Tue. Nov 17th, 2026

ಊರ್ದ ಸುದ್ದಿ Regional News

ಆಸ್ತಿಗಾದ್ ನಡತ್oಡಾ ಗುರೂಜಿ ಕೊಲೆ ? ಬಾಯಿ ಬುಡಿಯೆರ್ ದೋಸ್ತಿನ ಬೊಡೆದಿ

ಹುಬ್ಬಳ್ಳಿ : ಸರಳ ವಾಸ್ತು ಪುಗರ್ತೆದ ಚಂದ್ರಶೇಖರ ಗುರೂಜಿನ್ ಆಸ್ತಿ ವಿಚಾರೊಗು ಒಂಜಿ ಕಾಲದ ದೋಸ್ತಿನಕುಲು ಕೆರಿಯೆರಾ ಪಂದ್ ಪೊಲೀಸೆರೆಗ್ ಸಂಸಯ ಬತ್ತ್ ದ್ ದೋಸ್ತಿನ ಬೊಡೆದಿನ್ ಪೊಲೀಸೆರ್ ವಶೊಕ್ಕು ದೆತೊಂದೆರ್.

ಕೊಲೆ ಮಲ್ತಿನ ಆರೋಪಿನಕ್ಲೆನ್ ಗುರೂಜಿನ ದೋಸ್ತಿ ಬಾಗಲಕೋಟೆ ಜಿಲ್ಲೆದ ಮಹಾಂತೇಶ್ ಶಿರೊಳ್ ಅಂಚನೆ ಮಂಜುನಾಥ್ ದುಮ್ಮನಾಡ್ ಪಂದ್ ಪೊಲೀಸೆರ್ ಗುರ್ತಿಸಾದೆರ್. ಎಸಿಪಿ ಮುತಾಲಿಕೆಡ್ 5 ಜನ ಸೇರ್ದ್ ಮಲ್ತಿನ ಕಾರ್ಯಾಚರಣೆಡ್ ಮಹಾಂತೇಶ್ ಶಿರೊಳ್ ಮೇರ್ನ ಬೊಡೆದಿ ವನಜಾಕ್ಷಿನ್ ಪೋಲಿಸೆರ್ ವಶಕ್ ದೆತೊಂದಿನೆರ್ದ್ ಬೊಕ್ಕ ವನಜಾಕ್ಷಿ ಈ ವಿಚಾರೊನು ಪನ್ತೆರ್ ಪಂದ್ ಪೊಲೀಸ್ ಮೂಲರ್ದ್ ಗೊತ್ತಾತ್ಂಡ್.

ಒರಿ ಗುರೂಜಿನ ಕಾರ್ ಪತ್ತಿಯೆ, ಬೊಕ್ಕೊರಿ ಬಿಸತ್ತಿಡ್ ಕುತ್ತಿಯೆ !

ಹುಬ್ಬಳ್ಳಿ: ಸರಳ ವಾಸ್ತು ಪುಗರ್ತೆದ ಚಂದ್ರಶೇಖರ ಗುರೂಜಿನ ಕೈತಲ್ ಭಕ್ತೆರೆನಂಚ ಬತ್ತಿನ ಕೊಲೆಗಡುಕೆರೆಡ್ ಒರಿ ಸ್ವಾಮಿಲೆನ ಕಾರ್ ಪತ್ತಿಯೆ, ಬೊಕ್ಕೊರಿ ಬಂಜಿ ಬೆರಿ ಪಂದ್ ತೂವಂದೆ ಬಿಸತ್ತಿಡ್ ಕುತ್ತಿಯೆ…!

