Vitla Panchalingeshwara temple

ವಿಟ್ಲದ ಪಂಚಲಿಂಗೇಶ್ವರ ದೇವಲ್ಯಡ್ ಸಿಮಗುಡ್ಡದ ಅರಸು ಪನ್ಪಿನ ತುಳು ಭಕ್ತಿ ಗೀತೆ ಬುಡುಗಡೆ

ವಿಟ್ಲದ ಪಂಚಲಿಂಗೇಶ್ವರ ದೇವಲ್ಯಡ್ ಸಿಮಗುಡ್ಡದ ಅರಸು ಪನ್ಪಿನ ತುಳು ಭಕ್ತಿ ಗೀತೆನ್ ಕೃಷ್ಣಯ್ಯ ಕೆ ವಿಟ್ಲ ಅರಮನೆ ಮೆರ್ನ ಬುಡುಗಡೆ ಮಲ್ತೆರ್.

ಆಯಿಬೊಕ್ಕ ಪಾತೆರ್ದಿನ ಆರ್, ತುಳು ಭಕ್ತಿಗೀತೆ ಬುಡುಗಡೆ ಆಯರೇ ಕಾರಣಿಕರ್ತೆರಾಯಿನ ಗಾಯಕಿ ತನುಷ ಕುಂದರ್ ಬ್ರಹ್ಮಾವರ, ಸಾಹಿತ್ಯನ್ ಬರೆಯಿನ ದಿನೇಶ್ ಕೂಡವೂರು, ದಯಾ ಕ್ರಿಯೇಷನ್ ದ ಸ್ಥಾಪಕೆರ್ ದಯಾನಂದ ಅಮೀನ್ ಬಾಯಾರು ಅಂಚನೆ ಸಾಕಾರ ಮಲ್ತಿನ ಮಾತೆರೆಗ್ಲಾ ಕ್ಷೇತ್ರದ ಪರವಾದ್ ಸೊಲ್ಮೆ ಸಂದೈತ ಮಲ್ತೆರ್. ನನ ದುಂಬುಗುಲ ಕಲಾ ಮಾತೆನ ಸೇವೆ ಮಲ್ಪಿನ ಭಾಗ್ಯ ಒದಗುದ್ ಬರಡ್ ಪಂದ್ ಆಶೀರ್ವಾದ ಮಲ್ತೆರ್.

ಈ ಪೊರ್ತುಡ್ ಜಿಲ್ಲಾ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತೆರ್ ಆಯಿನ ಆರ್ ಕೆ ಕಲಾ ಸಂಸ್ಥೆದ ನಿರ್ದೇಶಕೆರ್ ರಾಜೇಶ್ ವಿಟ್ಲ, ಪಾಶ್ವನಾಥ ನೆಲ್ಯಾಡಿ, ಜಯರಾಮ ಬಲ್ಲಾಳ್, ದಯಾನಂದ ಅಮೀನ್ ಬಾಯಾರು, ಗಾಯಕಿ ತನುಷ ಕುಂದರ್ ಬ್ರಹ್ಮಾವರ, ಶಾಮ್ ಮಮತಾ ಎಸ್ ಕುಂದರ್ ಲೇಸ್ ಡ್ ಇತ್ತೆರ್.