ಟೈಮ್ಸ್ ಆಫ್ ಕುಡ್ಲ ತುಳು ನ್ಯೂಸ್ Times of Kudla Tulu News

ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಮುಲ್ಕಿ: ಉಚ್ಚು ತುಚ್ಚಿದ್ ತೀರ್ ಪೋಯಿನ ದಿನಸಿ ಬ್ಯಾರದಾರ್

Oct 5, 2023

ಮುಲ್ಕಿ: ಕರ್ನಿರೆದ ದಿನಸಿ ಬ್ಯಾರ ಮಲ್ಪುನಾರ್ ಒರಿ ವಿಷತ್ತ ಉಚ್ಚು ತುಚ್ಚಿದ್ ತೀರ್ ಪೋತೆರ್.

ಕರ್ನಿರೆ ಮಸೀದಿ ಕೈತಲ್‌ದ ಸಯ್ಯದ್ ಆಲಿ(57) ತೀರ್ ಪೋಯಿನಾರ್. ಆರ್ ತನ್ನ ತೋಟಡ್ ತರ್ಕಾರಿ ಬುಳೆನ್ ಮಲ್ತೊಂದಿತ್ತ್ ದ್ , ಕಾಂಡೆ ತೋಟಗ್ ಪೋನಗ ಉಚ್ಚು ತುಚ್ಚಿದ್ಂಡ್. ಅಪಗನೆ ಅರೆನ್ ಆಸ್ಪತ್ರೆಗ್ ದಾಖಲ್ ಮಲ್ತ್ಂಡಲ ಚಿಕಿತ್ಸೆ ಫಲಕಾರಿ ಆವಂದೆ ತೀರ್ ಪೋಯೆರ್.

ಊರ್ದ ಸುದ್ದಿ Regional News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News

