶ್ರೀ ಲಕ್ಷ್ಮೀದೇವಿ ಬೆಟ್ಟ ದೇವಲ್ಯಡ್ ವರ್ಷಾವಧಿ ಉಚ್ಚಯ ಏ.22 ತಾರೀಕ್ ಸುಕ್ರಾರದಾನಿ ನಡಪರೆ ಉಂಡು.

ಕಾರ್ಯಕ್ರಮಲು

ಏ.22 ತಾರೀಕ್ ಸುಕ್ರಾರ, ಕಾಂಡೆ 7.30 ಗ್ ಗಣಪತಿಹೋಮ, ಮಹಾಪೂಜೆ ಆಯಿಬೊಕ್ಕ ಪಾಷಾಣಮೂರ್ತಿಗೆ ತಂಬಿಲ, ನಾಗದೇವೆರೆಗ್ ತಂಬಿಲ, ಗುಳಿಗಗ್ ತಂಬಿಲ, 11.00-12.30 ಗಂಟೆ ಮುಟ್ಟ ಮೂಡಾಯೂರು ಶ್ರೀ ಚಂದ್ರಶೇಖರ ಬೊಕ್ಕ ಕೂಟರ್ದ್ ಸ್ಯಾಕ್ಸೋಫೋನ್ ವಾದನ, ಮಧ್ಯಾಹ್ನ 12.30ರ್ದ್ ಮಹಾಪೂಜೆ, ದೇವಿ ದರ್ಶನ ಬೊಕ್ಕ ಪ್ರಸಾದ ವಿತರಣೆ, 1.30-3.30 ಮುಟ್ಟ ನುಪ್ಪು ಸೇವೆ, 4.00-6.00 ಮುಟ್ಟ ಶ್ರೀ ಸತ್ಯನಾರಾಯಣ ಪೂಜೆ, ರಾತ್ರಿ 6.30 ಗಂಟೆಗ್ ಗಾನಸಿರಿ ಕಲಾಕೇಂದ್ರ ಪುತ್ತೂರ್ ಡಾ| ಕಿರಣ್ ಕುಮಾರ್ ಬೊಕ್ಕ ಕೂಟರ್ದ್ ಭಕ್ತಿ ಭಾವ ಸಿರಿ, ರಾತ್ರಿ 8.30 ರ್ದ್ ಮಹಾಪೂಜೆ, ದೇವಿ ದರ್ಶನ ಬೊಕ್ಕ ಪ್ರಸಾದ ಕೊರ್ಪಿನ ಲೇಸ್, ರಾತ್ರಿ 9.30 ಗಂಟೆಗ್ ಶ್ರೀ ದುರ್ಗಾಪರಮೇಶ್ವರಿ ಯಕ್ಷಗಾನ ಮಂಡಳಿ ಬಪ್ಪನಾಡು ಮೇಳರ್ದ್ ಭಕ್ತಿದ ಬಲಿಮೆ ಪನ್ಪಿನ ತುಳು ಯಕ್ಷಗಾನ.

ಏ.24 ತಾರೀಕ್ ಐತಾರ ರಾತ್ರಿ ಕಲ್ಲುರ್ಟಿ, ಗುಳಿಗ ದೈವದ ನೇಮೋಚ್ಚಯ.

ಕೋವಿಡ್ ನಾಲನೆ ಅಲೆ ನಿಯಂತ್ರಣ ಮರ್ದ್ರ್ದ್ ಮಾತ್ರ ಸಾಧ್ಯ: ಆರೋಗ್ಯ ಸಚಿವ ಡಾ. ಕೆ. ಸುಧಾಕರ್

ಬೆಂಗ್ಳೂರು: ತಜ್ನೆರ್ನ ಮಾಹಿತಿ ಪ್ರಕಾರ ಜೂನ್-ಜುಲೈ ತಿಂಗೊಲ್ಡು ರಾಜ್ಯೊಡು ಕೋವಿಡ್ ಅಲೆ ಸಂಭವ, ಉಂತಾಯೆರೆ ಮರ್ದ್ ಒಂಜೇ ಪರಿಹಾರ. 8 ದೇಶೋಡು ಜಾಸ್ತಿ ಸೋಂಕು ತೊಜೊಂದು ಉಂಡು ,ಅಂಚಾದ್ ಆ ದೇಶರ್ದ್ ಬತ್ತಿನಕ್ಲೆನ್ ತಪಾಸಣೆ ಮಲ್ತೊಂದು ಉಲ್ಲೆರ್ ಪೋಡ್ಯುನ ಅಗತ್ಯ ಇಜ್ಜಿ ಪಂದ್ ಆರೋಗ್ಯ ಸಚಿವ ಡಾ. ಕೆ ಸುಧಾಕರ್ ಪಂಡೆರ್ .

ರಾಜ್ಯೋಡು ಮುಂಜಾಗೃತಾ ಕ್ರಮವಾದ್ ಕಡ್ಡಾಯವಾದ್ ಮಾಸ್ಕ್ ಪಾಡೋಡು . ಸುಮಾರ್ 185.90 ಕೋಟಿರ್ಧ್ ಜಾಸ್ತಿ ಡೋಸ್ ಲಸಿಕೆ ಕೊರ್ತೆರ್ ಪಂದ್ ಪಂಡೆರ್.

You Missed