ಪುತ್ತೂರ್ದ ಸುದ್ದಿ | Puttur News

ಡಿ.9: ಪುತ್ತಿಲ ಪರಿವಾರ ವಿಟ್ಲ ವಲಯ ಬೊಕ್ಕ ಶನೈಶ್ವರ ಪೂಜಾ ಸಮಿತಿರ್ದ್ ‘ಶನೈಶ್ವರ ಪೂಜೆ’: ಲೆಪ್ಪೋಲೆ ಬುಡುಗಡೆ

ವಿಟ್ಲ : ಪುತ್ತಿಲ ಪರಿವಾರ ವಿಟ್ಲ ವಲಯ ಬೊಕ್ಕ ಶನೈಶ್ವರ ಪೂಜಾ ಸಮಿತಿ ವತಿರ್ದ್ ಡಿ.9 ದಾನಿ ವಿಟ್ಲ ಶ್ರೀ ಪಂಚಲಿಂಗೇಶ್ವರ ದೇವಸ್ಥಾನದ ವಠಾರಡ್ ನಡಪುನ ಶನೈಶ್ವರ ಪೂಜೆದ ಲೆಪ್ಪೋಲೆ ಬುಡುಗಡೆ ಕಾರ್ಯಕ್ರಮ ವಿಟ್ಲ ಶ್ರೀ ಪಂಚಲಿಂಗೇಶ್ವರ ದೇವಸ್ಥಾನಡ್ ನಡತ್‌ಂಡ್.‌

ದೇವೆರ್ನ ಸನ್ನಿಧಿಡ್ ವಿಶೇಷ ಪ್ರಾರ್ಥನೆ ಮಲ್ತ್‌ದ್ ಹಿಂದೂ ಮುಖಂಡೆರ್ ಅರುಣ್ ಕುಮಾರ್ ಪುತ್ತಿಲ ಲೆಪ್ಪೋಲೆ ಬುಡುಗಡೆ ಮಲ್ತೆರ್.

ಈ ಪೊರ್ತುಡು ಪುತ್ತಿಲ ಪರಿವಾರದ ಅಧ್ಯಕ್ಷೆರ್ ಪ್ರಸನ್ನ ಮಾರ್ತಾ, ಪೂಜಾ ಸಮಿತಿದ ಅಧ್ಯಕ್ಷೆರ್ ನ್ಯಾಯವಾದಿ ಶ್ರೀಕೃಷ್ಣ ಕೇಪು, ಪ್ರಧಾನ ಕಾರ್ಯದರ್ಶಿ ಹರೀಶ್ ಪೂಜಾರಿ ಮರುವಾಳ, ಗೌರವಾಧ್ಯಕ್ಷೆರಾಯಿನ ಕೃಷ್ಣಯ್ಯ ಅರಮನೆ, ಸುಬ್ರಹ್ಮಣ್ಯ ಭಟ್ ಸೇರಾಜೆ, ನಗರ ಸಮಿತಿ ಅಧ್ಯಕ್ಷೆರ್ ಮೋಹನ್ ಸೇರಾಜೆ, ಗಣ್ಯೆರಾಯಿನ ಉದ್ಯಮಿ ಪ್ರಭಾಕರ್ ಶೆಟ್ಟಿ ದಂಬೆಕಾನ, ಇಂಜಿನಿಯರ್ಸ್ ಭಾಸ್ಕರ ರೈ, ಸುರೇಶ್ ಬನಾರಿ, ವೀರಾಂಜನೇಯ ವ್ಯಾಯಾಮ ಶಾಲೆದ ದೇಜಪ್ಪ ಪೂಜಾರಿ ನಿಡ್ಯ, ಒಕ್ಕಲಿಗರ ಸಂಘದ ಅಧ್ಯಕ್ಷೆರ್ ಮೋನಪ್ಪ ಗೌಡ ಶಿವಾಜಿನಗರ, ದೇವತಾ ಸಮಿತಿದ ಅಧ್ಯಕ್ಷೆರ್ ರಾಧಾಕೃಷ್ಣ ನಾಯಕ್, ವಿಟ್ಲ ಪಟ್ಟಣ ಪಂಚಾಯತ್ ಮಾಜಿ ಅಧ್ಯಕ್ಷೆ ಚಂದ್ರಕಾಂತಿ ಶೆಟ್ಟಿ, ಹಾಲಿ ಸದಸ್ಯೆ ಪದ್ಮಿನಿ ಪೂಜಾರಿ, ಅಳಿಕೆ ಗ್ರಾಮ ಪಂಚಾಯತ್ ಮಾಜಿ ಅಧ್ಯಕ್ಷೆರ್ ಕಾನ ಈಶ್ವರ ಭಟ್, ಭಗವತಿ ಅಯ್ಯಪ್ಪ ಸಮಿತಿದ ಮೋನಪ್ಪ ಗುರುಸ್ವಾಮಿ, ಖ್ಯಾತ ಅರ್ಚಕೆರ್ ಕೀರ್ತನ್ ಕೆದಿಲಾಯ, ವಿಶ್ವಕರ್ಮ ಸಮಾಜದ ಪ್ರಭಾಕರ ಆಚಾರ್ಯ, ತಿರುಮಲೇಶ್ವರ ಭಟ್, ಸುರೇಶ್ ಭಟ್ ಮಡಿಯಾಲ, ಪ್ರಮೋದ್ ಉದ್ದಣ್ಣಾಯ ಇತ್ತೆರ್.