ಹುಬ್ಬಳ್ಳಿ ದ ಹೋಟೆಲ್ ದ ರಿಸೆಪ್ಷನ್ ದಲ್ಪ ಅಂಗಾರೆ ಪಚ್ಚೆ ಪಗೆಲ್ಡೇ ನಡತಿನ ಗುರೂಜಿ ಮರ್ಡರ್ ಸ್ಟೋರಿನ್ ತೂವೊಂದಿತ್ತಿನ ಸಿಸಿ ಕ್ಯಾಮರಾ ಪನೊಂದುಂಡು.
ರಿಸೆಪ್ಷನ್ ದಡೆ ಬತ್ತಿನ ಕೊಲೆಪಾತಕಿಲು ಗುರೂಜಿನ ಕಾರ್ ಪತ್ ನಗ ಆರ್ ಆಯಗ್ ಬೆರಿ ಪೂಜಿದ್ ಆಶೀರ್ವಾದ ಮಲ್ತೆರ್. ಅಪಗ ಬೊಕ್ಕೊರಿ ಬಿಸತ್ತಿ ಪಾಡಿಯೆ. ಇರುವೆರ್ಲ ಸೇರ್ದ್ 50 ಸರ್ತಿದ್ ಲ ಎಚ್ಚಿಗೆ ಬಿಸತ್ತಿಡ್ ಕುತ್ತುದೆರ್.

ತಡೆಪರೆ ಬತ್ತಿನಕ್ಲೆನ ಪೋಡ್ಯಾದ್ ಅಕ್ಲೆನ ಬೇಲೆ ಮುಗಿತ್ ದ್ ಆರಾಮೊಡು ಪಿದಯಿ ಪೋಯೆರ್ ಪಂದ್ ಸಿಸಿಟಿವಿದ ದೃಶ್ಯೊಲು ಪನೊಂದುಂಡು.

ಒಂಜಿ ಮೂಲದ ಪ್ರಕಾರ ಅರೆಗ್ ಮಸ್ತ್ ಕೇತಲ್ದ ವ್ಯಕ್ತಿ ಲು ಕೊಲೆ ಮಲ್ದೆರ್. ದಾಯೆ ಪಂಡ ಅರೆನ ಆಪ್ತೆ ಮಹಂತೇಶ್ ಶಿರೋಳ್ ಪನ್ಪಿನಾಯೆ ದಿಡಿಕ್ಕ ನಾಪತ್ತೆ ಆತೆ. ಸಂಸಯದ ಮಿತ್ತ್ ಆಯನ ಬೊಡೆದಿ ವನಜಾಕ್ಷಿನ್ ಪೊಲೀಸೆರ್ ವಿಚಾರಣೆ ಮಲ್ತೊಂದುಲ್ಲೆರ್. ಮೊಕುಲು ಇರ್ವೆರ್ಲ ರಡ್ಡ್ ವರ್ಸೊರ್ದಿಂಚಿ ಸ್ವಾಮಿಲೆನ ಭಕ್ತೆರಾದುಲ್ಲೆರ್. ಅವ್ವತ್ತಾಂದೆ ವನಜಾಕ್ಷಿ 2019 ನೇ ಇಸ್ವಿ ಮುಟ್ಟ ಸರಳ ವಾಸ್ತು ಸಂಸ್ಥೆಡ್ ಕೆಲಸ ಮಲ್ತೊಂದಿತ್ತೆರ್.

ಗುರೂಜಿಡ ಪರಿಹಾರ ತಿಕ್ಕಂದಿನ ಗರ್ವೊಡು ಅಕುಲೇ ಈ ಕೊಲೆ ಮಲ್ತುದುಪ್ಪೆರಾ ಪಂದ್ ಸಂಸಯ ಆವೊಂದುಂಡು ಪಂದ್ ಅಲ್ಪದಕುಲು ಪನೊಂದುಲ್ಲೆರ್.
ಅವೆರ್ದ್ ದುಂಬು ಕೊಲೆ ಗಾರೆರ್ ಸ್ವಾಮಿಲು ಹೋಟೆಲ್ ಡ್ ಉಲ್ಲೆರಾ ಪಂದ್ ಫೋನ್ ಮಲ್ತ್ ದ್ ಗ್ಯಾರಂಟಿ ಮಲ್ತ್ ದಿತ್ತೆರ್. ಒಟ್ಟಾರೆ ಚಂದ್ರಶೇಖರ ಗುರೂಜಿನ ಕೊಲೆ ಬಾರಿ ಅಚ್ಚಿರೊಗು ಕಾರಣ ಆತ್ಂಡ್.

