ಮನಸ್ದ

ಮುಗ್ಧ ಮನಸ್ದ ಜೋಕ್ಲೆನ 3ನೇ ವರ್ಷದ ಗಣೇಶ ಉಚ್ಚಯ

Sep 13, 2021

ಕುಡ್ಲ : ಗಣೇಶ ಉಚ್ಚಯನ್ ದೇಶ, ವಿದೇಶಡ್ ಬಾರಿ ಮಲ್ಲ ಪರ್ವ ಆದ್ ಗೌಜಿಡ್ ಆಚರಣೆ ಮಲ್ಪುವೆರ್ . ಅವ್ವೆತೋ ಭಕ್ತೆರ್ ಸೇರ್ದ್ ಸಮಿತಿನ್ ರಚನೆ ಮಲ್ತ್ ಶ್ರೀ ಗಣೇಶ ಉಚ್ಚಯನ್ ನಡಪಾವೆರ್ . ಕುಡ್ಲ ಸೇರಿನoಚ ಅವ್ವೆತೋ ಜಿಲ್ಲೆಡ್ ಶ್ರೀ ಗಣೇಶ ಉಚ್ಚಯನ್ ಗೌಜಿಡ್ ನಡಪಾವೊಂದು ಬೈದೆರ್ . ಕರಿನ ರಡ್ಡ್ ವರ್ಷಡ್ ಕೋವಿಡ್ ಸೀಕ್ ದ ಕಾರಣರ್ದ್ ಕಮ್ಮಿ ಜನ ಸೇರೊಂದು ಸರಳವಾದ್ ಆಚರಣೆ ಮಲ್ಪುನ ಪದ್ಧತಿ ಸುರು ಆತುಂಡು.

ಆಂಡ ಇತ್ತೆ ನಮ ತೂಪಿನ ಚೌತಿ ಉಚ್ಚಯ ಒಂತೆ ಇಸೇಸ ದಾಯೆoದ್ ಕೇಂಡ,ಉಂದು ಮುಗ್ಧ ಮಮನಸ್ ದ ಜೋಕ್ಲೆನ ಗಣೇಶ ಉಚ್ಚಯ ಮುಲ್ಪದ ಪೂಜೆ ಅಕ್ಲೆನೆರ್ದೇ, ಸಮಿತಿಲ ಅಕ್ಲೆನನೇ, ಮುಲ್ಪ ಗೌಜಿ ಇಜ್ಜಿನ್ಡಲಾ ವಿಶೇಷತೆ ಉಂಡು ಅಂದ್,ಕುಡ್ಲದ ಕಣ್ಣೂರುದ 3ನೇ ವರ್ಷದ ಬಾಲ ಶ್ರೀ ಗಣೇಶ ಉಚ್ಚಯ . ಒಟ್ಟು ಏಳ್ ಜನ ಜೋಕುಲು ಸೇರೊಂದು ತನ್ನನೇ ಆಯಿನ ಕೂಟ ಕಟ್ಟೊಂದು ಕರಿನ 3 ವರ್ಷರ್ದ್ ಚೌತಿ ನಡಪಾವೊಂದು ಬರೊಂದು ಉಲ್ಲೆರ್.

ಪೃಥ್ವಿ ರಾಜ್ ಕಂಬ್ಲಕೊಡಿ, ಲಿಖಿತ್ ಕಂಬ್ಲಕೊಡಿ, ಅರ್ಪಿತ್ ಬಲ್ಲೂರು, ಅಥಿತ್ ಬಲ್ಲೂರು , ಭವಿಷ್ ಕಂಬ್ಲಕೊಡಿ, ಜ್ಯೋತಿಷ್ ಬಲ್ಲೂರು, ವರ್ಷಿತ್ ಕಂಬ್ಲಕೊಡಿ , ರಿಶನ್ ಬಲ್ಲೂರು, ಚಿರಾಗ್ ಕೊಡಕ್ಕಲ್ ಪನ್ಪಿನ ಈ ಜೋಕುಲೆ ಈ ಉಚ್ಚಯದ ರೂವಾರಿಲು . ರಡ್ಡ್ ಜೋಕುಲು ಸೇರೊಂದು ಗಣಪತಿ ಪ್ರತಿಷ್ಠಾಪನೆ ಮಲ್ತ್ ಸುರು ಮಲ್ತೆರ್ . ಐರ್ದ್ ಬೊಕ್ಕ ಈ ಬಗ್ಗೆ ಕೈತಲ್ ದ ಬನತ ಭಟ್ರೇಡ ಕೇನ್ನಗ ಮೂಜಿ ವರ್ಷ ಒಂಜಿ ದಿನತ ಗಣಪತಿ ಪ್ರತಿಷ್ಠಾಪನೆ ಮಲ್ತ್ ಪೂಜೆ ಮಲ್ಪುಲೇ ಪಂದ್ ಇತ್ತೆರ್ . ಅಂಚನೇ ಇತ್ತೆ ಮಲ್ಲಕ್ಲೆನ ಸಾಕರಡ್ ನಡಪಾವೊಂದು ಬರೊಂದು ಉಲ್ಲೆರ್.