ಶ್ರೀವರ ಯುವಕ ಮಂಡಲದ ಪದಾಧಿಕಾರಿಲೆನ ಆಯ್ಕೆ

ವಿಟ್ಲ : ಶ್ರೀವರ ಯುವಕ ಮಂಡಲ ರಿ. ಪೂರ್ಲಪ್ಪಾಡಿ ವಿಟ್ಲಪಡ್ನೂರು ಗ್ರಾಮ ನೆತ್ತ ರಡ್ಡನೇ ವರ್ಷದ ಮಹಾಸಭೆಟ್ ಪದಾಧಿಕಾರಿಲೆನ ಆಯ್ಕೆ ಪ್ರಕ್ರಿಯೆ ಪೂರ್ಲಪ್ಪಾಡಿ ಶ್ರೀವರ ವೇದಿಕೆದ ವಠಾರಡ್‌ ನಡತ್‌ಂಡ್.

ಯುವಕ ಮಂಡಲದ ನೂತನ ಗುರ್ಕಾರೆ ಆದ್ ಸೋಮನಾಥ ಗೌಡ ಕೆ., ಗೌರವಾಧ್ಯಕ್ಷೆರ್ ಈಶ್ವರ ಭಟ್ ಪಿ., ಗೌರವ ಸಲಹೆಗಾರರಾದ್ ವಕೀಲೆರ್ ರಾಮಣ್ಣ ಗೌಡ ದೇವರಮನೆ, ಉಪಾಧ್ಯಕ್ಷೆ ಪ್ರಜೇಶ್ ಕೆ., ಕಾರ್ಯದರ್ಶಿ ಸಂತೋಷ್, ಕೋಶಾಧಿಕಾರಿ ಯೋಗೀಶ್ ಪಿ., ಕ್ರೀಡಾ ಕಾರ್ಯದರ್ಶಿ ತೇಜಸ್ ಕೆ., ಜೊತೆ ಕಾರ್ಯದರ್ಶಿ ಯತೀಶ್ ಪಿ., ಸಹ ಕೋಶಾಧಿಕಾರಿ ಮನೋಜ್ ಪಿ., ಸಂಘಟನಾ ಕಾರ್ಯದರ್ಶಿಯಾದ್ ಪ್ರಶಾಂತ ಪಿ., ಚೇತನ್ ಕುಮಾರ್ ಪಿ.ಕೆ., ಲೋಕೇಶ್ ಕೆ., ವಿಜಯ ಪಿ., ದೇವಪ್ರಸಾದ್ ಕೆ., ಮಾಧ್ಯಮ ಪ್ರಮುಖೆರಾದ್ ರಾಕೇಶ್, ಭರತ್ ಕುಮಾರ್, ಜಯಪ್ರಕಾಶ್ ಕೆ., ಕಾರ್ಯಕಾರಿ ಸಮಿತಿ ಸದಸ್ಯೆರಾದ್ ನಾರಾಯಣ ಗೌಡ ಕೆ., ಹೇಮಂತ್ ಪಿ., ಶಿವರಾಜ್ ಪಿ., ಕಿರಣ್ ಚಂದ್ರ ಆಳ್ವ, ರೋಹಿತ್ ಪಿ., ರಂಜನ್ ಪಿ.ಜೆ., ರುಕುಮ ಗೌಡ ಪಿ., ಗಿರೀಶ್ ಪಿ.ಆರ್., ರಾಜೇಶ್ ಎಂ.ಎನ್. ಆಯ್ಕೆ ಆಯೆರ್.

