ಕಾಸ್ರೋಡ್ ಸುದ್ದಿ | Kasargod News

ಕೆಎಂಸಿ ಮಣಿಪಾಲ : ಆ.31ಕ್ಕ್ ಹೊರರೋಗಿ ವಿಭಾಗಗ್ ರಜೆ

ಮಣಿಪಾಲ,: ಶ್ರೀಕೃಷ್ಣ ಜನ್ಮಾಷ್ಟಮಿ (ವಿಟ್ಲಪಿಂಡಿ) ಪ್ರಯುಕ್ತ ಆ.31ನೆ ಅಂಗಾರೆ ಮಣಿಪಾಲದ ಕಸ್ತೂರ್‌ಬಾ ಆಸ್ಪತ್ರೆದ ಹೊರರೋಗಿ ವಿಭಾಗಗ್ ರಜೆ ಉಂಡು . ಆಂಡಲಾ ಅಪಘಾತ ಬೊಕ್ಕ ತುರ್ತು ಚಿಕಿತ್ಸಾ ವಿಭಾಗ ಏಪದಲಕ ಬೇಲೆ ಮಲ್ಪುಂಡು ಪಂದ್ ಆಸ್ಪತ್ರೆದ ವೈದ್ಯಕೀಯ ಅಧೀಕ್ಷಕೆರ್ ಪ್ರಕಟಣೆಡ್ ತೆರಿಪಾದೆರ್ .

ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ, ಜೈ ತುಲುನಾಡ್ (ರಿ.) ಬೊಕ್ಕ ಅಂಬೇಡ್ಕರ್ ನಗರ ನಾವೂರ ಬಂಟ್ವಾಳದ ಒಟ್ಟು ಸೇರಿಗೆಡ್ ಬಲೆ ತುಲು ಲಿಪಿ ಕಲ್ಪುಗ ಕಜ್ಜಕೊಟ್ಯದ ಉದಿಪನ

ಬಂಟ್ವಾಳ : ಅಂಬೇಡ್ಕರ್ ನಗರ ನಾವೂರ ಬಂಟ್ವಾಳಡ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ, ಜೈ ತುಲುನಾಡ್ (ರಿ.) ಬೊಕ್ಕ ಅಂಬೇಡ್ಕರ್ ನಗರ ನಾವೂರ ಬಂಟ್ವಾಳ ಮೆಕ್ಲೆನ ಒಟ್ಟು ಸೇರಿಗೆಡ್ ಬಲೆ ತುಲು ಲಿಪಿ ಕಲ್ಪುಗ ಕಜ್ಜ ಕೊಟ್ಯದ ಉದಿಪನದ ಲೇಸ್ ನಡತುಂಡು .

ಅಂಬೇಡ್ಕರ್ ನಗರದ ಪೆರಿಯೆರಾಯಿನ ಜಾನು, ಬೆಲ್ಚಡ , ಅಣ್ಣು ತುಲು ಲಿಪಿ ಕಲ್ಪುನ ಕಜ್ಜ ಕೊಟ್ಯನ್ ತುಡರ್ ಅರ್ಲಾವುನ ಮುಖೇನ ಉದಿಪನ ಮಲ್ತೆರ್ . ತುಲು ಲಿಪಿ ಕಲ್ಪಾರ್ತಿಲಾಯಿನ ಪೂರ್ಣಿಮಾ ಬಂಟ್ವಾಳ ಬೊಕ್ಕ ಪೃಥ್ವಿ ತುಲುವೆ ಮೆಕುಲು ತುಲು ಲಿಪಿ ಬರೆಪುನ ಮುಖೇನ ಕಾರ್ಯಾಗಾರಗ್ ಚಾಲನೆ ಕೊರಿಯೆರ್ .

ಭಾರತಗ್ ಕುಡೊಂಜಿ ಬಂಗಾರ್ದ ಪದಕ : ಜಾವೆಲಿನ್ (ಎಫ್ 64)ಡ್ ಭಾರತದ ಸುಮಿತ್ ಆಂಟಿಲ್ಗ್ ಬಂಗಾರ್ದ ಪದಕ

ಟೋಕಿಯೊ : ಟೋಕಿಯೋಡು ನಡತೊಂದು ಉಪ್ಪುನ ಪ್ಯಾರಾಲಿಂಪಿಕ್ಸ್ ಡ್ ( Tokyo Paralympics ) ನಡತಿನ ಜವಣ್ಯೆರ್ನ ಜಾವೆಲಿನ್ (ಎಫ್ 64)ಡ್ ಭಾರತದ ಸುಮಿತ್ ಆಂಟಿಲ್ ( Sumit Antil ) 68.55 ಮೀ. ಪೊಸ ವಿಶ್ವ ದಾಖಲೆದ ಎಸೆತದೊಟ್ಟುಗು ಬಂಗಾರ್ದ ಪದಕ ಗೆಂದಿಯೆರ್.

ಟೋಕಿಯೊಡು ನಡತಿನ ಫೈನಲ್ ಡ್ ಸುಮಿತ್ ಆಂಟಿಲ್ ಮೂಜಿ ಸಲ ದಾಖಲೆನ್ ಬರೆತೆರ್ .

