ಉಚ್ಚಯ : ಲೆಪ್ಪೋಲೆ

ಬಾಚಕೆರೆ ದೇವಸ್ಥಾನ ಬ್ರಹ್ಮಕಲಶ ಉಚ್ಚಯ : ಲೆಪ್ಪೋಲೆ ಬುಡುಗಡೆ ಮಲ್ತಿನ ಡಾ.ವಿರೇಂದ್ರ ಹೆಗ್ಡೆರ್

ಬಂಟ್ವಾಳ: ಪೊಸತಾದ್ ನಿರ್ಮಾಣ ಆವೊಂದು ಉಪ್ಪುನ ಮಣಿನಾಲ್ಕೂರು ಗ್ರಾಮದ ಬಾಚಕೆರೆ ಶ್ರೀ ದುರ್ಗಾಪರಮೇಶ್ವರಿ ದೇವಲ್ಯ ಸರಪಾಡಿ ಮುಲ್ತ ಬ್ರಹ್ಮಕಲಶ ಉಚ್ಚಯ ಮಾ.22 ರ್ದ್ ಮಾ.28 ಮುಟ ನಡಪೆರೆ ಉಂಡು , ಲೇಸ್ ದ ಲೆಪ್ಪೋಲೆ ನ್ ಶ್ರೀ ಕ್ಷೇತ್ರ ಧರ್ಮಸ್ಥಳದ ಧರ್ಮಾಧಿಕಾರಿ ಡಾ. ಡಿ. ವೀರೇಂದ್ರ ಹೆಗ್ಡೆರ್ ಗುರುವಾರ ಬುಡುಗಡೆ ಮಲ್ತೆರ್ .

ಈ ಪೊರ್ತುಡು ಶ್ರೀ ಧಾಮ ಮಾಣಿಲದ ಶ್ರೀ ಮೋಹನದಾಸ ಪರಮಹಂಸ ಸ್ವಾಮೀಜಿ, ಬ್ರಹ್ಮಕಲಶ ಉಚ್ಚಯ ಸಮಿತಿದ ಗುರ್ಕಾರ್ಲಾಯಿನ ಸಂಜೀವ ಪೂಜಾರಿ ಗುರುಕೃಪಾ, ಜೀರ್ಣೋದ್ಧಾರ ಸಮಿತಿ ಉಪಾಧ್ಯಕ್ಷ ಪುರುಷೋತ್ತಮ ಪೂಜಾರಿ ಮೊಗರುಮಜಲು, ಪ್ರ. ಕಾರ್ಯದರ್ಶಿ ಸರಪಾಡಿ ಅಶೋಕ ಶೆಟ್ಟಿ, ಬ್ರಹ್ಮಕಲಶ ಉಚ್ಚಯ ಸಮಿತಿದ ಉಪಾಧ್ಯಕ್ಷ ಶಿವರಾಮ ಶೆಟ್ಟಿ ದೋಟ, ಆನಂದ ಪೂಜಾರಿ ಹಲ್ಲಂಗಾರು, ಕಾರ್ಯದರ್ಶಿ ಕಿಶೋರ್ ಪೂಜಾರಿ ಹಟದಡ್ಕ, ಕೋಶಾಧಿಕಾರಿ ಸುಂದರ ಬಾಚಕೆರೆ, ಹೊರೆ ಕಾಣಿಕೆ ಸಮಿತಿ ಸಹ ಸಂಚಾಲಕ ಪುರುಷೋತ್ತಮ ಕಾಯರ್‌ಪಲ್ಕೆ ಪಾಲ್ ಪಡೆದಿತ್ತೆರ್ .