ಎಲ್ಲೆ ತಾಲೂಕು ಮಟ್ಟದ ಕರ್ನಾಟಕ ರಾಜ್ಯೋತ್ಸವ | 10 ಸಾಧಕೆರೆಗ್‌ ಮಾನಾದಿಗೆ

ಪುತ್ತೂರು: ಎಲ್ಲೆ ನಡಪುನ ತಾಲೂಕು ಮಟ್ಟದ ಕರ್ನಾಟಕ ರಾಜ್ಯೋತ್ಸವ ಕಾರ್ಯಕ್ರಮಡ್‌ ಬೇತೆ ಬೇತೆ ಕ್ಷೇತ್ರದ 10 ಮಂದಿ ಸಾಧಕೆರೆನ್ ಗುರುತಿಸಾದ್‌ ಮಾನಾದಿಗೆ ಮಲ್ಪೆರೆ ಉಲ್ಲೆರ್. ಮಾನಾದಿಗೆದ ಆಯ್ಕೆ ಪ್ರಕ್ರಿಯೆ ಶಾಸಕೆರ್ ಅಶೋಕ್ ಕುಮಾರ್ ರೈ ಮೇರ್‌ನ ಮಾರ್ಗದರ್ಶನಡ್ ನಡತ್ಂಡ್.‌

ಹಿರಿಯ ಪ್ರಸೂತಿ ತಜ್ಞ ಡಾ.ಸುಬ್ರಾಯ ಭಟ್ (ವೈದ್ಯಕೀಯ), ಎ.ಪಿ.ನಾರಾಯಣ ಮರಿಕೆ (ಕೃಷಿ), ನಿರ್ಮಲಾ ಸುರತ್ಕಲ್ (ಸಾಹಿತ್ಯ), ನಾರಾಯಣ ಕೆ. (ಶಿಕ್ಷಣ), ದಯಾನಂದ ರೈ ಕೋರ್ಮಂಡ (ಕ್ರೀಡೆ), ಸುಂದರ ರೈ ಮಂದಾರ (ರಂಗಭೂಮಿ), ರೆ.ವಿಜಯ ಹಾರ್ವಿನ್ (ಶಿಕ್ಷಣ ಸಮನ್ವಯ), ಡಾ.ಅಜಯ್ (ಸಮಾಜ ಸೇವೆ), ನಾರಾಯಣ ಕುಂಬ್ರ (ಸಾಹಿತ್ಯ ಸಂಘಟನೆ), ಸಿದ್ದಿಕ್ ನಿರಾಜೆ (ಪತ್ರಿಕೋದ್ಯಮ) ಮೊಕ್ಲೆನ್‌ ಆಯ್ಕೆ ಮಲ್ತ್‌ದೆರ್.

ರಾಷ್ಟ್ರೀಯ ಬ್ಯಾಡ್ಮಿಂಟನ್ ಪಂತೊ; ಕೌಶಿಕ್ ಮೂಜನೆ ಇನಾಮು

ಸುಬ್ರಹ್ಮಣ್ಯದ ಡಾ. ರವಿಕಕ್ಕೆ ಪದವು ಬೊಕ್ಕ ಗೀತಾ ರವಿಕಕ್ಕೆಪದವು ಮೇರ್‌ನ ಮಗೆ ಕೌಶಿಕ್ ಸುಬ್ರಹ್ಮಣ್ಯ ರಾಷ್ಟ್ರೀಯ ಮಟ್ಟದ ಶಟಲ್ ಬ್ಯಾಡ್ಮಿಂಟನ್ ಪಂತೊಡ್‌ ಮೂಜನೇ ಇನಾಮು ಪಡೆಯೊಂದೆರ್.

