Urva police station

ಕುಡ್ಲ; ಖಾಸಗಿ ನ್ಯೂಸ್ ಚಾನೆಲ್ ದ ವರದಿಗಾರನ ಮಿತ್ತ್ ಹಲ್ಲೆ

ಕುಡ್ಲ, ನ.23: ಪತ್ರಕರ್ತೆರ್, ಕನ್ನಡ ಖಾಸಗಿ ನ್ಯೂಸ್ ಚಾನೆಲ್ ದ ದ.ಕ.ಜಿಲ್ಲಾ ವರದಿಗಾರೆರ್ನ ಮಿತ್ತ್ ಮಾರಣಾಂತಿಕ ಹಲ್ಲೆ ಮಲ್ತಿನ ಘಟನೆ ಪೇಂಟೆಡ್ ನಡತ್ ದ್ಂಡ್.

ಖಾಸಗಿ ನ್ಯೂಸ್ ಚಾನೆಲ್ ದ ದ.ಕ.ಜಿಲ್ಲಾ ವರದಿಗಾರೆರ್ ಆಯಿನ ಸುಖ್ ಪಾಲ್ ಪೊಳಲಿ ಮೇರ್ ನ ಮಿತ್ತ್ ಹಲ್ಲೆ ಮಲ್ತ್ ದೆರ್. ಕೊಡೆ ಬಯ್ಯಗ್ ವ್ಯಕ್ತಿ ಒರಿ ಬತ್ತ್ ದ್ ಸುಖ್ ಪಾಲ್ ಮೇರ್ ನ ಮಿತ್ತ್ ಪರ್ತೆದ ಹತ್ಯಾರ್ ಡ್ ತರೆಕ್ಕ್ ಹಲ್ಲೆ ಮಲ್ತ್ ದೆರ್. ಹಲ್ಲೆ ಮಲ್ತಿನ ಆರೋಪಿನ್ ವಕೀಲ ಯದುನಂದನ್ ಪಂದ್ ಗುರ್ತಿಸಾದೆರ್. ಉಲಯಿದ ದ್ವೇಷದ ಮಿತ್ತ್ ಈ ಹಲ್ಲೆ ನಡತ್ ದ್ಂಡ್.

ಉರ್ವ ಠಾಣೆಡ್ ಐಪಿಸಿ 307 ತ್ತ ಪ್ರಕಾರ ಕೊಲೆಯತ್ನದ ಪ್ರಕರಣ ದಾಖಲಾತ್ಂಡ್. ಘಟನೆಗ್ ಸಂಬಂಧಿಸಾದ್ 324, 341 ಐಪಿಸಿ ಅಡಿಟ್ ಈ ದೂರ್ ಲ ದಾಖಲಾತ್ಂಡ್.