ಜೋಗ ಜಲಪಾತದಲ್ಪ ಕಾರ್ ಜಾರ್ದ್ ಬೂರ್ದು ತೀರ್ ಪೋಯಿನ ಪೊಂಜೋವು

ಶಿವಮೊಗ್ಗ : ಜೋಗ ಜಲಪಾತ ತೂವರೆ ಬೈದಿನ ಪೊಂಜೊವು ಕಾರ್ ಜಾರ್ದ್ ತಿರ್ತ್ ಬೂರ್ದು ತೀರ್ ಪೋಯಿನ ಘಟನೆ ನಡತ್ ದ್ಂಡ್

ನಿಶಾ (24) ಪನ್ಪಿನಾರ್ ತೀರ್ ಪೋತೆರ್. ನಿಶಾ ಬೊಕ್ಕ ನಾಗೇಶ್ ಒಂಜಿ ವರ್ಷದ ಪಿರವುಡು ಮದಿಮೆ ಆದಿತ್ತೆರ್. ಅಕುಲು ಜೋಗದ ಜಂಗಲ್ ರೆಸಾರ್ಟ್ ಕೈತಲ್ದ ಬ್ಯಾಕ್ ವಾಟರ್ ತೂವರೆ ಪೋನಗ ನಿಶಾ ಜಾರ್ದ್ ಬೂರ್ದು ಮಸ್ತ್ ಪೆಟ್ಟಾದಿತ್ತ್ಂಡ್. ಕೈತಲ್ ದಕ್ಲೆನ ಸಕಾಯೊಡು ಆಸ್ಪತ್ರೆಗ್ ಸೇರ್ಸಾದಿತ್ತ್ಂಡಲ ಪ್ರಯೋಜನ ಆತಿಜಿ.

ಹುಬ್ಬಳ್ಳಿ: ಹೋಟೆಲ್ ಡ್ ‘ಸರಳ ವಾಸ್ತು’ ಪುಗರ್ತೆದ ಚಂದ್ರಶೇಖರ್ ಗುರೂಜಿ ಹತ್ಯೆ!

ಹುಬ್ಬಳ್ಳಿ: ಸರಳ ವಾಸ್ತು ಪುಗರ್ತೆದ ವಾಸ್ತು ತಜ್ಞೆರಾಯಿನ ಚಂದ್ರಶೇಖರ್ ಗುರೂಜಿ ಮೆರೆನ್ ಹುಬ್ಬಳ್ಳಿದ ಖಾಸಗಿ ಹೋಟೆಲ್ ಡ್ ಅಂಗಾರೆದಾನಿ ಬಿಸತಿ ಪಾಡ್ದ್ ಕೆರ್ತಿನ ಘಟನೆ ನಡತ್ ದ್oಡ್.

ಮುಲ್ಪದ ಉಣಕಲ್ ಕೆರೆತ್ತ ಕೈತಲ್ ಖಾಸಗಿ ಹೋಟೆಲ್ ದ ರಿಸೆಪ್ಶನಿಷ್ಟ್ ಕೌoಟರ್ ದ ಕೈತಲ್ ಭಕ್ತೆರ್ ನ ಸೋಗುಡ್ ಬತ್ತಿನ ದುಷ್ಕರ್ಮಿಲು ಗುರೂಜಿ ಮಿತ್ತ್ ದಾಳಿ ಮಲ್ತ್ ದ್, ಬಿಸತಿ ಪಾಡ್ದ್ ಕೆರ್ದ್, ಪದ್ರಾಡ್ ಆತೆರ್. ಆ ದೃಶ್ಯ ಸಿಸಿಟಿವಿಡ್ ಸೆರೆಯಾದಿತ್ತ್ ದ್, ಪೊಲೀಸೆರ್ ತನಿಖೆ ಮಲ್ತೊಂದುಲ್ಲೆರ್.

Hubli: Chandrashekhar Guruji of Saralavasru fame murdered in a hotel

In a shocking incident at a private hotel in Hubli Chandrashekhar Guruji of Saralavasru fame was murdered .