ಮೇರ್‌ ಕುಮಾರಸ್ವಾಮಿ ವಿದ್ಯಾಲಯಡ್ ಪ್ರೌಢ ಶಿಕ್ಷಣ ಬೊಕ್ಕ ಪ್ರಥಮ ಪಿಯುಸಿ ಕುಡ್ಲದ ಅಲೋಶಿಯಸ್ ಕಾಲೇಜ್‌ಡ್‌ ಮುಗಿಪಾದ್ ಪುತ್ತೂರು ವಿವೇಕಾನಂದ ಕಾಲೇಜ್‌ಡ್ ದ್ವಿತೀಯ ಪಿಯುಸಿ ಕಲ್ತೊಂದು ಉಲ್ಲೆರ್.

ಪ್ರವೀಣ್ ನೆಟ್ಟಾರ್ ಮರ್ಡರ್ ಕೇಸ್: ನೌಷಾದ್ ಮಾಹಿತಿ ತೆರಿಪಾಯಿನಕ್ಲೆಗ್ ಇನಾಮು

ಬೆಳ್ತಂಗಡಿ: ಬೆಳ್ಳಾರೆದ ಹಿಂದೂ ಕಾರ್ಯಕರ್ತ ಪ್ರವೀಣ್ ನೆಟ್ಟಾರು ಕೇರ್ನ ಕೇಸ್‌ದ ಬಗ್ಗೆ ಇತ್ತೆ ಆರೋಪಿ ಪಡಂಗಡಿ ನೌಷಾದ್ ನ ಸುಳಿವು ಕೊರ್ನಕ್ಲೆಗ್ ರಡ್ಡ್ ಲಕ್ಷ ರೂಪಾಯಿ ಇನಾಮುನು ಎನ್.ಐ.ಎ ಅಧಿಕಾರಿಲು ಘೋಷಣೆ ಮಲ್ದೆರ್.‌

ಆರೋಪಿ ನಂಬರ್ 23 ಆದಿಪ್ಪುನ ಬೋಲ್ತೆರ್ ತಾಲೂಕ್‌ದ ಪಡಂಗಡಿ ಗ್ರಾಮದ ಪೊಯ್ಯೆಗುಡ್ಡೆ ನಿವಾಸಿ ನೌಷದ್(32) ದೆಂಗ್‌ದ್‌ ಕುಲ್ದಿನ ಆರೋಪಿ. ಇತ್ತೆ ಬೆಂಗಳೂರು ಎನ್.ಐ.ಎ ಅಧಿಕಾರಿಲು ನೌಷದ್ ಬಗ್ಗೆ ಸುಳಿವು ಕೊರ್ನಕ್ಲೆಗ್ ಎನ್.ಐ.ಎ ಅಧಿಕಾರಿಲೆಗ್ ರಡ್ಡ್ ಲಕ್ಷ ರೂಪಾಯಿ ಇನಾಮು ಕೊರ್ಪ ಪಂದ್ ಎನ್.ಐ.ಎ ಪತ್ರಿಕಾ ಪ್ರಕಟಣೆಡ್‌ ತೆರಿಪಾದೆರ್.

ಪ್ರಾಥಮಿಕ ಶಾಲಾ ಶಿಕ್ಷಕರ ನೇಮಕಾತಿಗ್ ಕೋರ್ಟ್‌ದ ತಡೆಯಾಜ್ಞೆ ತೆರವು | ಪುತ್ತೂರ್‌ಗ್ 131 ಶಿಕ್ಷಕರ ನೇಮಕ‌

ಪುತ್ತೂರು: ಪ್ರಾಥಮಿಕ ಶಾಲಾ ಶಿಕ್ಷಕರ ನೇಮಕಾತಿ ವಿಚಾರಡ್ ನ್ಯಾಯಾಲಯಡ್‌ ತಡೆಯಾಜ್ಞೆ ತೆರವು ಆದ್, ಸರಕಾರ ದ.ಕ. ಜಿಲ್ಲೆಗ್ 546 ಶಿಕ್ಷಕೆರೆನ್ ನೇಮಕ ಮಲ್ತ್ ಆದೇಶ ಕೊರ್ತುಂಡ್, ಈ ಪೈಕಿ ಪುತ್ತೂರುಗ್ 131 ಶಿಕ್ಷಕೆರೆನ್‌ ನೇಮಕ ಮಲ್ತ್‌ದೆರ್. ಪುತ್ತೂರು ಸೇರಿನಂಚ ದ.ಕ ಜಿಲ್ಲೆದ ಸರಕಾರಿ ಪ್ರಾಥಮಿಕ ಶಾಲೆಡ್ ಶಿಕ್ಷಕೆರ್ನ ಕೊರತೆ ಇತ್ತ್‌ಂಡಲ ಶಿಕ್ಷಕೆರೆನ್ ನೇಮಕ ಮಲ್ಪುನಂಚ ಇಜ್ಜಾಂಡ್.

