ಒಡಿಪು ಪುತ್ತೂರು ಬೊಲ್ತೆರ್

ಕುಡ್ಲ : ದ್ರವತ್ಯಾಜ್ಯ ನಿರ್ವಹಣಾ ಕಾರ್ಯಗಾರಗ್ ಚಾಲನೆ

ಕುಡ್ಲ : ಸ್ವಚ್ಛ ಭಾರತ್ ಮಿಷನ್ (ಗ್ರಾ) ಹಂತ-2ರ ಮಾರ್ಗಸೂಚಿದ ಪ್ರಕಾರ ಗ್ರಾಮ ಪಂಚಾಯತ್‌ದ ವ್ಯಾಪ್ತಿಡ್ ದ್ರವತ್ಯಾಜ್ಯ ನಿರ್ವಹಣೆ ಬಗ್ಗೆ ತರಬೇತಿ ಕಾರ್ಯಾಗಾರಗ್ ಜಿಪಂ ಸಿಇಒ ಡಾ.ಕುಮಾರ್ ಶುಕ್ರವಾರ ಚಾಲನೆ ಕೊರಿಯೆರ್ .

ವೈಜ್ಞಾನಿಕ ದ್ರವತ್ಯಾಜ್ಯ ನಿರ್ವಹಣೆಗ್ ಸೂಕ್ತ ತಂತ್ರಜ್ಞಾನನ್ ಗುರ್ತಿಸಾದ್ ವಿಸ್ತೃತ ಯೋಜನಾ ವರದಿನ್ ತಯಾರ್ ಮಲ್ಪರೆ ಅಂಚನೇ ಅನುಷ್ಠಾನ ಮಲ್ಪರೆ ಬೆಂಗ್ಳೂರುದ ಸಿಡಿಡಿ ಸಂಸ್ಥೆದ ತಾಂತ್ರಿಕ ಸಾಕಾರಡ್ ಆ.27ರ್ದ್ 29ಮುಟ ಜಿಲ್ಲೆದ ಮಾತಾ ತಾಂತ್ರಿಕ ವರ್ಗದ ಅಧಿಕಾರಿ ಸಿಬ್ಬಂದಿಗ್ ಅಡ್ವಾನ್ಸ್ ಮಾಡ್ಯುಲ್ ತರಬೇತಿನ್ ಅಟ್ಟನೆ ಮಲ್ದೆರ್ .

“ಮಹಿಳಾ ಸುರಕ್ಷತೆಗ್ ಒಂಜಿ ದಿನ ” ಪೊಲೀಸ್ ಆಯುಕ್ತೆರ್ನ ಆಂದೋಲನ

ಕುಡ್ಲ : ಮಹಿಳಾ ಸುರಕ್ಷೆತೆಗ್ ಒತ್ತು ಕೊರ್ಪಿನ ನೆಲೆರ್ದ್ ಕುಡ್ಲ ಪೊಲೀಸ್ ಕಮಿಷನರೇಟ್ ವ್ಯಾಪ್ತಿಡ್ ಆ.28ಗ್ ‘ಮಹಿಳಾ ಸುರಕ್ಷತೆಗಾದ್ ಒಂಜಿ ದಿನ’- ‘112ಕ್ಕ್ ಕರೆ ನಿಕ್ಲೆನೆರ್ದ್ -ನಿಕುಲು ಉಪ್ಪುನಡೆ ಭೇಟಿ ನಮರ್ದ ಪರಿಕಲ್ಪನೆಡ್ ಆಂದೋಲನ ಮಾದರಿಡ್ ಈ ಲೇಸ್ ನಡಪರೆ ಉಂಡು.

ರಾಜ್ಯೋಡು ಕೋಡೆ 1,301 ಪೊಸ ಕೊರೋನ ಕೇಸ್

ಬೆಂಗ್ಳೂರು,: ರಾಜ್ಯಡ್ ಶುಕ್ರವಾರ 1,301 ಪೊಸ ಕೊರೋನ ಪ್ರಕರಣ ದೃಢ ಆತುಂಡು . 17 ಜನಕುಲು ಸೋಂಕುಗು ಬಲಿಯಾತೆರ್ , 1,614 ಜನಕುಲು ಹುಷಾರ್ ಆತೆರ್ .

ರಾಜ್ಯಡ್ ಇತ್ತೆ ಒಟ್ಟು ಸೋಂಕಿತೆರ್ನ ಸಂಖ್ಯೆ 29,44,764ಕ್ ಮುಟ್ಟುದುಂಡು .

