ರಟ್ಟಾಂಡ್ ಕಡಲ್ ಡ್ ನೀಂದೊಂದು ಬತ್ತಿನ ಬಂಗಾರ್ದ ತೇರ್ ದ ಗುಟ್ಟು
ಕೆಲ ದಿನತ್ತ ಪಿರವುದ ಪಾತೆರ. ಕಡಲ್ ದ ಅಲೆತ್ತ ನಡುಟ್ಟ್ ನೀಂದೊಂದು ಬತ್ತ್ಂಡ್ ಬಂಗಾರ್ ದ ತೇರ್. ಅಂಚ ತೇರ್ ನೀಂದೊಂದು ಬರ್ಪುನೆನ್ ನಮ ಪಿಚ್ಚರ್ ಡ್ ಮಾತ ತೂದಿಪ್ಪ. ಆಂಡ ಉಂದು ಪಿಚ್ಚರ್ ಅತ್ತ್. ನಿಜವಾದ್ ನಡತಿನ ಘಟನೆ. ಆಂಧ್ರಪ್ರದೇಶದ ಶ್ರೀಕಾಕುಳಂ ಜಿಲ್ಲೆದ ಸುನ್ನಾಪಲ್ಲಿದ ಕಡಲ್ ದ ದಡಟ್ಟ್ ಇಂಚ ಮಿಂದೊಂದ್ ಬತ್ತ್ಂಡ್ ಬಂಗಾರ್ ದ ತೇರ್.
ಅಸಾನಿ ಚಂಡಮಾರುತದ ರೌದ್ರಾವತಾರಗ್ ಕಡಲ್ ದ ಅಲೆ ಅಬ್ಬರಿಸಾವೊಂದ್ ಇತ್ತ್ಂಡ್. ಅವ್ವೆ ಕಡಲ್ ದ ನಡುಟ್ಟ್ ನೀಂದೊಂದು ಬತ್ತ್ಂಡ್ ಬಂಗಾರ್ ದ ತೇರ್. ಈ ತೇರ್ ದ ಬಗೆಟ್ಟ್ ಮಸ್ತ್ ಕಥೆಕುಲು ಪುಟ್ಟ್ ದ್ ಇತ್ತ್ಂಡ್. ಈ ತೇರ್ ಬತ್ತಿನ ಒಲ್ಪರ್ದ್..? ಈಡೆಗ್ ದಾಯೆ ಬತ್ತ್ಂಡ್.. ಉಂದೆನ್ ಏರಾಂಡಲ ಉದ್ದೇಶ ಪೂರ್ವಕವಾದ್ ಕಡಪಾದೆರ ಪನ್ಪಿನ ಪತ್ತ್ ಪ್ರಶ್ನೆಲು ಪುಟ್ಟ್ ದಿತ್ತ್ಂಡ್.
ಈ ತೇರ್ ನೀಂದೊಂದು ಬತ್ತಿನ ರೀತಿ ತೂಂಡ ಮಸ್ತ್ ಅನುಮಾನಲು ಮನಸ್ಸ್ ಗ್ ಬರ್ಪುಂಡ್. ಕಾರಣ ಈ ತೇರ್ ನ್ ಖಾಲಿ ಡ್ರಮ್ಮ್ ನ್ ಸೇರ್ಸಾದ್ ತೆಪ್ಪದ ರೀತಿಡ್ ಮಲ್ತ್ ದ್, ಆಯಿತ್ತ ಮಿತ್ತ್ ತೇರ್ ನ್ ನೀಂದೊಂದು ಇಪ್ಪುಲೆಕ್ಕ ಮಲ್ತ್ ದೆರ್. ಈ ರಥತ್ತ ಕಂಬಿದ ಮಿತ್ತ್ 16-01-2022 ಪಂದ್ ಬರೆತ್ತೆರ್. ಉಂದೆನ್ ಪೂರ ತೂಂಡ ಏರ ಉಂದೆನ್ ಉದ್ದೇಶಪೂರ್ವಕವಾದ್ ಮಲ್ತ್ ದೆರ್ ಪಂದ್ ಏನ್ನೊಂದ್ ಉಂಡು.
ಉಂದು ಬಂಗಾರ್ ದ ತೇರ್ ಅತ್ತ್. ಸ್ಟೀಲ್ ಲೋಹದ ತೇರ್ ಉಂದಾದಿತ್ತ್ ದ್, ಗೋಲ್ಡ್ ಕಲರ್ ನ್ ಪಾಡ್ದೆರ್ ಪಂದ್ ಶ್ರೀಕಾಕುಳಂ ಜಿಲ್ಲೆದ ತೆಕ್ಕಲಿದ ಇನ್ ಪೆಕ್ಟರ್ ಈ ಬಗೆಟ್ಟ್ ಮಾಹಿತಿನ್ ಕೊರ್ತೆರ್. ಉಂದು ಥೈಲಾಂಡ್ ಅತ್ತ್ಂಡ ಮಯನ್ಮಾರ್ ರ್ದ್ ನೀಂದೊಂದು ಬತ್ತ್ ದ್ಂಡ್ ಪನ್ಪಿನ ಸಾಧ್ಯತೆ ಉಂಡು.