ಪೆರ್ನೆ : ಕಳೆಂಜ ಶ್ರೀ ವಿಷ್ಣುಮೂರ್ತಿ ದೇವಸ್ಥಾನಡ್ ನವರಾತ್ರಿ ಉಚ್ಚಯ : ಲೆಪ್ಪೋಲೆ ಬುಡುಗಡೆ

Oct 5, 2023

ಪುತ್ತೂರು : ಶ್ರೀ ಸೋದೆ ಮಠಾಧೀಶೆರ್ ಪ್ರತಿಷ್ಠಾಪನೆ ಮಲ್ತಿನ ಶ್ರೀ ವಿಷ್ಣುಮೂರ್ತಿ ದೇವಸ್ಥಾನ ಕಳೆಂಜ ದೇಂತಡ್ಕ, ಬಿಳಿಯೂರು ಪೆರ್ನೆಡ್‌ ಮಾರ್ನೆಮಿದ ನವರಾತ್ರಿ ಉಚ್ಚಯ ಅ.15 ರ್ದ್ 24 ಮುಟ್ಟ ನಡಪೆರೆ ಉಂಡು. ನೆತ್ತ ಲೆಪ್ಪೋಲೆ ಬುಡುಗಡೆನ್‌ ಅ.5 ದಾನಿ ದೇವಾಲಯಡ್‌ ಬುಡುಗಡೆ ಮಲ್ತೆರ್.
ಲೇಸ್‌ಡ್ ದೇವಸ್ಥಾನದ ಪವಿತ್ರಪಾಣಿ ಕೃಷ್ಣರಾವ್ ಬಾಗ್ಲೊಡಿ, ದೇವಸ್ಥಾನದ ಆಡಳಿತ ಮಂಡಳಿದ ಗುರ್ಕಾರೆ ಕೃಷ್ಣಮೂರ್ತಿ ಕಾರಂತ ಶಂಕರಯ್ಯ ಪಾಲು , ಕಾರ್ಯದರ್ಶಿ ರೇವತಿ ಪಿ, ಉಪಾಧ್ಯಕ್ಷೆರ್ ಉಮೇಶ್ ಪೂಜಾರಿ ಬಾಕಿಮಾರ್ , ಕೋಶಾಧಿಕಾರಿ ಚಿದಾನಂದ ಕಳೆಂಜ, ಉಮಾನಾಥ ಶೆಟ್ಟಿ ಸಂಪಿಗೆಕೋಡಿ, ಸುಂದರ ಮಲ್ಲಡ್ಕ, ವಿಜೇತ್ ಕುಮಾರ್, ಪುಷ್ಪರಾಜ್ ಶೆಟ್ಟಿ ಪದಬರಿ, ರವೀಂದ್ರ ಶೆಟ್ಟಿ, ದಿನೇಶ್ ಗುಂಡಿ, ವೇಣುಗೋಪಾಲ್ ಬಟ್ಟೆಜಾಲ್, ಶೀನಪ್ಪ ಪೂಜಾರಿ, ಸುರೇಶ್ ಶೆಟ್ಟಿ, ನೀಲಪ್ಪ ಗೌಡ, ಚಂದ್ರಹಾಸ ಶೆಟ್ಟಿ, ಸಂಜೀವ ಪೂಜಾರಿ, ಐತ್ತಪ್ಪ ಭಂಡಾರಿ, ಪುರಂದರ ಗೌಡ, ವಿದ್ಯಾಪ್ರಸಾದ್, ಕಿರಣ್ ಶೆಟ್ಟಿ, ಪ್ರೀತಮ್ ಕೇದಗೆ, ಗೋಪಾಲ ಶೆಟ್ಟಿ ಸಂಪಿಗೆಕೋಡಿ, ಗಿರೀಶ್ ಭಟ್,ಗಂಗಾಧರ ಶೆಟ್ಟಿ,ಶೀವಪ್ಪ ನಾಯ್ಕ, ನಳಿನಿ ಉಮೇಶ್,ಮಿತ್ರದಾಸ್ ರೈ, ಸದಾಶಿವ ಶೆಟ್ಟಿ, ಗೀರಿಶ್ ಪೂಜಾರಿ, ಚೇತನ್, ಸೀತಾರಾಮ ಸಾಮಾನಿ, ಶೀನಪ್ಪ ಗೌಡ ಕುಂಡಾಜೆ, ಪದ್ಮನಾಭ ಸಾಮಾನಿ, ಮೋಹನ್ ಶೆಟ್ಟಿ, ತನಿಯಪ್ಪ ಪೂಜಾರಿ,ಸತೀಶ್ ಶೆಟ್ಟಿ, ನಾರಾಯಣ ಪೂಜಾರಿ, ಕೊರಗಪ್ಪ ಭಂಡಾರಿ, ಜಯ ಆಚಾರ್ಯ, ದೇವಸ್ಥಾನದ ಅರ್ಚಕೆರಾಯಿನ ನಾರಾಯಣ ಭಟ್ ಬೊಕ್ಕ ಊರುದ ಭಕ್ತಾದಿಲು ಇತ್ತೆರ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ದೇಶಡ್ ನಡಪಿನ ಸುದ್ದಿ | National News ರಪಕ್ಕ ಸುದ್ದಿ Flash News

ಕೋಚಿಂಗ್ ಇಜ್ಜಂದೆ ಯುಪಿಎಸ್‌ಸಿ ಪರೀಕ್ಷೆಡ್ 70 ನೇ ರ್‍ಯಾಂಕ್ ಪಡೆಯಿನ ಸಲೋನಿ ವರ್ಮಾ

Oct 5, 2023

ಕೋಚಿಂಗ್ ಇಜ್ಜಂದೆ ಯುಪಿಎಸ್‌ಸಿ ಪರೀಕ್ಷೆ ಬರೆದ್ ಸಲೋನಿ ವರ್ಮಾ ಮೇರ್ 70 ನೇ ರ್‍ಯಾಂಕ್‌ ಪಡೆತೆರ್.

ಯುಪಿಎಸ್‌ಸಿ ಪರೀಕ್ಷೆ ಬರೆದ್ ಐಎಎಸ್, ಐಪಿಎಸ್, ಅಂಚನೆ ಐಎಫ್ ಎಸ್ ಅಧಿಕಾರಿ ಆವೊಡು ಪನ್ಪಿನವು ಮಸ್ತ್ ಜನತ್ತ ಕನ ಆದಿಪ್ಪುಂಡು.

ಜಾರ್ಖಂಡ್ ದ ಜಮ್ಶೆಡ್‌ಪುರದಾರ್ ಆಯಿನ ಮೇರ್ ಇತ್ತೆ ದಿಲ್ಲಿಡ್ ವಾಸ ಉಲ್ಲೆರ್.

