Baliyendra pooje

ಕಾಪು: ಕಂಡೊಗ್ ತುಡರ್ ಬೊಲ್ಪು ದೀಯರೆ ಪೊಯಿನಾಯೆಗ್ ಇಸ ಜಂತು ಚುಚ್ಚ್ ದ್ ತೀರ್ ಪೋಯಿನ ಜವನ್ಯೆ

ಕಾಪು: ತುಡರ ಪರ್ಬೊಗು ತುಡರ್ ದ ಬೊಲ್ಪುನ್ ದೀಯರೆ ಕಂಡಗ್ ಪೋಯಿನ ಜವನ್ಯೆಗ್ ಇಸತ್ತ ಉಚ್ಚು ಚುಚ್ಚ್ ದ್ ತೀರ್ ಪೋಯಿನ ಘಟನೆ ಕಾಪುಡ್ ಶುಕ್ರಾರ ನಡತ್ ದ್ಂಡ್.

ಕಾಪು ಕಲ್ಯದ ರೋಹಿತ್ ಕುಮಾರ್ (26) ತೀರ್ ಪೋಯಿನಾರ್.

ಗುರುವಾರ ರಾತ್ರೆ ಬಲೀಂದ್ರ ಪೂಜೆದ ಪ್ರಯುಕ್ತ ಕಂಡೊಗ್ ಪೋಯಿನ ರೋಹಿತ್ ಕುಮಾರ್ ಗ್ ಇಸತ್ತ್ ಉಚ್ಚು ಚುಚ್ಚ್ ದ್ಂಡ್. ಅಪಗನೆ ಆರೆನ್ ಪಂಡಿತೆರ್ನ ಮರ್ದ್ ದ ಕೈತಲ್ ಕೊನದಿತ್ತೆರ್. ಆಂಡ ಶುಕ್ರಾರ ಮಸ್ತ್ ಹುಷಾರ್ ಇಜ್ಜಂದೆ ಅರೆನ್ ಮಣಿಪಾಲದ ಆಸ್ಪತ್ರೆಗ್ ಕೊನದಿತ್ತೆರ್. ಅಲ್ಪ ಚಿಕಿತ್ಸೆ ಸರಿ ಆವಂದೇ ತೀರ್ ಪೋತೆರ್. ಕಾಪು ಪೊಲೀಸ್ ಠಾಣೆಡ್ ಈ ಪ್ರಕರಣ ದಾಖಲಾತ್ಂಡ್.