ಸರಳವಾದ್ ಪರ್ಯಾಯ ಮಲ್ಪರೆ ತಯಾರಿ : ಕೃಷ್ಣಾಪುರಶ್ರೀ

ಒಡಿಪು : ದುಂಬುದ ನವೆಂಬರ್ ಪೊರ್ತುಡು ಕೋವಿಡ್-19 ಸಾಂಕ್ರಾಮಿಕದ ತೀವ್ರತೆ ಕಮ್ಮಿ ಆಯಿಜಿಂಡ ಸಾಂಪ್ರದಾಯಿಕ ಪರ್ಯಾಯಗ್ ಬದ್ದ ಉಂಡು , ಈ ನೆಲೆಟ್ಟ್ ತಯಾರಿ ಮಲ್ಪುವ . ಲೋಕಗ್ , ಜನಕ್ಲೆಗ್ ಕಂಟಕವಾದ್ ಪರ್ಯಾಯ ಮಲ್ಪೊಡು ಪನ್ಪಿನ ಹಠ ನಮಕ್ ಇಜ್ಜಿ ಪಂದ್ ಒಡಿಪು ಶ್ರೀಕೃಷ್ಣಾಪುರ ಮಠದ ಶ್ರೀವಿದ್ಯಾಸಾಗರತೀರ್ಥರ್ ಪಂತೆರ್ .

ದುಂಬುದ 2022ರ ಜ.18ಗ್ ನಾಲನೆ ಸಲ ಶ್ರೀಕೃಷ್ಣಪೂಜಾ ಕೈಂಕರ್ಯದ ಪರ್ಯಾಯ ಪೀಠಾರೋಹಣ ಮಲ್ಪರೆ ಉಪ್ಪುನ ನೆಲೆಟ್ಟ್ ಕೃಷ್ಣಾಪುರ ಮಠದ ಶ್ರೀಕೃಷ್ಣ ಸಭಾಭವನಡ್ ಶುಕ್ರವಾರ ನಡತಿನ ಪರ್ಯಾಯ ಸಿದ್ಧತೆದ ಪೂರ್ವಭಾವಿ ಸಭೆಟ್ ಆಶೀರ್ವಚನ ಕೊರ್ದು ಶ್ರೀಕುಲು ಪಾತೆರಿಯೆರ್.

ಬಂಗಾರ್ ಪಾಲಿಶ್ ಮಲ್ತ್ ಕೊರ್ಪೆ ಪಂದ್ ಐನರೆ ಪವನ್ ಬಂಗಾರ್ ಕರಗಾದ್ ಡೋಂಗಿ

ಪುತ್ತೂರು: ಬಂಗಾರ್ ಪಾಲಿಶ್ ಮಲ್ತ್ ಕೊರ್ಪೆ ಪಂದ್ 2 ಪವನ್‌ನ ಕರಿಮಣಿ ಸರ ಸೇರಿನಂಚ ಐನರೆ ಪವನ್ ಬಂಗಾರ್ ಕಳೆಯೊಂಡಿನ ಘಟನೆ ಸಂಪ್ಯ ಪೊಲೀಸ್ ಠಾಣಾ ವ್ಯಾಪ್ತಿಡ್ ನಡತುಂಡು . ವಂಚನೆ ಆಯಿನ ಪೊಂಜೊವು ನೆಟ್ಟಣಿಗೆ ಮುಟ್ಟೂರು ಗ್ರಾ.ಪಂ. ಸದಸ್ಯೆ ಪೆರ್ನಾಜೆ ನಿವಾಸಿ ಇಂದಿರಾ ಪಂದ್ ಪಂತೆರ್ .

ಬಂಗಾರ್ ಪಾಲಿಶ್ ಮಲ್ತ್ ಕೊರ್ಪೆ ಪಂದ್ ನಂಬಾದ್ ಅಪರಿಚಿತ ಜವಣ್ಯೆ ಒರಿ ಇಲ್ಲದ ಶೋಕೇಸ್, ಟಿವಿ, ಬೊಳ್ಳಿ , ಬಂಗಾರ ಸೇರಿನoಚ ಅವ್ವೆತೋ ವಸ್ತುನು ಸ್ವಚ್ಛ ಮಲ್ತ್ ಕೊರ್ಪೆ ಪಂದ್ ಇಂಚ ಮಲ್ದೆರ್.