A persons posing as a devotees came near the reception counter at a private hotel near Unkal hotel in Hubli and attacked Guruji with sharp weapons ,where he breathed his last.The whole incident has been recorded on CCTV and police are investigating.

ಬೊಲ್ತೇರ್: ಜೆತ್ತ್ ದಿತ್ತಿನ ಕಂಡನಿನ್ ಕತ್ತಿಡ್ ಕಡ್ತ್ ಕೆರಿನ ಬೊಡೆದಿ

ಬೊಲ್ತೇರ್: ರಾತ್ರೆಡ್ ಜೆತ್ತ್ವದಿತ್ತಿನ ಕಂಡ್ಯನನ್ ಬೊಡೆದಿಯೇ ಕೆರಿನ ಘಟನೆ ಬೊಲ್ತೇರ್ ತಾಲೂಕ್ ದ ನಾವೂರಡ್ ನಡತ್ ದ್oಡ್.

ಬೇಬಿ (55) ತೀರ್ ಪೋಯಿನಾರ್. ಮೆರೆನ್ ಬೊಡೆದಿ ನಲ್ಲಮ್ಮ ಕೆರ್ತಿನಾರ್ ಪಂದ್ ಆರೋಪ ಬೈದ್oಡ್. ಕೋಡೆ ಕತ್ತಲೆಗ್ ಇಲ್ಲಡ್ ರಡ್ಡ್ ಜನ ಇತ್ತಿನ ಪೊರ್ತುಡ್ ಅಕ್ಲೆನ ನಡುಟ್ಟ್ ಒವ್ವ ವಿಷಯಗ್ ಲಡಾಯಿ ಆತ್ಂಡ್. ಅವೆರ್ದ್ ಬೊಕ್ಕ ಜೆತ್ತ್ ದಿತ್ತಿನ ಕಂಡನಿನ್ ನಲ್ಲಮ್ಮ ಕತ್ತಿಡ್ ಕಡ್ತ್ ದ್ ಕೆರ್ತೆರ್ ಪಂದ್ ಆರೋಪ ಉಂಡು. ಮಸ್ತ್ ನೆತ್ತೆರ್ ಪೋಯಿನೆಡ್ದಾವರ ಬೇಬಿ ಆ ಜಾಗೆಡೆ ತೀರ್ ಪೊತೆರ್. ಬೊಲ್ತೇರ್ ಪೋಲಿಸ್ ಠಾಣೆಡ್ ಈ ಕೇಸ್ ದಾಖಲಾತ್oಡ್.

ಪಡ್ಡೆದ್ರ : ಬೈಕ್ ದ ಮಿತ್ತ್ ಲಾರಿ ಮಗ್ ತ್ ಬೂರ್ದು ಅಲ್ಪನೇ ಸೈತಿನ ಜವನೆ

ಪಡ್ಡೆದ್ರ : ಭಾರೀ ಬರ್ಸದ ನಡುಟ್ಟು ಲಾರಿ ಒಂಜಿ ಬೈಕ್ ದ ಮಿತ್ತ್ ಪೊರೆಲ್ದ್ ಬೂರ್ದು ಜವನೆ ಒರಿ ತೀರ್ ಪೋಯಿನ ಘಟನೆ ಪಡ್ಡೆದ್ರಡ್ ಇನಿ ನಡತ್ಂಡ್.

ಬೈಕ್ ರೈಡರ್ ಸಂಶುದ್ದೀನ್ ತೀರ್ ಪೋಯಿನಾರ್. ಲಾರಿ ಒಡಿಪು ಕಡೆರ್ದ್ ಕುಡ್ಲಗ್ ಬರೊಂದುಪ್ಪುನಗ ಪಡ್ರೆದ್ರ ಜಂಕ್ಷನ್ ಅಲ್ಪ ಲಾರಿ ಡ್ರೈವರ್ ನ ಕೈ ತತ್ತ್ ದ್ ಪೊರೆಲ್ದ್ ಬೈಕ್ ಮಿತ್ತ್ ಬೂರ್ದುಂಡು.