ಸಿಕ್ಕಿಂಡ್ ಮೇಘಸ್ಫೋಟ: 14 ಜನ ತೀರ್ ಪೋಯೆರ್, 102 ಜನ ನಾಪತ್ತೆ

Oct 5, 2023

ಸಿಕ್ಕಿಂಡ್ ಆಯಿನ ಮೇಘಸ್ಪೋಟಡ್ ಬೊಲ್ಲ ಬತ್ತ್‌ದ್ 14 ಜನ ತೀರ್ ಪೋದಿತ್ತ್‌ದ್, 102 ಜನ ನಾಪತ್ತೆ ಆಯಿನ ಘಟನೆ ನಡತ್ಂಡ್.

ಸಂಕಲು, ಗಾಡಿಲು, ಇಲ್ಲ್-ಕಟ್ವಾನೊಲು ಬೊಲ್ಲಡ್ ಪೋದಿತ್ತ್‌ದ್ ಈ ಘಟನೆನ್ ಸಿಕ್ಕಿಂ ಸರ್ಕಾರ “ರಾಷ್ಟ್ರೀಯ ವಿಪತ್ತು” ಪಂದ್ ಘೋಷಣೆ ಮಲ್ತ್‌ದ್ಂಡ್. ಅಂಗಾರೆ ನಡುರಾತ್ರೆ ಟೀಸ್ಟಾ ತುದೆಟ್ಟ್ ಬೊಲ್ಲ ಬತ್ತಿತ್ಂಡ್.

ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಬೊಂಬಾಯಿದ ಸುದ್ದಿ | Mumbai News

ಜಯ ಸುವರ್ಣ ಕೂಟದಕ್ಲೆನ ಕೈಕ್ಕ್ ಭಾರತ್ ಬ್ಯಾಂಕ್ ದ ಆಡಳಿತ

Oct 5, 2023

ಬೊಂಬೈ: ಮಹಾರಾಷ್ಟ್ರದ ಮಣ್ಣ್ ಡ್ ಬಿಲ್ಲವ ಸಮಾಜದ ಪ್ರತಿಷ್ಠೆದ ಬ್ಯಾಂಕ್, ತುಳುವೆರೆನ ಪೆರ್ಮೆದ ಭಾರತ್ ಬ್ಯಾಂಕ್ ದ ಆಡಳಿತ ಮಂಡಳಿದ ಓಟುಡು ಬಿಲ್ಲವ ಭವನದ ರೂವಾರಿ ದಿ. ಜಯ ಸುವರ್ಣ ಮೆರೆನ ಕೂಟದಕುಲು ಗೆಂದ್ ದೆರ್.

ಪ್ರತಿಷ್ಠಿತ ಭಾರತ್ ಬ್ಯಾಂಕ್ ಗ್ ಅ.2 ಕ್ಕ್ ಓಟು ನಡತ್ ದ್ ಅ.4 ಕ್ಕ್ ರಿಸಲ್ಟ್ ಬೈದ್ಂಡ್. ಬೊಲ್ಪುರ್ದ್ ರಾತ್ರೆ ಮುಟ್ಟ ಒಟ್ಟು 5 ಸುತ್ತುಡು ಓಟು ಗೆನ್ಪುನ ಬೇಲೆ ನಡತ್ಂಡ್. ಸುರುತ್ತ ಸುತ್ತುಡು ಜಯ ಸುವರ್ಣ ಪ್ಯಾನೆಲ್ ದ ಮಾತ ಅಭ್ಯರ್ಥಿಲು ಮಸ್ತ್ ಓಟುರ್ದ್ ದುಂಬು ಇತ್ತೆರ್. ಅಕೇರಿದ ಸುತ್ತುದ ಓಟುದ ಲೆಕ್ಕ ಮುಗಿನಗ ಜಯ ಸುವರ್ಣ ಪ್ಯಾನೆಲ್ ದ ಎಚ್ಚದ ಅಭ್ಯರ್ಥಿಲು 1500 ರ್ದ್ ಎಚ್ಚ ಓಟುದ ಅಂತರಡ್ ಗೆಂದಿಯೆರ್.

