Mangalore Udupi Sulya

ಕುಕ್ಕೆ: ಸರ್ಪಸಂಸ್ಕಾರ ಸೇರಿನಂಚ ಮಾತಾ ಸೇವೆಗ್ಲಾ ಅವಕಾಶ

Sep 23, 2021

ಸುಬ್ರಹ್ಮಣ್ಯ: ಯಾತ್ರಾಕ್ಷೇತ್ರ ಕುಕ್ಕೆ ಸುಬ್ರಹ್ಮಣ್ಯ ದೇವಸ್ಥಾನಡ್ ಸರ್ಪಸಂಸ್ಕಾರ, ಆಶ್ಲೇಷ ಬಲಿ ಸೇರಿನಂಚ ಮಾತಾ ಸೇವೆಗ್ಲ ನಿಗದಿತ ಸಂಖ್ಯೆಡ್ ನಡಪಾಯೆರೆ ಬೊಕ್ಕ ಕೋವಿಡ್‌ ಮುಂಜಾಗ್ರತೆದೊಟ್ಟುಗು ಭಕ್ತೆರ್ನ ಮುಕ್ತ ಪ್ರವೇಶಗ್ ಅನುಮತಿ ಕೊರ್ದು ದಕ್ಷಿಣ ಕನ್ನಡ ಜಿಲ್ಲಾಧಿಕಾರಿ ಆದೇಶ ಕೊರ್ತೆರ್ .

ದಿನಕ್ 100 ಸರ್ಪ ಸಂಸ್ಕಾರ, 20 ನಾಗಪ್ರತಿಷ್ಠೆ, 4 ಪಂಚಾಮೃತ ಅಭಿಷೇಕಗ್ ಅವಕಾಶ ಕೊರ್ತೆರ್ . ಪ್ರತಿ ಸೇವೆಡ್ ರಡ್ಡ್ ಜನಕ್ ಪಾಲ್ ಪಡೆಯೆರೆ ಅವಕಾಶ ಕೊರ್ತೆರ್ .

ಕಾರ್ಲ ಯುವ ಬಂಟರ ಸಂಘರ್ದ್ 1.25 ಲಕ್ಷ ರೂ. ವಿದ್ಯಾರ್ಥಿ ವೇತನ

Sep 22, 2021

ಕಾರ್ಲ : ಕಾರ್ಲ, ಹೆಬ್ರಿ ಪೇಂಟೆದ ಬಂಟ ಸಮುದಾಯದ ಪ್ರತಿಭಾನ್ವಿತ ಜೋಕ್ಲೆಗ್ ಸೆ. 19ಗ್ ಸವಿತಾ ಹೊಟೇಲ್ ಸಭಾಂಗಣಡ್ ವಿದ್ಯಾರ್ಥಿ ವೇತನ ಕೊರಿಯೆರ್ . ಅಶೋಕ್ ಅಡ್ಯಂತಾಯ ಲೇಸ್ ಉದಿಪನ ಮಲ್ತೆರ್ . ಬೇತೆ ಬೇತೆ ತರಗತಿದ ಪ್ರತಿಭಾನ್ವಿತ 80 ಜೋಕ್ಲೆಗ್ 1.25 ಲಕ್ಷ ರೂ. ವಿದ್ಯಾರ್ಥಿ ವೇತನ ಕೊರಿಯೆರ್ . ಸುರೇಂದ್ರ ಶೆಟ್ಟಿ, ಸಂದೀಪ್ ಶೆಟ್ಟಿ ಸಾಣೂರು, ಶ್ಯಾಮ್ ಶೆಟ್ಟಿ ನಲ್ಲೂರು, ಉದ್ಯಮಿ ಶಿವಣ್ಣ ಶೆಟ್ಟಿ, ಸುನೀತಾ ಸಿರಿಯಣ್ಣ ಶೆಟ್ಟಿ, ರಾಕೇಶ್ ಶೆಟ್ಟಿ ಪಾಲ್ ಪಡೆದಿತ್ತೆರ್ . ಯುವ ಬಂಟರ ಸಂಘದ ಅಧ್ಯಕ್ಷ ಅವಿನಾಶ್ ಜಿ. ಶೆಟ್ಟಿ ಗುರ್ಕಾರ್ಮೆ ವಹಿಸ್ ದಿತ್ತೆರ್ .