ಶಿಕ್ಷಕರ ನೇಮಕಾತಿ ವಿಚಾರಡ್ ನ್ಯಾಯಾಲಯದ ತಡೆಯಾಜ್ಞೆ ಇತ್ತಿನ ಕಾರಣ ಕರಿನ ಕೆಲವು ವರ್ಷರ್ದ್ ಅತಿಥಿ ಶಿಕ್ಷಕ ನೇಮಕ ಮಲ್ತೊಂದು ಇಜ್ಜಾಂಡ್. ಇತ್ತೆ ನ್ಯಾಯಾಲಯ ತಡೆಯಾಜ್ಞೆ ದೆತ್ತಿನೆಕ್ಕ್ ಶಿಕ್ಷಕರ ನೇಮಕಾತಿ ಪ್ರಕ್ರಿಯೆ ನಡಪೆರೆ ಉಂಡು. ನ್ಯಾಯಾಲಯದ ತಡೆಯಾಜ್ಞೆ ವಿಚಾರನ್ ಪುತ್ತೂರು ಶಾಸಕೆರ್ ಅಶೋಕ್ ರೈ ಸರಕಾರದ ಗಮನಗ್‌ ಕನತ್‌ ಇತ್ತೆರ್.‌ ಶಿಕ್ಷಕರ ಕೊರತೆರ್ದ್ ಸರಕಾರಿ ಶಾಲೆಡ್ ಗುಣಮಟ್ಟದ ಶಿಕ್ಷಣನ್‌ ಕೊರಿಯೆರೆ ಸಾಧ್ಯ ಆವೊಂದು ಇಜ್ಜಿ. ಗ್ರಾಮೀಣ ಭಾಗದ ಕಲ್ಪಾರ್ಥಿಲೆಗ್ ತೊಂದರೆ ಆವೊಂದು ಉಂಡು. ಅಂಚಾದ್ ನೇಮಕಾತಿ ವಿಚಾರಡ್ ಸರಕಾರ ಮಧ್ಯ ಪ್ರವೇಶ ಮಲ್ಪುನಂಚ ಮನವಿ ಮಲ್ತ್‌ ಇತ್ತೆರ್.

ರಬ್ಬರ್ ಬೇಲೆದಕ್ಲೆನ ಬಾಕಿ ಬೋನಸ್ ಶೀಘ್ರ ಬಿಡುಗಡೆ | ಅರಣ್ಯ ಸಚಿವ ಖಂಡ್ರೆ ಭರವಸೆ

ಪುತ್ತೂರು: ರಬ್ಬರ್ ಬೇಲೆದಕ್ಲೆನ ಕೊರಿಯೆರೆ ಬಾಕಿ ಇಪ್ಪುನ ಬೋನಸ್‌ನ್ ಬೇಗಡ್‌ ಕೋರ್ಪ ಪಂದ್ ಅರಣ್ಯ ಸಚಿವೆರ್ ಈಶ್ವರ ಖಂಡ್ರೆ ಪುತ್ತೂರು ಶಾಸಕ ಅಶೋಕ್ ರೈಗ್‌ ಭರವಸೆ ಕೊರಿಯೆರ್.‌