ಭಾರತ್ ಬ್ಯಾಂಕ್ ದ ಆಡಳಿತ ಮಂಡಳಿ ಓಟುಡು ಈ ಸರ್ತಿ ಜಯ ಸುವರ್ಣ ಬೊಕ್ಕ ಬೊಂಬೈ ಬಿಲ್ಲವರ ಅಸೋಸಿಯೇಷನ್ ದ ಅಧ್ಯಕ್ಷೆರ್ ಹರೀಶ್ ಅಮೀನ್ ಮೆರೆನ ಪ್ಯಾನೆಲ್ ದ ನಡುಟ್ಟ್ ನೇರ ಫೈಟ್ ಇತ್ತ್ ದ್, ಭಾರಿ ಕುತೂಹಲ ಇತ್ತ್ಂಡ್.

ಓಟುದ ಫಲಿತಾಂಶ ಘೋಷಣೆ ಆಯಿನಂಚೆನೆ, ಜಯ ಸುವರ್ಣ ಅಭಿಮಾನಿ ಬಳಗ, ಹಿತೈಷಿಲು, ಸಮಾಜ ಬಾಂಧವೆರ್ ಜಯ ಸುವರ್ಣ ಪ್ಯಾನೆಲ್ ದ ನಾಯಕೆ ಸೂರ್ಯಕಾಂತ ಜಯ ಸುವರ್ಣ ಬೊಕ್ಕ ಗೆಂದಿನ ಮಾತ ಅಭ್ಯರ್ಥಿಲೆಗ್ ಅಭಿನಂದನೆ ಸಂದಾದೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕಾರ್ಲದ ಸುದ್ದಿ Karkala News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ಪುತ್ತೂರ್ದ ಸುದ್ದಿ | Puttur News ಬೊಲ್ತೆರ್ ಸುದ್ದಿ | Belthangady News ರಪಕ್ಕ ಸುದ್ದಿ Flash News

ಕುಡ್ಲ: ಅಗ್ನಿಶಾಮಕ ಅಧಿಕಾರಿಲು ಬೊಕ್ಕ ಸಿಬ್ಬಂದಿಲೆಗ್ ಮುಖ್ಯಮಂತ್ರಿ ಬಂಗಾರ್‌ದ ಪದಕ

Oct 5, 2023

ಕುಡ್ಲ: 2021-2022 ಅಂಚನೆ 2023 ನೇ ಸಾಲ್‌ದ ಮುಖ್ಯಮಂತ್ರಿಲೆನ ಬಂಗಾರ್‌ದ ಪದಕ ಪುರಸ್ಕಾರಗ್ ಜಿಲ್ಲೆದ ಅಗ್ನಿಶಾಮಕ ಅಧಿಕಾರಿಲು ಬೊಕ್ಕ ಸಿಬ್ಬಂದಿಗಳು ಆಯ್ಕೆ ಆತೆರ್.

ಪಾಂಡೇಶ್ವರ ಅಗ್ನಿಶಾಮಕ ಠಾಣೆದ ಜಿಲ್ಲಾ ಅಗ್ನಿಶಾಮಕ ಅಧಿಕಾರಿ ಭರತ್ ಕುಮಾರ್, ಕದ್ರಿ ಅಗ್ನಿಶಾಮಕ ಠಾಣೆದ ಜಿಲ್ಲಾಧಿಕಾರಿ ಮಹಮ್ಮದ್ ಜುಲ್ಫಿಕರ್ ನವಾಜ್ ಕೆ ಪಿ, ಜಿಲ್ಲೆದ ಸಹಾಯಕ ಅಗ್ನಿಶಾಮಕ ಠಾಣಾಧಿಕಾರಿ ರಾಜ್, ಜಿಲ್ಲೆದ ಕುಡ್ಲ ತಾಲೂಕ್‌ದ ಆದರ್ಶ ನಗರದ ಪ್ರಮುಖ ಅಗ್ನಿಶಾಮಕ-1647 ಸುದರ್ಶನ್.ಕೆ, ಕಡಬ ತಾಲೂಕ್‌ದ ಕೊಂಬಾರು ಪ್ರಮುಖ ಅಗ್ನಿಶಾಮಕ-2119 ರುಕ್ಮಯ ಗೌಡ ಇ, ಕುಡ್ಲ ತಾಲೂಕ್‌ದ ಗುರುಪುರ ಗ್ರಾಮದ ಪ್ರಮುಖ ಅಗ್ನಿಶಾಮಕ- 2189 ಸುರೇಶ್ ಶೆಟ್ಟಿ, ಬೊಲ್ತೇರ್ ತಾಲೂಕ್‌ದ ಗರ್ಗಾಡಿ ಗ್ರಾಮದ ಅಗ್ನಿಶಾಮಕ – 2427 ಉಸ್ಮಾನ್ ಮುಖ್ಯಮಂತ್ರಿ ಬಂಗಾರ್‌ದ ಪದಕ ಪಡೆಯಿನ ಅಧಿಕಾರಿಲು ಬೊಕ್ಕ ಸಿಬ್ಬಂದಿಲು ಪಂದ್ ಜಿಲ್ಲಾ ಅಗ್ನಿಶಾಮಕ ಅಧಿಕಾರಿಲು ಪ್ರಕಟನೆಡ್ ತೆರಿಪಾದೆರ್.

