ಆರ್.ಜೆ ರಚನಾ

ಬೆಂಗ್ಳೂರು: ತಿಗಲೆ ಬೇನೆರ್ದ್ ತೀರ್ ಪೋಯಿನ ಆರ್.ಜೆ ರಚನಾ

ಬೆಂಗ್ಳೂರು : ಎಫ್.ಎಂ. ಕೇನುನಕ್ಲೆನ ಪ್ರೀತಿದ ಆರ್.ಜೆ., ನಟಿ ರಚನಾ ತಿಗಲೆ ಬೇನೆರ್ದ್ ದೇವೆರೆ ಪಾದೊ ಸೇರ್ಯೆರ್ . ರೇಡಿಯೋ ಜಾಕಿಯಾದ್ ರಚನಾ ರೇಡಿಯೋ ಮಿರ್ಚಿಡ್ ಬೇಲೆ ಮಲ್ತೊಂದು ಇತ್ತೆರ್ . ತನ್ನ ಪೊರ್ಲುದ ಸೊರೊಟು ಅವ್ವೆತೋ ಜನಕ್ಲೆನ ಮನ ಗೆಂದ್ ದಿತ್ತೆರ್ . ಇಂಚ ಬೇಲೆ ಮಲ್ತ್ ಬೇಲೆ ಬುಡ್ದು ಇಲ್ಲಡ್ ಕುಲ್ದಿನ ಮೇರ್ ಡಿಪ್ರೆಷನ್ ಡ್ ಇತ್ತೆರ್ . ಉಂದುವೇ ಕಾರಣೋರ್ದು ಮಾನಸಿಕ ಒತ್ತಡ ಆದ್ ಇನಿ ತೀರ್ ಪೋಯೆರ್ ಪಂದ್ ಮಾಹಿತಿ ತೆರಿದ್ ಬೈದುಂಡು.

ಬೆಂಗ್ಳೂರುದ ಜೆ.ಪಿ.ನಗರದ ಅಪಾರ್ಟ್ ಮೆಂಟ್ ಡ್ ಇತ್ತಿನ ಖ್ಯಾತ ರೆಡಿಯೋ ಜಾಕಿ ರಚನಾ ಮೆರೆಗ್ ಕಾರ್ಡಿಯಾಕ್ ಅರೆಸ್ಟ್ ಆಗದ್ ಹೃದಯಾಘಾತ ಆದ್ ತೀರ್ ಪೋಯೆರ್ ಪಂದ್ ತೆರಿದ್ ಬೈದುಂಡು.

ರೆಡಿಯೋ ಸಿಟಿ, ರೇಡಿಯೋ ಮಿರ್ಚಿ ಇಂಚಿನ ಎಫ್ ಎಂಡ್ ಆರ್.ಜೆ. ಆದ್ ಬೇಲೆ ಮಲ್ತಿನ ರಚನಾ, ರಕ್ಷಿತ್ ಶೆಟ್ಟಿ ಅಭಿನಯದ ಸಿಂಪಲ್ ಆಗಿ ಒಂದ್ ಲವ್ ಸ್ಟೋರಿ ಚಿತ್ರಡ್ ಲಾ ಅಭಿನಯ ಮಲ್ತ್ ಇತ್ತೆರ್