ಕರ್ನಾಟಕಡ್ ಇನಿರ್ದ್ ನಾಲ್ ದಿನ ಭಾರಿ ಬರ್ಸ | ಕುಡ್ಲಡ್ ಯೆಲ್ಲೋ ಅಲರ್ಟ್

ಕುಡ್ಲ : ರಾಜ್ಯೋಡು ಕರಿನ 2 ವಾರಗರ್ದ್ ಅಲ್ಪ ಅಲ್ಪ ಬಾರಿ ಬರ್ಸ ಬರೊಂದು ಉಂಡು ಸೆಪ್ಟೆಂಬರ್ ಕಡೆ ಮುಟಲ ಮುಂಗಾರು ಬರ್ರೆ ಉಂಡು . ಇನಿರ್ದ್ ಆ. 31 ಮುಟಲ ಕರ್ನಾಟಕಡ್ ವರುಣನ ಆರ್ಭಟ ಜಾಸ್ತಿ ಆಯರೇ ಉಂಡು . ಕರ್ನಾಟಕದ ಜಿಲ್ಲೆಲಾಯಿನ ಒಡಿಪು , ಕುಡ್ಲ , ಉತ್ತರ ಕನ್ನಡಡ್ ನನಲಾ 4 ದಿನ ಬರ್ಸ ಬರ್ರೆ ಉಂಡು ಅಂಚನೇ ಕುಡ್ಲಡ್ ಯೆಲ್ಲೋ ಅಲರ್ಟ್ ಘೋಷಣೆ ಆತುಂಡು .

ಗುವೆಲ್ಗ್ ಲಾಗಿದ್ ಜೀವ ಬುಡಿನ ಬೊಲ್ತೆರ್ ತಾ.ಪಂ ಮಾಜಿ ಒತ್ತು ಗುರ್ಕಾರ್ಲಾಯಿನ ಸಂತೋಷ್‌ ಕುಮಾರ್ ಲಾಯಿಲ

ಬೊಲ್ತೆರ್: ತಾಲೂಕು ಪಂಚಾಯತ್ ಮಾಜಿ ಒತ್ತು ಗುರ್ಕಾರ್ಲಾಯಿನ, ಲಾಯಿಲ ನಿವಾಸಿ ಸಂತೋಷ್ ಕುಮಾರ್ (45ವ.) ಮೇರ್ ಇನಿ ಸರಕಾರಿ ಗುವೆಲ್ ಗ್ ಲಾಗಿದ್ ಆತ್ಮಹತ್ಯೆ ಮಲ್ದೆರ್ .

ಕೆಲ‌ವರ್ಷದ ಪಿರವು ಅಪಘಾತರ್ದಾವರ ಬೆರಿ ಮುಳ್ಳು ಪೊಲೀದ್ ಇತ್ತುಂಡು . ಸುರು ಸುರುಟು ಪಜೆಟೇ ಇತ್ತಿನ ಆರ್ ಮಲಗಿದ್ದ ಕೊಕ್ಕಡದ ಸೇವಾಧಾಮ ಬೆರಿ ಮುಳ್ಳುದ ಮರ್ದ್ ಗಾದ್ ಕೇಂದ್ರರ್ದ್ ಚಿಕಿತ್ಸೆ ಬೊಕ್ಕ ಫಿಸಿಯೋಥೆರಫಿ ಪಡೆದ್ ಹುಷಾರ್ ಆದಿತ್ತೆರ್
ಸುರುಟು ಬೆಳ್ತಂಗಡಿ ಆಟೋ ರಿಕ್ಷಾ ಚಾಲಕ ಮಾಲಕೆರ್ನ ಸಂಘದ ಪದಾಧಿಕಾರಿಯಾದ್ , ಲಾಯಿಲ ಶ್ರೀ ಗಣೇಶೋತ್ಸವ ಸಮಿತಿ, ಶ್ರೀ ಕೃಷ್ಣ ಜನ್ಮಾಷ್ಟಮಿ ಸಮಿತಿ ಸೇರಿನಂಚ ಬೇತೆ ಬೇತೆ ಸಂಘ ಸಂಸ್ಥೆಡ್ ಸಕ್ರೀಯವಾದ್ ಬೇಲೆ ಮಲ್ತೊಂದು ಇತ್ತೆರ್ .

ತಮ್ಮ ದೀರ್ಘಕಾಲಿಕ ಅನಾರೋಗ್ಯರ್ದ್ ಬೇಜಾರ್ ಆದ್ ಮೇರ್ ಜೀವನೊಡು ಜಿಗುಪ್ಸೆ ಬತ್ದ್ ಇಂಚಿನ ಬೇಲೆ ಮಲ್ದಿನ ಸಾಧ್ಯತೆ ಉಂಡು ಪಂದ್ ಪನೊಲಿ.