ಪ್ರವೀಣ್‌ ನೆಟ್ಟಾರುನು ಕೆರ್ತಿನ ಕೇಸ್ ದ ಆರೋಪಿಲೆನ ಜಾಮೀನ್ ಅರ್ಜಿ ವಜಾ‌

Oct 5, 2023

ಬೆಂಗಳೂರು: ಸುಳ್ಯ ತಾಲೂಕುದ ಬೆಳ್ಳಾರೆಡ್ 2022 ಜುಲೈ 26 ದಾನಿ ಬಿಜೆಪಿ ಯುವ ನಾಯಕೆ ಪ್ರವೀಣ್ ನೆಟ್ಟಾರುನು ಕೆರ್ತಿನ ಕೇಸ್ ದ ಮೂಜಿ ಆರೋಪಿಲು ಸಲ್ಲಿಸಾದಿನ ಜಾಮೀನ್ ಅರ್ಜಿನ್ ಹೈಕೋರ್ಟ್‌ ವಜಾ ಮಲ್ದ್ಂಡ್.
ನ್ಯಾಯಮೂರ್ತಿ ಎಚ್.ಬಿ. ಪ್ರಭಾಕರ್ ಶಾಸ್ತ್ರಿ ನ್ಯಾ. ಅನಿಲ್ ಕೆ.ಕಟ್ಟಿ ವಿಭಾಗೀಯ ಪೀಠ, ಹತ್ಯೆಗ್ ಸಂಬಂಧದ ಸಂಚ್‌ಡ್ ಈ ಮೀಜಿ ಆರೋಪಿಲು ಭಾಗಿಯಾಯಿನ ಆರೋಪ ಉಂಡು. ಅಂಚಾದ್ ಇಸ್ಮಾಯಿಲ್ ಶಫಿ, (ಆರೋಪಿ 9), ಕೆ.ಮೊಹಮ್ಮದ್ ಇಕ್ಬಾಲ್ (ಆರೋಪಿ 10) ಬೊಕ್ಕ ಎಂ.ಶಾಹೀದ್ (ಆರೋಪಿ 11) ಸಲ್ಲಿಕೆ ಮಲ್ತಿನ ಜಾಮೀನ್ ಅರ್ಜಿನ್ ವಜಾ ಮಲ್ತ್ ದ್ ಆದೇಶ ಕೊರ್ತೆರ್.

ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಕೆಸಿಸಿಐ ಪೊಸ ಅಧ್ಯಕ್ಷೆರಾದ್ ಅನಂತೇಶ್ ಪ್ರಭು ಆಯ್ಕೆ

Oct 5, 2023

ಕುಡ್ಲ: ಕೆನರಾ ವಾಣಿಜ್ಯ ಬೊಕ್ಕ ಕೈಗಾರಿಕಾ ಸಂಸ್ಥೆ (ಕೆಸಿಸಿಐ)ದ 83ನೇ ವಾರ್ಷಿಕ ಸಾಮಾನ್ಯ ಸಭೆ ನಡಪರೆ ಇತ್ತ್‌ದ್, 2023-24ನೇ ಸಾಲ್‌ದ ಅಧ್ಯಕ್ಷೆರಾದ್ ಸಿಎ ಅನಂತೇಶ್ ವಿ. ಪ್ರಭು ಆಯ್ಕೆ ಆತೆರ್.

