ಫಂಗಸ್ ಪತ್ತೆ

ಒಡಿಪುಡು ರಡ್ಡ್ ಜನಕ್ ಬ್ಲಾಕ್ ಫಂಗಸ್ ಪತ್ತೆ

ಒಡಿಪು , ಮೇ 29: ಶುಕ್ರವಾರ ಪೆರ್ಡೂರುದ ರಡ್ಡ್ ಜನಕ್ ಪೊಸತ್ತ್ ಬ್ಲ್ಯಾಕ್ ಫಂಗಸ್ (ಕಪ್ಪು ಶಿಲೀಂದ್ರ) ಸೋಂಕು ಪತ್ತೆಯಾತುಂಡು . ನೆಟ್ಟ್ 53 ವರ್ಷದ ಆಂಜೊವುನು ಚಿಕಿತ್ಸೆ ಪಡೆಯೊಂದಿತ್ತಿನ ಮೆರೆನ್ ಒಡಿಪು ಡಾ.ಟಿಎಂಎ ಪೈ ಆಸ್ಪತ್ರೆರ್ದ್ ಮಣಿಪಾಲ ಕೆಎಂಸಿಗ್ ದಾಖಲ್ ಮಲ್ದೆರ್ . ನನೊರಿಯೆನ್ ಆದರ್ಶ ಆಸ್ಪತ್ರೆರ್ದ್ ಕುಡ್ಲದ ವೆನ್‌ಲಾಕ್ ಆಸ್ಪತ್ರೆಗ್ ವರ್ಗಾವಣೆ ಮಲ್ದೆರ್ ಪಂದ್ ಡಾ. ಸುಧೀರ್‌ ಚಂದ್ರ ಸೂಡ ತೆರಿಪಾದೆರ್ .

ಕುಡ್ಲಡ್ ಮೂಜಿ ಜನಕ್ ಬ್ಲಾಕ್ ಫಂಗಸ್ ಪತ್ತೆ

ಕುಡ್ಲ , ಮೇ 29: ಕುಡ್ಲಡ್ ಬ್ಲ್ಯಾಕ್ ಫಂಗಸ್ ಪ್ರಕರಣದ ಸಂಖ್ಯೆಡ್ ಕುಡ ಏರಿಕೆ ಆವೊಂದು ಉಂಡು , ಶುಕ್ರವಾರ 3 ಪ್ರಕರಣ ತೊಜಿದ್ ಬೈದುಂಡು. ನೆತ್ತೋಟ್ಟುಗು ಇತ್ತೆ ಮುಟ ಜಿಲ್ಲೆಡ್ 34 ಸಕ್ರಿಯ ಬ್ಲ್ಯಾಕ್ ಫಂಗಸ್ ಪ್ರಕರಣ ತೊಜಿದ್ ಬೈದುಂಡು.

ಶುಕ್ರವಾರ ಪತ್ತೆಯಾಯಿನ 3 ಪ್ರಕರಣದ ಪೈಕಿ ದ.ಕ. ಜಿಲ್ಲೆದ ಒರಿ ಬೊಕ್ಕ ಪಿದಾಯಿದ ರಡ್ಡ್ ಜನ ಸೇರ್ದೆರ್.ನೆಟ್ಟ್ ಒರಿ ಖಾಸಗಿ ಕುಡ ರಡ್ಡ್ ಜನ ವೆನ್ಲಾಕ್ ಆಸ್ಪತ್ತೆಡ್ ಮರ್ದ್ ಪಡೆಯೊಂದು ಉಲ್ಲೆರ್ ಪಂದ್ ಆರೋಗ್ಯಧಿಕಾರಿಲು ಮಾಹಿತಿ ತೆರಿಪಾದೆರ್.