ಬೋನಸ್ ಕೊರಿಯೆರೆ ಕೆಎಫ್‌ಡಿಸಿ ಬೊಕ್ಕ ಹಣಕಾಸು ಇಲಾಖೆದ ಒಪ್ಪಿಗೆ ತಿಕ್ಕೆರೆ ತಡ ಆಯಿನ ಕಾರಣ ಪಿರ ವಿಳಂಬ ಆತ್‌ಂಡ್. ಅ. 26 ದಾನಿ ಪಿರ ಅರಣ್ಯ ಸಚಿವೆರೆನ್‌ ಭೇಟಿಯಾದ್ ಶಾಸಕೆರ್ ಮಾತುಕತೆ ನಡಪಾದ್‌ ಬೇಗಡೆ ಬಾಕಿ ಇಪ್ಪುನ ಬೋನಸ್‌ನ್ ಕಾರ್ಮಿಕೆರೆಗ್ ಕೊರ್ಪ ಪಂದ್ ಶಾಸಕರೆಗ್‌ ತೆರಿಪಾದೆರ್. ಕರಿನ ಒಂಜಿ ವರ್ಷರ್ದ್ ಕಾರ್ಮಿಕೆರ್ ಬೋನಸ್‌ಗಾದ್ ಒತ್ತಾಯ ಮಲ್ತ್‌ ಇತ್ತೆರ್.

ಐಸ್ ಕ್ರೀಂ ಉದ್ಯಮಿ ಕಾಪಿಲ ಗಿರಿಯಪ್ಪ ಗೌಡೆರ್ನ ಮರ್ಮಲ್ ಐಶ್ವರ್ಯ ಆತ್ಮಹತ್ಯೆ…!!

 ಸುಳ್ಯ : ಡೈರಿ ರಿಚ್ ಐಸ್ ಕ್ರೀಂ ಉದ್ಯಮಿ, ಕನಕಮಜಲು ಕಾಪಿಲ ಗಿರಿಯಪ್ಪ ಗೌಡೆರ್ನ ಮರ್ಮಲ್ ಬೆಂಗಳೂರ್‌ಡ್ ಆತ್ಮಹತ್ಯೆ ಮಲ್ತೊನ್ನ ಘಟನೆ ವರದಿ ಆತ್‌ಂಡ್. ಗಿರಿಯಪ್ಪ ಗೌಡ ಮೇರ್‌ನ ಮಗೆ ರಾಜೇಶ್‌ನ ಬುಡೆದಿ ಐಶ್ವರ್ಯ(26) ಆತ್ಮಹತ್ಯೆ ಮಲ್ತೊನ್ನಾರ್. ಉಬರಡ್ಕ ಮಿತ್ತೂರು ಗ್ರಾಮದ ಮದುವೆಗದ್ದೆ ಸುಬ್ರಹ್ಮಣ್ಯ ಗೌಡ ಬೊಕ್ಕ ಉಷಾ ದಂಪತಿನ ಮಗಲ್ ಐಶ್ವರ್ಯ ನಾಲ್ ವರ್ಷದ ಪಿರ ರಾಜೇಶ್ ಮೇರೆನ್‌ ಮದಿಮೆ ಆದಿತ್ತೆರ್.

ಐಶ್ವರ್ಯ ಬೆಂಗಳೂರ್‌ದ ಕಂಪೆನಿಡ್‌ ಬೇಲೆ ಮಲ್ತೊಂದು ಇತ್ತೆರ್‌. ಕಂಡನಿ ರಾಜೇಶ್ ಸ್ವಂತ ಐಸ್ ಕ್ರೀಮ್ ಪಾರ್ಲರ್ ನಡಪಾವೊಂದು ಬೆಂಗಳೂರುಡ್‌ ವಾಸ ಆದಿತ್ತೆರ್. ಐಶ್ವರ್ಯನ ಪೊಪ್ಪ ಅಮ್ಮಲ ಬೆಂಗಳೂರ್‌ಡೆ ಇತ್ತೆರ್.‌ ಕೆಲವು ಸಮಯರ್ದ್‌ ಐಶ್ವರ್ಯ ತನ್ನ ಅಪ್ಪೆನ ಇಲ್ಲಗ್‌ ಬತ್ತಿತ್ತೆರ್.‌ ಇಲ್ಲಲ್‌ ಏರ್ಲ ಇಜ್ಜಂದಿನ ಸಮಯ ತೂದು ಆತ್ಮಹತ್ಯೆ ಮಲ್ತೊಂದೆರ್‌ ಪಂದ್‌ ತೆರಿದ್‌ ಬೈದ್‌ಂಡ್‌.