ಆಸ್ಟ್ರೇಲಿಯಾದ ಮಿಚಲ್ ಬುರಿಯನ್ 66.29 ಮೀ.ತ ಅತ್ಯುತ್ತಮ ಪ್ರಯತ್ನದೊಟ್ಟುಗು ಬೊಳ್ಳಿ ಪದಕ , ಶ್ರೀಲಂಕಾದ ದುಲನ್ ಕೊಡಿತುವಾಕ್ಕು ಕಂಚ್ ದ ಪದಕಗೆಂದ್ದೆರ್.

ಒಡಿಪು ಧರ್ಮಪ್ರಾಂತ್ಯದ ವತಿರ್ದ್ ಇಂಡಿಯನ್ ಐಡಲ್ ಫೈನಲಿಸ್ಟ್ ನಿಹಾಲ್ ತಾವ್ರೋ ಗು ಮಾನದಿಗೆ

ಒಡಿಪು : ನಿಹಾಲ್ ತಾವ್ರೋ ತಂಕ್ ತಿಕ್ಕಿನ ಅವಕಾಶನ್ ಸದುಪಯೋಗ ಪಡಿಸಾದ್ ಇಂಡಿಯನ್ ಐಡಲ್‌ನ ಫೈನಲ್ ಹಂತ ಮುಟ್ಟುನ ಮುಖೇನ ಇಡೀ ರಾಜ್ಯಗೆ ಕೀರ್ತಿ ಕನಯ್ದೆರ್ ಪಂದ್ ಒಡಿಪು ಕೆಥೊಲಿಕ್ ಧರ್ಮಪ್ರಾಂತದ ಧರ್ಮಾಧ್ಯಕ್ಷ ಅತಿ ವಂ. ಡಾ. ಜೆರಾಲ್ಡ್ ಐಸಾಕ್ ಲೋಬೊ ಪಂಡೆರ್ .

ಐತಾರ ಒಡಿಪುಡು ಧರ್ಮಪ್ರಾಂತದ ವತಿರ್ದ್ ಇಂಡಿಯನ್ ಐಡಲ್ ಫೈನಲಿಸ್ಟ್ ನಿಹಾಲ್ ತಾವ್ರೋ ಮೆರೆಗ್ ಮಾನದಿಗೆ ಮಲ್ತ್ ಬಿಷಪ್ ಪಾತೆರಯೇರ್.

ಈ ಪೊರ್ತುಡು ಧರ್ಮಪ್ರಾಂತದ ಬೇತೆ ಬೇತೆ ಸಂಘಟನೆಲು , ಧರ್ಮಗುರುಕುಲು ನಿಹಾಲ್ ಮೆರೆಗ್ ಮಾನದಿಗೆ ಮಲ್ತೆರ್ . ಮತ್ತರ್ಮೆಡ್ ನಿಹಾಲ್ ಮೇರ್ಣ ಪೊಪ್ಪ ಹೆರಾಲ್ಡ್ ತಾವ್ರೋ, ತಾಯಿ ಪ್ರೆಸಿಲ್ಲಾ ತಾವ್ರೋ, ತಗೆ ನಿಶಾನ್ ತಾವ್ರೋ, ಕೆಥೊಲಿಕ್ ಸಭಾ ಉಡುಪಿ ಪ್ರದೇಶ ನೆತ್ತ ಆಧ್ಯಾತ್ಮಿಕ ನಿರ್ದೇಶಕೆರಾಯಿನ ವಂ. ಫರ್ಡಿನಾಂಡ್ ಗೊನ್ಸಾಲ್ವಿಸ್, ನಿವೃತ್ತ ಧರ್ಮಗುರು ವಂ.ವಿಲಿಯಂ ಮಾರ್ಟಿಸ್ ಪಾಲ್ ಪಡೆದಿತ್ತೆರ್ .

ನವೆಂಬರ್ದ ಉಲಯಿ ರಾಜ್ಯೋದ ಮಾತಾ ಜನಕ್ಲೆಗ್ ಕೋವಿಡ್ ಲಸಿಕೆ : ಸಿಎಂ ಮಹತ್ವದ ಘೋಷಣೆ

ಕರ್ನಾಟಕ : ನವೆಂಬರ್ ತಿಂಗೊಲ್ ದ ಉಲಯಿ ರಾಜ್ಯದ ಮಾತೆರೆಗ್ಲಾ ಕೋವಿಡ್ ಸುರುತ ಡೋಸ್ ಕೊರೊಡು ಪಂದ್ ಸಿಎಂ ಬಸವರಾಜ್ ಬೊಮ್ಮಾಯಿ ಘೋಷಣೆ ಮಲ್ದೆರ್ .

ಹಾವೇರಿಡ್ ಪಾತೆರಿನ ಸಿಎಂ ಬೊಮ್ಮಾಯಿ, ಕೊರೊನಾ ಮೂಜನೇ ಅಲೆ ಪೋಡಿಗೆದ ನೆಲೆಟ್ಟ್ ಮಸ್ತ್ ಜಾಗ್ರತೆ ಮಲ್ಪುನ ಅಗತ್ಯ ಉಂಡು ಪಂದ್ ಪಂಡೆರ್.