ಬೈಕ್ ದಾರ್ ಸಂಶುದ್ದೀನ್ ಅಲ್ಪನೇ ಪ್ರಾಣ ಬುಡ್ತೆರ್. ಪಡ್ಡೆದ್ರ ಪೊಲೀಸೆರ್ ಜಾಗೆಗ್ ಬತ್ತ್ ದ್ ತನಿಖೆ ಮಲ್ತೊಂದುಲ್ಲೆರ್. ಅಡ್ಡ ಬೂರ್ದಿನ ಲಾರಿನ್ ಕ್ರೇನ್ ಕನತ್ ದ್ ಬರಿಕ್ಕ್ ಉಂತಾದೆರ್.

ಅಮರನಾಥ ಯಾತ್ರೆ ಬಂದ್

ದೆಲ್ಲಿ : ವಾತಾವರಣ ಬದಲಾಯಿನ ಕಾರಣರ್ದಾವರ ಅಮರನಾಥ ಯಾತ್ರೆನ್ ಜಿಲ್ಲಾಡಳಿತ ಬಂದ್ ಮಲ್ದೆರ್ ಪಂದ್ ತೆರಿದ್ ಬೈದ್oಡ್.

ಪೆಹಲ್ಗಾಮ್ ದ ನುನ್ವಾಸ್ ಬೇಸ್ ಕ್ಯಾಂಪ್ ರ್ದ್ ಪವಿತ್ರವಾಯಿನ ಗುಹೆಕ್ಕ್ ಪೋಯರೆ ಯಾತ್ರಾರ್ಥಿಲೆಗ್ ಅನುಮತಿ ಕೊರೊಂದಿಜ್ಜೆರ್ ಪಂದ್ ಅಧಿಕಾರಿಲು ಮಾಹಿತಿ ಕೊರ್ತೆರ್.

ಸಿಬ್ಬಂದಿಲೆಗ್ ಹುಷಾರ್ ಇಜ್ಜಂದಿನ ಕಾರಣ ಇಂಡಿಗೋ ಇಮಾನ ಸಂಚಾರ ತಡ

ದಿಲ್ಲಿ: ಸಿಬ್ಬಂದಿಲೆಗ್ ಹುಷಾರಿಜ್ಜಾಂದಿನ ಕಾರಣಗ್ ಇಂಡಿಗೋ ಏರ್‌ಲೈನ್ಸ್‌ ದ ಸಂಚಾರೊಗು ತಡೆ ಆತ್ಂಡ್. ಶೇಕಡಾ 45 ಇಮಾನೊಲು ಮಾತ್ರ ಸನಿವಾರ ಸಮಯಗ್ ಸರಿಯಾದ್ ಪೋಯರೆ ಸಾಧ್ಯ ಆಂಡ್ ಪಂದ್ ಕೇಂದ್ರ ವಿಮಾನಯಾನ ಸಚಿವಾಲಯ ತೆರಿಪಾದ್ಂಡ್.

ಮಸ್ತ್ ಸಿಬ್ಬಂದಿಲೆಗ್ ಹುಷಾರ್ ಇಜ್ಜಂದಿನ ಕಾರಣ ರಜೆ ದೆತೊಂದೆರ್ ಅಂಚನೆ ಕೆಲವೆರ್ ಏರ್ ಇಂಡಿಯಾದ ನೇಮಕಾತಿದ ಡ್ರೈವ್‌ ಗ್ ಪೋತೆರ್ ಪಂದ್ ಪ್ರೆಸ್ ಟ್ರಸ್ಟ್ ಆಫ್ ಇಂಡಿಯಾ ವರದಿ ಮಲ್ತ್ ದ್oಡ್.