ಸ್ಲ್ಯಾಪ್ ಜರಿದ್ ತೀರ್ನ ಕಾರ್ಮಿಕೆ, ಕಾಂಟ್ರಾಕ್ಟರ್‌ಗ್ ಗಡಿ

ಇಲ್ಲದ ಸಿಟೌಟ್‌ದ ಸ್ಲ್ಯಾಪ್‌ದ ಸೆಂಟ್ರಿಂಗ್ ಬೇಲೆ ಮಲ್ತೊಂದುಪ್ಪುನಗ ಸ್ಲ್ಯಾಪ್ ಜರಿದ್ ಕಾರ್ಮಿಕೆ ಒರಿ ತೀರ್ದ್, ಕಂಟ್ರಾಕ್ಟರ್‌ಗ್ ಗಡಿ  ಆತಿನ ಘಟನೆ  ಪುತ್ತೂರು ತಾಲೂಕ್, ಅರಿಯಡ್ಕ ಗ್ರಾಮೊದ, ಪಾದಲಾಡಿ ಪನ್ಪಿನಲ್ಪ ಕೋಡೆ ಕಾಂಡೆ ನಡತ್‌ದ್ಂಡ್.

ತೀರ್ದಿನ ಕಾರ್ಮಿಕೆ ಅರಿಯಡ್ಕ ಗ್ರಾಮೊದ ಕೌಡಿಚ್ಚಾರ್ ನಿವಾಸಿ ಶೇಖರ ಕುಲಾಲ್ (45) ಅಂಚೆನೇ ಪೆಟ್ಟಾತಿನ ಕಂಟ್ರಾಕ್ಟರ್‌ ಸಂಜೀವ ಮೊಗೇರ ಪಂದ್ ತೆರಿದ್‌ಬೈದ್ಂಡ್. ಅರಿಯಡ್ಕ ಗ್ರಾಮೊದ ಪಾದಲಾಡಿ ನಿವಾಸಿ ಕಮಲ ಪನ್ಪಿನಾರೆನ ಇಲ್ಲದ ಸಿಟೌಟ್‌ದ ಸ್ಲ್ಯಾಪ್‌ದ ಸೆಂಟ್ರಿಂಗ್ ಬೇಲೆ ಮಲ್ತೊಂದುಪ್ಪುನಗ ಈ ನಡಕೆ ನಡತ್‌ದ್ಂಡ್. ಈ ನಡಕೆಡ್ ಶೇಖರ ಕುಲಾಲ್ ಬೊಕ್ಕ ಸಂಜೀವ ಮೊಗೇರೆರೆಗ್ ಗಡಿಕುಲಾದ್, ಗಾತಿದ ಪೆಟ್ಟಾದಿತ್ತಿನ ಶೇಖರ ಕುಲಾಲ್ ಆಸ್ಪತ್ರೆಗ್ ಲೆತೊಂದು ಪೋಪಿನ ಸಾದಿಡೇ ತೀರ್ದೆರ್. ಸಮ ಕ್ಯೂರಿಂಗ್ ಆವಂದಿನ ಜಾಗೆಡ್ ಬೇಲೆ ಮನ್ಪುನ ಜೂವೊಗು ಸಂಚಿಕರ ಪಂದ್ ತೆರಿದಿತ್ತ್‌ದ್‌ಲಾ ಶೇಖರ್ ಕುಲಾಲೆರೆನ್ ಬೇಲೆ ಮನ್ಪಾಯಿನ ಕಾಂಟ್ರ್ಯಾಕ್ಟರ್ ಸಂಜೀವ ಮೊಗೇರ ಬೊಕ್ಕ ಇಲ್ಲದ ದನಿ ಕಮಲ ಮೊಕ್ಲೆನ ಗೋಸ್ಮರಿಯೇ ನೆವನ ಪಂದ್ ತೀರ್ದಿನ ಶೇಖರ ಕುಲಾಲ್ ಮೆರೆನ ಪಲಯೆ ದಿನೇಶ್ ಕುಲಾಲ್ ಕೊರ್ತಿನ ಒಯಿಲ್‌ದಂಚ, ಪುತ್ತೂರು ಗ್ರಾಮಾಂತರ ಪೊಲೀಸ್ ಸ್ಟೇಶನ್ ಕೇಸ್ ದಾಖಲ್ ಮಲ್ತೊಂದು, ಪೊಲೀಸೆರ್ ತನಿಖೆ ಮಲ್ತೊಂದುಲ್ಲೆರ್.