ಗಣಪತಿ ವಿಗ್ರಹದ ವಿಸರ್ಜನೆ ಮಲ್ಪರೆ ಇಸೇಸವಾಯಿನ ನಾಲ್ ಚಕ್ರದ ಗಾಡಿಡ್ ಮೆಕುಲು ಮಲ್ದೆರ್ . ಕೈತಲ್ ದ ಶ್ರೀ ಸಾರ್ವಜನಿಕ ಗಣೇಶ ಉಚ್ಚಯ ಸಮಿತಿ ಕಣ್ಣೂರು ಮುಲ್ಪದ ವಿಸರ್ಜನಾ ಶೋಭಾಯಾತ್ರೆ ಮುಗಿನ ಕೂಡ್ಲೆ ಈ ಕಿನ್ಯ ಗಣಪತಿನ ವಿಸರ್ಜನೆ ನಡಪುಂಡು.

ಆನಿ ಕಾಂಡೆ ಉಪಹಾರ, ಮಧ್ಯಾಹ್ನ ವನಸ್ ದ ವ್ಯವಸ್ಥೆನ್ ಹಿರಿಯೆರ್ನ ಸಾಕರಡ್ ಮಲ್ದೆರ್ . ನನ ದುಂಬುಲ ಒಂಜಿ ದಿನತ ಕಾರ್ಯಕ್ರಮವಾದ್ ನಡಪಾವುನ ಯೋಜನೆ ಮಲ್ದೆರ್ .

ಮನಸ್ದ ಏಕಾಗ್ರತೆಗ್ ಭಕ್ತಿ ಗೀತೆ :ಚಾರುಕೀರ್ತಿ ಭಟ್ಟಾರಕ ಪಂಡಿತಾಚರ್ಯವರ್ಯ ಮಹಾಸ್ವಾಮಿ

Aug 25, 2021

ಕುಡ್ಲ : ತುಳುನಾಡ್ದ ರಾಜಧಾನಿ ಬಾರ್ಕೂರ್ದ ಅಳುಪ ವಂಶಸ್ತೆರ್ನ ಇಲ್ಲದಾರ್ ಆಯಿನ ಕುಂದಾಪುರ ತಾಲೂಕುದ ಕಾಲ್ತೋಡು ಗ್ರಾಮದ ಬೋಳಂಬಳ್ಳಿ ವನಿತಾ ಧರ್ಮರಾಜ್ ಮೇರ್ ಪಾರ್ಶ್ಶ್ವನಾಥ ಸ್ವಾಮಿ, ಪದ್ಮಾವತಿ ಅಪ್ಪೆನ ಭಕ್ತಿ ಗೀತೆ “ಅಕ್ಷಯ ಆತ್ಮ ಗುಣ ಕೀರ್ತನ ”ಪನ್ಪಿನ ಕೃತಿನ್ ಮೂಡಬಿದಿರೆದ ಜೈನ ಮಠಟ್ ಚಾರುಕೀರ್ತಿ ಭಟ್ಟಾರಕ ಪಂಡಿತಾಚರ್ಯವರ್ಯ ಮೇರ್ ತನ್ನ ಉಡಲ್ ದ ಪಾತೆರ ದೊಟ್ಟುಗು ಲೋಕಗ್ ಬುಡುಗಡೆ ಮಲ್ತೆರ್.

ದೇವೆರೆ ಮಹಿಮೆನ್ ಕಾಲಿ ಉಡಲ್ಡ್ ದೀಪಿನೆ ಅತ್ತoದೆ ಆ ಗೇನನ್ ಲೋಕಗ್ ತೆರಿಪಾವೊಡು ಪನ್ಪಿ ನೆಲೆಟ್ಟ್ ಪದ್ಯ ರಚನೆ ಮಲ್ತ್ ಅವೆನ್ ಪತ್ತೇರ್ನ ಬಾಯಿಡ್ ಪನ್ಪಾವುನ ಬೇಲೆನ್ ಮಲ್ತೊಂದು ಉಲ್ಲೆರ್.ಪದ್ಯ ರಚನೆ ಮಲ್ಪುನವು ಅನಾಧಿಕಾಲೋರ್ದು ಜೈನ ಧಮರ್ಡ್ ನಡತೊಂದು ಬೈದಿನ ಒಂಜಿ ಧಾರ್ಮಿಕ ವ್ಯವಸ್ಥೆ ಪಂದ್ ಬೂಕು ಬುಡುಗಡೆ ಮಲ್ತಿನ ಮಹಾಸ್ವಾಮೀಜಿ ಪಂಡೆರ್ . ವನಿತಾ ಧರ್ಮರಾಜ್ ಆರ್ ಇತ್ತೆನೆ ಪಂಚಪರಮೇಷ್ಟಿ ಸ್ತುತಿಃ, ಸರಸ್ವತಿ ಸ್ತುತಿಃ, ಯಕ್ಷ ಧರನೀಂದ್ರ, ಯಕ್ಷಿ ಜ್ವಾಲಮಾಲಿನಿ,ಕೂಷ್ಮಾಂಡಿನಿ ಅಂಚನೇ ಅಪ್ಪೆ ಪದ್ಮವತಿ ದೇವಿ ಭಜನೆ ರಚನೆ ಮಲ್ದೆರ್. ಸ್ವಾಮೀಲು ಬೂಕು ಉದಿಪನದ ಪೊರ್ತುಡು ಬೆದ್ರ ಚೌಟರ ಅರಮನೆತ ಆದರ್ಶ್, ಅಕ್ಷತಾ,ಬೋಳಂಬಳ್ಳಿ ಧರ್ಮರಾಜ್, ಅವನಿ ಚೌಟರ ಅರಮನೆ ಮೊಕುಲು ಒಟ್ಟುಗಿತ್ತೆರ್.