ಅಂಚನೆ ಉಪಾಧ್ಯಕ್ಷೆರಾದ್ ಆನಂದ್ ಜಿ. ಪೈ, ಖಜಾಂಚಿಯಾದ್ ಸಿಎ ಅಬ್ದುರ್ ರಹ್‌ಮಾನ್ ಮುಸ್ಬಾ, ಗೌರವ ಕಾರ್ಯದರ್ಶಿಯಾದ್ ಪಿ.ಬಿ. ಅಹ್ಮದ್ ಮುದಸ್ಸರ್ ಬೊಕ್ಕ ಅಶ್ವಿನ್ ಪೈ ಮಾರೂರ್ ಆಯ್ಕೆ ಆತೆರ್.

ಮೂಜಿ ಜನಕ್ಕ್ ರಸಾಯನ ಶಾಸ್ತ್ರ ನೊಬೆಲ್ ಪುರಸ್ಕಾರ

Oct 5, 2023

ಸ್ಟಾಕ್‌ಹೋಂ: ಮೌಂಗಿ ಬವೆಂಡಿ, ಲೂಯಿಸ್ ಬ್ರೂಸ್ ಬೊಕ್ಕ ಅಲೆಕ್ಸಿ ಎಕಿವೊವ್ ಮೊಕುಲೆಗ್ ಕ್ವಾಂಟಮ್ ಡಾಟ್‌ದ ಬೇಲೆಗಾದ್ ಈ ಸಾಲ್‌ದ ಪ್ರತಿಷ್ಟಿತ ರಸಾಯನಶಾಸ್ತ್ರದ ನೊಬೆಲ್ ಪ್ರಶಸ್ತಿನ್ ಕೊರಿಯರ ಉಲ್ಲೆರ್.

ರಾಯಲ್ ಸ್ವೀಡಿಷ್ ಅಕಾಡೆಮಿ ಆಫ್ ಸೈನ್ಸಸ್‌ದ ಪ್ರಧಾನ ಕಾರ್ಯದರ್ಶಿ ಹ್ಯಾನ್ಸ್ ಎಲೆಗ್ರೆನ್ ಮೇರ್ ಸ್ಟಾಕ್‌ಹೋಮ್‌ಡ್ ಪ್ರಶಸ್ತಿನ್ ಘೋಷಣೆ ಮಲ್ತ್‌ದೆರ್.

ಉಡುಪಿದ ಸುದ್ದಿ | Udupi News ಊರ್ದ ಸುದ್ದಿ Regional News ಕುಡ್ಲದ ಸುದ್ದಿ | Mangalore News ಟೈಮ್ಸ್ ಆಫ್ ಕುಡ್ಲ ನ್ಯೂಸ್ Times of Kudla News ತುಳು ಸುದ್ದಿ ರಪಕ್ಕ ಸುದ್ದಿ Flash News

ಬೆಂಗ್ಲೂರು: ಇನಿ ಜನಪ್ರತಿನಿಧಿಲು, ಡಿಸಿ ಒಟ್ಟುಗು ಮುಖ್ಯಮಂತ್ರಿ ಸಭೆ

Oct 5, 2023

ಬೆಂಗ್ಲೂರು: ಒಡಿಪು ಜಿಲ್ಲೆಡ್ ಆವೊಂದಿಪ್ಪುನ ಪೊಯ್ಯೆ ಸಾಗಾಟ, ಕೆಂಪುಕಲ್ಲ್ ಅಂಚನೆ ಬೇತೆ ಸಮಸ್ಯೆದ ಬಗೆಟ್ ಅ.5 ಕ್ಕ್ ಬಯ್ಯ 5 ಗಂಟೆಗ್ ವಿಧಾನಸೌಧದ ಸಮಿತಿ ಕೋಣೆಡ್ ಮುಖ್ಯಮಂತ್ರಿಲೆನ ಜಿಲ್ಲಾ ಉಸ್ತುವಾರಿ ಸಚಿವೆರ್, ಜಿಲ್ಲೆದ ಐನ್ ಶಾಸಕೆರ್, ರಡ್ಡ್ ವಿಧಾನ ಪರಿಷತ್ ಸದಸ್ಯೆರ್, ಜಿಲ್ಲಾಧಿಕಾರಿ, ಜಿಲ್ಲಾ ಪಂಚಾಯತ್ ಸಿಇಒ ಅಂಚನೆ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಸೇರ್ದ್ ಜಿಲ್ಲೆದ ಪ್ರಮುಖೆರ್‌ನೊಟ್ಟುಗು ಸಭೆ ನಡಪಾಯರೆ ಉಲ್ಲೆರ್.