ಚಿಕ್ಕಮಗಳೂರು ಜಿಲ್ಲೆಡ್ ಭಾರೀ ಬರ್ಸ: ಶೃಂಗೇರಿ, ಕಳಸ, ಬಾಳೂರು ಶಾಲೆಗ್ ರಡ್ಡ್ ದಿನ ರಜೆ

ಚಿಕ್ಕಮಗಳೂರು ಜಿಲ್ಲೆದ ಮಲೆನಾಡು ಭಾಗಡ್ ಮಸ್ತ್ ಬರ್ಸ ಬರೊಂದಿತ್ತ್ ದ್, ಕೆಲ ತಾಲೂಕ್ ದ ಶಾಲೆಲೆಗ್ ರಜೆ ಕೊರ್ತೆರ್.

ಶೃಂಗೇರಿ, ಕಳಸ ತಾಲೂಕ್ ದ ಶಾಲೆ, ಮೂಡಿಗೆರೆ ತಾಲೂಕ್ ದ ಬಾಳೂರು ಹೋಬಳಿ ವ್ಯಾಪ್ತಿದ ಶಾಲೆದ 1-10ನೇ ಕ್ಲಾಸ್ ಮುಟ್ಟದ ಜೋಕುಲೆಗ್ ಜುಲೈ 5 ಬೊಕ್ಕ 6 ಕ್ಕ್ ರಜೆ ಘೋಷಣೆ ಮಲ್ತ್ ದೆರ್. ಚಿಕ್ಕಮಗಳೂರು ಜಿಲ್ಲಾಧಿಕಾರಿ ಕೆ.ಎನ್. ರಮೇಶ್ ಆದೇಶ ಕೊರ್ತೆರ್.

2024ನೇ ಇಸ್ವಿದ ಮಕರ ಸಂಕ್ರಾಂದಿಗ್ ಅಯೋಧ್ಯೆ ರಾಮ ಮಂದಿರ ಪೂರ್ಣ: ಪೇಜಾವರ ಶ್ರೀ

ಕುಡ್ಲ: ಅಯೋಧ್ಯೆಡ್ ಶ್ರೀ ರಾಮ ಮಂದಿರ ನಿರ್ಮಾಣ ಕಾರ್ಯ 2024 ಇಸವಿದ ಮಕರ ಸಂಕ್ರಾಂದಿಗ್ ಮುಗಿಯರೆ ಉಂಡು ಪಂದ್ ರಾಮಮಂದಿರ ಟ್ರಸ್ಟ್ ದ ಪೇಜಾವರ ಮಠಧೀಶ ಶ್ರೀ ವಿಶ್ವ ಪ್ರಸನ್ನ ತೀರ್ಥ ಸ್ವಾಮಿಲು ತೆರಿಪಾದೆರ್.

ಕುಡ್ಲದ ಕದ್ರಿದ ಮಂಜು ಪ್ರಸಾದಡ್ ಪೇಜಾವರ ಮಠತ್ತ ಪಟ್ಟದ ದೇವೆರ್ನ ತುಲಾಭಾರ ಬೊಕ್ಕ ಗುರುವಂದನಾ ಕಾರ್ಯಕ್ರಮಡ್ ಪಾತೆರ್ನ ಆರ್, ಅಯೋಧ್ಯೆಡ್ ರಾಮಮಂದಿರ ಕಟ್ಟುನ ಬೇಲೆ ಭಾರೀ ಬೇಗಡ್ ಸಾಗೊಂದ್ ಉಂಡು. 2024 ತ್ತ ಮಕರ ಸಂಕ್ರಾಂತಿದ ಉತ್ತರಾಯಣದ ಪರ್ವಕಾಲಡ್ ಶ್ರೀ ರಾಮ ಪ್ರತಿಷ್ಠೆ ಆಯರೆ ಉಂಡು ಪಂದ್ ತೆರಿಪಾಯೆರ್.

Ayodhya Rama Mandir construction to be completed by 2024 Makara Sankranti: Pejawar Shree

Mangalore: Sri Pejawar Mutt Sri Vishwa Prassanna Thirtha Swamiji who is a member of Rama Mandir Trust said that the construction of the temple at Ayodhya will be completed by 2024 Makara Sankranti.

He was speaking at a programme at Kadri Manju Prasad in Mangalore and said that the work at the temple site is moving fast and they hoped that the consecration of Sri Ram may be held around Makara Sankranti 2024

You Missed