ನೌಕರೆ

ಸಹಕಾರಿ ನೌಕರೆರೆನ್ ಫ್ರಂಟ್ ಲೈನ್ ವಾರಿಯರ್ಸ್ ಆದ್ ಘೋಷಣೆ ಮಲ್ಪರೆ ಮನವಿ

ಒಡಿಪು, ಮೇ 19: ಕೊರೋನದ ಸಂಕಷ್ಟದ ಪೊರ್ತುಡು ಸೇವೆ ಮಲ್ತೊಂದು ಉಪ್ಪುನ ಸಹಕಾರ ಸಂಘದ ನೌಕರೆರೆನ್ ಫ್ರಂಟ್‌ಲೈನ್ ವಾರಿಯರ್ಸ್ ಪಂದ್ ಪರಿಗಣಿಸಾವೊಡು ಅಂಚನೆ ಸುರುತ್ತ ಪ್ರಾಶಸ್ಯ ಕೊರ್ದು ವ್ಯಾಕ್ಸಿನೇಷನ್ ಬೊಕ್ಕ ವಿಮಾ ಭದ್ರತೆ ಕೊರೊಡು ಪಂದ್ ಸಂಬಂಧಪಟ್ಟಿನ ಸಚಿವೆರ್ , ಅಧಿಕಾರಿಲೆಗ್ ಒಡಿಪು ಜಿಲ್ಲಾ ಸಹಕಾರಿ ಯೂನಿಯನ್ ಗುರ್ಕಾರ್ಲು ಬೊಕ್ಕ ರಾಜ್ಯ ಸಹಕಾರ ಮಹಾಮಂಡಳದ ನಿರ್ದೇಶಕ ಜಯಕರ ಶೆಟ್ಟಿ ಇಂದ್ರಾಳಿ ಮನವಿ ಮಲ್ತೆರ್ .

ಒಡಿಪು ಜಲ್ಲೆದ ಸಮಸ್ತ ಸಹಕಾರಿಲೆನ ಪರವಾದ್ ಸಹಕಾರ ಸಚಿವ ಎಸ್. ಟಿ.ಸೋಮಶೇಖರ್, ಜಿಲ್ಲಾ ಉಸ್ತುವಾರಿ ಸಚಿವ ಬಸವರಾಜ ಬೊಮ್ಮಾಯಿ, ಕರ್ನಾಟಕ ರಾಜ್ಯ ಸಹಕಾರ ಮಹಾಮಂಡಳದ ಗುರ್ಕಾರ್ಲಾಯಿನ ಜಿ.ಟಿ.ದೇವೇಗೌಡ, ಒಡಿಪು ಶಾಸಕ ರಘುಪತಿ ಭಟ್, ದಕ್ಷಿಣ ಕನ್ನಡ ಜಿಲ್ಲಾ ಕೇಂದ್ರ ಸಹಕಾರಿ ಬ್ಯಾಂಕ್ ದ ಗುರ್ಕಾರ್ಲಾಯಿನ ಎಂ.ಎನ್.ರಾಜೇಂದ್ರಕುಮಾರ್, ಜಿಲ್ಲಾಧಿಕಾರಿ ಜಿ. ಜಗದೀಶ್ ಮೆಕ್ಲೆಗ್ ಬಿನ್ನಾಪು ಮಲ್ದೆರ್.