Manjanna Seva Brigad

ಬಡಪತ್ತ್ ದ ರಡ್ಡ್ ಕುಟುಮದಕ್ಲೆಗ್ ಪನವುದ ಸಕಾಯ ಮಲ್ತಿನ ಮಂಜಣ್ಣ ಸೇವಾ ಬ್ರಿಗೇಡ್

ಸುರತ್ಕಲ್: ಬಡಪತ್ತ್ ದ ರಡ್ಡ್ ಕುಟುಮದಕ್ಲೆಲೆಗ್ ಮಂಜಣ್ಣ ಸೇವಾ ಬ್ರಿಗೇಡ್ ಕೂಟದಕುಲು ಪಣವುದ ಸಕಾಯನ್ ಮಲ್ತೆರ್.

ಕುಪ್ಪೆಪದವುಡು ರಡ್ಡ್ ಕಣ್ಣ್ ಕಳೆಯೊಂದು ಬಂಗದ ಜೀವನ ಮಲ್ತೊಂದಿಪ್ಪುನ ರಾಜೀವ ಕುಲಾಲ್ ಕುಟುಂಬಗ್ 25,000 ರೂ. ಅಂಚನೆ ಗಾಡಿರ್ದ್ ಬೂರ್ದು ಚಿಕಿತ್ಸೆ ಪಡೆವೊಂದಿತ್ತಿನ ಉರ್ವಸ್ಟೋರ್‌ದ ನಿಶಾನ್ ಮೆರೆಗ್ 25,000 ರೂ. ಪನವುದ ಸಕಾಯನ್ ಮಂಜಣ್ಣ ಸೇವಾ ಬ್ರಿಗೇಡ್ ಕೂಟದಕುಲು ಮಲ್ತೆರ್.

ಪೆರಿಯೆರಾಯಿನ ಕಡಂಬಿಲ ಪ್ರಭಾಕರ್ ಶೆಟ್ಟಿ ಮೇರ್ ಮೊಕ್ಲೆಗ್ ಪನವುದ ಚೆಕ್ ಪಟ್ಟಿಯೆರ್. ಈ ಪೊರ್ತುಡು ಗೆಳೆಯರ ಬಳಗ ಸುರತ್ಕಲ್ ಕೂಟದ ಪ್ರಮುಖೆರ್ ನಾಗೇಶ್ ಪೂಜಾರಿ ಬೊಕ್ಕ ತಿಲಕ್ ಶೆಟ್ಟಿ ಆಕಾಶ್ ಭವನ ಮಂಜಣ್ಣ ಸೇವಾ ಬ್ರಿಗೇಡ್ ಪ್ರಮುಖೆರ್ ವಸಂತ್ ಹೊಸಬೆಟ್ಟು, ಪ್ರಮೋದ್ ಶೆಟ್ಟಿ, ಬಜರಂಗದಳ ಪ್ರಮುಖೆರ್ ಸುನೀಲ್ ತೋಕೂರು, ರಮಾನಾಥ್  ಕೋಡಿಕೆರೆ ಬೊಕ್ಕ ನಾಗೇಶ್ ಶೆಟ್ಟಿ ತೋಕೂರು, ತಾರನಾಥ್ ಶೆಟ್ಟಿ, ಕೋಡಿಕೆರೆ ಶಿವಾಜಿ ಫ್ರೆಂಡ್ಸ್ ಅಧ್ಯಕ್ಷೆರ್ ನಿತಿನ್ ಬಂಗೇರ ಅಂಚನೆ ಸಂಸ್ಥೆದ ಪದುಕೆರ್ ಲೇಸ್‌ಡ್ ಇತ್ತೆರ್.