ಪುರಸಭೆತ ನೂತನ ನಾಮನಿರ್ದೇಶಿತ ಸದಸ್ಯರಾದ್ ಆಯ್ಕೆಯಾಯಿನ ಅವಿನಾಶ್ ಶೆಟ್ಟಿ ಬೊಕ್ಕ ಕರ್ನಾಟಕ ಕ್ವಾರಿ ಓನರ್ಸ್ ಅಸೋಸಿಯೇಷನ್ ಗುರ್ಕಾರ್ಲಾದ್ ಆಯ್ಕೆಯಾಯಿನ ರವೀಂದ್ರಶೆಟ್ಟಿ ಬಜಗೋಳಿ ಮೆಕ್ಲೆಗ್ ಮಾನದಿಗೆ ಮಲ್ತೆರ್ . ಮುಟ್ಟುಪಾಡಿ ಸುಹಾಸ್ ಶೆಟ್ಟಿ ಲೇಸ್ ನಡಪಾದ್ ಕೊರಿಯೆರ್ .

ಹೆಬ್ರಿ: ಲಾರಿ – ಬೈಕ್ ಡಿಕ್ಕಿ; ಗಾಡಿ ಬುಡೊಂದು ಇತ್ತಿನಾಯೆ ಅಲ್ಪನೇ ಕಾಲಿ

Sep 17, 2021

ಹೆಬ್ರಿ: ಬೈಕ್ ಸವಾರೆ ಒರಿ ಅಪಾಯಕಾರಿ ತಿರುವುಡು ಲಾರಿನ್ ಓವರ್ ಟೇಕ್ ಮಲ್ಪರೆ ಪೋದು ಎದುರುರ್ದು ಬರೊಂದು ಇತ್ತಿನ ನನೊಂಜಿ ಲಾರಿಗ್ ಡಿಕ್ಕಿಯಾದ್ ಪಿರವುಡು ಬರೊಂದು ಇತ್ತಿನ ಲಾರಿದಡಿ ಬೂರ್ದು ಜಾಗೆಡೆ ತೀರ್ ಪೋಯಿನ ದಾರುಣ ಘಟನೆ ಹೆಬ್ರಿ ಪೇಂಟೆದ ವರಂಗ ಪನ್ಪಿನ ಜಾಗೆಡ್ ನಡತುಂಡು .

ಸಾಗರ ತಾಲೂಕುದ ಸಿರದಂಗೂರು ಗ್ರಾಮದ ನಿವಾಸಿಯಾಯಿನ ಜಿನದತ್ತ ಜೈನ್ (42) ಪನ್ಪಿನರ್ ತೀರ್ ಪೋಯಿನ ದುರ್ದೈವಿ.

ತುಲು ಬಾಸೆನ್ ರಾಜ್ಯದ ಅಧಿಕೃತ ಬಾಸೆ ಮಲ್ಪರೆ ಸಚಿವೆರೆಗ್ ಬಿನ್ನಾಪು

Aug 6, 2021

ಒಡಿಪು : ಒಡಿಪು ಉಸ್ತುವಾರಿ ಸಚಿವೆರ್ ಆಯಿನ ಸುನಿಲ್ ಕುಮಾರ್ ಮೆರೆಗ್ ತುಲು ಬಾಸೆನ್ ರಾಜ್ಯದ ಅಧಿಕೃತ ಮಲ್ಪರೆಗ್ ವಿಧಾನಸಭೆಟ್ ಸ್ವರ ದೆಪ್ಪೊಡು ಪನ್ಪಿನ ಮನವಿದ ಒಟ್ಟುಗು ತುಲು ಬಾಸೆದ ಪುಸ್ತಕನ್ ಕೊರ್ದು ಎಡ್ಡೆಪ್ಪುಲು ಬಯಕಿನ ಪೊರ್ತು.

ಈ ಪೊರ್ತುಡು ಜೈ ತುಲುನಾಡ್ (ರಿ) ದ ಪ್ರಧಾನ ಸಂಘಟನಾ ಕಾರ್ಯಂತೆರ್ ರವಿಚಂದ್ರ ಕಾರ್ಲ ಬೊಕ್ಕ ಪದುಕೆರಾಯಿನ ವಿಶು ಶ್ರೀಕೆರ, ಶೇಖರ್ ಶ್ರೀಗಂಗೆ, ಸುದರ್ಶನ್ ಬಾರಡಿ, ಪ್ರಸಾದ್, ತುಳು ಪಾತೆರ್ಗ ತುಳು ಒರಿಪಾಗ (ರಿ.) ಕುಡ್ಲ – ದುಬೈ ಉಂದೆತ್ತ ಪದುಕೆರ್ ಸುಧೀರ್, ತುಲುನಾಡ್ ಒಕ್ಕೂಟ ಕಾರ್ಲ ಎಗ್ಗೆದ ಗುರ್ಕಾರ್ಲು ವಿನಯ್ ಒತ್ತುಪಾಲ್‌ಡಿತ್ತೆರ್.