ಟೈಮ್ಸ್ ಆಫ್ ಕುಡ್ಲ ತುಳು ನ್ಯೂಸ್ Times of Kudla Tulu News

ಮುಲ್ಕಿ: ಉಚ್ಚು ತುಚ್ಚಿದ್ ತೀರ್ ಪೋಯಿನ ದಿನಸಿ ಬ್ಯಾರದಾರ್

ಪೆರ್ನೆ : ಕಳೆಂಜ ಶ್ರೀ ವಿಷ್ಣುಮೂರ್ತಿ ದೇವಸ್ಥಾನಡ್ ನವರಾತ್ರಿ ಉಚ್ಚಯ : ಲೆಪ್ಪೋಲೆ ಬುಡುಗಡೆ

ಕೋಚಿಂಗ್ ಇಜ್ಜಂದೆ ಯುಪಿಎಸ್‌ಸಿ ಪರೀಕ್ಷೆಡ್ 70 ನೇ ರ್‍ಯಾಂಕ್ ಪಡೆಯಿನ ಸಲೋನಿ ವರ್ಮಾ

ಸಿಕ್ಕಿಂಡ್ ಮೇಘಸ್ಫೋಟ: 14 ಜನ ತೀರ್ ಪೋಯೆರ್, 102 ಜನ ನಾಪತ್ತೆ

ಜಯ ಸುವರ್ಣ ಕೂಟದಕ್ಲೆನ ಕೈಕ್ಕ್ ಭಾರತ್ ಬ್ಯಾಂಕ್ ದ ಆಡಳಿತ

ಕುಡ್ಲ: ಅಗ್ನಿಶಾಮಕ ಅಧಿಕಾರಿಲು ಬೊಕ್ಕ ಸಿಬ್ಬಂದಿಲೆಗ್ ಮುಖ್ಯಮಂತ್ರಿ ಬಂಗಾರ್‌ದ ಪದಕ

ಪ್ರವೀಣ್‌ ನೆಟ್ಟಾರುನು ಕೆರ್ತಿನ ಕೇಸ್ ದ ಆರೋಪಿಲೆನ ಜಾಮೀನ್ ಅರ್ಜಿ ವಜಾ‌

ಕೆಸಿಸಿಐ ಪೊಸ ಅಧ್ಯಕ್ಷೆರಾದ್ ಅನಂತೇಶ್ ಪ್ರಭು ಆಯ್ಕೆ

ಮೂಜಿ ಜನಕ್ಕ್ ರಸಾಯನ ಶಾಸ್ತ್ರ ನೊಬೆಲ್ ಪುರಸ್ಕಾರ

ಬೆಂಗ್ಲೂರು: ಇನಿ ಜನಪ್ರತಿನಿಧಿಲು, ಡಿಸಿ ಒಟ್ಟುಗು ಮುಖ್ಯಮಂತ್ರಿ ಸಭೆ

You Missed

ನ.20 : ಕುಡ್ಲಡ್ 73ನೇ ರಾಜ್ಯಮಟ್ಟದ ಸಹಕಾರ ಸಪ್ತಾಹ

ಕಂಬುಲದ ಸೀಸನ್ ಸುರು; ಈ ವರ್ಷದ ಪಟ್ಟಿ ರಿಲೀಸ್

ಕುಡ್ಲ : ಲಾರಿದ ಪಿರವುಗು ಕಾರ್ ಗುದ್ದುದು 2 ಜನಕ್ಕ್ ಮಲ್ಲ ಪೆಟ್ಟ್

ಬೊಲ್ತೇರ್: ನೇತ್ರಾವತಿ ತುದೆಬರಿಟ್ಟ್ ಮನುಷ್ಯನ ಮಂಡೆ ಪತ್ತೆ!