ತುಳುನಾಡ್ಡ್ ಆಟಿ ಸೋಣ ತಿಂಗೊಲು ತುಳುವೆರ್ನ ಸುಖ ದುಃಖದಸೂಚಕ : ಗೋಪಾಲಕೃಷ್ಣ ವಾಂತಿಚ್ಚಾಲು
ಕಾಸ್ರೋಡು : ಜೈ ತುಳುನಾಡ್ (ರಿ) ಸಂಘಟನೆದ ಕಾಸ್ರೋಡು ಘಟಕರ್ದ್ ಅಟ್ಟನೆ ಮಲ್ದಿನ ಆಟಿದ ಕೂಟ ಪನ್ಪಿನ ಆನೈಲೈನ್ ಲೇಸ್ ಡ್ ಇಸೇಸ ಉಪನ್ಯಾಸಕೇರಾದ್ ಪಾಲ್ ಪಡೆಯಿನ ಪ್ರಮುಖ ದೈವರಾದನೆದ ಚಿಂತಕೆರಾಯಿನ ಗೋಪಾಲಕೃಷ್ಣ ವಾಂತಿಚ್ಚಾಲು ಮೇರ್ ಲೇಸ್ ಡ್ ತುಳುನಾಡ್ದ ತುಳುವೆರ್ ವಿಶೇಷ ರೀತಿಡ್ ಆಚರಣೆ ಮಲ್ಪುನ ಆಟಿ ತಿಂಗೊಲ್ ದ ಲೇಸ್ ದ ಬಗ್ಗೆ ಪಾತೆರೊಂದು ಆಟಿ ಪನ್ಪಿನವು ತುಳುವೆರ್ನ ಆಚರಣೆ ಅತ್ತ್ ಅವು ತುಳುವೆರ್ನ ಸಂಸ್ಕೃತಿ . ಪಿರಾಕ್ದ ಕಾಲೊಡು ಭೂಮಿಗ್ ಅತೀವೃಷ್ಟಿ ಬೊಕ್ಕ ಸಂಕಷ್ಟದ ಪೊರ್ತು ಪಂಡ ಅವು ಆಟಿ ತಿಂಗೊಲು. ಐರ್ದಾವರ ತುಲುವೆರ್ ಬಾರಿ ಬಂಗ ಬೊಕ್ಕ ಕಷ್ಟಕರ ಪೊರ್ತುಡು ಬಡವು ಮಾಜಾಯೆರೆ ಕೆಲವೊಂಜಿ ತಪ್ಪು ,ಫಲ ವಸ್ತುಲೆನ್ ತಿನೊಂದು ಬಡವು ಮಾಜಾವೊಂದು ಇತ್ತೆರ್. ಅಂಚನೇ ಐಟ್ ಮರ್ದ್ದ ಗುನೊಕ್ಲೆನ್ ನಾಡ್ ಪತ್ತೊಂದು ಇತ್ತೆರ್. ಇತ್ತೆ ನರಮಾನಿ ಆಡಂಬರ ಬೊಕ್ಕ ವೈಜ್ಞಾನಿಕ ಯುಗೊಟು ಜೀವನ ನಡಪಾವೊಂದು ಉಪ್ಪುನಗ ,ಪ್ರಕೃತಿನ್ ನಾಶ ಮಲ್ಪುವೆ ದುಂಬು ಪ್ರಕೃತಿನ್ ಗಲಸೊಂದು ನಾಡ್ ಗ್ ಬತ್ತಿನ ಬಂದ ಸಂಕಷ್ಟನ್ ಉಂತಾವೊಂದು ಇತ್ತೆರ್ .ಅಂಚನೇ ಆಟಿ ತಿಂಗೊಲ್ ದ ವಿಶೇಷ ,ಕೆಲವು ಆಚರಣಾ ಪದ್ದತಿದ ಬಗ್ಗೆ ಬಾರಿ ಪೊರ್ಲುಡೆ ಉಪನ್ಯಾಸನ್ ಕೊರ್ದು ಸೇರ್ದಿನಕ್ಲೆಗ್ ಮಸ್ತ್ ವಿಷಯನ್ ತೆರಿಪಾದ್ ಕೊರಿಯೆರ್.
ಗೂಗಲ್ ಮೀಟ್ ಡ್ ನಡತಿನ ಲೇಸ್ ಡ್ ಶ್ರೀಮತಿ ಲಕ್ಷೀ ಗೋಪಾಲ ಗುಂಡಿಬೈಲ್ ಮೆರ್ನ ಆಟಿ ಕಲೆಂಜ ಪಾಡ್ದನದೊಟ್ಟುಗು ಉದಿಪನ ಆಂಡ್ . ತುಳು ಸಾಹಿತಿ ಬೊಕ್ಕ ಜೈತುಳುನಾಡ್ (ರಿ) ಕಾಸ್ರೋಡು ಘಟಕ ಸದಸ್ಯೆ ಕುಶಲಾಕ್ಷಿ ವಿ ಕುಲಾಲ್ ಮೇರ್ ಆಟಿ ತಿಂಗೊಲ್ ದ ತೆನಸ್ ಬೊಕ್ಕ ಕೆಲವೊಂಜಿ ಮರ್ದ್ದ ಬಗ್ಗೆ ಮಾಹಿತಿ ಕೊರಿಯೆರ್ . ಲೇಸ್ ದ ಅಧ್ಯಕ್ಷೆರಾದ್ ಘಟಕದ ಗುರ್ಕಾರ್ಲಾಯಿನ ಹರಿಕಾಂತ್ ಸಾಲ್ಯಾನ್ ಕಾಸರಗೋಡು ಪಾತೆರ್ದ್ ಆಟಿ ತಿಂಗೊಲ್ ತುಳುವೆರ್ನ ನಂಬಿಕೆ ಆಚಾರದ ಬಗ್ಗೆ ಪಾತೆರಿಯೆರ್ .
ಪ್ರಶ್ನೊತ್ತರವಾದ್ ಸೇರ್ದಿನ ಬಿನ್ನೆರೆ ಲೇಸ್ದ ಬಗೆಟ್ ಎಡ್ಡೆಪ್ಪುದ ಪಾತೆರನ್ ಪಟ್ಟೊಂಡೆರ್. ಊರ ಪರವೂರುರ್ದು ಬಿನ್ನೆರ್ ಪಾಲ್ ಪಡೆದ್ ಲೇಸ್ ನ್ ಬಾರಿ ಪೊರ್ಲುಡೆ ನಡಪಾದ್ ಕೊರಿಯೆರ್. ಈ ಲೇಸ್ ನ್ ಘಟಕದ ಸದಸ್ಯೆ ಬೊಕ್ಕ ಯುವ ತುಳು ಸಾಹಿತಿ ರಾಜ ಶ್ರೀ ಟಿ ರೈ ಪೆರ್ಲ ಬಾರಿ ಪೊರ್ಲುಡೆ ಲೇಸ್ ನಡಪಾದ್ ಕೊರಿಯೆರ್. ಘಟಕದ ಕಾರ್ಯoತೆರ್ ಆಯಿನ ಕಾರ್ತಿಕ್ ಪೆರ್ಲ ಎದುಕೊಂಡೆರ್ ಘಟಕದ ಒತ್ತು ಗುರ್ಕಾರ್ಲಾಯಿನ ವಿನೋದ ಪ್ರಸಾದ್ ರೈ ಕಾರಿಂಜೆ ಸೊಲ್ಮೆ ಸಂದೈತ ಮಲ್ತೆರ್.